|
زوجي يخلي بنتي تبوس رجل امه ... انحرق قلبي
السلام عليكم
الموضوع ياجماعه الخير هو ان بنتي عمرها سنتين دقت جدتها على رجلها وجدتها مش كبيرة بالسن بس كانت رجلها بها جرح في الظفر ومتمددة بنتي تجري ودقت جدتها وقامت كبرت الموضوع كأنها طفله جا زوجي وخلاها تبوس رجلها ياناس عمرها سنتين ماتفهم ومو قاصده وانا اطالع فيه بغيت انجن وسكتت ولما جلست معاه كلمته قال رضا الله ثم رضا الوالدين قلت انت ولدها بوس رجلها براحتك بس بنتي طفله وماتفهم ولاتقصد البنت تلعب وامك متمدده حرام عليك وقلب السالفه انه طاعه والدين وانا منهارة المشكله البنت تحب ابوها موووووت مدري لو تكبر وتدري اش سوى اش يكون شعورها وانا مو قادرة انسى الموضوع وقلبي انحرق على بنتي وكرهت امه من قلبي كان المفروض انها ماترضى على بنت ولدها وترفض البوسه على القدم بس حسيت انها متعمده او لها هدف من الموضوع اش اسوي وربي اني اكتب لكم وانا ابكي |
سبحان الله إيش دي الجدة
معقولة, تبوس رجلها!!!!!! بالنسبة للبنت عمرها سنتين, وراح تنسى السالفة, بس الخوف من المستقبل.... الله يهدي, إنت بالهداوة حاولي تفهمي زوجك أنه أمه على العين والراس, لكن مش بهذه الطريقة.... الله يهديها ويحنن قلبها عليكي وعلى بنتك آمين.... |
صح الشيء يقهر
بس لاتناقشي زوجك بهالسالفه ولا تبيني انك متضايقه وخصوصا قدام ام زوجك .. حتى ماتعاند اذا كانت قاصده هالشيء وتكرره من جديد وزوجك تقدرين توقفينه من هالحركات اللي يسويها بأنك تمثلين انه عادي عندك من بعد موقفه مع امه انك تسمحين لبنتك تبوس رجل امك وخواتك .... مثلا انتي رحتي لاهلك وبنتك باست رجل امك وبعدين مرت فوق رجل وحده من خالاتك وباستها يعني كأن البنت تعودت هالحركه يمكن لو قلتي له كذا راح يخاف انها تهين نفسها عالعموم الزوج مايرضى عياله ينذلون لاهل الزوجه يعني حتى لو اهلك طيبين مايرضى بنته تبوس رجل امك لو مهما صار اما امه واهله بالعكس يعني لاتسوين حساسيات وان بغيتي تاخذي حقك خذيه بالحيله مابي اقول لك اكذبي عليه ولا اخترعيي قصه من عندك تقدرين انتي تسوين القصه فعلاً وتنقلينها لزوجك ... وتخلينه يفور من الغضب ومهما هاوشك ليه تركتي البنت تبوس رجليهم قولي عادي خلاص بنتي تعودت .. ماقدر ارفض وافشل اهلي ...ومن هالحكي وامه تقدرري تقولي موقف واحد صار لبنتك ببيت اهلك انها باست رجل امك وخالاتك مثلاً ... وانتي تضحكي ..حتى تعرف حركه وش سوت.. ولاتنسي طمنينا... |
اقتباس:
عمرها سنتين وش بيدريها والله لاتعليق . |
طيب وين الغلط إذا البنت تبوس رجل جدتها ؟!! |
اقتباس:
والله هذا الي بقولة وش الغلط حطي نفسك بالموقف ياختي . خلو انفسكم بهالموااااااااااااااااااقف وكرهتي ام زوجك وبدى الكره لبوسة احترام للجدة انتي لو جدتك وش بتسوي تكملي طريقك وانتي كبيرة هي طفلة وابوها يعلمها الصح والله زوجك صح اسمحي لي هذي امة اقتباس:
عجبي !!!!!!!!! |
اقتباس:
البنت لو كانت تلعب مع الجدة وتبوسلها رجولها عادي جدا, أنا إبن أخي من كثرة حبه للوالدة إيبوس رجليها وإيدلكهم بعد, مافيها شئ, والوالدة تمنعو..... الهدف إذا كان فى سبيل التحبب, ورضى من البنت, عادي, بس نغصبها :( بكره البنت تكبر وتفهم وتكره الجدة وعيلة أبوها بعد..لو عندك أكله محببة وحد غصبك على أكلها شو موقفك... |
انا اشوف انها ما فيها شي اتخيليها امك ايش بيكون موقفك
|
اقتباس:
مافمت ردك يا أحساس .. النقد موجه لي أم لصاحبة الموضوع ؟ على العموم أنا وضعت نفسي مكان صاحبة المشكلة .. هذا إن صح تسميتها بالمشكلة .. ووجدت أنني لن أغضب إن حدث هذا لابنتي .. وعلى هذا الأساس جاء ردي .. |
عزيزتي..
