|
زوجي يحطمني !!
السلام عليكم ورحمة الله وبركاته......
سبحان الله ماأدري الدنيا ماشيه بالمقلوب ولا البشر معكوسين ...... بمعنى ....اذا ربي رزق الرجال زوجه قمة بالتفاهم ....العطاء ....الحب اللامحدود التضحيه .....الرومانسيه .....صار الزوج بذئ اللسان ....الرومانسيه شرق وهو غرب النوايا السيئه ....الانانيه في المشاعر ...التحطيم .....عذبي نفسك عشاني ولا تقصرين وانا على حسب المزاج ..... واللي رومانسي .....حنون ....معطاء...كريم في الحب ....والمشاعر .....والتفاهم يرزقه الله بـ زوجه تكون هي رجل بشكل انثى ....... وهذهـ هي حالي طبعا الاولى:d والله ليس مدح في نفسي ولكن هذا ماأعيشه الرجال اقتلبت حياته طايح فيني تحطيم تهزئ ....ليه عشان انقبلت في الكليه زوجي من النوع اللي يكرهـ ان اكون متميزهـ عنه دائما يقول ماأحب اعدد مميزاتك ولا التغيير اللي سويتيه في حياتي عشات ماتصابين بالغرور ....قلت بالعكس عشان ازيد لك بالدلال مع اني ولله الحمد اعرف اني غيرت بـشخصيته مايقارب 80% للأفضل ولكن عندهـ جحود فظيع ....صاير هاليومين مايتحمل مني ولا كلمه ...صرت اتجنب الكلام معه بس انفذ اوامرهـ .....صاير يتمسخر علي من ناحية الكليه ويكسر مجاديفي يقول ماراح تنجحين مصدقه نفسك السنه هاذي طبعا انتساب وان نجحت ابغى احول انتظام يقول هذا بعدك ... ماني مستعد مشاوير الصباح والظهر قلت اجيب سواق قال لا لا ..... وليه رجعتي تدرسين لاتكوني راح تتوظفين حلمي ....ياناس انتحر .... واللسان بذئ ...المزاج عصبي .....كل يوم منزل دعوهـ آخرها اليوم الله ياخذك عشان مريت من قدام التليفزيون وهو يطالع الاخبار ...عندهـ صفه غريبه اذا صرنا جالسين ناكل ومديت له شي على بالي رومانسيه يقول شبعت ...خلاص ماأبغى ذاك اليوم نتعشى مديت له زيتونه قلت آخر حبه للي تحبه اخذها قلت ياالله ماتوقعت ياعمري انك تاخذها تصدقون رجعها :(قال عشان تتأدبين هل هذا الموضوع يستحق التأديب ....لاتقولين ازعلي مشكلتي مااعرف ازعل وهذا الموضوع هو اللي عطاهـ الضوء الاخضر انه يتمادى على مشاعري يعني حتى لو غلط علي اجي انا اراضيه والله ثم والله انني لاادعي الكمال ولكن هاذي شخصيتي ....اعرف شخصيه غبيه بس ايش اسوي مع هذا احبه ولاابغى ازعله ..... كيف اتصرف معه ....تحطيمه .....تهزيئه....كسر نفسيتي من اجل الدراسه هذا وانا لسى مادوامت انتظركم لا عدمتكم .... |
حاولي تتا قلمين مع اسلوبه صح صعب عليك لاكن هاذا اللي تقدرين تسوينه لانه طبعه ماراح يتغير راح يمل من نفسه وطريقته ولابد يجي يوم ويتغير هاذا الكلام عن تجربه 0بالنسبه لدراستك قاومي ولاتعطينه فرصه يخليك تتركينها باسلوب طيب مرن وتحملي مهما ابدى من تذمر 0لاتخلينه يكسر مجاديفك 0ياما تعبت في سبيل شهادتي الجامعيه وهو يتطنز علي ويقول مصيرك للبيت وحتى بعد ماتخرجت يعايرني ويقول وش استفدتي غير التعب وانا ارد واقوله اقل شي ادرس عيالنا ماحديتهم لاحد00والله يهدي زوجك 00
|
لاتزعلي ولا تنهمي وامضي نحو هدفك وطموحك بخطى ثابته ولاتجعلي كلامه وتصرفاته تأثر عليكي
ومادام زوجك من هالنوعيه لازم تصبري وطنشي حاولي بيني له ان هذا الكلام لن يثنيكي عن تحقيق حلمك واذا في مجال حاولي تفاهمي معه بهدوء ولطف. والله يصلح حال زوجك |
اذا انت اكرمت الكريم ملكته واذا انت اكرمت ال000تمردا
|
يمكن زوجك يمزح .. تعرفين مزح الرجال وش ملحه بعض الاحيان ..
