|
زوجي مدمن يرفض الاعتراف!!
بسم الله الرحمن الرحيم
والصلاة والسلام على اشرف الانبياء والمرسلين نبينا محمد وعلى آله وصحبه اجمعين... مثل ماشفتوا العنوان للاسف..زوجي مدمن خمر وحشيش ومخدرات...لكن طيب ومسالم ومحترمني.. يحبني و كنت احبه..لطيبته معاي ومايرفض لي طلب.. اول ماخطبني وصارت بيننا النظره الشرعيه..رفضته رفضا قاطعا كذا قلبي ما ارتاح له..لكن للاسف ابوي طنشني واخواني مالهم كلمه..يسألوني ليه رافضه هالشاب اقول ..ما ادري مو مرتااحه قلبي مو راضي يتقبله.. واجبرت على الزواج منه..وبدأت الحقيقه تنكشف يوم ورى يوم..اول ما اكتشفت الحبوب,, لكن بطبعي انسانه مساااااالمه سكت وقلت لما يحبني بيتغير..صدق كنت بريئه..ومع الوقت حبينا بعض واتعلقنا ببعض كثير..بعدين اكتشفت الحشيش... ونفس الشي سكت وماعلمته اني ادري عن شي.. وهو عايش حياته مبسوط على باله مو عارفه بشي.. وآخرتها بعد سنتين من الزواج رجع وبعنف للخمر والمخدرات مع شلة الفساد.. وللاسف اكتشفت ان اهله عارفين هالشي عن ولدهم وما قالوا لنا.. بعدين بدأ يلمح لي انه يبي يسافر للخارج..نزهه بريئه طبعا..لحاله وانا اروح لاهلي لين ما يرجع.. بعدها انا توكلت على الله وقلت ما ابيييه خلااااص..الحمدلله ماعندي منه عيال.. ويوم عرف اني ما ابيه وخايفه على عمري من افعاله..قام يهدد انو بيعلقني وبيوريني نجوم الظهر.. واني مو كفو للزواج..واني دلوعه وما عندي سالفه وان اسبابي تافهه .. وللاسف كثيرات يقولون ليه ماتصبري وتنصحيه يمكن يتعدل..على بالهم الموضوع بسيط ويقدر يتركها متى ما يبي.. ما يدرون لو يوم ما يلاقي حبوب تنقلب نفسيته ويصير يهذي ومخه فاصل وانا انواع الرعب..صدق اللي يده بالماء مو مثل للي يده بالنار.. عطوني ارائكم في قراري؟؟ من حقي انقذ نفسي.. ولا اصبر على خرابه يمكن يتغير؟؟ |
الله يكون في عونك ويهدي زوجك .........ورايي انك تتركيه من الحين قبل يجيك عيال ويربطك معه ....................اما من ناحية انه يعلقك فما يقدر ومجرد ما يعرف الشيخ هالامور راح يطلقك منه بدون ما يشاوره اذا انتي طلبتي الانفصال .............. الله يوفقك و ييسر أمرك
|
حاولي تقنعيه أختي الكريمة انه يتعالج من االإدمان,.....ذكريه بعقاب الله.....حاولي تصوريه فيديو و هو في حالة السكر أو فقدان العقل والإتزان بعد تعاطيه المخدرات, وخليه يشوفها اذا صحى و إستعاد عقله....
