|
لا أريد أن يستمر تواصلي مع أهل (زوجي سابقاً)
اولا" كل عام وانتوا بالف خير وصحه وسعاده كثير ماكنت حابه افتح موضوعي هذا بس كوني جديده بقسمكم حبيت القى اجابه لشعوري السلبي تجاه طليقي واهله مايحتاج ادخل بالتفاصيل واذكركم..المهم هنا تعرفون انوا علاقتي باهله ممتازه كمان انا وياه تركنا بعض على صفحه من بياض لا غلطت عليه ولا غلط علي لكن اللي خلاني افتح موضوعي هو صرت اتضااااااااااااااااايق حيل حيل لجاء طاريه وطاري اهله شي مو بيدي غصب عني والله احس بكتمه وهم لجاء بس خبر عنهم. اذا تذكرون انوا لماطلق التزموا كل الاطراف اهلي واهله بالصمت لا كلمونا ولا كلمناهم ولكن اليوم اتصلت امه واخته يعيدون على امي وطلبوني يبون يعدون علي رفضت اكلمهم(والله غصب عني ماقدرت ولاتقولون لي عيب لازم تكونين خلوقه..مااقدر ماعاد ابي اسمع طااااااااااريهم) والعجيب انو امه تقول نتصل على جوالها مغلق..غريبه شلون يعني مايدرون؟؟ (ولدهم فصل الرقم ويقولون مغلق!! والمشكله كان يتصل علي بالفره الاخيره على شريحت اهلي) المهم رفضت اكلمهم بحجة اني مشغوله مع خالاتي ياناس مره مره صرت اتضايق منهم واشوى انهم مو قرايبي ولا كان انهبلت سوالي شعوري السلبي(بل السلبي جدا") تجاههم طبيعي؟ افيدوني اكرر علاقتي فيهم قبل الطلاق رائعه بل اكثر من ذلك رجاءا" لااحد يقولي عييييييب شعور يتملكني ولا استطيع مقاومته ماعاد ابي علاقه تربطني فيهم خير شر الإشراف/ تم تعديل العنوان بما يناسب المضمون |
كمان لاتتوقعون اتصالهم يبون يصلحون الاوضاع عشان نرجع لبعض خلاص موضوعنا منتهي قراره واضح انو فاصل لارجعه فيه..اتصالهم مجرد حفاظ على العشره |
هلا وغلا ندو كل سنة وانتي بصحة وسلامة وتقبل الله طاعتك
بالنسبة لحالتك كأنك تتكلمين عني انا اهله مره طيبين خصوصا أمه وبصراحة حاولت كثير بالنسبة للطلاق انه مايصير لكن قدر الله وماشاء فعل واحس بنفس احساسك اتمنى لهم كل خير بس اتضايق من سيرتهم!!!! حتى لما اشوفهم !!!!اتمنى لهم كل خير وسعادة بس مابي طاريهم مع ان عادي اقابلهم بس مجاملة ماهو زي اول افز لما اشوفهم !!! بس تدرين ليه هالشعور لانهم يذكروننا بحياتنا اول لما كنا عندهم !!!! تحسين بألم يوم كنتي عندهم كنتي زوجة ولدهم بس الحين مافي شي يربطك بهم او احيانا تحسين بحزن لانك تتمنين هالايام ترجع بس صار شي كنتي تعدينه مستحيل وانا اعتبره شعور طبيعي !!!!!!!! مع الايام راح يتلاشى بس انتي لاتضيقين صدرك فترة وتعدي -------- الله يشرح صدرك ويسر امرك ----------- |
اقتباس:
ياعيوني انتي تسلمين على التوضيح والمشاركه بموضوعي ماني عارفه والله ابي العلاقه تنتهي خلاااااااص نذكرهم بالخير ويذكرونا بالخير بكذا راح يريحوني كثير |
