|
ماهو رايكم بموقف زوجي اليوم؟
ببداء علطول
زوجي اختة الوحيدة زواجها بعد اسبوع وطبعا محتاجة سوق وكل يوم اقولة من قبل اسبوعين وانا كل يوم ازن علي راسة ابغي انزل السوق عشان اشتري لي شيء البسة طيب ولا في فايدة اليوم كلمت ام زوجي وقالتله نبغي ننزل السوق انا وخالتك قال اوكي شوي وانا جايك قلت حل عشان اروح معاهم الا يقولي وين وين خالتي احتمال تروح مع بناتها وامي ويمكن اختي بعد مافي مكان بالسيارة طيب ويش يكون موقف كل وحدةة ترد علي ايش بتسوي مع العلم خالتة عندها عيال وبناتها متزوجات ؟؟؟؟؟ كل وحدة تكتبلي ردة فعلها في الموقف مو اول مرة يصير االموقف ملاحظة عشان لا تقولوا ممكن مو متعمد |
اللي فهمته انه رفض يوديج السوق وبالمقابل اخذ امه وخالته وبناتها ووصلهم السوق
لا بصراحه بزعل اسبوع احن عليه ويطنشني ويروح يودي خالته وبناتها لا لا لا والف لا انا اولى بهالشي اكيد بزعل وبكره غصبن عنه يوديني السوق هذا رايي!! |
شكرا لكي اخت ناني
هو يقولي مو من حقك تزعلي ايش رايك |
من حقك تزعلين حبيبتي
لانك مسؤوله منه هو اللي لازم يوديك ويجيبك ويقضي احتاجاتك اما اذا قال انه يبي يعوضك ويوديك السوق عادي سامحيه اذا راضاك لان المساله مو مستاهله |
اختي مرروه
اهي الصراحه السالفه ماتستاهل انج تطرحيها فالمنتدى بس بما انك وثقتي فينا ، ابد ماراح نردك " سموحه لاتزعلي مني " لاني قاعده اقرا مصايب ومشاكل اكبر من كذي فهالمنتدى واذعي لربي انه يفرج هم كل مهموم فيهم امابخصوص زوجك فهو المسؤول عليك فكل شي من الاف الي الياء ، بس ابى اعرف ليش قاعد يسوي هالحركات:23: خايف انك تكلفي عليه بثمن وقدره ،،،، يفداك الغالي والرخيصوما يغلى عليك، مابيكون عندك اعراس اسبوعيا ، وفوق هذا كله اخنه الوحيده ، يعني المفروض يعطي لك اهتمام اكثر بما انك مرة اخوها ع العموم ظهري له زعلك وخليه يحس ان حركته ممو حلوه ابدآ، قدام اهله بما انه وداهم وانتي لا، بس لاتكبري الموضوع اكبر من حجمه لان مراده يوديك الحينه ولا بكره ، مو بكيفه:22: تقبلي مروري |
يعني شنو ؟ ما رح يوديك السوق بالمره يا مروة ؟
اصبري حبيبة قلبي .. سهالات يا اختي اكيد رح يوديك السوق ولا ما يبيك تروحين عرس اخته يعني ؟ طولي بالك شوي معليش هو مضغوط يمكن ما بين امه واخته والدنيا هذه كلها |
والله انتي ابخص الناس بزوجك وليش ما يبغى يوديك ما نقدر نحكم من وجه نظرك انتي بس ولى موقف زوجك يموووووووووووووت من القهر
|
والله قهر
بس استني كم يوم وكلمية مرة ثانية |
بصراحه اكيد حيتحرق دمي
شوفي التزمي الصمت وخليه يجي يصالحك ويوديكي بس حاولي تصغري الموضوع ممكن انحرج من امه وخالته |
اضحكي وفرفشي وادلعي عليه
وقولي له مبتسمه انت بريت امك واكرمت خالتك عشان خاطر عيون والدتك حماتي الغاليه وانا يا بعد عيني متى دوري في الذهاب الى السوق لان مش وقت الزعل وفرح اختو على الابواب لازم تكون النفسيه حلوه ومرحه ومش عاوزين يظهر على وجهك النكد او انك زعلانه قومي شكلو عاوز يتدلع زياده دلعيه وواسرقي منه المشوار للسوق خليه ياخذك وهو سعيد |
اخواتي زوجي ما عطاني غير الفين ريال حق كامل الزواج من الالف الي الياء يعني
