|
يا ازواج يا زوجات ساعدوني فقط بالاقناع وبالصدق!!!
السلام عليكم
اول مره بحياتي اكون متوتره نفسيأ نفسيأ والسبب سفر زوجي للخارج وبلاخص للبحرين ارجوكم هونوا علي بكلام صريح وأرشدوني للطريق الصح المهم انا مو مقتنعه لسفره للخارج مع اصدقائه السبب قلبي مو مرتاح ابدا ابدا مع انه ملتزم حافظ اجزاء من القران وووو....ولله الحمد واصدقائه لااعرف عنهم الا اشياء بسيطه انهم وسط لا التزام ولا لعب ناس جدا عاديين وهو قد سافر للبحرين قبل اسيؤع او اكثر للتعرف علئ الاماكن لانه اول مره يساااافر قلت له اني معارضه واني ابي اسافر قال هلمره رؤحتنا غير لانه علئ قؤلته انه بيرؤح هو وزملائه حمام مغربي اؤ حمام ماادري ايش قلت حلؤ والله قال لالا رجال ؤالله رجال وبس وقال انا وعد ابااخذك معي بلمره القادمه وهي بعد كم يؤم وانا عارضت وصحت ولكن يرد علي افا منتي ؤاثقه مني قلت مو سالفة واثقه انا بصراحه اغار عليك ابتسم وقلت بعد .............. واصلن انا خايفه عليك مو مرتاحه ابدا واخاف بعد انك تاخذها كل شؤي رؤحه للخارج واصلن انا ساكنه بلشرقيه وقريبه جدا من البحرين ياناس هل هذا الموضوع عادي او لا لان سفرته الاثنين وانا عايشه بهم وكدر واخاف علئ قؤلتهم يلعب بذيله صح ملتزم لكن الشيطان يلعب براس اي انسان كان .... وخايفه من اصدقائه يسحبؤنه لشيء والعياذبلله .. وهو قال ماابي ارؤح الا ؤانتي عني راااضيه؟؟؟ بلعربي هو رايح رايح هو يبيني اسكت ولا اسؤي مشاكل لاني قد سؤيت لهالسالفه قصه.. انا اتذكر احس سكين بقلبي ... ارجوكم هونوا علي الامر وعلموني وش اقؤل له من ناحية اني ماابيه كل شؤي ابرؤح. |
اختي همس
ليش تسيئين الظن بزوجك ؟ صح انه البحرين فيها الكثير من المغريات للشباب من ملاهي وخمارات ونساء وغيرها لكن ما خطر ببالك انه زوجك يمكن حاب يروح السينما مع الشباب أو فعلا يسوي مساج أو حتى واحد من خوياه عنده موعد طبيب مثل الريفي وغيره! يا اختي تعوذي من الشيطان ولا تفكري بسلبية تفائلي بالخير تجديه قوليله سافر والله يحفظك .. وذكريه "فقط تذكير" بأن يتق الله في كل خطوة يخطوها حفظه الله وابعد عنه اصحاب السوء |
عليك بالدعاء
اسمعي يا أختي أنا إمام مسجد واحفظ من القرآن 19 جزء وخلال السنة الماضية رحت للبحرين 7 مرات لكن أنا مزاجي مختلف ( أروح للسوق الشعبي حقهم) يعني لا تسوئين الظن دائما وادعيله بالتوفيق والمسلمين اجمعين |
اعوذ بالله من الشيطان الرجيم
انا ماني مسيئه الظن كليا لكن قلبي اعوذ بالله مو مرتاح ابدا لهل سفره ابدا اشكرك من كل قلبي ريحتني شؤي لكن اخاف يااخذها حلئ كل شهر يرؤح 4 او 5 او اكثر للدول المجاؤره بحجة اتعرف الاماكن. |
اقتباس:
الله يحفظه ويدله للخير ويستر عليك يا اخ العريس |
اقتباس:
استودعيه الله يا اختي والله يحفظه من كل شر وكذلك ربي يحفظه من الحرام |
اقتباس:
توني اشؤف ردك الباقي انا استعجلت بلرد الف شكر والله ارتاح قلبي كثثثثثثييييييييييييييييييييييييييييييييييييييييييي ر.... |
ليه انت خايفة كذا يا همس
الأمر تراه ما يستاهل كل هالتوتر العاقل عاقل والله لو تحطينه وين والخربان خربان لو تحطينه في صندوق أرجو انك فهمتيني |
اقتباس:
اللهم امين واعوذ بالله من الشيطان والف شكر ريحتوني شؤي الله يحقق امالك ومرادك |
اعتذر لكم لاني ابخرج الان
للصلاه وابدخل الليله بأذن الله ... لي سؤال هل لي حق بلخوف هذا او الرفض انه يكثر رؤحاته للخارج؟؟؟؟ ابي انا معه وهل معه الحق يرؤح للتعرف فقط ثم انا ارؤح معه فيما بعد. تحياتي لكم |
اقتباس:
لا وأزيدك من الشعر بيت أنا مالي مطلع الجواز سنتين من 2007 شهر9 ورحت لدبي مرتين والإسبوع الجاي ان شاء الله انا فيها وكذلك رحت لأسبانيا اسبوع وكذلك رحت لفرنسا يومين ورحت للبحرين 7 مرات وكل هالمرات ما راحت حرمتي معي لأن ظروفها في جميع الروحات ما كانت تسمح لها إلا في بعض الروحات لكن تكفين طمني قلبك ولا تحسبين كل من راح للخراج راح لخراب |
اقتباس:
وبصراحه انا فيني طبع اني ما احب اروح لمنطقة ومعي حرمة إلا وأنا عارف المنطقة زين يعني جيتها قبل |
اختي عادي لاتكبر الموضوع البحرين ابدا ماتخوف انا حرمه واحب اروح هناك ... موكل شي فيها شين بالعكس فيها مطاعم حلوة وسينمات وحمامات مغربيه وبخار وساونا طبعا للحريم منفصل وللرجال منفصل...
