|
مقهورة من كلامها تقول للناس اني عطيتها عين
السلام عليكم
احس نفسي مخنوقه نصدمت ؟ من اقرب الناس لي الي كنت افرح لفرحها واحزن لحزنها سويت عزيمه قبل اسبوع بمناسبة تعافي جدتي وعزمت البنات ودقيت عليهم اكثر من مرة علشان يجون وجات معهم بنت عمتي ورتنا صور شبكتها بعدها وصلني خبر انها تقول ان انا والبنات الموجدين عطناها عين وطلعت من البيت وهو محسوده وان وقت ورت الصور صديقاتها ماحست بشي واليوم الي ورتنا الصور انحسدت؟؟ انصدمت مرره من كلامها كيف تشك فيني ؟ بتقولون العين حق ويمكن تجي من غير قصد بقول صح كلامكم وقت شفنا الصور ذكرنا الله كيف تشك فيني اني اتنمى ان نعمتها تزول؟ مصدومه لدرجه افكر مااحضر عرسها بكل صراحه عافت نفسي الروحه ماكنت اظن ان فيه ناس بهالتفكير مقهورة وربي من كلامها بموت قهر |
حبيبتي حساسة حبتين
البنت عندنا اذا تملكت وفيه اكبر منها ماتزوج تتدلع وتشوف حالها وسعي صدرك طنشي كلامها وبيني وبينك بان معدنها ولا تخافي ترى الدنيا تعطي دروس جاااااامدة بليز اهدي راح تلاقي في الدنيا اللي يقهر ويقهر ويقهر |
موضوع بسيط بنات حساسات والا ما يستاهل كل ذا اختي الكريمه لاتفكري كثير بما يقال وتعوذي من شياطين الانس والجن
|
أختي حلم مجرد كلام تافه لايخرب علاقتك في بنت عمتك
ياما وياما شفنا من البلاوي لين صفت روسناا الله يصلح الحال بس |
لاتهتمي لها ابدا
وربي لو وصلها انك تضايقت مابتصدق وتاكد كلامها انتي ماعليك هالنوعية تحب الكلام انها محسودة:24: وهي ماعندها ماعند جدتي هذا القهر اهون من وحدة تسقط وتتهم بنات جماعتها ان هم حسدوها وتمنو الحمل :24: والمصيبة ان البنات الي كانت تقصدهم مو متزوجات:15: لو بنحسدها كان علي زواجها مو حمل :11: شفتي ؟؟؟؟؟؟؟؟؟؟ هونيها وارمي كلامها ورى ظهرك |
يا أختي العين حق ، مو شرط تحسدوها على الزواج
و يمكن هي ما تبغى تحدد أحد بإسمه عشان ما تسبب إحراج له ، فشملت الكل بكلامها لا تزعلي منها |
كلامها يوجع اختي بس العين حق ...تعرفي لو انا منك اعطيها اثري وبنفس طيبه تغتسل منو :) وخلي صحباتك بعد انت واثقه من نفسك انو ماتتمني لها زوال نعمه صح !!!والعين غير الحسد .
وسعي صدرك وخليك احسن منها وعطيها اثرك ماحتخسري شئ:22: ولاعاد تهرجين بموضوع زواجها ابد طالما هي موسوسه وخايفه ع زوجها ولاتطلبي تشوفي شئ كلميها عادي باي موضوع ولاتخوضين معها موضوع زواج ابدا وريح راسك . |
كلام لقافة أعجبني :) هاذولا كثييييييير نلاقيهم في حياتنا!! وهم والله ولايسوون!! ولا حتى انتي فكرتي فيهم!! وش تقولين أجل للي تقول يحسدون جمالي!! وهي معروفة عند الكل انها اقل من عادية!! والناس يضحكون بس من وراها عليها!! لكن عاااااااادي :) خلك مبتسمة وواثقة من نفسك... الله يهدينا جميعاً يارب~ |
اقتباس:
حبيبتي لا تشيلي هم انا لو منك اعطيها من اثري في وشها لو تبغى و اتخاشاها بعد كده هي بس تبا شوية تغمل شوية اكشن :18: و لفت انظار لا تنوليها اللي تبغاه و انهي الموضوع من الآن |
عادي
في اي مكان تجتمعون اجتمعي انتي والمتهمات وقولوا لها خذي من اثرنا او ارسلوا الكلام مع اللي وصله لكم وحطي في بالك شي ممكن الكلام يكون كذب عليها للوقيعه بينكم انتبهوا لا اكثر |
سبحان الله أحس صايره هذي الأيام موضة الحسد ههههههه الكل خايف ينحسد
العين الحق أكيد ما عليه خلاف ولكن ليس أننا نخاف أن نعيش حياتنا وأن نظهر نعمة ربنا علينا عشان بس ما ننحسد صاير وسواس كبير بين الناس وكل اذا جاه وجع قال أكيد عين سبحان الله ما عليك منها يا اختي طنشيها ولا تعاتبيها ولا تذكري الموضوع حتى لا يكبر وتصير مشكله. |
[quote=ابتسامة طفلة;2295775]
