|
إستفسار عن المراكز التجاريه في الرياض
السلام عليكم ورحمة الله وبركاته ودي استفسر منكم انا مسافرة الخميس بأذن الله وبمر الرياض وابغى اتسوق هناك وابيكم تدلوني على المراكز التجارية يعني محلات تكون فيها فساتين المناسبات محلات ملابس الاطفال واتمنى يكون فيه مركز تجاري فيه كل شي بدل الحوسة اهم شي تكون على الطريق ما ابي ادخل داخل مدينة الرياض واكون لكم شاكرة عفواً تم تعديل العنوان ليتضح المضمون.. |
فيه مركز غرناطه
الدائري الشرقي مخرج 10 على الدائري مباشره |
حياة مول و صحارى
مررررررررره حلوين في شمال الرياض |
سلام مول الدائري الغربي في أشياء مرة حلوة بس أسعارهم بعض الأحيان شوي غالية
العليا مول : أسعارهم حلوة الرياض الدولي بعد حلو : البديعة رويال مول : طريق الملك عبدالله و حياك الله يوم الخميس معزومين على العشاء عندنا في إنتظاركم |
مشكورين خواتي فيافي نجد والوان جداوية مشكورة على العزيمة من طيبك بس انا جاية من قطر ابغى شي يكون على الطريق عشان ما ندخل داخل المدينة العام كنت مسافرة ومريت بالرياض و شفت ماكس هل فيه اشياء حلوة ماكس؟؟؟؟ |
حياة مول احسن شي
|
ماكس تلاقي فيه للاطفال
لكن فساتين السهرة ما راح تلاقي فيه فساتين السهرة تلاقيه على الطرق السريعة رصت اسواق جنب بعض حياة مول - الاندلس - العليا مول وهي على الدايري الشمالي |
شكلك بتجين من طريق خريص
ماكس هذا اجهزه كهربائيه فيه قبله العثيم مول على نفس الطريق كبير وفيه محلات اللي تبغين وفيه محل يبيع اغراض صينيه حلوه وموجوده الا فيه بالرياض |
احسن شئ المركز الكبرى مثل حياة مول وبجانبها صحارى او الرياض جاليري
|
الحلة :D
أمزح ___ فساتين ممكن نشوفي مجمع الموسى متخصص كله بالفساتين بجانب الفيصليه صحارى بتاع كله والعليا مول وحياة مول كلهم عند طريق الملك عبدالله اطفال سيتي مكس عند مخرج 14 سيتي بلازا بجانب غرناطة وبكل مكان بتلاقيهم يعني مافي مكان ماراح تلاقيهم فيه |
بصراحه يا كثر اسواق الرياض انا غبت عنها سنه الا مليون سوق فاتح :)
عموماً اذا تبغين فساتين عندك رويال مول اقمشه وموديلات حلوه وصحارى هذا عالم آخر كل شيء تبينه موجود فيه ولو مليتي منه تقدري تمشين رجليه لصحارى بلازا جنبه وحياة مول بعد عشان كذا مالك الا تدخلين جوا الرياض اذا حابه تختصرين الجهد |
والله ما قصرتو يالغاليات ايه اختي فيافي ان جاية عن طريق خريص عشان كذا اقولكم ابي شي على الطريق دعواتكم لنا بتسهيل السفر الله يجزاكم كل خير حبيباتي |
هلا عيوني الهدى ويامرحب بقطر واهلها عندنا شوفي اذا تبين فساتين زواج هو محلين متخصصه هنا عندنا بهالشي الحياة مول الدور الثاني بجنب نيو لوك كلها ملابس زواجات وفيه مجمع الموسى بالعليا الدور الاول فساتين سهره اما ملابس الاطفال كل مكان تلقين فيه يعني برايي تروحين الحياة مول لان فيها طلبك وعلى طول بس قطع شارع تلقين صحاري مول وكمان صحاري بلازا(بصحاري وبصحاري بلازا تلقين ملابس اطفال كثيره) |
هلا والله بالندى تسلم عيونك يالغلا ما قصرتي انتي وكل البنات الله يجزاكم الخير وين ما كنتو |
يُغلق للإكتفاء بالردود..
|
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©