|
هذا ماحصل لي ليل البارحه..!! فهل هذه نهايتي!!(( حُلت ولله الحمد ))
السلام عليكم..كيف حالكم..
ان شاءالله بخير.. ========================= مشكلتي بدأت من منتصف ليل البارحه!! البارحه كنت معزومه في بيت اهلي.. على العشا ورزوجي من دخل علينا الشتا وهو كل يومين ثلاثه يروح البر علشان الصيد وخلافو... المهم امس كان بالبر وعل الساع 10 الصبح دزيت له اذكره اني اليوم بروح لاهلي!! قال اوكي بس اول ما تطلعين اتصلي علي واذا مافي تغطيه دزي مسج قلت اوكي... بعد المغرب جهزت انا والعيال ركبت سيارتي وقبل ماامشي ارسلت له المسج اني طلعت من البيت...!! عادة وانا رايحه لبيت اهلي امر محل سويت آخذ معاي شي حلو ( جريا على عادة سموي مثل مايقولون بالاخبار) المهم هالمره ماقلت له نسييييت..... !!!(كفرت ياناس ولا طلعت عن المله)!! للحين كل شي عادي... رحت وتعشيت وعلى الساعه 11 رجعت بيتي!!! بعد ساعه بالضبط الا موبايلي يرن..!!!فلان يتصل بك!! فلان هذا زوجي..!! مامداني قلت الوو الا قذايف الار بي جي وصواريح سكود:14:(شخباااري قديييمه) متى طلعتي ومتى جيتي وليش ماقلتي لي انج رايحه الجمعيه (سوبرماركت يعني) وكلها اسئله وماعطاني فرصه اجاوب!! وختم المكالمه ..!! انا جايك الحين واعلمك!!!:24: جاا زوجي المصون ونفس اللي قاله بالتلفون عاده عالهواء مباشره !! بعد حوار طويل عريض ملاحظه زوجي اذا عصب مايسمع الا صدى صوته حتى لو رديت عليه رد منطقي يرجع يلف ويدور!!! لين يطلعني غلطانه!! اخرتها قال اخذي اغراضج وابي اوديك بيت اهلك!! انا لحظتها مصدوومه مادري شقول !!! عبالي يمزح ... يعني ماتوصل لهالدرجه اشدعوه .. اشسويت عشان هذا كله!! وجاب لي الشنط تخيلوا..!! وطلع !!! قال اذا خلصتي قوليلي !!! جهزت الشنط ..!! وجا الساعه 2 حط راسه ونام بدون ولاكلمه!!! ..... وعلى الساعه 5 المغرب اليوم قال لي جهزتي اغراضك قلت اي!! .. قال اتصلي على واحد من اخوانك يجي ياخذك!!!:11: قلت اخواني مالهم شغل!! مثل ماخذتني من بيت اهلي توديني!!! قال لا ماني فاضي لك قلت اذا فضيت انا ناطرتك!!!! وطلع كانت الساعه 8 مساءا!!!! وللحين ماشفت رقعة وجهه!!! هل انا غلطانه في شي؟؟ هل غلطت لما قعدت ومارحت بيت اهلي لما قالها ؟؟ والله اني حزينه ومقهوره وعزت علي نفسي مابي الناس الفاضين يتكلمون فينا وانصير فرجه للي يسوا واللي مايسوا ..!!! ويشمتون فينا الناس!! نسيت اقولكم قبل مايطلع قال انتي مالج شغل فيني اطلع البر اقعد اروح يمين يسار مالك شغل فيني!! قلت له الحين الفيلم هذا كله عشان البر!! لابو البر لابو...!!!لكن اعتبر قلبي من هالحظه مااات!!!! صج دنيا دنيه ماتصفا لأحد شاركوني همي ولو بالدعاء |
طيب ما صار شي الله يهديك ..
