|
هذي نصيحتي لكم , وعن تجربة
قريتوا عنوان موضوعي صح؟ طيب الحين جالسين تتسالون وش السالفه. ادري ادري:d السالفه ياحبيباتي واقصد كل اللي ضايق صدروهم تطلقنا ماتزوجنا كبرنا بالعمر وخير ياطير اصلا" اصلا" اصلا" من قال انا نحتاجهم!!!!(هالرجال) اجزم لكم انا وانتوا مرتاحين هنا بقسمنا اكثر من الكثير الكثير(روحوا قسم المتزوجين:23: وهذا اثباتي) اولا" واخرا" اكيد لازم نشغل انفسنا بذكر الله والدعاء( نشبع ارواحنا بالقرب من الله) ويعديـــــن جينا لبعدين غيري لوكك سوي مثلي انا. لما تتعب نفسيتي من اي شي بهالدنيا وياكثرها نقدر نتخيلها. سوي شي مجنون شي مافكرتي تسوينه بنفسك قبل غيري لوكك غيري من مظهرك (لا مااقصد روحي سوي عملية تجميل لا لا) قصي شعرك..غيري لونه سوي شوبينق تسوقي اشتري لك حاجه اهدي لنفس حاجه اي حاجه لو عطر غيري من نفسك والله عن تجربه طلعت او شبه طلعت من مشكلتي وسويتلي لوك جديد والله وعن تجربه راح تشعرين بثقه غريبه عجيبه ههههههههههه وصايره كل مااناظر بالمرايه اقول هو الخسران:25: طيب سوينا نيو لوك كمان في شي ثاني حابه اقولكم عليه الشنطه وماادراك ماالشنطه؟؟ لو افتح اي شنطه من شنطك اعرف وش بلقى!! طيب ابيك تضيفين شيئين لهالشنطه..انا مااقدر اطلع من البت الا فيهم كتاب ومسبحه لازميهم خليهم دايم بشنطتك متوظفه وكان عندك بريك وجالسين هالحريم يشكون ويبكون من رجالهم طلعي صديقك طلعي كتابك طلعي مسبحتك وسبحي واستغفري او طلعتي مشوار طويل وشايله هم هالمشوار مري خذيلك كوفي/ لاتيه اي شي دلعي نفسك وطلعي كتابك وانسي هالعالم اقري ثقفي نفسك تواصلي مع عقلك يله كلها ايام يمكن شهور يمكن سنين يمكن وننتقل باذن الله لقسم المتزوجين لكن هالمره نقلتنا لازم تكون صح(اي بزوج صالح يخاف الله فينا ونعيش بموده رحمه وسكينه معاه) اذا" بهالفتره خلونا نستمتع بهالوحده ننمي انفسنا نتثقف ونستمتع بالحياه لاحقين على :11: وهمهم والله لاحقين |
إيه خليك كذا متفائلة و قوية :22:
تعجبيني يا شيخة :) الله يرزقك الزوج الصالح اللي يسعدك و يقدرك و ينسيك كل همومك و أحزانك |
اقتباس:
يافديت جده كلها (ياشيخه) ...... |
والله معاك كل الحق ياختي انا على لمن اتضايق اروح الصالون ادلع نفسي ولا لي باحد اغير شكلي عشان نفسيتي تتغير والسوق مع نزول الراتب غير وعلى قول صديقاتي اهلا بالعوده للعزوبيه والله انها غير حريه ولا حولك احد
الله يوفقك ويجعل السعاده دوم طريقك ونبيكي كدا ماتدري الله وش كاتبلك عنده |
اقتباس:
حبيبتي انتي معاكم ولكم انتوا اهلي وهاذا بيتي وراح نقوي انفسنا بمحبتنا لبعض |
اقتباس:
