|
لو خطبك رجل فيه عيب وش بيكـون ردك !( تم الرفض )
الســـــــــــــــــــــلام عليكم }~ البـآرح اتصلت علي خطابـه العائله <<< خالتي .. هههههههههههههههههه لأنها ماشاءالله اتزوج كثير من بناتنا على يـدها ... ماشاءالله اجتماعيه وصديقاتها كثير .. المهم صديقتها تسألها عن عروس لقريبها !! وهي تقـول انه طيب وابن حلال ومايدخن << اهم شي مايدخن .. :30: بس العيب هو :: انه فيه مرض الثعلبـه !!!!!!!!!!!!!!!!!!!!!!!! الله يشفيـه ويرفع عنه ... وخاالتـي كلمتني !!! وش رايك السالفه الآن بيني وبين خالتي حتى امي وخواتي ماقلت لهم لأنه بصـراحه يااااااااااكثر خطابي ماشاءالله .. وكل مايدرون اهلي احس اتوتر اكثر .. بدال ماأرتـاح ! عشـان كذا قررت افكر بحالي واجمع معلومات عنه انا وخالتـي وبعدين اذا اقتنعت اخليها تحاكي امـي .! بس هي قالت لي ان الولد جدا مــأثر فيه المرض ! وتقريبا 90 % من وجهه مافيه شعر !!!!!!!! يعني لا راسه ولا رموش ولا حواجب ولا اي شي بالوجهه!! مررررررره مرررررررررره توترت ! وخفت يكون معدي ! والبارح بس جالسه على قوقل واعمل سيرش عن المرض وهل هو معدي والعلاج وكل شي ! وهل هو وراثي ! وطلع مو معدي ... وله علاج بس حسب الشخص احتمال ينفع معاه واحتمال لا !! وومن ناحية وراثي ! اذا كان اصلا المرض موجود بالأهل او لا ! لكن هالشخص جاله المرض فجأه .. والي فهمت من خالتـي انه قريبتـه كانت تقول انه بس يسمونه الجميل والوسيم ... يعني كان حلوووو بس جاله فجأه !! والله اعلم ليش وش االسبب !! :: وش رايـكم ! راح احكيلكم نظريـة خالتي .. هي غريبه شووي ! بس ضربت لي مثل للي حولي !! تقـوووووووووووول :: { انتبهـوا على كلامها } ان الـرجل الي فيه عيب !! او نقص ؟!! راح يحـاول قد مايقدر مايفرط بزوجته .. ويحطها بعيـونه ويعاملها احسسسن معامله !!! ليش !! لانه من داخله حاس بالأمتنان لها انها وافقت عليه ! وهالشخص قالت قريبته انه فااااااااااااقد الأمل ان فيه انسانه توافق عليه ! وطرحت لي خالتي اكثر من زواجه صارت يكون الزوج فيه عيب .. وبجد لاحظنا ان زوجاتهم جدا جدا مبسوطين معاهم !!! ماشاءالله لاقوة الا بالله .. :: وش رايكم بنظريـة خالتي .. وللصبـايا ! لو تقدملك شخص فيه هالمرض !! هل توافقي ولاحظوا انه نسبة 90 % من شعر وجهه ماااااااااااافيه لا براسه ولا بوجهه !! نسيت اقولكم ان تعليمه ثانوي .. وموظف راتبه جيد يمشي الحال ... وعمره يمكن 28 او 29 وانا عمري 26 !! :: واللهم صلي وسلم على رسـول الله ... |
الأمر راجع لك ... إذا كان يأثر فيك أو لا
. . أختي خطيبها إنسان عادي لكن شااااااااااااااااااارطة عليه أنو يحلق راسووو ودقنوو وشنبووو وهو مبسوط وهيا كمان ... . . للناس فيما يعشقون مذاهب ... . . برأي إذا ولد حلال ومن عيلة طيبة ويخاف الله ويصلي أهم شيء ووضع المادي ممتاز إلى جيد ... وانتي ما تفرق معك بالشكل (( وافقي )) . . والقرار لك ............. لكن لازم يكون باقتناع لانها حياة ومو لعب عيال .... |
الحمدلله الذي عافانا مما ابتلاه وفضلنا على كثير من خلقة ....