واذا كان مايمزح صارحيه بهالشي .. انك تفرحين اذا مدح شي فيك .. وكللل شي بخاطرك .. ويمكن انتي تقولين اشياء تضايقه مثل (لولا الله ثم انا ما صرت كذا او ما وصلت لهالمراحل) ترا الرجال مايحبون تمنين عليهم بشي .. حتى لو كان بسيط .. بعدين شكل زوجك معجب فييييك مره ويغار منك بعد .. ويتمنى يوصل مثلك .. يمكن تعليمه قليل .. ومو واثق من نفسه .. انتي دورك انك تنمين فيه الثقة بالنفس .. وتعززين قدراته الزينه اللي فيه وتتغاضين عن الاشياء اللي مو حلوة فيه .. الله يسعدك .. : ) |
معليش كنافه
أعذرني مت ضحك على سالفه الزيتون .. لي عوده .. أبفكر لك بحل ... |
حبيبتي زوجك يحبك تكوني ضعيفه ومكسوررره له
لكي يرضي شي بنفسه والله أعلم’’’’’ بس انتي حاولي انك تبيني له انك ضعيفه ماتعرفي تسوي شي بدونه وحاولي تستشيرينه وانك ماتعرفي تتصرفي من غير رايه ولا تحاولي تنتقديه والزمي الصمت وتجاهله فتره صدقيني راح يحس بتغيرك ويحاول يلفت انتباهك بموضوع او اي شي وسياست الصمت تضع الرجل بحيره والله يوفقك |
كنافة يابعد الدنيا
بما انك غيرتيه للافضل ماتزعلي مني غيري من نفسك انت للافضل باسلوبك هذا خليتيه يتمادى معك وشو اذا زعلك تراضينه بتجننيني انت ولا ايـــــــــــــــــــش ازعلي منه واثقلي عليه خليه يحسب لكلماته وزعلك الف حسااااااااب واصمدي لحلمك وعاتبيه لتحطيمك وباين عليك على نياتك وهو نفسه بخشمه من سالفة الزيتونة استغلي الوضع بما انه اكلها افرحي وراعيه ترى الرجاااااااااااال تفكيرهم طفولي بحت علمينا وش سويتي لا تجين وتقولين ما اقدر ترى بكفخك |
حبيبتى كنافه طبعا اول ماقرأت عنوان الموضوع قلت طبعا كنافة بالنهاية راح تقول انو مو هى المقصودة وراح تكون قصة من قصصها :dلكن هادى المرة لك انا بصراحة مانى مع الراى اللى يقول عاتبيه واغضبى منه ولا تسمحيلى والاشياء دى لانى اشعر واوافق ماقالته صاحبة هذا الراى جزاها الله خير
[quote=KOLK_ABOD;2282804] حبيبتي زوجك يحبك تكوني ضعيفه ومكسوررره له لكي يرضي شي بنفسه والله أعلم’’’’’ بس انتي حاولي انك تبيني له انك ضعيفه ماتعرفي تسوي شي بدونه وحاولي تستشيرينه وانك ماتعرفي تتصرفي من غير رايه ولا تحاولي تنتقديه والزمي الصمت وتجاهله فتره صدقيني راح يحس بتغيرك ويحاول يلفت انتباهك بموضوع او اي شي وسياست الصمت تضع الرجل بحيره والله يوفقك[/quote |
اطيب كنافه بالدنيه
ما انتي كنافه يا قلبي كيف يقول مش طيبه مين ما يحب الكنافه ولو كانت كنافه كذاااابه انما طيبه حبيبتي اهم شي ما يأثر على اعصابك ثم ما يكسر من مجازيفك ابقي مبتسمه صامده ثم هو اخذ الزيتونه من يدك ما كان لازم تقولي :ما كنت متوقعه المفروض تقولي :جبيبي اخذ مني الزيتونه انتبهي وحافظي على ابتسامتك حسبت انو زوجي تزوج عليي كنافه وصرتي ضرتي ههههه الله يصلح الاحوال |
اقتباس:
هههه حرم ..اكيد كنافه قبل لازوجها يحط الزيتونه بــ فمه !! إسإلته ...لذيذه؟؟ عشان جذي ..عصب !! قال..لايكون انتي مسويتها ..ولا طابختها!!! كنافه حاولي هاليومين تصيرين له (حلبه) .. بدل كنافه .. عشان يجرب مرارتك شوي!!! |
يا كنافه اصليه
انت كل ما جا كلمك وينزل من عزيمتك قوليله الفضل لله ثم الك اني وصلت للي وصلت له لو لاالله ثم تشجيعك و صبرك و وقوفك جنبي و ان شاء الله باستمرار تشجيعك لي الله بيوفقنا و كلميه انك بتفكري تشتغلي حتى تحسنو مستواكم و تشترو بيت و تاثثوه و لمستقبل الاولاد و انك حتكوني جدا سعيده و انت دايما بتتكلمي عنه امام القريب و البعيد عن تضحياته ووقوفه جنبك و الكل حاسديكي عليه و كل ما جا يحطم قوليله يا بعد عمري اليوم كلمتني و انت تعرفي مقدمات التنكيد و كسر المجاديف و كسر النفوس من طريقه تنفسه و نظرته قوليله كلمتني ام فلان ولا فلانه و مدحت فيك وقالت ياريت زوجي مثل زوجك و قعدت احصنك و احصن نفسي انفخي فيه شويتين هو حيمل ويسكت لا تبينين له انك مستغنيه عنه و انك شايفه نفسك عليه هو خايف انه دراستك حتغيرك عليه هذا هو كل الموضوع دايما اعطيه تطمينات انك انت نفسك ما راح تتغيرين |
وانا كمان توقعتها قصه لأحد ثاني استغربت انه زوجك
اما لو يقول لي زوجي الله ياخذك لأني مريت قدام التلفزيون والله لأتحطممم اخس تحطيم وهو بعد بيطيح من عيني وماتزعلين يوم عطيتيه الزيتونه واخذها وعلقتي انتي غلطانه كان سكتي لأنه اكيد يعرف ان فيه طبع مو حلو وعشان كذا انتي علقتي فأحرجتيه وجددتي احراجه قدامك مالها داعي تعلقين علقي بينك وبين نفسك زوجي من النوع اللي ما يحب يعلق شي في السياره عند المرايه بس لقيت سبحه كريستال وكانت غالـــــــــــــــــــيه وتجنن قمت عطيته اخذها وهو مو مقتنع بس اعجبته وعلقها قمت قلت غريبه وافقت اعرفك ماتحب تعلق تدرين وش سوى شالها بقوه وحذفها علي وعصصصصصصصصصصب قال يوم انك ماتبغين تعطيني اياها بلاش من الاول وبدون تعليقات ناس ماتعرف تهدي!!!!!! هذي اول شهور زواج سواها لسا واحنا في وسط الدلع سواها وحرممممممت اعلق على اي شي خلاص اذا تغير وسوى اللي ابيه الحمد لله ... اجي انق عليه بعد ولا ابيه يعصب! اما اذا علق وقال انتي متميزه ولا ابيك تغترين ووو قولي يا حبيبي لا تقعد تعلق علي لأنك انت اللي اخترتني فأنا دليل على ذوقك في الاختيار لما تجي تجرح فيني انت جالس تجرح في نفسك يا غناتي وبعدين انا ايش دونك انا ما تميزت الا منك ولك وبك وفيك انا من دونك سلطه ومن هالكلام اكيد انتي شاطره وماعليك خلاف وبالنسبه له اذا زعلك وتراضينه ترى كذا ماعاد يقدرك ابد اثقلي يابنت وحسسيه بغلطه مو تخاصمينه شهر بس بلاش ريق حلو لحد ما يحس ويراضيك والدراسه لا تستهونين فيها ( انا بعد رجعت ادرس وانتساب ) واذا مصخها بالمره عليك وقال مثلا حلمك تتوظفين قولي اذا ماعندك كلمه حلوه بالله نقطنا بسكاتك ( انا اقول كذا اذا هو مصخها ) |
الاخت العزيزه كنافه كدابه
