|
عطوني رايكم في مواقع الزواج
السلام عليـكم ورحمة الله وبركاتة
انا سجلت اليوم في موقع للزواج وابي أخذ رايكم هل اكمل ام لا طبعا انا ضد الزواج عن طريق مواقع الزواج لكن الظروف هي الي اجبرتني ارائـــــــــــــــــــــــكم لو سمحتو يمنع ذكر مواقع خارجيه//الاداره |
اي ظروف يا اختي ؟
المواقع هذه معظم الشباب يدخلونها علشان يتعرفون على البنات ! وما يكونون جادين بالزواج ! كيف تسجلين بموقع من ورا اهلك ؟؟؟ لا تستمري اكيد |
بكر الشايب امي واختي معاي لمن كنت اسجل
مومن ورا اهلي |
الموقع موثوق ان شاء الله
بس خليكي حريصه واي واحد يراسلك .. ردي عليه بعنوان البيت وانتهى الجاد راح يجيك و الغير جاد راح يتكلم كثير اختي .. ماعليك من العادات والتقاليد و كلام الناس الفاضي اني ماسويتي شي غلط .. ومن حقك تتزوجين و تعيشين حياتك وموقع عفاف دام انه ثقه ان شاء الله توكلي على الله و اكتبي شروطك الواحد مايجلس قي البيت ويقول نصيبي ماجاني زي ما الولد يبغى يتزوج .. البنت من حقها انها تريد ان تتزوج الله يوفقك بعريس يكون قد الدنيا باخلاقه ودينه و معاملاته امين |
اقتباس:
اللهم امين والله يجزاك خير على ردك |
طيب اخوي
عادي لو ارسلهم او انتضر |
أختي الكريمة من سياسة الموقع أنه يمنع عرض المعلومات الشخصية الواضحة مثل عنوان البيت أو الرقم أو أي معلومة توصل للشخص هو بحمدالله موقع موثوق وصارم في تعامله مع الجنسين لذلك لن يتقدم إلا الجاد ، و إلا فالكثير نرى عدم جديته عموماً الحذر واجب ، وما يمنع أنك تطلبي الزواج ، وهو من حقك ، ولكن ثقي أنه راح تردك عدة طلبات للحوار داخل الموقع ، ومن خلال كلامهم راح يتضح الجاد من غيره ومعلومات التسجيل والمواصفات تكون عامة وتختاريها من الخيارات ، ولو أحببتي إضافة شروطك فأضيفي دون الإدلال على أي معلومة شخصية لك من رقم أو عنوان البيت أو أي شئ آخر أكرر بأن عليك الحذر ممن يستغل بعض الظروف لمصلحته الشخصية وفقك الله |
مضبوط
انتي حطي شروطك .. وراح تجدين الطلبات صدقيني ان الجاد راح يدق باب بيتكم بس اهم شي .. خليكي حريصه لو ارسل شي جاوبيه على قدر سؤاله او لو كانت عنده شروط وبعدين قولي هذا عنوان البيت ,, تقدم لاني انا بنت ناس و اللي يبغاني يجيني بالطريقه الصحيحه اختي ما عليكي من كلام الناس مافيها اي شي ياما بنات تزوجوا عن طريق النت والحمدلله مبسوطات وياما بنات جاء نصيبها في بيتها وهي الان عايشه قي جحيم انتي بين فتره وفتره ادخلي حسابك في موقع عفاف وشوفي الطلبات |
بكل امانه الموقع موثوق وامين بس مشكلته الموقع ماهو نشيط .. اما الآن الله اعلم عندما كنت مسجله فيه من زمااااااااان ولكن طال الانتظار سنه سنتين وتركته << كان قبل 3 سنه اظن فعلمت ليس نصيبي هنا وانما بالدعاء واستغفااااااااااااااار لايقل عن 1000 باليوم والصدقه وكثرة قرءة القرآن دايم والإكثار من لاحول ولاقوة الا بالله وايضا الصلاة على النبي صلى الله عليه وسلم وبإذن الله وقريبا سيأتيني الفرج وان شاء الله كل وحده من تريد الزواج ستتزوج قريبا اللهم آمييين |
بالتوووفيق
بس سمعت انو مايعطو الشباب ارقام او اي شي الا لمن يتاكدوا من جدية الشاب ويشوفوا هويتوا |
اقتباس:
اقتباس:
اذا الله كتب ولقيت الزوج المناسب راح اتفق معه انه يكون سر بينا انو محديدري كيف تعرفنا عل بعض يعني انقول فاعلين خير الي دلوهم علينا او اي كلام ثاني اما اذا رفض ويبغى الكل يعرف الله معه ماارضى احد يتكلم عني لو بشي بسيط والله يكتب الي فيه الخير والله يعطيك العافيه على ردك اقتباس:
