|
لقيت وظيفه ولكن هل تستحق ان اترك ولدي في الحضانة
السلام عليكم ورحمة الله وبركاته
انا يااخواتي صار لي متخرجه 4 سنوات من ادب انجليزي بس ماحصل اني الاقي وظيفه بسبب ظروف زوجي كله سفر وانتدابات وكمان عشان مالقيت حضانه مناسبه لولدي... ولدي الحين عمره سنتين و9 شهور وقبل امس انا لقيت مدرسه اهليه.. قالوا بيظفوني بس راتبهم 1200 شهريا طوال السنه وبعدين انا لقيت حضانه بس رسومها 200 بالترم كامل... لكن المشكله.. ان ولدي لانه وحييد وماعندي اي اقارب في المدينه اللي انا فيها(( الجبيل البلد)) ولا حتى زوجي له اقارب .. كلهم اهلي واهله بالرياض.. عشان كذا ولدي مررره خجول ومررره يخاف من الناس الاغراب... هل تشوفون انه اجبره ادخله الحضانه فجاه وهو مو مهيأ نفسيا ... واروح اكد في الوظيفه اللي راتبها 1200؟ ملاحظه: زوجي ابدا مو مقصر معاي ماديا ... لكن انا ودي اكسر الروتين.. بليز ياامهات.. ردوا علي,, انا صليت الاستخاره ونفس الشي مو عارفه اقرر... زوجي يقول مايسوى تعبك ومصاريفك عشان المدرسه من لبس وروحه وجيه انتي وولدك راح تكلف فوق 2000....... بيتك اولى.. انتوا ايش تشوفون؟؟ |
عادى اتوظفي
انا كنت بي راتب 1200 ريال وبعد ترم زاد الى 1500 والله ليا صاحبات متوظفين في روضات بي 800 ريال راتب شغاله تخيلى انا صح تركت شغلى بس مو عشان الراتب لي اسباب اخرى بس حلو التعامل مع الاطفال راح تنبسيطى الرواتب المتدنيه مشكله واذا زوجك مو راضي خلاص اجلسي |
نقل لقسم التربية الاسرية مكااانة الانسب !!!
|
هو زوجي خايف على الولد يتعقد... لان من يومه انولد الى يومه ذا ماقد فارقني ولا يوم..
خايف اني اتركه فجاه في حضانه عشان اروح الشغل |
خلاص حبيبتي اجلسي اذا زوجك مو راااضي او مو مبسوط لازم
يكون مبسوط ومقتنع صـــح؟؟؟ ولاتودين الولد الحضااانه على طوووول لا انتي زي ماتقولييين ولدك خجول يعني لازم بالقليل تروحي معاه شهر عشان يتأقلم معاهم اما كذا خبط ولصق بصراااحه حالته النفسيه تتدهور مره وراح يكره الحضااانه وبكره يوم يكبر يكره المدرسه خليه يحبهااا روحي معاااه كم شهر ليييين يتأقلم معاااهم وبعدين ابدأي شغلك اتمنى اكون افدك غاليتي:) |
اختي نورلين..
بصراحه كلامك يخوف هل معقوله بيتاثر الولد لهالدرحه؟؟؟؟؟؟؟؟ لا اجل مو رايحه اهم شي صحة ولدي ايه افدتيني الله يجزاك خير... |
شووووووفي اذا انتي بس تبين تضيعين وقت ! ومالك هدف ؟! انصحك تجلسين ببييتك ! اما ااذا انتي تطمحين لوظيفه احسن ! ومكانه اجتماعيه مرموقه .. من خلال وظيفتك ! وتبين تكونين شي بالمجتمع ! يعني تطمحين انك تتعينين .. وتمارسين دراستك .. سواء مدرسه او اي وظيفه بس تكوني حاطه براسك هدف ابعد من هالروضه ؟! انصحك تكملين وولدك مصيرررررره يتعووود .. يعني اليوم او بكره بيدخل مدرسه ويختلط بناس غيرك وبعدين انا كنت بمركز وجانا طفل اول اسبوع مايتحرك من جنب امه مانقدر ناخذه لفصل الا وامه معاه لين قالت المديره للأم لاتجيييييييييييين وشووي شووي والله الولد صااااااار مرررررررره اجتماعي ولا بعد اخذ وجهه وصار يستقوي عالبنات ههههههههه ويصفقهم خخخخخخخخخخخخخ يعني لاتشيلين هم ولدك ... بالعكس خليه يطلع ويشوف اطفال بعمرهـ ويلعب هو صح بيبكي .. وخليك معاه اول يومين .. وانتي من الحين هيء نفسيته لحضانه .. واشتريله شنطه يعني خليه يتحمممس وانه فيه العاب .. وهيك شووي شووي لين يتأقلم مع الفكره .. وبعدين دوامك بالروضه ماراح يطول ... 11 يمكن وانتي طالعه .. وتاخذينه .. الصراحه تتغير جووو لك ولولدك .. وتكسرون الروتين .. سؤاااااااااال : الروضه الي انتي فيها .. مافيها حضانه ؟! وبعدين تعااااااالو !! من متى صارت الوظيفه للمحتاج بس !!!!!!!! ياختي الوظيفه بغض النظر عن الراتب ! هي بحد ذاتها اثبات لوجودي .. واحساسي بالناس وتكوين علاقات .. وتغيير جو وكسر روتين ... ابعد بكثـير من مسأآلة راتب .. لو يجيني راتب بـ 1200 << والله لاخذه اهم شي اكون مبسووووووطه وملكة نفسي ... وسلامتك .. |
