|
خطبت واحترت هل اتزوجها ام اتركها ؟
السلام عليكم ورحمة الله وبركاته مدري صباح الخير ولا مساء الخير بس الوكاد بوجهكم الخير كله :d انا يا اخواني واخواتي ودي استشيركم في موضوع محيرني ومسبب لي قلق نفسي .. انا تقدمت لخطبة ابنة خالتي التي تكبرني باشهر ولي حوالي سنة خاطبها وموافقين علي لكن المشكلة ان اهلي امي تقول والله ماعرفها زين لكن البنت هاديه واختي تمدح فيها وفيه ناس من قرايبي يقول والله انك استعجلت المفروض تاخذ وحده اصغر منك بثلاث سنوات على الاقل ويقولوا انها متقلبه مزاجيا والاخر يقول داخلين على طمع والاخر يقول والله لتمشيك على كيفها والاخر يقول ماتصلح لك والاخر يقول كانها كوريه ولا فيها ملامح .. والضحية انا .. علما بانني قلت مافيه زواج الا لما اتوظف ولحد الان ماتوظفت ومحتار ماذا افعل لانه ماعاد اقدر اتركها وش اقوول لاهلها فلذلك اطلب من الله ثم منكم مساعدتي ولولا معرفتي بهذا المنتدى القيم لما طرحت موضوعي به |
نقل لقسم المقبلين على الزواااج مكاااانة الانسب !!!
|
ومحتار ماذا افعل لانه ماعاد اقدر اتركها وش اقوول لاهلها
اللي فهمته أنك تبا تتركها عشان كلام الناس .... . . طيب بما أنك مو مقتنع فيها أتركها .... ((ولا تعلق البنت )) . . قول لاهلها ... انك ما اتوظفت ومدري متى بتتوظف .. ممكن تتطول وانك ما تبغى تربط البنت معاك ... . . انتهى .... |
اقتباس:
عجبتني هذي:d المهم اخوي انت مرتاااح لهااا؟ تااخذ وحده اصغر منك بثلاث سنوات تتطلع عيونك تقاارب السن احلى بكثير ماعليك من كلام الناااس وإن شاء الله بعد الزواج من البداايه تكون حااازم معاهااا ولا انت وش رايك؟ مب مرتاح لهااا من الحين تفصخ كل شي موفق |
طيب ممكن أسأل أنت على أي أساس أخترتها أو مين أختارها لك ؟
مو معقوله أهلك مايدرون عن أخلاقها ؟ وهل أهلك مقتنعين فيها؟ وبالنسبه لرأي الناس ماأحد ياخذ رأي الناس بأمور مثل هذي لازم أنت تكون مقتنع فيها مو معقوله أذا جيت تخطب تاخذ رأي الناس كلهم؟!! أنا أقول لو تتأكد من أخلاقها بالأول ودينها واذا تأكدت أقدم على النظره الشرعيه ممكن تعجبك البنت لان ألي مايعجب الناس مو شرط مايعجبك الناس أذوااااق!! مشكلة العمر ماهي مهمه أذا توافرت الصفات الخلقيه والأخلاقيه ماأشوفها مهمه لدرجة انك تنهي الخطوبه عشانها (ألا أذا أنت لك راي ثاني ) أقول هذا الرأي أحسن من أنك تعلق البنت الفتره هذي كلها وبعدين ترفظها لازم تحسم أمرك ياأيوه يالأ وافضل من أنك تتزوجها وأنت مومقتنع فيها حراااااام تعذب البنت معاك وبالتوفيق أن شاء الله |
سلام
اخوي ترى كلام الناس لا يقدم ولا يأخر خصوصا كلام الحاسدين اللي يبك لبنته ولا لاخته ومحد يحب الخير لاحد حتى الواحد اللي خطب ما يعلم حتى يملك الناس صارت عيونهم مو حلوة واما الحين بعد ما خطبت البنت تقول هالكلام ليش انت ماتدري هي زينه لك ولالا انت وش اللي حاسس فيه سوه واستخير الله واتوكل على الله تراها مو سهله تقول للبنت مع السلامه حرام عليكم مافي احساس قبل لا تخطبون تأكدوا واذا انت من النوع اللي يسمع كلام الناس ويتأثر اجل وصلنا خيييييير |
