![]() |
طريقتك في إعداد الباشميل
مراااحــــــب كبااار :d أممممم أنا خناق مع الباشميل ( أقصد الدقيق ويا الحليب ) ما يضبط أبدا معي فأستخدم بدله ( المايونيز والقشطة والجبنة ,,, ألخ ) لكن لما أشوف الوصفات اللي بينزلونها العضوات في كل المنتديات أشتهي الباشميل الأصلي :25: ياليت كل ست بيت تعطينا طريقتها الناجحة بالباشميل أنتظركم صبايا ( ناويه أطبخ حاجة دسمه ع العشاء و وعدت أمي بس ترجع تشوف العشاء الملكي :23: بس شكلي بأجلها لين تتوفر لي طريقة باشميل صح:29:) |
هلا بك يالغالية الوان ...
عندي طريقة سهله ونجاحها مضمون بإذن الله .. 2 كوب حليب سائل ..اي نوعيه عندك .. نصف كوب دقيق ابيض .. 50 غرام زبدة <<ممكن الاستغناء عنها .. رشة ملح وفلفل اسود .. امزجي المقادير مع بعض في قدر ولما تمتزج ارفعيها على النار وحركي باستمرار حتى تثقل . وسلامتك ..اسهل من كذا مافي :) |
اقتباس:
إن شاء الله لك أجر أهلي يحترون هالعشاء المميز :26: ان شاء الله بجرب طريقتك خصوصا انها مررررره سهله ألف شكر يا قمر ماقصرتي ماقصرتي :) |
ولااسهل من هيك ومضمون باذن الله وزابط 100%
ملعقتين زبدة عالنار ولما يدوبو حطي ملعقتين طحين كبيرة وقلبي لما يصير دهبي اضيفي كوب ونص الى كوبين حليب يعني ممكن كوب ونص او اتنين حسب رغبتك في قوام الباشامل وقلبي عنار منخفضة جدا وممكن تضيفي مكعب ماجي بس مو دايما عشان الماجي صناعي ومضر كترتها ممكن فلفل ابيض وملح خفيف وباخر لحظة بس تحسي انو وصل لقوامك الي بتحبيه جامد او لزج زيادة ممكن تضيفي جبنة كبايات يعني السائلة او مثلثات او شيدر او موزاريلا ولا اروع من هيك وصدقيني مستحيل يخرب معك وحفظ المقادير سهل كلو نفس الاشي يعني النسب متساوية الحليب للزبدة للطحين وطبعا تزيدي تنقصي زي مبدك لو ملعقة زبدة يعني ملعقة طحين يعني كوب حليب وهكذا |
|
كتبت مشاركة واختفت مدرى فين
المهم ارجع اعيد انا اعمل احط الدقيق وعليها زيت وعلى النار دقيقه او 2 فقط يتماسك وبعدين احط الحليب وعلى النار وشويه فلفل اسود وملح نفس طريقة قلووب بس مشكلتى مااعرف اطبخ بي مقادير الحمدلله اطبخ كل شي بالنظر اتعلمت كده بالعافيه عليكى انا امس اتعشيت بيها واليوم بدات رجيم |
ملعقتين زبده وملعقتين طحين
بالقدر حتى يتجانسوا ويصير اللون ذهبي (علشان تتخلصي من طعم الطحين) وتضيفي كوبين حليب تقريبا (تحركي حسب السماكة اللي تحبينها) ورشة ملح .. وتحطي ورقة غار وفلفل ابيض وبالعافية :) |
أنا بعد نفس طريقة ملك شادي بس بدون الماجي طبعاً
و طريقة كويتيه وأفتخر مثلنا .. بس هاااااااااااااااااه صوريها لنا اوكيييي |
انا كله على البارد .....كوبين حليب سائل وعليهم ملعقتين اكل طحين بس مو مليانه وسط ...واخلطهم بالشبك السلكي علشان ما يكتل الطحين ورشه ملح وفلفل ابيض وبدون لا زيت ولا زبده وعالنار الى ان يثخن نار متوسطه .....