بصراحة ....لا .... الله يشفية و يعافية.... الثعلبه ممكن تكون نفسيه اكثر من تكون عضوية ... |
اقتباس:
هلا قلبـي / والله عني انا .. اعششششق الجمال ! يعني مو مهم يكون الوااااااااو بس على الأقل مقبول الشكل وهذا الي فهمتـه انه لاااااااااا بعد المرض مااافيه جمال !! تخيلي شخص بدون شعر ! والله شي مؤلم نفسيا الصراحه .. وانتي صااااااادقه هذا زواج !! اقتباس:
ايـه والله الحمد لله الذي عافانا .. يااااااااااارب تشافيه وتعافيـه ! انا لما قريت امس .. عرفت انه مرض نفسي يعني يمكني كون يجي للشخص بسبب صدمه او شي أثر على نفسيته !! هالشي خوفني بعد !! وتـرني اكثر :: شكــــــــــــــــرا من اعماق قلبي لردكم ... واهتمامكم .. |
اقتباس:
|
اقتباس:
يعني أي تصرف منك بيقول هذي تعطف علي ومن هالحكي ...... إحساس بس :) اقتباس:
مدري والله .... لو كان هو الشخص اللي ببالي بس بدون شعر توكلنا على الله .. أقصد إذا دين وأخلاق وسيرة تفتح النفس ليه أرفض والله ييسر للجميع |
اقتباس:
الآن جاتني صـوره له عن طريق قريبتـه !!!!!!! ارسلتها لخالتي الرجل ماااااااااااافيه ولا شعره !!!!!!!! ابـدا ! هو صحيح يتعالج ! وانا فاتحه مع منتدانا .. منتـديات آخرى ! واقرى تجارب الناس مع هالمرض ونسبة الشفاء ! ولقيت ناس مثل حالته ... مافيهم ولا شعره نفس هالشخص ! بس قاعدين يتعالجوووا .. وبعضهم كاتب تجارب لأشخاص يقولون ان الله من عليهم بالشفـاء ! :: راح اكثف تحريـاتي <<< مباحث على غفله ههههههههههه واشـوف اخلاقه وصلاته وتربيته وكل شي !! والله يكتب الي فيه خير ... مشكـوره من هنـا ... لبيتكم ... :) |
اقتباس:
اممممم من نـاحية الشفقه !! مادري كل واحد وتفكي،ـره يمكن هو يفكر كذا ويمكن لا !! مادري والله بس انا شايفه ناس حوولي ... الرجل فيه عيب ... ومتزوجين نســاء جدا سليمات ... وماشاءالله حاطينهم فوق راسهم من الحب .. ماشاءالله .. من ناحية الدين والأخلاق ... لسا توني ببدايـة جمع المعلومات .. بس قريبته جدا تثني عليه وعلى اخلاقه ! والأيـام راح تكشف لنا المستور ! بس توي شفت الصـوره ... !!!!!!!!!! متوتره .. ومحتاجه اعرف معلومات اكثر عنه .. وبأذن الله ربي مايخيب رجاي .. اذا فيه خير ربي ييسره لي واذا شر الله يصرفه عني ويصرفني عنه .. ورووووود ملـونه لقلبك يااااااااألوان .. |
يا حوبيلك
طيب شفتٍ الصورة تقبلتيه ؟؟؟ يارب إن كان فيه خير ييسره لك وإن كان غير ذلك يصرفه عنك ويعوضك بأحسن منه ويعوضه بأحسن منك .. |
اقتباس:
والله ياألوان فيني بـرووووووووووود جدا .. مادري وش شعوري مو زي العاده اذا احد خطبني احتاس واخاف ! صح متوتره بس مو زي توتري المعهـود مادري ماخذه المسأله مرره عادي ! يمكن لأنه اول يـوم .. ومو شايفه بالرجال اي شي يجذبني له .. تعليمه ثانـوي وشغله عادي جدا ! مـادري بس اتوقع بالكثير بـكرا راح اعرف قراري .. راح استخير <<< الحمد لله يااااااااااااااااااااااااارب انه في شي اسمه استخاره ... اكثر شي يريحني ... لبــى قلبتس ... الوااااااااااااان ... وجـودك مريـح ... |
يمكن على كلامك لأن أهلك مايعرفون بالسالفه عشان كذا قل توترك:25: ،،
المهم ومثل ماقالوا لك خيه استخيري والله يوفقك ويكتب لك كل مافيه خير . |
الله يكتب لك اللي فيه الخير يااااارب ..
