|
يكبرني بـ 25 سنة ووالدي موافق (المستجدات في الرد 26 )
والله موعارفه من فين ابداء لكن بعطيكم الخلاصه
اناسبق وكتبت ان ابوي يبي ايزوجني واحد كبير وكنت راااافضه وهذا رابط الموضوع http://www.66n.com/forums/showthread.php?t=188231 لكن بعد ماقالي انه بيدلعك وصاريغريني با شياء اتمنها دائما في زوجي المستقبل فله بروحي ويحطلي سواق وخدم وكل بعد فتره ايسفرني للخارج ويعطيني مصروف شهري 3500الريال والمهر حدد من 70000وفوق والي ابيه اينفذه على طوول انا الهبله اول ماقال الاشياء الي بيسويها لي على طووول وافقت من دون ماافكر قالو خلاص بنسوي الملكه والي يومكم هذا كل مايحددون المكله ياانه ينشغل هو ياابوي ينشغل انا ماستخرت في البدايه ولااني اصلا مرتاحه له ابيه بس علشان ايدلعني يعني انا الان حاسه انه ابوي مو زوجي لانه كبر ابوي حاااسه بخوف موب طبيعي ومومرتاحه والملكه خلاص حددوها بعد اسبوعين والزواج بعد الملكه باسبوع يعني زواج على طول ماجاء على بالي راح ايصير بينا علاقه مثل الي يحدث بين الازواج انا الحين خلاص مابيه لاهو ولابيته ولاشي منه وربي حاااسه اني بموووت بنقتل موعارفه كيف اكلم ابوي اني خلاص مابغاه اخاف ايعصب ويضربني لان ابوي بلمرره عصبي ويحب الرجال هذا بلمرره قولولولي شسوي مالي غير الله ثم انتم واعتذر اذا في كلامي لكم مومفهوم اولخبطه لان ورربي موعارفه كيف اشرح لكم |
الله يفرج همك وييسر ماتعسر من امرك
اليس لديك اعمام خوال او حتى امك حاولي يكلمونه وان مانفع اتصلي بشيخ واشرحي مشكلتك ارقام المشائح منتشرة بالنت اكتبي اسمه بقوقل ويطلع لك |
ماعدت انا
ابوي جااف عصبي اذا قال شي ينفذ على طول اخواني ماعندي الا اثنين ومتزوجين وعادي عندهم اني اتزوجه خواتي معي ورافضااات امي ماعرفتهلا مرات اتقول ايه اعتقد بس علشانه غني ومرات اتقول لا واذا قالت قدام ابوي مابغاه البنتي ايهاوشها انا علشان كذا ماابغى ايكلم امي خاف اتصير مشكله بينهم خوالي وعماني كبااار علاقتنا معاهم محدوده |
الله يصلحك ليش تعجلين وتوافقين ..واحمدي ربك ماتملكتي يعني فيه امل كبيررررر ..
اممممم :( وش السوااه .. على قوله اخت ماعدت انا خلي احد من اهلك يكلمه ..ياعمانك ياخوالك يا اي احد قبل مايطيح الفاس بالراس..هل الوالد ممكن يجبرك على شي ماتبينه.. |
هذا ماجنته يداكى الفلوس مو كل شي
الله يعينك ويفرج همك |
الله يهديك...زواج مو بالفلوس وبيت ودلع
ع العموم اذا مالقيت احد من رجال العيله...لاتضعفين كلمي امك تخليها تكلم ابوك اذا امك مو راضي الله يعينك تحملي الموقف بشجاعه واعلني رفضك لابوك ذا زواج مو لعبه ...مافي شئ بالجبر . خليك قويه واذا جات ع الضرب مو نهاية دنيا اهم شئ لاتعيشي مع انسان انت مو راضي فيه بس ارضاء لغيرك وخوفا من ابداء رائيك. اخواتك خليهم يوقفو معك اكيد في وحده منهم قويه وقادره ع الكلام .. شوف مفاتيح ابوك انت كيف تكلمينو بشئ وتبغ تقنعيه بالعاده. اهم شئ لاتضعفين مهما كان الامر ..لاتنسين ذا حق من حقوقك اعطاك ياه رب العباد وانت الي بتعيشين مع الرجال ذا ..ماتبغينو لا وانتهى.خليك قويه وتحملي ضغوط لاتوافقين ع شئ ارضاء للغير.. رب يسر امرك ويهونها عليك. |
