|
والدة خطيبي فرقت بيننا وهو يريدني ..
اول مرة اشارك في منتدى بس اتمنى الي يقرا ها في هالقسم يرد علي خطيبي الاول يبي يرجعلي وامه اصلا هي الي فرقت بيننا وانا والله ابيه ومااقدر اعيش مع غيره وهو يبي حل يقنع امه عشان ترجع تخطبني الله يوفقكم الي عنده حل يقول كيف يقنعها ترجع علما انها قالت لامي انهم مرتبطين مع ناس وانتهى الموضوع والله العظيم اني في هم لا يعلمه الا الله وابي مشورتكم يا اخواتي واخواني عطوني حل وجزاكم الله خير
|
تم عرض مشكلتك في موضوع مستقل .. وفقك الله |
الله يسعدكم عطوني وجه وردو علي وربي انتظر ردودكم يمكن ربي كاتب الحل عندكم
|
والله ما ادري اختي الكريمة يمكن الاخوان والأخوات يساعدونك
لكن بالنسبه لي اهم شئ الأم توافق مقتنعه بالعروس اللي حتخطبها لإبنها لانها لو موافقه بس بإلحاح بتحول حياتك جحيم وبتلومين زوجك وتكثر المشاكل ويضيع هو بين امه وزوجته وطبعاً الأم ورضاها مقدم على رضا الزوجه الله يعينك |
طالما انك تبغينه وهو يبغاك خذيه وما عليكي في امه قولي له انتا مادام تبغاني عليك بامك تقنعها باي طريقه ومالك الا زوجه مطيعه محبه لك ولامك ولاهلك كلهم
قولي له هذي النقطه شغلتك انت مابيدي شي اسويه ولا تثقين فيه تري الرجل اذا يبغى شي والله مايقدر فيه امه ولا قبيلته ولا الكون كله يمكن هو مايقدر يصارحك بعدم رغبته فيكي او يمكن مايقدر يجرحك ويقولك انا مقتنع بكلام امي انتي لازم تتأكدين من هذي النقطه بطريقتك عاد تأكدي هل هو فعلا يبغاكي وأمه العائق ام هو يبغى يكلمك ويتسلى ويحط امه الحجه الواهيه انتبهي تري الرجال أنذال وانا اختك |
شوفي يااخيه لازم هو يقنع امه ويقول انه مايبي الاانتي وانه ماراح يقبل يكلمون احد ولاراح يرتبط بأحد إلاأنتي
وانه اذاصار وخطبوا احد راح يحرجهم لانه ماراح يتمم خطبته مع الجديده حتى يشيلوا فكرة زواجه من غيرك من راسهم وان شاءالله يتخذ موقف صارم معهم والله يكتب لك اللي فيه خير يارب ولاتنسي الدعــــــــــــــــــــاء فلايرد القضاء الاهووو |
اشكي همك لله
وأكثري استغفار ولا تستعجلي النتائج لأنه ما راح يصير إلا اللي في صالحك والله يعلم اللي يصلح لك ولو حصل اللي إنت ما تبينه فلا يهمك لأنه يمكن ربنا يريد يصرف عنك شر عظيم إنت ما تدرين عنه فخلي ثقتك بالله كبيرة ولو حصل ما حصل أسأل الله لكم السعادة في الدنيا والآخرة |
اسمعي ياعزيزتي:
إذا أمه رافضتك أصلا؟! فالأفضل تنسحبين لأنها بتأثر عليه عاجلا أما آجلا! فتنفصلون وانتي على البر أرحم من انفصالك ومعك أطفال هذي نصيحتي مريت بهالتجربة وانفصلنا بالآخر والحمد لله وقبل كل شي استخيري |
شكرا لكل الي ردوا علي حبيت اقلكم شي واوضحه لكم حتى تكون الصورة مكتمله السبب الي خلا امه ترفض مع انها خطبتني مرتين هو تاخر اهلي بالرد ويعلم الله انه مو بكيفي هالتاخرامه حست ان اهلي ما يبونهم فقابلت غلطة اهلي وهي التاخر بالر بغلطة اكبر وهي انهاءها للموضوع بانهم مرتبطين مع ناس والولد شاريني وجاني خبر انه قال لامه مايبي غيري بس هي معندة وتقول ننسى الموضوع
|
دخلي واسطة بينكم
مثلا عمتك أو أي وحدة إنها تكلم أمه و توضح له الحكاية |
اجل المشكله من عندك ..
