|
يومك يا متزوجة ومتزوج
السلام عليكم ورحمة الله وبركاته .....
كيفكم ياحلوين حبيت نتناقش بموضوع واعرف كيف يمر يومكم وحدهـ ملقوفه:d يعني من تقومي من النوم لحد ماترجعين من النوم ....... المـــــــــقـــــــصـــــــــــــــود حياتك في البيت فقط !!! متى تبدين تهتمين باللوك ؟ متى تجلسين انتي وابو الشباب ؟ يعني يهتم بشكلك ويشجعك ولاعااااااادي ؟ هل يشجعك على التجديد في اللبس ؟ويبغاك تمشين على الموضه؟ انتظر ردودكم ....ولاتحرمونا يامتزوجين من الرد اتمنى مشاركة جميع من في المنتدى من مقبله او متزوجه او منطلقه او منتظرهـ ((اكرهـ كلمة عانس))وايضا العزاااااااب :30: اتمنى ان يعجبكم الموضوع ...... |
موضوعك كثيييير ظريف بس اعطيني وقت وارجعلك على ما ارتب حياتي الملخبطة
|
اهتم بلوك اذا قرب وقت رجوع زوجي من العمل
جلوسي معه على حسب الظروف يعني اوقات اليل المعرب او العصر على حسب رجوعه من العمل دايمن يشجعني بكلامه الحلو بشكلي بلابس بكل شي حتى لو كان بسيط وعادي بصرح ولا مره يقول جددي او غيري من شكلك ابدا الان حياتي كله تغير في تغير ام الموضه ما يتكلم فيه ابد ؟؟؟ |
غاليتي كنافة موضوعك حلو.. وهذه مشاركتي
متى تبدين تهتمين باللوك ؟ بصراحة ما اهتم فيه كل الاسبوع لاني لحالي واول ما يجي يوم الاربعاء تبدأ التحضيرات كلها من مكياج وسشوار ولوشنات وبخور وحالتنا حالة :) متى تجلسين انتي وابو الشباب ؟ كل الويك اند.. الله ماكتب لي اولاد للآن لذا كل وقتي ملكه يعني يهتم بشكلك ويشجعك ولاعااااااادي ؟ جدا جدا يهتم ويشجعني .. واذا مرة شافني لابسة جلابية البيت العادية ماعنده اي مشكله يقولي روحي غيريها ! هل يشجعك على التجديد في اللبس ؟ويبغاك تمشين على الموضه؟ لا والله ما تفرق معه الموضه ما الموضه .. اهم شي اني البس شي حلو والوان يحبها وانا بطبعي ملابسي قليلة لكن لانه ماهو عندي كل يوم احيانا ينسى شنو لبست فعندي مجال اكرر اللبس يسلمو حبيبة قلبي |
بس ترجع الحياة لمسارها الطبيعي في بيتي ارجع ارد:) كون زوجي لايعمل فاليوم مو زي ايام العمل
ايام العمل احلا في تغيير لي عودة ان شاءالله |
اقتباس:
لازلنا ننتظر ردك يا الورد الجوري:25: |
اقتباس:
اسعدك الله ....اسعدني مرورك ..... |
اقتباس:
|
اقتباس:
الله يرجع ايامكم زي اول وتخبرينا |
iههههههه ضحكتيني يا كنافة
بس مرات يجي بنص الاسبوع فجأة واكون ماخذة راحتي بالجلابية يقولي روحي بدلي سنة 1980 اللي لابسته وتعاليلي موديل 2009 :) <<< احباااط |
كل هذا فضول وش رايك تاخذين العناوين وكل يوم تروحين بيت وتراقبين الأوضاع عن قرب يا كونان:23:
كان مفروض تبدين بنفسك وتقولين لنا يومياتك :d موضوع شيق وفيه كم من تبادل الخبرات ... رغم انه حسسني اني عزوبي ... |
مرحبا حبيبتي كنفة ومشكورة عل الموضوع الحلو وعقبالك ما تكتبيلنا عن يومك مع سعيد الحظ
وهذه اجوبتي متى تبدين تهتمين باللوك ؟ قبل ما يرجع من الشغل بشوي متى تجلسين انتي وابو الشباب ؟ لما يفضى حضرته وغالبا بعد ما يرجع من الشعل بشوي يعني يهتم بشكلك ويشجعك ولاعااااااادي ؟ اه طبعا لما يشوف شي جديد يقلي عنه واحيانا يشتريلي اياه هل يشجعك على التجديد في اللبس ؟ويبغاك تمشين على الموضه؟ نعم والحمد لله |
متى تبدين تهتمين باللوك ؟
قبل لا يجي زوجي من العمل متى تجلسين انتي وابو الشباب ؟ وقت مانكون صاحيين نجلس سوا يعني يهتم بشكلك ويشجعك ولاعااااااادي ؟ احيانا يشجع واحيان مايعبرني هل يشجعك على التجديد في اللبس ؟ويبغاك تمشين على الموضه؟ لا هو عاجبه شكلي كذا ومايعرف الموضه انا اللي علمته كل شي |
كناافتي .. رجعتي و رجعت مواضيعك العسل ..
