|
بداخلي ما يقول اتركيه ولا أعلم أين الخلل
السلام عليكم و رحمة الله و بركاته
أخواني الأعضاء و أخواتي ماجيت هنا ، عشان يجي واحد يرمي كلمة أو شتم من غير تفكير :18: أنا بأبحث عن نصيحة ( أخ ) أو ( أخت ) أو بالأصح ، استشارة و أدري ما راح تقصروا لإني معاكم من سنوات ماني عارفة من فين أبدأ ، لكن بإختصار : ( كل يوم و كل ثانية و كل دقيقة و كل ما أنام و كل ما أصحى ، شئ بداخلي يقول لي تطلقي شئ بداخلي يقول لي ، خلاص اتركيه ، شئ بداخلي يقول لي اتركيه و ارتاحي ، شئ بداخلي يقول تطلقي تطلقي تطلقي تطلقي ) بتقولوا وساوس شيطان ، لكنها مو وساوس ، لإني كل ما استشرت شخص زمااااااااااان قال لي اتركيه ماحد قال لي استمري معاه ، و الكل مستغرب استمراري معاه طبعا ، ماحد بأدخله في مشاكلي من سنة كاملة ، و زوجي مبسوط معاي لإني موفرة له كل شئ لكن أنا ماني مرتاحة ، مكتئبة ، تعبانة ، و في حيرة و لخبطة .. محتارة و بأستخير دايم ، أختي أميرات ، أختي قرين ، و أخواني الكبار ، إنتوا أكثر مني خبرة في الحياة ، انصحوني أحس إني بحاجة لرؤية مستشارة في أي مستشفى يوم أتخيل حياتي بتستمر معاه ، أحس بداخلي ألم يوم أتخيل حياتي من غيره ، أحس براحة نفسية ، لكن بينقصني شئ لكنه متعبني جدا سامحوني لو تأخرت بالرد يوم أو يومين ، لكني متابعة للردود و بأرجع أرد سامحوني كلامي غير مرتب ، بس إنتوا أسألوني و أنا أجاوب ، يمكن أعرف عن طريقكم فين الخلل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لإني ماني عارفة أحدد ، بس يوميا و كل ساعة و ثانية في راسي " تطلقي ، اتركيه " عفواً تم تعديل العنوان ليتضح المضمون/الاشراف |
ماحد قال لي استمري معاه ، و الكل مستغرب استمراري معاه
طبعا ، ماحد بأدخله في مشاكلي من سنة كاملة ، و زوجي مبسوط معاي لإني موفرة له كل شئ لكن أنا ماني مرتاحة ، مكتئبة ، تعبانة ، و في حيرة و لخبطة .. محتارة و بأستخير دايم ، الأخت الفاضله محتارة دلوني قولي لنا ماذا قلتي لمن نصحك بالطلاق , لنستطيع ان نقول رأينا . |
اختي كيف ننصحك واحنا ماندري ماهو الموضوع
|
كم سنه لكم متزوجين وهل عندكم اطفال ؟
|
اولا كيف علاقة زوجك بالله
ماهي عيوبة وماهي حسناته هل كان في حياتك احد تمنيتي الزواج منه ولازال في بالك |
يا ليت توضحين لنا ..
يعني وش السبب اللي خلاكي ما تبغينه ؟؟ .. |
انتي ما وضحتي عزيزتي لنا شي
تقولي ان مرتاح معاك لانك موفرة له كل شي الواضح ان زواجكم كان تقليدي اسئلتي هني : هل عندك اولاد ؟ هل انتي تعملين او تدرسين ؟ هل هو مشغول عنك على طول ؟ كيف تعامله معاك حنون ؟ طيب ؟ عصبي ؟ كيف هل انتي ناقصك شي معاه ؟.يعني مقصر بشي معين؟ كم عمرك وكم عمره ؟ وكم صار لكم متزوجين ؟ وهل اخذتيه برضاك او غصب عنك ؟ عذريني لكل هالاسئلة بس يمكن من خلالها نقدر نتوصل لشي او لسبب معين بانتظار ردوودك عزيزتي متاااابعة معاكي ....... |
بما انك هنا منذ سنوات !
كان الاجدر بك ياغالية ان توضحي سبب تفكيرك بالطلاق اولا علشان نفهم |
في البداية أعتذر بإنه الأسباب غير واضحة ، بس أنا نفسي ماني عارفة فين المشكلة بالضبط ؟
و هل هي مشكلة بالفعل أم ماذا ؟ و كيف أحلها ؟ و العديد من الأسئلة اللي أحس إني لو تركته بأرتاح من كثرة التفكير و التساؤلات ، لكن من خلال الردود تتوضح إن شاء الله النقاط الرئيسية ، لإنها أسباب عديدة و ما تنحصر : _______________________________ اقتباس:
أثق بارآئك و إن شاء الله بأوصل معكم لأسباب الخلل و قد تكون تراكمات و ترسبات و الله أعلم ؟ المشكلة ، هو يجيب لي كلام من برة ، يعني هو يجيب لي وجع الراس مع الناس يعني يحرجني مع الكل ، صايرة أخاف يتعرف على زوج أي وحدة من زميلاتي و يسبب لي حرج معاهم أخاف يتعرف على أي قريب لنا و يسبب لي حرج معاهم ، أخاف بداخلي بكرة ولده يكبر و يقول يا ماما أبوي سوّد وجهي قدام أصحابي و أساتذتي و أقاربي يحوج نفسه للآخرين ، و هذا السبب اللي يخلي الناس تفتح فمها و ما أقدر أدافع زمان كنت أدافع عنه و أوقف بوجه الكل ، بس طلعت أنا الغلطانة في الأخير و السبب : 1 - هو مو شايف و لا حاس أبدا بإنه هناك غلط أو خلل .. عادي جدا عنده لإنه تربى على الشئ هذا <- بأرجع لهذه النقطة بعد شوي 2 - يوم أدافع عنه قدام الكل ، لكن بداخل البيت أتكلم معه ، مافيش أي فايدة يعني و لا كأنه يسمعني ، يقول طيب و يوعدني ( بس عشان يسكتني ) و أنا غبية أصدقه و ترجع حليمة لعادتها القديمة 3 - أطلع أنا قدام الكل كأني مشتركة معه بالغلط ، بيسبب لي إهانات مع الناس و إحراجات صاروا زميلاتي لإنهم يعرفوني من قبل لا أتزوج ( لإنه أحرجني معاهم و مع أزواجهم بأكثر من موقف ) يقولولي ، لمتى ترضي على نفسك كذا ؟ كل واحد شافك جلس بداخله يحزن و يشفق عليك ؟ حتى أهلي حسوا بالشئ هذا ، لإنه حتى مع أهلي بيحرجني 4 - في الأخير طبعا ، اكتشفت إني يوم أدافع عنه ، بأطلع أنا الغلطانة لإنه بيقول لي لا تتدخلي خلاص و المشكلة إنهم يوم ييأسوا منه ، يقوموا يدقوا علي و يشتكوا لي منه ، لدرجة مرة واحد من أصحابه طلب ايميلي من زوجة صاحبه عشان يشتكي منه ---------------------------------------------------------------------------- نجي للتوضيح : إيش المشاكل اللي يسببها لي مع الناس : ياخذ فلوسهم و يصرفها على نفسه، و ما يرجعها لهم ، يتأخر في التسديد و هذا طبع فيه ، و تربى على كذا بكل أسف ، و طبعه من قبل الزواج. ليه وقفت تدخلات الناس من سنة كاملة ؟ كبرت المشاكل بيني و بينه ، و قلت له ما راح أتحمل أكثر من كذا إهانات ، ناس تكون سمعتي عندهم عالية ، و ما عمري احتجت لأحد عشان ما أسمح لأحد بيوم يتمنن علي و لا على أهلي أو ولدي ، لإننا تربينا على عزة النفس و الكرامة ، يجي زوجي يحرجني معهم ، و المشكلة إنه زوجي يستدين الفلوس و يصرفها على نفسه و هم على بالهم أستدانها عشان يأكلني و يصرف على البيت ، و يشوفوني الناس اشتري أغراض للبيت و لولدي و ينقهروا بداخلهم ، و يحسبوني أدري إنه هناك ديون متأخرة ما سددها زوجي ، و أنا ما أكون دارية و ما أعرف غير بعد 6 أشهر أو الله أعلم متى يصبروا المهم .. قمت ما سكتت و تزاعلت معه و قلت خلاص لمتى ؟ هذه حقوق ناس ، لا سمح الله إذا صار فيك شئ يجوا الناس يدقوا باب البيت و كل واحد يطالب بفلوسه و أنا ما أعرف كم واحد إنت أخدت منه و مين الصادق و الكاذب ؟ و ياما نصحته و فكرته بالذنب و إنه الواحد روحه تجلس معلقة وووووووووو إلخ بس مافيش فايدة المشكلة .. إنه الناس تدعي عليه و على ولده و على بيته ، و أنا من يوم تزوجت و هو يدخلني في دوامة و يخرجني من دوامة ، و يحب يخليني في وجه المدفع داااااااااااااااااااااااااااايما ، و أنا حذرته ، إنه لا سمح الله لو بيوم وصلت ديونه للسماء أنا ماني مسؤولة عنها ، لإني وقفت معه في البداية و ماكنت أدري إنه هذا الطبع فيهم كلهم في العيلة كلها ، من صغيرهم لكبيرهم ، و حتى لو اتسجن أنا مالي شغل كيف حليتها .. ؟؟ اتفقت معاه ، إنه يقطع صلته بأزواج زميلاتي ، و إنه أي وحدة أعرفها يبعد عن زوجها و إنه أي واحد هو يعرفه ، لا أبغى أتعرف على زوجته و لا تتعرف علي ، لإنه زوجات أصحابه يحسبوني مثله قبل لا يتعرفوا علي و يسببوا لي مشاكل معه ، يجوا يقولولي أي شئ عمله و أنا آخر من يعلم و زوجات أصحابه ناس أخلاقهم الواحد ما يتشرف بهم ، لإنه ما يصاحب إلا ناس أخلاقها رديئة و اتفقت إنه خلاص يبعد عن أقاربي ، أقصد أولاد عمي و عمتي لإنه بيحرجني معهم و أزواج أخواتي لإنه بيجيب لأهلي كلام نحن في غنى عنه و كل ما جاني كلام عنه ، كل ما كرهته و اقتنعت أكثر إنه لازم نترك بعض ، لإني ما صرت أتحمل و المشكلة إنه بيتعرف على الرؤساء علي في عملي و هذا اللي ناقص دحين ؟؟؟؟؟؟؟؟؟؟؟؟؟؟؟؟؟ اتفاقي هذاك ، حل 50 بالمية من المشكلة ، و ما صار أحد يتكلم ، و كل الناس اللي اشتكوا لي عنه رجعت لهم فلوسهم الحمد لله ، لإني كنت أخليه يرجع حقوقهم قبل لا يصرف قرش واحد و وقفت معه مرتين يعني انا ماني قاسية ، بأراعي ظروفه أحيانا يوم أششوفه بالفعل بيحاول و 50 بالمية حليتها ، يوم قلت له ،، ( طبعا بالهداوة تكلمت معه ، بالحب تكلمت معه ، بكل السبل ، بس يوم عرفت إنه كذا كل أهله ، خلاص ، صرت أحاول أغيره ، لكن زيح جبل و لا تزيح طبع ) قلت له ، صدقني ، أنا أكثر من كذا ما أتحمل .. و لو سمعت إنك تدينت من انسان و جاء يشتكي .. بيكون آخر يوم أجلسه معاك ، لإني تعبتتتتتتتتتتتتتتتتتتتتتتت و هو يدري إنه بسبب طبعه هذا ، إني قطعت علاقاتي مع الجارات ، و مع زميلاتي ، و مع الكثيييييير ، و نقلت من المدينة اللي أنا فيها ( عايشين في الخارج حاليا لفترة مؤقتة ) عشان مالي وجه أقابل أحد و يوم نقلنا ، قال لي نفتح صفحة جديدة ، و وعدني إنه بيتغير و يبعد عن طبعه هذا و مشينا على اتفاقنا ، لإنه شاف في الأخير كيف كنت جادة بكلامي و كنت بالفعل متمسكة برأيي ، إنه هذه آخر فرصة ، و إلى الآن الصراحة شايفته الحمد لله تعدّل و حافظين كرامتنا و ماحد يدق الباب أو التلفون عشان يشتكي منه ، و بدأ يسدد ديونه و الله أعلم لو كان صادق أو لأ نجي لأهله ، عشان لا أحد يقول ظلممتهم .. أمه ، تتصل على أي أحد يقرب لي تعرف إنه عنده فلوس ، عشان تتدين منه فلوس و هم عشان يجاملوني ينحرجوا معها ، و تقول لهم ،، لا أحد يعرف قصدها علي و على أهلي و يوصلني االخبر في الأخير لإنهم يدقوا على أمي قبل لا يعطوها و أمي تقول لهم ( لأ ، لا تعطوها ) و أمي يترفع ضغطها و تقول لي هي أمه ، مو محتاجة للفلوس ، لإنها بتشتري جوالات أبو كاميرا و غيره ، لكن حكاية إنه مجرد ما يعرفوا إنه فلان عنده فلوس ، خلاص يتجمعوا حوله و يحاولوا بأي طريقة يسحبوا أكبر مبلغ منه و تعلم أولادها على الشئ هذا ، حتى يوم سمعت إنه أختي توظفت ، قامت اتصلت علي تقول لي أطلب فلوس منها و تحرجني مع أهلي و تتصل عليهم تطلب فلوس دين و يجي الكلام علينا ، و ألقى تهزيئ من أهلي إنه لمتى حماتك تحرجنا مع الناس ؟ كانت مشكلة حماتي قبل السفر على هنا ، و زوجي كان يتضايق من الشئ هذا لكن يوم جينا هنا ، بدأت ألاحظها في زوجي و قلت بداخلي ، بالفعل الطفل يتأثر بأمه مهما حصل |
اقتباس:
لإنها عديدة و ما تنحصر ، عشان كذا جيت لكم و فتحت قلبي لإنه هنا أعضاء قمم الصراحة و ارآئهم سديدة |
اقتباس:
و ما أبغى أجيب غيره حتى أتطمن ، لإني بأقرا مشاكل العضوات هنا و ما أبغى أجي بعد 10 سنوات أشتكي ، يا من دحين كل واحد في طريقه يا نستمر ،، و كل الحلين أمر و أصعب من التاني |
اقتباس:
هذه يبغالها جلسة ، يمكن من هنا راح توضح الحكاية أكثر لكن مضطرة أخرج دحين لإن عندي موعد و بأرد بالتفصيل إن شاء الله |
زبدة الكلام اللي فوق
دااااااااااااااااااااااااااايما يستدين مال من الناس و ما يرجعه لهم و هذا الشئ مسبب لي مشاكل مع الناس لإنهم ياخذوني بذنب زوجي و أبغى أتركه ، عشان ماني مستعدة أعيش طول حياتي معاه على الديون و لحد ما يجي يوم و يتسجن ، و يستدين الفلوس و ما يرجعها و يوم تجيه فلوس يصرفها على أشياء تافهة و على نفسه مو علي ، و السبب التربية ^ هذا سبب واحد من الأسباب اللي تخليني أقول أتركه و أرتاح __________________________________________________ __ هو رجل جنوبي ، و أنا شمالية العيوب : - استغلالي ، يستغل الإنسان و يعرف يستغفل الشخص - كذاب - ايمانه ضعيف ، يعني صح يصلي و يصوم ، بس ممكن ينجرف لا سمح الله ، ما عنده رادع بداخله - جبان ما يعرف يدافع عن نفسه ، و يحسب الدفاع عن النفس = مضاربة و مصارعة - عنده صفات أنثوية لإنه تربى وسط بنات - صوته خفيف و ناعم ، و هو يقول الشباب يقولوا صوتك مغري ؟؟؟؟؟؟؟؟؟؟؟؟؟؟؟؟؟؟؟؟؟؟؟ - ما يهتم بمظهره و نظافته الداخلية ، و مظهره بس يوم يخرج لإنه يهتم بمظهره قدام الناس عشان كذا كثير ينخدعوا بمظهره و يصدقوه - عنده أسلوب يخلي الواحد يصدقه - عادي عنده إذلال النفس و إهانتها من أجل الوصول إلى الهدف حتى لو بالغش و الخداع ، و هذا الشئ أمه ربته عليه ، لإنها تعلمهم يغشوا في المدرسة و قالت لي بنفسها - مظهرهم قدام الناس إنهم أتقياء ، لكن العكس صحيح مجرد رياء - كسول ، اتكالي ، عديم المسؤولية ، ما يتكلم إلا بالنادر ، نوااااااااااااااااااااام - سريع التأثر بالصحبة الفاسدة و كل شوي انصحه و ما يتركهم غير يوم ياخد على راسه منهم - ما يصرف علي و يعتمد على أهلي و لا يصرف على ولده - مسرف على نفسه ، بخيل عى بيته ، هو يشوف نفسه كريم لإنه يقارن نفسه بأهله لإنه معروف عن أبوه بالبخل الشديد من قبل لا أتزوجه ، بس على بالي ولده بيكون غير - كثير الغياب عن شغله ، و يتحجج بإنه زوجتي في المستشفى و ما أكون في المستشفى - ما عنده غيرة علي و لا على أخواته - أهله ( ضرابين ) و شكله بيصير مثلهم - كلامه و ردوده همجية ، يعني يا يسكت ، يا يرد بكلمة تسد النفس - أحسه بوجهين ، من كم مووقف حصل حسيته كذا - يجامل لوو على حساب نفسه ، و ماعنده غيرة على حرمات الله - ما يعرف ياخذ أي قرار ؟؟؟؟؟؟؟؟؟؟؟؟؟؟؟؟؟؟؟؟ و القرارات كلها أنا أخدها - دايم يجيب مشاكل من تحت راسه لي و لأهله - غير مثقف أبدا ، و ما يقرا أبدا و أجد صعوبة أحيانا في التفاهم معه و أجلس أبكي من القهر في الأخير الحسنات - رومنسي - حنون - يحبني و يحب أهلي و يحترمهم ( على الأقل قدامي ) لإني لاحظت كم مرة اتريق على أخوي قدام أصحابه - تارك لي الجمل بما حمل ، يعني لا سمح الله لو كنت وحدة سيئة ،، كنت بكل سهولة ضحكت عليه بس أنا ما أحب كذا ، أبغاه يحسسني برجولته ، بإهتمامه و بغيرته - ذوق مع الناس ( على الأقل لو ظاهرياً ) - يتأثر بكلامي و غيرت أشياء كثييييييييير سيئة كانت موجودة فيه من يوم زواجنا - ما يخلي أهله يتدخلوا بحياتنا و يدافع عني قدامهم ( الله أعلم ، لإن زوجة أخوه تنقل لي العكس ). - بس مو لله يبعدني عن أهله ، عشان لا أعرف عن فضايحه و لا اهله يعرفوا عن فضايحه لإنه يكذب علي و يكذب عليهم - قلبه طيب و رقيق جدا - عاطفي - دمه خفيف - يدور على راحتي في البيت ، يعني مثلا أكون راجعة تعبانة من برة ، يقوم يعمل لي قهوة و كذا لإني أقولها له بأسلوب دلع مو أسلوب أمر و هذا اللي مخليه متمسك فيني - ممكن أدلعه بكلمتين و يعمل لي الي أبغاه __________________________________________________ ______________ أحس إني لو استمريت معاه ، راح يبهدل فيا ، لا راح يسكني في بيت و لا راح يعرف يصرف علي و ماني حاسة إني عايشة مع رجال ؟؟؟؟؟؟؟؟؟ لإنه لا وظيفة و لا شهادة و لا شئ ، و اتكالي و فلوسه يصرفها على نفسه و أهم شئ يدور على المتعة هو بيعاملني بالتعامل هذا و بالحب و العاطفة ووووووووووو إلخ ، لإني مريحته في البيت و الحمد لله و لإني بأسكت كثير ، لإنه يوم أناقشه يهرب من البيت و ما يبغى يسمع شئ ، و جربت كل الطرق مثال : زمان وقفت معه كثييييييييييييييييير و وعدني إنه راح يقدر الشئ هذا و يعوضني وووووووو إلخ جاته فلوس ، كلها أعطاها لأهله و اهله يقولوا دام زوجته موظفة هي تصرف على البيت جاته بعد كذا فلوس ، بدل ما يرد لي شوي من اللي أخده أو من الوعود اللي قالها لي أو أهم شئ إنه يسدد جزء من ديونه اللي عليه عند الناس ، قام يصرفها هنا و هناك و لا يهتم كلمته قلت له ، شيل شوي عشان إذا رجعنا لبلدنا يكون معاك كم قرش ، يطنشني قلت له ، شيل شوي و سدد لو 500 ريال كل شهر للناس ، طنشني قلت له مرة ، ما تضمن إيش بيصير بكرة لا سمح الله ، و لو رجعنا يبغالنا بيت و سيارة و كذا يطنننننننننش و مو بس كذا ، تغييييييير علي و انكر كل شئ عملته معه ، و كل شوي يقول أعوضك بكرة و دحين رجع مثل ما كان ، و عليه ديون في المحكمة هنا و راح نرجع بعد كم شهر ، و ما عنده شهادة لإنه جلس يلعب و يتمشى مع أصحابه الفاضيين و ما سمع نصايحي يوم كنت أقول له كل واحد جالس يبني مستقبله و إنت ؟؟؟؟؟؟؟؟؟؟؟؟؟؟ يعني ما أستغل فترة وجوده هنا ، و ضيعها كلهاااااااااااااااااااااا و كان رامي كل المسؤوليات علي علشان كذا ، أفكر إذا رجعت إن شاء الله ، ما أبغى أجلس معاه ، بأروح بيت أهلي و أقول له ( مع السلامة ، سامحني ) اللي يخليني متمسكة به ، إنه هادئ و كلامه حلو يعني في المجاملات و كذا و إني ما أحب أعيش وحيدة ، بس هو تعبني و تعب قلبي و جسمي و صحتي و فوق هذا كله ، إذا رجعنا بتجيني مشاكل من أهله مالها أول و لا آخر يعني هم عارفين عيوب ولدهم و عارفين قد إيش بأتحمل و دايم يقولولي ادعيله ربي يهديه بس مع كذا ما يرحموني ، خاصة أمه تبغاني أصرف عليها و على ولدها بأي طريقة مرة جابت لي أوراق تبغى تضحك علي و تخليني أوقعها بس الحمد لله إنه ما ينضحك علي يعني أفترض حسن النية لآخر لحظة ، بس موقفها هذا و غيره و غيره يخليني أحذر منهم مليون مرة و ماني حاسة بالآمان و لا الإستقرار أبدا ------------------------------------------------ لازم أحدد لو أبغى أستمر معاه و لا أتركه ، لإنه مافي مجال بعد كذا لإني أجلت الحمل حتى أخلص دراستي و غربتي و يوم شفت الأمور كذا و ما بانت لي غير في الخارج لإنه زمان كنت أحسب العيب من أهله كله لإنه كان يرمي أغلاطه على أهله ، و دحين يرمي أغلاطه علي و العمر بيمشي ، و ما أبغى أعيش طول عمري أقول ياليت و ياليت و ما أبغى أندم على أي قرار بأخده |
