|
مقطع من مكالمتي مع زوجتي (آرائكم).
بعض مكالمتي مع زوجتي في نقاط:
1- اقول لها خلاص ماعاد نطري الطلاق ولاعاد اتكلم من ذا الكلام تقول اللي انقال مره ينعاد كل مره 2- تركت شهرين علشان تهدا الامور وعلشان انك تغليتي ومارديتي ورفضتي الرجوع تقول انا تاكدت انك بايعني 3- من حقى الاستئذان وماتوقعت تخرجين من غير علمي وتجبين لنفسك اللعنه تقول بيني وبين ربي 4- الايام تنسينا اللي صار ونرجع نعيش تقول لايمكن انسى الاساءة ولاانسى ذيك الليلة 5- الناس بينهم مشاكل وخيانه ومخدرات وضرب هذيك الناس وانا تركيبتي غير 6- الرسول ببيته مشاكل وكان يعفو حتى عن قاتل ابنته زينب تقول هذاك الرسول 7- ربنا يغفر ويسامح ليه حنا البشر مانغفر ونسامح تقول هذاك ربنا 8- نرجع ونعيش مااتخيل بعد هذاك الموقف 9- الطلاق ماله سبب وبيننا طفل تقول اضحي علشان طفل لسا ماشفته وانا مو اول وحده ولااخر وحده تتطلق 10- طيب فيه استشارات اكلمهم انا وانتي يمكن يعطونا حل بس يسمعوا من الطرفين تقول مااحب احد يكلمني عن نفسي وهو مايعرف ايش نفسيتي وداخلي |
انا مادري شنو الجرح اللي سببته لها
عشان تكون لهالدرجه معانده معالك..!! لكن لاتصدقها هي ماتبي الطلاق ولاشي .. بس مستانسه وانت تترجاها ..!! ترا كل الحريم يموتون على هالاحساس..!! |
الله يهديها زوجتك باين انها عنيده
انا أنصحك بالاستخاره إذا الزوجه ما سامحت زوجها بعد كل اعتذارك لها فهي سوف تتعبك في الحياة القادمه عند أي زله أعانك الله |
اخي الفاضل غايتي الرضا ...
أتمنى معرفه الاساءه بالتحديد التي تتحدث عنها زوجتك ؟؟!! وياليت تكون باختصار !! ثم يا أخي أرى فيك ضعفا شديدا وموقفا ضعيفا .. يا أخي يوم كلمتها ويوم ردت علي ويوم ما تبي ترجع !!!!!!!!!!!!! ما عاد تحل هذه المواضيع بهذا الشكل .. انت بحاجه الى استعاده نفسك وقوتك ورجولتك ... اسمح لي فلقد اطرت صوابي بتصرفاتك .. ما أدري لماذا لا تتخذ طرق الحل الصائبه وهي .. اختيار من تثق بدينه وراجحه عقله من أهلك و تأخذ موعدا مناسبا مع عمك - والد زوجتك - وتتوجه له بجاهيه - ما اعرف اتسمونها هكذا أم لا - وتأخذ والدك و من رجح عقله من أهلك و تقابل والد زوجتك على حده .. وتطلبوا منه شخصيا ارجاع زوجتك لبيتها ... وان يتدخل في الموضوع لأن الموضوع يعني خراب بيوت ...يعني يصل الى نفق مظلم .. وتوضح له تمسكك بزوجتك و اعتذارك و استعدادك لمعاملتها بالاحسان وهؤلاء الرجال شهداء عليك .. ومن هذا الكلام ... حتى تقنعه و تأخذ منه شخصيا موعدا لا رجاعها ... ثم تعمل وجبه عشاء وليمه و تعزم أهلك و أهلها و ترجع زوجتك ونخلص من الموضوع اللي كل يوم تطرحه .. :: مع العلم لأول مره يصيبني فضول لمعرفه عمر شخص يطرح مشكله ... فكم هو عمرك ؟؟ لأني بصراحه استغرب من تصرفاتك و اضنك جدا صغير و اتوقع لم تتجاوز 23 او 24 سنه ...