الموضوع عادي جداً , يعني هو زعل عشانك ما دقيتي عليه يوم رحتي للسوبرماركت , خلاص كان المفروض تخلينه لين يروق ويهدا وتعتذرين منه ويا دار ما دخلك شر , وصدقيني بترجع الامور تمام بس هو مو مروق ومرتفع ضغطه .. كان المفروض انه يوم صحى من نومه وسألك , اعتذرتي منه وقلتي آسف وصدقني ما تكرر يا تاج راسي ونظر عيني وهليتي دمعتين على الطاير .. بس هذي مو نهايتك , يعني لا تكبرين الموضوع , ألحين دزي له مسج فيه كلام حلو واعتذار وتبرير لموقفك على شوي مدح , وصدقيني بترجع الامور تمام , وبعد كذا تكشخي وانتظريه لين ما يرد واذا تأخر نامي في الصاله علشان يفكر انك كنتي تنتظرينه .. وفقك الله |
شكله خرج من عندك ، و واحد عبى راسه عليك .. لإنه خرج و هو معصب
و نتيجة للشئ هذا ، رجع و بيحط حرته فيك ، يعني القصد : مو شرط يكون زعلان منك ، لكن عجبتيني يوم قال لك خلي أخوك ياخدك و رديتي عليه إنه إنت توديني فاللي عليك دحين تعمليه ، قومي تحممي و كأنك بتجهزي حالك تروحي بيت أهلك ، و تمكيجي و ألبسي ملابس حلوة و هو يوم يشوفك كذا ، بيخف غضبه ، و لو ما خف زعله ،، و قال لك يا الله روحي بيت أهلك قولي له ، و ليييييه ؟؟؟؟ هذا بيتي .. إذا تبغاني أطلع ، إنت أطلع منه .. هذا بيتي .. لا تعودي زوجك تطلعي من البيت وقت ما يزعل ، هذا بيتك و مملكتك ،، قوليها له بدلع مو بعناد و مضاربة |
صباح الخير
شكله الرجال كان متضايق من الاساس
وحب يطلع حرته فيك (((((((( او يمكن لما لقيته انتي معصب ماقصرتي معاه وقمتي سمعتيه كم كلمه من الي مايحبهم قلبه))))))) سألتي هل هذه نهايتي؟؟؟ نهايتك عشان انك رحتي سوبر ماركت؟؟ صعبه وحتى لو كان شي جايد(يعني شي مستعصي) مااتوقع انها توصل لهالمرحله خذي نفس واكتبي له كلمتين حلوين وارسليهم منتي خسرانه شي قبل لا يكبر الموضوع والله يهديه ويهدينا جميع ويرجعه لك بالسلامه |
ول ول ول انتوا اش علامكم ؟؟؟؟
والله اقرا الموضوع كذا :eek: شالسالفة .. لاكفرتي ولا طلعتي من الملة س سؤال اش درااااااااااااه انك رحت للسوق؟؟؟؟؟؟ اتوقع احد شافك ويعرفكم ودق على زوجك وعبا راسه وبعدين انت من صجج مرتبه الشناط؟!!!! المفروض انك ركدتي وقتها و وقت ماسألك عنها قلت : ليش ارتبها يالغلا؟؟؟؟؟ ما اعرف بهالدنيا غير هالبيت وهالوجه الحلوووو ماعليه فاتت الحين دزي له مسج وقولي فيه حبيبي موقادرة انام لان فيني حرة لانك زعلان علي.. مو حقي توضحي ليش بس كل هالزعل؟؟؟؟ |
الله يهديكم ويصلح حالكم
وين الغلط اللي ارتكبتيه ؟؟؟؟ ماشوفك أخطيتي نهائي نسيتي يعني خلاص كفرتي !! سمعي نصيحتي ياغلاتي لمن يرجع تفاهمي معاه بأسلوب حلو وتأسفي منه حتى لو ماغلطتي بس عشان ترضينه وبعدين تذكري بأن الزوج وزوجته مابينهم كرامه ولا عزة نفس نهااائي طيبي خاطره بكلمتين حلوين وقولي ماتنعاد أن شاء الله هذا شي غصب عني لهيت مع العيال ونسيت وقولي كيف هنت عليك تقولي جهزي شناطك وروحي لبيت هلك عشان سبب تافه !! الله يهدي قلوبكم ويزيح همكم |
يا نااني الله يهديكي هذا وقت السوبر ماركت الحين ....... لا حول ولا قوه الا بالله
