|
مشكلتي مع رائحه زيت القلي
السلام عليكم جميع
سيداتي آنساتي ,,, اما بعد ...:d مادري وش اقولكم صراحه لكن مشكلتي مع رائحه زيت القلي مشكله:rolleyes: ... لمجرد اني اقلي شي بطاطس سمبوسه اي شي استخدم له زيت قلي ... تصير ريحتي كلي زيت قلي لدرجه انها تجبرني اني اغسل يديني وذراعاتي ووجهي كمان بالصابون وابدل ملابسي وبرضه الريحه ماتروع مادري ليه:mad: ..<< تعقدت في حياتها ..:29: بجد والله احيانا اجبر اني اروح اتحمم من جديد مع اني اكون توني متحممه :11:... وياااااااااعيني لو عندي ضيوف مستحيل يومها اني ادخل المطبخ نهائي ولا اطبخ الصبح وبعدين اتحمم واجهز نفسي ... ساعدوني تكفون كيف ممكن احل مشكله جسمي وريحه زيت القلي |
اذا نويتي تقلي شغلي مروحة الشفط واهم شي سكري الشبابيك .....
لانك اذا قليتي والشباك مفتوح ترجع لك الريحه وبعدين لاتتروشين الا اذا خلصتي قاليه..... وبعد ماتتروشين بخري نفسك والبيت انا هاذي طريقتي ...... اتمنى اني افدتك ...... |
يعطيكي الف عافيه علي ردك
وتصدقين انا اسوي نفس طريفتك اسكر الشبابيك واشغل المروحه والف شعري بشي اللي يشوف شكلي يقول داخله حرب موو مسألة قلي .. ومع ذلك حالتي صعبه بصراحه يا كنافه انا بديت احس المشكله في نوع بشرتي انها تمتص ريحه كل شي |
عليكم السلام والرحمه،،
ريحة القلي توصل للدور الفوقي رغم اننا نفتح الهوايه والشباك ونسكر باب الغرفه اللي نقلي فيها ونبخر البيت لكن لامناص ،، اكيد لازم تتروشين بعد القلي واذا بيجيك ضيوف حاولي تقلين قبل وقت جيتهم وتروشي عقب،، موفقه خيه . |
الظاهر انها مشكلة اغلبية النساء..انابصير معي نفس الشئ..فأذهب واستحم بسرعة بعد مااخلص كل القلي..
|
اووووووف اووووف ياريحـة القلي اعووووووووذ بالله اكثر شي اكرهه بعد الأكل المقلي بسبب الريحـه ! بس مستحيل ترووووح او تتزحزح الريحه الا لمـا تتحمي من جديد ! مافي اي حل ثاني ~ لاتلفي شعرك ولا تلبسي مدرعـه بعد هع |
والله المشكله عويصه
انا اذا عندي قلي اشيل هم اقلي واخلص واحطه في صينية بالفرن محمى مسبقا علشان يظل مقرمش وساخن وافتح المروحة وابخر البيت واتحمم الحل الوحيد برايي اني اشتري مقلاة تيفال الكهربائية اللي لها غطا ! لا ريحة ولا عوار قلب ولا طرطشة زيت :) شرايكم؟ |
دائما اهرب من القلي
بالذات برمضان وكل ماقلي تجيني نقطة زيت الاستحمام داء لابيد منه خخخخ |
ياالغاليه
انا عندي نفس مشكلتك جسمي على طوووول يشفط ريحة القلي قالت لي صديقتي البدويه عن طريقه حلوه وتعرفون البدو يطبخون الذبيحه في بيوتهم وانا هالحين اجربها والحمد لله تمااام حتى اللي يدخل عندي في البيت ما يشمون ريحة زيت القلي الطريقه افتحي مروحه الشفط و واشعلي الفواحه انا حالياً استخدم ريحة الفواحه من بودي شوب العنابي والأزرق -ماعندي وقت اكتب أساميهم- في المطبخ بعدين أقلي واذا خلصتي قلي لاتطفين الفواحه من جد مافيه اي ريحه جربيها وشوفي ... |
والله يا حرم المختار لا فواحة ولا غيرها قدرت تشيل الريحة
انا شقتي صغيرة ونظام الشقة المطبخ جنب الصالة على طول .. وبالنسبة للذبايح انا مستعدة اطبخ الذبايح كل ليلة بس لا تقوليلي اقلي بطاطا ! من جد ما تروح ريحة الزيت بالمره شكلي بجد بروح اشتري قلاية الكهرباء اللي بغطاء علشان ارتاح |
نفس المعاناه ..
