لم اعد احتمل المزيد من النفور..
 

السلام عليكم ورحمة الله وبركاته



انا حابه اعرض مشكلتي لعلي اجد من يواسيني ويربط على قلبي

انا متزوجه من 7 اشهر من قريبي للعلم اني كنت مخطوبه له من عمري 14 سنه وانا الان 24 سنه

قبل زواجي ب 4 سنين قلت لاهلي اني ماابيه ومن هالكلام لاني اعرف شخصيته واعرف كل شي عنه قالولي ليش ماتبينه مافيه شي الولد فعلا كان الولد ظاهره مستقيم وقالولي مايترك الصلاة بالمسجد ومستقيم وبار بوالديه واخلاقه زينه

فراجعت نفسي قلت صح مافيه شي اخاف ربي يعاقبني اذا رفضته واخذ واحد مايخاف ربه

المهم تزوجنا اول 3 ايام من زواجنا فعلا كنت احس اني عروسه لكن من رابع يوو بدأت المعانة وكان اول يوم سفر لنا وكان اخوه برضو متزوج معانا بنفس الليله وسافرنا مع بعض المشكله اني قبل الزواج تراسلنا انا وياه بالمسجات فقط فسألته كيف بنكون هناك يعني عرسان ماينفع يكون معانا احد قالي لا بس بنلتقي في المطارات قلت اوكي

المهم من ركبنا الطياره والرجال متغير تخيلو 7 ساعات ولاتكلم معي كلمه وحده اسأله بس ويرد يانايم يايقرأ حتى مايلتفت لمي قلت اوكي يمكن تعبان والا شي

جينا هناك الولد والله مايحب يسولف ويكلمني من طرف خشمه ومايحب ابدا نجلس لحالنا صرنا لزقه في اخوه ومرته يمازح اخوه ويضحك وانا ولاكأني موجوده طبعا كان عكس اخوه تماما اخوه يمازحها ويضحكها وفعلا مبين انهم عرسان

المهممره صار خلاف بينا وانا كنت سألته سؤال تافه لكن يبي يسويها مشكله بأي طريقه وعلا صوته علي ونادا اخوه ودخله في المشكله تخيلو هذا كله بعد 10 ايام من زواجنا المهم قعدت طول الليل بالبلكونه ابكي من القهر والاهانات اللي سمعتها تخيلو راح طلع تمشى ولاكأن وحده موجوده كنت في البلكون امطار وبرق ورعد وجا رمى علي العشا رمية عشا (....) بكل احتقار وراح

سكت ورجعت اعتذرت منه تخيلو بس عشان كلام الناس وصارتلي اهانات كثيييييييييره قدام اخوه وزوجته لين كرهته بس قلت اتحمل مابي اضيق خلق اهلي

رجعنا وبعد اسبوع رحت عند اهلي بسلم عليهم ونمت عندهم كان من البكره فيه عزيمه حاطتها اخته دقيت عليه قلتله متى تجيني قال ليش اجيك قلت العزيمه قال تعالي مع اهلك ماني فاضي انا لك مشغول؟

تخييييلو هينا انفجرت وقلت لاهلي وكبرت المشكله وقعدت عند اهلي 3 اسابيع وكان يجي مع ابوه مايعتذر لا كان يتلفظ على اهلي ويسبني ويحط فيني كلام والله مو فيني المهم بعد 3 اسابيع جا عمه وعقله وجا وماعتذر ولاشي قال انا كنت تعبان وكنت وكنت


صدقته ورجعتله لكن الحال ماتغير مااظلمه ابدا في اغراض البيت او اذا قلتله ودني مواعيدي او اي مكان ابيه غير السفر حتى مكه مايبي يوديني لها لانه مايحب يسافر الا مع اخوه احسه يخاف من السفر المهم
نفور مو طبيعي يتحاشى يجلس معي مستحيل يناظر فيني او يمدح شي فيني فقط كلمه ورد غطاها مايربطنا الا وقت النوم بس والاكل والباقي ينزل تحت او يطلع

صار كل مايصير خلاف بينا واعتذر منه مع انه يكون الغلطان اعتذر ( اهنت نفسي كثير له) وهو مستحيل يعتذر

الى ان جاء اليوم اللي قالي فيه مايشرفني تكونين ام لعيالي؟؟؟ ياكبرها عند ربي قلت ليش خاينتك قال لا اخلاقك شينه قلت وش سويت تبيني اذبح نفسي اهانات واهنتني واعتذار واعتذرت

