|
مصروف الزوجة ؟
السلام عليكم ,,
هذي أول مشاركة لي بالمنتدى لأني كنت أبحث عن حل لمشكلتي و أتمنى أن أجدها في منتداكم المبارك فأرجو التفاعل معي ..... أنا متزوج من ثلاث سنوات و ما أعرف كم مصروف المرأة بالضبط خلونا نخش بلغة الارقام لأنها أسهل و أوضح للمعلومة,, الراتب === من 8500 إلى 9000 الأقساط و الأيجار و الفواتير ===3500إلى 4000 أنا أعطي زوجتي بشكل شهررررري=1000 في بداية الشهر و تطيرها بسرعة ثم ترجع و تاخذ بحدود الألف ريال ثانية هذا طبعا لها هي حيث بالمناسبات و اللأعياد ما أقصر عليها تصل مصاريفها من 3000 إلى 4000 حسب المناسبة طبعا الولد علي و البيت علي و النتيجة إن كل شهر يصفرر الرصيد نصف الشهر:19: فيا ليت أسمع آرآكم الطيبة التي لا نستغني عنها و أتمنى من الكل يجاوبني بصراحة و يعتبروني مثل أخوهم,,, مع ألف شكر |
العنوان لا يعكس حقيقة الموضوع , ولذلك لا اتوقع ان ترى تجاوبا من الاعضاء كما ترغب
|
لها 1000 ريال بس
اذا صرفتها قول لها ماعندي الا اللي اعطيتك كذا مره وراح تتعود ماتصرف مصروفها هي تمادت لانك اعطيتها بعد ماصرفت مصروفها وبعدين المبالغ اللي تصرفها بالاعياد كثير مررررررررررررره انا اشتري من الماركات بدله كامله واكسسوار للبدله وشنطه جديده ماتتعدى 800 ريال كون صارم معها اخوي حدد لها انتي لك 1000 ريال مثلا والولد له 700 ريال مثلا والملابس مو كل شهر واذا هي من محبي الماركات لاتخليها تشتري الا بوقت التخفيضات حاول تصمد لك مبلغ لانك مو عارف ايش راح يصير بالمستقبل اصرف واشتر اللي نفسك فيه بس بحدود |
والله احنا يالحريم لو تعطينا الراتب كله ماكفآنآ...وبرايي الشخصي المصروف الشهري من 1000الى 1500 كافيه شهريآبالنسبه لي...وانت آجلس مع زوجتك وتفآهموآ على المصروف....بالتوفيق...
|
حسب رأيي المتواضع ان المصروف الشهري للزوجة يتحدد وفق الراتب والاستلزامات المتعلقة عليه من ايجار واقساط وديون ..
كنت في بداية زواجي أعطيها 500 ريال شهرياً لأن راتبي كان قليل وعلي الكثير من الديون .. ولما تيسر الحال معي ولله الحمد بدأت اعطيها 1000 ريال شهرياً ... وعندما توظفت هي قطعت عنها الراتب وتحملت انا بسداد فواتير هاتفها ... ومن وجهة نظري لا بد ان تنظر الزوجة الى اولويات الاسرة والمنزل في المقام الاول ومن ثم يأتي راتبها في المقام الثاني . |
الالف ريال اللي تعطيها لها لنفسها أم تقضي منهم لوازم البيت ؟
اذا كان خاص بها ومستلزماتها فهي اكثر من كافية مو كل شهر الواحدة بتشتري ملابس ومكياج وعطور !!!! عطيها الف.. وسدد جوالها وحط له حد ائتماني وكن اكثر صرامة .. حرام تنصرف الفلوس على هدوم كل شهر بصراحة |
الف ريال كثيررررررره لها وحدها
الوحده مو كل شهر تشتري ملابس لكن الغريب انك تقول تاخذ زيادة طيب الفلوس وين تصرفها ! الا اذا هي تتصدق وتساعد من يحتاج من الاقارب فهذا شئ ثاني |
1000ريال كثيرة الا اذا كان عيد اومناسبة وهي كل شهر ملابس جديدة كانت اصبح دولاب ملابسها ملئيان ملابس
وخاصة انك مايتبقى آخر الشهر شئ من الراتب هل عندك منزل خاص وسيارة خاصة؟ |
زوجي يعطيني 1000 ريال
وتكفيني ويتوفر منها كمان لكن في الصيفية والأعياد يطير كل اللي وفرته المهم أنها تكفي وأنا أشتري ماركات وأهدي منها كمان خلك صارم في المصروف هذا إذا أنتم ناوين تأمنون مستقبلكم لأنه بهذا الوضع عمركم مارح تتقدمون خطوة موفق |
1000 ريال يكفي اذا كانت لها بس يعني ماتشتر اشياء للبيت