ندى ... للاسف مدري وش اقولك بس بتكلم عن نفسي واتمنى تتفهميني ونفهمي مداخلتي .. وتعرفي مكانتك بقلبي والله اني اغليكي في موضوع كان للعضوة كنافة كذابة اغلب ردودة كانت لبنات لما يسبق لهم الزواج وانا منهم الان بديتي تطبقين نفس الشي الي كنا ننزعج منة . لانك تزوجتي وجربتي وعانيتي يمكن لو ماتطلقتي بتقولين ياحلو الزواج والاستقرار لكن حصل معك العكس فبديتي تقولين مثل مانسمع من الكل وش تبغين فية ؟ والزواج هم وعم ياحلاتك ببيت اهلك لا ياندى مو الكل مثلك اسمحي لي , ولا الكل مثل طليقك ,, صح هذي وجهة نظرك لكن ايضا وجهة نظر كل البنات ان الزواج استقرار ومهما كان مشاكلة فالاختلاف بين البشر موجود مو كل اصابعنا سوى. ولي ملاحظة اتمنى تتقبليها مني برحابة صدر ندى انتي قبل لاتتطلقي وقبل لايروح طليقك للمحكمة كانت اغلب ردودك ان الله بيعوضني وبيرزقني كانت اغلب ردودك واااااااااااثقة انك بتلاقي وان خطابك كثير . كنت اقول بنفسي هذا وللان ندى ماتطلقت ؟؟؟؟؟؟؟؟ وهي تفكر باانها بتتزوج وانها ستجد الزوج الاخر. انا حسيت وقتها ان تفكيرك كان مرة صعب . علي ذمتة ؟ وتفكيرك انة بتلاقي بعدة كثير . http://www.66n.com/forums/images/icons/icon7.gif والان تقولين من قال نحتاجهم ؟؟؟:30: الله يوفقك وتمرين هالفترة وانتي بخير . واتمنى مداخلتي مازعجتك فوالله عانيت كثير ومع اني ماعرفك بس طلاقك زعلت فية عليك وتالمت لة . احساس .. |
يعطيك العافيه
انا عن نفسي مدلعتها على الاخر وفكره السبحه حلوه على الاقل نقضي وقتنا بشي مفيد اما النيو لك وتغيير الشكل انا ماكنت مهتمه بس قبل اسبوع قصيت وصبغت بالصدفه واختي اقنعتني وفرحت بشكلي الجديد واستاسع صدري وحسيت انه فعلا لابد من التغيير يعطيك العافيه ويرزقك بالزوج الصالح |
احساس عمري حبيبتي انتي انا مالي اعتراض على مداخلتك وانا ماقلت الزواج شين وماقلت لا للاستقرار والزواج انا قلت بما معناه احنا كذا مرتاحين ليش نستعجل امورنا ليش تفكر ونتعب هالتفكير ليش نقول حياتنا مو مثل فلانه وعلانه ليش ما نصبر واكيد معنا الله وهو حبيبي وحبيبك وهو ادرى ماتطلقت الا لامر كنت اجهله ماتاخرتي عن الزواج الا لامر كنتي تجهلينه املي ولازم يكون املك بالله كبير سبحانه مااعظمه راح يجي هاليوم صدقيني راح جي هاليوم اللي نتمناه( زوج بيت حب استقرار بطاعت الله) لا ياعيوني مو كذا خليك انتي قويه خليك متامله وحطي فبالك راح تتزوجين اختم قولي وسبحان الله توني واصله لهالفقره من كتاب شيخنا الغالي عايض القرني لا تحـــــزن حبيبتي اهديك هالمقتطفات اقبليها. ((اصنع من الليمون شرابا" حلو)) الذكي الاريب يحول الخسائر الى ارباح والجاهل الرعيد يجعل المصيبة