متى تبدين تهتمين باللوك ؟ قبل ما يجي بساعة .. بعد ما اطبخ و ارتب البيت .. البس ابني :) و اشوف لبس حلو ... مع ميك اب خفيف * بودرة .. الكحل و الماسكرا .. و الغلوس * مع رشة عطر خفييفة متى تجلسين انتي وابو الشباب ؟ عادة يروح الساعة 5 من الدوام الي يبتدي 7 الصبح يتغدى و ينام و يصحى 7 المغرب .. عندها اسوي كوفي و اصحيه و نقعد سوى لغاية 10و طبعا ابني معانا او بلاصح بينا لانه يغير من ابوه :) يعني يهتم بشكلك ويشجعك ولاعااااااادي ؟ صراحة عادي .. يقولي ايش الحلا هذا :) و هي.. ماعاد اسمع كلمة غيرها :) الا اذا انا سحبتها .. و محسوبتك ما تقصر كل 5 دقايق اساله حلو؟ رهيب ؟ امانه مو يجنن ؟؟ .. لغاية ما يطفش :) هل يشجعك على التجديد في اللبس ؟ويبغاك تمشين على الموضه؟يشجعني على التتجديد . ايوه لما يكون فاضي و ماعنده شغل بس ... لكن الموضة هو اصلا ما يعرفها .. .. مايطالع من التلفزيون الا الاخبار :) فا مايدري اللي البسه موضة و لا لا :) .. يقولي حلو.. المهم لونه برتقالي :) بشكل عام زوجي مو مركز بهذه الشغلات لا موضة و لاشي خاصة ايام العمل و ما الومه لانه طبيعة شغله منهكة بدنيا و فكريا .. يروح البيت و حالته حالة .. والله يعطيه العافية انه يقعد معاي ساعتين اصلا .. يسلمووووا ياقمر على الموضوع الحللو و الخفيف اللطيف الظريف :) |
متى تبدين تهتمين باللوك ؟
قبل رجعته عالبيت متى تجلسين انتي وابو الشباب ؟ وقت مايرجع من الشغل يجلس معنا شوي وبعدين ينام ولما يصحى بيطلع ونجتمع وقت العشاء وبيطلع وبيرجع عالساعة 10:30 واذا تاخر كتير بيرجع عال12 يعني يهتم بشكلك ويشجعك ولاعااااااادي؟ الحمدلله بيهتم هل يشجعك على التجديد في اللبس ؟ويبغاك تمشين على الموضه؟ الصراحة مابيتكلم لاني ما بخلي له مجال دايم اجدد وبالنسبة للموضة مايهتم بيقول انا احبك على طبيعتك وايش مابتلبسي بيعجبني ويسلموووو على هالموضوع الحلو خلينا نغير اجواء المنتدى شوي |
كنـافه صادقه << مصره اغير الأسـم مع ان طعمك حلو اقصد الكنافه الكذابه خخخخخخخخخخخخخخخ متى تبدين تهتمين باللوك ؟ والله مادري اذا تزوجت اقولكم متى تجلسين انتي وابو الشباب ؟ امممممممم اذا جا من الدوام << يعني الحين حللت انه بتزوج واجلس معاه بعد مايجي من دوامـه هع يعني يهتم بشكلك ويشجعك ولاعااااااادي ؟ ان شاءالله يكون زوج المستقبل .. يهتم ويشجع << اخاف يجيني متبلد وافطر على بصله هههههههههههههه هل يشجعك على التجديد في اللبس ؟ويبغاك تمشين على الموضه؟ جوابـه بالسؤال الي فوق هع <<< هذا كله وهي مابعد تزوجت بس لقافه داخله لوووووووووووووووول .. كنافه موضوعك نايس وحبيت اسوي اكشن .. وادخل ... هاتي يـووومك ياعسـل .. وادعيلي اتزوج عشان احكيك يومياتي ويوميات اهلي وقبيلتي بعد ههههههههههههههههههههه |
اقتباس:
موضوعج شيره ياكنافه!!! |
بصراحة جبتيني على الوجع
