|
استفتاء ماذا تفضل زوجتك او المبارايات الرياضيه
السلام عليكم ورحمة الله
الى جميع اعضاء المنتدى ارجو منكم التفاعل بالاخص الرجال هل تفضل مشاهدت المباريات الرياضيه على زوجتك؟؟؟ ولمــــــــــــــــــــــــــــــــاذا؟هل يجب على كل رجل في الدنيا ان يكون له فريق يشجعه؟:18:؟ هل المباريات من مكملات الرجوله في مجتمعنا؟:21:؟؟؟؟ سؤال اخر انت تشجع اي نادي؟؟:17: تقبلو مني تحياتي |
زوجتي مع اني احب الرياضه جدا
يعني لو زوجتي اتزينت واجتلي باثناء المبارة بترك المبارة واذا كان الها مشوار بروح معها وبترك المباره ليش مش عيب
|
اقتباس:
يعني لو جتلك من غير الزينه راح تطنشها؟؟ وتتابع المباراة؟؟:25: |
مافيه مقارنه
|
لا تعليقiii
|
المباراة اولى خصوصا المباراة الجاية بين مصر والجزائر
لازم زوجتي تقدر اننا احب الكورة مثل مانا مقدر انها تحب الموضة |
اوووووووووووبس
اقتباس:
بصراحه رد دبلوماسي:d......... |
بصراحه أنا أشوف جارتي تعيش بمعاناه وقت المباريات لحب زوجها الشديد لمتابعة المباريات
علشان كذا أقول الحمد الله زوجي مايحب المباريات ولاعمره تابع مباره |
ما هذا الكلام
هل هداك الله توجد مقارنة من الأصل هل من الممكن عمل مقارنة تجمع هذا الشيء انا في منتهى الغضب لأن هذا ... إمتهااااان واستخفاااااااااف ولا يمكن وضعه هنا هذا منتدى محترررم كيف يمكن وضع شيء كهذا المباراة طبعاً.. أختي الكريمة الموضوع ليس بعمومه هكذا أعتقد أن الوضع والظرف والحالة النفسية لها دور كبير جدا هنا فالزوجة قد تترك زوجها وتنفر منه لأجل شيء بلا قيمة كمسلسل أو ماشابهه لوجود حالة نفسية معينة والرجل كذلك قد يترك زوجته لأاتفه مباراة وأحيانا قد يضيع أهم مباراة من اجلها المهم المودة والتفاهم والعشرة |
والله غريبه هالمقااارنه تأكدي ان الجواب هو الزوجه لكن هل تريدي من الزوج ان يترك هوايته اذا كان من المحبين للكره لأجل انه دخل الحياه الزوجيه انا ارى ان كلا الزوجين يفترض ان لايترك هواياته بسبب الزواج بل يجب ان يحافض عليها اذا لم تكن محرمه انصحك بتشجيع فريق زوجك لكي تكتمل فرحتكم دائما وخاصه اذا كان يشجع (((( الهلال ))) طبعا السعودي وبالتوووفيق للجميع |
ههههههههههه
shark
شاكره لك على ردك ماادري شقولك ...... سؤالي يمكن ماكان واضح كفايه..... في شباب وانت واحد منهم يسوي حالت استنفار عند المباريات بشكل مو طبيعي يأجل كل مشاغله عشان المباراة.. ومستحيل تلقاه يسوي هالشي حق زوجته لو كان مثلا مرتبط معاها بموعد او شغله بينهم؟؟؟ وماشاء الله يعني موضوعي غير محترم او لايليق بالمنتدى ليييييييش؟؟؟؟؟شايفني سابه احد فيه؟؟ عالعموم شاكره لك ردك اخي الكريم. ابو نايف ..... هههههه يا(هلالي) شاكره لك تفاعلك.:d. |
الموضوع ليس بعمومه هكذا
أعتقد أن الوضع والظرف والحالة النفسية لها دور كبير جدا هنا فالزوجة قد تترك زوجها وتنفر منه لأجل شيء بلا قيمة كمسلسل أو ماشابهه لوجود حالة نفسية معينة والرجل كذلك قد يترك زوجته لأاتفه مباراة وأحيانا قد يضيع أهم مباراة من اجلها المهم المودة والتفاهم والعشرة صعبه هذه تنفر منه عشان مسلسل؟؟ (( الا اذا كان مسلسل سنوات الضياع)) :d امزح ولو كان مضيع اهم مباراة عشانها فهذا اقل شي يسويه بحقها.. صح كلامك مايمنع الزواج من ان الواحد يمارس هواياته لكن حلو ان يعطي كل شي حقه ووقته الا توافقني الراي؟؟؟؟؟ |
يعني هل الكوره راح تدخل معاي غرفة النوم وتسوي معاي جو ( رومانسي ) ؟؟