مصيبتين. اذا داهمتك داهيه, فانظر من الجانب المشرق منها, واذا ناولك احدهم كوب ليمون فاضف اليه حفنه من السكر واذا اهدي لك ثعبانا" فخذ جلده الثمين واترك باقيه. اذا لدغك عقرب فاعلم انه مصل واق ومناعه حصينه ضد سم الحيوانات. تكيف في ظرفك القاسي لتخرج لنا منه زهرا" ووردا" وياسمينا" {وعسى ان تكرهوا شيئا" وهو خير لكم} سجنت فرنسا قبل ثورتها العارمهمجيدين(متفائلا" ومتشائما")فاخرجا راسيهما من النافذة السجن,فاما المتفائل فنظر نظره في النجوم فضحك,واما المتشائم فنظر الى الطين في الشارع المجاور فبكى.انظر الى الوجه الاخر للمساة لان الشر المحض ليس موجودا",بل هناك خير ومكسب وفتح واجر. {أمّن يجيب المضطر إذا دعاه} من الذي يفزع اليه المكروب ويستغيث به المنكوب وتصمد اليه الكائنات وتساله المخلوقات وتلهج بذكره الالسن وتؤلهه القلوب؟ انه الله لا ال الا هو. وحق علي وعليك ان ندعوه في الشده والرخاء, والسراء والضراء,ونفزع اليه في الملمات ونتوسل اليه في الكربات وننطرح على عتبات بابه سائلين باكين ضارعين منيبين. حينها ياتي مدده ويصل عونه ويسرع فرجه ويحل فتحه.فينجي الغريب. ويرد الغائب.ويعافي المبتلى وينصر المظلوم.ويهدي الضال.ويشفى المريض.ويفرج عن الكروب. انتهى ((وهذا سر قوة ندى..هذا الكتاب ارجوووووووووووكم اقروه وراح تفهمون ليش هالتفائل اللي اجده في قلبي)) صدقيني العريس بيجي تلقينه بمخرج 10 يلف ويدور يبي يلقى بيتكم اصبري تفائلي وحركي الســــكر ياسكر |
ندى لايكون قاريه افكاري :D
وش دراك اني بقص شعري واصبغه ادعي لي تضبط الصبغه والقصة بعد فعلآ الشكل الجديد يعطيك ثقة بنفسك اكثر هذا غير ان اللي بيشوفك بيعرف ان نفسيتك مرتاحه وانك الحمدلله عايشة الدنياطول بعرض ومتوكله على الحي اللي مايموت يالله اوافيكم بالنتائج :D |
اقتباس:
حبيبتي انتي اولا" وحشتيني وبوسي لي بنتك الله يخليها لك ثانيا" شكلنا انا وياك ساكنين بنفس المنطقه لازم تروحين لمكان يفهمون بالقص والصبغ عشان تصير النيو لوك:22:كــــــذا يله العيد جاي وماتدرين وش يجيب معاه الله يوفقك باللي تتمنين واولاهم النيو لك |
يا حبي لك يا ندى
والله انك رهيبه ذكرتيني بموضوع كتبته زمان وكنت متزاعله مع زوجي ومن زود الضيق ما ادري وش اسوي قمت سويت نيو لوك بس كيف؟ رحت اخذت حلاوة الشعر وهاتك يانتف بحقد مابقيت شعره تعتب علي الا شلتها من اساساتها ولبست وكشخت و رحت عند جدتي يا حبي لها وحشتني الله لا يحرمنا منها وكل من شافني ها بو وليد جاي؟ وانا اقول لا من قال ! انا كاشخه لنفسي محد يدري ساعتها اني تهاوشت معاه تلفون وزعلانه عموما يا الغلا فكرتك حلوه ومطلوبه ويمدحون المشي امشي اليييييييييييييييييييييين تدوخين رهيبه هالرياضه كنت اتابع قنوات ام بي سي الانجليزيه مو من زينها بس لاني ما احب اتابع العربي كنت اتابعها من 9 او عشره ليل الين 12 كانت تغير لي جو مره كنت اقرا كثييييييير وكتاب لا تحزن هذا اعجوبه لا اله الا الله كنت اخيط واعمل افكار بالخرز ... اشجار وورود وهيك يعني يارب افضى واروق في يوم من الايام وانزلها هنا .. كنت اشتغل في الكنفات ... وارسم بالطباشير ( عشقي ) ماخليت فكره الا وسويتها طبعا بمشاركة خواتي اهم شي لا استسلم للحزن والزعل والهم ( على مدى سنه ونص عند اهلي ) الين فرجها ربك سبحانه بالاخير همسه وانا والله حبيتك كثير يسعد لي قلبك على طيب مشاعرك يا عسى ما اشوف حد هنا بهالقسم الا مبسوط ومرتاح تحياتي |
اذا عندك ممشغل معين تعرفيه وممتاز تكفين عطيني
مع اني اعرف وحده ماشاءالله روعه بس ان مشغلها من برا عادي جدآ وبجنوب الرياض بس والله عليها شغل يوم قصيت عندها قبل ست شهور الكل يسألني عند مين هي بنت وشابه ماتزوجت |
اقتباس:
اكبر بوسه بهالدنيا لك ولقلبك انتي وفيه والله وفيه الله يفتح لك ابواب الرزق ويعطيك سعادة الدارين اللهم امين |
وه من العجلة لأني بطلع رديت ونسيت الباقي
تسلمين ياقلبي وبنيتي الله يصلحها صايرة شقيّه بس تصيح لو تشوفين خشتها تضحكين من فوق طالع سن واحد بس ومن تحت اربعه شكلها يفطس ضحك ههههههههه تصدقين ياندى الأطفال يحسون فينا بتقولين كيف مرة بكيت متضايقه من طليقي وكان الوقت الفجر وهي كانت صاحيه سمعتني ابكي عالسجاده جت تمشي تشوفني وتطالع بوجهي احسها تقول ايش فيك ياماما توها عمرها سنة و3 شهور وجلست تبكي معي ماشاءالله ضميتها وانا ابكي ودموعي على خدي قامت رفعت يدها ومسحت دموعي سبحان الله الحركه غريبه منها بس حسيت بحنانها <<هذا بدال ماتحسسينها بحنانك :D |
|
الله يسعدكم تصدقون غرت منكم
بروح اسوي مثلكم الله يوفقكم |
تصدقين انا اول ماتتطلقت ع طول قصيت شعري الي جلست اطول فيه سنوات عشان العرس ههههههههه
بصراحه كان لوك روعه وكلن انجن عليه !! بس الصبغه لسى انشالله في العيد !! مرسي والله يعوضك ويعوضنا يااااااااااااااارب |
والله ياندى انك كده:22::22::22:...ايه الحركات الحلوة دي(بنفع مصرية..صح:d:d:d)
هيك عجبتيني بروحك الحلوة والمتفائلة...لازم دايما ننظرللمستقبل وللأمام:17::17::...مش للماضي. شكلي حروح اعمل متلك لأنه حتى المتزوجة تحتاج هذا الشئ لنفسها لتزيد ثقتها....ولازم تدلع نفسها:15::15: |
أختي /
* ندى * يرجى منك فتح موضوع باسمي في قسم مراسلة الإدارة وفقك الله |
اقتباس:
هلا بمشرفتنا حاضر |
ندى ...والله ونستيني ....
