|
التحرش بالاطفال من قبل المحارم ..... الى متى ؟؟؟
السلام عليكم ورحمة الله وبركاته ما ادري من وين ابدأ بس بصرحة احس بضيقة عجيبه وتمنيت اذا كان لي سلطة اقدر استخدمها ضد ناس ما يستحقو العيش في هالحياة لي صديقة عزيزة على قلبي واعتبرها وحدة من خواتي بس حياتها مع زوجها شبه مستحيلة لانه تخطى كل الاعراف وتعدى حدود وحرمات الله عز وجل نصحتها وتعبت في نصحها حتى لدرجة اني لما تفتح معاي موضوع زوجها احاول اني اتحاشى الرد عليها او اغير الموضوع وافتح موضوع ثاني عشان ما احب اسمع منها مشاكلها مع زوجها وانصحها انها تصبر بالرغم اللي يسويه لو انا مكانها ما اجلس ولا دقيقة وحدة معاه يقول الاغاني حرام ويصوم ويصلي بس ....... الحرام يسري في دمه مثل الدم !!!!!!!!!! دائماً اصبرها وقولها انه لازم يكون لها شخصية ولا تضعف قدامه لانه بكم كملة تنسى كل اللي يسويه فيها لانها دائما تتصل لي وهي مرقدينها في المستشفى بسبب الضرب اللي تعرضت له منه!! والله ياناس من سوالفه اللي ما تنقال سرت اخاف اروح لصديقتي في بيتها لكن كل كوم يا ناس واللي يسويه مع بنته اللي عمرها 8 سنوات كوم ثاني .......... لو يولوني عليه اكيد بدون شك راح اقتله انا تعبت مع صديقتي وقلت لها اشتكيه وخلي المحكمة تحرمه من شوفة عياله لما يعرف ان الله حق بصراحة اتصلت فيني قبل شوي وهي تبكي وحالتها حاله لان زوجها تحرش في بنته من جديد لانه مو اول مره يسوي هالشي !!!!! فانا عصبت عليها لانه هي ما اتخذت اي خطوة عشان تمنعه من هالتصرف الفضيع وقلت لها انك انتي مشتركة في هالجريمة البشعة لانك ساكته عن المنكر اللي ما ترضاه كل الملل هل انا غلطانة لو حرضتها تشتكي على زوجها عشان البنت تعيش حياة سليمة بعيدة عن هذا الاب ولو ان كلمة اب حرام تنطبق عليه كتبت الموضوع من الضيقة اللي فيني على هالبنت المسكينة لمتى بتتحمل اللي يصير فيها ؟؟ |
السلام عليكم
دائما أقرأ و أدعو في الغيب و لكن موضوعك هذا حرك جوانبي و سحق قلبي لا أدري ماذا أقول غير لو أني كنت مكانها لقتلته فعلا لا حول و لاقوة الا بالله العلي العظيم الله المستعان يا أختي لا تسكتي أبدا حرضي صديقتك حاولي تقنعيها تبعد البنت عنهم اذا هم في نفس المنزل مثلا تذهب بها لتعيش عند جدودها خليها تسجل محاولاته و تخبر قومه جميعهم لا إله إلا الله العلي القدير محمد رسول الله اذا كانت لا تريد اعرفي منها الأسباب وحاولوا حلها أخف الحلول أن لا تبقيها بين يديه أبدا أبدا لست أعرف ما أقول ؟؟؟؟ ولكن جل ما أرجوه عدم السكوت أبدا عليها بالدعاء الدعاء وكان الله في العون |
لا حول ولاقوة الا بالله
|
لا حول ولا قوة الا بالله
سلم يا رب سلم ربنا يعافينا |
المساعد على الجرم مجرم .. صديقتك تجرم في حق ابنتها بتصرفها السلبي وعدم الوقوف بجانبها .. والخوف أن لا تتحرك إلا عندما تحدث الطامة الكبرى ..