المشكلة أن ردود أفعالنا تتسم بالحساسية الزائدة إن حدثت مثل تلك المواقف مع أهل الزوج .. في حين أن ذات الموقف لو حدث مع والدتكِ مثلاً أو أحد آخر من أهلكِ أنتِ فلن يصدر منكِ كل هذا الاستنكار! شوفي يا ستي .... ابني ـ وأحسب أن كثيراً من الأطفال كذلك ـ إن جُرح مثلاً فإنه يأتيني باكياً شاكياً ثم يطلب مني أن أقبّل موضع الجرح أو المكان الذي يؤلمه .. وقد اعتاد ابني هذه الحركة وأصبح يعتبرها أمراً بديهياً لدرجة أنني إذا جُرحت أو أصبت بإصابة ما فإنه يأتي من تلقاء نفسه ويطبطب عليّ ويقبل المكان الذي يؤلمني. وأحسب أن زوجكِ تعامل مع الموقف من نفس المنطلق.. وغالب ظني أن ذاك الجرح لو كان في موضع آخر لطلب من ابنتكما أن تقبله كذلك .. يعني الفكرة ليست في تقبيل القدم بالذات ولكن في تقبيل مكان الجرح ... لذلك أرى أن تهوني الأمر على نفسكِ. |
لا ياجماعة الخير تبوس راسها , يدها , اما رجلها لا لا لا انا امها ماارضى عليها وانا امها والجنه تحت اقدامي وحكايه تدري انا اقول مثلا لو عرفت ان ابوها يخليها تبوس رجل جدتها عقاب
لاتزيدون النار حطب |
اقتباس:
لا ياختي مشاعر انا معك بكل كلمة .. لاني بصراحة ماعرفت اش ارد عليها وكان ردك ببالي بس ماعرفت اعبر يعني وين الغلط .. وانا معك واعتذر ان كان اقتباسي لردك ياختي الغالية اثار فيك اي موقف ... اقتباس:
|
والله ماشفتوه وهو يضغط على راسها بالقوة وهي ياعمري عليها مو فاهمه وهو يقول بوسيها بوسيها
|
اقتباس:
صابره حبيبتي .. لاتحملي الموقف أكثر ممايحتمل .. أنتي من وين عرفتي إن والدها غصبها ؟ وهل تظنين إن طفله عمرها سنتين تفهم اصلا ماهو عمل الشئ بالإكراه ? أو حتى ماذا تعني حركة بوسة القدم ؟ |
والله نفس كلامـــــــــــــــــــــــــي :: وش فيها اذا بـاست رجل امـه ! هي جدتها ! ومااااااااااااااافيها مشاكل .. الجـده بحسبـة امي . والله ابـوس رجلها ... ومو مشـكوره،ـ بعد .. هذا يعـود بنتك على الأدب والذوق واحترام الكبار .. وتحترمك انتي امها من احترام جدتها مرررررررررره كبرتي السـالفه ... ماشوف فيها شي .. وبعدين شووو هذي امك وماامك وانت تبوس رجلها !! الصراحه اسلوبك ماااااااااااش .. غيري طريقـة تفكيرك ... ياختي .. |
الحين إذا الجدة كبرت الموضوع ماينشره عليها حرمة كبيرة والكبير أحيانا يفكر مثل الطفل مو شي غريب !
