|
متزوج من شهر ولم ارتاح لزوجتي وهي كذلك
السلام عليكم ورحمة الله وبركاته أخوني أفيدوني انا متزوج صار لي شهر والبنت كانت اختيار الوالدة الله يحفظنها ندخل في الموضوع انا ما ارتحت لها وهي هكذا الأسباب أنا ما هي إلي في بالي كل شيء كان في الخيال ما وجدت شيء يرضيني فيها وهي ما ارتاحت للوضع الجديد وتخاف وتبي اهلها والآن هي عند أهلها للدارسة هذا أحسن شي احس في صالحي وتكفون قولوا لي الحل انا مني مرتاح وش الحل |
ليه عنداهلها يعني زعلانه ولا بس مشان الدراسه؟
وكم عمرها؟ ايش الاسباب الي ماخلتك تتقبلها ؟ عموما انت توك عريس وشيل فكرة انها مش الي ببالك من بالك لازم تنسى وتكيف حالك معاها اذا ماتهتم بنفسها علمها ممكن تسير زوجتك احلى واجمل من الي ببالك اشتريلها ملابس وديهاالصالون تصبغ شعرها وبعدين هي ايش تدرس ترى الدراسه بتغير كثير وبتصبح شخصيتهاحلوه البنت حاسه انك ماتبها وهذا ماثر عليها حرام ايش ذنبها انا معاك الواحد يحلم وبعدين ينصدم بالواقع بس هذا نصيبك وقدرك وفيدك تخليه على هواك |
العذر الدراسة عشان تكمل بس وهي حاسه اني ماراح اجيبها واني مو راضي عنها وهي تقول انا ماارتحت ولا اصلحلك انت ماتستاهل انت طيب بس انا ينقصني كثير هذا اخرى شيء بيننا ماقدرت انسى وكيف حالي اقولك مو انثا توها بزر احس عمرها 22 المشكله لوها عن شعر ومكياج سكتنا بس المشكلا كلها ما فيه شيء يخضع اخليها
باقي لها سنه وتخرج من الجامعة وهم في ديره وانا في ديرة |
ما فهمت اوجه الاختلاف بينكما..
و شو للي ما عاجبك فيها؟؟ وليش هي عند اهلها للدراسة؟؟ وضح عن مشكلتك اكثر لنساعدك يا اخي.. والله الموفق |
الاختلاف مابيها وهي كذالك لان اهي ماتصلح تكون زوجه لي وانا انسان متفهم وصابر على حالتها من اسلوب ونقاش واشياء واشياء بس
الي مو عاجبني فيها كلها عند اهلها للدراسة هذا اتفاق بيننا الان اهلي وهلها يقولون معقوله هو جايبها كان اعتذرت يعني كلام بكلام وهم مايدرون وش السبب والنية |
لي ذنب بهذا الشي وكيف تكون النهاية طبعنا اهي من الاهل وانتم تعرفون زواج الاقارب والكلام
|
طيب انت صارحتها ولا لا؟؟
اذا كنت صارحتها،،شو كان جوابها و رأيها؟؟ الله يهديكم يا رب |
اكيد صارحتها وهي صارحتني لان كنا بعدين عن بعض ترى ماكنا متزوجين طالعين اخوان وهي متوقعا اي شي مني تقول ماحققت رضاك وتعبك هل اشيل كل الحمل علي انا
|
الحل والسبب عند اهلها واهلي الى متى ساكت سكت اليوم بكره ماذا اقول
|
يا اخي ليش ما تحاول تصلح للي ما عاجبك..يعني ممكن تصارحها بكذا وكذا..