حسبنا الله ونعم الوكيل .. نعيب زماننا والعيب فينا وما لزماننا عيب سوانا |
على ماذا تصبر ولماذا ؟؟
اسفه لكن اذا كانت تسكت على تصرفاتها مع بنتها ضناها فهي لاتستحق ان تكون ام وهي كما هو مجرمه في حق ابنتها هل تحتاج الى صفعه لكي تتذكر انها ابنتها وعليها ان تقف امام العالم لتحميها والا لما انجبناهم اذا نحن لانستطيع حمايتهم ثم لما تسكت عن ضرب زوجها اكانت مستعبده فحل له استعبادها الم تلدها امها حره فتدافع عن نفسها والله استغرب من التي تضرب المره تلو الاخرى وتقول معليش اصبر لعل وعسى اسفه لكن ذيل .... عمره ماينعدل وسكوتها يعني رضاها لاحول ولاقوة الابالله وحسبنا الله ونعم الوكيل |
هل زوجها يشرب المسكر او يدخن سجاير حشيش ؟
|
اقتباس:
هلا اختي ام سليمان والله يا اختي انا عجزت معاها وانا انصحها بس ما فايدة ابداً حتى قلت لها انتي يبيلك احد يصحيك من السبات اللي انتي فيه ما اقول الا الله يهديها شاكرة لك مرورك اختي |
اقتباس:
انا قلت لها نفس الكلام بس ما شديت عليها كثير لانها كانت في حالة ما تسمح لي اني ازيدها هم وقلت لها بعد بنتك راح تتعود وتستمري هالشغلات وبعدين راح تبحث ورى هالشي بنفسها وبعدين ما راح ينفع الندم انا دائماً ادعي لها ان الله ينور بصيرتها جزاك الله خير |
اقتباس:
هلا كريستال انا كلمتها وكل مره افتح لها موضوع بنتها وليش هالتخاذل منها بس تقولي وين اروح قلت لها هذا مب عذر تقدر تسوي اي شي اقلها انك تاخذي عيالك وتروحي عند اهلك واشتكيه في المحكمة وخليها يدخلوها مركز تأهيل ترى زوجها مريض الله لا يبلانا بس تقولي ما ابغى اضيع مستقبله لانه يشتغل في مكان مرموق قلت لها والله لو انا مكانك اخليه يضيع مستقبله ولا اتحسف عليه انسان عايش مثل الحيوانات كل همه شهوته ..... اما عن الضرب من عرفتها 4 سنوات ما اقدر اعد كم المرات اللي بس نقلوها بالاسعاف من بيتها قلت لها يا فلانه موتك راح تكون على يد هالرجال اللي ما يستحق تخسري حياتك عشانه مشكورة اختي كريستال |
اهه ياقهري على هذه الطفلة
الحرق والذبح قليل في ابوها شوفي قولي لها اذا هي تبي تسكت على ضربها هي حرة لكن البنت لاااااااا والف لااااا حرام والله اللي يصير فيها بتضيع حياتها و مستقبلها اذا ماتبي شرطة و فضايح خلاص توقف بوجهه .. كل ماجا ناحية البنت تبعده و تطلعها بره البيت او تحبسها بغرفة وتقول له يا تعقل يالحين بقضحك و الم الجيران تقوي نفسها ولا اصلا المفروض زي هذا ال.... ماينعاش معاه كيف تقدر تشوفه او تقعد معه المفروض اصلا تكون اخذت اطفالها و هجت |
اقتباس:
انا سألتها بس تقول ما يشرب وماله بالهسوالف حتى انا دائماً اقولها اللي يسويه زوجك ما يطلع الا من انسان عقله مب معاه بس هي تأكد انه ما لاحظت عليه انه يتعاطى شي الله يصلح الجميع مشكور |