والله العظيم يطلع لذيذ وخفيف ولا تحسي بفرق عن اللي مليان زبده |
الله يجزاكم خير ..صدق ماتضبط معي الله يعافيكم
|
انتي سيم سم ماي سستراتي ،،
ان ماضبطت معك مالك الا الظروف الجاهزه ،، ولاتنسين :28: سفرتكم ،، موفقه الوان . |
الحمدلله انا دايما تضبط معاي وتطلع لذيييييييييييييييذه
^_^ طريقتي هي ما ألتزم بأي مقادير خخخ شوية زيت (تقدري تقولي ملعقتين طعام) طحين أبيض (ممكن 4 ملاعق) كوبين حليب سائل جبنة سايلة أو مثلثات ملح وفلفل أسود تسخني الزيت وتصبي عليه الطحين وتخلطيه بالخلاط اليدوي بسرعه عشان ما يتكتل لما تلاحظي انه صار محمر شوي مو وايد .. صبي عليه الحليب واخطلي بسرعه في نفس الوقت وبعدما يمتزج عدل .. ضيفيله الجبنة .. الكميه اللي تبيها .. ورشي شوية ملح وشوية فلفل أسود واخلطي عدل اول ما تلاحظي بدت الباشاميل تصير غليظة .. خلاص معناها صارت READY وصحتين ^_^ |
لاااا اعارض الظروف الجاهزة
جربتو زمان عامل زي المهلبية صنع البيت الز بميت مرة الماجي مو ضروري نادر احطو للنكهة |
اما انا مربحه حالي على الاخر
ببريق المولينكس 3\4 ماء + 3 ملاعق طحين + 3 ملاعق حليب بودرة + حبتين ماجي + فلفل ابيض فززززززززززززززززززززززززززززززززز على الطنجرة يحرك لما يثخن وصحتين وعافية احنا هيك النساء العاملات مافي اشي بنعملو برواق كلو بسرعة |
اهم شي فزززززززززززززززززززززز :)
انا نفس كويتية وافتخر بالضبط واحيانا اذا مزاجي رايق احط اي نوع جبنة عندي بالثلاجة مفتوح (لكني احب القشقوان وافضله) |
انا طريقتي كلاتي اربع ملاعق كبيره طحين تمزج مع الزبده و بعدين اضيف كوب ( مرق دجاج او لحم) او اذا مش متوفر عندك ذوبي ماجي بكوب ماء ساخن و حطيه على الطحين و بعدين حطي كوم حليب و رشي فلفل اسود مع التحريك المستمر و السلام عليكم |
ما شاء الله كل واحدة لها طريقة مختلفة
و هذا ما يميزنا اننا هنا نتبادل الخبرات المختلفة بارك الله فيكم اخواتي و بالنسبة لطريقتي للاسف ليس لها مقدار محدد لانها حسب احتياجي للكمية المطلوبة الفكرة كلها انني اخلط المكونات علي البارد دقيق و لبن و بيضة و احيانا استغني عن البيضة لكن استعمل كل المكونات بدرجة حرارة الغرفة يعني مثلا 6 ملعقة طعام دقيق + ثلاث اربع لتر لبن + بيضة و يقلبو جيدا و يصفي في القدر و علي نار هادئه نقلب حتي يبطئ يغلظ قوامه و نبدأ باضافة اللبن بالتدريج لحين الحصول علي القوام المطلوب و اضيف ايضا حوالي ربع كوب ماء ( يعطي نتيجة جيدة للباشميل عن تجربة ) ممكن نضيف مكعب مرق حسب الرغبة و بعد ما ننتهي منه و انا افضلة يكون مثل الكريمة لانها بعد وقت يثقل و يغلظ ممكن لاضافة المزيد من الدسامة اضافة ملعقة زبدة بعد ما نطفئ النار و ستذوب بفعل حرارة الباشميل تحياتي للجميع |
انا طريقتي مرررررة سهلة اخذتها من كتاب نخبة الاطباق
ولذيذة بنفس الوقت كل كوب موية ملعقتين حليب ناشف وملعقة ونص طحين وشوية ملح هذا كله عالبارد حركية بالخلاط اليدوي وحطيهم على النار مع التحريك وبسسسسسسسس |
الساعة الآن 01:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©