|
زوجي يتكلم مع فتيات عبر الانترنت
السلام عليكم ورحمة الله وبركاته
والله يااخواني وخواتي ترددت كثير وانا اكتب هالمشكله بس تبون الصراحه اللي شجعني صراحتكم وحبكم لمساعده الغير المهم اقولكم مشكلتي نا متزوجه من ثماني سنوات الحمد لله اموري تمام انا وزوجي انحب بعض وبصراحه لو يقولو عيونك وين اقول فلان وهو يحبني واهو اللي اختارني زوجه له المهم سارت حياتنا مثل العسل حتى قبل سنتين وقت مادخل النت وياليته مادخل طبعا هو قاد على النت وانا ماعندي فيه ادنى شك لكن بالصدفه فتحت جواله ولقيت رساله غراميه من رقم واخذت الرقم ودقيت وردت على بنت طبعا انا انصدمت وبغى يوقف قلبي ولما رجع من الدوام واجهته وقلى انا اهي المتصله وانه اول مره يسويها وانا متاكده من ذا الشي وكسر شريحته قدامي وطلع شريحه ثانيه وانا مصدقته ومن بعدها انا ماني مرتاحه وبعض المرات صادفت محادثات بس ماقلتله عنها ومن يومين فتحت ايميل جديد واتكلمت معه على المسنجر على اني بنت ولقيته يتكلم ويقول كلام حلو بعد راح تستغربون لو اقلكم رغم كل شي احبه واموت على التراب اللي يمشي عليا لانه مو مقصر معي ولو اطلب عيونه يعطينيها ولا عمره سمعني كلمه تغثني اللي ابيه رغم هالحب ليه الخيانه ؟ طبعا انا مهتمه بنفسي وبكل شي يخصنا لكن بيني وبينكم احس انه عنده عاطفه فاضيه طبعا هذا موضوعي طرحته للنقاش ومستعده للحوار وطلبتكم ياخواني الاعضاء ليش الرجال يسوون كذا رغم الحب اللي متوفر له ولو تدرون ان حريمكم يكلمونكم على الايميل على انهم بنات وش تسوون لاتلومون الحرمه المسكينه تفااااااااااااااعلو مع اختكم الاشراف/ عذراً تم تعديل العنوان ليتضح المضمون |
كان الله في عونك اختي .. كيف هي علاقة زوجك بربه ؟؟ هل زوجك عنده وقت فراغ كبير؟؟ انت وش راح تستفيدي اذا واصلتي محادثة زوجك على المسنجر الا تخافين ان يعرفك و بعدين يطلعك انت الغلطانه و يبدأ يشك فيك و يقول مثل ما كلمتيني على المسنجر ممكن تكلمي غيري ؟؟ كيف راح تتصرفي بعدها ؟؟ هل زوجك عنده علاقات خارج المسنجر ؟؟ |
الله يكون في عونك
وربي تألمت كثير من قصتك مالي لك غير الدعااء ربي يهدي زوجك ويبعد عنه بنات الحرام وان شااء الله باقي العضوات يفيدووكي |
مشكوره على التفاعل
حبيبتي زوجي مدرس صفوف اوليه بس هومن النوع اللي ما يحب ينام بدري وبعدين انا سويت كذا عشان اشوف مدى استجابته للمحادثات لا ني سبق وبكل لطف وطلبت منه اذا كان عنده ايميلات بنات انه يحذفها عشان بناته بس الغريب انه لما استمر معي في المحادثه قلي بالنص ارجوك رجا خاص احذفي ايميلي من عندك وهذا اللي محيرني يعني ندم وبطل |
باقي اضافه
زوجي ماله علاقات خارج المسنجر بس هو يجلس مع شخص له في هالحركات |
اقتباس:
ليش ما تسهري مع زوجك ؟؟ |
لكن بيني وبينكم احس انه عنده عاطفه فاضيه
عبيها ياحبيبتي عبيها هذا راس المشكله!! يمكن يبحث عن كلام حلو ومدح يملا عليه الفراغ العاطفي |
الله يكون بعونك يالغلا
لاتخليه يبحث عن العاطفه عند غيرك قولي له كلام حلوو وعامليه زي ماتعاملي الطفل صدقيني زوجك محتاج منك عطف وحنان لاتبخلي عليه بعدين يدوره عند غيرك الله يهديه ويسخره لك ومايشوف بالدنياء غيرك ياااااااارب |
يابنت الحلال
ياكثرهم اللي مثل زوجك كلها أيام وليالي ويتركون البنات بس مجرد فراغ وما اسرع ما ينتهي خلي كل شي هادي وبسيط وتأكدي ان زوجك ما راح يضيع منك دمتي بخير |
انا صراحةً غير متزوج