كمان من عيوبه الأناااااااااااااااااااااااااااااانية و الدكتاتورية بس مو معاي دكتاتوريته
لإن أهله دكتاتوريين ، فهو ماخد شوي منهم و أشوفها بتعامله مع ولده و اللي أضعف منه و أحس أحيانا إنه ولدي الطفل ، عقله أكبر من عقل زوجي ماشاء الله يتصرف ماشاء الله بحكمة و أقول بداخلي الحمد لله إنه ربي عوض صبري بهذا الولد و يقول لي زوجي من دحين ، نبغى نسكت في ملحق تبع المسجد لو رجعنا و أفرش لك فرش من الرخيص ، و زي كذا يقول لي يحرق في اعصابي أنا ما أعترض على الرزق و الحمد لله و الدليل وقوفي معه بداية الزواج لكن يوم شفته يلعب في الفلوس و يصرفها هنا و هناك و جاته الفرص لحد رجوله و رفسها و ما استغلها و كم مرة نبهته ، فأنا ما راح أتحمل حياة الشقاء معه من جديد لإنه يوم جاته الفلوس ، صار يقول ( فلوسي ) ماحد له دخل فيه ؟؟؟؟؟؟؟؟؟؟؟؟ مع إنه المفروض العكس ، المفروض أنا اللي أقول الجملة هذه تعبانة ، و أرجو النصح و الإرشاد منكم و اللي مخليني متمسكة فيه ( يمكن تضحكوا مني ؟ شر البلية ما يضحك معليه ) إني في الليل ما اعرف أنام من غير ما أحط راسي عليه يعني عودته من أول يوم الزواج إني أدلعه و أحط يدي دايم عليه و ألعب بشعره و كذا يعني علاقتنا ما كانت فيه أحسن منها قبل ، بس هو خربها بكسله و اتكاله و زي كذا حليت جزء من المشكلة إني ما أتدخل بتعامله مع الناس ، لوو سرق من بنك بكيفه ،، و إذا الشرطة سحبته ، مالي دخل ( بأجمد قلبي ) لإني كم مرة نبهته على فكرة ، لا سمح الله لو تركته فهو يدري إنه ماحد بيهتم فيه غيري ، لإنه ماله أصحاب غير أصحاب المصلحة و أهله يفتكروه وقت المصلحة و بس ، وو مرة أخدته شرطة المرور عشان عليه مادري كم مخالفة و طلبوا مبلغ كبير و أهله ماحد سأل عنه ، كل واحد لاهي بحياته ، لإنه كل واحد فيهم يفكر في نفسه ، و بسبب إنهم فقدوا الأمل فيه و كم مرة وقفت معه و تنكر لي ، بس بالكلام يفتكر لكن بالفعل أبدااااااااااااااااااااااا |
اولا كيف علاقة زوجك بالله
هذا السبب الرئيسي اللي خلاه ينزل من نظري ، إني تزوجته عشان دينه ، كنت أحسبه ملتزم على حسب مظهره و كلام أهله عنه ، و هم أتاريهم متفقين و قال له أبوه لو تبغى تتزوج روح لبيت أهل البنت و قول لهم أنا شيخ و حافظ القرآن و شوف كيف بيسهلوا لك الزواج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ في الملكة لاحظت إنه مو هذاك الشئ ، بس كلامه معسول و يحلف بالقرآن ووو إلخ و بعد الزواج قال لي كان غصب عني لازم أكذذب عليك عشان ما ترفضيني و عشاني حبيتك استمريت معاه ، و أسهل شئ في الفقه ما يعرف حكمه ، يعني ماخد الدين عن أبوه بس مو عن دراسة و فهم عشان كذا بأقول ماعنده وازع ديني ، بس ما أنكر إنه تحسن دحين عن قبل و الحمد لله ، و إنه بيتأثر بالقرآن مرات يعني زي إبرة البنج و بعد كذا خلاص المهم ، أبوه ماشاء الله رجل دين ، لكن أمهم قدام أبوهم تبان ملتزمة و تخاف ربها لكن من وراء أبوهم تعمل أشياء ما يدري عنها ، مثلا تجيب أفلام و تتفرج مع أولادها و تعلمهم الغش و كذا و الكذب عيني عينك ، قدامي و تبغاني أصير مثلها و تاخد فلوس الناس و ما ترجعه لهم و عنده الرشوة عادي جدا فبسبب زوجي ، بديت أنزل من مستواي كل شوي عشان لا يحصل تصادم و عشان أسحبه معاي حتى أهلي و كل من حولي قالولي تغيرتي للأسوأ بعد زواجك و كنت زمان قريبة من ربنا بس إيش أعمل ؟ اخدته عشان دينه و أخلاقه ؟؟؟؟؟ و مادري إنه الوضع كذا هو بدأ يتأثر فيا ، بس أنا بديت أضعف خلاص و أحيانا أقول بداخلي ( ليه ياربي كذا ؟ ) استغفر الله أخاف أدخل النار بسبب التساؤلات هذه ؟؟؟؟؟؟؟؟؟؟؟؟؟؟؟؟؟ لإني رفضت كم واحد قبله عشان كنت أبحث عن الدين ، و كل اللي تقدموا أخلاقهم مافيها شئ بس يسمعوا مثلا أغاني أو يدخنوا و كذا ،، و زوجي ما يسمع أغاني الحمد لله بس ممكن يكون مع أصحابه و يسمع لإنه ما يعرف يقول ( لأ ) هل كان في حياتك احد تمنيتي الزواج منه ولازال في بالك كنت الصراحة أبغى مواصفات معينة و تنازلت عنها كلها يوم سمعت إنه حافظ للقرآن و شيخ و كذا بس من أول أسبوع من الملكة عرفت إنه مجرد مظهر أمام الناس ، و مواصفاته عكس تماما اللي أرغب بها جيت بأفسخ الخطبة ، بس جلس يبكي و يشهق بالبكاء و يقول لي ماحد فاهمك غيري و أنا اللي راح أسعدك و اعطاني وعووووووووووووود و حلف ، و كلها كذب و ماكان فيه شخص في بالي ، بس كنت بداخلي أتمنى مواصفات ______________________________________________ بأضيف شئ ، في بداية الحياة واجهتنا مشاكل مثل أي متزوجين في أول سنة زواج خاصة إني حسيت إنه انضحك علي و أنا اللي تنازلت عن أشياء كثيرة و تنازلنا كثييييير عن أمور عديدة و أمي وقفت معاه مالقينا تقدير من أهله و لا من أمه يحسبوني رامية نفسي عليهم ، و مادروا عشان ( الدين ) تنازلنا لإنها ما تزوج بناتها إلا أصحاب الأمووال و المراكز المرموقة ماشاء الله بس الحمد لله تجاوزنا المشاكل هذه ، و فهمته و تقبلت شخصيته الحقيقية و تعلق هو فيا أكثر ، بس قلبي أحسه مو مثل زمان ، أحس إني تعبت و راح أتعب أكثر بحياتي معه لو استمريت |
اقتباس:
|
انتي ما وضحتي عزيزتي لنا شي
تقولي ان مرتاح معاك لانك موفرة له كل شي الواضح ان زواجكم كان تقليدي ايوة ، للأسف هل عندك اولاد ؟ واحد و أجلت الحمل عشان أخلص دراستي و عشان الموضوع هذا بأحدد مصيري قبل كل شئ لإنه إلى اليوم ما عمري حسيت بإستقرار معه ، أحسه لسى بيعيش مراهقته لإنه انحرم منها في بيت أبوه هل انتي تعملين او تدرسين ؟ بعثة من جهة العمل هل هو مشغول عنك على طول ؟ قبل كان مشغول عني طول الوقت ، بس ألحين لأ ،، عندي أغلب الوقت لإنه بيقوول هذه السنة بيثبت لي إنه تغير بالفعل و ما يبغى يجيب لي مشاكل من الناس لكن مجرد ما تجي فلوس في يده ، يخرج يوميا يصرفها في هواية يحبها و أتركه عشان يرفه على نفسه كيف تعامله معاك حنون ؟ طيب ؟ عصبي ؟ كيف حنون هو بشكل عام ، دمه خفيف و هذا اللي عاجبني فيه يعني ممكن أنفجر في الأخير مع ضغط الإختبارات و يعلق تعليقات تضحك أو يعمل أشكال في وجهه و أنا أضحك وقتها و هو ينبسط يوم يشوفني ضحكت أو بأحاول أكتم الضحكة ، بس طبعي من قبل الزوواج ما أحب المشاكل و أقلب الجد للمزح ، بس هناك أوقات جدددددد و مسائل يبغالها حل جذري بس هو برضو ياخدها بتريقة و يخليها تتراكم لحد ما أحلها بنفسي عصبي على ولده أحيانا ، يعني دايم يحط عقله بعقل ولده ، بس علي حنون و يقول أبغاك بس لوحدك أنا و إنت نعيش في الدنيا هذه ، عشان كذا أشوف اللي حولي و أقول احمدي ربك يكفي كذا بس لمتى يجلس كسول و عالة على الناس ؟ هل انتي ناقصك شي معاه ؟.يعني مقصر بشي معين؟ ايوة ، كل شئئئئئئئئئئئئئئئئئئئئئئئئئئئ بإستثناء الناحية الجسدية و العاطفية يعني أحرم نفسي من كل شئ و هو يمتع حاله و يصرف على نفسه ، باع مرة ذهباتي و ما أخدت منها غير ميتين عشان اشتري دبلة لنفسي ،، و حاليا بنمشي حالنا مع الرواتب تبع الدولة ، بس بيرجع و هو مامعه شهادة و لا وظيفة و هو ما استغل فرصة تواجده هنا عشان يبني مستقبلنا ، ضيعها في اللعب و السهر و الأصحاب و السفر كم عمرك وكم عمره ؟ ميزتي إني ابان في عمر الـ 19 ،، و هو يبان في عمر الـ 40 .. بس نحن في نفس العمر و هذا السبب كان بيخليني أرفضه أول ما تقدم بس قالوولي أكبر منك بعشر سنوات و بعدين عرفت إنه في نفس عمري و قلت لهم ما أبغاه و هو كمان جلس يقنعني يعني جسمه ماشاء الله و اللي يشوفني معه يحسبني ينته فهذا اللي مساعدني 29 نحن الحين وكم صار لكم متزوجين ؟ 5 سنوات وهل اخذتيه برضاك او غصب عنك ؟ كنت مقتنعة 100 بالمية لإني كنت أبحث عن الدين و الخلق ، و هم أمام الناس فقط ملتزمين لكن اللي يعيش معهم يعرفهم على حقيقتهم ، يعني مظهر عشان يوصلوا لمصالحهم الشخصية و تنازلت عن أشياء عدييييييييييييييييييييييدة و وقفت معه و كان يبان قدامي مافي أحسن منه ، و حبيته بالفعل في البداية بسبب رومنسيته و كلامه لكن القناع بدأ يكتشف هنا في الغربة و يوم نرجع السعودية ، تبدأ أخلاقه تتحسن و يبدأوا أهله يزعجوني لإنه ضعيف الشخصية و يوم نرجع هنا ، تبدأ الأشياء اللي كانت تضايقني في أهله و يتضايق هو منها ، تظهر فيه لا شعوريا انا من النوع الي أتقبل الشخص بعيوبه ، لكن أكره إنه الواحد يستغفلني و يستغبيني في الأخير عشان أمشي حياتي ، تقبلته مثل ما هو ، بس من غير قناعة لإنها أمور تناقض مبادئ مثلا أنا المهم عندي كرامة الإنسان و عزة نفسه ، بس هو العكس ممكن يذل نفسه عشان مصالحه و أنا أحب أكون صادقة و صريحة مع الناس ، هو لأ يعتبره غباء ،، و زي كذذا بس بدأ يتأثر بتصرفاتي ، و للأسف أنا بديت أتعلم منه الهدوء و التطنيش و اللامبالاة و هو بدأ يصير عصبي شوي شوي ،، و هذا الشئ اللي مخليني أقول أنا كنت صابرة عشان رومنسيته و طيبته و محبته ، بس إذا بدأ يتغير و كل شوي تبدأ تربية أهله تبان عليه مع الزمن ، فخليني أفضل من ألحين ابتعد عن طريقه ،، لإنه باين لو عطيته فرصة يمد يده لإنه اهله التعامل بينهم كذا ، بالضرب و الشتم و السب و الإهانة |
اقتباس:
سامحيني ، لو أدري فين مشكلتي بالضبط كنت حددتها بس كلها تراكمات و كل ما قارنت مشكلتي بأي مشكلة هنا ، أقول اصبر بس حاسة إني تعبت و يوميا أقول بداخلي خلاص بس أرجع و ما راح أجلس معه |
أمر آخر بأضيفه ، غير أمييييييييييييييين أبدا ، ماله عهد و لا ميثاق ، نذل و أقول كذا لإني شفت تعامله مع الي حوله
هو قدامهم طييييييييييييييب وو أخلاق بس يجي عندي و يقول بأعمل كذا و كذا بعدين أعارضه و أقول له ما يصير و خلاص ، سويه لوجه الله و زي كذا بعدين يسمع كلامي بس يوم نرجع لبلدنا ما ينفع الكلام هذا لإنه راح يتأثر بكلام أمه و هي هذه طبايعها مع الناس و سرق مني فلوس و اتهم الشغالة و قالي نخصم من راتبها ، و يوم طالعت في كشف الحساب عرفت إنه هو ، بس بينكر و يحلف بالقرآن إنه مو هو ، و مو أول مرة يحلف بالقرآن كذب يعني أخاف في ( بيتي ) أحط أي شئ ، كل علامات النفاق فيه إيش الحل ؟؟؟؟؟؟؟؟؟؟ هل راح أقدر أتحمل طول العمر ؟ و النقاش معدود بيننا ، لإني يا أنكت و أضحك معاه و أتكلم معاه عن الأفلام و عن اشياء يحبها و لا أسكت ، و لو تكلمت عن شئ مثلا مهم ، أحسه يضيع و ما يفهمني و يتعب ما يحب ( يفكر بشئ ) عشان كذا تارك كل القرارات علي ما يغار علي من أخوانه ، لإنه ضعيف شخصية أمامهم ،، يعني لو في يوم بالغلط تكشفت على أخوه ، فعادي جدا ، أبرد ما عنده و يغار علي من ولده ؟ |
زوجك ضعيف شخصية وماعندة مبدا
وتربيتة زادت الطين بلة حاولي تغيرين فية باسلوب ينفع معه اختي الله يعينك اذا كان الشخص ماعنده مبدا فهو قراراتة متغيرة مع الناس يعني انسان فارغ من جوة لكن حاولي معاه عشان ولدك ولو لا سمح الله تطلقتي رح تكون فرصتك مع انسان افضل قليله يعني اصبر على مجنونك لا يجيك اجن منه |
اقتباس:
قلتي بالضبط و حللتي بالضبط شخصيته ، هو للأسف فارغ من داخله و كل أهله مثله ، و حكاية إني أغيره ( فهذه أنسيها تماما ) لإني يوم كنت أحاول أغيره ، بديت أتغير للأسوأ و خسرت اللي حولي و خسرته و خسرت صحتي و كل شئ لإنه انسان ( مراوغ ) يعني قدامك يبان مقتنع بكلامك مية بالمية ، لكن تكتشفي إنه وراه بلاوي سوداء فيوم رجعت استقليت بشخصيتي و أبني نفسي ، رجع هو يحبني أكثر و رجع يتعلق فيا أكثر حتى أهله يوم أعاملهم بالطريقة هذه ، يعني واثقة من نفسي و من مبدأي يحترموني مرة و يحترموا اهلي لكن يوم كنت أعاملهم بأدب و احترام و ذوق ، اعتبروه ضعف شخصية و خوف لإنهم حسبوا تنازلاتنا كانت إننا رخصنا من نفسنا ، بس كنت كل شئ أتنازل عنه و أساعده عشان على بالي ( ملتزم و شيخ و كذا ) و حكاية إني لو تركته بتكون الفرصة أقل ، فالموضوع هذا تكلمت فيه مع أهلي إنهم تركوا القرار لي ، لإنه صحتي بتدهور لإنه رامي كل شئ علي ، بالإضافة إلى إني حاسة نفسي جالسة أربي زوجي مو ولدي ، و فوق هذا كله أهله كل شوي يقولولي ادعيله هذا طول عمره كذا طيب فينهم يوم جوا تقدموا ؟ ما كنت أفهم معنى كلامهم في البداية ( لإني ما اشتكي لهم أبدا عن شئ ) بس بعدين فهمت قصدهم يوم جربته و عشت معاه المهم ، أنا تكلمت مع أهلي ، و تركوا حرية القرار لي ، و في حالة استمريت فأرضى إني أعيش معه بالطبايع هذه لإنه مستحييييييييييييييييييل يتغير ، لإنه عاجبته نفسه ( انسان سلبي جدا ) بالعكس ، يشوفني أنا اللي مكبرة الموضوع و ه و ما يستاهل ، لإنه مرتاح كل شئ ببلاش عنده ، زوجة تدلعه و تهتم فيه و تسمع كلامه ، لإني أعرف حقوق الزوج من كثر ما أقرأ و من خلال معاملة أمي لأبوي ، و طفل ذكي ماشاء الله ، و أكل و لبس و كل شئ جاهز عشان كذا مرتاح هو ، و ما يفكر إذا رجعنا إيش بيعمل وقتها ؟ و أهلي قالولي في حالة تبغي تتركيه ، برضو القرار بيدك عشان لا تقولي في يوم غصبتوني أستمر معاه لإنه كلنا حاسيين إنه اتغشينا فيهم ، و انضحك علينا .. و أنا رضيت بالواقع و بالنصيب لكن أفكر في بكرة ، و أفكر في إنه رامي كل شئ علي ، صح يتحرك و يقوم بس بعد متىىىىىى ؟؟؟؟؟ و ما يعرف معنى ( القوامة ) و أخواته البنات يهزؤا فيه و هو ساكت ، و يوم تزوجته بدأ الكل يعطيه اعتبار و قيمة لإني كلمتهم مرة أول ما تزوجت إني ما أرضى زوجي ينهان قدامي لإنه كرامتي من كرامته فعلشان كذا أحس إني أنا اللي جالسة أحميه مو العكس و لا سمح الله لو تركته ، أريح لي من ناحية إني موظفة و وظيفة مرموقة الحمد لله و أربي ولدي ، و لا إني أجلس أربي زوجي و هو جايب لي مشاكل من هنا و هناك و مرة تدين من فلان و مرة مادري إيش عمل ؟ و كم مرة حاول يورطني في كم شغلة بس الحمد لله إنه ربي كان يبصرني وقتها قدم على شئ بإسمي و جات فواتير بإسمي ، و لا يهتم أهم شئ نفسسسسسسه ، طلب مني أقدم على قرض و ما رضيت طلب مني مرة أوقع على أوراق تتسحب من حسابي مبلغ شهريا عشان أسدد دينه اللي قبل لا يتزوجني و يوم شفت الشغلة فيها اتفاق بينه و بين أمه ، لغيته على طول تاني شهر يعني أنا عند أهلي الحمد لله معززة و مكرمة ، ماني عارفة ؟ اخاف استمر و اندم و يورطني في شغلات ، يعني فاتحة عيوني الحمد لله و أخاف اتركه و أندم ، يعني هو الي مخليه ماشي كويس ألحين إنه معطيني اعتبار بس لا سمح الله بكرة لو جاته وظيفة و فلوس ، أحس إنه ممكن يبيعني بالرخيص لإني عرفت معدنه يوم جاته فلوس من كم شهر و شاف حاله علي و يقول ( هذه فلوسي ماحد له دخل فيها ) أنا غسلت يدي منه |
أختي القانتة