لكن الغريب إنت يالعاقلة كيف تخلين مثل هالموضوع يسبب لك مشكلة بينك وبين زوجك ! الله وكبر طفلة وحبت رجل جدتها ماقامت الدنيا ولاقعدت !! |
اقتباس:
إحساس اعذريني ياعزيزتي .. والله أنا مافهمت قصدك في البداية .. وحتى لو كنتي انتقدتيني أنا فهذا من حقك .. والاختلاف في الرأي لايفسد للود قضية .. |
اقتباس:
|
اقتباس:
كل هذا حصل لك بسبب ام زوجك ام زوجك كبرت الموضوع ...انحرق قلبك ...منهاره ... انقهرتي ... متعمده ولها اهداف ... كرهتيها ... تبكي... انجنيتي ... حرام على زوجك ... كأن ام زوجك طفله ... ايش يكون شعور البنت لو تكبر .. وماذا بعد ؟ الأخت ذوق ارى انك انت مكبره الموضوع جدا , ومبالغه فيه , وحتى اسلوب حديثك عن ام زوجك لا يحمل احترام لها , وكأنك تتحدثي عن عدوه لك , ولا كلفتي نفسك تقولي خالتي او عمتي . سؤال : لو كانت بنتك قبلت قدم والدتك لنفس السبب هل سيتقولين عن والدتك ما لونته بالأحمر ؟ وهل تقبلي ان يقول زوجك عن والدتك ما قلتيه انت عن والدته وبمثل اسلوبك ؟ |
اتوقع لو كتبت مشكله جنسيه كان تفاعلتو معي اكثر
والبعض يكتب بدون مايحط نفسه مكاني انت باابو حكيم ترضى تشوف زوجتك تجبر بنتها باسلوب عنف وقهري عشان تصلح غلطها وتبوس رجل امها كان هو باسها وقال اعذريها ياامي ماتفهم طفله وهي مش كبيرة عشان اعذرها لكبر سنها وهي لو فيها خير وشافت ولدها يدور رضاها كان مارضت ببوسه القدم كان باستها على راسها والا يدها وفي النهايه عمرها سنتين |
اقتباس:
|
المشاركة الأصلية كتبت بواسطة ابو حكيم 1
يا ساتر يا رب ... ركزي على ما لونته بالأحمر كل هذا حصل لك بسبب ام زوجك ام زوجك كبرت الموضوع ...انحرق قلبك ...منهاره ... انقهرتي ... متعمده ولها اهداف ... كرهتيها ... تبكي... انجنيتي ... حرام على زوجك ... كأن ام زوجك طفله ... ايش يكون شعور البنت لو تكبر .. وماذا بعد ؟ الأخت ذوق ارى انك انت مكبره الموضوع جدا , ومبالغه فيه , وحتى اسلوب حديثك عن ام زوجك لا يحمل احترام لها , وكأنك تتحدثي عن عدوه لك , ولا كلفتي نفسك تقولي خالتي او عمتي .بالفعل عزيزي هي عدوة ونسانه مريضه نفسيا ولا كيف ترضى على بنت ولدها عشان تغيضني وبعدين انت وش دخلك اقول عمتي والا خالتي كل واحد يتكلم على كيف شايفني محروقه ويبغاني كمان اكتب خالتي وعمتي مالت عليك بس الله يعين زوجتك من قل عقلك هذا اذا كنت متزوج والا راضيه تعيش معك واحد مثلك سؤال : لو كانت بنتك قبلت قدم والدتك لنفس السبب هل سيتقولين عن والدتك ما لونته بالأحمر ؟ وربي تبغى تتفلسف بس ومانت فاهم شي بالموضوع وهل تقبلي ان يقول زوجك عن والدتك ما قلتيه انت عن والدته وبمثل اسلوبك ؟ خير ياطير تراها ام زوجي مش كوين ولا اكبر اش فيه اسلوبي عجبي والله شكرا يا ذوق , وواضح جدا انك ذوق من تحت لفوق |
اقتباس:
فيها الخير انها ارتضتك لابنها زوجة ..:) الا يكفي هذا الخير .... اختي .. ام زوجك يالغالية امك والله لن ترضي علي امك كلمة فكيف ترضين لام زوجك .. اختارتك زوجة لابنها .. كوني بارة بها يبر بك ابنائك .. هل بيوم مرت عليكي هذة القصة ..:) تمعنننننننننننني فيها فالدين يرد لصاحب الدين يااخيتي .. اقتباس:
اقرئيها لمليون مرة ربما تتراجعين عما ذكرتة وتعذرين زوجك .. :) |
عزيزتي ذوق من تحت لفوق ...