شوفوا يومي يا حلوين انا وزوجي لللاسف للاسف الاساف انا بنشتغل مع بعض ( في نفس المكان ) يعني بنطلع مع بعض وبنروح مع بعض بنفوت على البيت بنفس اللحظة الساعة تقريبا 4 ونصف او خمسة الان زوجي بيروح يرتاح وانا بتبدا حياتي بغسل وبصلي وبلبس اي اشي بطلع معي من الدرج ( اول قطعة ) توجه مباشر على المطبخ بطبخ ( احيانا الشغالة بتكون سالقه اللحمة او الدجاج ) بنادي بنتي الكبيرة لحتى ندرس بالوقت الضائع بنتغدى تقريبا بعد ساعة كم الساعة صارت 6 الان بنكمل دراسة واثناء دراسة بنتي الكبيرة بعطى دفعة حنان وامومة لبناتي التوام شويه حكي مع الكبيرة عن المدرسة ( لتعزيز التواصل :29: ) اذا دور الحمام بحمم بناتي التوام واولادي الصغار ممكن ممكن اذا في مجال اعمل حلو لبنتي الصغيرة بتموت بكيكة ماما كم الساعة صارت شووووووووووو 9 او 10 بنروح نحضر الاطفال للنوم وشوية حنان وامومة بوسة ودلع لحتى ما يتعقدوا من نقص الحنان في النهاية بكون دايخة good night يا زوجي العزيز احيانا بيسمعني واحيانا بينام على الكنابايه لحظة لا تقولولي الجمعة الجمعة لصلة الارحام الله يرضى عليكو مش النا ما بيصير !!!!!!!!!! طيب متى بدي البس وازبط حالي انسوا فقدت الامل مع تحيات زوجة عاملة من 13 سنة |
وينكم يا حلوووووووووين مافيه ولا وحدهـ تتظبط لزوجها .....
ولا واحد يتظبط لزوجته..... |
أنا أخذت إجااااااااااااااااااازة من أبو الشباب لأني نفاس
من حقي صح !!!!!!!!!! يسلموا على الموضوع الجميل دا |
متى تبدين تهتمين باللوك ؟
اكيد قبل مايرجع من الدوام بنص ساعة متى تجلسين انتي وابو الشباب الظهر قبل الغدا هذا الوقت الوحيد اللي يكون فيه رايق ومصحصح لانه بالليل يكون دايخ يبغى ينام يعني يهتم بشكلك ويشجعك ولاعااااااادي؟ على حسب مزاجه ساعات يشجعني اذا رايق وفاضي هل يشجعك على التجديد في اللبس ؟ويبغاك تمشين على الموضه؟ نعم يشجعني اما يمشيني عالموضة مو دايما لان ذوقي غير ذوقه فانا اعرف الموضة اكثر منه بس هو يتفلسف على اساس انه احسن مني |
مش عنوان موضوعك يا متزوجه ويا متزوج
طيب وين الاسئله الخاصة بالزوج ؟؟ |
هلا حبيبتي من جد موضوع روعه
انا طبعا هالسنه غير لاني اشتغل وادرس من جد تعب ومافيه وقت ابد بس متى تبدين تهتمين باللوك ارد انا وياه بنفس الوقت احط غداي ع النار وادخل الحمام اتروش اكسخ اذا ودي او اكون بسيطه على حسب اذا كانوا بناتي موجودين او لا لانهم يحاصرون ابوهم متى تجلسين انتي وابو الشباب بعد الغداء ؛ شوي واحسن عن القابل والخلافات يطلع او ينام انا اذاكر او احل الواجبات<وطبعا >مع الجهال مافيه نوم وانااام اذا ناموا قطاوتي يعني يهتم بشكلك ويشجعك ولاعاااااادي يدري اني ادري اني حلوه و مهتمه عشان كذا ما يشجعني الا خاطي مره هل يشجعك على التجديد في اللبس ؟ويبغاك تمشين على الموضه ذويق وفاهم بالموضه وكل شي بس ما ينبهي ولا يطلب عشان ما اطلب السوق يلا اريح وعقبالك بالزوج الصالح اللي ما يشوف عيوب وعساك تتبكرين بتومعيال س |
انا بصراحه جديده عليكم وتووووووووني مسجله..
