|
كيف أتأكد إذا زوجي يدخن الشيشة و لا لأ
السلام عليكم ورحمة الله وبركاته
بادخل بالموضوع على طول أشك أن زوجي يشرب شيشه بس مو متأكده كيف أقدر أتأكد والله خايفه عليه لأنه أذا طلع يرجع من الأستراحه أشم فيه ريحه غريبه غير أني أحسه يكون مرتبك يخاف أنتبه أحياناً أفكر أني أصارحه بس أكيد حينكر مستحيل يقولي افكيف أتأكد ولا تنصحوني أتكلم معاه أحسن واواجهه بشكوكي وابغى أعرف كمان هل الشيشه خطيره يعني أيش أضرارها؟ الله يخليكم مالي بعد الله غيركم |
الشيشة خطيرة جدا أشد فتكا من الدخان
-لكن ان بعض الظن أثم يمكن الرائحة التي معه من أثار جلوسه مع أصحابه لكن تظاهري له أن به رائحة كريهه ولمحي له أنك تشمين رائحة الشيشة وادعي الله ان ينهاه عن الفحشاء والمنكر |
اقتباس:
والله العظيم يرتفع ضغطي لما أشم الريحه واشوف تصرفاته وكم مره مسكت نفسي لاأغلط واتكلم كلام بدل مايصغر المشكله يكبرها وودي أعرف أيش حكم الشيشه ؟ وايش تأثيرها على الواحد لما يستخدمها يعني لوبالغ هل ممكن تأثر عليه مثله مثل ألي يشرب خمر؟ أسمحوووولي بتعبكم معاي شوي بس أبغى أفهم والله يعطيكم العافيه |
رائحه الشيشه ليست مثل الدخان
تكون شبيهه برائحه الفواكه .. وشارب الشيشه تكون الرائحه بفمه .. ليس كالمدخن في ملابسه وفمه .. عموماً مثل ماقال الاخ الكسائي احتمال من جلوسه مع أصحابه .. ومالك الا المواجهه .. الله يهديه ويهدي اللي عندي .. |
اقتباس:
ياالله طيب أيش أسوي معاه بعدين هل تأثر في أفعاله يعني أيش يستفيد الواحد من شرب الشيشه الله يهديهم آمين |
كل مفتر ومخدر حرااام
والدخان والشيشة حرام لأنها ضارة مضرة لمن يستخدمها الرائحة نتنة -تقزز النفس - مضارها مدمرة للجسم عموما وعواقبها السرطان وتليف الكبد وتعب للقلب -مادام أنك متأكدة 100% أنه يشيش ويعسل فواجهييه بالحقيقة من أول الأمر قبل مايتمادى ويشيش عندك في البيت لكن واجهيه بأسلوب راق بعيدا عن التشنج والعصبية كي لا تكون ردة الفعل عنده قوية مما يعكر الجو العائلي عندكم ويازين الحوار بأسلوب لبق بعيدا عن التجريح والكلام المثير وفقك الله يا أختي وكان الله في عونك وسدد خطاك أينما حللت وارتحلتي |
اقتباس:
حسبي الله على من كان السبب هو من بعد ماصار يروح هالأستراحه تغير طيب أبغى أعرف ليش الواحد يشيش يعني أيش المتعه ألي يلقاها فيها يعني مفعولها مثل المخدر ؟؟؟؟؟ بعدين كيف أتكلم معاه أيش أقوووووله لاني أنا من النوع ألي يعصب وماأعرف أتكلم بهداوه في المواضيع ألي متأكده أنها غلط الله يعيننا على هالرجال ويهديهم يعني على غلطهم كمان لازم ندلعهم حتى وقت الغلط |
ليش الواحد يشيش؟
الشيطان هو السبب وأصدقاء السوء كذلك مضارها لاتعد ولاتحصى ولقد قرأت في كتاب مضار الشيشة لكنلا أتذكره الان لكنها أشد خطرا من الدخان تصوري رأس واحد شيشة لمرة واحدة ==يعادل 40 سجارة واضافة أنها تسبب أرتخاء في عضلة القلب وتسبب مع مرور الوقت الضعف الجنسي وارتفاع معدل نسبة الكرستول الضار في الدم وغير ذلك إذا تستطيعي مجابهته بالصراحة والوضوح وإن كنت لاتستطعين فوكلي أحد القربين له أو المقربات كي ينصحونه واستعيني على ذلك بالدعاء أن يهديه رب العالمين |