يعني مو لازم كل شهر تشتري لبس ومكياجات والحوسة حقت الحريم كثيييييييير حريم ياخذون 500 والجوال طبعا على الزوج وتكفيهم خليها اخوي عالالف وخير وبركة |
عزيزي ,,,
الحرمة ما تنلام ما دامك مخلي راتبك سبيل لملابسها و مكياجها متى ما تبي تسحب منه !! يجب ان تكون حازماً معها و تقول لها لكي الف ريال في الشهر لن اعطيكي و لا ريال زيادة ,, و ان طلبت لا تعطيها خلها تتعود ,, و في النهاية عدم شراء للبس او مكياج ما راح يموتها جوع :d وضح لها انه اذا استمريتوا على وضعكم هذا ما راح تقدرون تشترون بيت و لا حتى تغطوا مصاريفكم و مصاريف ابنائكم في المستقبل |
لو إنك أخوي
بأقول لك تعطيها ألف و الولد عليها |
السلام عليكم
شااااااااااااكر لكم ردردكم الطيبة من إخوان و أخوات في المنتدى:22: لكن أنا ما كتبت هذا الموضوع إلا لإيجاد حل لهذه المشكلة لأن مع هذا الصرف تصير لي مشاكل بشكل شهري إذا مو أسبوعي على المصروف مع هذا التوزيع ؟؟؟؟ تقول الألف شوية بحقها لأنها ودها تأثث البيت بأحسن أثاث و أنا ماني لاقي أوفر و لا راح أستوعب أقساط زيادة على اللي أنا فيه ؟؟ و إذا رفضت الأمر قومت الدنيا و قعدتها فإما أوافق أو أرفض و هنيه تستخدم السلاح النسائي ألأ وهو البكاء و التحلطم عاد مالك إلا تسوي اللي تبيه فوق هذا تقول تمن علي لأني بكيت؟؟؟؟؟؟؟؟؟؟ |
اقتباس:
الشقة إيجار و السيارة أقساط ونظامهااااا لا للتوفير لأنها كريمة :confused: |
اقتباس:
اذا كانت حالتك كذالك يجب الانتباه وتوفير جزء من الراتب للظروف ولشراء مثلا ارض واتنسى تسديد اقساط السيارة بأسرع وقت بعيدا عن الديون وحاول قدر الامكان وضع ميزانية منظمة |
الله يبارك فيك سحابة الصحراء و يبارك بحياتك
و مشكووووووورة على النصح الصادق |
يعني هي تنفق المصروف عليها وعلى تأثيث البيت
طيب معقولة ثلاث سنوات وما خلصت من التأثيث؟؟ أتوقع البيت فيه الأساسيات والمال اللي تنفقه زوجتك في البيت على الكماليات عموما إذا كان الوضع كذلك فلا تزيدها على 1000 ريال تتصرف فيها وتقسمها مثل ماتبي على نفسها وعلى البيت لأنها أمور كمالية ولو ألتفت لها وتكفلت بها أنت فلن تستطيع الإدخار من مالك وأقترح عليك أن تضع بمشاركة زوجتك بنود لصرف الراتب مثل التفصيل الذي أوردته في موضوعك ولكن بتفصيل أدق وتضع من ضمن البنود بند التوفير وتقنعها بأهمية البند في تأمين مستقبلكم بحيث تكون في الصورة فلا تسطيع طلب المزيد من المال فهي تعلم كيف ستنفق وماهي حدود ميزانيتكم وستعلم إنها سوف تحملك المزيد من الديون مالم تتقيد بالبنود أو في أفضل الأحوال لن تتمكنوا من شراء بيت للمستقبل إذا إستمرت بنفس الطريقة موفقــــــــــــــــــــــــــين |
مشكورة اطياف الرياض على الرد
أما بالنسبة لأثاث البيت فهو كامل لكن مثل منتي عارفه الكماليات المستجدة هي اللي تذبح ==> فلانة شرت و فلانة حطت أما بالنسبة للتفصيل اللي قلتي فزوجتي أول من شافت هذا التفصيل لكن مو راضية عليه تقول سدد إلتزاماتك و خذ لك ألف و عطني الباقي ؟؟؟ أنا ما عندي مشكلة أسوي كذا لأني ربحان ألف ريال لكن المشكلة إن ما عندها تدبير للأمور يعني في عشية و ضحاها راح تطير الفلوس و تصير الحالة أردى بكثير ؟؟ اللي مخلي الوضع مطمئن نوعا ما هو إني موظف في شركة راح تأمن لي قرض بيت بعد 5 سنوات إنشاءالله الله يعين |
اخي العزيز بالنسبة لي راتبي مابين 3500 - 5500 ريال والحمدلله على كل حال .