وعليكم ا لسلام
اختي صاحبتك كيف تطلع اسرار بيتها الك وهذا فيه ضرر عليها و على البنت و زوجها و مستقبلهم يعني بكره تكبر البنت و تنخطب ويسالوكي تقولي والله الحق حق ابوها كان يعتدي عليها ثانيا الاب يصلي ويصوم ،،،،، ما عنده شرف ولا نخوه ،، ما تجتمع الصفتين برجل مركزه مرموق و وظيفته طيبه هذه ما تجتمع برجال يعتدي على شرفه اخيرا صاحبتك مبين انها فاضيه ومريضه ودايما بمشاكل مع زوجها و تلاقيها كل يوم متهمه زوجها بعلاقه مع بنتها ولا مع الشغاله ولهلسبب زوجها يضربها اخيرا نصيحه الك ابتعدي عن المشاكل و جاوري السعيد تسعدي |
كيف صديقتك ساكته!!كيف تقبل ان رجل مثل هذا يعاشرها!!وين أمومتها؟؟وبعدين أنا ماني فاهمه على وشو صابره؟؟في أمور ماينصبر عليها وبعدين خايفه عالرجال ومركزه المرموق أكثر من خوفها على بنتها ضناها!!والله عالم عجيبه مانقول الا الله يحفظنا ويحفظ لنا ويحمي أبناء المسلمين جميعا,,من جد انقهرت وارتفع ضغطي,,
|
أختي الفاضله ***
أنا لم استوعب الموضوع *** ولم يخش مخي *** أكيد هذه قصه خياليه *** الله يستر على بناتنا من كل متحوش لا يخاف الله *** بالتوفيق إن شاء الله 0 |
اقتباس:
هلا اختي نورة صدقيني والله عجزت بنصحها بس هي مدري ليه ساكته على هالوضع والله امس ما جاني النوم قلبي محروق على هالبنت اش ذنبها ان اللي محسوب عليها ابوها يسوي فيها كذا بدون ما تلقى مبادرة من اي احد ينقذها ما اللي صار لها والله العالم اش راح يصير بعد على قولك كان هالخطوه انها تترك البيت وتهج بعيالها من اول مره تجرأ فيها زوجها وتحرش ببنته !!!!! مشكورة نورة |
اقتباس:
وليه ما تجتمع هالصفتين يا اختي ياما ناس كباريه وسوالفهم مالها اول من اخر وليش حكمتي عليه من خلال هالاسطر اللي كتبتها انها مريضة ما اظن ان فيه وحدة في العالم ترضى انها تنضرب بسبب او بدون ومشكورة على النصيحة يا قلبي |
اقتباس:
انا بعد اقول مثلك وانا الظغط والسكر مرتفع علي من امس من القهر الله يجعل لهالطفلة مخرج منهم جزاك الله خير |
اقتباس:
ليش يعني ما استوعبت الموضوع وما خش مخك؟؟؟؟؟؟؟؟ اول مره تقرأ او تسمع مثل هالمواضيع والله انها مب قصة خيالية وهذا واقع وتعيشه كثير من الاسر العربية وزجي يشتغل في مركز استشارات وتجيهم استشارات يشيب لها الراس عن زنا المحارم الله لا يبتلينا بس هذي مب استشارة ولا قصة خياليه لانها صديقتي ومثل ما قلت اعتبرها وحده من خواتي ومشكور |
لا حول ولا قوة الا بالله
كيف تسكت على فعل بشع مثل هذا وانت لستي غلطانة بتشجيع صديقتك بأن تشتكي عليه بالمحاكم ولا تسكتي على الغلط |
اقتباس:
انت ما تدري شي عن الدنيا عايشة ببرجك العاجي واذا قلت لك ان شيوخ لحاهم للارض ويتحرشوا؟؟؟ ايش تردي علي؟؟؟؟؟ الله لا يبلاكي ....بلاش تستهيني ببلاوي الناس |