مع ان هنالك من تزوج باصغر من هذا السن وتصرفاته تصرفات الرشد في سن الاربعين .. يا أخي بصراحه انت من خلال مكالمتك لزوجتك تزيد الطين بله ... لن الموضوع صار موضوع رجال وليس موضوع نساء ... الموضوع زوجه خرجت من بيت زوجها .. وكلام الناس يكثر .. و الأهل تحت ضغط .. ووالدها وو الدك و الجميع ... وانت جالس تكلمها وتعتذر كل يوم وما هي راضيه ترضى ... يا اخي نصيحه افعل ما يفعله الرجال الرجال الذين ووصفوا قولا وفعلا بالرجوله .. واعمد الى نصحي ... و حل مشكلتك عن طريق الرجال و ليس النساء .. ثم عند رجوع زوجتك لك ان شاء الله ... عاملها باحسان و لا تذكر الموقف بالبته ...و لا تعتذر اكثر من ذلك .. وقربها منك باحسان عشرتها .. ومع ذلك فكن رجلا حازما جادا ...ولا تكن ضعيفا فان القائد يحتاج للقوه و العطف معا وهما مزيج لا بد ان تتصف به .. لتدير حياتك بالشكل الصحيح .. هذا و الله الموفق ... |
أسمع كلام الأخ السيف المهند
و غير اسلوبك و تعاملك معها ، و لا تكثر من الإعتذارات يكفي لحد هنا |
اتركها فتره لا تكلمها حاول تمسك نفسك
والله بتشوف الفرق .... |
الحين وقت اللي لازم يتدخل الرجال في حل الموضوع .. ان قبلت الرجوع كان بها وان رفضت و تغلت و تدلعت فكاااافي ذل .. قلنا لك انتظر لحد ما تلد زوجتك .. ولكن اذا كان هذا هو منطقها في الكلام و التفكير و عدم المسامحه ونسيان الاساءه رغم اعتذارك لها فهذه بصراحه لا تعلم انها تدمر حياتها و حياتك و حياة طفلكم .. فزوجتك لا تدرك عواقب الامور .. اذا انتم في بداية حياتكم هكذا مشاكلكم و زعلكم يطووول بالشهور بالله كيف راح تكون حياتكم في المستقبل ؟؟؟ الله يعينك .. |
فرج الله قريب
اييد السيف المهند وأميرات |
باختصار انت لازم تغير معاملتك معها
|
لقد بالغت في العناد . و بصراحة خلي موقفك قوي و حط زوجتك تحت الامر الواقع .قل لها أنا شاريك و إنتي شارية ولا بايعة ؟ هما كلماتان . هدأت النفوس بما فيه الكفاية. لكن لا بأس أن تؤجل ذلك بعد الولادة و قم بزيارتها عند ذاك حتى لا تترك لها حجة و بعد ذلك خيرها بين الأمرين.
|
يمكن عشان احين حامل ونفسيتها متقلبه لان الوحم والحمل يغير من نفسية بعض الزوجات كثير
فاصبر الى ان تلد يمكن تتغير تصرفاتها ونضرتها للامور تكون اكثر جديه واذا لم تتغير فاستخدم الجديه معها مثل ماقالو الاخوان الله يعينك ويكتب لك الخير |
اقتباس:
كلامها صحيح ما اتغير شئ اقتباس:
اقتباس:
اقتباس:
ما في بكلامك ما يدل انك اتغيرت وفي بين السطور رغبه منك بعودتها حتي تادبها قلنا لك لا تعاتب ولا تفتح مواضيع قديمه انت لحد الان تريد تثبت انهاهيه السبب وان اهلها غاسيلن دماغها ومقويها كلمها فقط لمستقبل واذا فتحت القديم قفله باسلوب حلو وغير الموضوع وقلنا لك تتغير وحتسمع زوجتك الكلام اذااتغيرت انت بس طبعك عنيدوعصبي وتلح وتريد تثبت انك الصح ممكن تعمل كل هذا وانت ساكت وبحنان ونظرة عين كلها ثقه اتغير وغير طبعك لانك حتتعب بطل تلح وتصر وتلف وتدور مع زوجتك بلماضي |
الاخ السيف المهند كفى ووفى ماشاء الله اتبع كلامه وتأكد انك على الطريق الصحيح