|
استمري والله يكتبلك اللي فيه الخير
حبيبتي:) الله يرزقك بزوج الصالح عاجل غير اجل توني شفت الموقع ورجعت ارد عليك شكله زين والله أعلم الله يوفقك ويني أنا عنه قبل زواجي!!!<<<<<هههههههههأمزح طبعا |
الله يرزقك بزوج صالح اكثرررررررررررررررررررررري من لاستغفار
|
الموقع حلووو ويبين فيه الجدي من اللعاب واحلى شي ان حتى الايميل ممنوع ترسلينه لاي عضو وحتى الرسايل بين الاعضاء فيه مشرفين يشيكون عليها قبل ماتنرسل انتي اهم شي خليك حريصه لانوا اكيد كل شي فيه الزين والشين ومو من كل هب ودب تردين عليه .. واهم شي احسني الظن بربي واكيد ربي ماراح ييسرلك الا الخير ياحلوووه :) |
الله يرزقك الزوج الصالح عاجلا غير اجلا
اكثرى من الاستغفار وذكر الله كثيرا وقيام الليل والله يكتبلك الخير اما عن قراءة سورة البقرة لا اوصيكى والله يقدر لك الخير ويرضيكى به تحياتى |
أختي وحده من صديقاتي تقدم لها شخص من هذا الموقع ولا تم كل شئ الا بعد
التأكد من جدية الشخص وجميع الرسائل مراقبة وفعلا جاء من الابواب بس ماالله كتب لها نصيب و بنظري انها تجربة تعتبر ناجحه طالما انها خلت من اي مضرة للبنت او تلاعب والله يعوضها ويرزقنا واياكم بالصالحين |
الله يجزاكم خير على ردودكم
والله يكتب الي فيه الخير |
ولله مادري لكن الله يكتبلك الي فيه ويرزقك بزوج الصالح
وبصراحه شكلي بلحقك واسجل فيه دخلته من شوي واحس موثوق فيه سؤال للي عندهم خبره بهذا الموقع لو سجلت فيه من دون محد يدري وحصل نصيب محد يعرف كيف تعرفت عليه ؟؟ |
موقـع العفاف التابع للندوة العـالميـة للشباب الإسـلامـي بإشراف الشيخ الهويمـل سجـلي واستعيني بالله انا مريت على الموقـع ووجدت بعض أولياء الأمـور امر مسجلين بناتهم والتفـاهـم عن طـريـقـهم مباشـرة... تـرى الطـريـقة ما تفرق تماماً عن تسجيل بياناتك لدى جمعية اسرية توافق بين متزوجيـن المهم مـوثـوق....وان عليها ناس ثـقـات.... وطـريـقة تعامـلهم وإدارتهم للمشروع ممتازة ... وفيه مراقبـة وما يقدم الشاب إلا ويعطيهم بياناته وصورة بطاقـتـه... وكل وسيلة اتصال بــه أما بقية المواقـع فاتـركيها لأنـها الدمـار والخـراب.... ومن اتاه نصيـبـه فـليـقـل لأهـل البنت ان أهـل الخـيـر دلـوه عليـهم.... ولا يجيب طاري نت ولا غيره ....... والله يـرزقـك الزوج الصـالـح عزوبي:21: بس:d رجل:30: |
طيب ايش صار على الخاطب الي اكبر منك 25سنة
|
انا مراح اقولك سجلي ولا لا بقولك تجربتي
انا سجلت وربي لي سنه وشفت الصالح من الطالح ومعروف كلام الجاد من اللي مو جاد الين الصيف اللي راح الحمدالله جاني الجاد ودخل البيت من بابه وكلم اهلي وانخطبت رسمي ولبسنا الدبله والملكه قريبا انتي اتوكلي واستخيري الله اولا انك مادخلتي الا للستر والزواج وان شالله ربي معاك |
اقتباس:
لو انت مسجل في الموقع وارسلتلك بنت انها تبي تتواصل معاك شنو نضرتك لها اتحس انها قللت من قيمتها صح؟ لأن المبادرة إذا كانت من المرأة تقلل من قيمتها والمرأة دايما هي المرغوبة قول الصراحه الله يجزاك خير اقتباس:
اقتباس:
لكن معليش عندي اسئله اول ماسجلتي على طول جتك رسائل والا طولتي ومحد ارسلك وطولتو وانتم اتراسلون بعض ؟ وواسئلته لك كيف كانت يعني كان يسئل عن اشياء خصوصيه والا شلون ولمن تمت الموافقه دقو عليك اصحاب الموقع وبعدها على طول جاكم نضرته للبنت الي تسجل في مواقع الزواج لمن جاكم اكيد الناس اسئلو من فين جاء وش عرفه فيكم وش قلتي لهم للناس واهلك معليش تحملي اسئلتي ولو كان بعضها مومفهوم واشكر على كل من مر من هناء وعطاني رايه |
لا طولت اقلق سنه وانا ادور وكلهم يبون طلعات بس وطبعا اللي يطلب كذه مو جاد
لا هذا خطيبي ماتكلم عن اي شي خاص وقالي مواصفاته وقلتله مواصفاتي وخلاص قال هاتي رقم اهلك وعطيته وجا يوم الاربعاء وبعدها بأسبوعين صارت الشوفه سألوا الناس واخواني كمان من وين جيت انا متفقه معاه يقول اهل الخير دلوني او خطابه دلتني عليكم على حسب الاهل واهلي ما يدققون كثير الحمدالله دامهم بيسألون عنه خلاص اما نظرته للبنت عادي هو يقول لازم اختارها بنفسي اللي ابي اتزوجها وطبعا الحمدالله فيه ثقه بيننا كبيره اما الموقع لا كلموني ولا شي انا تركته من يوم ما قالي خطيبي بجيكم البيت وبدون ما اتأكد هو نصيبي ولالا قلت هذا ولا خلاص ماني داخله ثاني مره تعبت محد وربي جاد ابدا بس حظك عاد واهم شي الرقيه الشرعيه داومي عليها وخليكي مع الله دايما وماراح يخيب رجاك والله يوفقك يارب |
اقتباس:
لـو كنت مسجـل بهـذا الموقع ... فلا أعـيـب ان تـتـواصل معـي فتـاة... لكن إن كانت مواصفاتها قريبـة من المواصفات التي اريدها او مثلها.... هنا اتواصل واخذ الامر بجديـة وسأصبـح راغـب بـهـا.... وابـدا أتـعـرف اكثر عليها ... والصـراحـة من البـدايـة زيـنـة....حتى يصل الطرفان لإتفـاق أو فـراق.... والله يـرزق الزوج الصـالـح عزوبي:21: بس:d رجل:30: |
مع أحترامي الشديد لجميع الآراء إلا أن مواقع الزواج لا تقنعني،
|
^^^
وجهك نظرك |
عسل الطائف
اوف سنه كامله وانتي تنتضري اناعبالي على طول يلا الله يوفق عزوبي بس رجل يعني بنضركم انا الوحده الي ترسلكم تعيبوها ياربي حتى في المواقع لازم ننتضر طيب الي عندهاضروف تجبرها على مبادرة الرسائل منها شتسوي الله يعين حديث الوقت ايقولون هذا موقع اسلامي والي قايمين عليه شيوخ وثقه لكن الله يكتبلنا النصيب ويصرف عنا الشر وماننذل وانا لمن سجلت في الموقع تهرب موعن اني ابحث عن زوج فقط وشكرا على ردوكم الله يسعدكم |
حبيبتي المواقع اللي زي كذا نادرا تلاقي الجاد فيها ولانك ماتلعبي تبي الستر والزواج ولازم تدورين وتختارين بينهم بس لا تراسلين احد هم يراسلونك بس ادخلي بين فتره وفتره وشوفي الرسايل
|
اممممم يختي المواقع لازم تكونين متمرسة بعاالم النت .. يعني مو من اول رسالة تقولي نصيبي جااا لا يعيوني .. يبيلة صبررررررررررر .. انا سجلت من فترة كذا تسع شهور .. وانخطبت منة .. بس ماصار نصيب واتفاق من اهلي واهلة .. قدر الله وما شاء فعل .. وللحين انا فية .. بس يختي لو سجلتي بموقع مودة طوووووووووووووولي بااااااااااااااااااااالك تطويل .. يعني لا يلعبون في مخلك ويقولون نبي نتعرف شهر شهرين تراهم نصابين .. لا تعطينهم اسمك وعيلتك ابداً لو يموتون .. يعني تكلمي بشكل عام قبيلية او لا وهاالكلام .. انا في موقع مودة بس تجيني احباطات من فترة الى فترة هع .. ولكن كل شي نصيب مايندرى نصيبنا بهاالمواقع ولا بغيرة ... ربي يرزقك ويرزقني باالازواج الصالحين .. |
مابه جديد كلامك 100% صحيح الله يوقفك ويوفق جميع المسلمين
|
| الساعة الآن 04:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©