اختي بنت سليمانيه
انا بعد استغرب منها ومن ردة فعلها تكون زعلانه ومستنفره وتتوعد انها تسوي وبتسوي بس كلام ولا مره طبقت شي انا احبها واعزها بس لما اتذكر سلبيتها وخاصة في موضوع بنتها انقهر منها الله يهديها للطريق الصحيح |
اقتباس:
واحترامي وتقديري ليكي |
يالله
الى متى تظل جالسه معه والله حرام اللي يسويه في بنته اذا هي راضيه على ضربه براحتها لكن البنت دحين ماتفهم تجلس الين تفقد شرفها وتقول الله المستعان اصلا هذا مو اب ولا بقلبه رحمه ماني حزانه الا على البنت تلقيها مو فاهمه شئ ولوكبرت وصارت بسن زواج حتعرف كل شئ وتبكي دم بدل الدموع الله يسترها ويحميها من جهل امها وظلم وشهوة ابوها بجد شئ يقشعر البدن |
اقتباس:
يامن تئنبون أم البنت صدقوني الأم في حالة ذهول ولم تفق من غيبوبتها ادعولها بأن الله يربط على قلبها -ثم الواجب عليكي كصديقه بأن تنصحيها بأن تبلغ الهيئة فوراً وبدون أن تنتظر أو أنتي بلغي الهيئة واعطيهم رقم الأم حتى هي تتجرأ وتنطق لو بكلمه والهيئة بدورهم يمسكونه متلبس لعنة الله عليه -أختي جدي وأجتهدي حفظك الله ورعاك |
اقتباس:
اختي انتقي كلماتك ،،،،،،،، و هدي حالك ماتسوى عليك العصبيه انا ما مستهينه لكن اذا بليتو فاستترو وهذا قذف انها تتهم انسان في شرفه لازم يكون في ضوابط مو انا ولا انت نحددها الشرع محددها و خلصانين اي احترام يتبقى لهذه الانسنانه التي تفشي اسرار بيتها و بنتها لمن حولها و فعلا تستحق ان تضرب و تستحق اكثر من هذا اسرار البيوت تبقى بلبيوت و الاخت هذه التي تشتكي لصديقاتها عندها اهل سواء اهلها او اهل زوجها تعالج المشكله عائليا مو تروح تنشر فضايحهم بين صديقاتها و على الانترنيت معنى كلامك انه ما في اب مستئمن كل ما نمشي نشك في هذا و هذاك لان الدنيا صارت غابه و الكل همه التحرش باطفاله ومعنى كلامك ان والدك و زوجك ايضا تحرشو بك ويتحرشون باطفالك و اخواتك و اخوانك و كل من يقرب لك حياتهم كلها تحرش بالاطفال هل هذه هيه حياتكم انا عايشه بلغربه و في حوالينا جرائم تحرش معنى هذا امشي و اشك بالاباء كلهم و الامهات و اتخيل كل اب يمسك اولاده يتحرش فيهم |
السلام عليكم بصراحة موضوع محزن لما اقراء مثل هذه الوقائع ان لله وانا اليه راجعون هذا ليس بأب انما هو شيطان بشري ويجب ان لا تسكت هذه الام عن هذا الموضوع اقلها تاخذ البنت وتروح لاي مكان ولا تلجا لبيت اهلها ويفكونها من الوحش الذي هي عنده وسكوتها عن هذه الحالة يعتبر مشاركة منها لأنها لم تقم بالابلاغ عنه الى متى راح تسكت تنتظر تظيع بكرة بنتها بسبب ابوها حرام عليكم ياناس لا تهدموا احلام البنت وهي صغيرة حسبي الله ونعم الوكيل .