ليش الاتصال ليش السؤال ماله داعي ابدا" خلاص يعني اقل حق لي عليهم انو خلاص يتركوني بحالي ادري بعضكم بيقول ليش تفكرين كذا بالعكس مفروض تفرحين انو جالسين يسالون بس لا ماعاد ابي سوالهم عني ولا عاد ابي يذكروني فيهم وفيه والله ماجالس اقول هالحكي عن كره او شر لا بس شعور غريب بعدم الرغبه في التواصل معاهم وانا لمحتلهم برسايلي الاخيره لهم انو بما معناه ماراح تسمعون مني وبوداعت الله كمان فهمته انو اهلي مايبون التواصل معاهم ويفضلون ينتهي كل شي بخير دامها وصلت لكذا حتى امي ردت علي امه بالغلط ومرررررره ماكانت تبي ترد بس حصل بس !!!!! يليت فهموها |
طيب اخت ندى مافيه ولاحاجة اذا كانت علاقتك مع اهله قبل الطلاق ممتازة فلماذا لاتكون كذلك حتى بعد الطلاق لانه لاذنب لاهله في الموضوع ونحن مشكلتنا وبكل صراحة اذا اخطاء شخص على اخر زعلوا كل الزعل على العائلة كلها فالعائلة ماعلاقتها بالموضوع فاصابع اليد الواحدة ليست متساوية فما بالك في العائلة الواحدة التي من الممكن ان يكون فيها الصالح والطالح والسوي وغير ذلك فاسمحي لي ان اقول لك ان التعميم لغة وطريقة الجهلاء فلماذا لاتعود العلاقة بينك وبين زوجك من جديد فمن الممكن ان تعود المياه لمجاريها ويبدل الله من حال الى حال فموضوع العشرة موضوع صعب للغاية ونسيانها شي صعب ايضا فانتي من اسلوبك يتبين انكي انسانه طيبة ومتفهمة للحياة جيدا فانا جربت قواعد كثيرة في الحياة ومن ضمنها انه عمر اللي يحب مايكره ابدا وايضا الطيب من الناس لاينسى العشرة مهما كانت لانها لاتزال راسخة في تفكيرها فترة طويلة من الزمن فالدنيا مدرسة كل يوم نتعلم منها الكثير والكثير والمستفيد الاول والاخير هو الذي يستفيد من هذه المدرسة بالشكل الصحيح وتمنياتي للجميع بالتوفيق والنجاح0
|
اقتباس:
اخوي بندر مشكور على الرد اخوي معدنك طيب هذا اللي لحضته عليك من خلال موضوعك. عشرتهم على العين والراس ولكن افضل كثير الاكتفاء عند هذا الحد حفاظا" على شعوري واحاسيسي انا ماعاد ابي اعرف عن ولدهم شي ولا شي كان شي لم يكن خلاص هو اختار الانفصال وانا احترمت قراره وجيته بكل ادب وذوق واحترام صعب صدقني صعب شي انكسر وخلاص مايتصلح افضل شي ممكن يقدمونه لي وبحق العشره هو احترام قراري ادري عشرة العمر اللي بين اهلي واهله وكمان بارض غربه وتواصلهم معانا الين رجعنا لارض الوطن صعب ينسي..لكن للضروره احكام اهلي مجروحين وجرحهم كبير وانا ماعاد ابي شي منهم خلاص ليش نذكر بعض فبعض؟؟؟ ماله داعي مالهم مني الا الذكرى الحلوه اللي راح تضل عالقه باذهانهم عمر كنت لهم ابنه صالحه وعمري ماحسستهم اني زوجة ولد افضل التوقف عند هالحد |
عزيزتي ندى ..
