|
مشكله تكاليف الزواج (المستجدات في الرد 65)
رغبت بالزواج ولكن صدمت أن المبالغ التي يجب ان أدفعها عاليه يعني 35 الف مهر وايضا القصر 50 الف مع الأكل والشرب ولا تنسون إنه باقيلي تأثيث الشقه .. دبرت المهر وحاولت مع اكثر من عائله ان نسوى الزواج في استراحه وكلهم كانوا يرفضون ويغون قصر ..انا الصراحه بطلت لأ،ه راتبي 3200 ريال ومااقدر اسدد هذه المبالغ لو أخذت قرض نصحني واحد من الزملاء متزوج من دوله عربية وقالي كلفني الزواج 28 الف ريال فقط والله إنها تخدمني بعيونها وعندي منها ولدين والأمور تمام ..وتقدر حالتك الماديه ,,,أنا نويت إن شاء الله اروح معاه واتزوج لأني مااقدر الصراحه اوفر 100 الف ريال لأتزوج من بلدي وكلمت كثير من العائلات وقلتلهم ماعندي ساعدوني انا راح ادفع المهر 35 الف والزواج خليه بسيط مايوافقون ويوقولون مافي زواج من دون قصر واللي ماعنده لا يتزوج ..انا الصراحه إستخرت الله وراح اتزوج من بره احسن ...
|
اممم والله مادري وش اقولك
بس ليه مستعجل |
والله يا اخى ربنا يوفقك للى فيه الخير
استغرب والله الفرح بالمبالغ والتكاليف الباهظه دى اظن البيوت اولى بيها راح تسوى فرح وفى الاخر الناس راح تتكلم برضه وما حدا راح يرضى وراح يطلعون عيوب الزواج مش شبكه وفرح وفستان ربنا يهدى الاهالى اللى بيخلوا بناتهم عندهم يعنسوا من كتر الطلبات ربنا يعينك اي كانت جنسيتها والله ماتفرق المهم دور على اللى تصونك وتعيش وتحبك وتنجب منها الذريه الصالحه وانت كمان تصونها استخير وربنا يوفقك وان شاء الله نسمع عنك سمع خير تحياتى |
الله يعينك اخووي
والله لما قريت موضوعك قلت الحمدلله لاتوجد هالأمور عندنآ .. بس المهر والبآقي بكيفك تبي تعزم جمآعتك تبي عآئلي الله يرزقك ان شاءالله |
الله يعينك
ويوفقك إن شاء الله تلاقي الزوجة الصالحة .. ايا كانت جنسيتها .صدقني الي بتقدرك وتبيك عشانك انت مو استراحة ولا مهر 35 الف وربي كثير لو اقولك اعرف عوائل تزوج بناتها 15 الف و20 والبنات من اجمل ماخلق ربي وباسترااااااااااااااحة صغيرة كمان لكن الاهل يبون الزوج الصالح لبنتهم مو المظاهر صح فرحتها الاولى لكن ماتدفع الرجال دم قلللللللللللللبة بيوم واحد الله يهدي الناس بس يرجى كتابة لفظ ( إن شاء الله ) كما بين الأقواس . الإشراف |
اقتباس:
|
و الله مو شرط ، بتلاقي عوايل ترضى صدقني
روح دور في الغربية في الحجاز و بتلاقي |
في عوايل تبحث عن الستر والرجل الصالح بس ابحث وداوم على الدعاء والاستغفار
اعانك الله ورزقك الزوجة الصالحة |
اخـوي بتلقـى عـوائـل سعودية كثيرة تزوج بناتها بمهور قليلة وفي استراحات وزمـلاء لي تزوجـوا بهذه الطـريـقـة ، بس أنـت دور زيـن... تراهـم يدورون العـريس دواره...ويبحثون عن الرجل الصالح اختي روح الطير، هل ممكن توضحينا ليش اهل الغربية فيهم من يرضى بأقل التكاليف للزواج...؟!! والله يـرزقـك بنت الحـلال ويـوسع لك رزقـك ويبـارك لك فيـه عزوبي:22: بس:d رجل:30: |
الاخ صادق دور في الغربيه وتلقى
يااخي الزواج من اجنبية رح يكلفك في المستقبل اكثر |
..........................