بس شوفي حبيبتي دانتيل ../ إذا تحسين نفسك متقبلة هالعيب، توكلي على ربك ووافقي ! إذا تشوفين مع الأيام بتبدين تحسين إنك ما تتحملين شكله - بالصريح - فأنصحك تعيدين التفكير :) خاصة يعني لازم تحطين ببالك إحتمالية عدم تقبله للعلاج .. ممم ، ليش ما يكون اللي فيه عين صابته من أحد ؟ مو تقولين يسمونه قبل المرض الجميل الوسيم ؟ أسأل الله إنه يشفيه ويكتب له الخير وربي كسر خاطري .. حسبي الله على هالناس ما يخلون أحد بحاله :/ وأنصحك بعد تبحثين عن حريم تزوجوا رجال مصابين بهالمرض، شوفي حياتهم كيف صايرة والله ييسر لك ويكتب لك الخير وييين ما كـان |
حبيبتي انا اشوف نظرية خالت سليمه جدا
بس ترى انا اعرف ناس ثير كان فيهم المرض واتشافوا منه ماشاء الله شوفي انا لو مكانك راح اسأل عن اخلاقه وصلاته وباقي الامور اذا ناسبتني راح استخير واتوكل على الله |
عزيزتي دانتيل
بالنسبة لوجهة نظري فانا لااعتبر هذا الشئ عيبا ابدا هو شئ بسيط جدا وياما ناس عندهاشعر وتحلقه وتبقى المسالة بيدك اذا قادرة تتقبلي شكله او لا اما عن مخاوفك من المرض فالمرض عضوي ومسالة الحالة النفسية تنتج عن عدم تقبل بعض الناس لشكله هذه الامور تؤدي الى انعكاسات نفسية بسبب تاثره باللي يقال واللي يسمعه وهو غير معدي وانا اعرف احد من المنطقة مصاب بهذا لاالمرض لكن اشوفه عايش حياته وواصل لاعلى المراحل ولااعتقد اذا تقدم لوحدة ممكن ينرفض استخيري كثيرا وشوفي نفسك اذا انتي قادرة تتقبلي شكله او لا وكما قلتي وقال الاعضاء في اشياء اهم من الشكل صدقيني |
هلا والله بدانتيلووو <<<يقال تدلعك هالبنت :d
إذا انتي ياقلبي شفتي صورته ودخل مزاجك وعجبك توكلي على الله واقبلي طبعا بعد الإستخاره لإن هذالأمر يرجع لك انتي ياقلبي وبعدين نظرية خالتك مااتوافق معها ابدا لإن اللي فيه عاااااااادي مثل ماقالو الأخوات مو مرض عضال لايرجيء برئه أو شي يخجل منه لا لا عااااااااادي يكون رجال مابوجهه شعر وحده من صديقاتي تصيح على زوجها تقوله حلق الشعر بس ابيك بشنب ..:29: يعني كل وحده وذوووقها استفتي قلبك وشاوري نفسك وان شاءالله يدلك ربي عالصواب اللي فيه خير لك وإحساسي يقول انك بترضين مادري ليه>>>>مسويه دكتتوره نفسيه :d وقريبا ان شاءالله نقوولك كلللللو ش :14: دمتي بألف خير |
الشيء راجعلك عزيزتي ومدى تقبلك
وبعدين شوفي بعد أخلاقة ودينه طموحه يعني تقولين هو معاه ثانوي بس هل عنده مشكلة لو انتي جامعية ... هل ممكن يتطور الأمر لاحساس بالنقص عنده يأثر عليكم هل عنده رغبة بتطوير نفسه ومن هذه الأمور ونظرية خالتك صحيحة في حالات وحالات أخرى بالعكس الشخص تجيه ردة فعل عسكية ويصير يعصب ويتحكم في الثاني وشرير معاه عشان يغطي على النقص اللي عنده والله يكتب لك الخير وين ما كان ويرضيك فيه |
نصيحتي لك دنتيل
حذفي هالعيب شوي من الصورة وقيمي الرجل بشكل عقلاني واذا لقيتي انك مايله له بنسبة كبيرة .. شوفي قدرة تحملك للعيب وهو مرض اساسا واتوقع انه اسبابه نفسية او ممكن تكون عين ! واستخيري طبعا قبل كل شي وعسى الله يكتب لك الخير يا رب |
اقتباس:
ايـه صادقه .. انا من النـاس الي اتوتر من اهلي ! لأنهم طول اليـوم ( استخيري - استخرتي ! وش تحسين وش رايك ؟! انا رايي كذا وكذا ! وافقي لاتوفقين ! ........... الخ ) مرره اتوتر .. واذا راح العريس ومافي نصيب تبـدا اختي الصغيره توسووس تقولي ليش انتي خطابك كثير ويرووحون ! البنات الي حولنا من اول واحد او الثاني وماشاءالله يتم !! لايكـون فيك عين ! لايكون فيه واحد نفسه فيك !!!! تجيبلي القلق .. :29: خلاص بجد صرت ماحب احد يعرف .. بس اليـوم قلت لأمي مااااااااصبرت .. وهذاني استخيـر .. متفائله اسمك .. يدعـي للتفااااااااااااائل ربي يسعدك .. مره شكـرا .. اقتباس:
هلا قلبـوتي ... والله من امس استرجع الصوره واتخيل هل اتقبل الأنسـان هذا او لا !! اخر شي حكيت ماما اليـوم وقلت لها السالفه كلها .. قالت لي وش تعليمه ! وكيف اهله ! قلت لها ماما انا قاعده اجمع معلومات انا وخالتـو .. المهم قالت لي استخيري .. وانتي براحتك قلت لها هذا الي بيصير .. انا فكرت انها عيـن ! بس الله اعلمممممم شكررررررررا ياعسـوووله .. اقتباس:
صـادقه ! انا كثير حووولي فيهم عيب .. وماشاءالله مع زوجاتهم الـ تمام حتى قريبتي زوجها قالها والله من الفرحه انك وافقتي علي بنفس اليوم ذبحت ذبيحه وعشيت اهلي !! والآن مره مبسوطه الله يتمم عليها ياااااااااااااااااارب انا هذا الي افكـر فيه يالغلا .. شكرا حبيبتي .. |
اقتباس:
هيـا ... هلا قلبي .. انتي فاهمه الـوضع يالغلا !! هذا شعر مااااااااافيه ! يعني حتى حواجب ورموش!! تخيلي الوضع ؟! امممم مادري انا الصراحه يهمني الشكل يكون مقبول ! وايضا اركز على الشخصيه والتفكير وانتي صادقه المرض عضوي .. يومكن لو جاله شي نفسي بسبب نظرة الناس ! وانـا ماحب استعجل .. بقعد هالفتره استخير مع انه امس كنت متوتره وقلت اليوم برد لخالتي رايي بس راح اعطي نفسي فتـره عشان اقرر ! وبشوف وش مواصفاته اكثر ! حياتي .. شكرا على ردك ريحني كثير ... اقتباس:
هلا فرح الكون << دلعي احسن من دلعك هههههههههههه امممممممم والله مابعرف .. الصراحه كل الي خطبـوني اتحمس لهم ههههههههه الا هذا مادري ليش بعيد وبغض النظر عن العيب ! بس الصراحه الصـراحه وبحق .. يمكن لو تعليمه احسن من الثان،ـوي او وظيـفته احسن راح اتقبله ! على الأقل شي يغطي على شي ! بس مثل ماقلت راح اعطي حالي فرصه واستخير .. عشان ماظلم نفسي ولا اظلمه .. ومن ناحيـة تقبلي !!!! انا ياختي احب الـزين .. من قلب بعد ! بس الحمد لله وانتبهي هذا مو زي زوج صديقتك هذا مافيه شعرررر ابـدا .. لاحواجب ولا رومش ولا شعر راس الله يعــاااااااااافيه يااااااااااااارب .. لبى قلبتس .. شكــرا ياغلاي .. اقتباس:
آميـن ... صـادقه من نـاحية ردة فعله توي تذكرت واحد نعرفه مشلول .. بس الله يهديـه مووووذي والآن بنص الثلاثين ومعذب الي حوله يقولون يعني ماكأنه فيه عيب .. ماشاءالله قوي :: من ناحيـة هالأنسـان ... لازم اجلس برواقه واكتب كل الي ابي استفسر عنه اكثر .. اصلا انا هنا قاعده اخطط ومادري وش راي ابـوي هههههههههههههههه يمديكم عالبنت الفله :d بعد يمكن ابـوي اذا عرف هالشي فيه يرفضه .!! الله اعلم بس يهمني الأستخاره والله مايخيب رجاي ان شاءالله .. اقتباس:
هلا مدام الشـايب لبى قلبك .. هذا الي راح اسـويه .. وبجلس مع حالي وافكر ومن البارح قاعده اتخيل شكله وكيف اعيش معاه يعني احاول احط نفسي بالصوره وشوووف هل انا اتقبله او لا !! مشكووووووووره حبيبتي ... سلميلي عالشايب ههههههههههه << بتتصفق .. |
انا اشوفها عادي لانه هذا رجال وجود الشعر او عدمه ما ياثر ع شخصيته وشكله لان ياما رجال كتزوجين وما فيهم شعر وهذا الشئ ما ماثر عليهم انصحك حبيبتي انك تهتمي بتفاصيل اهم مثلا دينه اخلاقه اسلوبه تعامله مع الناس الي حوله تصرفاته.......الخ والله يوفقك ويسعدك |
اتركي عنك نظرية خالتك الي من جد من جنبها ، واسمحي لي اقولك انها قي وادي والصواب في وادي.