اصلح الله حالك وجمعك مع زوجتك |
حقيقه لا استطيع مساعدتك في مشكلتك ,, مالي الا الدعاء لك بظهر الغيب بأن يفرج الله همك ويزيح غمك وييسر لك أمرك . ,, اما ما دعاني للكتابه هو مشاركه بعض الأخوه والأخوات , ولا أريد الدخول في جدال أو نقاش انما مشاركتي عابره أريد منها التذكير , لأني على علم أن الجميع فيهم من الخير والعلم ما يكفي . ,, كثير منكم افتى بخطأ المراءه واستنادكم كان على هذه المحادثه , دون الرجوع لأساس المشكله , فـ ماذا فعل الزوج لـ تكون هي بهذا العناد ؟ ,, أيضا مهما كانت المشكله , فـ لكل مشكله حل بإذن الله .. ومهما كان الخطأ كبيرا ,فـ لا يحق لأحد منا أن يتجرأ بالتلميح بترك كل منهما الأخر ,, فاتقوا الله في نصائكم , فـ من لديه حل للمشكله فـ يدلوا بها دون أن يكون بها تجريح للمراءه او الرجل .. ولا تنسوا الدعاء لهم بأن يلم شملهم من جديد على سعاده ووئام .. ,, في حفظ الله جميعا .. |
الزوج الضعيف ماتتمناه اي مرأه ..
انت ذليت نفسك باعتذارك لـ درجه انه مآصار له اي قيمه عندهآ .. حسسها برجولتك .. ب قوتك باتخاذ القرارات وصرامه وعقلانييه بتعاملك مع مشكلتك .. ودامها بدايه حيآتك والنفوس تشيـل والزعل يطول وياخذ عدة منحنيات .. فمآأشوف اي بصيص أمل لمستقبلكم معآ .. لذالك راجع نفسك قبل .. ووأوزن اموورك .. وفكر بعقلك .. على حسب ذاكرتي أن زعل زوجتك ع ذكرك للطلإق ! يعني مآيستاهل كل هالبلبله كافي اعتذار واحد ينهي المسآله كلهإ .. لكن للاسف كل مراه ولها عقل يسيرهآ .. اما للقمه أو للحضيض .. بعضهم مهما كان حجم مشكلتها تتتعامل معها بكل وعي وعقلانيه وتنهيهآ بدون مـاتترك تاثير ع حياتها والبعض الإخر مشكلتها صغيره لكن بحكم عقليتها المحدوده تعطيها أكبر من حجمها وبدال ماتحلها .. تعظمهآ !! وانت زوجتك من النوع الثاني لذالك .. التعامل معها صعب اذا هي ماساعدت نفسها !! |
المرأة لا تخرج من بيت زوجها، إلا بعد أن ترى ما يفقد صوابها ! المرأة كائن مثلهـا مثل الرجل تمامًا، لماذا لا تخبرنا بصراحة ما الذي حصل وجعلها مجروحة هكذا ؟؟؟ أسأل الله يجمع بينكم مرة أخرى .. |
الله يسخرها ولين قلبها وراسها لك
زوجتك... عنيدة .....حيييييييل وهي عارفة انك متمسك فيها ... وقاعدة تلعب فيك ...واضح من ردودها وبرودة اعصابها ... الله يفرجلك ... حبك لها خلها تسوي اللي تسويه فيك ... اذا مشت الامور معها على خير الحين ... الله يعينك على ما يجيك ... انا مقدرة حبك لها .... بس كرامتك اهم من الحب اللي يذل .....الله الغني ... حاول معاها ...بطريقة ثانية ... عيش عيشة العزوبية ..والتطنيش .....لفترة ...اعتبر نفسك مطلق ولا لك اي اتصال بها ... بحكم اني امرأة ...ما يذبح المرأة ..ويقهرها اللا التطنيش ... كل الاعضاء قالو لك ...التطنيييييييش... الله يكتبلك كل الخير لك ولزوجتك.. |
معليش