طيب وين دور الـشوووفه الشرعيه !! ماشفتها !!! اذا هي كـوريه ولا يونانيـه !! بعد وبعدين لحظه !! لاتسمـع لكلام الناس !! لكـل واحد نظـــــره من ناحية الشكل والآن البنات بالنت مسـوين حمله يبون الخاطب يشوفهم اول قبل اهلـه ! لأنه نظرة المـرأه للفتاه غير نظرة الرجل !! تجي الأخت او الأم لها تفكير من ناحية الجمال والشكل .. وتعطيك رايها من وجهة نظرها هي ... اعرف كثيرررررررررر ناس .. يدخلون على بنت وماتعجبهم بس يوم يشوفها الخاطب تعجبـه ويطيرررررررررررر فيها بـعد !! يعني شيل مسألة كوريـه وبنقاليه من راسك !! شوفها انت بنفسـك افضلك !! :: من نـاحية اخلاقها !! مافي اقرب من بنت الأخت !! او بنت الخاله شلون امك او خواتـك مايعرفونها !! لازم تتأكد .. وانت استخير ... ودامك استخرت ان شاءالله الي كاتبه ربي وفيه خير بيصير .. :: من نـاحية العمــر !!!!!! اسألني انــا وبسسسسسسسسسسس << السبب !! ان لي خوالي 4 متزوجين اكبر منهم بما لايقـل عن سنه !!! واخر واحد فيهم له الآن 4 سنوات متزوج ومبسوط مع زوجتـه الله يووووفقهم وصديقتي قبل سنه تزوجت ولد خالتها هي اكبر منه بسنه بعد !! ومااشاءالله اخبارها طيبه !! وقبل اسبـوعين بس : صار عندنا عرس العروس فرق بينها وبين العريس ( ولد خالتها ) 7 سنوات !!! مادري وش الي مضايقك بمسـألة العمر !! هذا وهي تكبرك بكم شهر يعني مافي فرق !!!! :: اخـوي استخير الله ... وتوكل على الله .. حرااااااااااااااااااااااااااااااااااااااام تمسكها سنـه كامله وتجي الآن تقول بتركها !! فكـر بنفسيتها وكيف راح تتعب !! وفكـر طول هالمـده وهي بس تتخيل حياتها معاك .. ويمكن حتى تكون شرت شي لك انت تلبسـه لك اذا تزوجتوو .. يعني عاااشت الـدوور وحبتك !! اذا انت شخص مو قد قرارتـك وموقد المسؤليـه ليش تحرق قلوب بنات النـاس !! اخـوي انصحك ماتسوي شي يعاقبك عليه الله .. لانه ظلم لها .. يمكن لو انك سكتت لين تأكدت من تفكيرك وبعدين تقدمت افضل .....{ مو تضيع عليها سنه بحياتها ! واخر شي تقول مابيها !! اتقــي الله وفكر لو صار هالشي بخواتك * {قاعده اتكلم معاك وانا حاطـه نفسي بمكانها !! عشـان كذا تلاقـي كلامي شووي فيه قسـوه .. وآآآســــفه لو كلامـي ماجازلك .. |
طيب انت على اي اساس خطبتها؟ يعني ايش الايجابيات اللي فيها خلتك تخطبها ؟!
|
وعليكم السلام أخـوي فـهـد الدوسري بالنسبة لكـلام القرايــب غـالبـاً يـجـي من حـريــمهم وهـذا معـروف؛ يخـربون ويفـتـنـون... لكن اللي استغـربه ان امك ما تعـرف شيء عنها وهـي خالتها...؟!! ... هـل هم ساكنين في نفس مدينتكم وإلا بمدينـة ثانيـة ... وكيف عـلاقـة اخـواتـك ببنت خـالتـك ...؟! وش يـعـرفـون عـنـهـا....؟!!! اخوي فهد الكــلام اللي يجـيك من هـنا وهـناك ،، لن يزيـدك إلا ان تسـأل عن بنت خـالتـك في اخـلاقـها وشخصيتـهـا... وأيـضـاً تشوفها النظـرة الشرعيـة... فـلـن يـحـل مشكـلتك ويـبـعـد عن البلبلة وكثرة الكـلام... إلا السؤال عـنـها... ورؤيـتـها ... وإن تم بينك قبول ... فاخطـبها والله يرزقـك ولا تـعـلق بنت الناس كـل هـالمـدة عزوبي:21: بس:d رجل:30: |
واااضح جداً من كلامك إنك منت مقتنع فيها ,,,
أتركها والله يعوضها خير ,,, بس شوف ممكن هي كمان مي مقتنعة فيك بس تحاول تقنع نفسها وخااصة إنك غيييير موظف ,, اسمحلي ولا تزعل أقول يعني ما فيك زووووود عنها .... _____ على فكرة : إش فيهم الكوريين حلوييييين مرة .... |