انت قلت كلامها حركاتها ....جرب انك تعطيها فرصة تصلح من نفسها والله حرام البنت كمان مستسلمة وتقول الحق علي...والله لو كانت وحدة تانية كانت طلعت عينك،، انت ما لك ذنب ولا البنت الها ذنب..حرام تطلقها باول شهر،كل الناس راح تكتشف ان العيب منها.. جرب محاولة الاصلاح وبعدين قرر.. شو رأيك؟؟ |
ايه الحياة حلوة ......لكن يلزم شوي تنازل ..ومحاولات.....مشان تستمر ...................يعني هي البنت ما فيها شئ عجبك..... طب ليها تزوجتها طالما ما عجباتك........حرام مستقبل البنت...البنت شو ذنبها...مو اهلك الي راحوا خطبوها....وما اجت لحالها....يا اخي حاول ورد زوجتك...عسى تخلق بينكم مودة....... هي مو مناسبة ليك بطريقة تفكيرها ..او من ناحية امراة..........وزوجة وانت شو حابب تطلقها....ولا تحاول معها.......... ازعجاتك بشئ....هي..من كلامك باين عليها طيبة.......... حاول ولن تخسر...........انت بقالك شهر متزوج.....هي مدة قصيرة كثير للحكم |
هذا الي مخليني استحمل كلام الناس عليها مالها ذنب حرام والدراسه جات من صالحنا
انا صح قلت كلامها حركاتها واشياء ماتنقال احترام للكلام يعني شيء مفهوم بس مازلت امدح طيبتها بس فيه اشياء كثيرة ناقصه الله يعين ابي حلول قبل شيء يصير انا اثق بهذا المنتدى وابي الحل من الاعضاء وكبارهم سننا |
ما فهمت انا شو ناقص البنت البنت ما شاء الله مثقفة وتدرس ااما من ناحية امراة وزوجة....واناقتها..انوثتها...فهذا امر مقدور عليه وسهل تتقدر تغيرها لااحسن...........وتصير ما في مشكلة ان شاء الله |
آولآ آنت ليه مآكلمتهآ قبل مآتزوجهآ عشآن تشوف آذآ هي تنآسبك آو لآ
لآنه ذ1 زوآج الوآحد منا المفروض مآيآخذ شريك حيآته الآ بـ آقتنآع تآم . حرآم كذ1 بعد الزوآج تقول كل شي فيهآ مو عآجبك وربي حرآم لآنهآ هي المتضرر الوحيد من السآلفه هذه من جد شي يضيق الخ ـلق وهم البنت لهآ دور يعني المفروض مآتقولك هآلكلآم اقتباس:
حتىآ لو آنهآ مو نآقصهآ شي ولآ فيهآ آي عيب وتجي تقول هـ الكلآم .. بتدخل في رآسك هآلفكره ومع الوقت بتقتنع بـ الفعل آنهآ نآقصه ! لآكن بآين علىآ زوجتك آنهآ طيبه وعلىآ نيآتهآ الله يوفقكمـ .. حآول آنت تستوعبهآ ووتتقبلهآ .. |
تصبحون على خير انتظر الرد والحل
|
يا خوي نصيحتي لك بما انها باقي لها سنة في الجامعة تحملها هالسنة وجرب نفسك يمكن تتغير الامور للافضل
وفترة شهر غير كافية للحكم على بعضكم توكم قايلين بسم الله بعدين لو طلقتها الحين مو من صالحك راح تكون علامة استفهام عليك وراح تتعب في زواجك الثاني من اللي بيزوجك وان من طلق من شهر وبعدين اقاربك احشمهم ياخوك وخل هالسنة فرصة لكم الاثنين وتخيل ان اختك بيسوي بها زوجها مثل كذا ما راح تزعل زواج ما كمل شهر وينتهي بالطلاق تعوذ من الشيطان وكل اسبوع او اسبوعين رح لها وخذخ شقة مفروشة وعاش انت واياها صدقني راح تخش قلبك واذكر كلامي |