(( المشاعر )).. من الصعب التغلب عليها هي تنبع من الداخل غصبا عنا .. >>> يجب التغلب عليها في حالة قادتنا إلى فعل ما لا يرضاه الله مثل ضررر يقع على الآخرين أو مشاعر حسد وما شابه ذلك .. هذا أولا ... ثانيا : كل شخص له ردة فعل و ( مشاعر) تحتلف عن الآخر لو تعرضوا لنفس موقفك .. >>> يعني أنا لم يكن يُضيقني في وقت طلاقي ( ذكر طليقي ) ولا ذكر أهله ,,, لكن تلك مشاعرك ولا أحد يقدر يقول لك { ليه مشاعرك كذا؟ } لكن بالتأكيد أنها مشاعر وقتيه لأن الطلاق حديث .. لا تضغطين على نفسك كثير هذه هي مشاعرك ... فدعيها ولا تُعنفيها فيكفي ما تمرين به .. لكن في ظني أن الطيبين من الناس هم يعنفون أنفسهم على مشاعر مثل ذلك ... لأنهم يريدون السلام والصفاء في كل شئ..!! ومن جهة تساؤلك (لم الإتصال والسؤال وكل شئ انتهى !!) >> هذه نظرتك أنت لكن من الصعب تلزمين بها الآخرين لعل عندهم أملا ونظرة ليست عندك ... دعيهم يفعلو ما يشاؤا .. ولن يحدث إلا ما يشاء الله .. وفقك الله وأزال همك و أقر عينك بمن يسعدك .. |
صدقيني مااتصلو إلا لانهم يحبووووووووووووووووووووكي وإلا كان ماتصلو
يالله الله يرزقك بزوج صالح يسعدك يآآرب وتتصلي عليهم وتعزميهم على زواجك ^_^ |
اقتباس:
ماشاء الله ولو اني ماقابلتك قبل اجد فيك المنطق والحكمه مشكوره حبيبتي على المشاركه وتسرني معرفتك |
اقتباس:
عيوني وانا بعد احبهم وعشان كذا ابي كل شي ينتهي كما بدات بالموده والذكر الطيب ابي انتهي بذلك الموضوع توه ماكمل شهر احب احافظ على باقي ذكراي عندهم وكمان ماابي باي شكل من الاشكال توصل اخباري لطليقي ليش ؟؟ اقضل يذوق مرارة بعدي |
ياقلبي ياندوش شي طبيعي أنك تتأثري وتتضايقي ولاتبغي لهم طاري
بالعكس لاهو عيب ولاشي هذا شي غصب عنك طالع عن أرادتك ماهو بيدك وأنا لو كنت مكانك نفس الشي راح أسويه صدقيني مع الوقت بتتغيرين كثيررررررررررررررررر وبترجعين أن شاء الله أحسن من الأول الزمن كفيل أنه ينسيك الماضي بأوجاعه الله يهدي بالك ويفرجها علي وعليك |
انا فاهمة شعورك جدا والله يعنيك على مشاعرك
بس اختى العزيزة حاولى تكونين قوية لاتستلسمى لعواطفك كونى متفائلة وواثقة فى نفسك انا حاسة انك انت وزوجك راح ترجعون بعض |
المهموومه تسلمين حبيبتي على الرد وفرج الله همك..مافتحت موضوعي الا لاني كنت مره متضايقه امس لما حصل الاتصال والله ادري يبون الخير بس خلاص ماعاد ابي ذكرهم وشلون انسى وهم يذكروني فيهم المحبة لاستغفار حياك عيوني الحمد لله انا قويه وواثقه من نفسي وواجهت المجتمع بكل اريحيه وبابتسامه تعلو المحيا ومو شايله هم شي..ماطلعت من بيته على عيب او شر لاطلعت بذكرى حلوه وبالطيب(صورتي تضل معلقه بذهنه مدى العمر) لقب مطلقه مو نهايت الدنيا بل بالعكس اكتسبت من زواجي ولو اتسم بالفشل خبره عمر تفيدني بالمستقبل وحكايت رجعتنا من المستحيل |