لاكن بالنسبة للمصروف اقولك كيف اوزع راتبي واقول ان شاء الله انه يعجبك ويعجب الجميع . تسديد الفواتير الشهري للجوالات انا وهي مع الكهرب = 1000 مقاضي البيت الشهرية = 750 تقريباً مصروف التمشيات لشهر الواحد دائم والدائم وجهه سبحانه = 500 مصروف لها شهري خاص = 300 ريال مقاضيها من الاسواق في حال احتاجت السوق مايتعدى الـ 500 وبالنسبه للمناسبات احط احتياط 1000 ريال ولا هي بشكل دائم . ولاكن اذا احتاجت شي خاص بها اعرف بالاول وين راح مصروفها اذا جوابها مقنع عطيتها ولاكن غير ذلك ما اعطيها لين تحس بقيمة تعب الرجل للمصروف والحمد لله يجي اخر الشهر ويكون برصيدي من 200 - 500 احيانا . والحمدلله عايش على هذا النظام ومكفيني ولله الحمد . |
والله ياخي انت الغلطان
اولا الف كثير ... من جد ثانيا الخيل من خيالها اخي الكريم طالما انت مو حازم اجل يامالك من هالدلع والبكا قول لها انا نويت اشد الحزام اخرط عليها قل لها عندي ديوووووون تقص الظهر ولازم اسددها والا الله يستر اختصر من الالف وخلها بس 500 وبعدين الله يخلي الكورنيش لازم يعني ننمشون في مجمعات؟ روحوا البر والا البحر والا اطلعوا الحوش حتى تقليل تكاليف يعني و اذا قامت تبكي قول لها يعني يا اسوي اللي تبين والا مافيني خير ؟؟؟؟؟؟؟؟؟؟؟؟ يا اقدرك والا انتي لا تقدريني؟؟؟؟؟؟؟؟؟؟؟؟؟؟ ( بصراحه قلة عقل وعدم حكمه منها بدون زعل ) واذا بتقعد وراها فلانه شرت وفلانه حطت وفلانه صنعت والثانيه بدعت اجل والله يتقعد حياتك كلها في الديون زي زوجتك يبي لها حزززززززززززززززم وفعلا اذا خلصت مصرفها مااااااافيه غيره وبعدين ليش في العيد الى 4000 ريال ؟؟؟؟؟؟؟؟؟؟؟؟؟؟ ليش يعني ؟ اسمح لي البلا فيك والله راجع حساباتك وخليك جاد معها |
الزبده طالما معطيها وجه ومخليها على هواها لا تشتكي اجل ...