انا مصريه ومش عارفه يعنى أيه كنافه كدابه!!!!!!! المهم انتى عندك اراء الاخوات وكلها اراء تحترم طبعا بس برضه انا لى رأى مختلف شويه الاول: ايه اهميه انك تحولى النظام الدراسى من انتساب لانتظام( أيه الفايده اللى هتعود عليكى ) وجع قلب ومرمطه وحرق دم ومشاوير والراجل بيغلى من طلعاتك ........احب اعرف ايه سبب رغبتك فى تغيير نظامك الدراسى التانى: جوزك بيحبك جدا جدا جدا لدرجه ان ضعفه بيبان عليه هو يا حرااااااام خايف شايفك ماشاء الله عليكى تفوتى فى الحديد ......يا حرام عامل زى الارنب كمشان فى جلده خايف تضيعى منه او تشوفيه انه مش قد كده فبيعوض ده بالزعيق وكتر الكلام اللى مالوش لازمه التالت: ماينفعش جوزك يقولك ربنا ياخدك عشان اى سبب وتسكتى وبرضه ما تولعيهاش حريقه يعنى انتى ست العارفين ........اكيد تعرفى تردى كويس الحلول قولى له انا بس عاوزه اعرف مبرراتك فى انك مش عاوزنى اكمل الدراسه انتظام.......اسمعيه للاخر وقولى له كويس انى فهمت وجهه نظرك بعدها بيوم قولى له والله انا لما سمعنا بعض بهدؤ لقيت انك عندك حق الانتساب افضل موضوع الشغل انتى اكيد ما اتفقتيش عليه من اول جوازك معاه عليه.....ازاى عاوزه تغيرى رأيك دلوقتى ........يعنى اسفه هو واخدك ثانويه مش متخيل طبعا انك هتاخدى الدكتوراه وانتى معاه ......وده غلطك انك من الاول ما اتفقتيش معاه انك هتكملى وتشتغلى وانتى فى بيته ماتزعليش منى ...... احنا زى ما بنطالب الراجل بالصراحه من اول الجواز فى طلباتهم وحياتهم واحنا كمان كستات لازم نعمل ده ما ينفعش ندخل بنيه عالراجل وبعدين نغيرها. كونك غيرتيه ده عاااااااااااااااادى جدا وطبعا عمره ما هيقر بده بس يكفيكى نظره اعجاب من اهله به بعد وجودك ......يعنى هو كمان اكيد غير فيكى كنافه خليكى عاقله ده انتى ست الناس ما تكبريهاش واذا عالزيتون يا ستى ما تكبريهاش هو طفل عيل والله بيحبك والله........تخيليه ابنك هتلاقى تصرفه طبيعى جدا... يعنى انتى يا امى ما كنتيش متخيله انى هاخدها طاب مش واخدها أهه بقى _ انتى متخيله يمكن عاوزك تقولى له وحياتى عشان خاطرى ماراح عيدها ........اى دلع وكده ربنا معاكى وادعى لاولادى ربنا يحفظهم من شر كل ذى شر ويرزقنى برهم ويرزقهم برى |
يا عمري عليك و الله ما تستاهلين الصراحة
بس أنت عودتيه على أشياء ما هي حلوة يعني مثلا ليش ما تعرفين تزعلين و ليش تراضينه و هو زعلك غيري طبعك بس مو مرة يعني هيك و هيك إسمعي نصيحتي و أنا جدتك < زوجك على ما عودتيه و إبنك على ما ربيتيه > طبقي كلامك و شوفي النتيجة |
أتمنى التوفيق لكم بحياتكم
لعلنا نجمل الأسباب المحتملة فيما يلي: إذا كان الزوج بيتوتي فالأمر عادي جدا والحل لاتكثري الجلوس معه واشتغلي بما يخصك حتى يدعوك هو ممكن فترة زواجكم لها سنوات فيكون الملل قد دب في حياتكم فحاولي أن تستخدمي نفس الوصفة الأولى(حلوةروشتةطبيب) معذرة قصة الزيتونة فيها وضوح تام وجود الملل لديه وإثبات لبيتوتيته |
سبحان الله ..