شوف اخوي ماجد واضح انو فيه شي بس ماتبغا تقول وشو بالضبط لكن السؤال يعني ماكان فيه فترة ملكه عرفتها فيها ؟وبعدين تقول بزر 22 مو بزر لكن انااقول انت انتبه من موضوع الحمل وجرب حياتك وشوف يعني شهر سريع انك تحكم الا اذا فيه شي واضح وبعدين هي تقول انا مااستاهلك ليش هي فيها عيب؟
|
يعني البنت شكلا مو عاجبتك؟؟صح؟؟ طيب هل كان في بالك احد معين قبل تتزوجها؟؟ يمكن الحين انت قاعد تسوي مقارنات.. وهذا ما ينفع لان كل شخص له شخصيته اللي ما تشبه احد.......... وش كنت تنتظر منها وما لقيته عندها؟؟ حدد المشكله علشان نقدر نتوصل لحل.. اسلوبها في الكلام.. اسلوبها في اللبس.. طريقتها في الحوار.. اهتمامها فيك.. مع العلم هذي توها عروس ما بعد شفت طباعها للحيين..لان بالبدايه حياء وخجل.. وتكون الوحده مو على طبيعتها.. |
أخوي ترى بنات الناس ماهي لعبة
وبعدين ترى في وقتنا هذا قليل من تكون مثلها وهي في مستوى تعليمي جامعي يعني في وقتنا هذا تجيك الوحدة فيها عيوب الله يعلم بها لكنها مستحيل تعترف وتطلع عيوب الدنيا في زوجها وزوجتك هنا بالعكس مطلعتك شئ كبير وهي مسيكينة ما تصلح لك وإذا المشكلة الشكل فهي لم تخلق نفسها وإذا على الإهتمام بنفسها علمها تدخل النت وراح تتغير كثير وبعدين والله اعلم انت محسسها إنها ناقصة من البداية عشان كذا المسيكينة رسخت الفكرة إن الزوج ما يحب اللي مثلها لنها ما لها خبرة في الرجال وأطباعهم صدقني احمد ربك واحسن لها وأحسن تعاملك معها وعزز ثقتها بنفسها راح تشوف شئ اكثر من اللي كنت تحلم به ولا تنسى كلام ربنا جل وعلا ((عسى ان تكرهوا شيئا ويجعل الله فيه خيرا كثيرا)) |
شو اللي يضمنلك انو الوالده الكريمه وقت ترجع تخطب لك وتزوجك وايضا تطلع ما هي اللي في بالك
والله انا مش عارفه كل البلاوي اللي تشوفوها نت وتلفزيون ووقت الزواج ما تشوفو العروس الا ليلة الفرح يمكن مع الايام تحبها مش ذنبها المسكينه اذا كانت ناصحه وديها تعمل رياضه وجيم وتنزل من وزنها المكياج والشعر مقدور عليه حنى لون العيون عندك عدسااااات اشكال والوان اهم شي الداخل ومن ثم مش من اول شهر تقول ما اتفقنا الزواج موده ورحمه انظر الى رب العالمين سبحانه وتعالى حرااااااااااااااام رح تصدمها وتعقدها |
أخي حاسه من كلامك وردودك للأعضاء أنك حاسم الموضوع ومنتهي . عندي سؤال لك .....يوم خطبت بنت الناس مانظرتها نظره شرعيه ، فترة الخطوبة والملكة ما تفجرت عنك هذه المشاعر النافره إلا بعد الزواج . أنت ترفضها شكلاً ومضموناً . فأذا كانت هذه حالك فأنا أعتقد أنك لن تستطيع الأستمرار ومهما جاءت ردود الأعضاء لن تغير الفكره التي شرحتها لنا وهي ثابته في عقلك . أعانك وأعانها الله |
انا حاسه من طريقه كلامك انه المشكله بالجنس والله اعلم
هي الخجل قاتلها وانت مو داري كيف تتصرف انتو الاثنين شكلكم مالكم خبره بالحياه الزوجيه اوبمعنى اصح لم تحصلو على الخبره بعد اخي العزيز قول مشكلتك بلا خجل ترى حنا لا نعرفكم ولا شايفينك علشان كذا قول شو المشكله بالظبط علشان نعرف نساعدك واكيد كثر مرو بحالتك باهلمنتدى خليك تعرف كيف تتصرف الله يختار لك الي فيه الخير في رعايه الله |
????