لما الواحد يكتب موضوع ويكون (زعلان من شي) أو محتار( بين أمرين) لازم يحط في باله إنه ممكن يسمع آراء ما توافقه ... ويحط في باله إنه ممكن يغير رايه ويقتنع بالكلام الآخر.. من ناحية الموضوع .. إذا كان هناك مواقف سابقة بينك وبين خالتك وحاسة إنها تريد إغاضتك من الموضوع فهذا شئ راجع لها وإنت ما خسرت شئ .. هدؤك وعدم أخذ الموقف بحساسية هو انتصار .. وإذا إنت شايفة إن الموضوع بيأثر على بتتك الصغيرة سلبا فهذا لا صحة له أبدا أبدا بالإتفاق,, وصدقيني نصيحة: الموقف الي سويته مع زوجك ليس في صالحك (وفِريه) لمواقف أكبر من كذا ممكن تسوين منها مشكلة .. لا تزعلين من رأيي لا أعرفك ولا تعرفيني .,., ودمت ومن تحبين بكل خير وعافية .. |
اقتباس:
|
بصراحة الموضوع عادي
جدتها حتى لو باست رجلها انتي لو امك و تخلي بنتك تبوس رجلها هل فيها شئ |
يمكن حكيم ابمور ثانيه في موضوعي ماشفت فيه ذرة من الحكمة استغفر الله
وبعدين شوفي مواضيعي ثانيه احسن لك اشوفك مرتزة بالموضوع تدورين المناقر |
عزيزتي..
لو كنت مكانك لما أعجبني هذا التصرف في حق ابنتي, سوء أكان الجرح في قدم والدتي أو والدة زوجي لكن أن أكبر الموضوع وأعطيه أكبر من حجمه فهذا ما لن أفعله بالتأكيد.. ثم يا أختي يبدو لي بأنك حساسة وعصبية بعض الشيء وهذا ما يتضح من ردودك وكلامكِ عن والدة زوجك, اهدئي أختي ودعي عنكِ الإنفعال الزائد ونحن لم نختَر موضوعك من بين كل المواضيع ونرد عليكِ لأننا نريد الإساءة إليكِ وتجريحك, هدفنا إصلاح المشكلة وكل شخص يجتهد برأيه وهدفنا في النهاية واحد... تحياتي.. |
اخـتـي الكـريــمـة الأعـضاء طـرحـوا آرائـهـم .... وأنت شنيت عليهم بالكـلام... بشكل غير راقـي فما الذي يضايـق... هـل لان ام زوجـك من النوع الثاني...؟!!! أو أن بنتـك صغيرة وما تفهم وأبـوهـا غصبها بشكل كما قلت عنف قهري كما ذكرت....؟!! و لكـل سؤال حـل.....!!! وإذا كنت منقهرة من فعـل زوجـك -الذي لا أرى فيه شيء - فصارحيـه واخذي وأعـطي معه.... عزوبي:21: بس:d رجل:30: |
كبريها تكبر .. صغريها تصغر .. |
اقتباس:
|
صارحته وكلمته واستفزني وطربقت الدنيا على راسه وانا الحين عن اهلي فكر في شعوري كأم وترى علاقتي بامه عدم من قبل الزواج عشان كذا اقول انها سكتت وعينها فيني لما صار اموقف قصدها تحرق قلبي على بنتي طيب هـدي ما دامـك معـصبـة كذا ،،،، فـلا ترمي بالكـلام على احـد من اعضاء المنتدى....لانهم يوم من الأيام ما قصروا معي بالظروف التي أمـر بـها............!!! ثـم هـل المشكلة تـوصـل بـك لأن تـذهـبـي لبيت اهـلك....!!! زوجـك نيته طيبة لكن اسلوبه كان خطأ ،،، حنا عند الأولاد الصغار يلعبون ويربجون على رجول جداتهم...!!! ومرات نقولهم سلموا... ويسلمون .... فنية زوجـك طيبـة .... لكن انك توصليها لأن تتـركـي بيتك ....!!! هذه ممكن تنقلب عليك وتندمين فتفاهمي مع زوجـك على الأسـلوب..... وبدون عصـبـيـة فانتبهي إلا خـراب بيتك بيـدك..... عزوبي:21: بس:d رجل:30: |
