متزاعلة مع أخي تقريبا من سنة ونصف
 

السلام عليكم

يا اخواني ابغاكم تساعدوني بموضوعي هذا
باختصار انا متزاعلة مع اخويا تقريبا من سنتين او سنة ونص
مانتكلم الا للضرورة القصوى
المهم بكرا يوم عرفة ويوم خميس كمان وترفع الاعمال بهاليوم
انا خايفة ماينقبل عملي في هاليوم بسبة هالموضوع
ابغى اقل شي اسلم على اخويه عشان ينتهي دا الموضوع ( خيركم من يبدأ بالسلام )
ابغاكم تساعدوني ايش اسوي وكيف ابدا

للمعلومية اخوية اصغر مني واحنا في بيت واحد

الله المستعآن !!

في بيت وآحد ومن سنه ونصف مآتكلمون بعض !!

ترآكم أخوآن ومردكم لبعض ,, أختي كوني أنتي المبآدره .. وقفلي ع الشيطآن أبوآبه


الله يغفرلنآ ويآك

الله يسعدك
انا عارفة دا الكلام بس ابغى احد يساعدني كيف ابدأ
مع العلم ان اهلي محد هامه الموضوع

ليش مآتجربين ترسلين له مسج حلوو ع جواله

شوفي مثل هرساله



صحيح اني انا المخطي
وانا الجاني وانا المسؤول
ولكن هل هناك انسان في ذا الكون ما يخطي؟



جربي ترسلين له يمكن تكوون فآتحت خير لكم

طيب هل الرسالة تكفي ومايحتاج اسلم عليه بعدها
لاني اصلا بكل مناسبة عيد او رمضان ارسله رسايل

يعطيك العافيه ربي ويسعدك يا الوان

الحمدلله دايما ادعي ربي يصلح بينا
ولكن مشكلتي احس انو تحتاج وقت طويل قصير الله اعلم
انا حبيت استغل هالوقت بما انه يوم عرفة حيكون الخميس والخميس ترفع الاعمال
بحاول اسوي اللي اقدر عليه

واللي عنده حل او حتى كلمة بسيطة ياليت مايبخل فيها

والف شكر لك اختي الوان واخي يوسف

كيف يعني محد هامه الموضوع

والدك ووالدتك تاركيكم ولا يدخلون لحل الاشكال

ما فهمت هلنقطه

الام و الاب يجمعون اطفالهم مو يفرقوهم

لاحول ولا قوه الا بلله

اختي شيهانة

صدقيني كل مانكون وحدنا احاول اغتنم هالفرصة واتكلم او حتى ابغى اسلم عليه بس
لكن ما اقدر احس ان الوقت مو مناسب او هوا وقتها يكون معصب وحالته حالة
المشكلة اخواتي واهلي مايساعدوني
اذا سويت له شي او وصلت له شي يعلقو ومدري ايش
ما ادري
بحاول اكتب رسالة وارسلها



الله يسعدك اختي ويفرج همك

ان شاء الله اي شي يصير رح اكتب هنا

اختي الغربة مرة

والدي متوفي وامي مره كلمتني او مرتين ما اذكر بس وماعاد احد اهتم
قصدي كمان اخواتي , كمان نفس الشي كلموني ولكن ماصار شي
ولاتعدل الوضع
وهي مره او مرتين المهم ومن بعدها خلاص محد تكلم
وانا لان الموضوع له فترة طويلة صرت استحي حتى اطالع بوجه اخويه

متفائلة ..

اقتباس:

صدقيني كل مانكون وحدنا احاول اغتنم هالفرصة واتكلم او حتى ابغى اسلم عليه بس لكن ما اقدر احس ان الوقت مو مناسب او هوا وقتها يكون معصب وحالته حالة

ما ذكرتيه هنا هو ما أقصده بـ ( مداخل الشيطان ) كل مرة بيجيبلك شئ عشان ما تتصالحين معاه ..

لكن ( إن كيد الشيطان كان ضعيفا )..

