|
زوجي طلب مني العودة
السلام عليكم ورحمة الله وبركاته
اولا احب اشكركم جميعا لانكم ساعدوني ووقفتم جنبي ونصحتوني في مشكلتي والان جد جديد في الموضوع زوجي يريدني ان اعود وسالني عن شروطي حتى اعود انا استخرت الله واود معرفة رايكم في الموضوع وماهي الشروط التي اطلبها منه ؟؟؟ http://www.66n.com/forums/showthread.php?t=194277 http://www.66n.com/forums/showthread.php?t=195024 |
الف الف الف مليون مبروك,,ماشاء الله تبارك الله ولا حول ولا قوة الا بالله
والله يتمم لك على خير والله فرحتلك ياشهد من كل قلبي فهمينا وش غلط معاك فيه او مقصر في ايش عشان تقدرين ونقدر نحدد الشروط |
ان شاء الله يصلحلك ويتمم لكم بالخير
يرجى كتابة لفظ ( إن شاء الله ) كما بين الأقواس . شكراً الإشراف |
بكل صدق، يمكن ما تحضرني مشكلتك الان ، او ما اطلعت عليها..
ولكن بشكل عام. مادام زوجك قدم الحسى ويبي يراجعك، فا الحمد لله، هذي ان شاء الله اول خطوات وأجراءات التصحيح. اما مسأله شروط، لا تتشرطين بأي شي، الا با الشيء الي ممكن يفيدكم كلكم بحياتكم وينهي سبب الخلاف الاول عشان برضوا ما ترجعين لأهلك ثاني مره ويراجعك برضوا بشروطك. حاولي تستغلين الموقف من صالحكم كلكم، لا تفكرين بنفسك ، فكري ببيتكم وعيالكم وعشرتكم، لاحظي اني اتكلم عنكم كأنكم شخص واحد وهذا المفروض يصير في شروطك انها تكون من صالحكم جميعاً. الله يردكم رداً جميلا، ويسهل اموركم، ويألف بين قلوبكم على الحق والطاعه والحب. الله يوفقنا ويوفقكم |
مبروك أتمنى أنك تكتبي شروطك وبشرط تكون مرضية للطرفين ، ولاتتوقعي أنه ممكن يوافق عليها كلها ، ولكن بذل السبب خير من عدمه ، وبعدها تفاهموا على الموضوع وكيفية بناء حياتكم على أساس سليم مبني على الإحترام والتفاهم وفقك الله |
الحمدلله... مبروك حبيبتي و ان شاء الله تكون اخر المشاكل ..
اتفاهمي معاه بحكاية الصرف ... و انه هو المسؤل عنك و نصحيه لا تعوديه تكوني انت المتكفلة بكل شي ... وفهميه انك وقت ماحبيتي تستقيلي المفروض ما يوقف لك .. ثالثا .. نصيييحة من قلب حبيبتي .. اخري موضوع الحمل قليلا لغاية ما تستقر الامور مع زوجك الله يوفقكم |
ختي الكريمة اذا كنتي تريدنه كاشخص وله في قلبك مكانه وايضا محافظ على الصلوات املئ عليه شروطك منها التزامه بالمصاريف المنزالية والفواتير وبالنسبة مايخصة كالسيارة اوغيرها وانتي فقط مصاريفك الخاصة00ولاتنسي انه اذا انجبتي اطفال فأنه سوف يترك مصاريفهم عليك 00
اما اذا كان غير ملتزم بامور دينه وسو تشاركينه مصاريف البيت فلا اعتقد ان بيتك سوف يخلي من المشاكل الكبيرة والصغيرة اعيدي حساباتك مع نفسك وشوفي ايجابياته وسلبياته ومين يرجح وبذالك احكمي وبتنسي الاستخارة والدعاء اعانك الله واختار لك الخيرة حيث كانت |
اولا : الف مبروك ....والله يهديه ويسخره لك ...ويجعله لك كما تحبين وترضين ...