و إذا جربتي هذا الأسلوب و مانفع معاه, فلكل حادث حديث و قتها.... الله يهديه ويجمع بينكم على خير |
ربى يصلح حالك يا اختى
الله يكون بعونك والله حزنت ان فى كذا حال تحياتى |
الاخت الفاضله سحابة ورد
يتعدل .. ينصلح حاله كيف ؟ بمجرد الكلام ؟ زوجك مدمن , يعني مكانه مستشفى الأمل وليس بيت به زوجه معرضه للخطر منه في أي لحظه الحياة مع المدمن خطرة جدا , وخصوصا مدمن المخدرات فعندما يحتاج المخدر , قد يفقد عقله من اجل الحصول عليه واذا فقد عقله سيتخلى عن مبادئه وشرفه وعرضه وماله وطفله من اجل الحصول على المخدر فالخوف شديد جدا على من يعيش معه انت لا تستطيعي لوحدك حل المشكله , ولا حتى اهلك ولا اهله زوجك بحاجة علاج طبي عن قناعة منه وليس بالاجبار اذا لم يتعالج من الادمان فورا , فاهربي منه وانفذي بجلدك واحمدي الله لعدم وجود اطفال بينكم انفذي بجلدك وشرفك وروحك منه ابلغي اهلك بالموضوع بأسرع وقت ممكن ولا تنتظري وعودي لهم قبل ان يلحقك منه أذى اما موضوع الطلاق فلا تهتمي له كثيرا , ووالدك سيكون بجانبك ان شاء الله ويعرف كيف يتصرف المهم كوني صريحة مع والدك ولا تقولي , زوجي وعيب افضحه فالخطر عليكي شديد ولو حدث لك مكروه من زوجك لا قدر الله سيقول اهلك لماذا لم تبلغينا من قبل ان زوجك مدمن ؟ والله يرعاك |
بسم الله الرحمن الرحيم
الله يعنيك اختي ,,الله المستعان حاليا ضروري ابوك واخوانك يكونون بالصوره وبصراحه رجال مثل هذا صعب ينعاش معاه وصعب تحسين بالامان معاه والحمد لله انه مافيه اطفال بينكم خصوصا انك تقولين اذا مالقى حبوب ينقلب حاله فبيت اهلك آمن لك ومتى ماتسنع وصار قد المسؤليه هذيك الساعه يصير خير الي يقهر بالموضوع ان اهله يدرون ومع ذلك زوجوه انا ابفهم يرضون مثل حالة ولدهم يعطونه زوج لبنتهم |
بلغي اهلك اولا
وانقذي نفسك لن يتعدل إلا بالعلاج ولن يتعالج إن سكتي عنه ! لا تدوري في حلقةمفرغة ولن يكفي الحب ابدا لتستقر حياتك |
طيب أختي في حال تعالج زوجك وتاب وأنجبتِ منه أطفالا وعاد إليه حنينه إلى إدمانه فمالذي ستفعلينه حينها؟
أنتِ تخاطرين بحياتك كلها وحياة أطفالك في المستقبل مع شخص لا تضمنين شفاءه, برأيي أن فراق زوجك تفوق آثاره الإيجابية على سلبياته فالعيش مع البخيل وشارب الخمر لا تجلب إلا التعاسة والشقاء.. فكري بمستقبلكِ ومستقبل من ستحملينهم في أحاشئك مستقبلا ووالدهم شاربٌ للخمر.. والقرار الأخير بيدكِ أنتِ.. تحياتي.. |
اقتباس:
الله يعطيك العافية اخي في الله ابو الحكيم نفس الراي اختي هذا كلام سليم 100/100 بالتوفيق وبادعيلك من كل قلبي الله يعينك على هذا الزوج الضالم :29:الله المستعان |
اقتباس:
الرحال55 جزاك الله خير..وفعلا الحمدلله انو ماعندي اطفال..لكن حكاية اني اثبت انو مدمن هذي صعبه.. يببلها شهود..واثباتات..من وين احصلهم؟؟ |
اختي لا تضيعي وقتك مع هذا المدمن تطلقي .. |
.