رغم ذلك اجد بعض الردود تتعاطف مع زوجك . والله ناااس غريبه . لا يعجبهم العجب ولا الصيام في شهر رجب والله انك صادقة في بداية كلامك .. الله يكون في عونك .. لا تضعفي امامه .. وكوني قويه وفي نفس الوقت .. لا دعاء عليك قولي ( الله يسامحك ) .. وفي وقت النوم دائما الرجل يكون ضعيف .. قولي له .. ليش تقول اليوم كذا و كذا انا مو زوجتك .. انت الحين كيف تبغى تنام وفي نفس الوقت انا تعبانه من كلامك القاسي ربي وياك ومعاك |
الله يعينك يالغاليه ..بصراحه انا مدري زوجك هذا ليه مايتمنالك الخير؟؟ الله يهديه بس
وانا اشوووف انك تكلمينه تفاهمين معه ع الوضوع ع العموم الله يوفقك في دراستك ويسعدك في حيااتك تحياتي |
اقتباس:
لابد ان نتعاطف او نحط احتمالات لانك تسمع راي من طرف واحد للي تحبه اخذها قلت ياالله ماتوقعت ياعمري انك تاخذها تصدقون رجعها قال عشان تتأدبين خخخخخخخخخخخخخخخخخخخخ اتوقع اسلوبك معاه انتى حطى نفسك فى مكانه بالموقف هذا اكيد بتزعلين بالعكس ماشوف من كلامك شى عادي طبيعى ولو فعلن مايبيك تكونين احسن منه ماخلك تدرسين وتكملين ووقف اشياء كثيره فى وجهك لكن اانا الى اشوفه انتى المفروض تعدلين من نفسك ودليل تتباهين بتفوقك وبالعربى تمنين عليه يمكن اختى ماهو كل يوم مثل امس ولا الشهور مثل الشهور ولا السنين مثل الاسنين الحياه متقلبه ولانسان بكل يوم متقلب فمابالك بسنين وشهور يرزقه الله بـ زوجه تكون هي رجل بشكل انثى ....... وهذهـ هي حالي طبعا الاولى والله ليس مدح في نفسي ولكن هذا ماأعيشه الرجال اقتلبت حياته طايح فيني تحطيم تهزئ ....ليه عشان انقبلت في الكليه زوجي من !! النوع اللي يكرهـ ان!! اكون متميزهـ عنه!! دائما يقول ماأحب اعدد مميزاتك ولا التغيير اللي سويتيه في حياتي عشات ماتصابين بالغرور ....قلت بالعكس عشان ازيد لك بالدلال مع اني ولله الحمد اعرف اني غيرت بـشخصيته مايقارب 80% للأفضل !!!!!! ولكن عندهـ جحود فظيع ....صاير هاليومين مايتحمل مني ولا كلمه ...صرت اتجنب الكلام معه طبعأ جحود خصوصأ اذ كنتى تتباهين بتفوقك وتغير حياته ولولك ماكان هو !! اختى حاولى تكونين طبيعيه معاه وتبعدين الامور هذاي وخلى اى خطوه تخطينها بنجاح او اى عمل ( تقولين لولا الله ثم أنت ماسويت كذا وتشكرينه ع كل فعل حطى بعينه انه هو الى يصنع لك الاشياء وهو الى يميزك بكل لامور ) اذ كان نوع زوجك مايحب احد احسن منه ع قولتهم :) والله يوفقك معاه |
صباح الخير
بصراحه الخوات كفو ووفوا
وماشاء الله احسك حبوبه مره ومن النوع اللي قلبهم ابيض بزياده احس اني حبيتك احسك من الناس الطيوبه البشوشه يابخته فيك ... ياوخيتي حلو انك من النوع الي مايشيل بخاطره حلو انك تدورين رضاه..... لكن دورتي رضاك؟؟؟؟؟ من تواضع لله رفعه...... لا تكسرين من نفسك ولا ترفعين من نفسك فووووووووووق خليكي متواضعه ولا تكثرين الكلام بنفسك خليه هو الي يمدح فيك... ولا تجيبين طاري الكليه كثير حتى لو بالك مشغول فيها.. ويارب يهنيكم |
ذكريه بالله المنتقم
اختي ذكريه بان الله منتقم وذكريه بانه يوم من الايام راح يصيرله بنت يقبل زوجها يعاملها كما يعاملك وقولي له الدنيا دين لابد ان تسدد الدين يوم ما
|
اقتباس:
اسعدني مرورك ..... |
يُغلـــــــــــــــــــــــــــق !!!!!
|
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©