اقتباس:
أنتِ تقولين ماله داعي .. ولكن هم ربما يعتقدون أن له داعي ... فربما يسعون ـ بحفاظهم على التواصل ـ إلى رجوعكِ لابنهم. نعم أنتِ تقولين مستحيل أرجع .... ولكن قد تكون هذه هي رغبتهم هم .. وقد يكون عندهم أمل في تغيير موقفكِ. وحتى إن لم يكن بسبب رغبتهم في رجوعكِ فربما يكون السبب هو محبتهم وتقديرهم لكِ. ليس مطلوباً منكِ يا عزيزتي أنت تتجاوبي وترحبي باتصالهم ... ولكن فقط تفهمي دوافعهم. الآن... إن استطعتِ تقبل الأمر فهذا أمر طيب ... وإن لم تتمكني من ذلك ـ وهذا هو واقع الحال ـ فهذا أيضاً حقكِ ولا يستطيع أحد أن يلومكِ أو يشعركِ بالذنب. وربما لا يكفي التلميح لحل هذه المسألة. |
كل عام واني بخير وسعادة نصيحتي لك يا اختي فكري الف مرة اتصالهم ممكن يكون من باب التواصل العادي فقط وممكن يكون اصلاح بينكم(انتي وطلقيك) لاتتسرعي فكري واطرحي سؤال على نفسك لو قصدهم الاصلاح وشو بتكون ردة فعلك لاتتسرعي لاتتسرعي يمكن ربي مسخرهم يكونوا بداية خير لكم الله يوفقك وييسر حياتك ويكتبك من السعداء دنيا واخرة
|
ندى تعرضين مشكله وتقولين لا تقولوا لي عيب هذا الكلام ما ينفع الا عيب لطالما انه ما فيه مشاكل اصلاً اللهم الا مسألة الطلاق لكن اكيد انه بالموضوع شئ وجهة نظري يا انك انسانه حقوده خلي نفسك صافيه والي صار صار وصفحه جديده وتاريخ جديد
|
أنا زيك
لكن أنا لما تتصل علي امه افرح لأني احبها واكون مشتاقه لها والحمدلله ماشافت مني الا كل خير ولا عمري رفعت صوتي عليها بحرف ولا حتى بنظرة والله انها طيبه بس مشكلتها عدم القدرة على المواجهه من ناحية المواقف الصعبه لاتستطيع ان تواجه احد فهي لم تتدخل لأنها ضعيفه ولا تملك شخصية |
اقتباس:
ياهلافيك اتصالهم كان لمجرد التواصل والمعايده فقط وانا من حقي عدم رغبتي بالتواصل لانو تواصلي راح يرجع ذكريات انا بغنى عنها |
اقتباس:
اهلن فيك اولا" ليش عيب وين العيب فيه انا ماقليت ادبي بشي طلبت حق من حقوقي وحتى ماكان بصريح العباره انا ماعاد ابي تواصل معاهم هذي راحتي ومن حقي اطلبها ومن وين جاء الحقد والله ماني عارفه؟؟؟؟ العيب اللي سواه ولدهم والتفاصيل مو حابه ارجعلها اكرر علاقتي في اهله رائعه بس خلاص وشو له اتواصل واسمع ولدهم سافر جاء راح تزوج خلاص ماابي وانا حره |
اقتباس:
كل عام وانتي بخير حبيبتي سبحان الله كانك تتكلمين عن خالتي نفس الشخصيه ونفس الطيبه بس ياعيوني انتي بينك وبينهم بنت وتعتبر بنتهم ومن حقهم التواصل والاطمئنان بس انا مايربطني فيهم شي عشره وصداقه وانتهت بمجرد انتهاء زواجي من جهتي(ماقليت ادبي ماحقدت ماغلطت بس فضلت الانفصال الكلي عنهم واعتقد حقي) التواصل ليش عشان يعرفون تحركاتي وينقلونها له !! او العكس (((ماله داعي))) هو اختار يتحمل خياره |