اقتباس:
والله خفت عليه وبنفس الوقت أحس أني حزينه من حركته هذي ماتوقعتها منه الله يسامحه وبنفس الوقت مقهوووره منه الله يهديه ويبعده عنها حسبي الله ونعم الوكيل في ألي أخترعها والي عرف زوجي عليها وعلى ألي سهله طريقها أخوي الله يجزاك ألف خير على أفادتك لي والله يوفقك للخير ويبعد عنك كل شر |
طيب ألحين كيف أواجهه؟
يعني اخليها للمره الجايه أذا راح وشميت الريحه فيه ؟ طيب كيف أكلمه أسوي نفسي مصدومه كاني أول مره أشمها وازعل عليه ولا أكلمه بأي وقت ؟ والله محتاره |
أنا سمعت والله أعلم أنها نفس المضار بين الدخان والشيشه
لان الشيشه ممكن يمسكها مرة في اليوم لمده نصف ساعه أو ساعه أو أكثر لكن الدخان طوااااال اليوم وهو يشرب وممكن يخلص بكت بكتين صحيح ماتأخذ وقت لكنها متكررة معه يعني أحس أنها نفس المضار باختلاف الطريقه .. أنا اللي فهمت منك أنك خايفه على تصرفاته وأفعاله أنها تكون زي المدمنين ..لا هي ماتأثر في أفعاله بالعكس المدخن وشارب الشيشه عادي يكون أنسان طبيعي .. من ناحيه الكلام والتصرفات لكن تضل حرمتها ومضارها .. الله يهديهم يارب .. الحي بالدعاء .. ولاتسكتين على الموضوع دامه يتهرب من المناقشه ثقي أنه يشيش.. |
اقتباس:
أن شاء الله ماراح أسكت بس محتاره كيف ومتى وخايفه أتهور الله يعطيك العافيه ويحفظلك زوجك واولادك من كل شر ويشفي أبنك مشكوره على أفادتك لي ولك دعوه أنتي واخوي الكسائي على الفطور لأني صايمه اليوم |
والله اختي فالبدايه كنت اشك بزوجي
احيانا لانه يدخل وريحته دخان فمره من المرات قال انه بيسير عند ربيعه وبيرد فسار ويوم رد شميته ريحته الشيشه من فمه كانت قويه واعترف لي انه شفط كمن شفطه فانتي تقدري تعرفي اذا كان جالس مع ربعه وانتقلت الريحه لملابس وشعره ولا هو لي يدخن ترى السالفه تنعرف ومن بعدها ماصار زوجي يدخن بس المشكله قائمه لين الجينه ، يوم يرد من عند الشباب تكون ريحته دخان بس بعد متاكد بطريقتي يكون مب مدخن والريحه بس تنتقل له |
اذا الرائحة تخرج من فمه معناها بدخنها
أما اذا فقط عالقة بثيابه معناها كان بمكان يدخن فيه الناس من حوله و علقت الرائحة بملابسه ليش ما تصارحيه و لو بطريقة مازحة و تشوفي رد فعله |
إذا لم يكن في زوجك سوا هذا العيب (شرب الشيشه) فتحري الطريقه المثلى في إقناعه بتركها بالكلااام الجميل وبدون عصبيه او زعل فسوف تجديه يتقبل ذلك واذا فرضنا انه لم يتركها فلاااتكون هذه المشكله هي شغلك الشاغل وعيشي حياتك مع زوجك بالحب والحنان وسوف تجديه يتركها في يوم من الايااام بدون طلب منك وبالتوووفيق للجميع |
malak_3lganah
ماريا 13 مشكورين حبيباتي على الأفاده أنا متأكده أنه يشيش لأن الريحه مره قويه لدرجة أني أدوخ أذا شميتها وهي مش بملابسه لا في أنفاسه كمان الله يهديه |
اقتباس:
بالبدايه ماكان ألا مره بالأسبوع يروح لها والحين صارت مرتين يعني على حسب الظروف والمباريات ومشكور أخوي على الأفاده الله يجزاك الجنه وان شاء الله وراه لحد مايتراكها |
أنا من بعد ماكتبت الموضوع أمس قررت أني أستنى لحد مايروح وأذا رجع وشميتها فيه بأكلمه مع أني ماكنت واثقه من اأسلوبي بالكلام لأني خفت أتنرفز ويصير مشكله