الفستان والاكسسوارات والجزمة تكرموا والمكياج والتعديل حق يوم الفرح والي بعدة بتسوي حفلة بعد ويوم الحنا قبل الزواج يعني تتوقعون الفين تكفي لثلاثة ايام وامة عطاها اثنا عشر الف ريال ولما اقولة ما يكفي يقول ما عندي فحماتي بس اخدت ثوب العرس بالفين عشان كذا ما يبغاني اروح هم |
السلام عليكم
الموقف ليس بهذا السوء وأستغرب من الردود العصبية كأن كل أخت تريد أن تفرغ مافي داخلها هذا ليس أسلوب يعني لو تكلميه بأسبوي هادئ وليس وقت ما يرجع من خرجة اهله وتفتحي مشكله ببساطه ..هل تريدني أن احظر العرس ام لا (بأسلوب ضاحك وليس أستفزازي) وخلاص..فهميه أنكن معشر النساء تحتاجون لأشياء كثيرة والوقت يداهمك الخلاصة الموضوع ليس بهذا السوء |
أختي الفاضلة
تعقيب على ردك الفين ريال هي راتب لأسرة وستنفقينه في يوم أشتري على قد فلوسك وخلاص نصيحة مهمة جدا جدا ألاحظ كثرة مقارنتك لما يعمله لأهله و أمه أنس هذا الموضوع تماما لأنه سيجلب لك بغض زوجك له فأكثر ما يكرهه الرجل زوجه تقارن اعماله وهذه أمه لويعطيها بيتكم سيظل مقصر..فتنبهي لهذا وفقك الله |
الله يعينك .... no comment |
أنت سألتي وش راح يكون موقفكم..
أنا لو كنت مكانك.. إذا ماعندي أحد يوديني غيره.. أول شي أعلم أم زوجي واقولهه انه والله مدري وش فيه فلان مو موديني أجهز للعرس!!! طبعا موبتشكي.. لأ بسالفة يعني.. بعدين أقول لزوجي.. ياحبيبي ماباقي شي على العرس.. وأنت عارف أني ماشريت شي!! أنت بتوديني ولا لأ؟ لا تجيني بحزة الحزة وتقول يلا !!!! إذا مارحت للسوق ألحين لا تتوقع أني راح أحضر العرس.. إذا ما وداني للسوق ماراح أحضر العرس .. وبكيفه.. وأقول لأم زوجي أنه الظاهر ولدك مايبيني أحضر العرس.. من أسبوع وأنا أحن وأرن وهو موراضي.. واخلي السالفة براسها وبراس ولدها.. |
انتي اسأليه سؤال مباشر ... متى تذهب بي في نظرك..!!!
|
صارلي موقف مشابه وزعلت عليه
وقال لي بلبسك ذهب وتطلعين احسن منهم بعدين زعلني وقبل العرس بيومين وداني مع اهله وبعدين شريت وانا متضايقه وكنت ناويه ماحضر وقلت له اني مانيب حاضره ... بس صبر ولما قرب العرس وداني معهم انتي قولي له مشكوور ... اصلا انا ماراح ازعل عليك امك لازم تبر فيها اما حقي كزوجه بتنازل عنه وبسامحك ... انا اليوم كلمت اخوي وطلع ماعنده السياره وكلم السواق يجي يوديني قولي له بروح مع السواق لو قال لك ليش ماتصبرين قولي مايمديني.. وانا مابي اكلف عليك ... وبعدين ماعدت اوثق في كلامك كل يوم بكره....!! يلا اخليك بروح البس قبل يجي السواق وابتسمي له ...لاتبيني زعلك ابد ولاتقارني بين معاملته لغيرك يكرهك |
بصــــــى حبيبتى أولا الوقت ضيق جداااا بمعنى أصبح لايوجد وقت للشراء أصلا
بالأضافه إلى ان لو زعلتى الأن سيقول غارت من أمى أنتى كان المفروض تكونى قويه يعنى من اسبووووعين كان المفروض تقوليلى حبيبى خذنى للمكان الفلانى قالك لأ قولى مين بيودينى غيرك هى الست مالهاش غير جوزها اما الأن بعد ماحدث بجد لازززززززززم تزعلى انتى بشر وانا حاسه بيكى جدااااااااااا لذلك أكيد انتى حاسه بختناق أبكى واطلعى غيرى جو عند أهلك وانزلى مع أحد من أخواتك اشترى ودلعى نفسك وعايزاكى يوم الفرح تغطى على