اقتباس:
جزاك الله خير على كلامك الطيب..انا ماعمري شفته وهو سكران لكن اسمع صوته في الجوال اذا سكر مع ربعه.. حتى يصير كأنه غبي ويردد كلام ماله داعي.. ويحرص انه مايشرب الا اذا وداني لاهلي..ويجينا اليوم اللي بعده ولا كأن فيه شي..يعني ماعندي اثباتات ملموسه عليه.. |
اقتباس:
انا مو زعلانه من زوجي قد ما انا عتبانه على اهلي اللي اجبروني عليه من دون ما يسألوا عنه وعن اخلاقه بصراحه هذا اللي محزني.. |
ابو حكيم1
عين العقل كلامك..وبالذات انو زوجي يرفض الاعتراف انو مدمن رفضا قاطعا..يقول هذي سمعه.. هو رافض الاعتراف فكيف راح يرضى يدخل المستشفى يتعالج؟؟ واهله يقولون الواحد اذا تزوج يتغير وينصلح حاله.. ووقفوا ضدي وقاطعوني يوم عرفوا اني ما ابي ولدهم كأني متهمه ومجرمه.. بدل ما يوقفوا معاي ويضغطون عليه علشان يتعالج قاطعوني..وانا الحين عند اهلي.. |
اختي ان كنت تريدي استشاره قانونيه ادخلي على منتدى مبادرة الطلاق السعودي الاخت هيفاء خالد سوف تقدم لك استشاره قانونيه مجانيه عن وضعك .. ادخلي على المركز القانوني في المنتدى واكتبي مشكلتك و سوف ترد عليك فورا .. |
المحكمة تقدر تثبت انه مدمن مخدرات من خلال التحاليل الطبية
ما يقدر يخفي شي وش بقى بعد الخمر والحشيش والمخدرات خلاص انتهى .. لا تفكرين فيه فكري في نفسك .. انتي اهم ويا ليت تطاوعين احساسك مرة ثانية ولا تسمحين لأحد يضغط عليك لأن الاحساس هو الحاسة السادسة الي الله اعطانا اياها عشان تنقذنا من خطر أحنا ما نقدر نشوفه بالعين أو نلمسه باليد ونفس الشي ممكن تهدينا لنعيم احنا ما نشوفه بالعين وهو التعبير بالارتياح |
ابعد لاعن الشر وغني له
وربي ان شاء الله يعوضك واتوقع الي زية مايحافظ على الصلاة يعني ما فيه ولا حسنه |
اقتباس:
اسمحي لي ... هذه اجابة سلبية , اجابة المستسلم الذي لا يريد ان يفعل شيئ اجابة الشخص الذي يكتف يديه ويجلس مجلس المتفرج لتفعل به الظروف ما تشاء ما سمعتي بشيئ اسمه التحاليل الطبيه التي تثبت ادمانه ؟ |
اخي ابو حكيم1
جزاك الله خير ,, انت تطلب مني فضح زوجي وادمانه على الملأ ؟؟ والله خايفه ينفصل من عمله بسببي ,, صحيح اني اتمنى الطلاق والخلاص منه اليوم قبل بكره ,, لكن اتمنى له الخير ,, والهدايه والصلاح ,, هو يقول راح يعلقني ويتزوج علي ويبهذلني ,, ما ادري صادق؟؟,, لكن انا ما اتمنى له الا كل خير ,, انا ابي الطلاق لكن بشكل ودي بدون فضايح ومحاكم ,, لكن اتوقع زوجي مقهور ويبي ينتقم مني ,, لاني تركته ,, علشان كذا يهدد ,, واتمنى من ربي يعوضني برجل خير منه ,, جزاك الله كل خير اخي .. |
اقتباس:
مشرفتنا jeans فعلا مثل ما قلتي ما فيه احساس بالامان ,, وخوف كبييييير من المستقبل ,, وفعلا اهله الله يهديهم خدعوني وماقالوا لنا عن حالة ولدهم ,, وما زالوا حاطين اللوم علي اني تركت عن ولدهم ,, شين وقوي عين بعد ,, لكن مثل ما قلت العتب على اهلي اللي ما سألوا عنه ,, |
اقتباس:
بكر الشايب هلا فيك حبيبتي ,, انا الحين لي شهر عند اهلي وبلغتهم بكل شي ,, ما اخفي عليك كنت خايفه اني اقول لهم شي وما يصدقوني ,, او حتى يستخفون فيني مثل اول ماخطبني ويطنشوني ,,لكن الحمدلله شافوني هالمره قويه ومتأكده من اللي قاعد يسويه والمضحك المبكي انهم الحين سألوا عنه بعد ما طاح الفاس بالراس وطلع كلامي كله صحيح ,,وزوجي مدمن ,, الله يعوضني خير ياارب |