شوفي يالغلا الوظيفه لها محاسن ولها مساوئ
أولاً المساوئ: عندك طفل وماتعود على أحد .. وبعدين جايك الشتاء أن الله أحيانا والبرد عندنا مو طبيعي.. هذا غير لو لاقدر الله وتعب وسهرتي معه .. وراك دوام .. راح تنظغطين في شغل وكرف معروف الاهليات .. وراك بيت وزوج وولد والراتب مايسوى الحضانه سعرها مره مغري لكن مشكله النظافه والعدوى بين الاطفال .. لو راتبها 3000 أنا أول وحده راح أشجعك .. لكن 1200 يالله تكفي لبسك ولبس ولدك للدوام .. محاسنها أنك تشوفين ناس .. تطلعين على قولتك تكسرين الروتين ..تجددين نشاطك ماابي أكسر مجاديفك .. بس والله دام زوجك الله يخليه لك ويطول بعمرة مايقصر عليك وش لك بالغثا .. |
ايوه انا راح اداوم بمدرسه اهليه للبنات.. ولدي راح يكون في حضانه بعيده عن المدرسه..
والدوام بيدا يوم السبت هذا... لو ماجيت راح تروح عني الوظيفه...لسه ماوقعت معاهم التعاقد.. ولاادري كم حصه راح يعطوني بالاسبوع..والحضانه لسه ماسجلت ولدي فيها.. يعني بالكثير يوم السبت اكون خلاص حاطه ولدي و اداوم.. انا مارتبت احتياطاتي من اول لاني ماكنت ادري انهم بحاجه لمعلمه قلت ابسجل اسمي وبس وتفاجات لما قالوا خلاص تعالي من بكره.. عشان كذا مو عارفه كيف ادخل ولدي الحضانه فجاه بدون اي تهييء نفسي |
شوفي يا سيدتي الفاضله (ذبحتني الغيره) ....
انا ماراح اكلمك كأم انا بكلمك كمعلمه اطفال ... لاني اشتغلت معهم انا لو لي ولد او ان شاء الله لما يجيني ولد صدقيني عمري ما افكر اني ادخله الحضانه علي عمر سنتين ... الا ثلاث سنين افكر ادخله الحضانه بالمدرسه كنت اشوف الاطفال اللي سنتين امهم مدخلتهم الحضانه ومع العلم بعض الامهات مايشتغلوا بس مدخلينهم الحضانه حراااااااااااااااام والله حرااااااااااااااااااااااااااام الاطفال انواع البكا والانهيار ... وبعضهم يصير عنيف وانواع الطق باصحابه والبعض الاخير يسكت ويصير هادي جدا مع انها ماتكون عادته بالبيت الهدوء ... مهما قلتي انه المعلمه حنونه عمرها ماتسد مكان الام خصوصا ولدك وحيد ماله اخ ثاني تدخليهم سوا ... والله قطعوا قلبي عيال المدرسه بجد حرام علي عمر سنتين .. تحياتي لك وشوفي الاصلح لولدك ورضي زوجك اهم .. |
اخواتي..
انا صليت الاستخاره والى الان متردده.. اتصلت على امي وقالت ياشيخه ماتسوى تعبك وبس حتى ابنك راح يتعب انتظري يكبر ولدك شوي... وانا متردده لان اخاف تروح عليا الفرصه ... ودي اتوظف وخايفه عليه.. |
المشكله مافي وقت لازم السبت اكون عندهم ولازم اليوم الصباح اقدم اوراقي... من جد محتاررره
|
السلام عليكم طلبتي النصيحة وفي رأيي ان هناك اكثر من عامل يدعوك لعدم العمل... اولا وثانيا وثالثا طفلك صغير جدا وهو اولى بك من مدرسة اهلية لا هم لهم الا ........هذا ما يقودني الى رابعا ... لا هم لهم الا مص دمك براتب زهيد جدا ...لا يستاهل حتى التفكير فيه وهل تظنين ان العمل الذي ستقومين به لن ينتقل معك الى المنزل من تحضير وتصحيح ووسائل واعداد اختبارات ورصد و و و و اين سيكون محل ابنك من كل هذا ؟؟؟ في النهار تسلميه الى ايد غريبة لن تكون اكثر حنانا منك ولا احرص منك على نظافته وسلامته وهذه الحضانات تحمل في جعبتها الكثير من المصائب ... والله لو يعطوني راتب وزير ما حطيت حبة عيني في حضانة وفي يد غريبة وخامسا .... انتي في غربة ... لا اتصور ان اضع ابني في حضانة وانا في ديرتي وبين اهلي فكيف في غربة ... والواقع يقول كلما ابتعدتي عن المدينة كلما قلت جودة الخدمات المقدمة وضعي بعين الاعتبار انك بذلك الراتب الزهيد لن تكوني معلمة فقط بل ستكونين اشياء كثيرة من واقع المدارس الاهلية.. والله المستعان |
اشكركم جدا لتعاونكم معي ووفقكم الله دنيا واخره وجعل نصائحكم في موازين اعمالكم...