السلام عليكم ورحمة الله وبركاته,,,,
مرحبا يا اخوي, في الحقيقه الاخوه الاعظاء ما قصرو بس انا احب اقولك حاجه انت رحل والرجل لما يخطب من الرحال ويثقون فيه ويعطونه بنتهم لازم يكون قد الثقه مو يرجعها لهم بعد كم شهر مطلقه بدون عذر شرعي محد غصبك علي بنتهم ويكون بعلمك ترا رب العباد مايظرب في عصي والظلم ظلمات وحط نفسك مكان اخوها ولا ابوها مطلق بنتهم ليش عشاني مارتحت وحتي ما رتحت حقتك هذي ماني فاهمها البنت علي حسب ما انت ذكرت انها متعلمه وطيبه وخلوقه معاك يعني اذا شكلها ماعجبك كان فيه نضره شرعيه ليش ما طلبت انك تشوفها ,,شف يا اخوي بنات الناس مو لعبه نتزوجهم وثاني شهر نرجعهم البيت اهاليهم مطلقات, شف يا اخوي نصيحتي لك حافظ علي زوجتك وخلك رجل قد المسئوليه يعني اطرد فكرت الطلاق من راسك و وتمسك فيها وابعد وساويس الشيطان من راسك لا الله يعاقبك,, اسال الله ان يهديك ويعينك |
اعطيها فرصه للاصلاح
|
أصبر يأخ ماجد222 البنت شكلها غشيمه لسه وأعذرها الجو جديد عليها وبنات اليوم يبغلهم صبر ، وعلمها الحب
مايجي في يوم وليله وكيف تبغون الحب يجي وكل واحد منكم في جهه ،اصبر عليها ولا تستعجل وجيبها من عند هلها وخلي الايام تمر وحتشوف كيف بتصير تحبها والله الموفق...... |
يا سلاااااااااااااام صحيح مافي صبر ...
اهي لو مخسرتك ملايين كان عرفت شلون تقول ما ارتحت .. بس لأنها جايتك بسهولة وشكلك حتى المهر وتكاليف الزواج اهلك الي تكفلو فيه على طول كذا ما ارتحت وفي راسك ترجعها بعد شهر والله حتى لو بعد سنين تعور القلب يا أخوي تعوذ من ابليس .. واجلس فكر بعقل ... ترضاها على اختك يجي رجال ياخذها بكر ويرجعها بعد شهر عقب ما يقضي وطره منها ... وهي توها صغيرة وبعدين ما يفكر فيها إلا الشايب واللعاب والمعدد .. انا مش فاهمه ايش يعني ما ارتحت .. ايش الأشياء الي ما ارتحت لها فيه ؟؟ شكل .. اسلوب .. معاملة .. دلع .. عزل .. علاقة خاصة ؟؟ ايش الي نفرك منها ؟؟ شسالفة .. وليش انت مو صريح هالغموضو الي فيك دليل على عدم قدرتك على تشخيص مشكلتك وبالتالي طرحها وهذا دليل واسمح لي على عدم النضج .. ولا تعرف وش تبي بالضبط يعني حتى انت غير ناضج ولا تعرف شلون توصل للي تبيه مثل الرجال كل شي تبيه جاهز .. من الباب للمحراب ما تبي تتعب عشان تحصل على اللي تبيه وايش يعني ما تأقلمت مع الوضع الجديد .. انت السبب مكسرها ومخلي ثقتها في نسها صفر وين تتأقلم .. انت حتى ما عطيتها فرصة تحبك عشان تتحمل وتتأقلم يعني ابي افهم ايش الخيال الي كان براسك وبعد الزواج طحت على صخر شلخيال .. ايش كنت متوقع ولا شفته ؟؟ وبعدين لا تظلم بنت الناس المسكينة فوق العالم الجديد واحد يحطم فيها وانها مش محط حب أو إعجاب اي رجل هذي لو طلقتها مراح تتزوج ثانية لأن بصراحة اسلوبك سيئ معاها جداً وبعدين ايش ذنبها إذا أنت الرجال الي المفروض عندك جرئة المطالبة بحقوقك ما قدرت تتكلم وتقول ابي اشوف البنت قبل الزواج .. ابي اكلمها وقت الخطوبة .. ايش تبي البنت تسوي تجرك وتقول لك تعال شوفني .. تعال كلمني عشان تتأكد مني !! لا يكون بعد قلت لها في وجهها انا مش مرتاح معك ومو عاجبتني .. لا يكون ومو في خيالي عاد هذي حالة .. شهر بس وما ارتحت .. شي ينرفز والله لا حول ولا قوة إلا بالله عرفتوا ايش سبب ارتفاع معدلات الطلاق عدم الجدية .. وعدم الصبر .. عدم تحمل المسؤولية |
