|
ابي ربي يرزقني الحمل
السلام عليكم
اكتب الموضوع وانا احس بغصه ابي ابكي انا متزوجه صار لي سنه وشهر كنت في بداية زواجي مأجله سالفة الحمل بحكم الظروف وبرضا الطرفين بعد تسعه شهور من زواجي الله رزقني بالحمل وخشيت الخبر لين كملت شهر واسبوع وقلت حق امي وخالتي ام زوجي في شهر واسبوعين اجهضت ولله الحمد....... وانا لما حملت كان الدكتور معطيني محفزات عشان الحمل ولما اجهضت قالي مايأثر لو انك حملتي على طول لكن زوجي خاف علي قال خل تجي اول دوره وبعدها نحاول على طول وبعد ماجت الدوره بعد طول انتظار بعد ماوقفت بثلاثه ايام رجع ينزل علي دم انا في البدايه كابرت عشان ماودي اخذ ادويه عشان الحمل لين انه زودها النزيف بزياده اضطريت اروح المستشفى والحمدلله وقف النزيف يعني الدوره مع النزيف كانت 16 يوم؟؟ وانا بصراحه كنت اصبر حالي واقول يمكن يصير تبويض بعد النزيف؟؟؟؟؟؟ ولما قريت في المنتدى عن التبويض... انه لازم افرازات؟؟ واوجاع التبويض؟؟ وانه بس تنزل البويضه 24 ساعه؟؟؟ انا بصراحه ماصار عندي ولا شي من هالاعراض؟؟ ياترا شرط التبويض يكون في 14 يوم الدوره؟؟ طيب النزيف ينحسب دوره؟؟؟ تكفو افيدوني ياصاحبات الخبره والله قلبي يتقطع ابي نونو اضمه بحضني اشمه والاعبه واهتم فيه؟؟ ابي احمل شسوي؟ |
عسى ربي يرزقك بالذريه الصالحه
اللهم آمين |
اقتباس:
ويارب يزقك اللي تتمنيه ((ضوى الليل)) شاكره لكي مرورك ويارب يستجيب دعواتك . |
أسال الله العضيم رب العرش العظيم إن يرزقكي بالذريه الصالحة ويرزقني بالولد الصالح واصبري لدوره الاخرى واحسبي لتبويض وإن شاءالله تبشرينا بالحمل
|
سواة الله ربك كريم بس انت ابذلي الاسباب والباقي على الله يعني روحي لدكتورة شاطرة واعملي كل التحاليل المطلوبه ولاتنسي هرمون الحليب وادعي ربك دايم انت وزوجك (ربنا هب لنا من لدنك ذرية طيبه انك سميع الدعاء) بالدعاء وبذل الاسباب مافي شي مستحيل ولاتحزني ولاتقنطي من رحمة الله ترى سنه وشهر مرة قليل وانت تقولي قد حملت وبالول اجلت يعني مو متأخرة ابد احمدي الله انا اعرف وحده قعدت اكثر من عشر سنين ربي مارزقها وبعد العلاج ربي رزقها بنت زي القمر عاشت ايام قليله بعدين توفت وبعدها قعدت متحطمه وبدون علاج ربي عوضها بولد زي القمر ماشاء الله وينك انت من صبرها اصبري واحتسبي ومتى ما اراد الله قال كن فيكون ولا تنسي انت وزوجك ترى كثرة الاستغفار ترزقك بالذريه الصالحه ان شاء الله
|
اشكركم من اعماقي
فضه قلبها حنون يارب يرزقك بالولد الصالح..