|
قولي لها يا هي تخبر اهلها واهله ايااما انا راح اخبر الجميع بما يحصل معك عشانت تشوفي ردة فعلها على الموضوع بس وليش هي ساكته معقوله يهون عليها ضناها اذا هانت عليها نفسها
لا حول ولا قوه الا بالله |
اقتباس:
والله ما تقول لاهلها شي لأنها مصوره زوجها على انه رجل بمعنى الكلمة والمستشفى يقولو لها ارفعي عليه دعوى هي ترفض تسامحه في كل مره..!!! اقتباس:
هذا اللي افكر فيه بعد الله يستر عليها ويحفظها لأن مالها ذنب اقتباس:
والله انا اتمنى مش عشان شي لأني قلبي على هالصغيرة لكن ما اقدر علاقتي بأهلها مب قويه وما اقدر اتصرف هالشكل بدون علم زوجي |
اقتباس:
والله مدري عن نفسية البنت لأني لما ازورهم اشوفها على طول ساكته ما تتكلم بس هي تقول لأمها ( ليه ابوي يسوي فيني كذا انا اكره ) مشكوره |
اقتباس:
بصراحه هي لما كلمتني كانت في حاله هستيريه وتبكي وما عرفت اش اقول لها قمت ابكي وياها احنا هنا ما عندنا هيئة لأننا مو في السعوديه انا قلت لها عندها مكتب شئؤن الاسرة والطفل تابع لحقوق المراة والطفل تقول كلمتهم وقالو لها تجيب البنت يتكلمو معاها بس ما ادري هل راحت لهم ولا لا والله انا علي قدمت لها النصح بكل الطرق وهي عليها تطبق مشكورين |
اقتباس:
انابصراحة كل شوي اجي لعند ردك واتردد اش اكتب لك لأني حاسة راح اغلط ليش هالتحامل يا اختي ؟؟؟؟؟؟ اي قذف اللي قاعده تتكلمي عنه اقولك الام وبنتها في حاله صعبة تقولي ظوابط وشروط ومدري شنو !!!!! تستحق الضرب عشانها اشتكت بعد ما فاض فيها الكيل وتقولي تستاهل اكثر من كذا اتقي الله في نفسك وادعي ان الله لا يبتليك من هالبلاوي مستحيل اني اروح لأهلها او اهله واقول لهم ولدكم يتحرش في بنته شنو بيكون موقفي اذا هي ساكته وما اشتكت لهم انا باي حق اروح اقولهم انا قلت لك ما راح اغلط في ردي عليكٍ بسألك سؤال يالغربة لما قريتي الموضوع شفتي اسم البنت وامها وابوها وعنوان بيتهم او في اي دولة عايشين لما تجي وتقولي اني انشر فضايحهم عند صديقاتي وعلى صفحات النت فلا تتدعي المثالية في ردودك لو سمحتي |
الله يعافينا
تجرد من معني الانسانيه |
اقتباس:
اختي انا ما ذكرتك انك تنشري فضائحهم ولا تحاملت على احد انما استغرب عرفت تشتكي لك و ما عرفت تشتكي لامها لاختها لاهله امه اخته و انت اصلا ما هو محلك من الاعراب حتى تروحي لاهلها و تخبريهم لو كنت مكانها ماذا تفعلين اجيبيني هل ستلجاين لصديقتك اذا رايتي زوجك او والدك او اخوكي يتصرف بهذا الشكل ماذا ستكون رده فعلك هل بامانه و بصدق تخبرين صديقتك باسرارك و تفضحين امرك اين المثاليه في ردي اختي حدثي العاقل بما يعقل فان صدق فلا عقل له |
اقتباس:
