|
أبحـــث عـــن حـــل (( للديون )) ..
السلام عليكم ورحمة الله وبركاته وكـل عـام وانتم بخير والله يعيده لنا قوول امين .. حاب احكيلم مشكلتي بصراحة وباذن الله بحصل حل عندكم بعد الله .. أنا متزوج لي سنة وبفضل الله علينا عطاني السعاده الزوجيه وعطاني الصحه والعافيه واحمد واشكره دووووم على ذلكـ .... بس عندي مشكلة الديون الي تلاحقني واحاول اني اساعد نفسي بس وربي تعبت منها .. أنا احاول اعلاج او اسدد ديوني .. بس قاعد احل ذلكـ .. بالدين .. اسدد منا وادين منا .. في حياتي الزوجيه احاول ان زوجتي او الي حوولي مايدرون بس ماعاد قدرت متطلبات الحياة كل يوم تطلب .. مني بيتي يبي زوجتي تبي ولدي في الطريق باذن الله يبي ... اجار البيت حال علي علي دين 10000 الاف ريالاً فقط بس والله عجزت في سدده .. تقولون قرض .. القرض ماقدر عليه لن سالفته سالفه .. عندي حرمه تطلبني 5000 ريالاً وهي في ذمتي وقلت نهاية الشهر بسددها لها بس من وين وعندي اجار البيت نهاية شهر 1 القادم وهو 11000 الف ريالاً وهو موعد ولادة زوجتي باذن الله .. ولادة زوجتي باذن الله في مستشفى خاص .. عجزت في الموضوع انه يكون في مستشفى حكومي بس معطي زوجتي كلمه وانا كنت ميد الفكره انها تولد في خاص ولاقدر ارجع عن كلامي ابد ابد عندي العمل ماخذ فلوس دون علمهم وهي في ذمتي 4000 ريالاً راتبي اللهم مالكـ الحمد والشكر حول 7000 الاف بس من اقتصد فيه تسديد فاتورة جوالين مع تلفون البيت مع الكهرباء مع الاغراض وهي ماتخفيكم في متطلبات الحياة الزوجيه .. ابي حل لو ضعي المادي انا في حيله من امري .. كل يوم ادعي ربي ان الله يفرجها من عنده .. بس تعرفون اني ماخذ فلوس من العمل دون علهم وفلوس الحرمه .. وتعرفون اكل الحرام .. يكون بينه وبين دعوة الرب عز وجل حجاب .. وانا في حيله من امري وفي عمر صغير .. ماعندي في الدنيا هذي الى الوالده وزجتي حفظهم الله واقفين معي بس الــى متـى . بحثت عن وظيفه مسائيه بس ماحصلت ابي اسوي اي شي بس احصل حل .. وباذن الله تعطوني ارائكم واقترحاتكم .. الي باذن الله تساعدني في اموري .. انتظركم .... وموفقين باذن الله |
اتق الله في فلوس الدوام لان هذي سرقه
والباقي الله بيقدرك عليه والولاده في مستشفى حكومي كويسه |
اقتباس:
جزاكـ الله الف خير على نصيحتكـ للتوضيح بخصوووص فلوس الدوام هم عطوووني فلوس اكمل لهم بعض الاغراض .. كملت لهم الاغراض والباقي قلت بصرفه ورجع في اقرب فرصه لكن انا ماجيت وسرقت من عندهم .. |
ماشاء الله راتبك جيد
مالك حل إلا أنك تقتصد وحاول تمد رجولك على قد لحافك يعني الحكومي للمدام حلو ويأدي غرض وبعدين لازم تكون زوجتك في الصورة ماينفع تلبي لها كل رغباتها بالدين لأنه في النهاية أنت وهي من سيدفع الثمن تدارك عمرك فلازال الدين صغير ويمكن تدبره ولكن لو تماديت في الدين ستجد نفسك وقد غرقت في الديون عندها لن ينفعك الندم للمرة الثانية ضع زوجتك في الصورة وقم بعمل بنود لكيفية صرف الراتب للتتعود على الإقتصاد فالبعض لا يحسن التصرف بالمال وصدقني لو عرفت زوجتك بوضعك كما هو موضح في الموضوع ستتنازل عن الولادة في الخاص وستكون عون لك في الإقتصاد لأنها لو لم تقم بذلك فلا خير فيها راتب الشهر هذا لا زم تظغطون على أنفسكم يعني المصاريف ما تتعدى 3000أنتو شخصين تقدرو تدبرو ا أعماركم بهذ المبلغ و2000للحرمة عشان تسكتها يبقى لها 3000 خلها تمهلك 4 شهور 2000 رجعها للعمل هذا راتب شهر 12انقضى راتب شهر واحد الولادة زي ماقلنا في مستشفى حكومي 4000 للمصايف 500 لكل أسبوع 4 أسابيع 2000و1000 للفواتير 1000 للبيبي لأنه ضيف جديد وبحتاج صرفيه طبعا حاول تصرف أقل من المبلغ المخصص يعني مولازم تصرف 1000 كاملة في فواتير إذا كان بالإمكان أقل الواحد يضع في اعتباره بعض الأمور المفاجئة التي لم يخطط لها خراب سيارة مثلا يبقى معك ثلاثة ألف أدفعها للإجار والشهر 2 افعل نفس الشيء 4000 مصاريف 3000 للإجار كذا تكون سددت نصف أجار البيت والنصف الأخر سيحل بعد 4شهور يعني في نهاية شهر 6 شهر3 2000 للعمل وكذا تكمل دين العمل 5000 مصاريف شهر 4 3000 للحرمة و40000 للمصاريف شهر5 2000ادخرها للإجار 5000مصاريف شهر6 3000+2000 اللي ادخرتهم في شهر 5 تدفعهم للإجار لسته الشهور القادمة يبقى معاك 4000 مصاريف كذا تكون سددت ديونك ودفعت الأجار خلال 7 شهر ابتداء من هذا الشهر وما عندك أي ألتزامات لمدة 6 شهور لكن هذا لا يعني الصرف بلا حساب التجربه هذه لازم تعلمك الإدخار للأزمات حتى لا تضطر للدين وإذا حاس نفسك ماتقدر خلى الإجار كل شهر بشهرحاول ما تتدين مهما كان الوضع وتعود على الإنفاق حسب امكانياتك لتعيش براحة بال وأكثر من الأستغفار أسأل الله أن يغنيك بحلاله عن حرامه وأن يرزقك من حيث لا تحتسب |