ما ادري ليش البعض مايبين المشكله من الاول .. ام الولد حست ان كرامتها و كلمتها غير مقبوله لذلك رفضت .. ليش اهلك من بدري ما يعطونها كلمة .. وخصوصا انك تحبينه كان قلتي لامك خلاص انا موافقه واعطوا الناس الموافقه ترين عيب ان الواحد يتقدم مرتين لاحدى البيوت و مافيها رد وتبغين يتقدم مرة ثالثه الحل الانسب و اللي راح يرضي امه .. انكم تكلمونهم بشكل رسمي و تقولون حياكم الله ,, البنت موافقه و حنا موافقين غير كذا .. صدقيني امه ماراح ترضى .. لان قلب الام كبير على ولدها ماتبي تحس بالمذله كل يوم تطق بابكم تسأل عنكم .. هذه وجهة نظري . |
نصيحه لك دام امه مب راضيه لا تتزوجيه غصب لانها راح تسوي اي شئ عشان تتدمر حياتك ف المستقبل لانها بتشوف انك السبب ف عصيان الابن لاوامرها ورغباتها لانها اهي مب راضيه واذا تزوجيته بغصب راح تحاول ترد بلمثل وتحرض ولدها عليك يمكن الحين يحبك وهايم بيك بس بعد الزواج الكثير من الامور تتغير وخاصه اذا كان ف مشاكل كثيره ف الحياه الزورجيه والله ينور دربك بلخير والله قادر انه يعوضك بانسان احسن منه لا تقولي انا ما اقدر اعيش مع غيره لانه هلكلام ما يجوز لان وايد بنات وانا اعرفهن تزوجن اشخاص غير الي كانن يريدنهم كازواج لهن قبل الزواج وكانن نفس الشئ يقولن نحن ما نقدر نعيش الا مع حبيبنا ولما تزوجن شخص ثاتي ع طول نسن الاول واندمجن ف حياتهن مع ازواجهن وصارن يحبن ازواجهن اكثر بمية مره من الاولانيين ومثل ما نعرف النسيان نعمه من رب العالمين |
يا اخواتي سبب تاخر اهلي بالرد هو ظروف عائلية احد افراد الاسرة كان مريض والله يعلم بحالتنا وامي دقت عليها عشان تقلها انا موافقين وقالتلها احنا تاخرنا بسبب ظروف والحرمة ماخلت امي تكمل الكلام ولا سمعت من امي الموافقة على طول قالت احنا مرتبطين مع ناس مااعتقد هالشي ينقص من كرامتها لو سمعت امي للاخروالمفروض بصفتها ام وخطبت مرتين تسمع امي للاخر وتعرف الجواب
|
خلاص .. اعزموا العائلة يا ( قلبي انكسر ) بشكل ودي ..
وحطوا النقاط على الحروف .. وان كان في العزومة شي صعب اجعلوا الموضوع ينتهي عند الرجال .. لان الرجال كلمتهم دائم تكون الاقوى وقتها راح امه تتفهم الموضوع يارب .. مافيه احلى من الصراحة |
(مستر سمايل)اشكرك على ردك بس احنافي مدينة وهم في مدينة ثانية والعايلتين ماتعرف بعض لان الخطبة كانت عن طريق وحدة من المعلمات الي كنت ادرس عندهم فترة التطبيق والموضوع بالنسبة لاهالينا انتهى بس الله يصبرني جزى الله خيرا كل من اهتم بموضوعي ورد علي اوحتى قراه ادعولي في ظهر الغيب واذا حصل اي شي رح ابلغكم لاني حسيت ان لي اخوات واخوان وقفوا معاي وعطوني اراءهم الله يسعدكم جميعا وييسر لكم حياتكم
|
| الساعة الآن 07:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©