|
كيف اتعامل مع جارتي
بسم الله الرحمن الرحيم السلام عليكم ورحمة الله وبركاته عندي مشكله واتمنى ان اجد عندكم حلهاا انا مغتربه مع زوجي وعندي ظروف تمنعني من الدراسه او العمل في هذا البلد وقد عشت ايااام صعبه وغربه مررره لانني لم اتعرف على احد وزجي مشغول طول الوقت بعد سنه كامله جاورتنا عائله من نفس بلدي استبشرت وفررررررحت بها وثاني يوم لهم استفتها ببيتي واتت من الصباح ولم تخرج الا في المساء يصراحه استغربت لانني لا اعرفها جيداا حتى تمكث كل هذه المده ومن اتت وجلست وبعد ان احظرت لها العصير بدت بالتشكي باتها تعرفت على واحده قبل كم سنه وبس وهالوحده تسالها عن ادق امورها الزوجيه وانها تشاهد افلام إباحية ووو ...... مع القليل من الدمعااات وانا مستغربه منهااا وكنت اهديهاا واستنكر فعل واسألة تللك المرأه واقول لها لماذا الدموع والموضوع قديم فاجابت بااني لا احس بهاا!!! المهم انا عملت بواجبي معهاا واساعدها بقدر طاقتي وهي اصبحت تأتي لي بشكل يومي وتقوول لي قصص وحكايات عن اقاربها واصدقاءهاا وانهم يفعلون مافعلت المرأه الاولي اي (افلام إباحية وخيانات و..)) انا عرفت بانها تكذب وانها تؤلف من رأسها وصرت اتهرب منهااا لكني اشعر بالملل وارجع اكلمهاا واعزمهاا لاني اطفش لااهل ولااصدقاء +زوج مشغول جدا واذا جاءت اتضايق من سواليفهاا واحاول اني اغير الموضوع هذا غير ومكوثها الطويل جدا لوكنتم مكاني ايش تسوون ؟؟ مع العلم انها تكلمت بااخوها وزوجته وزوجهاا واخاف يجي دوري وتتكلم فيني اتمنى تعطوني حل وشاكره لكم |
احذري كل الحذر منها..
يبدو انها امرأة شاذة وغير سوية .. وقد قالوا في المثل ( الوحدة خير من جليس السوء ) |
اقتباس:
مشكور اخوي بس كل مااحاول اقطع علاقتي من زود الملل والطفش ارجع لها طيب ابغى حلول عمليييه معهاا وودي اخلي القطاعه اخر حل |
اقتباس:
أقصد كيف إستنتجت هالشيء ؟ يعني اللي تتذمر من الناس ومن سلوكياتهم تكون شاذة ( أنا جاده يعني أسأل لأن استنتاجك غريب بصراحة ) توقعت إن الجاره مكبوته من اللي شافته وحابه تفضفض لجارتها أختي المهاجرة إذا كلام الأخ ابو فراس صحيح فتجنبيها ( فر من المجذوم فرارك من الأسد ):25: |
اقتباس:
اختي الوان الكلام كذب ميه بالميه لييييييييييييش ؟ لانها نفس القصه بس تغير الشخص حتى انا مسميه سواليفهاا بمسلسلات جارتي وهي دايم بالقصه الموجهه والمرشده يعني اتركها افضل ؟؟ |
خلي علاقتك رسمية معاها او صارحيها وقوليلها احنا وش دخلنا فيهم كل واحد ذنبه على جنبه خلينا نتكلم عن نفسنا وحياتنا
على فكرة جارتك تشبه وحده من صديقاتي ااااااااااه بس شكلي بكتب موضوع بالقسم اشتكي منها |
اقتباس:
ياحبيبتي هي ماينفع معها اني اكون رسميه يااقطع علاقتي بالمررره يا استمر معهاا لانهاا تجي يومياا تطووووووووول لاجت يعني لاجت من الصباح الى ان يخرج زوجي من العمل .. يعني مده طوييله اني اتصنع الرسميه وعلى فكررره هي الي تجي انا مااروح لها ولا اعرف شكل بيتهاا مع انها بنفس العماره ..لانها ماعمرها قالت تعالي وانا محب اروح لاحد من غير موعد او عزيمه وحتى لاطلعنا على حسابي ماتدفع ابد ..اختي تقولي هي مستغلتك ولا تشوفك شي وماادري انتم تشوفون كذا بعد والله اني متحمله لاني مااعرف غيرهاا والا كان مااقعد معهاا وانتي الله يعينك على صدقتك ويهديهن ياااارب |
اهلين اختي الجاره اقطعي علاقتك بها فورا لان تصرفاتها مريبه طريقة كلامها وتطويلها عندك وعدم دعوتها لك في منزلها مع مرور الايام تعرف اسرارك وتجلب لك مشاكل تتمنين الوحدة ولا الاختلاط بها
|
.. ضحكت كثيرًا على كونها المرشدة في كل قصة ، عافانا الله ..
