|
زوجتي عقدت حياتي ساعدوني
انا من اشهر وانا من اشد المتابعين ولهذا القسم بذات احاول واحرص على الاستفاده من مشاكل الاخرين وادعو لهم بالتوفيق اللي شجعني وبكل صراحه وانا في العمل الان زوجتي كاتبه موضوع في منتدى اخر مشابه لهذا المنتى لكن في الفكره لا في المضون ولا في الاعضاء يحرضون لا يساعدون في الحلول المشكله بعد ماطرحت المشكله اللي ما تتضمن الا اخطائي وتكرار محاولتي لتركهاا كل المنتى هاجمني واللي يدعي علي ولازم توقفينه عند حده وما يهددك انا بغيت احط رابط الموضوع بس ما حبيت اتسبب بمشاكل بين المنتديات طبعا يتمحور موضوعها في عدم احساسها بالامن والاستقرار معي من كثر ماهي مطلعه لي قروون والناس يقولون لها انتي لازم تستقرين وتبلغين اهلك بنويااه ماحد قال وش السبب اللي خلاك تحسين ان زوجك له نيه يفارق وجهك ماحد قال لازم يكون فيه سبب منك ولازم تتغيرين الكل يقول الله يعينك المهم انا مرتفع ضغطي وكل شوي مناديني الريس انا في الدوام الحين ابي اقولكم اهم المشاكل اللي اعانيها المشكله الرئيسيه كرهها لامي وكره امي لهاا والله اني احيانا افكر اهج من كثر الضغط لا والمصيبه ان انا في بيت مستقل وشلون لو انا عند اهلي كان انتحرت هذا امي طبعا غير خواتي بس خواتي مكبرين روسهم يحترموني ولا يجونها ولا يكلمونها ولا معبرينها مره وحده انقطاع تام فقط سلام وعليكم السلام ولا كن ادمي في البيت طبعا هي لها موضوع سابق في نفس المنتدى الخايس عن امي واشوى فيه كم رد قالو لاجل عين تكرم مدينه ولاجل زوجك اصبري وتحملي بس طبعا ولاهي مقتنعه تحاول احيانا تبين انها تضحي وتضغط على نفسها بس واضح كذب قلبها اسود على اهلي المشكله الثانيه انها دكتاتوريه وتسلطيه وما تعترف بقوامة الرجل وصوتها عالي وقليلة ادب واتفادى النقاش معهى لدرجه مره قلت لها انتي ملغيه من قاموسك سم لبيه ابشر ما يصير خاطرك الا طيب مو مره اكثر من مره ولا حيات لمن تنادي مصره على الوقاحه طبعا همها الوحيد الامور الدنيويه زينه سفر مناسبات مسايير وطلعات اذا مر كم يوم وما طلعت ممكن يصير مشاكل طبعا الكل يقول وش يصبرك عليها والله مصبرني شغلتين اهلها طيبين واحبهم وابوها عسل ويحترموني ويحبوني واحبهم حتى اذا جيت عندهم ارتاح طيبين مره والشغله الثانيه ارحمها واخاف اني اكون ضالمهاا طبعا سبق لي اني تركتها عند اهلها وذيل الكلب ما ينعدل ماكن شي تغير طبعا ابوها ابن حلال طيب وامها كذالك وياويل احد منهم يكلمها ويتدخل في حياتنا تاكل اهلها اكل والله تخوف اهلهاا تخوف اخوانهاا تقول نفس اسلوبها معي تصايح وتخلي اللي قدامها يدور الخلاص تفضحه واهم حكمه متمسكه فيها انطح الصياح بالصياح تسلم طبعا انا اذكر السلبيات وما ابي اضلمها لها ايجابيات وحسنات كثيره سامحوني على الاطاله والاخطاء وسوء التعبير |
اصبر اصبر اصبر اصصصصصصبر
وآخر شي ----------- لبيت اهلها وتزوج عليها ياخي العمر مرة وحدة عش حياتك يارجل وحده ماتحترم امي اوطاها امي ذي تفهم وش يعني امي هذي حتى اهلها ماتحترمهم وتهددهم وش هالحياه بالنسبة لي امي خط احمر وشكرا |
اسمع وانا اخوك كل هذا بسببك وسبب شخصيتك ولا العود من أول ركزة كل شيء إلا أمك وأكيد هذا الشيء ما جاء إلا من تساهلك وتدليعك لها إلين فشخت فوق راسك <<<< ------- معليش تحمل كلامي أنا ما أقولك لا تكرم الحرمة ولا تحطها بعيونك إلا بالعكس حطها فوق راسك واكرمها عزها لكن كل شيء إلا أمك ورفع الصوت عليك انتبه ثم انتبه ثم انتبه |
