طريقة استخراج الصبار وفوائده للشعر .
 

هلا فيك غاليتي حرم
الصبار موجود في المشاتل توي اليوم شريته يجي في حوض اكثر من عشر ورقات كبار وقيمة الحوض عشرين ريال وفي منه انواع للشعر وللزينه اطلبي للشعر وترى فوائد الصبار للبشره كمان ان شاء الله قريب اقولكم على الخلطات المجربه للبشره وبالنسبه لزيت الصبار استخدمته وابد ماجاب نتيجه افضل استخدمي النبته نفسها
وتسلمين على الدعوه ولكي بالمثل واي سؤال انا حاضره

ياقلبي ياناني الصبار ينباع في المشاتل الزراعيه مو عند العطارين وصدق نصيحه سويه والله مااكذب عليك حطيته امس على شعري ورحت الجامعه ورجعت وهو بنفس النعومه وصار شعري حيوي والميزه الحلوه في الصبار انك ماتحتاجين تغسلين شعرك بعده تحطينه بعد الاستحمام وتخلينه الين يجف من حاله وشوفي النعومه واللمعه والله من امس الى اليوم وانا مبسوطه من النتيجه ماشاء الله تبارك الله حتى اخواتي نفس الشيء بس وحده من اخواتي مابانت النعومه مثلي انا واختي الثانيه يعني حست انه احسن من اول بس مو مره وناويه استمر عليه طوال حياتي احسن من الزيوت والخرابيط وعلى فكره لمن تحطيه على الشعر مو باينه ريحته

كنت اتمنى اجد طريقة استخراج عصير الصبار وهاانتي ماشاء الله تنشريه مشكورة جدا وجزاك الله خيرا وهو موجود في حديقة بيتي والله ينفع به

معلومات قمة في الروعه

وإن شاء الله أحاول اجربه

مشكورة حبيبتي ..

اهلا بكي اختي سحابة وان شاء الله الموضوع فادك وانا والله مانقلته الا من اجل تستفيدون .
العفو غاليتي الله يسعدك ويوفقك لك خير
بس سؤال ؟؟ اللي مزروع عندكم للزينه والا للشعر لانو حسب كلام اللي اشتريت من عنده انو في انواع

اهلين فيك اختي سلطانه
بالفعل هو يطول ويمنع التساقط ويمنع التقصف بالعكس حبيبتي الصبار مفيد لمنع التقصف ولو حابه تتأكدي شوفي اغلب الادويه المعالجه للشعر فيها صبار توكلي عل الله وجربيه وبإذن الله ماراح تندمي صدقوني يابنات والله مانقلت الا وانا متأكده بإذن الله انه يفيدكم
وبالنسبه للشوك ماعورني شوكه مو مؤذي مره يعني انتبهي بس منه وبعدين اول شيء لازم تشيلين اطرافه عشان الشوك وتعصريه براحتك

وجزاك الله كل خير انتي بعد

العفو ياقلبي
جربيه ماراح تندمي اذا مافادك ماراح يضرك بإذن الله
واي سؤال انا حاضره

ملاحظه مهمه يابنات
سمعت كثير انو الصبار اول ماتحطيه على الشعر يتساقط بكثره انا الى الان ماحصل هالشيء بالعكس انا شايفه انو التساقط خف عن اول بكثير ماشاء الله تبارك الله ,,,بس اتوقع انو يختلف من وحده للثانيه لانو اختي ماخف التساقط مثل ماهو لكن انا خف كثير يعني اول كنت امشط شعري ويطيح بشكل يخوف والحين امشط شعري كل شوي تنزل شعرتين او شعره الحمد لله وكمان انا قبل لا احط صبار كنت اعاني من شعري كان مكسر لاهو ناعم ولا خشن فهمتوا المشكله هذي نسيتها من امس الحمد لله رجع شعري لطبيعته لانو فجاه شعري صار منفوش ومكسر ويتساقط وباهت وجاف وكل البلاوي فيه والا هو كان حلو والكل يحسدني عليه بس ان شاء الله يرجع مثل اول .

وكمان انتبهوا يمكن انواع الصبار اللي للزينه ماينفع للشعر

وبس حبيت اوضح كل شيء وكل جديد راح ابشركم فيه والاهم من هذا كله تقولون ماشاء الله تبارك الله وتدعون لي بالتوفيق

ياهلا فيك اختي الغاليه

شوفي عشان اكون صادقه معاك انا والله ماافهم في امور النباتات بس اللي باع لي قال اهم شيء تتعرض للشمس طوال النهار يعني حطيه فوق سطح بيتكم او بحوشكم مثلا وخليه بجهه يتعرض للشمس مباشره فهمتي وكل يوم اسقيه بمويه بس هذا كل اللي يبيله وغير كذا اذا ماعندك سطح ولا حوش خذي لك حوض فيه كم نبته واعصري كل النبتات اللي فيها وحطيها بعبله واحفضيها بالثلاجه وكل يوم اخذي كميه منها وادهني شعرك عاد على حسب مشاكل شعرك اسخدمي اي وحده من الخلطات اللي كتبتها في الموضوع انا حاليا استخدم اخر وحده ادلك فروة الراس بالصبار والحمد لله اموري تمام
واي سؤال انا حاضره

بس سؤال ؟؟ اللي مزروع عندكم للزينه والا للشعر لانو حسب كلام اللي اشتريت من عنده انو في انواع


لا ادري ولكن اوراقه مملوءه بالماء اللزج وكيف افرق بين انواع الصبار

امين يارب الله يوفقك على الدعوات ولكي بالمثل
وصدق نصيحه جربيه ولاتستلمي استمري عليه فتره وشوفي شعرك بعدين كيف
وبيني وبينك انا جربت شامبوهات وكريمات للشعر ودفعت وخسرت نفسي على الفاضي وشعري معدوم حده والحمد لله من يوم الجمعه بدأ شعري يتحسن صدق صدق الحمد لله يارب يديمها نعمه علي وينفعكم انتوا كمان مع شعوركم يارب وترتاحون من مشاكل الشعر

والله ياقلبي مااقدر افيدك بس اذا تبين اصور لك الصبار اللي شريته عشان تقارني بينه وبين الصبار المزروع عندكم ابشري من عيوني . انتظرك اختي

هذه نبتة الصبار نقلتها من النت وهي نفس اللي اشتريتها

http://www9.0zz0.com/2008/10/06/23/187997667.jpg

اهلين اختي الغاليه المختار

العفو ياقلبي


آخر التطورات التساقط خف كثير كثير الحمد لله صار تساقط طبيعي جدا مو مثل اول ماشاء الله تبارك الله
والشيء التاني القشره الحمد لله اختفت وارتحت منها
والحمد لله كل شيء تمام
وببدأ من بكره استخدمه لبشرتي

شريت لي صبار ياابداع الله ينفع به وان شاءالله أستفيد وأنقل لكم تجربتي..موضوعك كثيير شجعني ياغاليه..

ياهلا فيك اختي

انا من جده حصلته في جميع المشاتل كل مااتصل على مشتل احصله عندهم

انا اقلك اذا عندك دليل دوري رقم اقرب مشتل لبيتكم واسأليه اذا عندهم صبار

ياقلبي موجود بكل المشاتل انا اشتريته من حدائق السلطان بجده شوفي اذا لهم فرع بالرياض

بحاول اسأل لك وين تحصليه بالرياض .

شكرا
الله يوفقك يارب ويسهل أمرك