طفشي الرجال
أو وصلي له بأي طريقة إنك ما تبغيه |
أختي الفاضلة نصيحتي لك أن تخبري أمك برفضك ، ولو حصل و أرسلت رسالة عن طريق أحد من تثقين به ليوصلها للخاطب برفضك أفضل |
انا فكرت من شوي اني اكلم امام مسجدنا علشان ايكلم ابوي
اكلمه ؟؟ |
ايه كلميه اهم شي تحاولين بأي طريقه
ولو حصل تقولي لنفس الإمام يكلم نفس الرجال ويبين له انك ماتبيه وانك مجبورة |
لقافه
راح احاول مره ثانيه في خواتي ايكلمون ابوي اخوي عبدالعزيز قصدك ارسل الرساله للخاطب؟؟ ماعرف رقم جواله |
قصدي بالرسالة هو أنك تكلمين أحد يوصل المعلومة للخاطب أنك رافضته |
أول شي هدي نفسك ( ماراح يصير إلا االلي كاتبه ربك ) أطمئني أختي اسألك هو صار فيه بينكم نظره شرعية أذا ما صار ومالقيتي من يساعدك من قرايبك قولي له في وجه يا عم أنت في كبر أبوي وأنا ما أبيك . هذا في النظره >>>> تحملي ضرب أبوك ولا قهر الحياة مع شايب موفقة |
أختي الكريمة / لا تلومي نفسك ويضيع الوقت في الندم واللوم على الموافقه .. فكري الحين بعقل ومنطق كيف ترفضيه ؟؟ وأستمري في الإستخارة والدعاء وفكرة تدخل إمام المسجد لنصح والدك فكرة حلوه بس لاتكلمية أنتي بشكل مباشر لو تقدري تكلمي زوجته أو إحدى بناته يكون أفضل حتى والدك مايغضب عليك .. أو أجعلي الإمام يوصل رفضك للرجل الخاطب ويبتعد عنك دون مشاكل .. أسأل الله العلي القدير أن ييسر لك أمرك ويوفقك لكل خير .. |
لحقي حالك ارفضي باعلى صوتك ربي يسعدك |
عادي حبيبتي كلمي ابوك وواجهيه ...
حتى لو عصب .. اصري على رايك حتى بلو ضربك ... ضرب ساعة و ترتاحي احسن من هم و نكد يقعد معاك العمر .. الله يسهل لك |
والله يا ريم تعبنا معاكِ في موضوعك السابق
ويا ما قلنا وياما نصحنا .. ويا ما خفنا عليكِ وشلنا همك وموضعك مدري كم صفحة صار وكنتي خلاص مقتنعه وقلتي لأمك و تعاطفت معك وكان بتوقف معك بس انتي الله يهداكِ بس سمعتي طاري الفلوس والفلة والسفرات زغللت عيونك وقلنا لك ترى الفلوس مو كل شي حتى قرين قالت لك لا تنخدعين بس لا حياة لمن تنادي .. اختفيتي فجأة ولا عاد بينتي ونفذتي الي في راسك الحين مثل ما قلتي موافقة .. قولي رافضة مع أن الرافض بالأول كان اسهل من الحين لأن ابوكِ بيتفشل مع الرجال الي عطاه كلمة وانتي تحملي ما يجيك مرة تقلين لأبوكِ موافقه ومرة مو موافقة عموماً للحين من حقك ترفضين .. الزواج مو بالغصب |
الله يجزاكم خير على نصائحكم ربي يوفقكم
ابوي سواء اني موافقه او رافضه مايهمه الراي رايه هو موانا انا لمن وافقت موعلشانه هو علشان معظم الاشياء التى كنت اتمناها في شريك حياتى موجوده فيه الي هي السفر للخارج قلت ممكن هو الي راح يحقق حلمي الوحيد وافقت من دون ماافكر في الاشياء الثانيه الي راح تحصلي معه وانا لمن اختفيت مارجعت للموضوع موعلشاني وافقت لا الاشتراك عندنا انتهى ماشتركنا الا برمضان انا اليوم قاعده احاول اني اخذ جوال ابوي علشان اخذ رقم امام مسجدنا لكن ماقدرت الجوال معه على طول واخاف انه ماكتب رقمه لانه مغير جواله وشريحته |