واشكرك على دعائك لي ويارب يستجيب لكي دعواتكي كلها.. |
اشكرك
صمت الحنان
كلامك جيل جدا فعلا من يرا مصيبة غيره تهون عليه مصيبته.. اشكرك على كليماتكي الرائعه .. بس لا تلوميني اذا حزنت فهذه زينة الحياة الدنيا...... |
اللهم ياكريم يارحمن يارحيم ارزق اختي فيك زوجة عاطف الذريه الصالحه ولا تجعلها من المحرومين يارب
|
اللهم ارزقنا وايكي الذريه الصالحة
يارب يا وهاب هب لها ولنا الذريه الصالحة
|
[ صمت الحنان+ahf8090100
اشكر لكم دعواتكم الصادقه ومواساتكم لي بالدعاء اللهم فرج عنهم همومهم يارب وارزقهم بما ترضاه... حقيقتا اخجلتموني بطيبت قلوبكم.. |
الله يرزقك باذريه الصاااااالحه-------- ومشاء الله عليك توك في بداياات زواجك وواشغلي نفسك بالاستغفاااار---ومو شرط تحسين بالام التبويض ونصييييييييحه بعد ماتخلصي دورتك لاتفكرين فيه لانه كذا بتتعبين اهتمي بنفسك وزوجك وبس-----ومعك حق الاطفااااال زينة الحياة الدنيا00 وكل شي بيد الله سبحانه00 ماراح اقولك وحده اعرفها ولا شي انا صار لي حمل بداية زواجي وصار اسقاط في شهر وبعدها الله ماراد الين الحين وصارلي 12 سنه ونص متزوجه وصاااااابره ومنتضره فرج الله--- لاتخااااااااافين باذن الله تحملين وتبشرينا ان شاء الله بداية السنه الجديده---ودمتم----
|
أختي زوجة عاطف ليس بالضرورة أن يكون التبويض في اليوم 14من الدورة وأيضا هناك من يكون لديهم تبويض جيد دون أن يحسوا بآلامه لاتخافي أختي بما أنك حملت مرة فستحملين إن شاء الله لا تستعجلي أختي وآنسي وإن شاء الله سوف تحملين دون سابق إنذار الله يرزقك أختي ويرزقني وكل محرومة بالحمل القريب إن شاء الله.
|
السلام عليكم
اقتباس:
اختي دنيا الوفا: اجرك الله على صبركي خيرا انا حسيت بالخجل منك ابصراحه.. 12 سنه صابره انا سنه الي صبرتها واحس اني مو قادره اتصبر اكثر منها كل شي بيد رب العالمين يرزق من يشاء بغير حساب وان شاء الله على بداية السنه مو بس ان اللي حامل وانتي بعد يارب... والقاك بالمنتدى تقولي باركو لي.. وكل يوم نسولف شصار معانا مره سامعين النبض ومره نعرف الجنس ومره وش التجهيز... الين مايجو بالسلامه..... قولي ان شاااااااااااااااااااااااااااااء الله |
[naima89"]
شاكره لكي ردكي الطيب ودعواتكي التي تدل على انكي حالك من حالي يارب يرزقنا الذريه الصالحه وندخل المنتدى نقول تكفو نبي مانع حمل صار عندنا فريق كوره من كثر الاطفال.:15:.. |
حبيبتي موشرط يكون التبويض يوم 14...لانه ذلك يعتمد على طول الدورة عند كل وحدة..شوفي في الصيدلية جهاز فحص التبويض...اشتريه واقرأي التعليمات واعمليه شوفي متى الاباضة عندك..
يارب يرزقك بالذرية الصالحة عن قريب. |
الله يرزقج بالذريه الصالحه ويرزق كل محرومه يارب انه صار لي 3 سنين وكنت اعالج وكان كل شي زين وسويت مرتين تلقيح صناعي والله ما كتب لي وبعد ما تركت العلاج حملت والحمدالله والله كان شي مب على بالي كلش..اختي النفسيه لها دور..انه كنت ايام علاجي كانت نفسيتي وايد تتعب واتم على اعصابي حاولي تركزين على اشياء ثانيه ولا تفكرين وايد عشان نفسيتج ما تتعب..والله يعطيج اللي تتمنيه ان شاء الله |
اقتباس:
|
| الساعة الآن 11:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©