حطي ببالك ان الرجال ما يعيبه الا جيبه، هذا طبعا من منطلق عادتنا وتقاليدنا ، ولا الدين والرسول على الصلاه والسلام قال في مامعناه) من رضيت دينه وخلقه فزوجوه). اما من ناحيه الثعلبه شخصياً مايقارب 90% من خوياي جاهم ها المرض ، واحياناً يكون له اسباب واهمها التفكير او مايسمى با الاصح المحاتاه الزايده( الي يحاتي واجد.). وكلهم تقريباً سلموا منه ، بعضهم راح الدكتور ، وبعضهم راح للطب الشعبي وسلموا منه ولله الحمد، ولكن موب للدرجه الي تقولين عنها. الي ابي اوصله لك ان المرض هذا عادي جداً ومنتشر، وممكن علاج الحالات العامه تقريباً اما الحالات الي ذكرتيها فما اقدر افتي لك. على اي حال استخيري واستشيري. هنا حبيت اصحح معلومتك الي استقيتيها من خالتك ، ولاتخلين ها الفكره في بالك ، صدقيني ترى عواقبها ماهيب طيبه. والله يوفقنا ويوفقك. |
اقتباس:
صحيح .. زوج قريبتي مافيه شعر .. بس هذا عين وبجد مافيه شعر بحواجبه ورموشه ووجهه بس ماشاءالله وظيفته كويسه وجدا حنون على قريبتي وماشاءالله مبسوطه ! الشخصيه جدا مهمه !! شلون اعرف شخصيته وتفكيره ؟!! :29: راح اهتم مثل ماقلتي .. مشكووووره قلبي .. :22: اقتباس:
:d:d والله هيـك طلعت معاها النظريـه ! بس هي اعتمدت على ناس حولنا ... بس اختلاف الرأي لايفسد .......... الخ .. ريحتني كثير ..بكلامك عن اصحابـك .. بس صحيح انا سمعت انه في ناس جالهم المرض لكن شبكل خفيف .. واقربهم زوج خالتي وتعالج بالثـوم بس كانت منطقه بسيطه بشعره وعالجها ... بس هالشخص ......... لاحول ولاقوة الا بالله .. كللللللل شي .. انا قررت اليـوم اتكلم مع دكتـور جلديـه ضرووري .. واسأله .. هل فيه امل للعلاج للي مثل حالته ! مشكـووور اخوووي جزاك الله خير .. |
مشكلة والله !
شيء محيرّ !! لكن الثعلبة قد جت أختي بسبب بعض الظروف وصار تحط ثوم أو إبر علاجية خاصة !! وتروح عادي .. بعدين إذا تعبت نفسيتها رجعت بس في شعرها .. يعني السبب نفسي فقط !! لكن تبين الجد أحس إنها شيء ممكن تتغاضين عنه مقابل الدين والأخلاق .. والله يوفقني ويوفقك وجميع بنيات المسلمين ,, عقبال مانسمع خبر زواجك .. وعقبالي أيضاً ,, ! |
عزيزتي دانتيل..