واذا انتي في الدمام فالروحه لهناك بسيطه تخيلي انا زوجي جوازة في السيارة من كثر مايروح .... والحمدلله واثقه فيه تمام الثقه ولاعمري فكرت فيه تفكير شين ابدا .... بس لما سافر مرة دوله مرة مرة بعيده في شرق اسيا هنا بالفعل مرة مرة تازمت وموعشان غيرة اوكذا لاوالله لكن انقهرت انه كان قاعد يقول ظروفي ومااقدر وماانقدر نسافر ولا ولا وفجأة طلعت له سفرة من تحت الارض وتجهز وراح وخلاني ... الله لايعيد ذيك السنه ... يعني انا كانت وجهة نظري اني مضغوطه معاك طول السنه ومقدرة ظروفك المفروض لماالله انعم عليك كان فكرت فيني واخذتني معك ... |
اقتباس:
اذا كنتوا تبون تعيشون عيشة سعيده حطوا ألف عذر لشريك حياتك لا تكونين كأنك مرور سري وكذلك نحن يا الرجال يجب علينا تقدير الحرمة خير تقدير ونحطها على روسنا لكن بحدود شرع الله |
الله يرزق ويحفظ لكل من رد
علي واراح قلبي المتردد والمتوتر والله اني صليت العصر ودعيت ان الله يطمن قلبي وان كان في خير بسفرته مع اصحابه ان الله يتممها وان كان شر ان الله يبعدها عنه والله العظيم اني قدمت القهوه العصر وسؤلفنا وقالي شكلي اببطل روحتي للسفر مع اصدقائي قلت ليش!!!!!!!!!!!!!!!!!!!!! قال مشؤار وتعب ابي انا وانتي بعد اسبؤعين وهو الان متردد والله يتمم له ان كانت خير ويبعد عنه كل سؤء. الف شكر الف شكر لكل من رد علئ موضوعي. تحياتي. |
الله يطمن قلبك ياا رب
استمري بالدعاء قولي اللهم استودعك قلبه .. واغريه بالسفر معك وقوليله شرايك نسوي برنامج انا وياك ونستكشف البحرين سوا خاطري بسينما ومن هالشغلات :) يا رب يبعد عنه اصحاب السوء |
بسم الله الرحمن الرحيم ...
بعد حمد الله عز وجل .. تعليق يصب في الموضوع ... كلمة ملتزم !! نضع تحتها ألف خط .. ونقول لنتجاوز تلك المسميات و الكلمات ولا نزكي على الله أحد فهو أجل و أعلم .. فنحن أولا مسلمين .. أما نسمي فئه على أنها كذا بكذا وتلك بالاخرى ونأتي بكلمة ملتزم .. فمن هو الملتزم !! ومن هو غير الملتزم !! وهل ورد فيها شيء من كتاب الله و سنة رسوله صلى الله عليه وسلم .. :: هذا و الامر الاخر .. يقولون لها أحسني الظن به ففيها دور سينما و نحوها !! ماشاء الله ..أهكذا تورد الأبل .. يأخوتي الأفاضل ... فلنرد ونرد ولكن فلنتقي الله عز وجل .. ولنسقط هذا الرد على الشريعه الاسلاميه .. فهل يعقل ان يكون الرد مخالف لها ونكتبه !! احسن الظن بكم وأمل ممن كتب السينما وغيرها أن يتحرى الدقه في كلامه ولا يدعوا لمنكر .. وليطلب تعديل مشاركته ،، من قبل الاداره .. :: أما للأخت السائله ... فأقول الفتن كفانا الله شرها في أي مكان نسأل الله العفو و العافيه .. ومع ذاك .. فإن الحل ... هو ان تتكلي على الله عز وجل وتدعي لزوجك بأن يحفظه الله من الفتن .. ولعل مضوع السفر ونحوه من الموضوعات التي لا أجد لها حلا .. فهو يريد أن يسافر وهي ترفض !! فأعانك الله .. هذا و الله المستعان .. |
بالعكس لاتظلميه اكيد ان صادق والدليل انه قالك هالشي قبل ما يسافر وانك راضيه عنه
|
اقتباس:
الصراحه مافهمت ليش مقتبس كلامي يعني انا صح وله غلط:):) |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©