لكن الاخوان والاخوات هنا ظلموك وحكمو عليك بالضعف والجبن .... الخ وحكمو على زوجتك بالعند والقوه.... إلخ ونصحوك تتخذ القوة والاجبار طيب انتم تعرفون وش المشكلة اساسًا ...؟ اتمنى اخوي انك تقول وش اللي صار بينكم هل فعلا اللي صار يحتاج ردة الفعل هاذي ؟؟!!! اخوي صاحب المشكلة ترا مافي شي بالقوة .. مافي شي بالغصب .. ما تقدر تسحبها من شعرها وتجيبها البيت .. وحتى لو قدرت .. اي حياة هاذي اللي تدورها مع وحده مغصوبه عليك يا ليت تعلمنا وش اللي صار عشان نقدر نحكم |
لكن إلى متى سيبقيان على هذه الحال . لابد من إتخاذ قرار من جانب الزوجة . و ان اخطأ الزوج في حقها فهل عليه غير الإعتذار و الوعد بعدم تكرار ما فعله. و ان كان في قلب الزوجة شك من كلامه فعليها فصل الأمر و انتهى . لكن لا بأس بالصبر الى ما بعد الولادة و الى استقرار نفسية الزوجة و بعدها لابد من فصل الامر
|
الزوجه تخرج بدون اذن زوجها فيه لعن لها ولاحول ولاقوة الابالله مهما كان يجب طاعة الزوج في غير معصية الله ربي يعينك واسأل الله يصلح زوجتك
|
لدي تعقيب
الاحظ ان من يعرض مشكلته يلمق نفسه وكاننا نعرفه ويهول من امر من يشكيه لماذا لا نضع الحقائق ونجليها لماذا نخشى العتاب لماذا لانستشعر مراقبة الله لنا فيما نكتب؟؟؟ |
امرين لا ثالث لهما
اما تبغاك تطلقها او انها تبغى تخليك تحت سيطرتها طول عمرها. امرين احلاهما مر فاختر ماشئت. ولا تنسي انك طلبت ارائنا وهذا رايي. |
مهما كان اللي عامله زوجها ، أسلوبها في الكلام معليه و مع احترامي .. غير مهذب أبدا
يعني حطيت نفسي مكانها و أنا مريت بأمور سيئة و الحمد لله ما تكلمت بذا الأسلوب مع زوجي و مجرد ما يعتذر أسامحه و نتصالح و نتفاهم عشان كذا بأقول له كفابة اعتذارات ، ليه ما تتصارحوا و تتكلموا ؟؟؟؟؟ أحسها بتفرض كلمتها و شايفة حالها ؟ مو أسلوب وحدة تبغى تحافظ على بيتها و زوجها و أنا مريت بفترة وحام و ما قصرت بحقوق ربنا إن شاء الله و لا حقوق زوجي الشرعية و ماعرف إيش هي تقصد بكلامها ، بالموقف اللي مستحيل تسامحك عليه ؟ يعني الحكاية مو حكاية وحم حمل ، بس فيه إن في الموضوع |
كنه مبالغ فيها شوى |
ياحياة الشقى باين عليهاا انها مجروحه بقوه
أتركها فتره ترتاح وتهدى نفسيتهااا لاتسئل عنهاا نهاااااائي ترى المرأه بطبيعتها حساسه وأي شي يكسر قلبهاا وبالكلام الحلوو والأسلوب اللين تتغير 220 درجه والشي مايجي بالساهل ترى مع الايام تنسى اسئلني طبعي نفس طبعها أهم شي لاتستعجل على شي تندم بعده شوف وش بخاطرها راضيها صدقني مع الايام تتغير ترا اذا طلعت اللي بقلبها وفضفضت لك يروح كل شي كان بينكم من زعل وبعدين لاتنسى اذا كانت حامل أكيد الحمال لاعب دوره بنفسيتهاا الله يفرجها عليكم ويلين قلوبكم على بعض |
اقتباس:
قصدك 180 درجة |
شوف انا اقترح تتطنشها كم يوم وبعدين ترجع تراضيها بمسج لانو شكلك انت الغلطان وووووووووبس الله يصلح فيمابينكم
|
اخي الكريم...الله يفرجها عليك..انا مع رأي الاخ السيف المهند..ماشاء الله رأيه حكيم..اعمل فيه وان شاء الله خير
|
ما يذبح المرأة ..ويقهرها اللا التطنيش