والله سؤال رهيب .. :22: تذكرت اخوي الكبير لمن دخل غرفتي الساعه 11 ليلاً وانا منسدح على السرير خلاص بنام ,, ومقفل الانوار سألني ( بتنام ) ؟؟ قلت له .. لا جالس ارقص !!! يعني مقفل الانوار و منسدح على السرير والساعة 11 ليل و عندي بكره عمل ايش رايك يعني .. !! هذا السؤال هكذا . اما المباراه اهم من زوجتي .. << يمكن عند بعض المجانين اما العاقل ما اتوقع وشكريااا .. :d |
اقتباس:
هههههههه طيب ياخي اعتبره سؤال مجنون.... وبسئلك سؤال عاقل لو كان عندك شغله متفق انت وزوجتك تسويها وطلع بهذاك اليوم مباراة المنتخب؟؟؟ تطلع مع زوجتك ولا تقعد عشان المباراة:30:؟؟؟؟؟؟؟؟؟ |
راح اطلع مع المباراه ... يؤؤؤ
قصدي راح اطلع مع زوجتي |
زوجه طبعا !
مع انها إلى الآن لم تأتي !!! |
بصراحه انا اقولها قبل المباراه بيوم اني بحضر الملعب .. خاصه اذا كانت في الرياض ..
وبصراحه الدعوه تبادل مثل ماعطيها واخليها تروح برضوا تعطيني ويازينك يالعالمي ههههههه |
قبل لا اتزوج كنت مجنونة بكرة القدم...!!لكن عقب ماتزوجت عقلت...!!!
نسيت الكره اذا هي مدوره ولا مربعه..!! لكن زوجي مايهتم بالكره قناااص ...وبس..!! غرامه هالشي!! بعدين وضع الكره عندنا مايساعد ..!! الأزرق ... قووو داااون ....!!! ادري كلامي براا الموضوع بس حبيت أشارك,,,,!!! |
[ناآاني
نورتي صفحتي.. شكرا لمرورك |
ياقلي ليش تخلي نفسك مكان مقارنة مع كورة !!!
انا رأيي شاركي زوجك هواياته لا تخليه يحس انك مصدر ازعاج بالنسبة له وانك ممكن تحرميه من هواياته المفضلة بالعكس شاركيه راح يحس بقربك منه ووقتها يعطيك عيونه اذا يشجع فريق معين انتي اعرفي وقت المباريات قبله واستعدي لها البسي الوان الفريق وحطي ربطات في شعرك وخليك مشجعة وتابعي معاه المباراة وتحمسي احمدي ربك انه يشوفها في البيت مو يروح يشوفها مع اصحابه واذا خسر فريقه واسيه ولاتتشمتي فيه صدقيني راح يشيلك فوق راسه ومع الوقت هو كمان يشاركك هواياتك وفيه احلى من المشاركة في الحياة الزوجية؟ الله يوفقكم |
^^^
جالس اتخيل كلامك و طبقتها في مخيلتي على زوجتي وطعلت النتيجه كالتالي ان زوجتي راح تشجع ( مانشيتر يونايند ) <<< لاني ما اشوف الكوره المحليه اللي تجيب الضغط و السكر وراح تكون لابسه هالطقم http://static.fancydress.com/resourc...t-enlarged.jpg مررررررة كول يازوجتي العزيزه اشكرك على اهتماك يازوجتي قي هواياتي |
انا زوجي بفضل النت علي وعلى ابنه الله يهديه
|
هههههههه
ربي يسعدكم يا مستر سمايل ونفرح فيكم قريباً ان شاء الله بس ها انت كمان شاركها هواياتها مو بس هي ودلعها واشتري لها كل اللي نفسها فيه من الملابس ربي يوفق بينكم ويسعدكم طول العمر |
^^^
جزاك الله خير تمام اني تذكرت عشان اعرف ايش هواياتها بالضبط عشان اشاركها و انمي لها الموهبه ان شاء الله ما ادري يمكن بكره اشوف زوجتي لها هواية في لعبة الكريم http://upload.wikimedia.org/wikipedi...rrom_board.jpg وتخلص بودرة الطفل .. و اشتري لها كرتون من صيدلية النهدي ابتسامه |
شوفي الكورةلها وقت محدد لكن الزوجة معها على طول مابتطير
حطي نفسك مكان الزوج وعندك هواية تحبينها وزوجك مايجيك إلاإذا شافك جالسة على هوايتك كأنك ما أنت معها طول اليوم ماأفتكرك إلا لما أنشغلتي بهوايتك بعدين المباراة كلها ساعتين وتخلص مع التحليل تبعها وأنت معه كل الوقت فما في مقارنة بالعكس أنا ما أصدق ينشغل بالكورة عشان أشوف أموري الثانية وإذا فاضيه أشجع معها وإذافريقة سجل قووووول فيكون لي من فرحته نصيب و ياسعدي وياهناي إذافاز يحتفل بهذي المناسبة وإذا خسر أو حس أنه بيخسر يا خذها من قصيرها ويسكر التلفزيون ونخرج نغير جو ففي كل الأحوال أنا المستفيده :) |
اعتقد أن السيد عاطف رجل يعشق الرياضة ..