وبالنسبة لأهلك هم لن يرفعوا أعمالك لله تعالى ... فلا تجعلين هذا مُدعماَ لك ..

فالموضوع خطير ولا يصبر عليه ..

ياليتني جنبك ... وأسحبك سحب تكلمينه وتسلمين عليه .. وينتهي الموضوع بلحظة ..

أتمنى تبشرينا بمصالحتك معه غدا ...

احس الموضوع صعب
واخاف يجي بكرا وما يكون صار شي ابد

الله المستعان

يمكن ردت فعل اهلي ويمكن ردت فعله هوا
واحس لانو لي فترة طويلة ما اكلمه صرت اخجل منه
وصرت ضعيفة رغم اني بنظرتهم قوية

فكرت اكتب هالرسالة

ياليت لو تضيفي عليها لاني مو عارفة ايش اكتب

تفتح أبواب الجنة يوم الإثنين ويوم الخميس،
فيغفر لكل عبد لا يشرك بالله شيئا، إلا رجلا كانت بينه وبين أخيه شحناء
فيقال: أنظروا هذين حتى يصطلحا، أنظروا هذين حتى يصطلحا،
أنظروا هذين حتى يصطلحا.
فالذي يفيده الحديث أن الشحناء سبب لتأخير مغفرة الذنوب
واليوم يوم عرفة وصيامه هو تكفير سنة قبله وسنة بعده

الله يرحم الوالد ويغفر له

اقول لو توسطين الوالده

تجمع ما بينكم في جلسه بعد صلاه العيد

او حتى قبلها و انتو بتفطرون بيوم الوقفه

و تدعيلكم انتم الاثنين

الله يوفقك يالغربة مرة

صدقيني لو هالشي ممكن يصير كنت سويته من زمان

فكرة الغربة مرة ...حلوة لكن بينتظرون ليوم العيد أو لإفطار عرفة ..!!!!

أتمنى يكون قبل ..

كذلك فكرة الرسالة جيدة ...

مع إني أرى أن تذهبين له أفضل لأن في ذلك أكثر شفافية ... وإنهاء للموضوع ..

شوفي إذا هذه الرسالة تناسبك ..

{ أخي الغالي فلان ..

يعلم الله كم أحبك .. وأنت عزيز عندي ... ولكن الشيطان .. دخل بيننا وجعلنا له مكانا ,,

وحقيقة عندي رغبة للتصالح معك من زمن بعيد .. ولكن يثقلها علي الشيطان ... فلا تكن معه علي .. ودعنا نبدأ صفحة جديدة ..

لأن الدنيا لا تساوي شيئا ..

وأحببت أن أذكرك أن الأعمال ترفع يومي الأثنين والخميس ,, فكم خسرنا من الأعمال ..!!!!

فلماذا نخسر أكثر..

أتمنى أن تكون مشاعرك نحوي .. حبا وتقديرا .. كما هو ما أُكنه لك يا غالي..

إن كنت أخطأت عليك فأنا اعتذر منك ..

والسلام .. }

اعجبتني رسالتك
وافكر اكتبها وارسلها
رغم اني ماتعودت حتى من قبل لانتزاعل اني اتكلم معاه كذا
طيب اذا ماكان له اي ردت فعل
هل بكذا يكون سويت اللي عليا ؟

اعذريني اختي واسفة اذا ثقلت عليك بكثرة كلامي

عزيزتي ...

أنت تحتاجين تكونين أكثر شجاعة ...

كل الأمور التي نصبو إليها تحتاج منا جهد ,, عزيمة ,,, صبر,, جرأة ..

لا بد أن تبذلين .. لا بد أن يكون هناك ضغطا (ما) .. حتى نشعر بالنجاح .. ونقرب من الله أكثر...

يجب أن تنجحي في هذا الإختبار .. حتى تلتلفتي لأمور أخرى !!!

إذا أنت لا تستطيعين مواجهته كما ذكرت لك ذلك سابقا ..

فارسلي له رسالة ..