الشئ اللي مخليني معاه ، إني أخدته و هو ما عمره كلم بنت و لا له علاقات لإني انسانة غيورة ، و ما أرضى بحكاية لا سمح الله علاقات ماقبل الزواج و كذا و ما أتخيل وحدة في حياة زوجي غيري فهذا اللي مريحني ، و حكاية إنه أول رجال في حياتي و الذكريات و كذا اللي بيننا و هناك أمور مشتركة بيننا ، يعني هو صح فيه طبايع اللي قلت عليها و تبان الطبايع هذه يوم يبعد عن أهله مادري ليه ؟ تبدأ تطفو عالسطح يمكن ؟ لكن يوم كنت في السعودية كنت مبسوطة معاه لإني ما كنت أعرف هذه الأشياء عنه و كنت تعبانة من أهله لإنه هذه صفاتهم مو كلهم ( حرام أظلمهم ) ، أمه بالتحديد و كم واحد ،، لإنها قدام زوجها عكس من وراه فالأطفال تربوا على الشئ هذا ، يعني أبوه ماشاء الله انسان محترم و قدير و مبدأ و كل شئ لكن المشكلة في الأم ، لإنه ماخد أغلب طبايعها أنا احترمها و تحترمني ، بس بأقول الحق و مو قصدي اغتابها علشان بأوضح إنه صعب أغيره لإنه ( تربية ) المهم لا سمح الله لو تركته ، ففكرة الزواج أبدا مو في بالي لإني أعرف نفسي ، أول شئ فكرة واحد متزوج مرفوضة تماما ، و لا واحد مطلق أو أرمل أو أعزب و ما أتخيل نفسي أعيش مع رجال غيره أنا قلت له ، مرااااااااااااااااااااااات أحسك عااااااااااااااااقل و فاهم الدنيا و مافي أحسن منك ( لإنه مثل ما قلت قلبه طيب و عاطفي ) و مراااااااااااااااااااااااااات ، أحسه واحد أناني و نذل و همه مصلحته و يكذب وووو إلخ ( تطلع الطبايع هذه ، يوم يشم ريحة فلوس ) بس يوم أتكلم معه ، يقتنع بكلامي ( يقولوا زميلاتي إنه عندي أسلوب في الإقناع ) حتى زوجي يقول يوم تكلميني كذا بهداوة و حب ، أسمع كلامك المشكلة إنه هو ( نساااااااااااااااااااااااااااااااي و أكبر نسااااااااااااااااااااي ) يعني أكلمه و يقتنع و يقول طيب ، و يطنش ،، فأحس إني ما كنت أكلم انسان ، أحس إني أحيانا أكلم ( جماد ) بجددد .. وقتها ، ثالث و لا رابع مرة خلاص اكلمه بشويش و آخر شئ اعصصصصب و أحيانا يوم أعصب عليه و انفجر ، أحسها تجيب نتيجة فعالة معاه و يقول لي ، أنا أحتاج مرات إنك كذا تخاصميني بقوة و تصحيني لنفسي هو السنة هذه بدأ يتصلح الصراحة نسبيا ، يوم اعطيته فرصة أخيرة إنه يا يتعدل الوضع يا خلاص من جد .. و وعدني كل شئ بيتعدل عشان ما يبغى يخسرني بس أنا بداخلي صارت ردة فعل غصب عني ( كل شوي أقول اصبري كم شهر و خلاص تتركيه و ترتاحي من التعب ) طبعا يوم أشوف ولدي مبسوووووووووووووووط معاي و مع أبوه ، أقول لأ خلاص هو داخل البيت كوييييس و تمام ، يساعدني و يخدمني و يحبني بس يوم يخرج برة ، ما اعرف إيش يصير في مخه ؟؟؟؟؟؟؟؟؟؟؟؟ يجيب لي مصايب ، ما أعرف أعطيه أي مسؤولية لإنه مستهتر ، تكون شغلةة مهمة و رسمية ممكن يتهاون بها بس يقول لي بأثبت لك السنة هذه فأنا في الوقت اللي غسلت يدي و خلاص بداخلي قلت ( ما راح يتغير و صار ما يهمني أي شئ ) بدأت نتايج الكلام تظهر فيه نسبيا ، يعني بدأ دحين يهتم في صلاته عن قبل ، صار يقوم الفجر مو مثل قبل يتعبني صار يصوم النوافل من حاله ، مثل 10 أيام الحج ،، سألته بتصومها ؟ قال لي إن شاء الله و أول مرة يصومها من يوم تزوجته ، صار يبغى يرجع يربي لحيته و زي كذا بس أنا ما صرت أثق فيه من كثر المواقف السابقة مثل قصة الراعي و الذئب ، اتمنى تفهموني و أحد يقنعني و يدلني فين الطريق الصح ؟ و إيش الصح ؟ |
نقطة أضيفها ، يوم كنت أشجعه عشان يعبر عن وجهة نظره و كذا و ياخذ قرارات
صارت عنده ردة فعل عكسية ، صار يرد علي أول شئ ، تاني شئ يرد بأسلوب سيئ و مع الناس مثل ماهو فقلت بداخلي ، لا ياستي مالك دخل فيه اهتمي في نفسك ( علمته الرماية فلما اشتد ساعده رماني ) قلت مالي دخل ، أهم شئ لا يتيغير علي لو كذا بيتغير بالشكل هذا مرة قال لي ، إنت علمتيني كيف أتكلم و كيف أواجه الناس و علمتيني أشياء كثيرة في حياتي لإني لو أحب نفسي كنت قلت أهم شئ يسمع كلامي ، بس ما كان عاجبني ضعفه مع الناس فكنت أنصحه و أبين له كيف و زي كذا ، و أنا دارية إنه أول شئ راح يطبقه علي بس قلت بداخلي ، أهم شئ يشيل الخوف اللي بداخله ، لإنه بيمنعه من التقدم لقدام بس جاء جربها علي أول شئ ،، و علشان كذا حسيت إنه جرحني أخاف يبدأ يتفرعن علي ؟؟؟؟؟؟؟؟؟؟؟؟؟؟ يعني لو حاولت أغيره بيتغير علي و أنا أبغاه مع الناس يقوي شخصيته مو علي ؟ معليه الكلام ملخبط عشان عندي اختبار بكرة ، بس دخلت أفضفض عشان أرتاح يمكن الرجال يفهموا شخصيته أكثر ؟ يمكن النساء جربوا و يعرفوا إذا فيه أمل ؟ ما اعرف ؟ أهلي على فكرة عرفوا كم شغلة عشان هو استدان فلوسس من واحد يقرب لنا و أمه أخدت فلوس من مدري مين ، يعني نحن أرحام من بعيد ، يعني أخته متزوجة قريب لنا من بعيد و زي كذا ، و كم مرة قلت له لا تحرجني مع اهلي و دحين اقتنع بكلامي |
ماشاءالله ,, هذا زووجك يبى له ندخله موسووعة غينيس ع كل اللي قلتيه عنه
كل هذا فيه ؟؟! يعني مميزاته مقارنة بعيووبه ولاشي يعني مافيه شي مميز الا انه حاط لك اعتبار ع قوولتك ودمه خفيف وعاطفي اما الباقي كله عيووووووب بصراحة احس حوسته حووسة !! اعتمااااااادي درجة اووولى ومايعرف يتصرف وماعنده مبدأ في حياااااااته ووايد يهتم بالمظهر ومسوي روحه يفهم وهو اساسا ما يدري وين الله حاطه وكذاب وغير امين وعايش رياااااااء قدام الاوادم بس وللحين يفكر روحه ولد 15 سنة ووووووووو يعني مدااااااام كل هذا فيه ليش مو من البداية خليتيه داامك عرفتي كل ال فيه ليه جبتي الولد ؟ يعني انتي الحين قاعدة تعيشي بس ما قاعدة تحسي بطعم الحياة قاعدة تتعذبي متضاايقة مب عاجبتك نمط الحياة كلهاااااا طبعا انتي محتاررررة وتطلبين الحل ؟! مافي حل 100% راح ينقذك وساعدك دايركت انتي حاولتي معاه كثييييييير وتعبتي كثيييييييير ولو بيتغير جان تغير من زمااااان بس الواضح انوا يحبك كثييير وما يقدر يستغني عنك والله شقوولك انا من رايي هم تحاوولي مرة اخرى تتكلمي معااااه بس مو لحالك تجيبي احد من اهلك ابوك , اخوك , عمك , حد كبيير وكلمته مسموووعة تخبريه عن كل شي او بالاحرى عن الامور الاساسية لعل وعسى يخجل من نفسه لم حد يكلمه او تجربي تاخذي منو موقف انتي شكلك عمرك ما اخذتي منه مووقف يعني لما يسوي شي غلط تحاسبينه مثلا خبريه عن كل هالامور ال ذكرتيها وروحي بيت اهلك استريحي كم يووم خليه لحاااله شوفي كيف راح يضيبع يدوونك ما بعرف لو جربتي من قبل او لا بس حاووولي حسسيه انك تعبتي من هالحياة من طريقة تفكيره الغلط من اسلووب حياته النمطي الغير منطقي ابدا من تصرفاته الصبيانية من كل شي اتمنى اكون افدتك بشي ولو بسيط وياااااااااااارب الله يهديه لك وتعيشووا مبسوووطين وتنحل كل المشاااااااااااااكل اللهم اميييييييين دمتي بود حبووبة ,,,,,,,, |
هذا رجل ناقص المفروض يخاف على نفسه وعلى اهله من دعاوي الناس اسال الله يجنبك الشر اختي محتاره انتي وابنك وشفنا حالات مثله يسغلوا الناس بهذي الطريقه ويجمع ماله ولا ينفق منه شي وياكل ويشرب على حساب الناس لاتسمحي لنفسك بالاكل والشرب واللبس من هذي الاموال الي ياخذها بالاستغلال حتى لايصبك مكروه من دعوة احد من الناس
|
عندي اختبار بكرة ، بس بأرد بسرعة
الناس تدعي عليه و على ولده و هو أبرررررررررررررررررررررررررررررررررد ما عنده هذا اللي يخليني أفكر أتركه يشوفني مكبرة الموضوع ، و هي بالفعل كبيييييييييييييييييرة ربي بيسامح و يغفر لكن حقوق الناس صعب نتغافل عنها اختي مذهلة أنا ماعرفت عن عيوبه هذه إلا السنتين الأخيرتين بالضبط ، كنت أول ماني عارفة فين المصدر ؟ كنت أحط اللوم كله على نفسي و الغلط كله على نفسي و كان هو يحط اللوم كله على أهله لإنه جات فترة هز ثقتي بنفسي ، و خلاني ولاشئئئئئئئئئئئئئئئئئئئ لحد ما فهمته و التجأت لربنا و كشف لي عن أشياء كثيرة كنت غافلة عنها و اللي خلاني أصبر ،، أول سنتين ، كان يتحجج إنه حالته المادية ضعيفة و كنت مقدرة ظروفه ،، و نفس الوقت كان يتحجج بإننا ماحنا مستقرين عشان في أي لحظة ممكن تجي بعثتي من العمل .. فكان يحط كل العيوب على أهله و إنهم السبب في المشاكل ما بيننا و ما أنكر إنه أمه كانت متعبتني و تحرضه على راتبي و كذا ، بس كنت ما أدري إنه يكذب كنت أثق فيه ثقة تامة و كذبت كل الناس و صدقته بعد كذا جينا هنا ، و انشغلت مع الدراسة و مع الغربة و بدأت تنكشف أوراقه كلها السنتين هذه اللي مرت لإنه كان اللي مسكته هناك أخواني و أمي ، لإنه أهلي كانوا يقدروه و يحترموه مرررررررررررة و صارت أشياء كبيرة بس ما كتبتها ، نقلت الزبدة ،، و كنت وقتها حاطة له صورة كبيرة و هو كل شوي يكسرها أخدت مواقف كثييييييرة و هذا السبب اللي مخليه شوي يتحسن ، عشان المواقف اللي أخدتها منه مرة من المرات بدأ خلاص يطول لسانه و ما يبغاني أسأله عن قرش واحد و لا يبغى يتحمل أي شئ و يسهر و كذا ، و قال لي ( لو إنك شاطرة اتصلي على أخوك و تشوفي إنه آخر يوم بيكون بيننا ) طنشته عشان لا أدخل أخوي أبدا ، و تصرفت لوحدي ، شافني سكتت عن الجملة هذيك و شكله حسبني خايفة و بدأ يتطمن إني ما أخلي أهله يتدخلوا و لا أهلي و لا أحد ، من باب إنه الحرمة العاقلة ما تطلع مشاكلها برة المهم ، رجع تفرعن و صار رامي كل شئ علي و يخدم أصحابه و رجع قال لي ( دقي على أخوك ، خليييه يعرف عن أخته و خليه بنفسه يوريك ) وقتها بكيييييييييييييييييت و قلت له ، قول لي ،، فهمني .. قول لي في إيش أنا غلطانة ؟ كل شئ عملته ، في إيش مقصرة ؟؟؟؟؟؟ قال لي ، لا ، أنا بأقول لأخوك يوم أكلمه عنك .. و بيكون آخر يوم بيننا .. ( بيهددني ) وقتها عشان أثبت له إني ماني خايفة من شئ ، و كان نفسي أعرف إيش غلطي أنا ؟ وقتها ، قمت الليل و بكيييييييييييييييييييييييييت و استخرت 7 مرات إني أكلم أخوي ، لإن أخوي الكل معطينه اعتبار لإنه انسان محترم و الكل يحبه و ما عمره قصر مع زوجي المهم ، دقيت على أخوي و قلت له زوجي بيكلمك و يشتكيك عني ،، أبغاك تعرف منه إيش عملت أنا ؟ و الله ما كملت كلامي ، إلا أخوي صرررررررررررررخ فيا و قال إيش يبغى يقول لي الحقير هذا ؟ يكفي إني ساكت له من زمان عشانك و محترمة مو عشان سواد عيونه ووووووووووووووووو إلخ قلت لأخوي يمكن العيب مني انا ؟ كلمه ، قال لي لا أبغى أسمع صوته و لا سيرته و لو بتستمري معاه ، فإنت راح تخسري صحتك و دراستك و مستقبلك و كل شئئئئئ هذا انسان ما منه أمل ، هذا مو انسان ، هذا واحد بيستغلك و بعد كذا يرميك و يوم كلم زوجي ، قام زوجي طول لسانه عليه ( عشان في الغربة و عارف إنه ما راح يجيه ) و زعلت من زوجي وقتها قلت له كرامتي من كرامة أخوي اللي رباني و اللي ما عمره غلط عليك و بعدين زوجي ندم و راح كلم أمي و اعتذر لها هذا الموقف من سنة صارت و من يومها كل شئ بدأ يتعدل و بديت أصحى لحالي لإني كنت أشوفه كامل ، و من يوم ما قمت و دعيت ربنا في الليل و سألته إنه يبين لي في الصح و الغلط سبحان الله ، كأنه غطاء من قدام عيني انزاح المهم أختي مذهــــــــــــــلة ، هذا سبب صبري ،، إني كنت أحط احتمالات و أحط اللوم على نفسي أول شئ ، و استشير و استخير هذه السنة بأخلص فيها إن شاء الله ، و هذه السنة أعطيتها فرصة أخيرة يا يتعدل الوضع يا خلاص بس شايفة هناك أمور تعدلت و هناك أمور ماتعدلت .. عشان كذا ، طول الوقت في راسي شئ يقول لي ( اتركيه ) .. أحس إني ماني عايشة ، و كرهت الدنيا و صايبني اكتئاب ، و حزينة .. صح أكون معاه و أضحك و كذا ، بس و بعدين ؟؟؟؟؟؟ حتى دحين صار يطول لسانه بأي طريقه ، يعني يجيبها بالمزح ( بس نفس الوقت بيقيس النبض) يعني مرة يقول لي بصراخ و مزحة ،، يا الله بس عاااااااااااااااااد بلا كلام فاضي يا الله بس عاااااااااااااااااااااد ارحمينا بسكاتك ؟؟؟؟؟؟؟؟؟؟؟ يوم أعمل نفسي زعلت و لاشئ ، يجي يدلعني و كذا .. و أقول له ما تكلمني بالأسلوب هذا ، تعرفني حساسة مرة .. يرد علي ، يعني ما تحبي المزح ؟ ما تعرفي المزح ؟ أقول له ، ماتمزح معاي بالأسلوب هذا ،، إنت ما كنت كذا .. يقول لي خلاص ما راح أمزح معاك مرة تانية و أقول له لو بالأسلوب هذا فلا تمزح معاي .. معليه ( لإنه يقولها بطريقة كأنها جدية ، أحسه بيقيس نبضي لو سكت بيسويها معاي ) و مو شرط إنه فرص الزواج تكون قليلة بالنسبة لي ، لإنه في عيلتنا البنات يتزوجوا في سن الـ 23 و فوق .. يعني هناك اللي قدي و ما تزوجت من صحباتي و اللي توها تتزوج .. و مو باين علي إنه عندي ولد و لا متزوجة .. و مهتمة بنفسي و الحمد لله ،، و سمعتي وسط الناس كويسة و الحمد لله ،، بس أنا ما أبغى حياة مشتتة لولدي إلا في أسوأ الحالات لا سمح الله ، و لو رجعت و شفت الوضع مستمر كذا و لا أفكر إني مثلا أعيش مع شخص تاني ، كرهت الرجال و ماني بحاجة لهم و آخر مرة تقول لي أمي إنه عيلة فلان جات أمهم سألتها ، ليه بنتك رفضتنا ؟؟؟ ماهم لاقييين سبب مقنع إني رفضت ولدهم ؟؟؟؟؟ كنت أدور عن ( الدين و الخلق ) عشان أهلي مو ملتزمين ، و ما أظن طلبت شئ صعب .. ما دورت عن الفلوس و لا على المنصب ، و أنا مؤمنة بإنه ابتلاء من ربنا اللي بأمر فيه .. |
والله شقوولك
يعني حياتك ملخبطة وانتي مش مرتااحة ابدا وف نفس الوقت خايفة ع ولدك ومعاااك كل الحق بس انا اشوووف ان انتي لازم تقرري ايش تعملي ؟ لو انتي حاسة انوا فيك تتحملي اكثر من كذا وتصبري تمام زين على زين لو حاسة ان انتي خلاص تعبتي ومش قادرة وهو تغيرت فيه اموور وامور ما تغيرت انتي قرري وفتها او تبقي معااه وتعطيه فرصة او بالاحرى فرص اخرى لعل وعسى ربنا يهديه او انك تقرري تبعدي عنه لفترة طبعا بعد ما ترجعوا لبلدكم وتخليه لحالو ع اساس ترتاحي شووي وتشوفي ايش بيصير ربما بغيابك عنوا راح يحس ع دمه شووي ويتغير اما عن فرص الزواج فانا ما اقولك ان مالك فرصة لا الزواج قسمة ونصيب وقدر يعني ياما حريم تلاقيهم متطلقين يتزوجو مرة ثانية وعادي انا اعرف وحدة متطلقة مرتين وهاهي متزوجة واحد وعايشة الحمدلله بس انا اقولك خلي فكرة الانفصال اااااااااخر حل لما تستنفذي كل الطرق ولما تحسي ان خلاص وصلتي على شفا حفرة مثل ما يقولون لان مو هين الامر بس حياتك واعصابك وحالتك النفسية احس بتزيد حدتها بس ماعليه اكثري من الصلاة والدعاء وزي ما قلت لك زوجك باارد يبي له دزة قوووية تفيقه من نووومه الطووووويل وربك كريم بس صدقيني يا اختي ما في شي يبقى ع حاله دوام الحال من المحال لازم بيجيه يووم وبيحس وبتغير وخصووصا انه يحبك وما يقدر يستغني عنك وحطي ف بالك شغلة مهمة يمكن تهدي بالك شوي الله سبحانه وتعالى ما يعمل شي للانسان الا يكون فيه صلاح له وخير يعني اللي يصير لك له صلاح من رب العالمين هو ارحم الراحمين انتي خلي ايمانك بالله قوووي وصدقيني الله ما بيخب دعاك ابدا وبالتووووووووفيق ف الاختباااااااار حبيبتي ,,,,,,, دمتي سالــــمة |
حياك الله اختي محتاره .. يا اختي المرأه تتزوج عشان تحس بالاستقرار و الامان و يكون عندها رجل تستند عليه وقت الشدايد تتزوج رجل يعيشها أميره و يحسسها انه هو من يخاف عليها و يحميها .. انت يا عزيزتي فاقده كل هذه الامور مع زوجك .. قرار الاستمرار او الانفصل هو بيدك انت و لا احد يستطيع ان يقرر عنك فانت من سوف تقضين باقي عمرك مع هذا الانسان .. كان الله في عونك يا عزيزتي .. |
هلا وغلا اختي
يعلم الله اني احس فيك وبكل كلمةقلتيها كما انني سجلت بالمنتدى من شان ارد على موضوعك انا مريت بنفس تجربتك.... ولكن العكس زوجت من امراة.... زواج تقليدي وكانو يقولوا الناس اللي شجعوني على الزواج منها ان هلها مو اصحاب مشاكل وناس هادين وطيبين: انا كنت بعمر 26 شاب لي مبادئ واحلام وطموحات لايمكن اتنازل عنها وناجح بكل معاني الكلمة بشهادة من حولي والكل يبصملي على العشرة انني رجل بمعني الكلمةواجتماعي من الدرجة الاولى بعد الزواج بشهرين اكتشفت الاتي: يعلم الله ان زوجتي واهلها يحملون نفس الصفات التي يحملها زوجك واهله...... من دناوة نفس ومن خسه ومن تفاهه ومن اشياء كثيرة تنقصهم.... وليس عندهم طموح وغير مبالين ولاتهمهم الكرامة.... ومشين حياتهم بالبركة وانذال فوق ماتتصورين ولكن للاسف احببتي زوجتي ومن هنا بدا ضعفي : تنازلت عن مبادى لدرجة انني ضيعت شخصيتي وفقدت توازني انصبغت روحي ونفسي بطباعهم اجاريهم بعاداتهم وطباعهم التي اتقبلها بقوة وبادخلي ارفضها قطعياً فلوسي اصرفها عليهم بدون حساب وهم معجبهم الوضع زوجتي احاول ارفعها لمستواي ولا تهتم....فهي متعوده على عيشت اهلها ومرتاحه تنازلت..... ثم تنازلت.... ومن يتنازل مره يتنازل مرات الكل بدا يلاحظ على التدهور بعد زواجي .... لدرجة انني افكرب الانتحار لانني تحملت فوق طاقتي- لانني متعود على اهلي ناس لديهم مبدا ولا يكذبون ويعتزون بانفسهم كثيراً بعكس زوجتي واهلها لدرجة انني بعد فترة من الزمن انهرت ولم اعد اتحمل: اصابني الضغط بدأ شعري يتساقط( اصابتني الثعلبه) جسدي مع الناس وقلبي وعقلي يهيمان في بحر من المشاكل... اجلس وحيد.... شايل هموم الكون فوق راسي اخجل من الناس لانني اللي اكتشفته باهل زوجتي لايشرفني بان يكونوا انسابي صحتي في تدهور مستمر..... وفقدت التميز والنشاط في عملي واهملت حتى نفسي وصار شكلي مبهذل المشكلة التي كسرت ظهري ان لدي بنت منها.... وماحصللي طبعاً على مدار عام ونصف وانا اعاني على فكرت كانت تزعل وارضيها وهي غلطانه بل وصل الامربي الى ترجيها احياناً... . والتبكبك امامها....