قَالَ عَبْدُ اللهِ بْنُ أَحْمَدَ « زَوَائِدُ الْمُسْنَدِ »(1/153) و« فَضَائِلُ الصَّحَابَةِ »(1142،1208) : حَدَّثَنِي أَبُو عَبْدِ الرَّحْمَنِ عَبْدُ اللهِ بْنُ عُمَرَ يَعْنِي ابْنَ أَبَانَ الْجُعْفِيَّ حَدَّثَنَا أَبُو مُعَاوِيَةَ عَنْ عَبْدِ الرَّحْمَنِ بْنِ إِسْحَاقَ الْقُرَشِيِّ عَنْ سَيَّارٍ أَبِي الْحَكَمِ عَنْ أَبِي وَائِلٍ قَالَ : أَتَى عَلِيَّاً رَضِيَ اللهُ عَنْهُ رَجُلٌ فَقَالَ : يَا أَمِيرَ الْمُؤْمِنِينَ إِنِّي عَجَزْتُ عَنْ مُكَاتَبَتِي فَأَعِنِّي ، فَقَالَ عَلِيٌّ رَضِيَ اللهُ عَنْهُ : أَلا أُعَلِّمُكَ كَلِمَاتٍ عَلَّمَنِيهِنَّ رَسُولُ اللهِ صَلَّى اللهُ عَلَيْهِ وَسَلَّمَ ، لَوْ كَانَ عَلَيْكَ مِثْلُ جَبَلِ صَبِيْرٍ دَنَانِيرَ لأَدَّاهُ اللهُ عَنْكَ ، قُلْتُ : بَلَى ، قَالَ : « قُلْ : اللَّهُمَّ اكْفِنِي بِحَلالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ » .
|
نقل الى مكانه المناسب
|
اقتباس:
الله يجزاكـ الجنة ويطـول في عمركـ على طاعته قل اميين ردكـ لي رائع وكل كلمة حلووه انا بدرس كل كلمه قلتها وبرد عليكـ في اقرب فرصه بس لاتروح بعيد موفق ان اشاء الله |
شوف يالغالي عندي لك فكرتين بس برضو دين بس تعتبر حلوووه
عندك بنك التسليف اطلب منك قرض والتسديد بعد سنتين وتسدد نفس المبلغ اللي انت اخذته يعني بدون فوائد .. وعندك فيه عروض بالبنك الاهلي فوائد مرره بسيطه تقريبا ماتتجاوز الـ 5000 بس انصحك ببنك التسليف وبعد سنتين سدد لهم على راااااحتك ... وحاول تقتصد واي خدمه انا حاضر يالغلا بس من الحين ترا ماعندي سلف ^_^ |
اقتباس:
انا مقدم على بنكـ التسليف وموعديني على رمضان القادم بس ياليت اخوي احساس .. تشرحلي اكثر عن البنك الاهلي ولاتنسى ان راتبي على الراجحي وعندي قرض ماعطيه واحد ويسددلي شهرياً انلعب علي لعب خلها على ربكـ بس الله لايحدني عليكـ اخوي :17: |
انا قلت لكم صعب اقنع الحرمه وانا انسان ماقتنعت في الاساس بالحكومي
مالي الى الخاص .. كلامكم اثلج صدري وناطر باقي الاعضاء يسعدونا بارائهم .. افكر الان في اني اطلع من شركة 15000 الف عشان اسدد فيها الدين و 5000 ريالا تكون للولادة زوجتي وشرايكم |
السلام عليكم ورحمة الله وبركاته اول شي راتبك ماشاء الله فيه الخير والبركه بس يبيلك انك ترتب امورك000اول شي زوجتك قلها على كل ضروفك لاتجلس تجامل وتكابر هاذي زوجتك بتجلس معك العمر كله باذن الله00 وديونك موب كثيره اول ماشفت الموضوع قالت شكل دينه عدد شعر راسه000 (خذها قااااعده اول ماتاخذ الراتب تصدق منه مبلغ بسيط الي تقدر عليه لو بعشره ريال بنيه البركه فيه وقضاء دينك)0000 حدد مبلغ لاغراض البيت والمطبخ اتوقع( 700) بتكون كافيه 000 الفواتير على حسب استهلاكم يمكن تاخذ (1000) وفواتير الجوال والهاتف ماتنزل شهريا000 زوجتك عطها مصروف اكثر الي اعرفهم يعطون حريمهم (500 )ريال بعضهم فيها الجوال 000 واجار البيت علشان ماتنزنق اترك على جنب الف ريال واذا فيه هاذاك الشهر فواتير خلها خمس ميه000 ومافيها شي لاتراجعت وخليت زوجتك تولد بحكومي واذا انت في الرياض مستشفى سلمان يمدحونه0000 فلوس الولاده اخذ فيها اغراض لزوجتك ومولودك000 وبكذا تقدر تسدد ديونك ويبقى من راتبك-----القروض هي الي تقطع الرزق وتضيق على راعيها000اذا مرررره محتاج ادخل جمعيه مع ربعك وانت اخذها الاول وسدد الي يطلبونك0000 تقبل مروري00 |
اقتباس:
واستفدت منه كثير يعطيك الف عافيه |
انا حاسه انك هتحس بنقص فى رجولتك لو خليت المستشفى حكومى وهتحس بنقص لو قلت انا مديون لزوجتك