شوي الأ اليوم يكلمه واحد ويتكلمون أن فيه مباره ويسأله أذا بيجي ولا لأ ؟ المهم شوي ألا هو يتجهز بيروح وطلع نومت الأولاد واستنيته لحد ماجاء ويوم جاء نفس أسلوبه أمس يدخل مرتبك ويحاول يداري أرتباكه بأبتسامه عريضه المهم بعد ماغير ملابسه جاء جلس جنبي ألا الريحه تدوخ والله العظيم صدع راسي من ريحتها وهوه كان أول لما يدخل الغرفه على طوووووو ل يتعطر لكن مع العطر صارت ألريحه مميته أكثر عطر مع دخاااااان وآآآه على الصداع على طول راسي يصدع لكن مره لمحتله أف أيش هالريحه فيسألني ليش مو عاجبك ريح العطر قلت وانا معصبه لأ فما صار يتعطر وبعد ماجاء جلس جنبي شميت الريحه وعلى طول صدع راسي وكان فيني صراع داخلي أكلمه ولا لا ؟ وايش أقول ؟ المهم رحت بأنام شوي ألا قام فرش أسنانه ويغسل يده وجاني ويوم قرب مني شمينها بفمه بغير شعور قلت أف قال أيش فيك ؟ سكتت قال ريحة فمي طيب فرشت أسناني قلت بس الريحه هذي ماتروح حتى لو فرشت أسناناك قال أيش قصدك وعلى وجهه ضحكه مع شوية خوف ويحاول يلف وجهه عني دار بيننا كلام طويل لكنه أنكر أن الريحه من الشباب ألي هو جالس معاهم كل هذا وهو يضحك وقلتله ترى مايمشي علي الكلام هذا يعني ماأنتبهت كم مره ألمح لك بكلامي قلت لعل وعسى يحس بس مافيه فايده قال متى لمحتيي وذكرته وسكت ماقال شي وقلتله لو أنك تحب أولادك ماكان سويت كذا وقلتله يسوي بحث ويقرى عن أضرارها واني ماتوقعت منه كذا ومن هالكلام طبعاً كل هالكلام وهو ساكت وبنفس الوقت احسه متفشل وقلت له أن وجهك تغير صاير ذبلان وكحتك لما تكح غريبه وصاير تتعب من كل شي كل هذا كلام بس عشان يخاف وقمت وخليته الله يهديه بس |
لحد هنا وخلاص سكري على الموضوع وما باقي لك سواء الدعاء له ليعاند ويسويها قدامك
|
اقتباس:
وماراح أتكلم معاه بالموضوع أبداً مره ثانيه بس والله ماأضمن نفسي لو شميتها فيه مره ثانيه بس ماأتوقع أني أشمها فيه مره ثانيه بأذن الله |
احب زوجي ..
خيراً صنعتي .. واسلوب حلو .. بس تابعي معاه من بعيد لبعيد .. اذا لم يتركها علقي بالكلام من فترة لفترة .. يعني والله يابوفلان عطرت البيت به الريحة اخاف يشمونه الجيران .. يابوفلان ملابسك ماهي مثل اول لمن اغسلها ريحتها خايسة .. وعليك بالدعــــاء .. وفقك الله .. |
اختي احب زوجي0000 انا مع الاخت صمت وسكون 000
خلا ص لاعاد تفتحين الموضوع معاه مره ثانيه تجيبن لنفسك مشاكل000 والله ان شاءالله يسعدكم ويبعد عنكم المشاكل0000 |
اقتباس:
مشكور أخوي على الأفاده الله يجزاك كل خير ويبعد عنك كل شر |
اقتباس:
|
اقتباس:
كلامك صح انك خوفتيه بس توقعي انه راح يسويها ثانيه لأن رفقاء السوء ماراح يخلونه علشان ماتنصدمين وادعي له في صلاتك ان الله يهديه ويرجعه للصواب |
اقتباس:
ومتوقعه كمان أنه ماراح يسويها لكن عندي أمل كبير أنه راح يتركها بأذن الله مشكوره ياعسل على المشاركه الله يحفظلك المختار ويسعدكم ويبعد عنكم المشاكل |
اقتباس:
انا مجربه الدعاء ثم الدعاء ثم الدعاء والاستغفار |
| الساعة الآن 08:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©