راح اجاوبك رغم انه السؤال للرجال لكن بما إني زوجة رجل حياته الرياضة والكورة إذا كان فيه مباراة يتابعها أنا احترم نفسي واتركه لكن إذا كان يوم كروي على قولته ( يعني أكثر من مباراة باليوم ) ماأحاول حتى إني اطلب منه شي لأني أدري راح يسويه لي لكن من غير نفس وأنا ماأحب كذا .. أي رجل أكيد بيقول أفضل الجلسة مع زوجتي بس تراها من باب المجاملة صحيح ممكن مره يجلس معك لكن الثانية والثالثة بيوضح عليه إنه متابعة المباراة أفضل من الجلوس مع زوجته عموماً أنا أشوف إنه كويس فيه هوايه للرجل يلتهي فيها ويغير من روتينه لكن اللي مو كويس إنها تكون شي اساسي بحياته مهما حاول وقال إنه يعتبرها شي ثانوي . |
ون ون ون الأتي نمبر ون:17:
الزوجة العاقلة المحبة لزوجها تشاركه هواياته وتبين إهتماماته بمايحب وتسأله عنها وتتابع معه والزوجة الذكية لاتجعل نفسها في مقارنة مع المبارايات أمام زوجها وتسأله من تفضل؟ أذكر عندما تزوجت كان زوجي مشغوف بلعب الكرة ومشاهدتها لدرجة انه كان يقول لو تقطعي وريدي لترين دمي مكتوب فيه (كورة...كورة) أما الأن فقد زاد الوزن وأصبح يكتفي بالمشاهدة والمتابعة وانا معه وأشجع معه وأصبح يقول لو تقطعي وريدي تجدي مكتوب (....اسمي...) لدرجة انه مرات كثيرة يترك أصحابه في المجلس في الطابق السفلي ويطلع ليشاهد مبارة الكأس معي لأنه يتفاءل بدعواتي ويجدني متابعة معه ومهتمة (مع اني لااحب الكورة ولاأطيق سيرتها ولكن من أجل عين تكرم مدينة) وأجمل لحظة عندما تقبل إعتذاره عن عدم تلبية طلبها بسبب مباراة وتبين له انها تقبل اعتذاره وتشاركه مشاهدتها وتلبس له الوان فريقه أو فانيلة الفريق وتشاركه الحماس والمتابعة وتفرح لفرحه بل وتجهز تورتة بشعار فريقه إذا فاز وتشغل أهازيج الإتحاد عندها يشعر بأنها ملكة قلبه وانها وحدها من يلامس حبها قلبه لأنه تحب مايحب وتفرح لفرحه وتتفهم مشاعره ون ون ون الأتي نمبر ون:17: أما لعبة الكيرم فهذه لعبتنا المفضلة ولكن للأسف داااااااائما زوجي يغلبني واسميه الأخطبوط :29: وغذا فزت عليه وفرحت يتضح انه فوزني برغبته رأفة ورحمة بي:( |
^^^
ماشاء الله عليك اول تقطعي الوريد تلقي ( كوره ) الحين تقطعي الشريان تلقى ( كبسه ) والقاسم المشترك بينهم حرف الـ _( ك ) الله يحفظ لك زوجك وبنتك جمانه .. ويطلع احدى اولادكم ( لاعب كوره في الاتحاد ) <<< خلوا ( ون ون ون تنفعكم ) :17: |
المبارات طبعا
|
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©