لا يا اخى الرجل هو من يعترف بضعفه وليس من يكابر يا فرحتى بزوج ما يرفض لى طلب ومديون والناس تطالبه وانا نايمه فى العسل بالعكس الزوجه تاكلها بملح ولا حد يدق على زوجها ولا ينام ليله باله مشغول انت مديون بعشره الاف المبلغ فعلا مش كبير الاول شوف اولوياتك وانا ساعدت ناس كتييييييييييييييييييييييييير فى سداد ديونهم بطريقه بسيطه انى انا وهم بنتصارح تماما دون خجل بمبلغ الراتب الاول والالتزامات ثانيا فواتير التليفون الكهربا الاكل والشرب والخروج والخادمه وكل مليم بيصرفوه لو عرفت توافينى بكل ده بإذن الله هعرف اساعدك حاجه كمان عاوزه اعرف انت عندك فيزا او كريديت كارد او كده وللا لاء ولو عندك بتسدد كام كل شهر ياريت توافينى وربنا يجعلنى لك عون |
وعليكم السلام ورحمة الله وبركاته
اخوي ليش الولادة بمستشفى خاص والله الواحد يخاف من كثر مايسمع عن بلاوي الولادة في المستشفيات الخاصة اعرف وحدة ولدت في مستشفى خاص وكبييييييييييير ومعروف بالرياض وعمل لها الدكتور عملية قيصرية ولما جا يخيط العملية بدا يخيط وهي طالعة عندها مشكلةماقدرت اعرف المشكلة بالتفصيل قيل لي زي تجمع دم ونزيف داخلي المهم المفروض يتعامل مع المشكلة ويحلها وينتظر الى ان يتاكد انها خلاص انتهت قبل لايرجع يخيط الجرح هو قام بالخياطة وخلص كل شي بسرعة ويوم واحد وكتب لها خرووج والدة البنت استغربت خروج بيوم واحد وهو عملية!! والبنت مبين عليها تعبانة .. اكد لها انه مايحتاج وكتب الخروج المهم طلعت البنت للبيت( وعلى فكرة البنت صيدلانية ) لما رجعت البنت للبيت شوي وينقلب وجهها اسود وتبدا وانتم بكرامة تستفرغ ويغمى عليها اخذوها لمستشفى كبيييييييييير وهي بين الحياة والموت لحقوها على اخر لحظة وعملوا لها عملية وقعدت مدة طويلة حتى استعادت عافيتها الله يبعد عن الجميع كل مكروه انا ما ابي اخوفك لكن كل شي ولا الولادة احس بالحكومي اضمن والرقابة عليهم اكثر بالنسبة لمشكلتك المادية ايضا من الخطأ الكبير انك ضاغط على نفسك وكاتم كل شي في صدرك ومعيش اللي حولك بنعيم على حساب نفسك صدقني اذا ظليت كذا ماتخلي زوجتك تشاركك همومك واتعابك وضروفك راح تظل هي ماتدري وتحسب انك على بنك والنفس البشرية تطلب احيانا بدون ان تقصد او تشعر انه هالشي ارهاق للاخر خاصة اذا كان الواحد يتظاهر بانه مرتاح ماديا ولاعنده اي مانع فهي تطلب وتحس ان هالشي عندك عادي انت تتظاهر بان ماعندك اي مشاكل وهي لاتعلم الغيب و ماراح تعرف من نفسها باللي مخبيه والخوف يجي يوم تنفجر فيه انت من كثر ما انت ضاغط على نفسك واللي حولك مو حاسه فيك والخوف اكثر انها تكون ردة فعلك ازود من اللزوم وتخرب الاول والتالي اقول لك بكل صراحة راتبك ليس كبيررر بالدرجة اللي انت متصورها يعني انت واحد في اول حياتك الزوجية واكيد ضروف الزواج ماخلت ولابقت من الارهاق المادي غير انك محتاج تامن مبالغ للايجار والمصاريف غير انك المفروض تضع مبلغ شهري للادخار لان الواحد مايضمن ظروفه وممكن يحتاج في يوم من الايام لمبلغ كبيييير لاي ظرف كان سواء سيارة او غيرها الله لايقدر لك مكروه ومو شرط ضرف المفروض الواحد يدخر مبلغ يأمن له فيه بعدين سكن ملك ولايظل طول عمره على الايجار وبعدين من ناحية الجوالات والتلفون لابد يكون فيه اقتصاد كبير من ناحية زوجتك ولازم الواحد يضغط على نفسه من ناحية على حساب ناحية اخرى وما ياخذ كل شي دفعة وحدة وارجع واقول الراتب 7000 لايحتمل التبذير والاشياء الغير ضرورية يعني الحمدلله انت من بداية زواجكم للان وانت معيشها احسن عيشة ولادخلتها في هموم الميزانية جا الوقت اللي لازم هي تكون بالصورة وتعرف اللي لكم واللي عليكم والصراحة ولادة بمستشفى خاص احسه دلع وعدم وعي بضروفكم المادية وانتم في بداية حياة تتطلب الكثير من المال خاااصة مع غلا الاسعار والله الاف مايسوي شي الحكومة موفرة احسن المستشفيات واحسن الخدمات اقتراحي انا انه الاجار يكون شهري ولا اعلم ان كنت تقصد بالـ 11000 ريال السنة كاملة ام 6 اشهر عموما شهري تدفعه لكي لايجتمع عليك دفعة واحدة ويرهقك او يصادف ضرف وماتقدر عليه