لاني قد سقطت مرتين وقالي انا ادعي عليك اصلا انو اذا مافيك سعاده لي تسقطين تخيلو

سكت ولاقلت ولاكلمه

الى ان مره صار خلاف بسيط قلتله شي وماكنت ابي احد يدري لقيته قايل للعائله كلها قلتله ليش تقول مو انا امنتك على هالشي قام يرفع صوته ويغلط باهلي ويدعي عليهم


قلتله ودني اهلي قال بوديك ماراح اموت من بعدك طبعا ماقلت طلاق ولا شي نزلني بعد ساعتين ارسلي رساله اللي بينا انتهى والله يوفقك

قلتله خلاص مثل مادخلنا بالمعروف نطلع بالمعروف

قال اوكي السبت توصلك ورقة طلاقك هذا الكلام كان يوم الخميس


يوم الجمعه ارسلي انتي طالق

والسبت راح المحكمه عشان يجيب الورقه ورفض الشيخ الين يتأكد من اني حامل اولا؟
وانا انتظر نتيجة التحليل وادعولي مااكون حامل

طولت عليكم بس ابي رايكم هذا شخص يقدر احد يتحمله او انا اللي الغلطانه

ادري بتقولون يمكن ماعجبتيه الحمدلله على قدر من الجمال وانسانه مرحه واجتماعيه ومتعلمه

غريب امره متساهل بالطلاق لهذه الدرجه بدون مبرر مقنع يعني حسب كلامك ماشاف منك شي

لاحول ولاقوة لابالله

خصوصاانكم لبعض من عمرك14سنه

اذكرك كنتي تقولين تبين تفسخين الخطوبة لانه كان يأجل بالزواج
و سبحان الله هذا هو طلقك الحين!!!

الله يعوضك باللي يستاهلك يااارب ..

متساهل جدا بالطلاق انسان عقله صغير وليس بناضج ابداااااااا

تذكرين ياعيون لولي

سبحان الله كنت فعلا ابي الفكه بس مالله اراد رضينا بالهم والهم مارضي فينا

طبعا خاطبني الحبيب وناقعني ويسافر ويجي اذا والله تقدر تسافر وعندك فلوس تزوج طيب بس نصيب انا مؤمنه بانه نصيبي كذا

الله يعوضك بااحسن منه والخير في ما
اختره الله بس اكيد فيه شي مخبيته ما
قلتيه وليش مايشرفه تكونين ام عياله

والله العظيم ماخبيت عنكم شي


تدرون ليش قالها لاني كنت في اجازه وقلتله طلعني وابي السوق قال اوكي نزلنا مر على امه قالها بروح تبين شي قالت بروح معكم لهينا عادي انا راح نزل امه ومرينا محل واخذنا الاغراض وقلتله ماراح نتمشى قال لابنتظر اميبرجعها للبيت وقعدنا ننتظر عند السوق لحد ماخلصت امه قام رجعني البيت وكنت معصبه فنسيت الاغراض وطلعت فوق فجاء معصب ليش تخلين اغراضك وقال هالكلمه مع اني قلتله والله نسيتها بعدين عصبت من تصرفك

لاحول ولاقوة الا بالله
هذا باااااااااااايع من البدايه بس ان شاء الله ماتكونين حامل
والله انه مايستاهلك ربي يعوضك خير
طمنينا عنك

سبحان الله يمكن هو زيك ما كان يبيك وانغصب عليك
ما تدرين وين الخيره

الله يبدلكم بأحسن من بعض

لاحول ولا قوة الابالله 00000فعلا عقله صغير وطايش من يوم شهر العسل يدخل اخوه بمشكلته 00الله يعوظك خييييييييير 0

ما تحكيه عن زوجك لا يدل الا علي شخص مريض نفسيا جدا جدا و مرضه في مرحلة متقدمه ، فكيف زوجك له اهلك ؟
و التدين ليس صلاة في المسجد فقط بل سلوك عام و شامل ، و تقولين انه قريبك فكيف لم تعرفوا اخلاقه و سلوكياته ؟

أحتسبي ما حدث لك عند الله و ثقي ان الله سيعاقبه بما ظلمك ، فان الله يمهل للظالم حتي اذا اخذه لم يفلته ، و تعلمي من تجربتك تلك الا ترتبطي بشخص حتي تعرفي اخلاقه جيدا و طريقة تفكيره .

