|
وحم كره الزوج ينتهي مع وقت الولاده ام لا ؟
حالات كره ونفور من الزوج التي تستمر الى الشهر التاسع (وحم كره الزوج)
هل تنتهي من اول يوم للولاده؟ هل تنهي بنهاية الشهر الثامن او قبل الولاده با أيام, ممكت ذكر بعض التجارب |
مجرد ما يخرج الطفل ، ينتهي الوحم
هذا بالنسبة لي ، لكن على الشهر الرابع ( خف الوحام ) |
المفروض تنتهي مع الشهر الرابع و لكن أحيانا تستمر الاعراض إلى حين الولادة عند بعض النساء
سهل الله لك حملك و ولادتك نقل الموضوع لمكانه الأنسب |
اقتباس:
فهمت من ردك أنك كنتي تكرهين زوجك فترة الحمل ممكن تحدثيني وش اللي حاصل بالضبط |
تختفي بعد الولاده ع طول
الله يهون عليكي |
يااااااااارب تفرجها
|
اقتباس:
كنت في حملي الأول ما أبين له عشان أخاف أجرح احساسه و ماكنت أدري إنه وحم ؟؟؟؟ كنت أحسب إنه مشاعري تغيرت تجاهه بس بعد ما أجهضت و راح الوحم و اختفى ، اكتشفت إنه كان وحم كره الزوج و يوم حملت و الحمد لله ، زوجي تفهم الوضع ( لإنه شاف الفرق أول ) و صارحته و قلت بطريقة ( مزح ) ، و الحمد لله تحملني - كنت ما أحب ريحته أبداااااااااااااااااااااااااااااااااااا ، و أحس فيه ريحة غريبة منه و حتى لو تحمم و تعطر - العطر اللي يتعطر منه ما أحبه و أقول له لا يتعطر أبدااااااااااااااااااا - ما كنت أقدر أكل معاه ، يعني و هو برة البيت أستناه و ما أكل ، بس أعرف إنه قرب من البيت ما أقدر أكل و لا أقوم أرجع الأكل - ما أحب أنام معاه ، أتهرب منه بأي طريقة ، أعطيه ظهري دايم و هو صابر علي ، كنت أحس بكتمة هذه اللي أفتكرها أكثر شئ بس الحقوق الشرعية ياخدها و الحمد لله ، و كنت ( أكل ملوخية أحيانا ) و كانت تجيب نتيجة معاي بس الوحدة لا تكثر من الملوخية فترة الحمل و على فكرة ، لا تنسوا من أكل السمك فترة الحمل ، لإنها مفيدة جدا لدماغ الطفل و تخليه ذكي بعد إرادة الله |
هل انتهى وحمك يوم الولاده مباشرة؟
|
ايوة الحمد لله مباشرة
|
انا كمان لما كنت حامل بولدى حصل معى نفس الشئ وبعد الولادة اختفى تماما وصراحة زوجى كان متفهم الموضوع جدا
الحمد لله بالرغم انى لم اصارحة ايضا لانى كنت ببداية زواجى وكنت انحرج لكن هو كان حاسس لانى كنت فورا اتقيأ فسألن وصارحته وزعل انى لم اصارحه من البداية والحمد لله ايضا رزقنا الله بولد |
يارب زوجتي زيكم
تخيلو تبي الطلاق من دون سبب |
الله يعينك
طيب ليه ما حاولت تستوعب الموقف من الاول وتحس انو وحم ومش حقيقه كرهها لك كم لها حامل ,ان شاء الله تقوم بالسلامه وتكون سحابة صيف عابره انت ابدا من الآن تحضير طلبات المولود من الالف للياء وبعض الهدايا للزوجه مش ضروره تكون غالية الثمن حاول تتفاهم مع والدها واخوتها للتحضير لما بعد الولاده واكثر من الاستغفار والتقرب من الله سبحانه وتعالى والتضرع له ليسخر لك زوجك ويردها لك ردا جميلا سبحانه وتعالى قادر على كل شيء ولا تنسى الصلاة على النبي اكثر ايضا فيها بركه الله يرزقك المولود الصالح اللي يقر قلبك وعينك ويكون وجو خير عليك وعلى امه |
الله يكون في عونك
أكيد موقفك صعب ... زوجة أخوي كان عندها وحم كره الزوج ... اللي هو اخوي المسكين .. أول 3 شهور من الحمل ظلت في بيت أهلها تخيل ...؟! يعني اخوي عاش عزابي ... بس يروح يشوفها بعد الدوام .. ويرجع ينام في الشقة بروحه ... وحتى بعد ال3 شهور ... ما كانت راجعه لشقتهم ... يعني تروح وترجع لبيت أهلها ... أشوف ان هذي أفضل طريقة بصراحه بدل المشاكل والخناقات .. خليها ترتاح في بيت أهلها شوي لأن هالشي مو بيدها ... وغالبا ... الوحم رح يخف بعد ال3 شهور ... الله يقومها بالسلامة ويألف بين قلوبكم ويقر عينك بالنونو |
هالهرمونات اللي تغير الوحده ياترى بتنزل مع المشيمه وترجع الوحده لعقلها ولا ايش ........
|
أخي
الهرمونات ترجع تنتظم بعد الولادة بإذن الله حاول تكون صبور والله يكون بعونك |
وش اسم الهرمونات اللي تتلخبط اثناء الولاده
هل يروح الوحم اول يوم بالولاده |
أنا اللي سمعته و الله أعلم ، إنه الزوجة تتوحم على زوجها
لإنه بداخلها الطفل ( هو من زوجها ) فتقوم تنفر من زوجها ، و مو بيدها و قبل لا أتزوج ما كنت أصدق الحكاية هذه ( وحم كره الزوج أو محبته ) بس صدقت يوم جربت و مع العلم إني الوحيدة من بين أخواتي و أهلي اللي صابني الشئ هذا و مع كذا بأضيف نقطة ، مع كل هذا ما كنت أقصر بحقوق زوجي و ما أشجع الوحدة تروح تنام بيت أهلها مهما كان يعني الوحدة لازم تراعي ربها ثم زوجها ، صح أعصب و أبكي وووو إلخ بس أجلس أندم و أحاول ما أزعله مني |
يغلق الموضوع للاكتفاء..الاشراف
|
| الساعة الآن 03:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©