هههههههههههههه امزح معك حبيبتي ترى كأنك تتكلمي عن زوجي بس يالله ما علينا المهم يا حبيبتي ممكن هو يعصب بسرعه بس برضو بيرضى بسرعه كل عصبي حنووون اسمعي اجلسي عبل ما يجي وبعدين اجلسي قربه او بغرفه ثانيه بس كوني متأكده انه صوتك واصل له قولي الي قلته لك (عفى عليكي يا ناااني كان هذا وقت السوبر ماركت ... هيك تزعلين حبيبك والله ما يستاهل طب بس معلش اعرف شو الي زعله حبيبي انا محتاره ابي احطه لغز بالنت بالكن حد عرف ماله .... وبالاخر روحي الغرفه الي هو جالس فيها رح تشوفيه منفجر على نفسه من الضحك ...بس ترى ان ضحك انتي عصبي ...هههههههههههههههه امزح معك (شفتي كيد النساء)الله يعينهم علينا يا رب ان شاء الله ما بطول هالمشكله وبتخلص على خير هو قلك ضبي شنتك لانه كان معصب يمكن بينه وبين نفسه الان يقول يارب ما تكون ضبتهم وكبرت المشكله يارب الله يعينك حبيبتي بدك تحاولي تصالحيه لحد ما يرضى لانه اكيد سمع عنك شي زعله والا ماكان درى بأنك كنتي بالسوبر ماركت اصلا في حفظ الله ورعايته طمنينا ترى |
يووووووووووووه ذكرتيني
نفس حركات زوجي لا يكون اخوه وانا ما ادري لو ادخل محل ماقلت اني بأدخله ..يحقد ولو اخربط في ترتيب المحلات اللي قلت ادخلها .. يقول ليش وش طرى عليك مو قلتي كذا كذا ليش تغيرين؟ وفعلا وش درااااااااااااااااااااااااااااااااه على قولة ام داليا انتي مو غلطانه انك قلتي ما اطلع من البيت انتي غلطانه انك اصلا ضبيتي الاغراض اقعدي في بيتك ...ولا تطلعين وهو زعلان ... واكشخي واذا جا قولي حيا الله الزعول واحلفي له بالله ماتدرين انه بيزعل وانه وافق ع الطلعه ما يوافق ع السوبرماركت؟ والله الله في الغنج والدلع وكم رساله انك مصدومه قبل لا يرجع وانك مو مصدقه للحين انه زعلان وانه طردك .. وانه اذا هذا درس فانتي تعلمتي خلاص وتوبه .. ومستعده لاي عقاب الا اني انحرم منك يا شربيل ----- خربتها في الاخير الله يصلح باله |
الله يهديه ويصلح قلبه
انا مع رأي اخواني واخواتي كلهم لا تطلعين من بيتك السالفة مو مستاهلة فديت قلبك انتي بس هدي اعصابك .. واعتذري وخلك الكبيرة :) معليش ادري انك نسيتي وكلنا ننسى ونسهى وانا ايضا يصير معي نفس الشي لدرجة صدقيني اذا رن الجوال وانا تكرمين بالتواليت وما رديت يقول وين كنتي! وخلاني ابد كني انا والجوال توأم سيامي ! طولي انتي بالك بس .. وباذن الله مافي إلا كل الخير |
ناني مشكلتي اصدق من جد الرجال واحد
سبحان الله وانا اقول زوجي معقد طلعوا كل الرجال كذا ناني حبيبتي اللي سويتيه صح انتي بس خليه شوي وبيرضى لحاله او دقي عليه وكلميه بهدوء قوليله انا ماكنت اعرف انك بتزعل ولو اعرف انك بتزعل ماكان رحت السوبر ماركت من قلت لزوجي اني بمر علشان اجيب هدية لصديقتي ولدت لها فترة وماجبت لها شي حددلي اسم المحل لكني مالقيت فيه شي عجبني دخلت المحل اللي جنبه واخدت الهديه والله زفني تقولي قتلت قتيل ايش فيه ليه ماقلتي يابن الحلال المحل اللي جنبه بينهم حيط ماحركت السيارة لاااااااااااااااااااااا