للثعلبة علاج مجدٍ وفعال, وهي عن طريق الحقن بالإبر التي تقوم بتنشيط بصيلات الشعر وتدفعها للنمو ويكون الحقن كل أسبوعين ففي حال وافقتِ عليه لم لا تشترطين عليه أن يتعالج؟.. لم لا تجلسين مع الشاب وترينه وتقررين؟ قد ترتاحين له.. أتمنى حقا أن يكون شابا يستحقك عزيزتي.. مودتي.. |
طيب انتي ماقلتي شنو كان شعورك بالضبط لما شفتي الصوره
شنو كانت ردة فعلك؟؟؟ عاديه؟؟ او ماحبيتي شكله ابددددددددددددد يعني الانطباع من اول نضره شنو هي حبيبتي الموضوع كله يعتمد على انتي ومدى تقبلك للموضوع يعني مثلا انا مره تقدم لي شخص قصير ولم اوافق لانه قصير بس في وحد ثانيه وافقت وماكان اكو اي مشكله كل بنيه تختلف عن الثانيه وانتي وحدك الي لازم تحددين لان انتي راح تكونين الزوجه وراح تعاشريه العمر كله فلازم تكونين مقتنعه تمااامااااا وجهة نضر خالتك صحيحه بعض الشيء .... الله يوفقك ويسهل امورك ويسهلك الصالح |
اؤكد لكي اختي العزيزة مرة ثانية ان داء الثعلبة ليس مرض نفسي دعك من كل من يقول لكي ها الكلام انما هي فقط حالة نفسية يمر بها بعض المصابين بسبب نظرة بعض الناس وتعتمد على شخصية المريض ممكن يكون قوي ولايكترث لكلام احد
شخصيته هي الاهم شوفي هل المرض مؤثر على شخصيته او لا صدقي هذا المهم بالاضافى الى دينه واخلاقة اللي هي اشياء منتهين من اهميتها وشي ثاني عزيزتي لاتضعي في اعتبارك مسالة انه يشفى او لا يجب ان توافقي عليه كما هو حتى لاتنصدمي بعدين اذا لاسامح الله لم يتحسن على علاج او شي ثاني ففي المثال الذي ذكرته لكي في ردي السابق لم يشفى باي علاج واكيد كل مريض وقابلية استجابته للعلاج اعذريني على المداخلة مرة ثانية لكن حبيت فقط التنويه |
اقتباس:
آآآآآآآآآآمين يارب .. من الرجل الصالح .. صادقه هذا الي قالته قريبته انه يتعالج ! ويطلع الشعر بس بعد فتره يطيح !! مافي حل جذري طيب للمرض ؟! مشكوووووووووره ياغلاي ترا كنت احسبك ولد من قبل مادري ليش هههههههههه الله يووووووووفقك ويرزقك بالرجال الطيب الحنون الكريم الغني التقي يااااااااااااااارب اقتباس:
دلـوووعة حسين .. الله يخليلك حسين .. هذا الي مخليني استغرب عمره 28 .. ليش مابحث اكثر عن العلاج اكيد انه تعالج لكن مافاد ! يعني احتمال كبير يضل زي ماهو !! ماراح يتغير ؟! الله يكتب الي فيه خير .. غلاي ... ورود من هنا لباب بيتكم .. اقتباس:
هلا عسـوله .. انا قبل لاشوفه وصلتني فكره عنه شااااااااامله وتوقعت اسوء شي من ناحية تأثير المرض عليه ويوم شفته طلع الأسـوء هو الي حاصل معاه ... يعني مانصدمت .. قعدت اتمقل ... بس بجد بدون شعر << الى الآن مو مستوعبه !! انا محتاااااااجه اعرف كيف شخصيته وتفكيره وطموحه واخلاقه ودينه ! لعل شي يغطي على شي !. انا مو حريصه على الزواج منه ! بس مااحب يجيني شخص وارفضه لشي الا وانـا مقتنعه كثير ... :: شكـرا على كلامـك .. وراح افكر فيه كثير .. |
اقتباس:
اول شي اتمنى انتي وكل الأعضاء يرجعوا مره ومرتين ويناقشوني مررره ماعندي مشاكل بالعكس ... انبسط ثاني شي الي لونته بالأحمـر خلاني اقول ستوب ...! بجد نورتيني .. الله ينور على قلبك يارب راح اهتم لهالنقطه ... واستخير الله .. الف شكر لمرورك .. ولاتحرميني من تواجدك .... |
الله يكتب لك اللي فيه الخير حبيبتي
أهم شيئ الإستخارة و أنا مع نظرية خالتك بس عجبتني كلمة > ورود من هنا لبيتكم < حسيتك كريمة مرة |
اقتباس:
هلا جـداويـه ! كيف البيبي ياااااااقلبي ! يالله كمم باقي وتخلصي النفاس اكيد ابو الشباب قاعد على جمر مشتاق لك انتي والبيبي الله يحفظكم يااااااااااارب ... :: الله يسسمع منك يارب .. وراح التزم بالأستخاره وان شاءالله ربي يكتب لي الخير .. مزرعـة ورد من بيتنا لبيتك بجده .. <<< على كذا حاتم الطائي ههههههههههههههه :22: منـووووره ... |
[gdwl]داانتيل شحاالج يا حلووة !!