صديق الامل
ادري كلامك صح والله انك صادق شكرا على الرد |
اقتباس:
يبغالك تشد وترخي في اسلوب معاملتك لها وما أقول إلا الله يوفقكم دنيا وآخرة ويصلحك ويصلح زوجتك والله يجعلها هي زوجتك اللي في الدنيا والآخرة والله يرزقكم الفردوس الأعلى من الجنان أخوك عبدالله |
دام اهلها ناس طيبين ويحبونك
مالك إلا انك تواجهها قدامهم بكل اخطاءها وسلبياتها وطلباتك منها |
يا عريس والله ليتها على رفع الصوت العادي
والله يمكن الجيران يسمعون الحين طاح الفاس براس وش اسوي |
اخوي يا كريم
عندي سؤال س/ كم لك سنه متزوج ؟ |
يابكر الشايب
اقولك اهلها مالهم تاثير واستحي منهم |
3 سنوات
|
يا أخير كريم مستحيل ما يكون للاب تأثير على ابنته
السالفة مافيها حياء.. هذا حقك لا تتنازل عنه ! |
الفرس من خيالها , ومستحيل تتجرأ المرأة على زوجها الا وهي عارفه أنه ما يقدر على فراقها , ضعيف عنها
ولو أنها شعرت أنك تبيعها في أي لحظة كان تأدبت طبعا أن كانت تحبك فعلا .. عاملها بالهجران والتطنيش ولا تعطيها وجه , واتركها واهملها على الأقل شهر أو يزيد |
والله اكثر من مره قلت وكلمت
والله ترفع صوتها على امها وتقول انتي مالك دخل وتقول انتم تحبونه اكثر مني وانا بنتكم وتقعد تصيح وتسوي مشكله |
يا علو النفس
ادري اني من الاساس ماكنت ضابط الامور وجيت كلي وحبيت ما احسب التقدير والحب ينعكس ويقابل بلاسأه |
لو ماتدقق يكون افضل ..
ولا تقول ماتحب امي ومن الكلام لو سوت غلط فهمها وقولها ... احسن الظن فيها,, انت زوجها كون قدوتها حاول تكون لطيف المعشر,, |
معليش اخوي مبين من اسلوبك انك منت سهل وفيك حقك
مو لهدرجة طيب .. واهلك نفس الشي مو سهلين مو قصدي ادافع عن زوجتك لأن مالي مصلحة في الدفاع بس قصدي أن اثنينكم في طباعكم نوع من التشابه |
جزاك الله خير لمسه
|
هل بينكم عيال ؟
|
اقتباس:
وش تشوفين الحل |
اقتباس:
|
انت قلت انها اشتكت عليك في احدى المنتديات وعلى والدتك فما شكواها منك بالضبط ؟
|
طيب ممكن يا أخوي تعمل اقتباس من مشاركاتها الي في المنتدى الآخر
ونشوف شكواها |
صح ممكن تجيب اقتباس للشكـوى مثل ماقالت باريسا .! وننتظر ردك ! عندي كم نقطه بدي احكيها ~ |
خايف اتكلم وأظلم زوجتك لأني ما سمعت منها ذي ما سمعت منك .. ولأنها ذي ما قلت اشتكت عليك
ومشكلتك سهلة بس بدها منك انك تكون انسان حازم وحاسم .. أولاً.. بمعنى لو بدر منها ما بدر وأمامك زجرة واحدة منك بتغير فهمها عنك .. وعلى الرغم من أنها لم تتعود هذا الأسلوب منك لكنها سوف تعيد حساباتها ألف مرة.. ووضح لها بأن هذا الأسلوب لا يليق بإمراءة محترمة تريد الحفاظ على بيتها. وأخشى أن تكون زوجتك ترى فيك ذاك الانسان الضعيف المتهاون في حقه. ثانياً.. إجابة طلباتها على قدر أسلوبها معك (بمعنى اتعدلت اتعدل معاها .. لبي طلباتها .. ما اتعدلت طنش) ثالثاً.. لا تتهاون في حق من حقوقك وإذا أخطأت في حق والدتك تعتذر لها ولو كانت مكرهة. رابعاً.. علاقتك الطيبة مع أهلها لا تخسرها .. قربك منهم يعكس شخصية بنتهم السيئة. |
اذا هي معاملتها مع امها وتقولها مالك دخل اجل وشلون معاملتها مع امك .... مااقول الا الله يرحمنا ...