بس ما ادري يمكن افيدك عشاني رجل انا اتوقع يمكن صح انتي تحبينه وهو يحبك بس انتي ما تبينين له مدى حبك له صح الحب في القلب بس ولو اذا ما طلع على الحقيقه وش الفايده؟ واذا كان زوجك عنده وقت فراغ وشفتيه فاضي حاولي تجلسين معه وتسولفين وياه وتتكلمون مع بعض وتقترحين عليه تطلعون من هنا او من هنا صدقيني اذا مليتي فراغه وغمرتيه بالحب يمكن ينسى النت كله انا صراحةً لو اني متزوج ما افكر اكلم غيرها حتى بالنت اتمنى اني افدتك |
الصـراحه الصـراحه !! انتي شـوي وتطيحين بأكبــر خطاأ بحيـاتك ! انصحك نصيحـة اخت ... احذفي ايميل زوجك تمااااااااااااااما واحذفي اي شي يتعلق بهالأيميل الي دخلتي منه ! زوجك لايكتشف انك انتي دخلتي عالمسـن ! صـدقنيي يمكن يتغيـر عليك بجد ! وبذيك الساعه تخسـرينه !! وغير كذا وااااااااااضح ان زوجك ماشاءالله عاقل ورزيـن ونادرا تلاقين رجال يكسـر شريحته ويطلع شريحة ثانيـه لو مهما صار ! لانه بيطلع مليون عذر وعـذر عشان مايكسرها ! وهو مااشاءالله عليه شاااااااريك وخايف على مشاعرك !! بس السؤال هنا ! هو ليش يخووووووونك ! اعطينـي رجــــــــــل يقدر يصبر عن النســـــــــــــاء ! هذي اكبر فتنه للرجال وتكلم عنها رسول الله عليه الصلاه والسلام .. وبهالزمن القابض على دينـه كالقابض على الجمر! حطي هالشي ببالك .. وحطي بالك ان زوجك انسـااااااااااااااااااااان ! مو ملاك ! وبما ان واااااااااازعه الديني قوي ! وبما انه الأنـا الأعلى << الي خاص بالمثاليات وهالأشياء بالأنسان عالي اتوقع زوجك بس ناقصـه تذكييير .. قصص اشرطه دينيه محاضرات .. يعني استخدمي كيدك كأمرأه .. واعرفي شلون تكسبين زوجك ! وتبعدينه شوي شووي عن هالحرام ! اول شي اعطيـه الثقه ودايم قوووليله انك واثقه فيه عززي هالشي بذاتـه ! وغير كذا وكلي امرك لله والجأي له بالدعاء ان الله يستودع قلب زوجك ومايسكن فيه من النسـاء غيرك ! يالغلا .. الكل متفهم شعوووورك ! بس الحل بيـدك .. اسحبي زوجك شووي شووي لك .. وهو صدقنيي من داخل ضميرهـ يأنبه ... لانه يخونك .. وانتي بعد اضغطي عالجـرح خليه يتأـلم بس من غير مايحس ! كيــــــــــــــف !!! بأسلوبك وبكلامك بحنانك عليه وحبك ! تقربي له ... وعيشيه بجـو متجدد وبعيد عن الروتين ! والله يسخرلك زوجك يااااااارب |
اقتباس:
الملتزمين بحق ,,, مو كل الرجال لهم علاقات مع نساء (اقصد المكالمات ) لو خليت خربت و ا نا مع دانتيل في كلامها 7 7 اقتباس:
|
أخـــتـي الكـريــمة أسأل الله الحي القيوم ان يهدي زوجـك ويغنيه بالحـلال عن الحـرام... ليس كـل الرجـال يكلمون بنات...!!! او يـفـتـحون باب للعـلاقات غير الشرعيـة.... سواء عزاب او متزوجين إلا لـفـراغ عـاطـفـي ووقـتـي ... وضعف الإهتمامات في غـيـر مجـال العـمـل... والصــحـبـة السيئـة.... وأركــز علـى ما ذكروه الاخـوات بأن تحـذفي ايميلك،،، وكـوني له كمثل المرشدة والداعيـة والمحبـة ولا تـكـوني كالمراقبة والمحققة التي تطارده وهـو يفر منها لشهوته المحـرمـة.... وتدفعين من غير شعور منك إلى المكابرة بالأثــم....!!! الله يدفع عنكم الحرام ويغينا وإيـاكم بـأطيـب الحـلال عزوبي:21: بس:d رجل:30: |
اشكر كل من تفاعل معي في مشكلتي
من جد لقيت عندكم الاجابات الشافيه اللي نورت طريقي وبصيرتي الله ينور بصائركم ويبعد عنكم كل مكروه يارب وابشركم كلامكم عزز الثقه في نفسي وخلاني اعرف واشوف اشياء كنت مغمضه عنها اما الايميل نسيته وندمت عليه احتراااااااااااااامي وتقديري للمنتدى واعضاءه:) |
الأخت العزيزه.......