غاليتي ندى هذا اللي تمرين فيه طبيعي جداً أهل طليقك وأمه واخواته راح يتواصلوا معك بناءاً على علاقتك ا الطيبة معهم قبل الطلاق لذلك ياأختى خليك معهم زي ما أنتِ ، بغض النظر عن هدفهم . ******** شوفي أنا الى اليوم وطليقي يبحث عن اخبار ..واهله واخواته لشافوني وشفتهم سلمت عليهم أوقات يرسلوا سالمهم لي مع اخواتي أو الناس اللي يحتكوا فيني مباشره وأنا أدري أن ورى هذه السوالف طليقي بس أهم سي لا يعرفوا أني حزينه ومهمومه والله يوفقهم وييسر امرهم .ويفرج همي بسرعة ودمتي بود |
اقتباس:
كل عام وانتي بخير حديثنا والله عجيب يطلقون ويبحثون عن اخبارنا من وراء ؟؟؟؟ ليش اعطيه مراده ليش توصله اخباري من حقه يطلق وهو اختار هالحق ومن حقي انفصل فصل نهائي عنه وعنهم وهذا اختياري( اهله تكفيهم طيبة عشرتي معهم كذكرى جميله مني) انا لي غايه يمكن ماوضحتها ابي عن جد يحترق قلبه لفراقي...وشلون يحصل هالشي وهو يعرف كل تحركاتي ماابي يعرف عني شي ابد ابد |
اقتباس:
الحين فهمتيني زين هذا اللي اتمنى كل مطلقة تعرفة وتعرف إهميته ( التجاهل ) طليقك تجاهليه لكن بالشي اللي يريده . . يعني مهم جداً أنو يسمع أنك مبسوطه وماتغير عليك شي والطلاق ما كسرك خاصة أنو هو اللي تخلى عنك . شوفي أنا أهله يجو عندي البيت لكن علاقتي فيهم هلا وكيف الحال والسلام ...وبس كلام زياده ولف ودوران ما عندي. وأزيدك من الشعر بيت أوقات أسافر ما أسمع اللي أنو جاي في نفس المنطقه اللي أنا فيها هذه الحركات مؤشر مهم ولازم تفهمينه ... أنو بدأ يفتقد ندى ويبحث عنها ... وبعد مده راح يعرف يدق الباب طالب ندى . إحترامي |
ندى
اهله يحبونك ويحبون اهلك اتصلو ا عليكم حفاظا على العشرة وهم مالهم ذنب في الي سواه ولدهم ولو ماتصلو خافو ان اهلك يعتبون ويقولون مافيهم خير هم اصلا فترة بيتصلو لو مالقيو تجاوب رح ينسحبون من حالهم بس انتي خليك زي منتي ندى الطيبة بنت الاصل يعني لاتبينين لهم شي عيشي حياتك وربي ان شاء الله يعوضك بسيد سيده هذا المستهتر الي ما يصلح يدخل بيوت الناس ويطلب بناتهم اسفة رجعتك للماضي |
اقتباس:
بالضبط وبالتمام هذا اللي انا ابيه ندى خلاص انتهت من حياتك يافلان وبطلبك انت(ماراح يوصلك منها خبر) بعد ماكانت اقرب لك من نبض قلبك الحين بعيده بعد السماء للارض عنك ومن ناحية عايشه حياتي هو يعرف ومحسسته بالفتره الاخيره اني عايشتها ويدري حاليا" اني مسافره لديرت اهلي وحتى قبل لاستلم ورقت طلاقي وواجهت اهلي والمجتمع وعااااااااااااادي وهو يعرف هالشي بس الشي الوحيد اللي تغير اني ماعاد واصلته ولا اهله كنت معودتهم ارسلهم معايده حتى بعيد رمضان وانا فبيت اهلي ارسلتلهم كلهم الا هو. بس هالعيد وبعد الطلاق خلاص ماعاد يربطني فيهم شي ولا اشوف فيها عيب او غلط هم بديره وانا بديره مايربطنا الا هالالو وانا خلاص ماعاد ابيه صحيح اخته بنفس منطقتي بس ماكانت تجينا من قبل وماراح تجينا الحين تواصلها كان بالتلفون وهالتواصل رافضته |