الأخت أميرات بمثابة أمك حبيبتي
الكل في هذا المنتدى يحترمها و يحترم رأيها و يقدرها و لا يهونوا بقية الأعضاء الله يهديك هدئ أعصابك شوي ندري إنك منقهرة و لو كنت في مكانك راح أنقهر و لكن ما هكذا تورد الإبل غاليتي |
اقتباس:
هو اب لازم يحافظ على مشاعر اطفاله وعلى كرامتهم واحترام لذاتهم كيف تتوقع بنت تربت على تقبيل الاقدام اليوم امي وبكره ابوه وبعده اخته والا اخوه انا احب امي واقبل اقدامها وامسجها واغسلها بس ليه طفلتي اجبرها تبوس رجلها كفايه انا ولو اني جدة مستحيل ارضاها من بنت ولدي وهذا المشكله لما الواحد يبي الكل بنفس طيبة قلبه ويتوقعلا المثل وينصدم الا ياخذها بوجهه |
اقتباس:
اش السالفه صار الكل مثل امي الله....... |
طيب بنعتبر كل اللي قلتيه عن أم زوجك صحيح وأنها كانت تبغى تغيضك
أنتي بتهورك وغضبك حققتي أمنيتها تذكري أنه" ليس الشديد بالصرعة وإنما الشديد الذي يملك نفسه عند الغضب" وشكلك ما عندك كنترول على أعصابك على طول تثورين وهذا يجعل الأخرين يتفنون في إغاضتك فالحل السليم هو إلتزام الصمت عند حدوث أي مشكلة حتى تهدأ أعصابك ثم حليها بالحكمة |
اقتباس:
مشكورة على تفهمك وضعي واحساسي برضوة الكلمه الطيبه صدقه ماطلبت احد يسبها بس مو شرط يشعللونها واللي يده بالماي و اللي يده بالنار واللي يقولون عادي لو تبوس جدتها مثلا لو انعكس الموضوع وصار لام الزوجه كان تلقين ردود ثاني والله اعلم بالخافي لاهمك المثاليات اللي يتظاهرون فيها من برى الخلاخل والبلا من داخل |
هل تعلمين كم ذنبا كسبتِ وأنتِ تشتمين هذا وذاك؟
أين الأخلاق الرسول في التعامل مع الآخرين حتى وإن اخطأوا في حقك؟ ألا تخافين من الله حين يحاسبك على ما يكتبه قلمك من سب وإهانة لغيرك؟ استهدي بالله أختي..! |
اقتباس:
اختي الكـريـمـة افترضي ان الأعـضـاء موافقين على زعلك وغير راضين على اسلوب زوجـك مع بنتك لكن هـل مـعـقـولـه توصل مع لأنـك تـروحـي بيت اهـلك بسبب هالمشكـلـة... يعني ما في حـل غـيـر كـذا.....!!! ولـو رجـعـت لأول الموضوع بتلقيـن ان ردود الأعضاء ما استفزوك، بل انت كنت بـردودك عـصـبـيـة شوي....وقبلها مع موقف ام زوجـك ونقاشك مع زوجـك كذلك... الله يـهـدي الجـمـيـع... عزوبي:21: بس:d رجل:30: |
يُرجى الا لتزام بسير الموضوع والبعد عن الردود الجارحه من صاحبة الموضوع والاعضاء////الاداره
|
| الساعة الآن 01:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©