وانت كتبت انها تقول ( خذ لك الف وعطني الباقي ) وكتبت ان ماعندك مشكله لأنك ربحان الف انا مافهمت هالسطر ممكن تشرحه؟ |
وووويــــن
وأنا بنت ما تكفيني 1000 بالشهر .. أنتم شوفوا كيف اسعااااار الملابس والعطور و و و .. كلها نار موفقين ان شاء الله |
اقتباس:
هل هى تخرج معك دائما ام انها احيانا تخرج لحالها وتحتاج مصاريف وليموزين واغراض للولاد؟ لان لو جوابك نعم يحدث وتخرج لحالها فاعتقد انها قد تحتاج فى بعض الظروف مقدار اكثر من المال اما ان كانت دائما معك فاعتقد كافى الله يهديها لك ويهديك لها |
مشكووورين على الردود
(( مشكلتي أصدق )) أنا ما ودي أظلمها وودي أنها تكون أفضل البنات لكني كنت شاك بحبها لي لأن اللي أعرفه و حسب ما سمعت من أصدقائي إن المرأة لو تحب زوجها لو كله عيوب يكون أفضل الرجال بعينها و تتنازل عن حقوق لها فكيف إذا كانت تطالب بكماليات زائدة إلى حد الزعل ؟؟ و بصرااااحة كان يهمني رأي النساء في هذا الموضوع و بنفس الوقت ما أقدر أطرح الموضوع عند أهلي و الكل عارف النتيجة ؟؟ لكن الحمدلله لقيت من يرد الصوت و شكرررررررا |
كل أزواجنا يبغونا نكون أحسن البنات ، و كلنا نبغى نكون أحسن البنات
لكن بنفكر في الرجال اللي بيتعب و يكدح ، و نحاول نتنازل عن أشياء ثانوية عشانه و إذا إنت عاجبك الوضع فتحمل النتيجة ، لإنه إذا بيوم لا سمح الله صار لك شئ ، هل راح توقف هي معاك ؟ و المظاهر وقتها ما راح تفيدكم |
اقتباس:
الملابس والعطور والمكياج هل كل شهر تنشرى ماظن يعني لو كل وحده شرت لها كل شهر مجموعه ملابس دولابها بينفجر العطور كل شهر عطر بعد وايد ونفس الشي المكياج هل بتشتري كل شهر مجموعه المكياج كامله من روج وشدو وكريم اساس وكحل ماظن ممكن تشتري واحد من هالاشيا كل شهرلان المكياج يطول لين يخلص وتشتري غيره انا روحتي للسوق كل اربع خمس شهور واشتري لي مجموعه بلايز وتنانير للعمل ومجموعه لبس للبيت وكم عطر يقعدون معاي شهور والحمدلله اوفر من راتبي |
والله يا اخي كلنا نبغى نكون احسن البنات
والزوجه صدق اللي ماتتعب زوجها وبعدين لساتني انتظر تفسيرك للسطر اللي انت كتبته لما قالت خذ الف وعطني الباقي لأن فيني كلام بأنخنق به |
يااخى لا والله ماتحط ببالك لانها تتطلب منك انها ماتحبك لا والله بس يمكن تكون شوى من النوع المدمن على التسوق
واللى يحاول يظبط نفسه ولكن لايستطيع وهذا علاجه بالتقنين وليس الحرمان من الزيادة يعنى اعطيها مثل ماقلت قبل واتفقا لا زيادة على ذلك واحيانا مثل ماقلت ايضا من قبل تطرأ ظروف تستدعى الزيادة والحاجة لاكثر لانى والله احب زوجى جدا جدا واقدر تعبه ومايبذله من جهد وعناء ولكن قد تتطرنى الظروف او يمكن الرغبة التى قد تسيطر علينا فى التصميم على شراء شئ ما يحتاج لطلب مبلغ اكبر من الزوج لاتفسر ذلك بعدم الحب والتقدير ولكن ساعدها على التعود على ماترغب انت به دون الحرمان |
اقتباس:
اقتباس:
أنتم تقولون مو كل شهر لأنه كثير هالمبلغ هذا كم بيجيب لك قطعة ؟ كم بيجيب عطر حسستوني إني أبالغ مره |
والله زوجي ما يعطيني شي احيانا اجلس شهرين بدون مصرووف
اخر مره عطاني والله خمسين رياااال اقسم بالله مع ان ماعندنا اطفال وزوجي حالته الماديه كويسه ومع كذا راضيه |
انا آخذ 1000ريال واسدد جوالي كمان واوفر منها حتى المناسبات اشتري الهدايا منها اذا كانت تخص اهلي اما اهله هو يشتري فاظنها كفاية اذاكانت لطلباتها الشخصية