حسبي الله ونعم الوكيل على اهل زوجك الحين عارفين ان ولدهم مدمن وساكتين مافكروا لوصار عنده عيال وتيتموا مايهمهم هذا الشي وبعدين الولد خربان في شبابه ابوه ماقدر يربيه وانتي الضعيفه تقدرين وين صارت ذي
الله يعوضك خير ويفرج همك والحمد لله ان ماعندك عيال وقرارك سليم 100% |
اقتباس:
انت اطلبي منه الطلاق باللتي هي احسن واذا رفض حاولي بكل طريقه الى ان يطلقك ينفصل من عمله ... ينفضح ... هذا شيئ لا يعنيكي , اذا لم يطلق بطيب خاطر فليتحمل ما يجيه نتيجة افعاله , ودعك من الطيبه والعاطفه وفكري بعقلك . اما اذا تزوج عليك , براحته يتزوج لأن عيشتك معه ما عليها أسف , ولا يقدر يعلقك او يبهذلك لأن القاضي اذا عرف انه مدمن سيطلقك منه رغما عنه . سلمي الموضوع لوالدك ودعيه يتصرف , واذا كان زوجك أدمن المخدرات والحشيش والخمر , ولم يهتم لسمعته , فهل يتوقع أن تكوني انت اكثر حرصا منه على سمعته ؟! لا يكون هدفك فضحه بقدر ما يكون هدفك الطلاق , بغض النظر عنه وعن التبعات التي سيتحملها هو واهله من فضائح او خلافه . اختي خذيها من النهايه وباختصار , زوجك لا احد يستطيع اعادته عن ادمانه الى جادة الصواب , لا انت ولا اهلك ولا اهله , فقط الدوله هي من تستطيع فعل ذلك ولا تضيعي وقتك وعمرك معه بدون فائده . |
قـاعده احس من اسلووبك .. السلبيـه التآآآآآآآآآآآآآمه .. شلون يعني تبين تطلقين .. وهو مو راضي و قاعد يهددك !! مثلا تعيشين معلقه !! وماتبين تفضحينـه !! هاتي حل تشوفين انتي انه منآسب !! ياانك تحطين شـرط لعودتك .. هو دخـووول زوجك لمستشفى الأمل ~ او الطـلاق ارحم بكثيــــــــــــــــــــــــــر من الحيـاه مع شخص مدمن ! الحمد لله ان ربي مارزقـك بـأطفال منه .. والله كان تعيشين المـــــــر بكل الوانه .. صديقتـي تزوجت واكتشفت ان زوجها مريض ويتعاااطى بعد شهررر من زواجها يعني تووووها عروووس !!!! والله شووي بيجننها كان يقولها اسمعي فيه اصوات شووفي وش الي يطير ! يعني مجنوون خالص ومدمن .. اعوذ بالله .. وشـردت من عنده .. بس للأـسف حملت :( والآن لها 3 سنوات ومعاها بنت .. وهي الآن معلقه ماطلقهاااااا .. وتزوج عليها ثنتين وحده نفس الشي ماكملت والثانيـه الى الآن معاه الله اعلم متى بتهج .. وهي راااااااافضه انها ترجع له وهو مو راضي يطلقها .. وهي عادي عندها عشان بنتها .. تبي تكون معلقه عشـان ماياخذ بنتها منهااااا ياختي مآآآآآآآآآآسي والله .. وصديقتي والله ملكة جمـــــــــــــآل .. ومتعلمه .. بس ماقول غير حسبي الله ونعم الوكيل .. انتبهي على نفسـك .. اعجبني كثيـــــــــــــــــرا رد { ابـو حكيـم } رايـه حكيـــــــــــــــــم جدا .. |
دلوعة..حسين
اقتباس:
فعلا انتي نفس تفكيري ,, وياما قرأت قصص عن مدمنين تابوا ولكن عادوا الى الادمان اشد من الاول ,, وانا اشد ما اخاف على اطفالي مستقبلا باذن الله ,, مشكوره حبيبتي على نصيحتك |
رحمة الله ,,
جزاك الله خير ,, ولاتنسيني من صالح الدعاء ,, |
حبيبتي اميرات ,,
تسلمي بالغاليه ,, على حرصك ومتابعتك موضوعي ,, وبالنسبه للمنتدى اللي ذكرتيه سجلت فيه وراح اكتب استشاره قانونيه باذن الله ,, واي مستجدات بموضوعي راح اذكرها ,, |
باريسا
اقتباس:
انا الحين تعلمت درس اني اثق في احساسي و لا ليه الاسلام شرع لنا النظره الشرعيه؟؟ ,, وعلى قولتك خمر وحشيش ومخدرات وش اللي باقي بعد؟؟ يارب فرج همي ,,ومشكوره حبيبتي على نصيحتك ,, |
| الساعة الآن 07:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©