يا حلوج باللوووووك الجديد.... الحين عجبتيني..... الله يجعلك دوم مبسوووطة..... أنا اذا تضايقت من سي السيد :11:...واذ مزود الغثى علي حبتين .... اما اسوي مساج ....أو آخذ شور منعش طوييييل...على حسب الغثى ...وكميته ونوعه (مع قليل من البكاء تحت الدش :21:...) العيون تدمع والخشم يمشي .... وبعدها اخرج بنفسية حلو ه...ملابس جديدة ..بجامة ...وكريمات...وبخور ..وعطور ... راااااحه ... والله ساعات ادوخ من البكي ونام نومه حلوه... يطلع كل اللي في قلبي من هم وكدر ...... اللهم ابعد عنا وعنكم الهم والغم .... |
الله يسعدك ياندى
بهالاسلوب الحلو والله يديم عليك هالتفاؤل ويرزقك باللي تتمنينه |
أحب التفاؤل وأهله
الله يرزق الجميع بالصالحين من عباده .... |
أختي *نـــــدى* موضوعك بعكس السابق تماماً وطبعاً أحلى :22: التجديد مهم يعطيك طاقة إجابية تنعكس على نفسيتك وتعاملك مع معطيات الحياة :30: وأنا كمان عندي يوم الخميس موعد مهم وأحتاج new look جديد ماتكرر قبل أتمنى لك السعاده الدائمة ياوردة |
حديث ^_*
يارب أشوفك سعيدة ندى الله يهنيك ويسعدك ويعوضك خير يالغلا |
يا هلا وغلا بالجميع احنا نهتم بانفسنا وهاذا حقنا تجاهها حبيباتي واخواتي في الله (دعوا الخلق للخالق) خلاص كفايه تشكي ونوح وبكى خلونا نقوي انفسنا بالله فوالله عنده الخير الكثــــــير خلينا نشغل انفسنا بانفسنا وننسى كل شي احنا مابيدنا الاقدار بيدنا فعل الاسباب يعني بالله عليكم خلقنا الله ونسانا لا. ظاقت بك الوسيعه تاملي خلق الله حولك من احقر شي نمله تمشي بالارض لاعظم شي السماء ناظري فيهم تامليهم فكري فكري وفكري اللي خلق هالاشياء مايقدر يسعدني!! الحين فهمتوا علي الله بيده شي وكل شي ليش نبكي ونحزن بدل مانضيع وقتنا بالحزن خلينا ندعيه ونتقرب منه وان شاء الله راح يرزقنا ويعوضنا زوج صالح وجنه عرضها السموات والارض همسه: اتركي المستقبل حتى ياتي ولا تهتمي للغد لانك اذا اصلحتي يومك صلح غدك. |
حركات والله ندو الله يسعدك ويعوضك خير ولاتنسين تفائلو بالخير تجدوه
حلو التفاؤل يشرح الصدر وتشوفين الدنيا بنظرة حلوة عكس ماكنتي متشائمة تشوفين كل شي اسود وهذا كله بيدينا!!!!!!!! بس قهر ماأقدر اصبغ شعري لاني توي محنيته بس ماعليه اقصه إن شاء الله -----!! الله يوفق جميع البنات فالمنتدى ويعوضنا خير -- ولاتنسن حنا مقبلين على أيام عظيمة أيام عشر ذي الحجة وهي تعتبر افضل ايام السنة لان تجتمع فيها كل العبادات صلاة صوم حج ذكر صدقة فلنجتهد وندعو لبعض وجميع المسلمين ---- |
الله يعطيك العافية يا ندى
فكرة حلوة راح أطبقها إن شاء الله ولكن إذا كل ما تضايقنا رحنا نقص شعرنا ونصبغة كذا راح يحترق علينا هههههههه أمزح الله يرزقك ويرزقنا بالزوج الصالح |
اتمنى التثبيت للموضوع
السلام عليكم ورحمة الله
معلش اسمحيلي ندى انا رجل اني اتدخل في موضوعك واوقع وابصم على موضوعك ومشاركتك الاكثر من رائعة بجد صدقا انا اول ما قرات موضوعك ما ترددت ولا لحظة وبسرعة كبيره اني اعلق على الموضوع واحكيلك انه فعلا اروع موضوع بقراه في هذا القسم وممكن في الاقسام التانية وبتوقع الكل يتفاعل معاه وكمان اله ايجابيه كبيرة ان شاءالله وانا بصوت لموضوعك انه يكون مثبت على طول لانه فعلا بيعطي جرعة تفائل كبيرة جدا وملموسة انا بتمنى من الادارة انه تثبت موضوعك الرائع وبارك الله فيكي |
ربي ينوّر قلبك بنوره ندوووو
|
ما اسكى حكياتك والله انه حكي كتير حلو ومين حكالك بس انتوا راح اتحسنوا نفسيتكم حتى نحنا الي فينا مشاكل يالمتزوجين راح نعمل متلك ....