.........................هذا غيييييييييير المشاكل المترتبه ع هالنوعيه من الزواجات ..! وموشرط صاحبك اتوفق بوحده تكون انت زيه .. ! .................... وقبل ماتخطي هالخطوه اسال عن السلبيات اولإ عشان يكون عندك خبر .. ! واذا على قولتك ماحصلت .. دورلك وحده على قدك حآول يكون مستوى عائلتها جدآ بسيط .. بتحصل كثيييييييييييييييييييييييييييييييييييييييير .. بدون مبالغه يرجى عدم التعرض للمجتمعات ..الإشراف |
اقتباس:
|
اقتباس:
|
للمعلوميه لي 5 سنوات وانا ادور ...يقولوا البخيل مانزوجه ...والله ماني بخيل بس اذا حملت نفسي فلوس كثيره قبل الزواج وديون راح تنتهي الحياه الزوجيه بالطلاق تخيلوا اخذت قرض وراتبي 3200 وش يبقى منه لي انا وزوجتي ..
|
اقتباس:
انا من الغربية لكن ترا مو شي عاااااام ان يلاقي ممكن وممكن في عوائل توافق والبعض لهم طلبات اكثر من تعجيز يعني مو حكر عالغربية فقط :11: |
اقتباس:
|
اقتباس:
جيبل الطور رايك ومنطقك وتفكيرك صح مية بالمية .. وصدقني بتلاقي من ترضى بك ولو ب20 الف انا تفاجئت انك من الغربية والمهر 35 مدري ممكن اعرف من وين الغربية اذا مايضايقك ؟ هالسعر غالي جدا صارو البنات هالايام اقرب للسلعة منها لخطب الود والعشرة والزواج الله ييسر امورك وتبلغنا قريب بتوفقك بزوجة العمر والدهر يارب .. :) |
مسآء ـآلخ‘ـير ..|~
عآرف آنا مآسجلت بآلمنتدى آلا لمآ قريت مشكلتك مع آنو آنا زائره دايما للمنتدى .. ـآلمهم .. آنا حسآلك سؤال بس ـآبغى منك تجآوب بصرـأحه 100% .. آنتا رغبتك آيه ..؟ تتزوج سعوديه آو آجنبيه (عربيه) عشآن مآحدآ يزعل =) ؟ و لأنو رغبتك آهم شي بآلموضوع .. لآزم تجاوب بصرـآحه وماتقول جوـآب دبلومآسي زي ( كلو عآدي ) لي عودة بآذن آلله ..|~ |
اقتباس:
|
أنت جاي تقول لنا أنك بتتزوج من دولة عربية
طيب بالبركة وش المطلوب منا؟؟؟؟ على فكرة عندك أخوات ؟؟ومهوركم أقل من35000ويقبلون أخواتك بالزواج المختصر إذا كانت الإجابة نعم فعلم أنكم لستم فريدين من نوعكم فهناك من يقبل بأقل إذا وجد الرجل الصالح وعلم أنه لو قام كل شاب بما قمت به فالنتيجة هي أن أختك وبنت عمك سيبقين من دون زواج خذها نصيحه من أختك حلاة الثوب رقعته منه وفيه موفق |
اقتباس:
|
اانا ماعممت لكن قست ع الاغلبيه .. وعلى القاعده نفسها بغض النظر عن النوادر ..