حرام يا سافرمعي!! ليش تبينه يقهرها ..!! يمكن تكون هي اللي معاها الحق .. لانه قرينا اشياء بسيطه عن المشكله ومن طرف واحد..!! |
انا مع اللامع بكل كلمة
وصفوك ووصفوها بدون معرفة أساس المشكلة يمكن معاها حق مليون بالميه باللي سويته !! وتكون هي بجد تبي تتطلق وما شافت منك رجا !! وجبت ابوك والا قبيلتك اعتذرت والا مسحت رجولها وحبيتها يمكن اللي سويته ما تقدر تسامحك عليه وقتها لا تلومها وتقول هي العنادية!! ________________ رأي سيف مهند حكييييييم ومره عجبني بس حط شي ببالك ذا رجعت لك احترام لابوها او خوف او اي سبب- موو وعن رضا منها هي لا تتوقع انها بترجع لك زي أول لانها بتكون مغصوبه عليك وبتتغير عليك |
طبعا الله اعلم
انا اتخيل نفسي واننحطيت بهالموقف ما اعرف عن زوجتك ونفسيتها |
اولا الاخ الله يهديه نزل كم موضوع بنفس المحتوى وهذي شغله مزعجه بس نعذره لانه في اول حياته والخبره واضح انها صفر ..ياليت الخبره تنباع في السوق وتنشرى
ثانيا كتب الموضوع وراااااااااااااااااااح ما رد على التساؤلات الله يهديه ثالثا ياجماعه هو من اول قال انه مادخل الحريم .. خلى السالفه بين الرجال وسواها وجلس في مجلس وكذا ... يعني هذا حل مستهلك ماعاد يصلح... رابعا الزوجه شكلها من جد ومن قلب ومن صميم قلبها حاقده .. ومافيها نضج ولا هي حتى حوله ابدا والا الكلام اللي بالمكالمه ابدا ماله طعم منها ولا من وحده عاقله ....وتتكلم عن ولدها في بطنها وكأنه غريب عنها !!!!!!!!!!!!!! واذا على كلمته ليش تجيبين لنفسك اللعنه .. ولو انها مو حلوه منه قالها.. بس فعلا هذا الواقع .. وكويس منه استخدمها علشان يصحيها ... بس واضح منها وازعها الديني ضعيف ... وفيها كبر وغرور ... واهلها سلبيين والا وين الحزم.. ومتسرعه جدا في ردودها هذا اول موضوع .... يخليني فهلا احقد على الحرمه... ولكن ارجع اقول اعوذ بالله من الشيطان وماندري عنها يمكن حملها مرررررررررررررررررررررررررررررره صعب ولو انه ما يبيح قلة الادب وعدم التهذيب وعدم احترام الكبار وخصوصا ام الشاكي وكبار العيله لما اخذوا منها هي واهلها عهود انها ترجع وهي قالت طيب ورجعت قلبت المواثيق!!!!!!!!!!!!!!!!!!!!!!! شكل الاخ مره متمسك فيها ... ما اقول الا الله يعينك ويقويك على هالعيله .. والله يفرج امورك ويهديها ... مواضيعك كلها تقهر |
الصارحه انا أأئيد اخوي السيف المهند
وكلامه كفى ووفا |
اعصابك السيف المهند ... ما معنى الاعتذار انه ضعيف الشخصية او ماعنده اسلوب ولكن الاسلوب الهادئ افضل من كل حاجة وبصراحة انا افتقد الاسلوب الهادئ فالحوار ... لكن اذا الطرف الثاني حب يستغل الطرف الاول ... فهالحالة يستخدم الشرط والا؟... وبعدين انت ما عرفت ايش حجم المشكلة ... فيه مشاكل الاعتذار مايكفي بصراحة... عندنا احنا النساء لحد مانشوف صدقانه ما يرجع لنفس الخطأ
غايتي الرضا... التفاهم بهدؤ افضل |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©