وكلااااااااااااااااااااااا انت غلطانه كيف تتحركي بدون اذن والله راضيته واعتذرت بس حتى يخليني اروح للصديقتي لانها جاتني بيتي وكان لازم ارد الزيارة .. صحيح مصلحجيه لكن ايش بدنا نعمل لازم نمشي المواضيع ونعيش حبيبتي لاتتركي بيتك ابدا الموضوع مابستاهل واذا رجع وقالك مره تانيه قوليله بيتي وانا مابترك بيتي مو عاجباك روح انت بيت اهلك انا زوجي لما احكيله هيك بيسكت بحس اني متمسكه فيه .. وبعدين مسج فوفو <<<<<<< كتير حلو ابعتيه اله صدقيني بينسى زعله... تحياتي |
مايسوى تطلعين من بيتك وتكبرون السالفه اهو سوى كل هاذا وكبر السالفه علشان ماتعيدنها وتصيرين تاخذين راحتك لا طلعتي مره ثانيه وهو من حقه يخاف عليك وانتي راضيه بطريقتك ------ والله يصلح مابينكم---- |
لاتطلعين من بيتك ولاشئ كلها نومه أن شاء الله ياخذها ويرتاح ويرجع لكم زي العسل بس انتي لاتجبين السالفة له مرة أخرى
|
الموضوع مو مستاهل وهو لو جاد بكلامه كان وداك بنفسه
بس احسن شئ انك قلتي له ودني انت لبيت اهلي عادة الرجل ياخذها حجة هي طلعت من البيت بنفسها ترجع بنفسها انا ما اجيبها |
ماغلطتي ولا كفرتي بس هما هيك الرجال
انا لو طلعت مثلا مكان وفي طريقي محل وعايزة ادخلو لازم اقول لزوجي قال الزوجة المحترمة ماتروح مكان بدون اذن مع انو انا طالعة باذنو بس هما بعتبرو لازم تكوني بث مباشر عالهوا تحكيلهم عكل خطوة ويمكن معهم حق بخافو علينا وبغارو ولو بمبالغة طيبي خاطرو بكلمتين و مشيها و خلص مرة تانية احكي عكل خطوة تخطيها عشان مايزعل |
الله يهديه
|
الله يهديكم
بس صحيح انا مع ام داليا ايش درى زوجك عن السوبر ماركت بعدين هذا حكم قرقوش ان شاء الله لو تعب احد العيال وهو مو بشبكة بيقول ليش وديتيه الطبيب اختي الغلط منك انتي عودتيه انه يزعل منك على التافه والمليان وعودتيه على انك تستأذنين بس فعلا المفروض ما تجهزين اغراضك لانو لو حبكها الشيطان بينكم كان خبرها عند اهلك وعشان شنو عشان حلا حتى اهلك راح تصير عندهم ردة فعل من زوجك ويتضايقون ويمكن يفكرون انه بخيل عشان الحلا وزوجك اكيد انه كان معصب وفش خلقه فيك اختي نصيحتي لك ان تسوين اللي قالوا عليه الخوات وتطيحين الحطب بينكم وبعدين عاتبيه قوليله انت عندك ثقة فيني واخذتني من بيت اهلي لاخلاقي لا تخلي مثل سفاسف الامور مثل الجمعية يخليك تطردني هنت عليك وهانت حياتنا تدمرها يعني لو يتعور احد العيال ومضطرة اوديه لا سمح الله تبي تزعل المفروض طيبتك وخلاقك الحلوة ما توقف عند هالاشياء بالعكس تثني علي لاني قادرة اسوي الواجب مع اهلي ولا تذكرني فيه وتزعل لو ما سويته |
سبحان الله واناالي فاكره ان زوجي بس هو الي بيعمل كده ومخنووووووووووقه انا
بس حسستوني ان الموضوع عادي:22: ده زوجي لو مشيت من شارع غير الي يقولي عليه تحصل زعله:(:29: وانا من طيبتي بحكيله كل شئ سواء غلط او صح:23: معليش يا حبيبتي لاتزعلي نفسك انا متاكده انه حيعتذرلك عن اسلوبه في الكلام بس انتي لا تكرريها ولا تتركي بيتك مهما حصل الله المستعان على الرجال:) |
الاخت الفاضله ...