العروسه ويوم الفرح بعد ماترجعلى من السهرررررره أخذى حقك منك اى زجاجة عطر واكسريها فى راسه ولايهمك عاااايزاكى تطلعى كل اللى جواكى ولو زعلانه لسه أدبحيه وخلااااااااص وأهو ده أحسن حل ممكن يحسسك انك اخدتى حقك :d :d بس لو طلقك ماتقولى مصريه خربت بيتى:29: حبيبتى والله الرجاله دى بتقهر لكن نعمل ايه لازم نتحمل يلا حبيبتى روقى وفرفشى كده وتعالى على نفسك المره دى يمكن انتى من النوع اللى بيحب الشراء وخايف يخدك يدبس فى 20 ألف:) فعطاكى 2000 وقال تتصرف هى بقى :25: طبعا أنا لحد دلوقتى ماقولتلكيش لو مكانك كنت عملت ايه لأنى لو مكانك كنت اكيد زمااااانى بعيط على حالى وصعبان عليا نفسى :21: وكنت اكيد بردو هدخل المنتدى:30: |
شكرا لكم اخواني لحد الحين ما وداني السوق وقلت له بطلع السوق مع البيت طبعا رفض لان مايحب
اروح السوق مع احد وقالي انتي اجلسي في البيت رتبي البيت وانا باروح عند اهلي بارتب المور معاهم قلتله والسوق لمتا قال مو مشكلة بكرة بعدة لاحقين قتله بس مافي وقت اني الف واشوف قال الا يمدي وتركني وحدي وراح عند اهلة انا الي مزعلني منة انة دايما اذا عطاني فلوس يمن علي يعني يقولي عطيتك الفين ريال وطول الوقت يكررها علي كانة مان علي حتي اواخر رمضان عطاني الف ريال مقاطي العيد وجلس يعيرني فيها طول الوقت عطيتك الف لحد ما انفجرت بكا وقلت بارجعها له ولا احب احد يعيرني مع اني والله العظيم متساهلة معاه كثير لحد الحين تخيلوا سنتين من تزوجنا واخد مني بداية الزواج مبلغ 5 الاف والي الحين ما رجعة ولا سالت عنة بس اشوفة يعيرني انقهر يعني الفين الحين بتكفي والي متي بيوديني تعبت المشكلة ان اخت زوجي بتتزوج خالي يعني الزواج العروس والمعرس اقاربي |
إذا خالك تزوج أخته
دقي على خالك كل شوي و خليه يخلص مشاوريك ، عشان أخت زوجك تتصل على زوجك و اللي هو أخوها و تقول له ، خلص مشاوير زوجتك بدل ما كل شوي تدق و تاخد زوجي :D و وقتها زوجك بيخلص لك أشغالك :d تعلموا الشطارة :22::24: أمزح يا غالية ، بس قوليله في جلسة صفاء بينكم :) أكيييييييييييد إذا شافوني الناس في الزواج بيقولوا شوفوا زوجة فلان إيش لابسة و إيش زوجها ملبسها و وقتها بيسألك ، إيش بتلبسي ؟؟؟؟؟؟؟؟؟؟؟؟؟؟ قومي و طلعي له أي لبس ( بلدي و قديم ) من الدولاب و وريها له و كأنه من جد و وقتها بيقول لك قومي قومي عالسووووووووووق:11: |
ظحكتيني ياروح الطير
زوجي ما بخليني اروح معي اهلي كيف مع خالي بعد ما بيرضي اكيد زوجي عارف ان دولابي مافي فساتين حق عروس اصلا مافيها فايدة هالفكرة ومشكورة ومشكورين الاخوة الي ردوا قبلك |
اقتباس:
هو بس يبغى يخلص اهله ويجي معاك علشان يروق ويختار معاك في الفستان انتي تفاهمي معاه بهدوءءءء وقولي لي اهلك لو انت تنتظر يخلصون الاعراض ماراح يخلصون إلا بعد الزواج وهم كل شوي ذاكرين لهم غرض ا فيها شي انك تقول لهم اني اليوم مشغول وما اقدر اوديكم وتوديني وبعدين ياحبيبي عرس اختك وخالي يعني انا اللي بكون في الأنظار لأنهم كل الأثنين يقربون لي ترضى اني اروح للزواج وانا نفسيتي زفت منك اسمع ترى اذا ما وديتني بكره للسوق راح اتصل على اي احد يجي ياخذني لأنك مشغول ومنت فاضي لي و(تبويزه) موعصبيه ونرفزه ... واذا ما نفع معه اتصلي على خالتك وسولفي معاها على الزواج وقولي بسبيل السوالف والله يا خالتي اني ماشريت الفستان حتى هالحين كل ما قلت له قال أني مشغول ما أدري متى بيفضى لي؟؟ لاتقارنين بينك وبين أمه لأنك اذا قارنتي راح يكرهك بعدين وانتي قايله انها اخته الوحديه ويبغى امه تلبس احسن لبس وانتي عارف انك زوجته وتقدرين ماديته انتي اذا جاءت لك مناسبه قولي له من قبل ابغى مبلغ كذا وكذا واذا طلعتي انتي وياه للسوق وكنتم في الطريق بيني له انها يمكن ماتكفي الفلوس اللي عطيتاني اياها واشتري كل اللي بخاطرك فيه واذا خلصت فلوسك خليه هو اللي يدفع ... |
اهلا اختي المختار زوجي مو من النوع الي ياخد بالدلع والكلام هذا مايحب اسويله كذا
بس ان شاء الله هو وعدني اليوم بيوديني السوق وشكرا لكم كل الي رد علي وبالنسبة الي ام زوجي عمري ما قارنت روحي معاها لاني مستحيل اصف قدامها وهو دائما يقولي كل شيء ولا امي يرجى كتابة لفظ (إن شاء الله) كما بين قوسين و شكرا ..الاشراف |
ادلعي عليه
ااااااااااااااااااااااادلعي يا بنتي واتحركي انزلي فيه حركااااااات ووووووووووووو لحين يقول خلاص حقي برقبتي خليه هو ويستحمى وهو في المطبخ اذا ما عندكم اولاد وهو على الكمبيوتر انزلي فيه قبلات من رقبته وووووووووووو خليه يدوخ يا بنتي وقبل ما يتحرك خذي منه موعد للسوق وخليه هو اللي يدفع |
اختي قرين ههههههههههه ظحكتيني بهالجملة
وهو على الكمبيوتر انزلي فيه قبلات من رقبته وووووووووووو لان يكرة هذا الشيء زوجي موهو من النوع الرومنسيء ابد تخيلي يدفني يقول وخري عني فاظية والله ازعل بس اتعود علية خلاص ما يحب الرومنسية ابدااااااا يقول تعصبة |
اف طيب ما هي نقطة ضعفو
الله يعين في ناس تنفع معهم وناس لا آسفه نصيحتي ما نفعت |
شكلك طيبه بزياده ؟؟؟؟؟
|
هذي هي مشكلتي اني طيبة بزيادة والكل يقول كذا
وهذي نقطة ظعفي |
طيب حبيبتي ما دام ما تنفع معه الرومنسية والدلع،،
قومي بواجباتك المنزلية وما تكلميه ،،وبيني حزنك على للي سواه واذا سألك ردي بكل صراحة على تصرفه،،ما دام انه مو اول مرة يعني في شئ.. خليه يصارحك باي شئ،،والله يعينك ما تزعلي ترى الدنيا بلاوي واغلب الرجال كدا |
اقوله ابي اروح ... وازعل ... ويوديني بكره لاااااااااااااااااااازم
|
يقهر زوجك
لو اني محلك ماخليته يروح معهم الا وانا راكبه مع اخوي او خالي يعني اعانده اقول له ان مارحت اليوم ماراح اكلمك لانك مخليني اخر اهتماماتك وانا صارلي فتره احن على راسك يعني امك وخالتك لازم تبر فيهم بس ليش تطردني عشان البنات؟ بعدين تعالي؟ البنات يحلون له؟ كيف ترضين له يركبهم معه؟ قولي له دامك تركبهم معك ابركب مع عيال خوالي ....... قهر والله هالزوج يذبح يبي له قوه نفس شخصية زوجي زوجك احتمال انه شمالي |
انا اقول هوني الامور
وهو في الاخير بيوديك السوق ان شاء الله بس تلقيه مشغول مع اهله عشان العرس تر ى كل الرجال كذا الاهل في الدرجه الاولى والزوجه في الدرجه الثانيه بردي ولا تحرقين اعصابك وقري عليه سورة البقره يمكن الله يسخره لك |
| الساعة الآن 04:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©