معليش ولو امك غلطت معقول بعد كل خواتك غلطوا عليها يعني كل اهلك غلط وهي الصح ....ولو كان هذا صحيح خلاص تعاملهم بالتي هي احسن سلام عليكم السلام وتطلع وخلاص عشانك وعشان ولدك .... انا لورجل بقول كل شي الامي اللي يكرمني يكرم امي والزوجه تتعوض لكن الام لا .... وان كانت امي سيئة مع زوجتي فاطلب من زوجتي تعاملها رسميا لكن بدون ماتتطاول عليها ابدا ... اما عاد السوالف الثانيه انها منكده حياتك وماتسمع كلامك وكذا ... فاخوي هذا شي راجع لك اذا انت راضي انها تصير دكتاتوريه وترفع صوتها عليك بكيفك .... لكن لومارضي لازم تعرف تروضها .... وشو اللي ماتعترف بالقوامه ... هذا شي مذكور في القران بكيفها هو ماتعترف ؟؟؟؟ وارجع واقولك انسخ مشكلتها وحطها لنا يمكن يتغي راينا ونشوف جوانب اخرى للمشكله لكن من جهة الوالده رايي ماراح يتغير ابدا ... |
اقتباس:
هذي مشكلتنا الان كارهه زوجي فوق هذا أفكر بطلاق وأفكر فيه قلبي عليه إذا تركته ارحمه وش بيصير عليه |
هل تتناول مانع للحمل يسبب العصبيه
وايضا كثر انواع الشوكولا ايضا تحس الوحده حالها معصبه |
ياأخوان الواحد مو على طول من ينزل مشكلته انتم تردون بأبيض وأسود
يعني افعل كذا ولاتفعل كذا الواجب التريث بالإجابة ماقال ارحمها واخاف اكون ضالمها الا اكيد هناك اشياء لم يقلها يراها حسنة فيها أخي الكريم ياليت تشرح وضعك بالضبط من اول الزواج الشئ الآخر سبب الكراهيه بينها وبين امك وخواتك مافي دخان بدون نار أيضآ أرى انها تحبك ولكن الشئ الذي اراه انكما كلاكما تفتقدون الى كيفية التعامل في الحياة الزوجية يعني يبي لكم دروس ودورات لكي كل واحد يفهم الطرف الآخر لاأستطيع الحكم لا عليك ولا عليها لأن كلامك غير وافي عنكما كلاكما فرج الله همك وأصلح حالك |
اخوي نبيك تجيب موضوع زوجتك اللي اشتكت فيه عليك
انسخ كلامها فقط ... لاتجيب الرابط لانه ممنوع هنا وحبيت اقترح عليك تخوفها بالزواج .. لان فيه عضو هنا جربها مع زوجته ونفعت كان تاركها عند اهلها ومايكلمها وقال لامه انا بتزوج وبروح اخطب اليوم .. راحت الام دقت على زوجته وحذرتها من كلام ولدها طبعا الزوجه خافت ودقت على زوجها يرجعها وتبكي تقول معقوله انت بتتزوج هذا اختصار للكلام .. هو ماكان ناوي يتزوج فقط يخوفها .. الحين ننتظر منك الاقتباس |
اخي
اعلم ان رفع صوتها ضعف في شخصيتها وانت شكلك بعد ترفع صوتك عليها وعلى الخلاف بينها وبين امك طنش الوضع اذا كنت تحبها يعني اسمع من اذنك اليسار وطلعه من اذنك اليمين بسرررعه عودها على التفاهم اذا شفتاها ترفع صوتها عليك اطلع من المكان اللي تكون موجوده فيه علشان مايتقابل النار بالنار واذا شفتاها هدت ارجع وتفاهم معها ... وشكلها من النوع الغيووووور وحسااااس |
الله يعطيكم العافيه