السلام عليكم .. مشكلتي بدأت من منتصف ليل البارحه!! البارحه كنت معزومه في بيت اهلي.. على العشا ورزوجي من دخل علينا الشتا وهو كل يومين ثلاثه يروح البر علشان الصيد وخلافو... المهم امس كان بالبر وعل الساع 10 الصبح دزيت له اذكره اني اليوم بروح لاهلي!! قال اوكي بس اول ما تطلعين اتصلي علي واذا مافي تغطيه دزي مسج قلت اوكي... الى الآن لا توجد مشكله .. بعد المغرب جهزت انا والعيال ركبت سيارتي هل تتحجبين الحاجب الكامل حفظك الله .. لأن الموضوع الأهم هو ذا و ليس غيره .. فأن كانت اجابتك بنعم فالحمد لله .. و إن كانت بلا فكم أتمنى أن ترجعي إلى قول جمهور علماء الأمه في الحجاب .. وقبل ماامشي ارسلت له المسج اني طلعت من البيت...!! فعلت ما أمرك به زوجك و هذا شيء جيد .. عادة وانا رايحه لبيت اهلي امر محل سويت آخذ معاي شي حلو ( جريا على عادة سموي مثل مايقولون بالاخبار) المهم هالمره ماقلت له نسييييت..... !!!(كفرت ياناس ولا طلعت عن المله)!! وحتى سؤالك هنا غير منطقي فكلمة الكفر كلمه كبيره و عظيمه .. وحتى و إن كان السؤال مجازيا فهو في غير موضعه بارك الله فيك .. فكم أتمنى أن تتركي هذه العباره للأبد .. أما عن نسيانك فهذا أمر على بني البشر .. و اذا نسيت اليوم فهو سينسى غدا وهكذا .. للحين كل شي عادي... رحت وتعشيت وعلى الساعه 11 رجعت بيتي!!! بعد ساعه بالضبط الا موبايلي يرن..!!!فلان يتصل بك!! فلان هذا زوجي..!! مامداني قلت الوو الا قذايف الار بي جي وصواريح سكود:14:(شخباااري قديييمه) متى طلعتي ومتى جيتي وليش ماقلتي لي انج رايحه الجمعيه (سوبرماركت يعني) وكلها اسئله وماعطاني فرصه اجاوب!! وختم المكالمه ..!! انا جايك الحين واعلمك!!!:24: من المفترض أنك عرفتي أن زوجك أما معصب أو أما اخبره احد برؤيتك أو ....الخ . او متضايق أو نحوه ... المهم .. كان الاجدر بك احتواء الموقف و الاستعداد باحتواءه و تقبل كل كلامه لأنه معصب و غاضب ولن ينفع معه أي عذر و حوار .. وذلك واضح من صيغه المكالمه .. جاا زوجي المصون ونفس اللي قاله بالتلفون عاده عالهواء مباشره !! انتهى الموضوع ..الى هنا .. بعد حوار طويل عريض ملاحظه زوجي اذا عصب مايسمع الا صدى صوته حتى لو رديت عليه رد منطقي يرجع يلف ويدور!!! لين يطلعني غلطانه!! طيب مدام هذا طبع زوجك و أنت الاعرف فيه .. فلماذا لا تسمعي منه كل ما يقوله ثم اذا هدأ ولو بعد حين تحاورينه بهدؤ و عقلانيه لانه لن يسمع منك ولن يعذرك وقت الغضب .. اخرتها قال اخذي اغراضج وابي اوديك بيت اهلك!! عباره لا يريد منها ما قصده .. بل عباره تعتبر تفريغ و عصبيه غير مبرره .. وهي عباره تخرب البيوت إن لا قت آذان صاغيه من قبل الزوجه وتهور كبير من قبل الزوج !! انا لحظتها مصدوومه مادري شقول !!! عبالي يمزح ... يعني ماتوصل لهالدرجه