عرفتوا ايش سبب ارتفاع معدلات الطلاق
عدم الجدية .. وعدم الصبر .. عدم تحمل المسؤولية صدقتي اختي باريسا سلمت يداكاما انت اخي انا والله ماأدري اقول بعد الاعضاء ماقصرو معاك اطرح لنا مشكلتك بالضبط وحنا نساعدك يعني اي شئ يحدث في اول الزواج حله تروح عند اهلها ايش هذا الكلام يأخي اتق الله وتعوذ من ابليس اللذي لاطالما يريد ان يفرق بينكما بدون اسباب اي اسباب التي ذكرتتها كلها محتاجة حل ومحتاج انت وهي لثقافة عن الزواج وكيف الزوج يتعامل مع زوجته وكيف هي تتعامل معك الزواج صبر وتحمل |
الحمد لله على عظيم فضله وآلائه
أخي الكريم الفتاة مطيعة لك خاضعة لكلماتك تلكم نعمة من الباري جل في علاه الفتاة وهبتك نفسها .. وأصبحت طوع أمرك ورغباتك ليس هنالك أجمل من أن تكون لها المعلم والأستاذ علمها أبجديات الحب لقنها دروس الغرام لتكون لك كما تريد .. وكما ترغب وفي الغد القريــب ستــراهــا تلكم التلميـذة التي .. تفوقت على أستاذهـــا !! *** همســة .. نعمة كبيرة بين يديك .. فكن أهلاً لها .. *** وفقكما الله |
عااااااااااااادي ياخوي هذا شي طبيعي يمكن ما حبيت البنت وهي كذلك وحلووو انك اكتشفت الامر من ها الوقت
اذا انك تشوف حياتكم مع بعض صعبه من الحين فما بالك بعديييين انا شوري انك تستخير تقعد ع ذمتك او لا ع قولتهم النصيب قصر.... الله يوفقك لما فيه خيير لك ولها |
السلام عليكم اسمحلي يا أخوي ماجد أقول لك انت أكيد كنت متعرف قبل ع بنت و انت الحين قاعد تعمل مقرنات و الله وأعلم و عسى ان تكرهوا شيئا و هو خيرا لكم و ما عليك غير الصبر و فترة شهر وااااااايد صغير و مع الايام يتوضح لك شعورك من ناحيتها و موفقين إن شاء الله |
انا االلي فهمته انه شكلها مو عاجبك
وان جسمها مابلــــغ صح؟؟ انا عمري 22 وتزوجت 17 سنه و22 مو بزر .. المهم ... اذا تبي حلول قول اللي مو عاجبك وترى كل شي له حل حتى النضج ...ز واذا كانت ماتعرف بالرومنسيات والجنس من حقها وهذا يثبت برائتها وانها مالها علاقات سابقاُ يبي لها كم شهر 6 شهور وفوق حتى تتعلم لازم انت تعلمها .... ننتظر اجابتك ... لاننا مانعرف نحل المشكله وانت تكتب رؤوس اقلام فقط |
عادي اخوي مو بالضرورة ترتاحو لبعض من اولها
وتذكر ان لا تكره شيئا ممكن يكون الخير كله فيه مو بالضرورة ان تكون شريكة الحياة او شريك الحياة ان يطابقو احلامنا الوردية قبل الزواج فهي تريده الفارس على الحصان الابيض وهي يريدها ملكة الجمال الانثى الكاملة ولكن لا يوجد شيء كامل والكمال لله وحده اما عن تعودكم على بعض فهو ليس بالشيء السهل ان متزوجة من سنتان ونصف تقريبا وكنت على علاقة حب بزوجي 4 سنوات وخطبة سنتان وتقد ان تقول ان هذه الست سنوات قبل الزواج كنا طوال الوقت سوية اما على الهاتف او مع بعض وبعد الزواج تفاجات بطباع له وهو تفاجا بطباع لي واحتد المشاكل بيننا في بداية الزواج وصرت افكر وهو طبعا هل هذا معقول هل اختيارنا وبعد عشرة هذه السنين كان خطا كبير؟ ولكن قليلا قليلا اخذت طبعه واخذ طبعي والان والحمد لله متفاهمان وحياتنا هادئة ومستقرة ولا اعرف ان اعيش بدونه واتمنى ان يكون هو كذلك والحمد لله ما يبادلني به من مشاعر وحنية تشهد لي بذلك فلا تتعجل فاول سنة هي تعارف صدقني والسنة الثانية يبدا التعود ومع مرور الايام ستجد انكم وصلتم لمرحلة تاقلم وارتياح من الصعب ان تجدوها مع حتى اقرب الناس اليك فلا تستعجل وحاول ان تمضي معها وقت اكثر للتعودوا على بعض وتذكر ان البعد جفا لك ولها والافذل ان لاتفارقا بعض فلا تنام عند اهلك ولا هي عند اهلها تعودوا ان تعيشو حياتكم سوية كالاصدقاء في البداية عندما تتعرف على صديق جديد كيف تتقربون مع بعض وتجدوا الاشياء المشتركة بينكم فمن اهم الاشياء بالزواج هو الصداقة فالحب لا يكفي فان تعرف ان تروي لها همومك وان تجد انك تقضي الوقت الممتع سوية وكثير من الامور المهم تعرف عليها حاول ان ترى محاسنها قبل ان تحكم عليها بسيئاتها وبالتوفيق |
الله يرزق اختك بزوج مثلك
ماشاء الله تبارك الله الله يهديك ويحفظك موضوعك مبهم ما تبي تصارحنا بالتفاصيل وش العيوب وش النقص وش مو عاجبك بس كذا ماعجبتني برجعها لاهلها واغيرها ببنت احسن منها موديل 2010 فيها مواصفات افضل من القديمه هذي اكيد ماراح ترتاح لك بنت الناس اذا انت مبين لها انك مو مرتاح لها شوف اخوي اقولك الحق معاك بحالة وحده اذا اهلها من النوع المتحجر ورفضوا انك تشوفها النظرة الشرعية قبل الزواج غير كذا اذا شفتها وقلت بكمل المشوار والزواج وجاي الحين تقول ماعجبتني تذكر ان لك خوات وقريبات والرسول صلى الله عليه وسلم يقول ( عفوا عن نساء الناس تعف نسائكم ) بتجيك دعوة من امها او منها يارب يشوف هاللي سواه فيني باخته او ببنته |
اقتباس:
كلام سليم اخي عاشق الجواهر .. |
تعوذ من ابليس واستخير
واذهب انت وياها مكه اخذو عمره بعدها شف وين قلبك يوديك بس لاتستعجل لاتستعجل اذا البنت طيبه وصالحه وتحبك وتهتم فيك باقي الاشياء تهوون الجمال والنظافه وغيره كله يتصلح ويتعدل مع الوقت |
امرك محير
كسرت خاطري زوجتك يعني موافقتك حتى وانت تكسر مجاديفها الله يعينها بس لازم تصبر يمكن مع العشرة ترتاحو سوا اهم من الحب والاعجاب ياما ناس تزوجوا وهم مقتنعين بس سبحان الله في عشرتهم سوا مارتاحوووو الله يختارلكم اللي فيه الخير |
اخوي وياعضاء هو مشكلته مو بشكلها
كلامي مضبوط اخوي انافهمت انه المشكلبه فيها كشخص وشخصيه وتصرفات بس محاوله اخوي حاول تخليهاعلى هواك ترى الانفصال مو بصالحك ولابصالحها صدقيني مستحيل تلاقي احد اخد زي ماكان نفسه بس الله اعلم بالي يناسبنا منا ممكن فيها ميزات مستحيل تكون في غيرها اخوي دور وابحث عن ايجابياتها وطورها زورها وخذلها ورد وهديه انت تقدر تحرك انوثتها باهتمامك فيها واخيرا اتمنى انه الله يوفقك ويكتبلك الخير |
اقتباس:
الله يعطيكم العافية اخواني وخواتي ماقصرتم حاب اقولكم انا انسان عاقل وناضج عمري 30 سنه ومعتمد على نفسي وانا الي زوجت روحي من تعب مو من راحة اقول مو مرتاح وهي نفس ذلك بس صدقوني من كلامكم فيه فوائد كثيرة بس من يتعلم بهذي الدروس |
ياخوي خليك صريح وش المشكلة بالضبط..؟
|
يااخي انت تكلم روؤس اقلام ايش اللي ماهو عاجبك فيها وبعدين فترة شهر قليله جدا بالحكم والله احسك ظالمها شكلك تبي وحده كبرك بالسن وناضجه نفسك
|
| الساعة الآن 04:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©