حرااام
لاتتركها تلقاها ملكة جمال بس الحاقدين وخرابة البيوت زادا الله لايكثرهم زين امك ماتدري عن اخلاق البنت معقوله ماتدري عن مستوى جمال البنت بعد وهي خالتها!!! اطلب انك تشوفها يمكن تدخل قلبك او صورتها ع الاقل!!! |
اطلب تشوفها..لو من غير ما تدري
بعدين انتبه من كلام الناس لانه باختصار ما يودي ولا يجيب :) |
اذا كنت مرتاح لها وفيها من الخلق والدين مايوجب الاقتران بها فلا تتردد وتأخذ بكلام من حوليك وتوكل على الله واعزم وتقارب السن له فوائد منها تقارب الافكار
|
مسيت بالخير يالله ان تحييك اخوي
ماراح ازيد على كلام دانتيل لإنها بردت قلبي وعبرت عن شعوري وبعدين الناس لاتسمع منهم ولاتاخذ منهم رااي لإن بعض الناس كالشياطين مهمتهم ان يفسدوا الفرحه عليك وانا معك ان الشكل مهم بالنسبه لك .. لكن حتى ترتاح سريرتك وتطمأن نفسك لازم تشوفها واكيد بيقولون بعض الأسر ماعندنا هالكلام وعيب لكن بعضهم يرضون اذا اتفقت مع امها او اخوها ان تراها من بعيد وبعدين باللهي وش معنى طمعانه فيك>>>>وش دعوه بنك الراجحي على غفله انت... انااشوف الرجال ماينلعب عليه...ويلعب على ديره بأهلهــآ إذابغى...و اذااحب المرأه عطاها كل مايملك واذا ماعجبته ذووقها انواع المر البخل والتقتير فك الله حيرتك وكتب لك الخير حيث كان..بس برضوو استخير مره ثانيه وهداك الله للي فيه خير لكما |
يااخي خلك من كلام الناس فيه منهم الحقود اللي يبي يخرب بينكم وفيه منهم اللي يبي يخطبها اذا تركتها واللي يبيك انت لبنته الخ......
انت ماشفتها؟؟؟ سيبك من الباقي |
ياخي والله انا مساكين يالريجيل نخطب على عماها
وشختك بختك لان ماعندنا نظرة شرعية الي حللها الله ورسوله .. عالم متخلفة بمعنى الكلمة |
اقتباس:
اقتباس:
ياربيييييييييييييييييييييييييه للحين فيه احد كذا تقدر يا اخي تقولها وبالفم المليان ابي اشوفها الشوفه الشرعيه بتقوم الدنيا ومابتقعد اكيد طبعا بس احسن ما تاخذها وانت مو مقتنع فيها ويبقى بقلبك شي منها وتكرهها المفروض ماتقبل الا بالشوفه الشرعيه حتى لو تفصخ خطوبتك منها بعدين من كلامك امي خواتي الناس يقولون ويقولون ويقولون انت وين محلك من الاعراب؟ انت وش رايك موافق تاخذها وانت اصغر منها؟ موافق تاخذها زي السمكه بالمويه مو عارف لا اخلاق ولا شكل ومو متأكد؟ موافق على تلميحات وتصريحات كلام الناس؟ حدد موقفك اذا موافق عليها اولا تأكد من اخلاقها بعدين هذي بنت خالتك اللي هي اخت امك كيف ماتعرفون عنها شي؟ كيف كوريه مدري ايه ؟ تأكد منها اخلاقيا ونصيحه قفل اذونك عن كلام الناااااااااااااااس اعوذ بالله منهم ماعاد الا تفنن في الحسد والنذاله واذا خلاص عزمت قول ما اتمم الا بشوفه شرعيه غير الشوفه مافيه الرسول حللها انتو تحرمونها خرعهم قول اذا انتو حرمتوا شي احله الله والرسول ترى يمكن تدخلون الكفر :d ولو توصل لفسخ الخطوبه طالما انت متردد لازم تلاقي اجابات شافيه لتساؤلاتك بعدين تقدم ع الارتباط ومن الان فصاعدا ليه انت وشباب جماعتكم ما تتفقون ع الشوفه ؟ ماعاد احد يخطب الا بالشوفه؟ اتفقواااااااااااااا والله مع الجماعه بالتوفيق |
الحل بسيط اطلب انك تشوفها الشوفه الشرعيه ...