وهذا أول موضوع اكتب ردي فيه بصراحه انا حياتي ممله وبديت اكره زوجي لأنه اساسا بعيد عني يومي يا حلوين كالتالي.. الساعه 7 ونص اصحي زوجي عشان يروح الدوام وانا ادخل انام عشان هو مايبغى يتكلم اذا صحي من النوم يرجع من الدوام ميت جوع اقوم احط له الغدا واتغدا معاه وسواليف عاااديه جدا ما تتعدى العشر او ال 15 دقيقه يسلم على ولده ويروح ينام وانا لحالي مع ولدي الله يخليه ليه يصحى ع العشا تقريبا يصلي ويلبس ويطلع ما أكذب عليكم لو اقولكم يوميا يطلع وانا أحيانا اروح لأمي أو عمتي أو اطلع مع اخواتي بس الاغلب اقعد في البيت المهم يرجع الساعه 12 أو 11 ونص ويتعشى ويقعد شوي ع التلفزيون وطبعا لمن يقعد ع التلفزيون الصوت ع أعلى شي ولمن أسولف معاه يرد على قد السؤال وبعدين يروح ينام وهـــــــــــكذا.. فمافي داعي اني اتلبس واتكشخ وهو اساسا مو مهتم او بالاحرى ما عنده وقت لي.. |
اقتباس:
ياويل قلبي يابكر شدي حيلك مع الشايب والبسي لاتصيرين عجوز الشايب هههه |
اقتباس:
انا احب ان اسمع مالدى الناس اولا واتركهم يتحمسون وبعدين اتكلم مصدقه نفسي اني مهمه انا انتظرت جميع الاعضاء متزوجين ومنطلقين واعزاب (ومعلقين)يعني اتكلم عن نفسك من ناحيه اهتمامك تشجيعها لك وغيرهـ انتظر الاجابه ....رزقك الله بمن تسترد لك شبابك |
اقتباس:
|
اقتباس:
|
اقتباس:
|
مـع ان للزواج فـوائــد لكنه يـفـقد الشخص جـزء من حريـتـه بإدارة وقـــتـه... خاصة إذا كان منكب على أعماله الخـاصة والشخصية <<<< مثلي:d موضوع جميل اختي كنافه ومشاركات رائـعـة من الأعضاء الكرام عزوبي:21: بس:d رجل:30: |
اقتباس:
|
اقتباس:
|
اقتباس:
اتوقع انك دائما ملفته انتباهه...... تسلمين ياعمري اجل انتي حشوة الكنافه:22: |
اقتباس:
اسعدكي الله ..... |
اقتباس:
استعدي لمابعد النفاس لانك اهملتي عمرك مايقارب السنه تضبطي لابو الشباب وبسطيه..... |
اقتباس:
الله يوفقك...... |
اقتباس:
انتظر اجابتك ..... |
حبيبتي كنااااافة ايش كل هالحلا مشكورة عالموضوع الرااااااااائع وبشرفني اكون من الاعضاء الجدد واللي بردوا عمواضيعك يا حشوووووووووووووووووووووورة :d:d وهذه اجوبتي متى تبدين تهتمين باللوك ؟ من الاربعاء للسبت لما بيجي من دوامه متى تجلسين انتي وابو الشباب ؟ المسا احلى قعداتنا لانه بالنهار بنكون بنحكي بس حكي عادي وغدا وتجهيزاته بس برضه بكون على سنجة 10 حتى وانا بطبخ :22::22: وفي المسا يحلو السمر:14::14::14: بس بكرة بعد ما يجي النونو بصير في المساء يحلو العياااااااااااط :15::15: :17: يعني يهتم بشكلك ويشجعك ولاعااااااادي ؟ اه طبعا جدااااااا بكلامه الحلو :30: هل يشجعك على التجديد في اللبس ؟ويبغاك تمشين على الموضه؟ مش بالضرورة الموضة بس شي حلو ومرتب وانيق :26::26::26: شكرا يا كنااااااافة الحلوة عالموضوع مرة تانية :17: |