غالبيه الزواجات اللي زي هالنوعيه مصيرها الفشل بـ خسائر فادحه !! مانكر فيه من نجحوا بهالنوع من العلاقه لكن قله !! وطبعآ لو ابتعدتي شوي عن المثاليه .. بتعرفين ان هدفهم االاول والاساسي مااااااادي ونظرتهم على انه مجرد بنك ! |
اقتباس:
|
اقتباس:
|
أخي الكريم
ثق ثقه تامه أن الله سبحانه وتعالى سيكون عونا لك على زواجك ومصداق قولي حديث رسول الله صلى الله عليه وسلم حيث قال ((ثلاثة حقّ على الله عزّ وجل عونهم: المكاتَب الذي يريد الأداء ، والناكح الذي يريد العفاف ، والمجاهد في سبيل الله)) بصراحه لم أتفاجأ من قيمة المهر فقيمته تعتبر طبيعيه بمنطقتي ولكن ما أثار دهشتي هي حب المظاهر وتحملك تكاليف الزواج من قصر وضيافه ... الخ أنا أسكن في منطقة القصيم والمتعارف عليه أن الرجل يتحمل المهر والمنزل فقط أما الإستراحه والضيافه يتحملها والد الفتاة وفي الفتره الأخيره أصبحت الزواجات مختصره لاتكلف شيء يعني يا أخوي ابحث وستجد بإذن الله مو شرط من نفس المنطقه اللي تعيش فيها أهم شي دينها وأخلاقها وبصراحه ما أنصحك تتزوج من دولة عربيه ليس عيبا فيهم ولكن درئاً للمشاكل المترتبه في المستقبل عندما ترزق بأبناء أعرف شخص والدته من دولة عربيه وعندما أراد الزواج كل من طرق بابه رفضه بسبب أن أخواله غير سعودين وبعد بحث وعناء وعدة محاولات تزوج من فتاة أقل من طموحه والسبب أخواله !!!! أخي تريث وفكر واحسبها صح أعانك الله وأصلح حالك |
آولاً .. من ـآلمدينه ـالمنوره
آعرف شخص بنفس قناعاتك و آفكآرك وظروفك .. لاتكون هوآ آنتا ههههههههههه ـآلمهم : الحمدلله آنتا مو فقير يمكن على قد حآلك وماتبغى تتورط بمشآكل مآليه .. آنا آحيي فيك طريقة تفكيرك ـالموزونه للآمور وراتبك 3200 لو آخذت قرض بــ 100 آلف ممكن يكون ـآلقسطد ـالشهري 1800 لمدة خمس سنوات فعلاً .. آيش يبقى من ـاراتب .. لو لك رغبه فعلاً آنو تتزوج سعوديه صدقني حتلاقي وفي المدينه كمان تقول مآفيه والله كثير كثير ناس فيه بس انتا دور واستخدم معارفك آقارب آصدقاء زملاء عمل وبنفس شروطك .. لانو اختياراتك الاولى يمكن ماكانت مناسبه لظروفك .. لانو فعلاً لما تتزوج سعوديه تعتمد عليها في غيابك وتربية اولادك على الاقل هيا تعرف عاداتكم وتقاليدكم .. وتعرف كيف لازم تربي اولادك .. لسبب بسيط آنها خرجت من نفس هذا المجتمع ومو تحامل للسعوديه .. أممم وممكن تعمل في قصر افراح في قصور افراح رخيصه مو غاليه سعرها يمكن اكثر بألف او الفين عن الاستراحات لو وقفت المشكله عند قصر الافراح والبيت ملك الحمدلله يعني تعيش مضغوط شويتين في بداية زواجك مو مشكله .. الله يوفقك يآرب .. ويرزقك الزوجه الصآلحه .. |
اقتباس:
اين المثالية بردي ؟؟؟؟!!!!!!!!!!!!!!!!! انا اتكلم عن واقع اعاااااااااااااايشة وبمحيطي ؟؟؟ ومن حظك ان الاشراف حرر جزء من مشاركتك ؟ الجنسيات الي ذكرتيها مايعيبها شي :(:(:( اختي اتمنى ان تعرفي ان الاخلاق هي من تحكم الاشخاص :25: فهمتي قصدي ؟؟:25: الخلللللق وحسن الخلق وحسن التعامل ..:25: اذا من كان بمحيطك رجل بمسمي بنك فليس كل النساء سواء:25: ولا الرجال سواء . :25: |