لا أجد إضافه إلي كل ما قيل لك من الأخوه والأخوات الأفاضل ...............لكن أسمحي لي بإبداء وجهه نظر من زاويه أخري قد يكون زوجك بعيداً كل البعد عن التفكير في الخيانه بمعناها الصريح أو الضمني ( مجرد مكالمات تليفونيه ) ولكنه ينساق إلي التعارف عبر الماسينجر من وازع آخر وهو إثبات أنه مازال مرغوب فيه بصورة رومانسيه وليس بصورة زوج كأمر مفروغ منه فالزوجه للأسف في مجتمعاتنا العربيه تهتم بالناحيه الرومانسية أثناء فتره الخطوبه والسنوات الأولي من الزواج ويكون شاغلها حينئذ كيفيه التجمل والتأنق للزوج وإسماعه كلمات الغزل والعشق والهيام . ثم وعلي حين غفله منه تنقلب أسطوانات الحب والغزل إلي طلبات.....طلبات....طلبات وشكاوي من العيال والخدم والحياه وعندما كان الموبايل أثناء الخطوبه وسيله لأرق الكلمات أو لإرسال ماسيج عاطفي أصبح رنين الموبايل ( بعد الزواج بكام سنه ) للزوج وهو في عمله بمثابه تذكيره بمشتريات معينه أو بواجب أسري لابد من أداءه أو التنبيه عليه بعدم التأخر ...................أي تذكيره بمسئوليات العلاقه الزوجيه وواجباتها فأنا أظن أنا الزوج هنا يريد الفرار والهروب إلي مجرد علاقه بدون إلتزامات أو واجبات بل مجرد علاقه تقتصر علي تبادل الكلمات ليس إلا . وأري أن من واجب الزوجه هنا أنا تعيد العلاقه قليلاً إلي فترات الخطوبه وسنوات الزواج الأولي فلا يمنع أن تحدثه في العمل لمجرد إلقاء كلمه حلوه علي مسامعه أو لتقول له ألا يتأخر لأنه واحشها ...وفقط فتلك الجزئية لو أستطاعت الزوجه أن تملائها فلن يذهب الزوج إلي إتجاه خاطئ لملئها مع تحياتي ا |
الله يهديه ويبعد عنكم بنات الحرام والله يا اختي الدنيا صايرة تخوف البنات بيبيعوا حالهم لماشي الطريق والتلفزيون ما بخلي شي ما ببثه والاغاني صارت افلام سكس والله ما بيردع حدا في هالزمن هاد الا الدين والالتزام ذكريه بربنا واتعمدي لما اكون قاعد معك اتحطي دروس دين وافتحي معه مواضيع من خيالك هادا فلان عمل هيك بمرته ومرته زعلانة عند اهلها والله معها حق ..........الخ والله افرج همك
|
اقتباس:
بس انا الاحظ انه الكلام الحلو مايطلع منه الا نادر واكيد احنا نبي من الكلام الحلو زي ماهم يبون |
اقتباس:
تدري الرجال مايحبو كثر الكلام في مواضيع الحريم ومشاكلهم وزوجي واحد منهم |
اقتباس:
كلها مكياج وملابس وموضات |
الله يكون بعونك اختي بصراحة يمكن زوجك عمل الشي هذا من الفراغ اللي عنده وانتي ماسديتي الثغرة اللي عنده حاول قدر ماتستطعين انك تبين له مدى حبك وقبل كل هذا والاهم من كل شي حاولي انه مايترك الصلاة واذا طلع دقي عليه وعطية من الكلام الحلو وتطمني عليه وصدقيني بتلقينها الله يديم المحبه لكم . واتمنى لو زوجتي القى منها نفس الكلام اللي انا قلته .
|
| الساعة الآن 10:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©