وما قصرتو في ردودكم وتفاعلكم مع موضوعي حاولت انسخ كلام كثير ومشتت وعلى موضوعين الموضوع الاول لها تشتكي من مضايقت امي لهاا وان امي مضيقه عليها وان امي تحرضني عليها خلت امي شيطان اكبر وضالمه والى اخره الموضوع الثاني انها ما تحس بستقرار بسب تحريض امي لي عليها وهذا ما تحس فيه والحقيقه انه بسبب سلوكها وانا قلت لها اكثر من مره اني ماني مرتاح في حياتي معك وانك نكديه وهذا بعد تراكم من تصرفتها الطائشه وهي تعتقد انها بريئه وان امي هي من تزرع هذا التفكير عندي |
أخوي اسمح لي .. ومثل ما قلت لك من البداية انت وزوجتك تتشابهون كثير
وبصراحة قليل أشوف اثنين متزوجين يتشابهون كثركم .. إذا تبي تحل مشكلتك مع زوجتك لازم توقف وقفه جدية مع نفسك زوجتك مراح تتغير إلا لما أنت تتغير لأنها تتخذك قدوة لها مو معقوله تسبها وتلعب فيها لعب وتبيها تسكت ويمكن تضربها بعد مو معقوله تروح عند أمك ولا تجي من عندها إلا أنت مولع ولا تبيها تشك في أمك شلون تبيها تحس بالأمان معك وهي تحس أن تصرفاتك وأفكارك ما تجي من راسك .. لا .. من أهلك شلون تبيها تعطيك وتصير حنونه معاك وهي تحس أن حياتها معاك على كف عفريت صدقني المرأة بحاجة ماسة للأمان النفسي مثل ما الرجل بحاجة لأستقرار النفسي المرأة بحاجة للرجل القوي الي تحتمي فيه والي تحس انه سد منيع أمام اي شخص يبي يأذيها لكن انت إذا فاتح الباب لكل من هب ودب يتدخل يقول ويسم بدنها بالكلام والنظرات والتلميحات شلون تبيها تعطيك شي .. شلون تبيها تحس بالأمان أجل ليش المرأة تتزوج ... الهدف الأول لأنها تبي رجل يحميها .. وما يحميها إلا القوي وزوجتك مش حاستك قوي عشان كذا اضطرت تدافع عن نفسها بنفسها وتفرد عظلاتها وتشمر عن مخالبها كل تصرفاتها وإن كانت تبدو سوء خلق إلا أنها في حقيقتها البعيدة دفاع عن الذات ولو شايفه من يحسسها بالامان كان استكانت لك أعطيها الأمان وراح تعطيك الحب أعطيها أحترام وتعطيك احترام وأول خطوة في هذا الطريق .. أنك تكون فعلاً انسان مستقل في ذاتك وفي قراراتك لا تخلي احد يشيشك على زوجتك ... لا تخلي أحد يدخل في حياتك لما أهلك يسألونك عن أحوالك مع زوجتك .. قل : الحمد لله بخير وبس ولا تزيد عن هالكلمتين.. مهما كان الي بينكم .. ولا تحكي لهم عن اي شي و بكذا تسد الطريق أمام كل من يبي يتدخل بينكم لما أمك توغر صدرك على زوجتك أكتف بالاستماع لها لكن لما ترجع للبيت ولا كأنك سمعت شيء وبكذا لما تعمل حاجز بين كلام أمك وبين تأثير كلامها على حياتكم مراح تحس زوجتك أن أمك تحرضك ولا راح تعتبرها شيطان .. حاول تقول لزوجتك أن أمك تذكرها بالخير وانها تحبها وقول حق أمك نفس الكلام ثنتينهم نساء ويجون بالكلمة الحلوة ـــ موضوع انها دكتاتورية .. يعني شخصيتها تسلطية وبعدين أنا ما أدري ايش قصدك ما تعترف بقوامة الرجل ... بس حابة أقولك شي المرأة إذا حبت الرجل ووثقت فيه مستحيل تكابر بالعكس تصير طوع أمره لأنها ما تبغي تفقدك .. بتصير بالنسبة لها شي ثمين أنا ما ادري ايش تفاصيل حياتكم .. بس انت أكيد ملاحظ أنها تسوي مثلك في اي شي جرب اللين قبل القسوة وراح تشوف اللين جرب تنطق الكلمة الحلوة قبل السيئة .. وبتشوف النتيجة جرب تبتسم لها وراح تقابلك بابتسامه مع الايام ومع احساسهابالاستقرار والأمان معك راح تتعدل سلوكها وأخلاقها ولا تعتقد أن الاحساس بالامان شي هامشي .. بالعكس عدم الشعور بالأمان يخلي الانسان ما يقدر يسيطر على نفسه ولا على تصرفاته وصدقني بتلاحظ شلون حتى كتاباتها تلين ويخف التشكي فيها أتمنى لك التوفيق |