ثانيا :ان يكون بينكم الاحترام والتفاهم ...وعدم تكرار كلمة ابي اطلقك ...روحي بيت اهلك ....انا ما ابيك ... ثالثا : 1- يرجع قيمة الذهب اللي باعة ...أو يشتري بداله . 2- هو ملزوم بالصرف عليك لو مبلغ بسيط ...(( اخذي منه مصروف شهري لو مبلغ بسيط ...حتى يدرك ان هناك زوجة ملزم بها ...)) 3- لا تصرفي على البيت ....البيت من التزامات الزوج .... اللهم الف بين قلوبهم وسخر لهم .. الله يوفقك ويصلح ما بينكم ... |
الله يجمع شملكم بس ياريت تستخيري اكثر من مره قبل الرجوع وتضعي حد للماده وبنه مهما يكون هو المسؤل عن مصروفك
|
أولا الحمد لله أنه حس فيك وحس بقيمتك ، واقول لكي يأختي أريد منك ان تستكشفي
ليه رجعك :25: هل حب لكي ومودة أم لسه طمعان فيكي وهذا الشي أنت وشطارتك تعريفيه ولا أقول لا تساعديه بل ساعيدية واوقفي بجنبه ولكن لا تخليه يستغلك لان الواجب عليه هو الي يصرف عليك وعلى بيته لانه هو الرجل وأشترطي عليه أنه مايدخل في راتبك اذا كان واجبك أتجاه مؤديته باكامل .وثاني شي يحسن المعاملة تماما ويتغير 180 درجه الى الحسن وهذا الشي شوي شوي . ملاحظه : قد أكون قاسي معه في هذا الكلام الي كتبته ولكن اوريد أن يعاملك ويعشكي في سعادة. الله يحفضك ويسعدك:22: |
اختي شهد .. اعطي زوجك فرصه اخرى و اكتبي له شروطك من السكن و المصروف و المعاشره بالحسنى .. فهذه الامور هي مسؤوليه اي رجل متزوج .. اذا لا يستطيع ان يفي بهذه الشروط اذاً لما تزوج .. اهم شي يا اختي ان يكون حاضر وقت ما تتفاهمين مع زوجك حكم من اهلك و حكم من اهله عشان يكونوا شهود على كل الكلام اللي يدور بينكم حتى لا يتهرب زوجك من التزامه بهذه الشروط او على الاقل يكون بينكم ورقه يتعهد فيها الطرفين باللالتزام بالشروط و توقعون عليها .. نصيحه يا اختي اذا عدتي لزوجك اجلي الحمل كم شهر حتى تستقر حياتكم .. قوي قلبك يا اختي فانت صاحبة حق وصاحب الحق هو الاقوى .. بالتوفيق ان شاء الله .. |
الحمد لله الله يوفقك اختي
|
الحمدلله الله يقر عينك فيه
ويصلح حالكم ويلم شملكم الشاهد الله فرحت لك يارب تتهني ويسعدك ربي ويوفقك بحياتك |
انا استخرت الله ثلاثه ايام وردتيت عليه باني اريد حقوقي الشرعيه المعامله بالمعروف والنفقه والسكن وله علي حقوقه الشرعيه وبس
ورد علي بالتالي قال الله تعالى ( امساك بمعروف او تسريح باحسان وان يتفرقا يغني الله كلا من سعته ) فيه كمان نقطه هامه بعد ماارسلت له الرساله تقريبا بثلاث ساعات ابنة اختي الصغرى لعبت بالجوال وبالغلط دقت على رقمه وانا انتبهت وقفلت السماعه بس رن الجوال ماادري كم رنه ايش رايكم في الموقف |
ايش قصده !!
يعني قصده مو موافق والا ايش؟ |
والله ماني فاهمه قصده شكله يتلاعب باعصابي حسبي الله ونعم الوكيل
لانه قعد فتره تقريبا يقول انه بيطلق وطلب نجي ناخذ الاغراض وانا مطنشه رسايله بس رحنا عشان ناخذ اغراضي و هو ماكان في البيت ورسل لي رساله في اليوم التاني يسالني اذا حابه ارجع له وايش شروطي |
اعتقد ماعجبه اني كتبت له انه له علي حقوقه الشرعيه وبس شكله توقع اني راح اقوله اني حساعده او اساهم معاه في اي شي
لانه في الايه ( وان يتفرقا يغني الله كلا من سعته ) يعني لما يتركني بيحصل افضل مني وربنا راح يغنيه |
اقتباس:
صح الصح صراحة اختي مدري ايش اقولك بس متمنية لك زوج يحبك وبس ما يحب وظيفتك ... لانك باين انك عاقلة وتستاهلي كل خير .. واشك ان راعي طبع يخلي طبعه دعواتنا لك بالتوفيق ولا تنسي الاستخارة داومي عليها الى آخر لحظة .. |
شهـودهـ ! يـالغلا ! الله يووووووووفقك يارب ويكتب لك الخيـر بأذن الله ! هذا اولا : ثانيـا : حبيبتي زوجك ومن الي احسـه رجل استغلالي درجـه اولـــــــــــــى .. يعني حتى اقسـاط السيـآره .........! خيــــــــــر !!!!! والله العيب راكبـه من راسـه لرجوله ولا انتـي بنت الأجـواد ماجا منك الا الـزين ! وهو والله الي سواه ماهو بفعل رجـال .. الا الرخـوم وانا اختك !! وردهـ عليك !! رد انسـ،ـان قليل الخبرهـ ومايفتهم بالحياه الزوجيـه ولا شي !! اجل فيه رجال صاحي يفرط بزوجتـه عشان يبيها تصرف عليـه ! والله انه يخسـى !! والي سويتييه .. عين العقل ! وكلامـك من جد يوزن ذهب ! عجبني ردك عليه ورسالتك .. وخليك مصـره على رأيـك هذا الي حدده لك الشـرع .. والشرع بصفك .. ولاتخافين دامك ماسويتي شي يغضب الله .. ربي ماراح ينسـاك وبينصفك وبياخذ حقك عاجلا غير اجلا .. الله يوووووووووووفقك يااااااقلبي .. |
شهد
انا من رأيي لاتردي ليه ولا تكلميه والرساله اللي ارسلها يقول وشهي شروطك وكذلك الآيه خلي ابوك واخوانك يشوفونها عشان يصير عندهم علم وخليهم هم اللي يقابلونه انتي لاتردي عليه نهائيآ اسمعي كلامي ياشهد واتركي الرجال للرجال |
شهد من الاخير
عمرك ما بترتاحين معاه اللي همه الفلوس عمره ما يرتاح ابدا ولا بيريحك دامها جت منه اجل تسريح بإحسان فكي عمرك وارتاحي توك مالك شهر ما امداك ماعمل تاريخ مديد ويتعب قلبك وربك فوق يا حبيبتي شوفي لما قلتي على شروطك وش قال هذا بايعها من اولها يبي مصرف فقط فكي عمرك منه هذا رأيي الشخصي بس اسألي اول عن قيمة الذهب لا ياخذه اونطه طلعي حقوقك من عينه هذا رأيي الشخصي وانتي براحتك |
| الساعة الآن 04:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©