وتنضغط نفسيا وماديا بالنسبة للجوالات المفروض انت تحدد جوالك مايتعدى الـ300 وزوجتك مايتعدى الـ 200 وللمكالمات اللي تطول المفروض من التلفون واذا الواحد اقتصد بمكالماته ماراح يضره شي ماله داعي تصرف بشي مايجي منه ذيك الفائدة الجوال هدفه الاساسي للضرورة الكهرباء حاولو تقتصدون وانتبهوا مرات الواحد يسرف بالكهرباء اهمال وليس حاجة يعني لمبه مشغلة طول الوقت في غرفة لاتستخدم اساسا وهكذا وحط مبلغ مايقل عن 1500 للادخار والباقي وزعه حسب المصاريف يمكن ضايقتك بكلامي وزدت همك اكثر :29: ويمكن تقول هذي بخيلة :d لكن من جد انا اقول لك هالكلام عشان انت في بداية حياتك ولازم تضبط امورك من البداية عشان ترتاح>> انت اتكلم لك من تجارب اخواني واللي حولي فلو توفر في اشياء تفيدك بمعنى الكلمة مو تدفع باشياء ولالها اي تاثير عليك يعني لو توفر من الاشياء الغير لازمة وتطلع منه مبلغ بسيط تقدر تسافر فيه انت وزوجتك كم يوم وتنبسطون مو احسن من مكالمات تلفون وجوالات ومستشفيات خاصة ومصاريف مالها داعي :) اعتذر بشدة لاني طووولت مررررة بالكلام وكلامي مشتت ربي يوفقكم ويسهل اموركم ويسعدكم ويرزقكم الذرية الصالحة المعافاة |
احسن طريقه انك تسدد دينك وتكون انته مرتاح والمدين بنفس الوقت مرتاح انك تخفف القسط
بحيث مايرهق كاهلك وتحس انك مستمتع في راتبك بنفس الوقت المدين ياخذ حقه مثلا تقدر تخلي القسط حق الدوام 200 فقط بالشهر انته تشوف والغير يشوفونه مبلغ بسيط بس عن تجربه هذا احسن حل على الاقل ماترهق نفسك وبنفس الوقت المدين قاعد ياخذ حقه حتى لو كان المبلغ زهيد هذا اول حل ثانيا لازم تقتصد وادورلك وظيفه ثانيه ثالثا الاستغفار وما ادراك ما الاستغفار مجرب للرزق داوم يوميا عليه مع سورة البقره وصدقني بتحصل الفرج قريب ان شاءلله واخرج مبلغ بسيط للصدقه بنية تيسير قضاء الدين والرزق. ممكن تشتري بضائع بسيطه ومرغوبه من الصين وتبيعها في المنتديات وتبدأ تكون بزنس بسيط يساعدك. الله يرزققك ويفرج عليك ان شاءلله |
السلام عليكم
لا أعلم إذا سيناسبك هذا الحل أم لا ! اعمل جمعية مع أصدقائك وزملائك أي ابدأ بتجميع مبلغ شهري من كل شخص واستلم انت في البداية هذا المبلغ ,, وما سيترتب عليه هو أنك ستلتزم بدفع مبلغ معين كل شهر لمدة سنة تقريبا ( حسب المبلغ وحسب عدد الأشخاص المشتركين في الجمعية ) سيعطى هذا المبلغ للأشخاص المشتركين بالدور وحسب من يحتاج شهريا. لكن تذكر عليك الالتزام بالمبلغ واقتطاعه شهريا عند نزول راتبك وفقك الله وسدد دينك آمين |
اقتباس:
زوجتي تعرف في كل صغيره وكبيره في موضوع الراتب والماده والديووون وهي ماتقصر معي ابد الراتب 7000 360 تلفون ثابت مع الدي سي ال 550 جوالين الكهرباء ماتتعدى 100 ريالاً شهرياً بالنسبة للاكل والشرب على حسب ماقد حسبت له حساب خادمه ماعندي لا ماعندي فيزا او كريديت الى الان ماعلي اي شي بس افكر في قرض عشان اسدد الدين وانتظرك الله يعافيك |
اقتباس:
بقولكـ حاجه .. بالنسبة للرزوجه هي تعرف كل صغيره وكبيره في اموري الماديه بس انا مشكلتي في الطيبه الزائده ومتعود على صرف الريال وعلى ساعة الصدر وهذا انا من يوم عرفت نفسي الريال مستحيل يقعد معي .. بالنسبه للمستشفى الخاص او الحكومي .. الي كاتبه الله بيصير سواء في حكومي او خاص .. بس انا ماحب اتنازل عن كلمة قلتها لن البنت صبرت علي في اشياء كثيره وقلت بعوضكـ في الخاص فجاء اقولها لا اخليكـ في حكومي .. احس مالها داعي .. انا اتمنى اخوي اني اجمع واقتصد بس ماقدرت لما اجي اجمع يجيني ظرف مثل زواج لخوي اساعده اجار الاستراحة البيت محتاج بعض الاغراض يعني متطلبات الحياة .. انا بس ابي اسدد الدين الي والله الحين زاد علي تقريباً 12000 .. لاني مادري وش اسوي من وين اكل واشرب واشتري ملابس للي جاي على الطريق باذن الله .. انا كل همي الحين اسدد الديوووووون الي علي وابدء من الصفر .. وبالنسبة للايجار والولاده خلنا في الصوره مالنا الى نطلع من مكاتب التقسيط بالرياض مبلغ من عندهم منها نسدد الاجار والاولاده والدين الي علي .. ولك تحياتي اخوي |
اقتباس:
بالنسبة عبجني كلامك كثير بالبداية الواحد يستمع براتبه بالنسبة للوظيفه المسائيه قاعدين نبحث لاعلى وعسى نحصل شي بس ربكـ يسر كل امر .. بالفعل الاستغفار وباذن الله راح اداوووم عليها وبقرأ سورة البقره وباذن الله ربي يسر كل امر ممكن تكلمني اكثر عن منتجات الصين اخوي ماقصرت اخوي |
اقتباس:
صدقني اول حل بسويه هذا وهو صعب ممكن ماتحصل الاصدقاء الي بيسوي معكـ جمعيه قاعد ابحث انا الحين عن جمعيه بس وين احصل مشكور والله يتقبل دعائكـ |
[quote=رحال 1;2295125]كلام جميل الله يستر عليك دنياء واخره
بالنسبة عبجني كلامك كثير بالبداية الواحد يستمع براتبه بالنسبة للوظيفه المسائيه قاعدين نبحث لاعلى وعسى نحصل شي بس ربكـ يسر كل امر .. بالفعل الاستغفار وباذن الله راح اداوووم عليها وبقرأ سورة البقره وباذن الله ربي يسر كل امر ممكن تكلمني اكثر عن منتجات الصين اخوي ماقصرت اخوي[/quoteا بضائع الصين اخي الكريم يحتاجلك تدخل المنتديات التجاريه قسم البيع والشراء وتتواصل مع التجار وهم يوفرولك اياها مثلا بضائع مرغوبه بسيطه ومتنوعه تكون جديده وانت تشتريها منهم وتبيعها في منتديات ثانيه من هلبضايع مثلا اكسسورات بلاك بيري وتلفونات طاولات لابتوب شنط لحفظ الساعات منتج اي شارج للسيارات هذا منتج جديد يحافظ على بطاريه السياره ويقتصد في وقودها اجهزه مساج وتدليك احذية ام بي تي الطبيه وغيرها الكثير ممكن هذه البضائع تجيبها بسعر ارخص من الصين وتبيعها بسعر ارخص من الوكيل بسعر معقول لحد ماتكونلك اسم ويثقون فيك الزبائن. حتى ممكن تشتري بضائع عاديه شنط او احذيه من محلات الماركات اللى يسوون تخفيضات 70% وتبيعها في الانترنت بفارق ربح معقول . هذا الزنس بسيط وحلو وتسليه وكثير ناس شغالين فيه في الانترنت وهو مربح صراحه والله يوفقك. |
اولا اسأل الله العظيم رب العرش الكريم ان يقضي دينك ويفرج همك
ثانيا ما ازيد على كلام الاعضاء لكن حبيت اقولك ان تسهيل الولادة من رب العالمين والله لو باحسن مستشفى ولا سمح الله تعسرت ولادتها ماراح يسهلو عليها بالعكس الحكومي احسن لها خصوصا انها بكر فانت اقترح على زوجتك تولد بحكومي مو علشان الفلوس الفلوس معوضة لكن علشان الحالة والوضع اللي راح تكون علية ومايتطلب وضعها الله يسهل عليها ويقومها بالسلامة يارب ثالثا راتبك ماشاء الله تبارك الله يبارك فيه ممتاز بس يبيلك شوي تضبيط يعني لاتصرف من دون ما تحسب صدقني لو تحسب لكل شي حسابة ماراح يتعدى صرفك على البيت2000 ريال و5000راح تكون زيادة الشهر اللي مايكون فية فواتير تكون قضيت نصف دينك باذن الله ولزيادت الرصيد عليك بالبيع والشراء اما خضار وهذي مكسبها جيد وتمشي خصوصا ان كنت ارخص من السوق او ممكن ملابس او اكسسورات والله يرزقنا وياك من واسع فضلة |
اقتباس:
|
رحال اللى انا عرفته لحد دلوقتى ان الثوابت عندك تليفون وجوال وكهربا حوالى 1000 ريال كويس معقول يعنى فى الطبيعى
الايجار كام بالشهر الديون قسمها لى تانى واحده واحده هل عليك اقساط قيمتها مجتمعه كام لو فيه اى التزامات بتدفعها شهريا قولها لى وربنا يعيننى ويكون على ايدى الحل يارب والحل لما اقترحه عليك هنتناقش فيه لحد مانوصل لحل مناسب معلش نسيت تكلفه الولاده بالمستشفى كام |
الله يعينك ويسر لك أمورك
يا خوي تعالج الدين بالدين ما أعتقد فكرة طيبة أنت تحتاج حل جذري دائم وليس حلول مؤقته ما تؤدي إلا إلى زيادة الدين والضيق. أولا يا خوي لازم تحاول تضغط على نفسك وتتحمل شوي تتعب شوي وترتاح دايم إن شاء الله أهم شيء توضع زوجتك في الصورة الحرمة معينه لزوجها ولا خير في زوجه تكون سبب في ضيقه خلها في الصورة وأشرح لها أمورك كامله وقولها أريدك تساعديني حتى نتخطى هذه المرحله. ما شاء الله راتبك جيد تستطيع بيه أن تعمل جميعه مثلا وتقتصد منه مهما صار لازم توضع هذا المبلغ لهذه الجمعية وستجد أن شاء الله بعد فترة المبلغ تظول وتحل بيه احدى ديونك إن شاء الله. هذي تجربة مجربه سواها أخوي وسويتها أنا نفسي لما كنت عندي إلتزام في فترة معينه والحمد لله أنحل الموضوع وغير كذا ساعدت أخوي منه. توكل على الله وحاول تضغط على نفسك تتعب شوي وترتاح دايم إن شاء الله. |