|
ندوش
انتي مطيعة حكيتلك تقرأي لعائض القرني بس ما حكيتلك تحفظي الكتاب يا عسل :25: عن جد فرحتيني الله يهدي بالك ويفرحك وينولك اللي في بالك |
أختي ندى
يرجى منك مراجعة موضوعك في قسم مراسلة الإدارة وفقك الله و أسعدك قلبك |
شوفي ياشاطرة ربك لما خلقك زرع فيكي غريزة الجنس التي بحاجة لأشباع وإلا....غيرتي اللوك ومافي رجال يقلك يقبرني هالجسم دخيل هالعيون شو الفايدة( الرجال شر لابد منه)
|
مكانك سر ( يمين أو يسار ) أفضل بكثير
اقتباس:
مع إحترامي لرأيك إلا أني أخالفك في هذا المنطق الغير مقنع البته أخي هل عدم وجود الرجل في حياتي يعني أنه لاقيمة لي ولا يصح إن أهتم بمظهري إلا بوجوده لماذا ؟. الزواج بيد الله ليس للبشر يد فيه هذا رزق يعطيه الله من يشاء وفي الوقت نفسة هو ليس ميزة ترفع وتخفض في درجاتنا عند الله . فهل نعاقب أنفسنا في شي ليس لنا يد فيه؟؟؟؟ الله جميل ، ويحب الجمال ، فأين الخطأ إذا اعتنت المرأة بجمالها ، ألا ترضي نفسها أولى من أن ترضي غيرها الجمال مرغوب في كل الأحوال بالزواج ومن غير الزواج حتى فرص العمل تتطلب بعض الأحيان الجمال . ************************** أما ما ذكرت عن الغريزة الجنسية ، فليس هي أساس لتوجيه سلوكي ، هذه الغريزه تهذب بأتباع التعاليم الإسلامية وقد جاءت الشريعة الإسلامية والسنة المحمدية مهذبه لهذه الغريزة فلا نعيش من أجلها ولأجلها ، ولا تتحكم بتصرفاتنا وتعطل أمور مهمة في حياتنا . متى ما جعل الأنسان هذه الغريزة القائد له والمتحكم في تصرفاته وقع في ما لا تحمد عقباه . للأسف لا زلنا نجد بيننا من ينظر للمرأة أنها جسد ولا فائده منها إلا لإشباع الغرائز . . متى تتطور هذه الفئة وتغير أمر ( مكانك سر ) . |
متابعة >>> ومستانسة على سوالفكم الحلوة |
كيف نصنع من الليمون عصيرا حلوا
ما تكلمتي به جميل ليس كل ما يتمناه المرء يصيبه لذلك علينا ان نحول كل شيء مر الى حلو
|
اقتباس:
تـــــم حبيبتي |
[gdwl]ندووي لبى قلبك والله
موضوع في غاية الروعة صادقة ياأختي وش بنأخذ من الدنياوسعواصدوركم وفلوهاا وربي انبسطت بهالمووضوع كثير ربي يعوضك ويعوضني وكل منطلقة كل خير وان شاءالله بكرة احلى واحلى الله يوفقك ياقمروسلمت اناملك على موضوعك الحلو الله لايحرمنامنك [/gdwl] |
حمستيني للصبغة
بس توصبغتي مانزلت خليهابين الترمين احسن اغيرلوكك الحين بدلع عمري وبروح بكرة المشغل بديكيرومنكير ههههههههه واشياءاخرى الحمدلله انااحسن من غيرنابكثير يارب لك الحمد |
| الساعة الآن 08:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