اعجبتك الحمدلله الله يوفقكم.. مااعجبتك خلاص قل الله يرزقها ويرزقني ... والحمدلله ... |
اقتباس:
وكيف ماعندكم !!!! الشرع محلل هذا الامر تجون تصكون بابه .. انت ماتقدر تتكلم ...!! انت رجال ولك كلمتك وانت اللي بتتزوج مو الي منعوا هالعاده عنكم هم اللي بيتزوجونها!!! مايبون خلاص اترك الزواج بها وانتهينا دام انك منت مقتنع بها ... احسن من الطلاق والله واهون بكثير ... |
انت اكثر من صلاة الاستخارة وا عليك من كلام الناس
|
اقتباس:
والله من جد إنكم مسااااااااااااكين ,,,, لأنكم ما تدرون إش الحكمة من النظرة الشرعية ؟؟؟؟ النظرة الشرعية عشان تتأكد إن البنت ما فيها عيب ,, وما تشوفها إلا وهو يغلب على ظنك _يعنى متأكد_ إنك بتتزوجها.... وأنت بعدين ماتحتاج نظرة لأن أمك شافتها ولو كان فيها شئ ما وافقت امك عليها .... ............... مو نظرتكم اللي الحين نازلين فيها ,,, وهي إنكم فاهمين إن بنات الناس فرجة ,, تلفون بيوت العالم كلها تعاينون البضاعة ,,,, دمرتوا نفسيات البنات وطلعتوا فيهم كل العيووووب ,,, والحجة مهم حلوات ,, اسم الله عليكم ياالحلوين !!!:23: .............. تعوذو من الشيطان ,, وحط لك مواصفات معينة وخل أختك تشوف البنت إذ فيها المواصفات أولا ,,,, بدل ما تروح انت وتشوف بنفسك ,,, وتقول بعدين لامعجبتني ,,,, اتقوا الله ياناس ترى البنات ما يرضونها لأنفسهم !!! |
لو مشكلتك النظرة الشرعية .. فهذا من حقك .. لكن لو انت رامي اذنك للقيل والقال فهذا مؤشر غير جيد وما قيل فيها سيقال في سواها ولا يوجد انسان كامل .. خلك حكيم في قرارك ما تجي بعد سنة وتقول سبت بت الناس عشان كلام الناس .. يا اخي معايير اختيار البنت يعرفها كل انسان والدين وصانا بها .. قيس البت على هذه المعايير ولا تظلمها وتظلم نفسك .. واستخير الله واساله ان يهديك إلى القرار السليم.
|
والله لو أنا مكانك مااتزوج حتى أشوفها نظره شرعيه !!!!
أنا وأنا بنت ماكنت ارضى أتزوج رجل بدون نظره شرعيه لاني ماأبغى أتزوج أحد ألا وهو مقتنع فيني وانا مقتنعه فيه !!!! والحمد لله التخلف هذا مو عندنا لازم نظره شرعيه غريبه باقي أح عايش كذا بهالزمن؟ |
على فكرة أغلب أهل الرياض و المناطق اللي حولها ما عندهم نظرة شرعية للأسف
|
اقتباس:
اختي لا تعممين كـل زمـلائــي من مختلف القبائل والعـوائل ما خطبوا إلا بـعـد النظـرة الشرعيــة ..... فـصـعـب التعـميم....... عزوبي:21: بس:d رجل:30: |
أخوي عزوبي أنا ما قلت كل أهل الرياض أنا قلت أغلب أهل الرياض
في فرق بينهم ترى بعدين أنا شايفة اللي حولي مو من عقلي جبت هذا الكلام |
بصراحه مع الاعضاء الي قالو لك لازم تتأكد من أخلاق البنت وشخصيتها أولا
اذا تأكدت ومشى الحال لازم تطلب الشوفه الشرعيه واحب ارد على الاخت جداويه وافتخر بعد اذنك يعني تقصدين ان الي حولك هم أغلب اهل الرياض والمناطق الي حولها !!!!!!!!! الحمدلله حنا عندنا شي مهم حنا ومعارفنا وصديقاتي _الي من الرياض ومن المناطق الي حولها_ ومعارفهم |
صح النوم!!