اشوف تكلمين اخوانك افضل وممكن يتفهمونك اكثر وببتكلمين براحتك معاهم واذا مافاد كلمي الامام
الله يهديك وتنحل مشكلتك الى دخلتي نفسك فيها |
اممم من الي بيوقع عقد الزواج مو انت ...يعني مو ابوك الي بيتزوج
اشبك يابنت يعني اعلنتي موافقتك ع شان هو يسافر!!! والان مو قادره ع الرفض واعلان رفضك باعلى صوتك ...كلمي امك كلمي امك وخليها تاخذ رقم الامام المسجد |
اول شي شلون تكلمين الأمام وانتي ماكلمتي ابـوك بالأول !! مره صعبه .. بيقول للأمـام ماقالت لي انها ماتبيه ! اول شي روحـي قوليله انا مابيه واستخرت وحسيت بضيق وكل يوم احس بضيق وتعب ! واذا شفتيه معنـد ورافض كلمي الأمـام .. الله يعينك بس استخـيري لو سمحتي ! يعني لاتتركين الأستخاره ابـداااااااااااااااااا لين حتى يوم العرس استخيري .! ماتدرين شو ربي رايـد لك ! |
ربنا يفك كربك
تراجعي يا بنتي ودخلي حد كبير وكويس انك لسه مش عقدتي وربنا يوفقك |
الله يوفقك
|
الله يكتب لك الخير أينما كان
استخيري اختي الكريمة ولو قدرتي تحصلي رقم أي حد من اهل الخطيب (حريم ، خوات ، بنات) وصلي لهم معلومه انك رافضه الزواج بسبب فارق السن |
الله يعين
خذي رقم الخاطب من جوال ابوك وقولي لة انك مغصوبة ولاتبغين الزواج يتم ويحاول هو ينسحب من ناحيتة عشان ابوك مايحس بشي ويكون الموضوع اهون لان ابوك مستحيل يتراجع |
اولا اشكركم جزيل الشكر على ردوكم ومساعدتكم لي بايجاد الحل وهذا انما يدا على طيبتكم وحسن اخلاقكم
بقولكم وش صار قبل امس كلمت امي واختي الكبيره اني موموافقه ومابغاه خلاص قالت امي اصلا انا من زمان مابغاك تتزوج ولا اني راضيه لاانا ولااخوانك لكن شنسوي في ابوك وخصوصا بعد ماعاطه 8000الريال حقت موافقته على زواجك منه والحين اختى قالت وش رايك انخلي خالي ايساعدنا وسئلتها اذا كان عنده ولد ماتزوج قالت امي ايه بس انه كبر ريم الي هي انا قالت اختي لا بس ايكلمون ابوي انه يبيها بس مايتزوج من دون مايدري ابوي بس خطبه وانقول لابوي هذا احسن من الرجال هذا والفلوس الي عطاه ابوي اندبرها ونرجعها له امممم مادري خايفين من ردة فعلهم وابوي يتفشل وينفضح صعب اننا اندق على خالي ونقول كلم ابونا انك تبي ولدك البنتي امي متردده كل شوي تبي ادق بس تتراجع خايفه انتم وش رايكم اندق؟؟ |
امك تكلم خالك افضل على الاقل شخص في عمرك ومن عائلتك ولاتتورطي مع واحد قد ابوكي
عادى كتير بيخطبو لبناتهم الله يسهلك امورك |
بنت مكه هي موخطوبه بس اتفاقيه بيننا انه بس يبي يحجز البنت ويتزوج اذا توضف هذا الكلام ايقوله لابوي
يعني كلام من دون فعل |
يا اختى استخيرى واذا كنتى لا تشعرى بالرضا والقبول فلا تتزوجى منه ابدا اسأل الله ان يقدر لك الخير وطبعا لا مانع من ان تكلموا خالك هذا حل جميل ولو حتى لكى يصرف هذا الخاطب عنك |
| الساعة الآن 06:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©