ثم بعد ذلك عليك أن تكلميه طبيعي ... في طلبات مثلا .. إو توصيل خبرية معينة .. وبالتدريج بتسولفين معاه .. وكذا ..بيذوب الحاجز !!

وبهذي الطريقة سويت الي عليك ..

أتمنى تعطينا أخبار حلوة ,,

وهذا الثلث الأخير من الليل ..

ادعي الله أن يصلح بينكما ..

والله يسهل أمرك ,,

جزاك الله خير وماتقصري

الان ان شاء الله بقوم اكتب الرسالة
ورح ارسلها بعد ماينام وبعدها بحاول اتصرف عادي
ورح اكلم اختي واوريها الرسالة عشان تدري وتساعدني وعشان ما اسمع منها تعليقات مالها داعي


الله يسعدك ويوفقك دنيا واخرة
دام كتبت هالموضوع وفتحته ان شاء الله مايتقفل الا والمشكلة محلولة بإذن الله

والله دمعت عيني.. اشقاء بنفس البيت ومن سنتين متخاصمين


الله يلعن الشيطان

انا اهنيك يااختي لأنك تحبين الخير وتفكرين بالصلح الله يعطيك على قد نيتك والله تستاهلين كل خير بمثل تفكيرك


لاتتهاونين بالموضوع وتخلين سنه جديده تمر عليكم وانتوا بهالحال

خلاص حطي حد للموضوع واعزمي واعقدي النيه انك تتصالحين معه بهاليوم المبارك ومايجي العيد الا وانتوا تسولفون مع بعض وتسلمون على بعض وتضحكون ويابعض

روحي عنده لغرفته وانتي حامله بيدك هديه وسلمي على راسه وقوليله انا اسفه واعتذر منك انت اخوي الغالي مالي غيرك بهالدنيا والله مايهنالي نوم او اكل وانت زعلان مني وطول هالسنتين وانا افكر بطريقه اصالحك فيها بس الشيطان كان يحبطني ويقولي انك ماراح ترضى علي واذا كنتي بتبكين ابكي عادي لاتستحين والله ان يتحول قلبه لورقه وتشوفين بعدها

صح بتكون لحظات شوي صعبه بس والله بترتاحين بعدها راااااحه عجيبه وبتكون علاقتك بأخوك مثل ماتحبين


اسأل الله ان يلين قلبه عليك

اختي فرآغ

الله يسعدك رح احاول اسوي اي شي الين نرجع مثل ماكنا قبل

,

ارسلت الرسالة اللي كتبتها * شيهانة *
كتبتها قبل الفجر وارسلتها وقتها كان جواله مقفول
قمت من النوم وعلى طول شفت التقارير ولقيت انها ماوصلت
ودحين بعد المغرب شفت الجوال لقيت وصلته الرسالة ولكن مو كاملة
ما ادري عاد تكتمل والا لا

مالاحظت عليه شي وانا بصراحة احاول اتهرب منه ما ابغى اكون موجودة بمكان يكون هوا موجود فيه

أحسنت صنعا أختي الكريمة والله الفرحة تغمرني بخطوتك المباركة ولكن واصلي مشوار الصلح ولو لم يلق لها بالا انتهزي فرصة العيد وأرسلي له رسالة معايدة ولاتنسي أخيتي الهدية فلها وقع في القلوب وإذا جمكم مجلس واحد فسلمي عليه
ولو لم يرد لاتكترثي لذلك في النهاية أنت الكسبانة ثقي أن الله يوفق من يريد الإصلاح من أعماق قلبه
دحر الله الشيطان وأصلح بينكم وكل عام وأنتم بألف خير

شكرا ملتقى الابحر

وصلني التقرير ان الرسالة وصلت كاملة
وماشفت منه ردت فعل وماجات عيني بعينه واحاول اتجنب اطالع وجهه

الله يسعدكم جميعا عن جد ماقصرتو
ربي يوفقكم ويحقق امانيكم

وكل عام وانتم بخير