|
أقول لك من شارك في هذا الموضوع و ساهم بإدلاء رأيه من إخوان و أخوات مشكورييييييييييييييين والله يبيض وجوهكم يوم تبيض وجوه و تسود وجوه و يرزقكم السعادة بالدنيا و الآخرة و بحياتكم الزوجية
و ما قصرتو والله يعطيكم على قد نيتكم |
اقتباس:
الموضوع إني كنت أتناقش معها بهذا الشأن فاللي أنتهينا منه هو أنها قالت خذ لك ألف ريال من الراتب من غير تسديد الأقساط و عطني الباقي و راح يكون عليها كل شي ؟؟؟ الفكرة حلوة بس مابي أتوهق على الفاضي ثم عاد أتوسدها عدل :29: |
اقتباس:
معليش يمكن اخرع لأن سالفتك مثل اخوي العسل راح يعطي زوجته 1000 بس يا حزرك هو كم راتبه ؟ 2500 فقط لما قلنا له الف كثير يا رجل عليها وهي مو مسؤوله حتى عن فاتورتها قال كيفي! صرنا متدخلين يعني في حياته قلنا طيب فخار يكسر بعضه ماعلينا تفاجأنا فيها هي ( الأصيله جدا ) تشتكي منه ماديا تقول الف ما تكفي وهو يضيع باقي الفلوس ... طيب وانتي كيف تصرفين الالف ؟ شي تمشيه شي لبس شي مكياج وعطر ولازم شويه لأهلها طيب انتي شايفه راتب زوجك بسيط قالت مو مشكلتي!!!!!!! قولوا له يعطيني الراتب وانا اعطيه مصروفه!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!! ( عشان كذا انا ولعت ... مدري وشفيكم يالرجال عادي عندكم هالكلمه؟ ) ( انا لو زوجها والحمد لله اني مو زوجها.. كنت حرمتها تماما من المصروف ولا عاد في سوق الا بالعيد .. وميتين ريال ماغيرها عشان ثاني مره تتعلم وتحترم نفسها) طبعا كانت مدرسه واستقالت لما تزوجت ... من باب علي وعلى اعدائي علشان لا تساهم في شي!!!! مع ان ما احد طلب منها ريال يعني جهزت الدوا قبل الفلعه !!!وهي اللي خسرت بحسدها ياربي لك الحمد محد خسر الا هي طلعنا عن الموضوع الحين زوجتك مو عارفه تدير الف ريال تقوم تعطيها مدري كم ؟ وتقول انا الربحان ؟ الله يصلحك انت يبغالك فورمات على قولة وحده من الاعضاء في موضوع اخر --- يا حلاة الشرح .. لا.. اعرف افهم زين:d عموما ... بدك الحكي المزبوط ... خل راتبك بجيبك واذا تحب تمارس معها سالفة شد الحزام وان اذا خلصتي راتبك مالك غيره وتتمشون في البر او البحر بدون مجمعات...فهذي كلها ادويه ممتازه لكم واذا رح تظل تتأثر بالبكا والدموع وكل الفلانيات قالو وسووا وهي وراهم وما تكون حازم معها ( و4000 في العيد :23:)... عز الله ما بترتاح ابد اخيرا ... انت المتضرر وانت اللي بيدك الحل كان الله في عونك |
صباح الخير
انا لما قريت انك تعطي زوجتك 1000 ريال بديت احقد على زوجي
خخخخخخخخخ:d الحمدلله انا راتب زوجي اللهم لاحسد14 الف ومايبقى لنا منها بعد تسديد الاقساط وماشلة البيت والفواتير الا 2000 ريال مصروفي مايتعدى ال500 ريال..... يكسر خاطري من هالمصاريف الي عليه مرات والله استحي منه اخذ هالمصروف لكن شسوي انا ماعندي شغل ولا اقدر اطلع لنفسي مصروف الحمدلله على كل حال عندي اقعد بالبيت طول الشهر ومااطلع الا مره ولا اشوف زوجي مديون او داق باب احد يسلفه وربي لو نفللللللللللللللللللللس حدنا اظل ساكته وابتسم له بوجهه واقول له حبيبي ماتضيق الا تفرج واصبر فيه وانا قلبي محروق من داخلي الحمدلله كنت عند اهلي مدلله وطلباتي مجابه ابوي كان يعطيني مصروف2000 ريال والحين اخذ من زوجي بس 500 مااقول ان الماده ماتهمني لكن فعلا عندي امل ان رب العالمين بيفرجها علينا ويارب يرزقنا ويرزقكم من فضله ياااااااااااارب قول امين بصراحه اخوي اسمح لي لو وصل راتبك مليون وانتو على هالحاله عن جد ماراح يجي اخر الشهر الا وحسابك مصفررررررررررر |