اصبحت عديم الشخصية ربما لانني احببتها بقوة قررت ان انهي حياتي مع زوجتي وعايلتها..... مع اول زعل هجرتها وابتعدت .... استنتي يوم يومين ثلاث اربع اتصل بها كعادتي.... مر شهر شهرين ثلاثة وهي تتصل ولا ارد اهتميت بنفسي ووفرت لنفسي الراحة والهدوء وتعالجت من جميع الامراض التي المت بي بسببها( الضغط) الثعلبه) الاثار النفسية بعد سنة استعدت شخصيتي الاولى.... شخص ناجح واثق من نفسة... نشيط اجتماعي قوي الشخصية كانت طوال هذه السنة تتصل في اليوم عشرين الف مره ولا ارد وفي احد الايام رديت عليه لم تصدق نفسها...وحسيت انها اول ماسمعت صوتي ان قلبها الذي يتكلم وليس عقلها وتفاجأت من تغيري.... لانها وجدت شخص غير الذي عرفته سابقاً (قلت لها اسمعي يابنت الناس... ياتقبليني هكذا كما انا ... او نفترق وكل واحد بحال سبيله) ومن يومها.......... اصبحت امراة اخرى.... وتعودت علىحياتيلدرجة انه صار لها مبادئ سليمة وبدأت تنصح اهلها بالتغير للافضل وسبحان مغير الاحوال اختي حبيت اوضح لك تجربتي وانصحك بعدم التنازل..... ليقبلوك الناس كما انت او يرفضوك تحياتي |
حقيقه مشكلتك كثييييره في مجتمعنا وهي : ان الزوج يمشي على راي ابوه ويراه مثل أعلى
وللأسف الاباء الكبار يرون ان البخل ومسك الريال من الصلاح ومن اهم سياسات التي يجب ان يمشي عليها ابنهم في حياته وعند بعض الاباء والامهات البخل ماهو عيب . . .يعني : احفظ ريالك لاتاخذها بنت فلان . . يقصدون الزوجه . . حسد وحقد . . هذي مشكله كبيره وماندري وش الاصلح البعد والطلاق عن الزوج أو ايجاد الحلوووول !! وهذه صعبه جدا . . وعموما الرجال والنساء كلن له طباعه ومهما تعدل فهو مسألة وقت ويرجع لطبعه . . فحاتم الطائي أكرم ضيفه وقدم حصانه ونحره لضيفه . . لأن الطبع يغلب التطبع لاأحمل لك الا دعوه صادقه ان يوفقك الله في حياتك الزوجيه وان يرد زوجك ردا جميلا ويصلح الله أموره تقبلي مروري . . |
أقولها لك صراحه لاول مره انصح حد فيها اتطلقى اكرم لك ولأبنك على الاقل مطلقه فلان اللى سمعته كذا احسن من زوجة فلان اللى سمعته كذا
حبيبتى جوزك اخرته هيتسجن او حد من الديانه هيقضى عليه دمه خفبف وظريف ولطيف ده وصف لمسرحيه او فيلم تتسلى بيه ........ صديق او جار او اى علاقه عابره ساعه فى اليوم كده...ودى مش حاجات تتبنى عليها حياه زوجيه لو كانت دى نظرتك انه دى محاسنه ........ انا اسفه ومش قصدى .......ساعتها بجد هينطبق عليكى مثل كل شى له اللى يشبه له |
اقتباس:
أحس عندك خبرة في الحياة ماشاء الله ، أنا عطيته آخر فرصة و قلت له من جد ، لو بس سمعت واحد تدينت منه ،، أنا ما راخ أتحمل ذل أكثر من كذا و بيقول لي جالس أثبت لك إني تغيرت ، بس ما أعرف هذه كلها بعلم الغيب يعني ماكنت أدري عن ديونه غير بعد ما مرت شهووووور ،، و هذه المرة بالفعل أنا جادة ، لإنه الكل بيقول هذه فلانة اللي زوجها كذا و كذا و هو أبرددددددددددددددددد ما عنده ، يعني ما عنده مشكلة أبدا في النقطة هذه و مرة قريت مشكلة في المنتدى هنا من كم أسبوع ، عن شاب يشتكي إنه من يوم فتح عيونه في الدنيا و أبوه مسود وجههم و بس يتدين من الناس ، و في الأخير انسجن و صار الشاب يعتمد على نفسه و يربي أمه و أخواته ، و هذا اللي خلاني أفكر إنه لو استمر فما راح يتغير و مصيره السجن و حكاية إنه دمه خفيف و هذه الصفات ، بس ما حبيت أهضم في حقه و ما أذكر أي حسنات له و لإني قررت مع نفسي مع كل اللي حصل و تكلمنا مع بعض و قال بيفتح صفحة جديدة و وعدني إني ما راح أتحمل شئ جديد ، فقلت أجي و استشيركم في الأخير ، عشان أكون طرقت كل الأبواب لإني ما تركت شئ إلا و جربته و دايم أدعي و استخير حتى زواجي منه أكيد فيها حكمة من ربنا لإني استخرت كثير قبل لا أتزوجه أحس إنه ولدي أكبر نعمة و هدية من ربنا |
اقتباس:
بالعكس ، أنا تعجبني أفكار أبوه و احسه انسان له مبادئ و كذا بإستثناء البخل تبعه لكن للأسف ، أمه تعلمه تقول له خذ من زوجتك و تعلمه على إنه يرمي ثقله علي ، و هذه مو من راسي جبتها ، هي بنفسها تقول لي و هو مرة قال لي إنه بداية الزواج كان فاهم الحياة الزوجية غلط و يبغى دحين يصلح غلطه و يثبت لي إنه بجد قد المسؤولية أنا ما أقدر أحكم من دحين لإننا في الغربة و الظروف ما تساعده إنه يثبت لي تغيره ، لإني أخاف نرجع و ترجع نفس طبايعه ، و مثل ما قلت ، مهما تغير بيرجع لطبعه و خاصة لو أهله فيهم نفس الطبايع |
يا اختي كلام اختي فتوشي صحيح .. بكره راح يتورط بدين كبير يدخل على اثره السجن و قد تتورطي انت بتسديد الدين .. هذا غير الامراض اللي راح تهاجمك لا سمح الله من كثر القهر و القلل من المستقبل مع هذا الانسان اللي قد يورط نفسه و يورطك بسبب اساليبه في الاستدانه .. يعدين يا اختي زوجك لازم يكون خفيف دم و لسانه حلووو عشان يمشي اموره في الاستدانه من الناس .. لو كان ثقيل دم و ما عنده اسلوب حلو في الكلام والاقناع و تبريرات للأستدانه كان ما احد سلفه ... الله يعينك اختي .. |
اقتباس:
الله يعين ، و أحس الكل يقول يا بختها زوجها يموت فيها و يحبها ، سواء أخواته أو سلفاتي أو قريباتي لإنه أهله بيعرفوا من تعامله معاي ، و قريباتي أختي بتنقل لهم إنه زوجها يحبها و يموت عليها هو في السعودية غصب عنه بيشيل المسؤوليات كلها لإنه الظروف هناك غير و يهتم بكلام الناس ، و إن كان رامي ثقلي و ثقل ولدي على أهلي لحد ما بيوم قلت له أهلي ماهم مسؤوليين عني ، إنت زوجي يقول لي إنت بنتهم ، بس بأخليه يتعود إنه هو المسؤول عني و هنا تارك المسؤوليات و راميها كلها علي ، و بدأ يتغير فترات و يتحسن عن قبل ، و يقول إنت غيرتيني و إنت من غيرك ما أسوى و لاشئ بس نص كلامه ما أصدقه غصب عني ، لإني وثقت فيه كثير و كل شوي يخيب ظني و أحس يوم تجي الفلوس في يده ، ينقلب و يتغير ،، و يوم ما يكون معاه شئ يبدأ يصير انسان مافيش أحد أحسن منه ؟؟؟؟؟؟؟؟؟؟؟ هذا السبب اللي يخليني ما أثق فيه مرة ، و إن كنت معطيته فرصة ما أبغى أحد يتخيلني زي ( الشرطي ) في البيت ،، دايم أحسسه إنه الإنسان هو رقيب نفسه مو انا و لا أحد ،، عشان أبني بداخله شئ اسمه ( مراقبة الله ) لإنه زمان كان يعمل الشئ الصح قدام أبوه و من وراه يعمل العكس ، فما حبيت الشئ هذا تركت له الحريةة يتصرف و يتعلم من أغلاطه ، بس يوم بدأ يتفرعن علي و ينسى كل شئ عملته و يغلط علي ، وقتها قلت له ( استوب لحد هنا و كفاية ) ، و بعدها بدأ يعرف غلطه و ندم و تكررت الفرص لحد ما خلاص ، نفسي انسدت ، و ألحين هذه بجد قلت له آخر فرصة و صار لنا تقريبا 6 أشهر و الأمور ماشية بهدوء ، بس أنا نفسي بداخلي صوت يقول لي خلاص هانت ، بترجعي بعد كم شهر و تتركيه ،، كل ما أصحى و كل ما أنام و كل وقت التفكير هذا مسيطر علي |
اقتباس:
قلت له كم مرة و حذرته ، يوم كانت تجي فلوس في يده و أقول له سدد شوي من ديونك و يطنش قلت له ، لا سمح الله لو صار فيك شئ ( و الموت حق ، خلينا نتكلم بصراحة ) فأنا ما راح أتحمل أي شئ يكفي تعبتني معاك دحين ( لإني أقول له سجل في ورقة إيش اللي لك و اللي عليك عند الناس ، بس يطنشني ، أقول له الموت حق و أنا ما أفاول عليك ، بس هذه حقوق و لازم كل شئ يتسجل في ورق ) ما يسمع كلامي ،، عشان كذا قلت له و فهمته ، إنه أنا مالي أي دخل حتى لو دخل السجن ، و أصلا هنا هو متورط مع المحكمة و طالبين منه مبلغ عشان مخالفة مرور و كذا ، بس ( بأجمد قلبي ) ، لإنه جاب السيارة و جلس يلف فيها مع أصحابه و يخدمهم و يصرف كل فلوسه عالسيارة ، فهو يتحمل النتيجة و حكاية خفة الدم ، صح كلامك .. لازم كلامه يكون حلو و خفيف دم ، عشان يوصل لمصالحه ، لإنه مع الناس اللي أقل منه ما يعجبوه قال لي مرة ، أنا عشاني أحبك جالس معاك ، و لا ليه ما قلت خلاص فيه أي موظفة ممكن أخدها ؟ و يقول أنا عشاني طيب و قلبي ضعيف ، عشان كذا أدلعك و أسامحك ( هذه طريقته في الكلام ، يطلع نفسه هو اللي متحمل كل شئ و أنا الظالمة ، الرجل الجنوبي هذا طبعه يششوف نفسه دايما مظلوم ، لإنه يووم يجي يشتكي من فلان و يسب فيه ، أقول له لا تزعل منه هو أعطاك كم فرصة و تحمل كثيييييير ، فلا تزعل منه معليه ) و مثل ما قلت ، أنا بأستخير و الحمد لله أغلب الأراء اتفقت إنه الحياة مستحيلة معه لإنه مافي أحد بيشجعني أجلس معه ، حتى أخته مرة قالت لي الله يصبرك مادري كيف متحملة ؟ |