سمعي الشوور ،، انا لو ياني واحد نفس حاالتج وكاان انسسسان طيب مره واخلااقه تووب مره وملاامح ويهه تتقبل بدون شعر يعني اذا ناظرته احبه اكثر ،،ما انفر منه ،، انا اهنيييه اتمسك به واصلي استخااره واسير اخطبه ..احييم لا اقصد اوافق يخطبني << احم ووين اباا ,, يالله قدامي شكلج ريحتي ،، وارتاحي اكثر بمعلوماتج عنه وصلي الاستخااره وعقب بصمي علييييه ودمتي سااالمه الله يووفقج ان شاااء الله ويرزقج الريل الصاالح وتيبين يادانتيل تلي>>عندنا الامارات ينحط عالملابس رهيب..!! دمتي بوود وتقبلي مرووري [/gdwl] |
اقتباس:
طالما خطابك كثير وش حادك توافقين على هذا الشخص واضح من ردودك على الأعضاء أنك مو مقتنعه في شكله ولا مستواه المادي ولا التعليمي نعم الدين والأخلاق مطلوبه ولكن لابد من تقبل الطرف الأخر وأنا مالمست هذا في ردودك ونظرية خالتك ليست صحيحه في كل الأحوال فلا تقيسين على اللي حولك الناس تختلف على عموم استخيري وربي يكتب للي فيه الخير |
لا حبيبتي أنا و الدة بالرياض أهلي جوني بالرياض
بس ألحين راحوا عشان المدارس << دفارة زايدة على كذا المزرعة بتصير أكبر مزرعة ورد في الشرق الأوسط <<مو حاتم الطائي و بس إلا كرم كل العرب سوري دخلت موضوعك مرة ثانية الله ييسر لك الخير حبيبتي و رزونة المزيونة تسلم عليك و عقبالك يالغلا |
والله مدري يالغلا
بس الرسول اللهم صلي وسلم عليه قال: ( من اتاكم من ترضون خلقه ودينه فزوجوه ) انتي شوفيه وأجلسي معه حسب الشرع وأسئلي عنه زين يعني اذا مافيه عيب غير الثعلبه ما أظن أنها تستاهل ترفضينه عشانها ويمكن يكون راي خالتك صويب أنتي أستخيري بدل المره عشره قبل يتقدم رسمي وأذا عني أنا لو خطبني واحد فيه الثعلبه بجلس معه وأشوفه أكيد والله يوفقك وييسر أمرك ويكتب لك اللي فيه الخير |
اقتباس:
ياااااااهلا بالي رمسنـي .. :d يازيـن حكيكم يالأماراتيين .. شكلي بسيـر اخطب اماراتي .. :17: هههههههههههه انـا قاعده استخير ... واحيانا اقول انهي المووضوع ورديلهم .. واحيانا اقول لا بعطي نفسي فتره اكبر شوي بالأستخاره .. !!! الله يكتب الي فيه خير ! منوووووووره ومتقبله مرورك :d اقتباس:
اطيـاف !! والله اليوم اصلي العشا واقول وش حادنـي !! والله تفكيري متضارب !! مادري ؟؟! الصـراحه مستواه التعليمي والمادي .. لو جاني شخص سليم صدقيني بـوافق ! بس بحالته هووو .. احس لأن هالعيب مره مأثر فيني .. اقول عالأقل لو فيه شي يغطي على شي! يعني لاوظيفه كويسه ولا مستوى تعليمي !! ومشكـوووره على ردك يالغلا ... :: |
اقتباس:
يالبـى ام رزونـه ... ولبى الـرياض وجده وكل شي .. :d منـووووره يالغلا .. :17: :: اقتباس:
اللهم اميـــن .. كلامك عين العقل !! وصادقه جدا بحكيك .. بس شلون اجلس معاه !! ماعندنا شي يصير الا عقب الملكه وانتي ادرى ! :: الله يكتب الي فيـه خير ... اليـوم ماجاني اي شي عنه .. مع اني موصيه خالتـي بس انشغلت ! مشكوووووووره يالغلا ... حــلاو باتشي لين بـاب غرفتك .. |