اقتباس:
مالهم ذنب ادري والحب مجود ادري بس بتواصلي راح يعرف عني الكثير وانا ماابي ابي يحترق قلبه ابي يفكر شلون بين ليله وضحاها اصبحت غريبه عنه وبعيده كل البعد |
اذاً اختي ندى انتي لاتبحثين عن حل وهذه ضغوط نفسيه تمرين بها وكذلك لاتريدين احداً يذكرك بهذا الشخص لان في نفسك ذكريات تجعلك تتذكرين اشياء جميله كانت في حياتك اسال الله يعوضك خيراً منها
|
اقتباس:
هلا بك مره اخرى المنتدى مفتوح لي وللغير اشكي ابكي افضفض ادور حل او اتواجد مع اخواني واخواتي هذا قسمنا كل منا تبوح بما تشعر فيه للمشوره والاخذ بالراي واعطاء الراي انا متواجده بموضوعي هذا لاكثر من سبب وكوني جديده ولا اجد الخبره الكافيه حبيت ارى ماعند الغير من من سبقني في هذا الطريق(اسال الله لي ولهم العوض الصالح) لا ارى مانع في ذلك وشكرا" على المرور |
فضفضي ... وش وراك زي ما قلتي ربما تجدين الحل مثل ما قلتي وتعبري عن ما بداخلك يا ندى وجهة نظرك ايضاً يشاهدها الجميع ويدلون بدلوهم تقبلي مروري ووجهة نظري
|
أجل أنا وش أقول وأهلي يتعاملوا مع الوضع عادي جدا
أنا أتعامل معهم عادي أوكي بس لما أشوف أهتمام أهلي فيهم تبادل زيارات وأهتمام أحس بقهر مدري ليش أستغفر الله |
كل عام وانت بالف خير ياندو تصدقين بموضوعك هذا كنك تتكلمين عني حتى انا مابي اتواصل مع اهل طليقي ولا ابيهم بس الشكوى لله انا لي ولد ودايم امه تتصل فيا تسأل عن ولدي وتتطمن عليه وانا انحرق احس اني مابيهم ولا ابي شي يربطني فيهم خلاص مابي اتذكر ولدهم ولا ايامي معاه بس الحمدلله تدرين ان ذكرى زواجي بعد بنفس الشهر تزوجت تاريخ20-12 الله يعوضني واياك بالزوج الصالح اختي هذه ايام وتعدي انتي توك جديده بالطلاق الله يبرد على قلبك ويرزقك بالي أحسن منه امين وكل بنات المنتدى |
الأخت الكريمة / ندى
تابعت موضوعك أولاً / أسال الله أن يفرج مابك من هم وغم ، و أن يجعل ما أصابك ويصيبك تكفيراً ورفعة لدرجاتك في أعالي الجنان أذكرك بحديث الرسول أن أناس عافاهم الله من البلاء في الدنيا يتمنون يوم القيامة لو أنهم قرضوا بالمقاريض ممايرون من أجور أهل البلاء ... فإذا كان مع المصيبة تسليم ورضى بقضاء الله كان الأجر ، ولا تكون مما يجتمع عليه هم المصيبة و إثم الجزع وعدم الرضى بماقضى الله ... و إذا علم أحدنا أن ما أصابه ويصيبه مكتوب قبل أن يولد هانت عليه مصيبته ... ثانياً / أوصيك بإكتساب عادات جديدة خلال هذه الفترة كقراءة الكتب إذا كنت قليلة المطالعة .. أنصحك بكتاب: دع القلق و إبدء الحياة / ديل كارنيجي سبق و أن مررت بأزمة أرقتني كثيراً فكان لكتاب دع القلق فائدة كبيرة وللشيخ محمد الغزالي كتاب بعنوان / جدد حياتك بنفس منوال كتاب دع القلق لكن بصورة إسلامية اقتباس:
أخيراً أقول أدعي الله أن يختار لك خير الأمرين ... ولاتنس صلاة الإستخارة |
آن الآوان
الله عوضني خير zzzy مشكورات حبيباتي على التفاعل والمشاركه بموضوعي اسال الله لي لكم راحة البال وانشراح الصدر والعوض الصالح |
ندى
نسيت أقولك ...الظاهر كل له قصة مع هالتاريخ هالتاريخ له قصه معاي خروجي من العده :) |
اقتباس:
على لله خليها على الله عيدنا غير |
حشيب عن قريب قبل 3 ايام جاني اتصال من رقم غريب بكل عفويه رديت مااحد تكلم الو الو الو ولا رد علي احد رجع اتصل وارد ولا يتكلم 3مرات المهم بعد المكالمه الثالثه تجيني رساله تقول حبيت اسمع صوتك بس لاغير وكل عام وانتي بخير يا(واسم الدلع حقي) طنشت وعقلي يفرك ويحوس وارد برساله ياهلا مين انتي عيوني؟ ويجيني رد كمان برساله غلاك الاول ماتغير للحين مازلت غاليي يابعد كل غالي مهما نغيب ايام وشهور وسنين يبقى رصيدك بالحشى دوم عالي لاماتغيرناعلى العهد باقين باقين مهما غيرتنا الليالي واطنش اليوم اتصلت على الرقم من رقم ثاني لي ويرد من غير مايحكي ((((شالسالفه)))) ليش حرقت الاعصاب هذي بصراحه مو طبعه(طليقي هالحركات) وقالي قبل ننفصل شوفي لويجيك رقم غريب او اتصال غريب ترى انا مااسويها ولاتتوقعيني انا. عن جد عقلي مشغول بهالشغله شالسالفه؟؟؟ الله واعلم بعدين ليش مايحكي مين هذا اللي يعرف رقمي ويتصل ولا يحكي اكيد احد معروف اكيد احد خايف اكشفه؟؟ ابي تفسير شاللي جالس يصير؟؟ |
حبيبتي ندوش اظن القصة واااااااااااضحة زي عين الشمس بدا يحن ويشتااااااااق احساسي ان الاتصال من زوجك السابق لو ما يحبك ما ارسلك واتصل عمري اذا في مجال للصلح لا تترددي واذا حابة تتاكدي شوفي الرقم باسم مين الله يوفقك ويسعدك دنيا واخرة لا تنسيني من دعائك ربي يفرج همي وهم كل المسلمين
|
اقتباس:
والله عندي احساس كبير لا مو هو مو طبعه بس ارجع اقول لي مايحكي ليش ساكت وليش هالرسايل وليش وليش بعدين تونا ماامداه يحن ويتحسف تونا ماخلصنا شهر ونص وارد اقول الموضوع انتشر بعايلتنا وكانوا عيال خالتي وعيال عمتي بيوني بس بعد مارفضتهم شافوا حياتهم وتزوجوا وصار عندهم عيال يمكن طمعوا شافوا اني خلاص مطلقه وتوقعوا مني ارضى اكون الثانيه؟؟ يمكن لا بس عن جد حركه جدا" جدا" بايخه واللي وراها حصل على مراده وبجداره خلاني مشغوله مع هالرسايل استغفرالله العلي العظيم |
طنشي ولاتهتمين
اذا كان هو معناته انه متعلق فيك واذا غيره لاتعطينه وجه حفظا لكرامتك يارب يكتب لك كل خير |
| الساعة الآن 05:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©