ادعي الله سبحانه وتعالي بان يفرج همك و أن يغنيك من فضله
سؤالي هو .. ما دور اسرتك في الموضوع ؟؟ والدك حفظه الله ؟؟ لاني سمعت يوم ما في اذاعة القران ان تزويج الابن من النفقة الواجبة على الاب اذا كان الوالد غنيا والابن فقيرا لا يستطيع الزواج .. هل جربت وشاركته همومك ؟؟ والدك لم يقصر عليك بتوفير السكن .. فلربما يساعدك في تكاليف المناسبة |
اقتباس:
|
اقتباس:
|
هذا مجتمعنا دائماً مبالغه في امور الزواج وبالتالي فشل الزواج في نهاية المطاف يسروا ولا تعسروا يا ناس اما انت اخي الكريم اذا اردت الزواج لوجه الله واكمال نصف دينك واخترت البيت المبارك الطيب فان الله ييسر لك حتى لو مريت بديون لكن مع الايام ربي يعينك وتسددها وهذي تجارب واقعيه انا احد من وقع في هذا الفخ الذهبي وتيسرت اموري بفضل الله ولكن لاتقحم نفسك في اقساط ابحث عن اصدقاء مقتدرين واقترض منهم وسددهم بنفس المبلغ الي اقترضته ولكن يجب ان تكون نيتك السداد شوف كيف ربي ييسرها لك هذا ما فعلته انا تزوجت وسددت وتوفقت في زواجي والحمدلله
|
اقتباس:
انا اختك ياخوي .. الله يسهل امورك يارب.. السعوديات وغير السعوديات .. اكرمكم عند الله اتقاكم.. وانما الامم الاخلاق مابقيت فان ذهبت اخلاقهم ذهبو .. والله المستعان على هذا الزمن .. |
صدقني في غلط ما في الموضوع
دائما أقرأ في المنتديات البنات يقولوا مهورنا بسيطة 20000 وبعضهم 15000 وأشوف حولي ناس يزوجون بهذه المهور وبحفلات معقولة لكن أتفا جاء في الشباب يشتكون من الغلاء ربما كان هذه الشكوى مقبولة قبل 10 إلى 15 سنة لكن الأن الناس أصبحت أكثر سلاسة وأقل تطلبا وهاهم الأعضاء يأيدون كلامي لذلك ربما كانت طريقتك في التعاطي مع الأخرين تشعرهم أنك لا تريد أن تدفع أوأنك بخيل يمكن أنك اول ما تخطب تقول لهم أبي الزواج في استراحه فيا خذون منك موقف ويحسون أنك مستخسر تدفع ويرفضون بينما لو تركت الأمور تسير على البركة لأختلف الوضع فطريقة العرض تأثر في القبول والرفض لماذا لا تلجأ للقصور الرخيصة أو المتوسطة فالبعض يفرق معاه المسمى قصر متواضع ومعقول ولا استراحه ليش ما فيه حلول وسط يعني يا استراحة يا قصر 50000 مع العشاء ؟؟ طيب عندي لك فكرة حلوة طرحها أحد الأعضاء أقام زواجه بهذه الطريقة والحقيقة أنها طريقة راقية وفي نفس الوقت غير مكلفة وهو العضو جمال الروح استأجر قاعة في أحد الفنادق الفخمةيقول أنه عزم 100مدعوة كل مدعوة كلفته100 ريال بالبوفيه العشاء يعني كلفته الشغله كلها 10000أما الرجال ذبح 6 ذبايح في استراحة جميلة الزواج كله كلفة15000 أعتقد أنه حل مناسب لمشكلتك أتمنى أن تأخذه بعين الإعتبار موفق |
اقتباس:
:(:(:( الله يسامحك هذا تعميم خطأ وإذا كان اللي حولك هكذا فهذا لا يعني أن الجميع هكذا ما أدري إذا أخواتك ينطبق عليهم الوصف اللي وصفت به السعوديات وإذا شايف الأعضاء ظلمو ا الجنسيات الأخرى فلا شك أنك ظلمت بنات بلدك وظلم ذوي القربى أشد مضاضة ***** على المرأ من وقع الحسام المهند |
وش فيكم ؟؟؟...إلا تحاولون تركبون الغلط على الأخ ....
