|
المصروف الشهري
اخباركم كيفكم يابنات حبيت اسالكم هل اناغلطانهانا كان عندي مبلغ عند زوجي بقيمة 700 ريال قلتله يشيلها لي الين مااحتاجها اعطيني هيه وطبعا هالفلوس كانت الباقي من بيعة دهبي والحين طلبته عشان اششتري فيها ملابس للعيد قالي اي فلوس يعمل انه ينكت قلت بي اشتري اغراض لي اسحبها لي وسحب بس 400 ريال قلتله ليه ما تسحبها كلها لاني راح اشتري بجايم وقمصان نوووووووم وملابس للعيد قال اديتيني بفلوسك قلت ما قلت شي انا بس الاغراض كتيره وما راح تكفي الفلوس المهم قال خلاص معاي البطاقه وراح اصرف ادا ما كفت وعصب وبعدين تسوقنا واخدنا كمان اغراض للنونو واغراض للحمام وطلع المبلغ 1100 ريال وركبنا السياره قلتله الله يعطيك العافيه تعبناك معانا قال لا هده فلوسك قلت وش فيك معصب قال ماني معصب بس هده فلوسك قلت انا ماقصدي ع الفلوس انا قصدي تعبناك معنا ما قصرت وقل تعرفين كم طلع المبلغ لت لا م ادري قال 1100 ريال وشوفي الفاتوره بصراحه انصدمت منه انه يحاسبني ع الفلوس وقل اصلا هدا العيد الناس مايشترون بس انتي ومن هدا الكلام مع انه الغراض كانت مو بس لي للنونو وكمان احديه وللحمام هل هو معاه حق وهو اصلا مايعطيني مصروف شهري مع انه احيان احتاج اغراض تعرفون انتو واحيان ابيع دهبي بس عشان شتري له هدايالانه ما عندي مصروف وحالنا الحمد لله كويس والراتب كويس والحمد لله هل انا غلطانه
|
نفس مشكلتي بالزبط وابغي اسمع الاخوان والاخوات عشان استفيد
اختي كانك تقولي مشكلتي |
الله يكون في عونا مع انه ولله الحمد عنده فلوس وادا احد طلبه من اهله او احد تاااااااني ع طووووووووووووول يعطيه واحيان بالالاف وهدا وانا زوجته يبخل علي ومايعطيني مصروف شهري
|
حبيبتى دلووعة بصراحة من كلامك ماشفته بخل عليك كان لك 700 جابلك ب 1100 لو كان يبخل عليك مااعطاك حتى حقك فى رجال كثير يفكروا ان مال زوجته هو ماله ومايعطيها شئ وبعدين حبيبتى انتى كمان طالبتيه بالفلوس حقك اللى عنده لا وكمان بالمظبوط يعنى 700 لازم كلها ليش زعلت لما قالك انها اتكلفت اكثر ليش مايكون قالك لانه تضايق من اسلوبك فى طلب الفلوس او شعر بشئ من الاحراج وما حب يشعرك بدا الشئ وبعدين صراحة احنا الحريم احيانا
مايرضينا شئ يعنى لو اعطاكى المبلغ 700 ريال فقط ماكنت ترتاحين واذا زاد وحب يعرفك بذلك مارتحتين ايضا لا تزعلى منى لانى صراحة مثلك اذا صار مثل ما صار معك اغضب واقوله ليش انت مضايق وانا ماشتريت لحالى وايش يعنى لو جبت بالمبلغ دا ووووووووووووووو وارجع اندم واقول لحالى اذا ما يبغى يجيب لى شئ ليش يعنى يجى على حاله ويشترى يقدر يقولى مامعى اعطيك وخلاص |
لو قلتي لزوجتك ان الـ 700 تفداك وتفدى عيونك ..
بعدين بكم يوم طلبتي للسوق لشوية اغراض اتوقع انه راح يشتري لك بـ 2000 ريال وهو مبسوط منك اختي .. زوجك اللي زعله .. لانه حس انك ضغطتي عليه وعلى مبلغ مايسوى وكان اصرارك في قضاء مالك و حاجتك للسوق اكثر ممن لو تسأليه وتقولي يازوجي العزيز هل بأستطاعتك ان تشتري لي الشي الفلاني يازوجي الغالي وقتها يعطيك عيونه .. طبيعة الرجل يتضايق لا رأي ان زوجته ماديه .. لانه في نظره ان الحياة مشتركه ومايوجد بينكم ( اعطيني فلوسي اللي اعطيتك هي ) والله عوائل كثير صارت لها مشاكل من هذه الناحية .. زوجك ماقصر معاك اشترى لك بـ 1100 ريال وزعله هذا لانه يبي يحسسك انه ( عيب تقولي اعطيني فلوسي ) لانه زوجك واللي بينكم اكثر من 700 ريال .. حتى لو ما اعطاكي هي .. الله يكتب بينكم التوفيق .. وتريثي يا اختي الفلوس ماهي كل شي .. والملابس معوضه والمقاضي معوضه بس ثقة زوجك لك و حبه لك و نظرته لك .. ماراح تتعوض لو نقصت ابتسامه |
مثل ما قالن الأخوات .......المفروض إنك قلتيله إنك محتاجة أغراض من السوق مو تقوليله أبي فلوسي حتى أشتري أغراض
بس بالنسبة للمصروف الشخصي المفروض محدد لك مبلغ من كل راتب , لأنه الوحدة أحيانا" تحتاج فلوس و ما يكون رجلها عندها , حنا كل وحدة لها مبلغ معين كل آخر الشهر حتى تشيله معها بشنطتها < مبلغ بسيط جدا"> و فعلا" غاليتي رجلك ما قصر معك بشي بس حاليا" لا تفاتحيه بأي موضوع يتعلق بالفوس حتى ما يقول عنك طماعة و همك بس الفلوس . الله يوفقكم |
تبين الصراحه
الله يعين الأزواج |
بالعكس انا اشوف ان الرجل ما كان بخيل معك والدليل انه اشترى اكثر من المبلغ اللي طلبتيه منه ..