مو بس بريحه القلي .. في تنظيف الفرن بعد القلي :( هذي معاااانااااتي |
لازم اتحمم بعد القلي
برمضان احيانا اخلص قلي وباقي على الاذان دقايق اركض اتروش ونزل افطر ونا اقطر مويه ومااظن في حل ثاني غير الاستحمام |
شكرا لكل اللي رد علي موضوع
رفعتوا معنوياتي حسيت اني مو لحالي بالمعاناه هذي مع القلي حرم المختار انا شكلي بجرب طريقتك وان شاء الله تظبط معي .. واشكرك علي مرورك :) وش رايكم يا جماعه باقتراح بكر الشايب صراحه اعجبني وافكر اشتري وحده مثل هذي القلايه لا ريحه ولا عذاب ولا معاناه واشكركم من كل قلبي علي ردودكم بصراحه رفعتوا معنوياتي |
اقتباس:
يالغاليه انا نفس معاناتك مطبخي جنب الصاله يعني على طوووول الريحه تكون في الصاله بس الحمدلله عقب ما استخدمت هاذي الطريقه مافيه ريحه نسيت اقول لكم خلو الباب المطبخ مسكر وافتحوا مروحه الشفط والفواحه مشغله ... وترى قبل شوي قليت بطاطا والحمدلله مافيه ريحه في بيتي ولافي نفسي والله يعافيكم وحده منكم تستخدم طريقتي وشوفوا كيف النتيجه |
شوفي ياعيني
سمعت مره اسامه السيد يقول على طريقه حلوه اذا بتقلين اي شي ولعي على نفس الفرن فحم ومنها بعدما تخلصين تبخيرن البيت لانه الفحم وهو يشتعل يمتص الروائح انا احط فحم والبس غطاء بلاستيك على شعري وفوقها شرشف صلاه يغطيني بالكامل مخصصته للمبطبخ(طبعا هذا لو كنت لابسه وجاهزه وتوي متروشه بس لازم شي اقليه بهذاك الوقت )بس لللعلم انا قلايتي كهربائيه واحطها تحت مروحه الشفط على طول واقفل الابواب والشبابيك حركه الشرشف شفت وحده تسويها وهي تطبخ بس هي مخيفه شوي لو تجي النار عليك لاقدر الله وانتي تطبخين بيولع بسرعه فاستخدمها مع القلايه الكهربائيه لانه ماحولي نار اما اذا شي ممكن ينقلي قبل وبوقت فلا مناص من الاستحمام مره اخرى وتستمر المعاناه مع روائح الطبخ وبالذات الكشنه الله يعين |
انا اشووف مرت خالي تجيب قدر صغير وتحط فيه قرفه عيدان مع مويه وتخليها تفور وقت الطبخ وتشوف مطبخها ريحته قرفه ما تحسي بريحه طبخ ابدن حتى ريحه البصل ما اشمها في بيتها |
اقتباس:
والله ياقلبي لا كهربائية ولا غيرها.. أنا في رمضان هذا شريت القلاية الكهربائية.. ما أقول مو زينه,, لا كويسة .. بس الريحة فيك فيك.. لازم تتروشين بعدها وتبخرين البيت عشان تروح الريحة.. أتوقع الحل الوحيد أنه الوحدة تحط الغاز المتنقل وتحطه بالسطح وتقلي مع الهواء الطلق.. |
بالنسبه للقلايه الكهربائيه <<<<<<سمعت دكتور يقول تسبب سرطان طبيعي انك تتروشين +تبخرين البيت + تلبسين إيشارب على شعرك عشان مايمتص الريحه فيه طريقه تشيل الريحه زي ماقالت الأخت قد رمو يه يغلي ويحتوي على >>>1- أعواد قرفه 2- حبات هيل 3- أعواد قرنفل((مسمار)) تحطينه على النار طوال فترة القلي عن تجربة يمتص الريحه وروووووووعه حتى ماكأنك قليتي شي |
اذا خلصتي قلي حطي بس شوي فانيلا على الزيت وشوفي كيف تروح الريحة كلها من البيت ومنك ويطلع ريحتك فانيلا
|
طيب شوتحكي وشوتسوي اذنظام الشقة عنا المطبخ مفتوح عالبيت كله..ماشاء الله..مافي باب للمطبخ..مافي نافذة...انااحيانا احرق شوية ميرمية بعد القلي...بس المشكلة قائمة لازم تستحمي..
|
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©