مشكور اختي باريسا
والله يعطيك الف عافيه ويبارك فيك كلامك طيب وفيه الغلط وفيه الصح بالنسبه لاهلي ما يتكلمون فيها ولا هي اكبر همهم اذا جيتهم انا لو اجي من العمل ومتعكر مزاجي قالت جاي من اهلك واذا جيت مستانس تقول من وين جاي وانا جاي من اهلي المشكله ماهي اهلي وانا اخوك يوم تقولي كشفت عن مخالبها دفعا عن نفسها حتى مع اهلها والله نفس الاسلوب حتى ابوها يتفدا النقاش معها اذا بغت شي ينفذ خوفا من مطالبها وصيحها وحنتهاااا بتكرار بدون ملل بقلت ادب والله العضيم تصيح حتى على امهاا اذكر مره انرفزت امها على الاخر وجت ردة فعل من امها وضربتها وانا كنت عندهم في البيت قومت القيامه والله حتى امها ارتبكت وجت اعتذرت لي وقاعده تبرر لي الموقف قلت انتي امها وحنا عندكم وبنتك في بيتك وكلنا عيالك وانا عارف البير وغطاه والله حتى لو امي تسلطت عليها كله من قلت ادبها على امهااا الله يكون بالعون ان شاء الله |
هل لك منها أولاد ؟
|
أنت تقول إن أهلها ناس طيبين سؤالي أنت متزوج أهلها ولا هي :23:
ماحد يتحمل غلط غيره وبصراحه أهنيك على صبرك عليها لو أنا مكانك ما صبرت عليها شهر :) لأنه باختصار ممكن أتحمل كل شي إلا قلة الأدب تجاهي هالنقطه تخرجني عن طوري :24: الله يعينك عليها ويهديها |
يعني أنا أبي افهم هي طالعة سيئة الطباع على مين !!
اكيد في سبب أنا شفت بنات سيئات الأخلاق مع أمهاتهم ويصرخون عليهم شفت بعيني محد قالي .. عشان كذا أنا مصدقتك وانا شخصياً كل شي أتحمله إلا قلة الأدب وعدم الاحترام ورفع الصوت علي هذا الشيء يخلي دمي يغلي وتخليني أفكر شلون أادب الي يعمل معي كذا طيب اقترح عليك تجلس معها لما تكون هادئة وتقول لها .. أنا أتمنى تكون حياتنا هادئة ومافيها نكد وصراخ برايك شلون نوصل لهذا الشي لأن النكد والهم يقصر العمر ويجيب الأمراض ... ايش الشي الي انتي تعملينه والي انا أعمله عشان نوصل للنتيجة طيب .. هذا الخطوة تخلينا نعرف زوجتك شلون تفكر وايش هي اسباب تصرفاتها انتبه لردة فعلها وحركات وجهها واسلوبها في الكلام ونبرة صوتها .. ممكن تعمل هالشي أو غير ممكن |
باريسيـا انا اعـرف وحده قريبـه لي لاخواتها ولا اهلها ولا اي احـد بعايلتها قليل ادب ~ وهي جمعت كل قلة الأدب فيها .. احيانا احس انها تشبه زوجة اخـونا ( ياكريم ) فيـه ناس هيك طالعين الله يهديهم ~ والله ياااااااااااخوي الله يعينك .. انت علمنا وش بتسـوي !؟ وش الي ودك يصير !؟ مع هالـزوجه ؟! برأيـك وش الطريقه الي تحس انها راح تعقلها ! |
الله يعينك عليها ويصبرك هذا الي ابي اقولة بس
|
| الساعة الآن 10:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©