واعتقد انه عصب لأنه ربما كان محتاج لهم قبل ما تطلبينه ... الله يسعدكم |
الكل انتقدوني وما لاحظتوا هو قال لي ان هالعيد مايحتااااااااج ملابس واانا ابي ملابس واغراض لبنتي وللبيت وانا عاااااااااااارفه انه مارااااااااااح يقصر بس اسلوبه قهرني وع فكره نحن ادا رحنا مطعم يقول لي يوووووووووووه غاااااااااااااااااااااااااااااااااااالي شوفي الفاتوره واحيان بس تكون 60 ريال وادا مطعم للسمك 200 ريال ويقعد يقولها لمدة اسبووووووووووووووع
|
اختي
يقول الرسول ص الاقتصاد نصف المعيشة ولقد نهى الاسلام عن الاسراف فالاسراف هو الانفاق الزائد عن الحاجة بالحلال اي بشيء حلال فاذا كان ما انفقتي بنظرك غير زائد فبحثي عن اخرين في نفس المستوى المعيشي وقدري الامور انتي
|
انا ما اسرفت بالعكس الاغرااااااااااااااااض مررررررررررررررررررررره كثيره كانت
|
^^^
طيب ليش ماتشوفين ايش خططه المستقلبيه ؟؟ يمكن عنده مشروع او يفكر يجمع مبلغ معين عشان حياتكم بكره .. او انه يبغى يشتري ارض .. لا يكون همك الاكل و الشراء هو يحاول يبين لك انه في اشياء اساسية و اشياء كماليه يعني بالنسبه للمطاعم هذه اشياء كمالية بمجرد ما الواحد تصير عنده ضائقه يقوف على روحاتها والله ثم والله ثم والله .. لو ان زوجك بخيل او طماع ماكان اشترى لك بـ 1100 ريال بس هو في راسه شي .. كوني عون له .. ترين الفلوس هي اللي تخرب النفوس . اصبري انتي زوجته ,, والله يا اعرف زوجات صبروا في غرفتين وبيت حالته حاله وبعد 10 سنوات من زواجهم .. وصل رصيد الزوج الى مايقارب المليون وناوي على بناء بيت العمر وهما لسى في مقتبل العمر حاولي تشوفي ايش افكار زوجك ..يمكن وده يدخل تجاره فتوكني انتي له ( خير المعين ) |
ماأدري بس أنا عكس الأعضاء
أشوف الأسلوب مو حلو طلبك للمال هو تنبيه له بحاجتك فكان المفروض يزعل من نفسه أنه خلاك تبيعين ذهبك و لو طلب منك ماتبعين ذهبك و يعطيك ما تحتاجي بحدود مقدرته راح يكبر بنظرك اسلوب التعيير بالفاتورة أبدا مو حلو يعني انا ما انصحك تصرفي على كيفك و بدون مراعاة,,لا بس انتقد تذكيره لك بالفواتير سواء هالمرة او مطعم او غيره,,, يقدر يوضح لك ظروفه بدل ما يمننك بماله و انت ايضا مدام عرفت هالخصلة فيه قللي قدر الإمكان , أو اجعليه يحدد لك مصروف حتى لاترهقيه.. |
^^^
اخي كلامك عين الصواب ولكن انت تعرف الرجل دائما لا يفصح عن راتبه و ماله للزوجه .. لا اعلم لماذا ,, لكن هم كذا غالبية الازواج . مثل اخفاء النساء لاعمارهن . لابد من شد الحبل وارخاءة يعني لو هو شد و هي شدت لصارت مشاكل مالها اول ولا تالي بس وقت ماتشوف انه شاد في موضوع تلين له من طرف وتستطيع ان تشد عليه من طرف ولكن في موضوع اخر عشان تستمر العلاقة الزوجية بدون خلافات تتراكم وتكون لها بعد سنوات حمل ثقيل وكره شديد هذا ما اقصدهـ .. اخوك ابتسامه |
أنا امرأة و لست رجل
نعم أحيانا الرجل يخفي راتبه ليخطط بهدوء للمستقبل لكن اسلوب المنة ليس جميلا بحقه يعني لو قالت له زوجته أنت لم تصرف 1100 كاملة فأنا لي منها 700 و الباقي 310 مبلغ زهيد و مايسوى هل بيكون معاها حق..لا طبعا يقدر يتهرب (إذا ماكان عنده) بأسلوب لبق إذا لم يحب أن يفصح عن ما معه اقتباس:
|
اقتباس:
|
والمصروف مومقتنع انه يعطيني يقولي ادا احتجتي اطلبيني وانا اعطيك وبصراحه احيان احتااااااااااج بس استحي اطلبه
|
هو الاسلوب فيه شوي منه من زوجك وبنفس الوقت ما فيه لباقه منك بطلب الفلوس... وواضح ان الاخت راحت لمحل كبير شامل وعند الكاشير زوجها تفاجأ بالمبلغ ودفعه وهو مكره ولما ركب السياره قالها ان المبلغ كبير... اختي لو انا منك أقوله خلاص الفرق 400 ريال اعطيك اياها |
| الساعة الآن 04:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©