اقتباس:
يعني لاهو عيب ولا حرام يجلس عنده أبوك والا أخوك والا أي شخص يكون محرم لك وأنتي تطلعي عليه تقدمي عصير والا فاكهه والا بخور وتشوفيه ويشوفك والله ييسر لك أمورك |
أختى العزيزه دانتيل
السلام عليكم ورحمه الله وبركاته تجربتى الشخصيه هى أن خطيبى به عيب خلقى ظاهر بأحدى عينيه وهذا هو - سبحان الله- السبب فى اتمام خطوبتنا . فى بدايه أيام خطوبتنا كنت استغرب شكله قليلا .أما الان فأنا بفضل الله ونعمته لا أرى به أى عيب أبدا.والله لا أرى عيبه ولا أتذكر أصلا أن به ثمه نقص أو ما الى ذلك بل أراه طبيعي جدا وبنظرى هو يغنيى عن كل الرجال . وفقك الله وهداكى لما فيه الخير لكى.. مع أرق وأطيب أمنياتى.. |
اقتباس:
يب يب ... عندنـا االشوفه وجدا مهمـه بالزواج !! شي ضـروري .. جدا .. الله يكتب الي فيـه خير .. ياااااااااقلبي المهمـومه الله يفرج همك يااااااااارب ويفرح قليبك الي زي السـكر .. مـره شكرا على طلتك .. اقتباس:
ياااحـالمه :22: انتي رفعتي معنويـاتي ... طيب صح نظريـة خالتي ؟! في الرجل الي فيه عيب او لا !!! الله يتمم لك يارب انتي وزوجك ... ويفرحكم ببعض .. ياليت تجاوبي على تسااااؤلي .. منـووووووره |
هلا دانتيل ....
اول شي ادعيلك من كل قلبي الله يوفقك ويكتب لك اللي فيه الخير ان شاء الله ... حاستك مرة مهتمه لنظرية خالتك .... ونفسك نايدك ونقول انها صحيحه:23::23: بس للاسف النظريه غلط ... لان هذا يرجع لشخصية الرجل نفسه ... يعني مثلا في رجال عندهم ثقة في النفس فظيعه .... ومايهمهم اي احد حولهم ويحولون نقاط ضعفهم لصالحهم ويخلونها نقاط قوة وهذا النوع صعب يتاثر بعيوبه ابدا وبالعكس عيبه هذا ماراح يكون في صالحك ابدا لانه من يحس انك مشفقه عليه بينقلب ضدك 180 درجه.... انا اعرف واحد صراحة فيه عيوب من كل الجهات وزوجته ماشاء الله انسانه رائعه ومثقفه وخلوقه ... هو انسان فاشل واخلاقه زفت وماديته صفر ... ومع كذا مجننها مسكينه ... يعني موشايف عيوبه ابدا وفي رجال سبحان الله يكونون ماعليهم غيار كل شي فيهم كويس ويقدرون زوجاتهم ويحطونهم فوق الراس بدون سبب اولسبب بسيط ... مثلا اعرف وحده مستوى جمالها عادي يعني موجميله جدا ولامميزة عاديه وخذت واحد موحلو ولاشين عادي لكن اقل منها جمالا ... وماشاء الله عليه منصب وتعليم ووظيفه ممتازة واخلاق ودين ماشاء الله وهو اهم شي ... ومع كذا دايم يقولها انا محظوظ اني تزوجتك وانا اسعد زوج في العالم:d:d:d يعني حبيبيتي الموضوع يختلف من رجل لاخر ... وانتي ماتعرفين وش الله كاتب لك ؟؟؟ واذا تبين رايي ترى خطيبك عيبه في الشكل فالمساله راجعتلك اذا بتتقبلي هالموضوع وله لا .. طبعا لاتفكرين باراء البنات من حولك لان البنات مايهمهم الا الظاهر واي قرار بتتخذينه لازم تكونين ماخذته بثقه يعني موبعدين اذا سمعتي اي تعليق تزعلين اوتغيرين رايك ... والله يوفقك ويكتب لك اللي فيه الخير |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©