أخي رحال 1 السلام عليكم ورحمه الله وبركاته بارك الله لك في راتبك سوف أقول لك طريقتي في التعامل مع الديون مع أن ديون أكثر من دينك بمئات الاضاعف اي ما يقرب 700 الف
لكن بما أن راتبك 7000 الالف تستطيع أولاً اقناع زوجتك بالاولادة في مستشفى حكومي بدل من الخاص ثم بعد ذلك تستطيع التوفير من راتبك وتصرفة بالطريقة التالية أولاً الفواتير ( الهاتف الثابت ، الجوال1 ، الجوال2 "المدام ، الكهرباء ، المياه ) طبعاً الفواتير تنقسم الى مايلي 1 - شهر يكون فيه ( الجوال1 ، الجوال2 ، والكهرباء ) 2 - شهر يكون فيه ( الهاتف الثابت ، الكهرباء ) 3 - كل 3 أو 4 شهور فاتورة الماء إذا فيه مخالفات المبلغ المرصود لهذه الفواتير يكون 1000 ريال قد يزيد أو ينقص ثانياً مصاريف عائلية و شخصية المبلغ المرصود 500 أو 1000 حسب الاحتياجات ثالثاً مواد غذائية وهي تشمل ما يلي 1 - أغراض المنزل الأساسية ( أغراض الثلاجة ، الخضراوات ، المنظفات ، المعلبات وغيرها ) حسب الاحتاجات المبلغ المرصود لهذه الاغراض يكون 800 ريال قد يزيد أو ينقص رابعاً السكن ويشمل 1 - إصلاحات منزلية طارئه 500 2- الايجار الشهري 1000 خامساً سيارة ونقل ( بنزين ، تغير زيت ، غسيل ، اصلاحات ) 500 ريال شهرياً يتم توفيرها سادساً الإقساط الشهرية 1 - قرض العمل 1000 شهرياً حتى يتم السداد بالكامل 2 - قروض أخرى إن وجدت ( تستطيع أنت تقدير المبلغ ) اي المجموع الكلي بيكون تقريباً 5800 كل شهر أي انك تستطيع توفير 1200 ريال للحالات الطارئة كل شهر هذا والله أعلم أسال الله أن يقضي دينك وأن يبارك لك في مالك عليك بهذه الادعية "اللهم اكفني بحلالك عن حرامك واغني بفضلك عمن سواك" اللهم إني أعوذ بك من الهم والحزن والعجز والكسل والبخل والجبن وضلع الدين وغلبة الرجال |
الله يجزاكم الجنة قووولو امييين
لي رجعة للموضوع وراح ارد على الاعضاء الي وقفوا معاي باذن الله الله يعطيكم الف الف عافيه ويارب اطلع بحل من عندكم .. ويارب انكــ تسعد كل من وقف معي موفقين باذن الله |
اقتباس:
علي دين 43000 الف ريالاً عندي حرمه تطلبني 20000 الف والعمل يطلبني 2200 واجار بيتي حال علي نهاية شهر 1 القادم وانا ماجمعت اي ريال وهو 11000 الف ريالاً طبعاً ايجار البيت كل سته شهور يحل علي الحين مافي اي اللتزامات ادفعها وبالنسبة للتكلفة الولاده حوول 6000 الف ريالاً ويارب يكون عندكـ الحل الي يوصلني يفرجها علي بعد الله موفق اخوي |
اقتباس:
مشكوره اختي العابده الله يرضى عليكـ بالنسبة لزوجتي صدقييني هي مايخفى عليها اي شي كل صغيره وكبيره تعرفها عني بالنسبة للجمعية يارب احصل الى هي حلوووه بالمره .. وانا والله بضغط نفسي ماعندي مشكلة بس بتكون مطوووله بس ربكـ يحلها ماقصرتي |
اقتباس:
يازينكـ اخوي ويازين كلامك بس والله صعبه باقناع المراء في الحكوومي .. حاولت بعدة طرق ومشكلتي انا ماحب اتراجع عن كلمتي وقناعتي .. هي وقفت معي من اول وطلبت مني الطلب البسيط وقلت جاكـ صعبه في يوم ولليله اقولها تراكـ بتروحين حكومي .. بالنسبة للردكـ لي مره حلووو بس مافهمت وش تقصد في اول الموضوع رقم 1 و 2 و 3 الله يطول في عمـركـ على طاعتـه |
اقتباس:
اقتباس:
اخوي فعلا دامك معطيها كلمة ابداا مو حلو انك تراااجع فيها لذا لاتتراجع بكلمتك مهما نصحك الكثيرين هنا واولهم أنا بكلامي السابق المهم اخوي بالنسبة للدين فيه طريقة المشكلة اني موفاهمتها مرة بس سمعت عن واحد من جماعتنا انه عشان يكمل متطلبات زواجه كان ناقصه حوالي 10 الاف ريال فاخذ بطاقات سوا دين ب 15000 ريال (خمسة عشر الف ريال) وباعها في نفس اللحظة بـ 10 لاف ريال اتوقع على نفس الشخص فيصير عليه ربح 5 الاف المهم التقسيط شهري الف ريال يعني فيه بضائع بهالطريقة تباع اذا تعرف احد تاجر بشي زي كذا فيه بنفس الطريقة سمعت ان واحد اخذ من محل تاجر يعرفه صابون بنفس طريقة الدين حق سوا او ممكن تاخذ سيارة دين مستعملة قيمتها حوالي الـ 15000 تتدينها بـ حوالي الـ20000 وتسدد اقساط شهريه الف وخمسمائة ع حسب اتفاقك مع البايع وتبيعها بالمعارض راح تجيب لك حوالي الـ15000 ريال وتدبر امورك منها هذي طرق اذا نفعت لك ولاقدرت تاخذ قرض من مكاتب التسليف مالك الا تسدد الدين اللي عليك باقساط شهرية للعمل 1000 ريال وللمرأة الف ريال شهريا وفقك الله واعانك على سداد دينك اختك د/المتفائلة |