اشدعوه .. اشسويت عشان هذا كله!! صدمتك تدل على أنك واثقه من أن زوجك لا يقصد و لا يعقل ما يقوله !! وجاب لي الشنط تخيلوا..!! وطلع !!! قال اذا خلصتي قوليلي !!! هنا زادت حده النقاش و الله أعلم .. وعمل زوجك ما عمل .. جهزت الشنط ..!! وجا الساعه 2 حط راسه ونام بدون ولاكلمه!!! ..... وعلى الساعه 5 المغرب اليوم قال لي جهزتي اغراضك قلت اي!! .. ياليتك قلتي لم اجهز الحقائب ولن أخرج من بيتي ! يافلان اتق الله فينا ... انا زوجتك و أم أولادك .. و ان اخطأت في حقك فهنا ذا اعتذر .. ولا تجعل الشيطان يكبر الموضوع .. ولا تجعل أولادنا يتشتتون بعد هذا العمر ... يافلان انت اكيد زعلان وما تقصد أنه فعلا بتخرجنا خارج البيت .. ...ومن هذا الكلام اللذي يلين القلوب .. قال اتصلي على واحد من اخوانك يجي ياخذك!!!:11: زوجك أحس بخطأه و لكن الشيطان يكبر الموضوع في رأسه .. لذا هو في صراع لا يريد أخراجك و يتنمأ أيضا أن لا تخرجي .. قلت اخواني مالهم شغل!! مثل ماخذتني من بيت اهلي توديني!!! قال لا ماني فاضي لك قلت اذا فضيت انا ناطرتك!!!! وطلع كانت الساعه 8 مساءا!!!! وللحين ماشفت رقعة وجهه!!! هل انا غلطانه في شي؟؟ غلطانه في عدم الاستذان من زوجك .. واخباره بذهابك للمتجر أولا .. وغلطانه بأن تعرفين أن زوجك من النوع العصبي .. ولم تحتويه و تتركيه يتكلم و اذا هدأ تحاورينه .. وزوجك غلطان بطلبه ذهابك لأهلك و احضار الشنط .. و الحل في تنازل كل منكم و هدؤكم و تعقلكم وحل مشاكلم قبل ان تكبر .. لني وبصراحه لا اتوقع أنكم صغار سن .. لذا أتمنى التنازل من كل منكم و الاعتذار عن الاخطاء البسيطه .. فهذه مشكله بسيطه ولكنها كبرت و صلت لحد خراب البيوت و العياذ بالله .. هل غلطت لما قعدت ومارحت بيت اهلي لما قالها ؟؟ بالعكس تصرفك يدل على حرصك على بيتك و أولادك و أسرتك وهذا دليل طيب بأن المشكله ستزول بإذن الله لوجود من يضحي في سبيل حفظ أمن الاسره .. والله اني حزينه ومقهوره وعزت علي نفسي مابي الناس الفاضين يتكلمون فينا وانصير فرجه للي يسوا واللي مايسوا ..!!! ويشمتون فينا الناس!! لا تهتمي لكلام الناس و اهتمي ببيتك أكثر فأن جدران البيت بدأت تتصدع فحاولي أن تبنيها و تقويها .. نسيت اقولكم قبل مايطلع قال انتي مالج شغل فيني اطلع البر اقعد اروح يمين يسار مالك شغل فيني!! هذا الكلام ينفس به غضبه لكنه يقودنا الى سؤال .. هل تشتكين كثيرا لزوجك من خروجه ؟؟ قلت له الحين الفيلم هذا كله عشان البر!! لابو البر لابو...!!!