|
أخاف أشتري شي لزوجي
السلام عليكم
^_^ زوجي انتقائي .. وأحب هالشي فيه .. بس أستصعب أشتريله أي شي !! أخاف ما يعجبه .. حابه أشتريله شي يا نااااس ومو قادره .. ماني عارفه ايش أخذ لا تقولولي بيحب اي شي بتاخذينه له .. لأني أبغاه يحبه لأنه على ذوقه مو عشاني ماخذته وبس والله لما نروح السوق .. أحس راسي يعورني من كثر ما يطالع بالشي ويفحصه وبعدين ما يبغا أي شي .. مستعد يدفع اللي عنده في الشي اللي في اعتقاده يستاهل وما يحب يلبس ساعات .. بس من مدة طلع ساعة جلديه قديمه عنده وصاير يلبسها من كثر ما أحن عليه أقوله تطلع روعه على يدك .... بس أبدا ما يحب المعدنيه العطور ما يشتري الا من ماركة معينه ... عطوني اقتراحاتكم وتجاربكم وأشكركم مقدما ^_^ |
بسيطة ^_^
اشتري له ساعة تذكره فيك، مو شرط تعجبه، قوليله تعجبني على ايدك ! أو اي شيء ثاني..وربي يسعدك ويرزقك ذرية صااالحة ترفع شأن هذا الدين <- أحب الأشخاص اللي يهتمون بصلاح ذريتهم قبل كل شيء ^_^ |
أشكرك اختي Cry
يعني رايك كذا ؟؟ بس انا أحب اني أخذ شي يعجبه ويستخدمه لأنه يعجبه مو مجامله أشكرك على دعواتك وأسأل الله ان يقر عينك ببنتك ويصلحها ويعطيها الصحه والعافيه ^_^ |
اقتباس:
برضه يمكن تهدينه او تشاركينه في شي هو يرغبه مثلا تلفزيون جديد ، ساوند سيستم للبيت ، |
فلافل ممكن تاخذي له قلم انيق او نظارة شمسية
او تاخذي له قماش ثوب تغيير عن المعتاد الله يسعدك يارب |
اذا يحب الرياضة خذي له اشتراك بقنوات رياضية علشان كأس العالم :)
أو اشتري له شي بسيط يستخدمه بكثره (تي شيرتات ، ملابس المنزل ، بما انه الشتاء قادم مثلا بدلة رياضية حلوة مرتبة) او اكسسوارات للسيارة هو يحتاجها |
اذا ميزانيتك ميه ميه.
خذي له جهاز بلاك بيري الكيرف، جربته ميه ميه الجهاز مافيه كلام، هذا طبعاً اذا يجب ها الشغلات. اذا لااا ،،، فيه شغله مميزه مره حاط عيني عليها وممكن اقولها لك. |
اشتري له سيارهـ موديل 2010تبي تنزل للأسواق بعد الحج ....:25::23:
|
اقتباس:
جربت ولاحظت تلفت انتباهه المحافظ والنعول (وانتو بكرامه) والعطور بكل أنواعها من كم يوم شريتله جاكيت sweater لأن الشتا بدا و اعجبه الحمدلله بس الجاكيت شي بسيط جدا .. كنت رايحه أسوي شوبينغ وعجبني وخذيته ع السريع يعني ماخذتله قلم aigner قبل الزواج من كم شهر يعني وبالنسبة لقطعة القماش ... هو يحب قماش ونوعيه معينه .. وانا ما أفهم أبدا بهالسوالف بس بحاول ... لأني جت في بالي أفصله ثوب ... أشكرك أخوي على تفاعلك ونصايحك ما قصرت |
اقتباس:
عجبتني فكرة النظاره الشمسية .. بس أحسها شوي صعبه لأن اللي ياخذ النظاره لازم يجربها على شكل وجهه اذا تناسبه أو لأ .. أشكرك اختي الأوزون ما قصرتي ^_^ |
اقتباس:
هلا بكر الشايب ^_^ هو مو مهووس رياضه بصراحه .. بس يتابع أحيانا .. ويلعب كره أحيانا وعندنا اشتراك قنوات رياضيه بالفعل بس حبيت فكرة اكسسوارات السياره وايد :17: جاري البحث ألف شكر لك حبيبتي |
اقتباس:
الحمدلله ميزانيتي ميه ميه مثل ما قلتلك أخوي هو انتقائي وايد ... يحب التلفونات بس مادري اذا بيحب البلاك بيري أو لأ !!! لدرجة انه للحين عنده N95 .. ومو راضي يغيره قولي على الشغله الثانيه لو سمحت أخوي وأشكرك ما قصرت |
اقتباس:
:17::17::17::17::17: صح ميزانيتي ميه ميه بس عاد مو لدرجة سياره خليه هو يشتريلي سياره بالأول :d مشكورة كنافه |
بصراحه هدايا الرجال محيره جداااااااااااااا
انا كنت في نفس حيرتك بس جبتله عطر وبلوفر شتوي |
الله يوفقك
|
خطيبي انتقائي "قليلا" ولكنه لم يصل إلى درجة إنتقائية زوجك ;)
السلاح الأهم هو معرفتك بذوقه تماما, لأني صرت أعرف ذوقه تماما ولاحظ هو ذلك أيضا... لدي اقتراح, حاولي - عند ذهابكما للتسوق معا - أن تلاحظي ما يعجبه وما يمتدحه ثم فاجأيه به.. بالتوفيق.. |
الله يوفقكم ويسعدكم اخذي له (سبحه) تكون حلوه وناعمه وبتكون في يده على طول يستفيد منها بالاستغفار ويتذكرك على طول ياقمر------ودمتم-------
|
افضل شي
تهديه شي معنوي اقترح ليلة رومانسية يتذكرها كل عمره |
مافكرتي تشتريله غتره او شماغ فخم عندك مثلا شماغ البسام (ماي فير) كشخه وقيمته جدا مناسبه
واذا يحب العطور راح الخص لك بعض من افخم العطر الرجاليه وهي عطر الشيــخ عطر جذاب وقوي وثابت رائحة غير طبيعية وانصحك فيه ديور هوم كالفن كلاين يوفوريا للرجال رهييييييييب قوتشي من (قوتشي رش) رائع جدا ارماني بلاك كود رسمي وفريش بنفس الوقت و يناسب أغلب أذواق الرجال تحياتي |
[http://www.an555.com/images/products...0299bd5657.jpg
هذي الي اقولك، صراحه شي موب طبيعي ، كلاس لأبعد درجه وسعرها حبتين غالي ولكن بوجهة نظري تستاهل سعرها، اهم شي اذا انتي من الشرقيه لا تاخذينها الا من البشاوري لأنه هو الوحيد الي يجيب ها النوعيه الاصليه من شركة ارماني. واتركي عنك المحلات الباقيه. |
بسيطة.... اشتري له عطر من الماركة اللي هو يحبها وتعرفينها!!
|
هلا اختي اشتري له فواحه من بودي شوب خاصه للسيارات مررره حلوه او اكسسوارات سيارات وفرو ولوازمه وموفقه يارب
|
أشكركم اخوتي وأخواتي
أستفدت وايد من أفكاركم وجمعت كم فكرة وحاطتها في بالي ما قصرتوا بارك الله فيكم ^_^ |
| الساعة الآن 07:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©