[align=center]اخوي انا بنظري ظروفنااحسن من ظروفكم ومع ذلك ماافكر بالخاص ليش الغلبه واشيل فوق روسنا ديون يالله لك الحمد الحكومي موجود ومن احلى مايكون
وبعدين مدام عندك الفواتير ليش ماتحط فاتوره محدده يعني الجوالين مع البيت مايتعدون الا لف ونصيحه مني اكثر من التصدق كل شهر لو مئة ريال بس يكون لك مبلغ شهري للصدقه تطلعه وتعطيه ناس تعرف انهم بحاجه والله ماتتخيل الشهر اللي اطلع منه صدقه كيف اجيب طلباته واوفر اللين الراتب اللي بعده احيانا يحل الراتب وباقي لو 200 بالحساب ومافيها شيء لو تكلمت مع زوجتك اذا ماراعت ظروفك من بيراعيها وحلو الواحد يعيش على قده لا يناظر الناس ويقارنهم بنفسه والله فيه حريم تدهور زوجها علشان فلانه وعلانه زوجها سوا لها وجاب لها بس الرجال هو اللي يعقلها وبعض الحريم بالعكس هي اللي تعقله الله يسدد دينك ويفك كربتك [/align] |
مرحبا ......
انتبه تاخذ قرض عشان تسدد ديونك او تتسلف عشان تسدد لانك عالجت المشكله بمشكله اخرى انا وزوجي مرينا بنفس ضروفك وزوجي مغرم بالديون لحد ماوقفت له كان عليه دين 30 الف ريال سببها سفرهـ لماليزيا وشراء لاب توب وبطاقة فيزا الله ياخذها لا واذا جاء الايجار ياسلام .... راتب زوجي نفس راتبك صرنا ناخذ منه الفين والباقي تسديد وضغطناعلى انفسنا 5شهور وياربي لك الحمد عشنا مرتاحين ..... بعد كذا جبت ورقه وقلم وقسمنا مصروفنا على الفواتير والسواق والخدامه السوبر ماركت واهم شي نوفر الايجار واحفظه انا في ظرف عشان اذا جاء وقته الا هو جاهز ..... صدقني الدين هم ولاتعود نفسك عليه يعني اذا احتجت شي قل لازم اوفر من راتبي عشان احصله قل لزوجتك ايش رايك بدل الاهلي حكومي واسدد ديوني ونتعاون على التوفير واسفرك بالصيف احلى سفرهـ ماشاء الله ناس رواتبهم 3 الاف وعايشين مرتاحين ..... ثقل ليدك على الدين صدقني راح توفر من راتبك شي بالخيال ..... ان اردت اي استفسار انا حاضرهـ لأني عشت مع ديون زوجي مايقارب 7سنوات .... |
الجمعية هي الحل السريع و المضمون
دور حتى بعيد عن أصدقائك إذا مافيه و اشترك بجمعية كبيرة 80 ألف خلال سنتين و تكون أول من يستلمها ثانيا انت تعمل بشركة خاصة,,,اولا لأن إذا كنت بشركة خاصة فهناك اكيد تأمين طبي و علاج,حتى الأدوية قيمتها عليهم اشتغل ساعات زيادة في العمل’حتى تحصل اوفر تايم دين زوجتك اجله لآخر شي ,أكيد راح تراعي ظروفك بعد ما تقول لها |
أخى رحال
ربنا يسدد دينك اللهم اغن اخانا رحال واكفه بحلالك عن حرامك بص يا سيدى خطوه خطوه وبالراحه خالص الاول انت عندك مشكلتين كبار بعاد عن الدين نحلهم الاول وبعدين نشوف قصه الدين 1- مصاريف الولاده مصاريف الولاده انت قلت انها 6000 ريال وطبعا صعب انك تولد المدام بمستشفى حكومى زى ما تفضلت وقلت فهيكون عندك حل واحد بس انك معلش تتسلف المبلغ ده من والد زوجتك وتوعده انه هيترد له بعد ستة اشهر بالتمام 2- الايجار العالم كله عنده ازمه ماليه كلم المالك قول له انك هتدفع له بالشهر كل شهر مبلغ الايجار وان ده الحل اللى عندك لان الدنيا صعب واظنه هيوافق وادفع له شهر مقدم 1850 ريال انت قلت انهم 11000 كل سته اشهر وبتقسيمى للمبلغ الاجمالى طلع الشهر ب1850 ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ الجزء التانى اولويات برضه الاول: انت راتبك 7000 ريال هيتم تقسيمهم كالتالى 1000 تليفونات وكهربا وانترنت 1850 الايجار 1500 مصاريف الطعام بالبيت ولازم تمشى على المعدل ده وما تزودش عشان الميزانيه ما تخرب معلش اتحمل وهتعدى ــــــــــــــــــــــــــــــــــــــــــ 4350 ريال بالشهر 150 ريال تحت حساب العجز والزياده ـــــــــــــــــــــــــــــــــــــــــ 4500 ريال مصاريف شهريه متضمنه الايجار ومصاريف البيت والفواتير الباقى لك من راتبك 2500 ريال 2500×12=30000 ريال الديون 6000 مصاريف الولاده 20000 دين خارجى 2200 دين للعمل ـــــــــــــــــــــ 28200 ريال عندك حل انك تدخل جمعيه كبيره