انا راح اقرر اليوم وراح اردلكم خبر... الاخت رسيل... قريت كلامك بعد ماصليت الاستخاره.. واثرت فيني كثير.. شكرا لك |
انا الصراحة رايي انك تهتمى لمشكلة الولد وانه لازم يتعود على الاختلاط
لان دة هيفيدة فى شخصيتة خصوصا انه ولد لازم تنتبهى لانه يتفاعل مع المجتمع اما الشغل لو انتى مش زهقانة من قاعدة البيت او زوجك مش مرحب وانتى ما عندك هدف كبير خلاص خليكى بالبيت والله يصلح حالك تحياتى |
كنت احسب عمر ولدك اربع سنوات وكنت بقولك لازم تسجليه روضه ويتعود سواء مداومه اولا .... لكن سنتين حرام مرة مرة صغير .... انا كنت اشوف اطفال الحضانه لمااودي بنتي الروضه يكسرون الخاطر كلهم يبكون وعادة في المدارس الاجنبيه يحطون عندهم فلبينيات تخيلي يعني كنك حاطته عند الشغاله وفي المدارس السعوديه اوكي مدرسات بس محد له خلق الصياح من الصبح ... ولاحد كل شوي فاضي يعطيه اكل ولايغير حفاظ ولايودي حمام ... في هالعمر لازم الام ولالها بديل ...
بس اذا انتي زهقانه سجلي في نوادي الجبيل وسوي رياضه وتعرفي على جاراتك وخذي ولدك معك يتعود على الناس ...لازم تعوديه على الناس وله بتتعبين طول عمرك معه ... |
انا لو منك اروح اتوظف ومافيها شي كثير ناس يحطون اولادهم بحضانه ومع الوقت يتعودون
لازم الوحده تحاول تطور نفسها بوظيفه الفلوس مو كل شي يكفي انك تحسي بفراغ من الجلسه بالبيت وبعيده عن اهلك اشغلي وقتك واتوظفي |
السلام عليكم..
معليش تاخرت على الرد.. انا قررت مااروح ..وشكرا لكم كلكم... ماقصرتوا |
عليكم السلام والرحمه،،
كنت ناويه اقولك خلي الولد يكبر شوي الحين صغير ياقلبي:15: ،، إن شاء الله يعوضك ربي بوظيفه أفضل منها بعد ما يكبر ابنك ،، موفقه . |
ايوة يا أختي ، حرام تتركيه فجأة
حطي نفسك مكانه لو لحظة وحدة سافرتي مثلا مع زوجك لبلدة غريبة ، و فجأة تركك لوحدك ؟؟؟؟؟؟؟؟؟؟؟؟؟؟؟؟؟؟؟؟ إيش بيكون احساسك ؟؟؟؟؟؟؟؟؟؟؟؟؟؟؟؟؟؟؟؟ هذا احساس طفلك ، متعود عليك و على البيت و لسى صغيييييييييييييييير يا قلبي عليه ما يسوى و الله تتركي ولدك عشان وظيفتك و باين عليك حنونة عليه ماشاء الله :) |
اختي أعرف وحده بنفس حالتك
توظفت بمدرسه اهليه راتبها 1800 ويكرفونهاا كرف تخيلي ؟ وتحط ولدها بالحضانه بنفس المدرسه يعني مو بعيد عنها وكل شوي تدخل عليه وتعقد ولدها صار دايم يبكي ومايبغاها تفارقه ويكره الأجتماعات وداومت 3 شهور وتركتهاا نصيحتي لك اذا هدفك التسليه فقط لاتغامرين ترى بتملين وربي مابتصبرين تعب وقلق نفسي ماله نهايه وانتي جربي اذا لك رغبه وبتشوفين كلامي والله ييسر امورك ويكتب لك اللي فيه الخير |
فكري بولدك قبل كل شي؟؟
وفكري كل الاحتمالات اللي بتصير بعد ما تتوظفي؟؟ دام ريلج موو موافق خلاص بيتج اولى واكيد ولدج.. |
[السلام عليكم اختي ذبحتني الغيره ابغى مكان الحضانه الي 200 ريال للترم لقيت وظيفه بس مالقيت حضانه
|
صلي صلاة الاستخاره وماعليك من احد
انا محتاجه وابي اشتغل وزوجي مو مقصر عنا |
عطيني مكان الحضانه
|
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©