يستهبل الصراحة
يمكنك عطيتيه وجه من البداية و سكتي كثير على غلطاته

الله يكتب لك اللي فيه الخير ويصبركعلى مابتلاك

عمره28 سنه

اريد تفاعلكم

صراحه زي تصرفات زوجي00000 بس زوجي زياده

ذل فيني 0000واهانني000ودايم يطردني000وجلست وصبرت000

بس اخر طرده طلعت0000

لاني ماقدرت اتحمل 00000

الله يعنيك ويفرج همك0000 ويفرج همي

الله يجبر ماصابك يارب.

ولكن سؤالي ، وش علاقه الشيخ بإذا كنتي حامل من عدمه ، وش يفرق با الطلاق ؟؟؟

ممكن تفهميني، لأني ماعمري سمعت انه في اي سبب يمنع الطلاق اذا وقع الا ان يكون في غير وعي، الله اعلم اذا فيه سبب ثاني ، ممكن تفتيننا ، ولا الشيخ ناوي خير؟؟؟؟

الله يوفقنا ويوفقك ، ويكتب لك كل مافيه خير وصلاح، وجميع امة المسلمين يارب.

والله ياتركي مااعرف

حتى انا قلتله لاانت طلقت خلااااص وش ينفع اذا فيه حمل او لا ؟

قال الشيخ يقول ماراح اطلقكم الا لين تجيبلي نتيجة ورقة التحليل بنفسك او تجي هي وتحلف وتقر انها مو حامل

مادري حتى انا استغربت بس يمكن عشان العده مااعرف والله


ادعووووووووولي مااطلع حامل تكفون

ايش بك هذا شي ضروري
لان في هذي الحاله الطفل منسوبه له

اذا طلقهااا وبعدين اكتشف انهااا حااامل لاسمح الله ممكن يقول الولد مب لي
واعتقد الشيخ لاحظ انه متهور وماعنده كلمه يعني يمديه يسوي ايش شي
عشاان كذا اصر على انهاا تتأكد قبل الطلاق والله اعلم

ضروري تعرف اذا هي حااامل ولا لا

ان شاء الله ماتكونين حااامل يارب
هذا مايستااهلك
من زمااان وانا كارهته من يوم كتبتي باختصار ليتني ماتزوجت:(

الله يستر شكلي حامل

دعواتكم باللي فيه خير وصلاح لي

تأنيب الضمير ذابحني ياناس الشيطان يقولي لو صبرتي وصبرتي كان احسن

يمكن تاخذين واحد اسوأ منه

بشرينا ايش صار معك ؟؟

السلام عليكم
 

الله يعينك على مابتلاك
كلن يغني على ليلاه
عزيزتي هذا نصيبك من الدنيا.. فالحمدلله على كل حال
انتي ليس لكي ذنب في ان يكون زوجكي يتعامل معكي بهذا الاسلوب
لكن لكي ذنب ان تدفني نفسكي معه
الطلاق حلال .. فان كتب لكي ذلك لعلها خيره لكي
تفائلي فليس هو الرجل الوحيد في الدنيا.. والرجال ليسو سواسيه
ابدلكي الله بأحسن منه..:

وش علاقة الحمل با الطلاق ، وبعدين ترى فيه شي اسمه العده الي تمر في المطلقه بعد الطلاقه حتى يتبين اثر الحمل ولا لا....

وبعدين المحكمه مالها اي علاقه با الموضوع ، ها الشيء يرجع لأهل الشأن.

ولكن اختي

ماقلتي لي للحين ، هل تطلقتوا خلاص ولا باقي؟؟؟؟

اختي
 

لا اعلم كم الكم متزوجين بس مع هيك
ما دام الامر بالسوء هذا انت وضعتي مشكلتك على المنتدى كي تجدي شيء يعزز ما فعلتي كي لا تندمي
خويتي كم عمر زوجك
خويتي عليك بالرقيه الشرعية والتحصن ويارب يختارلك الاصلح
وانا ما احكم على قصة من طرف واحد لانه ممكن يكون الانسان الاخر له وجهة نظر اخرى
فلا تزعلي مني الاهم انت وحدك تعرفيين الحقيقة والامر الك