كلام لقافة أعجبني :) تسلمي اختي هاذولا كثييييييير نلاقيهم في حياتنا!! وهم والله ولايسوون!! ولا حتى انتي فكرتي فيهم!! وش تقولين أجل للي تقول يحسدون جمالي!! وهي معروفة عند الكل انها اقل من عادية!! والناس يضحكون بس من وراها عليها!! :25: ممكن تكون هي اقل من عادي بنظرك ونظر الي معك بس غيرك يشوفها حلوه ...بس هي الله يهديها لو ماحكت وممكن تبي ترفع معنوياتها اش يضركم عشان وتضحكون عليها :25: اختي معليش ممكن تنطق الوحده عين ع شعرها علشان كثير !!وممكن تنطق انو ناعم ..وممكن تنطق وحدهعشان شعرها كيرلي الشعر مو شئ جمالي ممكن وحده تنطق ع عيونها ..العين حق ليش تستخفون لدرجه ذي.اذا ع رقص يطقون كم سمعنا بالزواجات الي يصير!!! !!!!والسالفه مو موضوع فشخره انا حلوه وربي الي ينحرق بنار العين وعانى منها ماحيستخف ولا حيتمسخر ع غيرو وع العموم شئ معروف عند بعض البنات الوحده لو حكت انا انطقيت عين الرد المتعارف منت ذاك الزود وع وش خايفه هي ومن هالكلام المتعارف هذا اذ ماجاكروها ونتفوها عشان يثبتو مافي احلى منهم وانو هي مو ذاك زود مو الكل البعض:d البنت اخطاءت الله يهديها بايصال الموضوع ..ومو حلو يصير وسواس |
اقتباس:
نفس الراي عطيها اثرك واثر اللي كانو معكم وخليها ترتاح وتدري انكم ماتحسدونها |
هم دايم كذه الاقارب ماعندهم سالفه ماعليك انتي اهم شي انك واثقه من نفسك ولا تزعلين نفسك على شي ما يستاهل ابدا وبالعكس احضري الزواج وحطي عينك بعينها
|
اقتباس:
هي اصغر مني بثلاث سنوات الله لايوريك من انخطبت وهي مرره خايفه من العين والله لو انها وحده عادية مااهتمت لكلامها لكنها وحده كانت عزيزة علي مرره هذا الي يقهر |
اقتباس:
ايه والله ياقلبي صادقه انا حساسه مرره وبسرعه اتأثر |
اقتباس:
اتجاهل كلامها احيانا واحيانا كلامها يسيطر علي |
اقتباس:
صار بعض البنات من تتزوج تصير كأنها ياارض انهدي مااحدى قدي فكرة الحسد والعين تسيطر عليهم لدرجه ان يخافون من ظلهم الله لايبلانا |
اقتباس:
هي صحيح ماحددت احد انا من ضمن البنات الموجدين يمكن تقصدني العين حق ماقلنا شي بس ماتوصل الامور ان احنا عطناها عين قويه جابت لها المرض؟؟؟؟ الحمد لله ذكرت الله وصليت على نبيه |
اقتباس:
الحمد لله ماافتح لها طاري زواجها هي الي تتكلم معي وتسولف ومصره احضر زواجها احيانا اقول يمكن ماتقصدني خصوصا اذا شفتها تستحلفني احضر عرسها وبعض المرات اقول يمكن كلامها مجامله ومن وراي تطعن فيني كيف اعطيها اثري لازم افاتحها في الموضوع واكيد بتنكر |
اقتباس:
اكثر الناس العادين هم الي يفكرون بالعين والحسد مع ان مافيهم شي زود يعني مثلا عندي اعلى منهم تعليما واغنى منهم ولاشكيت مرة انهم يعطوني عين رايك ابدا افكرفي العين واقول انهم حسدوني:26::27: |
اقتباس:
كيف اعطيها اثري هي اكيد بتنكر والله احيانا اتحسف على الايام الي احسنت فيه الظن بالناس اكتشف انواع الطعن في الظهر |
اقتباس:
مع الاسف الكلام حقيقه وليس وقيعه وتأكدت منه الي يعيش يشوف هي امها خوافه من العين بشكل فوق الطبيعي يمكن زرعت في راسها فكرت العين والحسد |
اقتباس:
وموضه مشهورة:14: ابشرك بعد صارت الي تولد تخش ولدها عن الناس علشان مايعطونه عين الي يخاف من العين بشكل جنوني هو الي عينه على غيره الي محصن نفسه بالاذكار والايات ومحسن الظن بالله العين ماتجي له اما الي يفكر بالناس بيعيش في دوامه من الشك والواسواس |
[QUOTE=لقافه;2295788]
اقتباس:
ياقلبي نعرف ان العين حق توصل احيانا الى اساءة الظن بالمسلمين والشك في نواياهم وسوء الظن اثم ربي يعاقب عليه لو تحسبيها فلانه بتخاف من العين وهي مش ذاك الزود وعلانه احسن منها بالعقل الناس تعطي العين لعلانه مش لفلانه تلاقي فلانه تخاف وعلانه الي احسن منها مايهمها العين:d |
اقتباس:
احلف لك انها بتنكر |
اقتباس:
الاقارب مهوسين بالعين لو وحده طلعت لها بثره في خشمها قالت عييييييييين عرسها بحضره اذا مزاجي سمح لي:d |
حبيبتىلا نحن فى عصر مرض العين
يعنى اى شى سببه العين واكيد بنت عمتك ماتقصدك بكلامها ممكن رد فعل طبيبعى لان اخر مكان كانت فيه بيتكم يلا حبيبتى لاتخلين الشيطان يقص عليك وتحملى وان شاء الله لك الاجر |
الله يصلح الاحوال بس
عاااااااااااااااادي عودي نفسك على مثل هالمواقف يام تبغين تسمعين وتشوفين مثل كذا قوي قلبك بس يالغاليه ربي يرزقك قريب يارب |
والله هذ الموقف يقهر يقهر يقهر
بس انصحك طنشي هذي الحركات كانت عند الحريم وحين انتشرت حتى عند الشباب |
حبيبتي روحي احضريه بلاش تقول عنك غيرانة.. عادي طنشي واللي رزقها بيرزقك ان شاء الله
|
لا تهتمين
للموضوع ابدآ ولا عليج منها |
| الساعة الآن 08:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©