الأفضل لك محاولة نصحها، التلميح لها بأن كل القصص متشابهة ! شخصيًا أتعامل مع الذين يختلقون المواقف والقصص بشفقة كبيرة، لأني أعرف أنه أصبح مرضًا لديهم يحاولون إشباع غرورهم بجعل أنفسهم في المقدمة أثناء قصّ القصص ! حاولي إصلاحهـا، فإن لم تطيقي فاقطعي علاقتك معها وبخصوص دفع الحساب، ادفعي حساب الذي تشترينه فقط، واخبريها بأن تدفع ما طلبت ! كوني صريحة مع هذه الشخصيات، فالحياة مليئة جدًا بهم .. |
غـــــــــــــــــاليتي ,, انتي ماتدرين شو بقلب هالجارة . يمكن ارتاحت معاك او يمكن شي ثاني ( الله اعلم ) بس انتي لا تظلميها ,, نصيحة مني : دامك تشوفيها تتكلم عن فلان وعلان وتقو لك عن مشاكل الناس وما تستر ( وهذي تعتبر غيبة ونميمه ) ابعـــــــــــــــــــــدي عنها ,, ابعــــــــــــدي عن شرها يمكن لا سمح الله بكره تتكلم عليك .. ادعي لها : الله يهديها |
دامها كذا اقطعي علاقتك معاها الصراحة جارة ماتنطاق :(
|
اشكركم على توجيهكم لي
قررت اقطع علاقتي فيهاا واسأل الله ان يعوضني خير منهاااا وجزاكم الله الفردوس الاعلى على تفاعلكم معاي |
ممكن ياعزيزتي تعطيها كلمتين تقولي لها لو سمحتي انا مااحب اسمع اخبارالناس بالسيئ ---ولااحب اكسب اثم هذا اذا انحرجتي من قطع علاقتك بها------ساعات الصرحه بادب فيها راحه لك
|
هل هي متزوجة ؟
حتى لو كانت متزوجة ، لا تغلطي غلطة الحريم و تحكي لزوجك عنها ، بتحلى له السواليف و الرجال يحبوا السوواليف هذه ، مو كلهم بس بعضهم و خاصة في الغربة : |
لي ماتحاولي تنصحيها قوليلها كان عندك وحدة بتعرفيها كانت تنم كتير وقطعتيها ومن هالكلام وانك ماتحبي الكلام وانك شفتي حديث لشيخ عن النميمة وخفتي من عواقب النميمة حيث لايدخل نمام الجنة وربي يوفقك
|
ابعدي عنها فورا ....
انا مريت بهالتجربه وندمت اكبر ندم في حياتي والله بكرا زي ماتتكلم على الناس بتروحلهم وتتكلم عنك .... لان في ناس ماوراهم الاالكلام بس تبي تضيع وقتها بالكلام عن اي احد وماتفكر في العواقب... كانت تجي وحده عندي وبس تتكلم في خلق الله .... مع مرور الايام اكتشفت ان مابقى شي عني ماتكلمت فيه .... ادق اموري الشخصيه كانت تتكلم فيها مع اني عمري مادخلتها بهالامور لكن هي كانت تستنتج وتتكلم حسبي الله عليها وين ماراحت ... سوت لي مشاكل مع كل الناس وانا ياغافلين لكم الله ... نصيحه مني ابعدي قبل لايطيح الفاس بالراس ... |
اقتباس:
فعلاً هذا ما خطر ببالي بعد قراءة المشكلة .. وأعتقد أنها تمهد لما هُو أسوأ من الكلام بكثير ،، فالحذر منها واجب ، وقطع علاقتك بها ضروري . |
دام الله منعم عليكي بنعمة وهية الانترنت استفيدي منها طلعي احكام عن الغيبه وايش جزاء من يغتاب الناس واجلسي كلميها عن امور شرعية واتفقي معاها بدال ماتضيعون اوقاتكم بالكلام الي الله بيحاسبكم عليه لاا تستغلونها بذكر الله الا بذكر الله تطمئن القلوب وذكريها بالله ويوم القيامه وعن ضياع الاوقت وسوي جدول لحفظ القران صدقيني اذا هية فيها خير بتتغير واذا مافيها خير مراح تجيكي اصلاا والله يكون بعونك
|
خير الكلام ما قل ودل ((الوحدة خير من جليس السوء اختي الكريمه))
|
والله نصيحه لوجه الله تعالى ابعدي عنها لان بتخافي تجيبلك المشاكل وانت راح تندمي بعدين ومن كلامك شكله مش طبيعيه فانت ليش تحطي حالك في مشاكل وما بتعرف اخرتها شو بصير
|
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©