يا اختي دام انة بدا يحافظ على صلاتة ويغير سلوكه اصبري علية شوي
ربك قادر على كل شي حبيبتي غيرك يحاول من سنين ولا فية فايدة زوجك ودة يتغير لكن طبعه صعب شوي بس يمكن بمساعدتك يقدر يتغلب على طبعه الله يوفقك ويفتحها عليك |
اقتباس:
أختي مذهلة ، كلامك حلو و يريح القلب أنا بالفعل هذا اللي مقررته ، أول ما نخلص بأخد فترة نقاهة عند أهلي و قلت له من دحين ( عشان لا يعتمد علي و لا على أهلي ، لإنه أهلي كانوا زمان يوقفوا معاه كثير و يقدروا ظروفه ) فقلت له ، إذا رجعنا ترى ما راح أجلس في بيت أهلي غير شهرين بالكثييييييير و بعد كذا معليه .. تجيب وظيفة و سيارة و شقة ، ونعيش مثل بقية العالم ،، و لا أنا ما راح أتحمل بعد كذا أي شئ هذا آخر كلامي ( حبيت أقول له ، عشان لا يتفاجأ و يقول حجج من جديد ووو إلخ ) و هو جالس يبحث عن وظيفة ألحين ، يوم قلت له الشئ هذا و قال لي الأمور راح تتحسن إن شاء الله و أنا خلاص تعلمت كيف أكون مسؤول عن زوجة و طفل فانا أمشي معاه و أشجعه ، بس بنفس الوقت ( ما أصدق كلامه عشان لا أعيش في وهم ، لإنها مو أول مرة ) من الموقف اللي صار بينه و بين أخوي ، اخوي ما صار يكلمه نهائيا ، لإنه طول لسانه عليه و اخوي قال لأمي ، لحد ما يرجعوا و أحس إنه تعدل وقتها بترجع الأمور بيننا كويسة لإن زوجي بهدلني في الغربة ، و الله بهدلني في الغربة و لولا رحمة ربنا كان صابني الجنون ، و هذه الست أشهر بس اللي رجعت فيها اتحسن عن قبل و ارجع مثل زمان |
اقتباس:
فكرتيني بجملة قلتها له بداية زواجنا ، قلت له ( ما أبغى من الدنيا هذه كلها ، غير إنك تحافظ على الصلاة ) أنا و الله ما تنازلت عن حقوقي و عن أشياء كثيرة إلا عشان كنت أبحث عن ( الدين ) كتبت عيوبه و اللي اكتسبها من التربية ، لإنها مو بس فيه ، في العيلة كلها و قال لي بنعالج الموضوع هذا ، إنه إذا رجعنا بنسكن بعييييييد عن أهله ، هو اللي قال كذا لإنه هو بنفسه ما يتحمل طبايع أهله ، و هو في السعودية ما كانت هذه الطبايع ظاهرة فيه بس ماعرف ليش يوم يبعد عنهم ، تبدأ تظهر كلها و يتغييييير ؟ هل الغربة لها تأثير ؟ هل هذا هو وجهه الحقيقي و أنا ما أدري ؟ طيب بأكتب هنا تغيره من الناحية الدينية و اللي كان متعبني فيها زمان : 1 - بدأ يقوم للصلاة إذا صحيته ، و ما يطنش و يرجع ينام و زمان كان يخليني انام معاه و يقفل المنبه 2 - صار يقوم من نفسه و يصلي و زمان كان يحافظ على صلاته بس إذا كان أبوه موجود و قلت له أنا ما أبغاك تصلي عشان أبوك ؟ أبغاك تصلي عشان ربنا ، لازم يكون هناك احساس طالع من قلبك و من داخلك 3 - يقول لي خلينا نراجع القرآن مع بعض 4 - أول مرة يصوم العشر أيام من ذو الحجة ، كنت تاركته براحته بس أجي أسأله إيش رايك نصوم بكرة ؟ يقول لي لأ ، ما أبغى ( لإنه كان في بيت أهله مجبر على العبادات و مكبوت ) هذه المرة قبل الفجر ليلة 1 الحج ، قلت له إيش رايك تتسحر و تصوم ؟ و النهار دحين قصير و ما راح تتعب بالصيام إن شاء الله ، قال لي طيب و ماشاء الله صامها كلها ما عدا ثامن يوم عشان كان عطشان و جاي من برا 5 - أول مرة في رمضان هذه السنة يحافظ على التراويح و يختم القرآن 4 ختمات ، و كان قبل مرة وحدة بالكثير 6 - ما صار يسمع الأغاني عن ( قناعة ) و زمان كان بس قدام الناس ، بس في جواله كانت مليانة فيديو كليبات و حذفها يوم شافني تفاجأت منه ؟ المهم ، إني اختبرته مرة من شهر و فتحت على مقطع موسيقى ،، قام قفل الجهاز و قال لي تبغي تسمعي أغاني مافي نت ، مثلت عليه إني خلاص طفشانة و ماني ملتزمة مثل زمان و أبغى أسمع الأغنية قال لي ( مافي ) و راح شال المودم ( هذه الناحية الدينية ) و ما يمنع إنه فيه أحيانا تقصير و كذا بس مقارنة عن قبل ، فأفضل بكثير ----------------------------------------------------------------------------------- حكاية الدين اللي عليه دحين ، تبع المحكمة و كذا صحيح إني مجمدة قلبي و عاملة كأنه الموضوع ( ما همني ) لإنه ذكي في النقطة هذه و يعرف كيف يستدرج عطف الإنسان ،، فأبين له إنه عاااااااااااااادي هذه مسؤوليتك و إنت تتحمل نتيجتها ، لإني حذرته كثير و أبغاها ياخد ( ضربة في راسه عشان يصحى ) و المحاكم ماعندها لعب و خاصة هنا في بلاد الغرب بس مع كذا ، بأطلع من البيت و أروح الجامعة و أنا مهمومة و أفكر كيف أقلل من مصاريف البيت و أوفر من غير ما أحسسه أبدا ، بس أخليها احتياط على جنب بالإضافة إلى إني قلت استغل الموقف هذا ، و أبين له كيف ممكن الإنسان يحرم نفسه و يمد رجوله على قد لحافه في سبيل تسديد ديونه و حقوق الناس ، لإني أول مرة أشوفه يهتم و يشيل هم إرجاع الفلوس مع المحكمة ، لإنه ما عندهم لعب المحكمة فجلست معه الأسبوع الماضي ، و قلت له أنا مستعدة المرة هذه أوقف معاك من ناحية ( إننا نقلل من مصاريف البيت في الأشياء الثانوية ، و مطاعم و طلعات و كذا و ألعاب لولدي و إلخ ) بس بشررررررررررررررررررررررط ، إنك تحط يدك على يدي ، و مو بس أنا اللي أتحمل ، لإنك تدري إنه ماني مستفيدة شئ و ما راح اتضرر بشئ ، بس عشانك و عشان مصلحتك و رضي يسمعني ، و جبت ورقة و قلم و سجلت فيها كلللللللل الديون اللي عليه و فواتير و ضرايب و كذا و بينت له كيف راح تتسدد لو عملنا جدول و نظمنا فيه كل شئ ( حبيت أعلمه كيف ممكن ينظم حياته ، بطريقة عملية ) بس هذه من الفلوس اللي نصرف فيها على البيت و الفواتير و الإيجار يعني صح موقف المحكمة ما أرضاها على الغريب و لا القريب ، بس كانت لصالحه عشان ممكن تخليه ( يصحى ) من دحين ، بس بينت له إنه مالي دخل ، و اللي أقدر أعمله إني ممكن أقلل المصاريف لو حسيت إنه بالفعل حاط يده بيدي |
أخوي واثق الخطوة
خليت ردك في الأخير ، عشان قريتها كم مرة و ماني عارفة إيش أرد عليك ؟ تجربتك تشبه تجربتي بشكل كبييييير .. بس الفرق الكبير ، إنك رجل و أنا امرأة و الزوجة تتبع زوجها على قولة المثل و المرأة دايما موقفها أضعف من الرجل ، يعني لا سمح الله لو فكرت أترك زوجي متأكدة إنه بيندم على كل شئ ، لإنه هو بنفسه شاف الفرق بين حياته معاي و مع أهله و أنا بأرتاح ، بس في كلا الحالتين ، قدامي غمامة سوداء تغطي عني المستقل الجاي ،، هل راح أعيش لوحدي إذا تركته طول العمر ؟ هل راح يجي شخص آخر و يبهدل فيا ؟ لإن شروط أمي هي اللي ضيعتني الصراحة .. هل و هل و هل و هل ...إلخ مستعدة أعيش لوحدي مع ولدي و ما أحتاج غير لربنا ، بس أعرف أمي ما تتركني في حالي راح يحاولوا ينعوني بأي شخص في نظرهم كوويس ،، ( هذه مجرد افتراضات لأسئلة ممكن تخطر في بال أي وحدة في مكاني ) أما الرجال .. بكل سهولة ممكن يخلي زوجته تحت عصمته ، و يبحث عن غيرها و يختارها مثل ما يريد .. و الرجال ربي فطره على تحمل المشاق و المسؤوليات .. لكن أنا بأتحمل قرارات و مسؤوليات و جبال من الواجبات ،، و مع كذا بأنظر لها نظرة ايجابية و أقول إن شاء الله كلها بتصقل شخصيتي أكثر ، عشان في عملي راح أتعلم كيف ممكن اتخذ أي قرار و زي كذا أحاول تكون نظرتي ايجابية بس حكاية مشاكل مع الناس و فضايح ، هذه كلها ممكن تخليني أستغنى عن كل شئ في سبيل الحفاظ على كرامتي و سمعتي وسط الناس ، و لا أجيب بنت و بكرة ماحد يتقرب منها عشان سمعة أبوها وانصحك بعدم التنازل..... ليقبلوك الناس كما انت او يرفضوك هذا اللي بديت أعمله من كم شهر و الحمد لله ، كنت أضحي و اتحمل و لحد ما بيوم صحيت على نفسي و شفت إني كنت ( عمياء ) و أشياء كثيرة قدامي ماني شايفتها على حقيقتها و هذا السبب اللي مخليني أكون شبه رسمية مع أهله ، ما أبغى أخد طبايعهم و الحمد لله ، طبايعه مخلية جدار لنفسي ما أخد غير الشئ المفيد و إن كانت عباداتي مو مثل زمان |
| الساعة الآن 12:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©