والله ياأخي ماأدري وش أقولك ... لأن للأسف ... نادرا ماتجد أحد ... ييسر الزواج ويسهله على الشباب .. المفروض المجتمع يكون واعي أكثر .. ويحاوي يحتوي الشباب المكااافح أمثالك ...بدل مايقولون بخيييل وكلام فارغ مثل كذا .. أنصحك بالدعاء والبحث ..وبإذن الله أنه سييسر أمورك.. وعلى فكرة ترى امتلاكك لشقة ..في هذا الزمن شيء ممتاز وراااائع لأنه ماذبح العالم هذي الأيام إلا الأجارات... |
أخي من خلال عملي أعرف وأشوف يوميا مشاكل المتزوجين من أجنبيات
مشاكل أنت في غنى عنها إذا أخذت من بنت بلدك صدقني مو كل البنات الأجنبيات صالحات وفيه كثير فرق في العادات بين البلدان الكل يصرخ يريد حل طيب ليه من البداية تزوجتوا من أجنبيات تفرق عنكم في التربية والعادات دور على بيوت صالحة تريد العفاف وما همها الفلوس والشكليات والله عندنا الحمد لله بساطة في هذي الأمور وعدم مبالغة وأكيد في السعودية زينا لاننا أهل ونفس العادات وبنات طيبة فيهن الخير دور وتلقى وخلك من الأجبية تر هن أكبر همهن الرجل الخليجي لفلوسه. |
اقتباس:
|
اخوي انت عندك قناعه داخليه انو سعوديات ماديات!!!!
وانو ممكن تزوج من خارج المملكه بمهر اقل صح. روح تزوج من برى الله يسر لك امورك ...الاعضاء ماقصرو وخبروك بالعكس انو في عوائل تزوج بناتها بمهور قليله كلامك ذا الي تحكيه عن سعوديات وتعممو كلام انتهى...العوائل الان دور لبناتها الستر . واذا انت راتبك 3500 وتشوف انو مايكفيك المشكله فيك..لانك شايف راتبك قليل فحتوصل لشخص المقابل ايو الله راتبو قليل ذا كيف بيتزوج. لانو في غيرك رواتبهم 2500 وتزوجو :25: |
اقتباس:
وزواجاتهم في استراحـات....بس انت ما دورت زيـن.... واحـد منهم يوم الملكة يقول ما كان في حسابي إلا 500 ريـال بس وراتبه 3000 ريال....!!!! والأن راتبـه يقارب التسعـة آلاف ريال -ما شاء الله - بـعـد مضى سنتين من زواجـه.... وأخـر تزوج وراتـبـه 3000 ريال في وظيفة مؤقـتـة ، والآن في وظيفة حكومية وبراتب 8000 آلاف ريال والثاني تزوج وهـو العائل الوحيد لأمـه وساكـنين بشقة بإيجـار من يوم ولد... والأن عنده عمارة ملك....!!! وبعدين تقول عندك شقة معطيك والـدك....فأمـورك أحسن من غيـرك... دور البيوت الطيبة وتزوج منهم وتقلى البركة في نفسك ومالك ، بس انت احسن النيـة واسعـى....!!! وإن كان في بالك الزواج من الخارج... فـهـذا شيء راجـع لك ....لكن لا تقول إنه ما فيه فتيات يقبلن بتكاليف أقل....!!!! الله يـرزقـك بالزوجـة الصـالـحـة ويـرزقـك من واسـع فـضـله عزوبي:22: بس:d رجل:30: |
اقتباس:
والله موجود وموجود وموجود وانا اعرف بنات في مثل ذلك ... ان اردت اجنبيه فوفقك الله لكن ان تقول ان السعوديات ماديات لا والله ليس كلهم .. لاتعمم !! صحيح يوجد فئه مثل ذلك... لكن ليس كلهم ... اعرف والله الكثير ممن لايهمها الماده .. فأهم مالديها سعاده زوجها ... اقرب مثال اختي كان زواجها في استراحه بسيــــطه والمدعوون ليس بكثر .. وكان الزواج على ابي .. لانه زوجها كما هو حالك راتبه بسيط ولا يستطيع ان يقيم زواجا .. اعتذر من ابي .. وقبل ابي بعذره بأسلوب جميل .. بعدها فكر ابي بإقامه وليمه بسيطه بمناسبه الزواج لاسعاد اختي فتكلف بكل شي في الزواج ... والزوج لم يدفع اي شي ... هذا مثال والامثله كثيره ... انت فقط ابحث عن منهم سمعتهم طيبه ومن المتوسطين الحال .. وفقك الله واعانك .. |
| الساعة الآن 01:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©