معظم الاسئلة للمتزوجين كيف تقولى للكل:29:
متى تبدين تهتمين باللوك ؟اول مااصحى من النوم اغير ملابسي واذا كنت رايقه احط جلوس واحمر خدود دا خميس وجمعه وباقي الاسبوع البس وعلى النادى:18: متى تجلسين انتي وابو الشباب دا سئوال راح يتاجل:d ادعيلنا يعني يهتم بشكلك ويشجعك ولاعااااااادي؟ دا سئوال كمان كيف يترد عليها المفروض الاسئله تكون مفتوحه اكتر هل يشجعك على التجديد في اللبس ؟ويبغاك تمشين على الموضه؟ اخواتى يشجعونى دايما والحمدلله كلنا مهتمين بي لبس الشي المناسب مو حسب الموضه فقط ونشترى ملابسنا وناخد راي بعض دائما وفي النهااايه تسلمى على موضوعك:30: |
موضوع جميل جدا
تعجبني دائما الموضوعات التي نتواصل فيها معا و نتبادل فيها الخبرات:22: أما عن يومي فعهو يومين يوم عند ذهابي للعمل و يوم عند جلوسي بالمنزل و كلاهما مختلفين تماما يوم العمل(و هو الأسوء طبعا علي و على زوجي):( *استيقظ في ال4و نصف صباحا لصلاة الفجر ثم يعود زوجي للنوم و أذهب أنا للمطبخ لأجهز بعض من طعام الغداء حتى السادسة ثم أعد الأفطار حتى السادسة و النصف:eek: *نجلس لنتناول الافطار سويا *نغير ملابسنا *يوصلني زوجي إلى عملي(فليس معي سيارة) *بعد العمل اذهب لأمي (حيث أنها قريبة من العمل) *يعود لي زوجي ليأخذني من عند أمي و نعود للبيت *فور دخولي للمنزل أخلع ملابسي على الباب و جري على المطبخ لأكمل تجهيز الغداء:30: *و الأكل على النار اذهب لأغير ملابسي *بعد الغداء أغسل الأطباق سريعا ثم استبدل ثيابي بثياب جميلة و قليل من المكياج السريع فقط كحل و بلشر *اذهب لأجلس مع زوجي حوالي ساعة أو ساعتين بالكثييير ثم إلى النوم العميق أما يوم الجازة و ما أجمله:25: *استيقظ في السادسة لأعد الأفطار *ايقظ زوجي في السادسة و نصف و نفطر سويا *يذهب هو إلى العمل و أبدا أنا رحلة الكفاح *أبدأ بتنظيف الشقة ثم بعدها تجهيز الأكل *أطلب من زوجي أن يتصل بي فور نزوله من العمل لأعد نفسي لاستقباله *يأتي أبو الشباب(يارب يرزقني الله الشباب و البنات قريبا)ليجدني في كامل استعداد:17: و من ناحية الاهتمام بالشكل فهو يعتم جدا و يشجعني خاصة عندما ارتدي شئ جديد أو أضع مكياج مختلف وأو أعمل تسريحة جديدة الله يخليه ليا و لا يحرمني منه أبدا:) دمتم بخير |
| الساعة الآن 12:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©