ب2500 ريال وتقبض الاول وتسدد ديونك الحل التانى وله اكتر من نقطه اولا : تكلم الحرمه وتطلب منها الصبر وانك مش هتقدر تسد المبلغ الا بالقسط 2000 كل شهر تبدأ من مايو2010 او انها تاخدهم مره واحده فى شهر نوفمبر القادم بأذن الله * دين الشغل ده اهم حاجه لازم يتسدد الاول وبما انه 2200 ريال يبقى السداد بأذن الله اول يناير 2010 وهيتبقى معاك 300 ريال وبكده نكون خلصنا من دين الشغل * دين الولاده 2800 فبراير 2500 مارس 700 ابريل ــــــــــــــــــــــــــ 6000 وبكده دين الولاده يكون اتسدد دين الحرمه 4300 مايو 2500 يونيو 2500يوليو 2500 اغسطس 2500 سبتمبر 2500 اكتوبر 2500 نوفمبر 700 ديسمبر ــــــــــــــــــــــــــــــــــ 20000 ريال تم سدادهم بحلول العام الجديد ومن شهر ديسمبر هيتبقى من ال2500 اللى بنوفرهم كل شهر 1800 ريال يمكنك مع زياده راتبك بأذن الله ان تضيف عليهم مبلغ 50 ريال لتدفع شهر ين للايجار فى اول السنه بدل شهر واحد فقط مبلغ الدخل 7000 ريال شهريا ثابته صرف فى يناير فبراير مارس ابريل مايو يونيو يوليو اغسطس سبتمبر اكتوبر نوفمبر ديسمبر 1000 تليفونات وكهربا وانترنت 1000 1000 1000 1000 1000 1000 1000 1000 1000 1000 1000 1000 1850 ايجار 1850 1850 1850 1850 1850 1850 1850 1850 1850 1850 1850 1850 1500 مصاريف للبيت 1500 1500 1500 1500 1500 1500 1500 1500 1500 1500 1500 1500 150 تحت العجز والزياده 150 150 150 150 150 150 150 150 150 150 150 150 2500 لحساب الديون 2200 لدين العمل 2800 لدين الولاده 2500 لدين الولاده 700 اخر قسط فى دين الولاده 4300 للحرمه 2500 للحرمه 2500 للحرمه 2500 للحرمه 2500 للحرمه 2500 للحرمه 2500 للحرمه 700 اخر قسط فى دين الحرمه 7000 المجموع 6700 7300 7000 5200 8800 7000 7000 7000 7000 7000 7000 5200 جميع الفروقات يتم ادخارها لتسديدات الشهر الذى يليه مثال يناير 6700 الباقى من الراتب 300 تم اضافتهم على مبلغ سداد الدين المرصود 2500 ليصبح 2800 مثلا شهر سبتمبر سيتبقى من مبلغ الراتب 1800 ريال تم توفيرهم |
اقتباس:
وبالنسبة للصدقه باذن الله راح ابداء فيها في اقرب فرصه والله لايحرمك االاجر في تذكيري موفق باذن الله |
اقتباس:
عندي بعض النقاط في ردكـ لي .. - انتي قلتي عشت مع زوجي مع الديون مايقارب 7 سنوات وفي الاول الموضوع قلتي 4 شهور - كلامك جميل الواحد مايعالج الدين بالدين بس بسألكـ اختي .. فكرتكـ حلوه لو اسدد الديون عن طريق راتبي بالتقسيط بس عندي ملتزمات اخرى .. كيف اوفيها يعني اجاري الحين نهاية شهر 1 القادم باذن الله .. ولادة زوجتي ان الله يسرها في نهاية شهر 2 او نصفه باذن الله وهي في مستشفى اهلي . كيف اسدد الديون عن طريق الراتب وهي بالغة 42000 الف ريالاً ... انا عارف ان راتبي يكفيني بس مشكلت الواحد لما يتعود على الدفع في كل وقت .. موفقه باذن الله |
اقتباس:
انا قاعد احاول في الوفر تايم وراح ينزل في نهايه شهر 1 باذن الله ماعندي تأمين طبي في الفتره الحاليه الجمعية مكثف اتصالاتي للبحث عنها مشكور الله يعطيكـ العافيه على ردكـ لي .. |
اقتباس:
الله يعافيك ويطول في عمـرك ولا يحرمكـ الاجر اخوي الغالي .. انا لي رجعه في موضوعكـ لما اجلس عليه جلسه حلوووه واكتب كل كلمه كتبتها وارد عليكـ في اقرب فرصه الله يرضى عليكـ دنياء واخره |
اقتباس:
أخي رحال1 تحية طيبة أنتِ وزوجتك كائن واحد ومصالحكم تنصب في أناء واحد مازالت أقول لك حاول مع زوجتك بالمستشفى الحكومي مرة اخرى اقصد بذلك أن الفواتير لا تاتي مرة واحده بشكل جماعي أي شهر تكون بالشكل التالي فاتورة جوالات فقط + فاتورة الكهرباء وفي الشهر اللي ياليه تكون فاتورة هاتف ثابت + كهرباء أي لا يمكن أن تجتمع فواتير الجوال والهاتف الثابت في شهر واحد ( هذا ما يحدث معي ) أما فاتورة الماء تكون كل 6 شهور حسب المخلافات من تسرب ماء من المنزل وغيرها أخي أرجع وأقول لك اشرح لزوجتك مشكلة الديون كما شرحتها في هذا المنتدى وسوف ترى النتيجة الاجابية إن شاء من زوجتك وشكراً |
| الساعة الآن 04:35 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©