اختي انتي غريبه مادري كيف تفكري الان فيه مشكله عظيمه وانتي جالسه تسولفي عن اسرار البيوت ومسويه تحليل... تحللي كيف يصلي ويعمل كذا وكيف وكيف يابنت الناس صديقتي اخوها امام مسجد وكم مره حاول يغتصبها وهددته وقالها بالحرف الواحد لو تشتكين ماراح يصدقوك انا امام مسجد اقسم بالله الذي لا اله الاهو احمدي الله واشكريه على نعمة الامن الاسري والاجتماعي قولي الحمدالله ياختي وعطي الاخت ردك واقتراحك للمشكله بما انها تبحث عن حل لصديقتها واتركي عنك الامور الاخرى اللتي لاتعنيك ولا تهمنا اهتمي بشي واحد بس هو المشكله اللتي امامنا ومافي زوجه بالدنيا ماتتكلم عن حياتها الخاصه مع اختها او امها او صديقتها تسعين بالميه او اكثر الكل يتكلم مع الناس القريبن منه ثم تقذفين المرأه بالمرض والفضواه اللي يده بالمويا مو زي اللي يده بالنار اختي هل انتي مجبره على الرد اعتقد لا اذا رأيتي موضوع ردي بحل يرضى الله ثم ضميرك ولا اتركي التدخل والاسائه للناس في ردودك الله يهدينا جميعنا لما يحب ويرضى |
بالنسبه للمرأه المسكينه... اختي الهدى اقترح ان تنصحيها بالدعاء وكثرة الاستغفار وسيفرج الله عليها انصحيها دائما ان تواجه زوجها وتكون قويه وان تخبر شخص عاقل وحكيم من عائلتها او عائلته لأن الموضوع وصل لدرجه لايسكت عنها ابدا ابدا والله سوف يبتليها بامور اقوى من ذلك اذا صمتت على موضوع مثل هذا لاحول ولاقوة الا بالله |
اقتباس:
وعليكم السلام انا كلمتها مب مره ولا مرتين ولا ثلاث لكن الظاهر ما فيه امل هي تقدر تتوظف و تعيش بعيدة عن هالزوج هي وعيالها وهي مطمنة عليهم لكن حبها الغير طبيعي لزوجها يخليها تتهاون عن هالامور البشعة اللي يسويها انا اخاف يجي اليوم اللي تقول فيها ياليت اللي جرى ما كان لكن هيهات ما ينفع الندم وقتها |
والله شي يشيب الرأس أذا كان الأب الي هو ينبوع الأمن والحنان يعمل كذا أجل عظم الله أجرهم
صديقتك كيف قادره تصبر وتستحمل وتشوف بنتها يصير فيها كذا وين ضميرها دامك نصحتيها ومافي فايده خوفيها قوليلها أنا بكلم أهلك لو ماتصرفتي قوليلها أنا ماأقدر أسكت ويروح مستقبل البنت يمكن تتصرف حرام عليها الله يهديها وتتصرف قبل لاتروح البنت فيها |
لا حول ولا قوة الا بالله
انا لله وان اليه راجعون والله لما قريت العنوان ما تخيلت ابدا ان الاب هو الجاني اكيد هذا مختل عقليا ويستحق الرجم |
بسم الله الرحمن الرحيم
السلام عليكم ورحمة الله وبركاته أختي الكريمه فعلاً الموضوع جدا حساس وخطير لا حول ولا قوة الا بالله العلي العظيم فلقد كثرت الفتن والمصائب بيننا من المفروض على الاخت ان لا تستهين بما يحدث لأبنتها وتجعلها العوبة بيد المدعو والدها الذي لا يستحق هذه الكلمه بكل تاكيد هو مريض نفسي وضعيف الإيمان وشيطانه تملكه وشهوته هي التي تحركه من المفروض عليها أن توقفه عند حده واذا كانت شخصيتها ضعيفه ومغلوب على آمرها تلجئ الى اخوتها اوإلى المحكمه او الشؤون الاجتماعيه حتى ينتشلوا البنت من ذلك الوحش البشع الذي لا يعرف من الدين الا أسمه وما فعلتيه نحوها الله يجعله في ميزان حسناتك ويسعدك في الدارين ستر الله على الجميع وهدى الله كل ضال |
| الساعة الآن 07:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©