1000 مو قليله ولا كثيره يعني تكفي لو حسبناها انها لما تطلع لوحدها راح تصرف منه
واحتياجاته من عطور ومكياج وملابس منه ولو مشتركه في جميعه والا شي توفر منه ولو مر عيد والا مناسبه يمكن منه ولو تبي تتصدق او تشارك في اعمال خيريه منه ولو احد من اخوانها والا صديقاتها تبي تتسلف منه ولو عندها احد تبي تهديه منه ولو تبي تروح الصالون منه ببس كيفها ذا مصروفها بس انت قلت وزياده يعني هي تقدر من الـ 1000 تسوي كل الي عددتهم ولو وفرت منه كل شهر بتقدر تجمع ويصير عندها مبلغ بس الزياده لييييش !؟؟!! برأيي لك هالـ 1000 عجبك والا محرومه منه ويكون احسن بعد كسبت الف زياده عن كل شهر |
زوووووووووووووج توتي
انامتزوج من سنتين واذااستلمت الراتب اعطيها 1000 والباقي اعطيها علشان تحتفظ بيه علشان انا ماتحمل اي حاجه ابغاها اخذها بدووووووون اي تردد مهما كان سعرها وهذه مشكله بحدذاتها واحنا مبسوطين بالنظام هذا |
الف وتبي تزودها.
ياعيب الشووم والله... لا ترخي لها الحبل وتفشح عليك، انتبه لعمرك الله يهديك. وقت الضروره اعطيها عيوني موب الف ولا الفين ، اما كل شهر اعطيها الف وتبي زود، والله لو اني اسحب من البحر ، و والله لو اني اسحب من البحر ما اخليها تلعب وتخربط با الدراهم على راحتها،وبعدين انت وش دورك با البيت اذا شفت شيء خطأ جالس يصير ببيتك، وجه وانصح وعدل،واذا مافاد اتخذ قراراتك ولا تلتفت لأحد. ترى الي جالس يصير لك خطأ، ولايحتمل، مرتي على عيني وعلى راسي، ولكن وقت الخطأ مااعرف الا الحق، والحق يمشي علي وعليها وعلى كل شيء بحياتي، مانيب مستعد اخرب مرتي با البدايه وثمن اكل هوا لمن يتطبعون بطبايع ست الحسن امهم. انا ما اقولك صير بخيل، البخل مذموم شرعاً، والله سبحانه وتعالى كريم ، ولكن الفرق بين الكرم والاستغفال والاستغلال والدلاخه(اسمح لي) شعره، لابد انك تعرفها وتخلي ها الشعره واضحه وضوح الشمس لها وتعرف وش تصرف فيه وتعبي طول الشهر وش رايح فيه. اياني واياك تصير بخيل،،،، انتبه ترى تخرب حياتك والله. الحل وانا اخوك،،،، حدد لها مبلغ شهري معين يناسبك ويناسبها ، ويناسب مصروفك الشهري قبلكم كلكم، وتسوي فيه الي تبي ، تتسوق تشتري تحرقه تسوي فيه الي تبي، موب عيب لو تزودها كم قرش في وقت المناسبات كمشاركه لا اكثر ولا اقل ، افهمممم كمشاركه فقط ، موب تكد على خرابيط مالها سنع. استغفر الله يارب، تستفزني ها المواضيع. الله يوفقنا ويوفقك. |
يعني هو الزوج لا يستطيع أن يقول كلمة لا؟؟؟ هل هي صعبة لهذه الدرجة؟ أنت عودتها تأخذ ما تريد و تحمل العواقب . أخي أعطها الألف ريال و لا تزيد و خليك متمسك برأيك. ما دمت غير مقصر خليك وسط و لا تلن كثيرا. ثم عليك أن تتدخر بعض المال لنوائب الدهر أخي. لو كانت زوجتك واعية و مسؤولة لقالت لك إدخر بعض المال. لا يوجد شئ أصعب من أن يأتي آخر الشهر و الرصيد صفر, لا قدر الله في حالة مرض ماذا ستفعل و من أين ستأتي بالمال.
|
| الساعة الآن 10:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©