توك اتفكر في شكلها سنه كامله وينك ؟؟ ليه قبل الخطبه اهلك ماقالولك مواصفاتها؟؟ والاكانو عميانين تو ماطلعت عيونهم يشوفون عيوب البنت هذا اذا كان فها عيوب وبعدين قبل لاتقول كوريه ومادري ايه طالع وجهك في المرايه وشوف مواصفات البنت الي تناسبك يمكن انت احلى منها واجمل بعدين ياحراااااااااااام تنصدمممم وعلى فكره اهلك ايذكروني في ناس اخطبوني لولدهم وسبب رفض الام والخوات يقولون اني كوريه مع اني بسم الله علي عيوني مومغطه بس الغيره ذابحتهم مايبون زوجة اخوهم احلى منهم بعدين يسحب عليهم ولا يحترمهم ايشوف زوجته احلى منهم ( تفكيرهم تفكير مراهقات ) يعني الله اعلم خواتك غيرانات مايبون وحده احلى منهم فنصيحه اذا بتسمع راي الحريم صدقني ماراح تتزوج كل وحده ولها نضرتها اذا ماعندكم نضره شرعيه خل خواتك مثلا يعزمونهم وانت حاول اتشوفها من دون ماتدري يعني مثلا من ورى الشباك الباب ادخل عليهم بالغلط يعني سو اي شي المهم انك اتشوفها علشان تقتنع انا متاكده نضرتك لها بعد ماتشوفها عكس نضرة خواتك لها وبتوفيق |
ولا بعد بيقولون عنها
هندية ــ لأ رفلا وماتنفع لشغل البيت ــ بيقولون شيـــــــنه ومابها ملح ــ سمينه قصيرة طويلة نحييييييفة وخذ وخل من هالكلام بالمختصر ناس وتحب الهرج وقطع الأرزاق لكن إذا أنت بالأساس مو مقتنع فيها بلاش تقول الناس قالوا !! قل ما هويت الزواج منها موفق أخي الكريم اقتباس:
|
شوفها وقرر خاطبها من سنه وماتعرفها
سيبك من كلام الناس واستخير الله |
تبي نصيحتي ياولد العم توكل على الله وتزوجها ..
اول شيء اهي تقرب لك وماعليك من اللي يقولك ملامح ا انها بتمشيك على كيفك ترى اخوي متزوج وحدة اكبر منه ب5 سنوات وعايش معاها حياته حلوة !! اهم شيء دينها ولاتاخذ على الشاكل يمكن تخطب لك وحدة شكلها قنبلة لكن اخلاقها زفت وتعقد امك وتطلع قرون لك .. توكل على الله وان بغيت النصح خذها والله يوفقك |
اقتباس:
|
اخواني جزاكم الله خير وماقصرتووا
انا قررت ان شاء الله اخذها وادعولي .. وصحيح كلام الناس لا يودي ولا يجيب وخصوصا اذا كان قصدهم التفريق |
الله يوفقكم ياااارب
|
أخي سأنصح لك .. فأرعني سمعك فضلاً
يظهر لي أنه اختلط عليك أمران .. الرهاب من الزواج (هذا شيء طبيعي يشعر به المقبلون على الحياة الجديدة) .. والرهاب من الاختيار ! وهما أمران مختلفان .. فحيث تبدي لنا أسئلتك عن الاختيار أنت في الحقيقة تعاني من الأمر الأول :) فلا خوف إذن اقتباس:
هذه الأوصاف يمكن أن تقال عن أي خطيبة جديدة ترشح لك !! .. أخي فهد أعرض عن هذا الكلام والرجل يفرض هيبته وشخصيته أمام زوجته .. وأهم شي في الزوجة الحياء والستر والخلق الطيب .. أما الأمور الكمالية فإن وجدت فهو خير والا فليست بشرط. فكما عندها نواقص فأنت أيضا عندك الشيء نفسه.. مبارك عليك مقدما |
اقتباس:
أخوي افرض انه ما فيه كلام عنها، ولا محاولات لمنعك وصدك لالزواج منها ،، وصار كل من حولك يمدحها ويرغـبـك في الزواج منـها .... لكن هـذا ما يكـفـي.... فـنـصيـحـتـي لك انه يكون قـرارك تجـاهـها بـعـد رؤيـتـها الرؤيـة الشرعيـة.... وحـاول بأي طريقة انك تشوفـهـا.....إذا كانوا اللي حولك رافضين الرؤية الشرعيـة... الدعـوة ما هـي يا تصيب يا تخـيـب .... لازم تـكـون مقتنـع بـهـا ، حـتـى ما تظـلمـها.... عزوبي:21: بس:d رجل:30: |
الله يسهلها
|
اقتباس:
مع هذا الرأي لاااااااااااااااااااازم تشوفها مو معقوله تتزوجون بدون ماتشوفون بعض وهذا من حقك ومن حقها وماأحد يقدر يقولك لأ |
لاحووووول
انتم اشفيكم على الرجال خلاص هو اقتنع الحيين فيها من دون مايشوفها هو اكيد استخار الان وارتاحلها وماخاب من استخار يعني لازم ايشوفها امر واجب ومكتوب في القران ان الواحد يشوف البنت قبل الزواج خلوكم مع البنت لاتفكرو فيه هو اخوي فهد واصل طريقك:22: |
انت مش موظف
طب روحت خطبتها لية هتصرف عليها منين لما تتوظف ابقى روح اخطب مش قبلها |
| الساعة الآن 06:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©