لكن اعتبر قلبي من هالحظه مااات!!!! هل قلتي له ذلك !! لقد أثنيت عليك سابقا و لكن هنا .. أقول اخطأت حقا في حق زوجك .. فان كان هو عصبي فلماذا تكونين عصبيه وتردي بألفاظ قويه و صعبه .. اختي الفاضله .. انت في حاجه الى الهدؤ و التعقل في كل أمورك .. ثم في حاجه الى استرضاء زوجك بطريقتك .. و اقترح اقتراح ان أخذت به كان خيرا لك و ان تركتيه فلك ذلك .. ارسلي رساله ... لزوجك مفادها ... اعتذارك و تلخيصها بكلمات بسيطه .. بأنك مخطأه بعدم الاستذائن منه .. و أنك مهتمه به وحريصه على حياتك معه .. ثم قولي له لقد وضعت ملابسي في الخزانه . و أني و ابنائك ننتظرك على العشاء هذه الليله .. أمل ان كنت غير مشغول ان تتفضل .. الله يحيك يا أبا فلان .. زوجتك أم فلان .. وبعد ما يأتي استأنسي انت و اولادك مع زوجك .. ولا تذكري الموضوع ألا أن ذكره و اسمعي له ثم حاوريه بهدؤ و اطلبي منه أن لا يكرر ما حدث من اخراجك ونحوه .. بكل هدؤ و عقلانيه .. صج دنيا دنيه ماتصفا لأحد شاركوني همي ولو بالدعاء[/quote] هذا و الله الموفق ... |
لا تكبريها
و خليك ببيتك يوم لك و يوم عليك:25: |
ناني والله خوفتنيني من عنوان الموضوع
الحمدلله الموضوع بسيط ان شاء الله ...لا عاد تفجعينا كدا حبيبتي مبينة زوجك كان معصب من شي و جا و فرغ عصبيته فيك ... عشان كدا اليوم الثاني قال خلي اخوك و ما اخذك هو .. نفسه عزة عليه,,, لا هو قادر ياخذك و لا قادر يتنازل عن كلامه المهم طبعا انتي مو غلطاااااانه بس بما انه الرجال صعب انه يعتذر و يتنازل مشى الامور انتي و ارسلي له رسالة حلوة و ان شاء الله بتصفى الامور اكيد هو مستني منك الضو الاخضر لانه مو عارف من وين يبدأ .. ربي يجمع بينكم و يحفظكم بس الصراحة استغربت من ردود العضوات معقول ازواجكم يزعلوا اذا ما قلتو لهم المحلات اللي دخلتوها و اشياء من هذا القبيل؟؟؟؟؟ الله يعين |
اختي/
قومي صلي ركعتين وادعي الله في السجود أن يصلح زوجك ويرده إليكي رداً جميلاً |
الحقيقة خفت من عنوان الموضوع
الموضوع مامستاهل ابدا ابدا وبرايي انك لم تخطاي في شئ طالما انك اخبرتيه بانك ذاهبة لاهلك يظهر ان زوجك من النوع العصبي وطالما انك عارفة طبعه كان المفروض تحتويه لذا لاانصحك بان تذهبي لبيت اهلك خليكي في بيتك وحلوا الموضوع بينكم لانه بجد مايسوى هالزعل كله ويارب يصلح بينكم يارب |
اقتباس:
لا يانورا احنا كان قصدنا ( او زي منا قصدي) لو انا مثلا رايحة وخارجة من البيت عاساس بدي اروح المول الفلاني وانا راجعة ازا بدي اميل عالسوبر ماركت او محل اخر لازم اتصل اخبر زوجي كان زمان عادي اني اكون خارجة واميل محل في طريقي بالصدقة بعدين فجاة غير رايوو لازم اقلو ههه يعني شو نقول ؟ازواجنا ولازم نسمع كلامهم ويعني مابنخسر شي لو اتصلنا حبيبي انا رايحة المكان كزا اوكي حيقلي اوكي بس ماتتاخري وخللللللص تخلص القصة يعني ازا الموضوع موجوهري وممكن يمشي بدون ضرر ولا ضرار خليه يمشي مو مشكلة في سبيل رضا الازواج:) |
مشكورييييييييين حبايبي .. والله اني عاجزه عن شكركم .... !! فعلا .. نعم الاخوه والاخوات...!!
سأعووود...!!:d |
ماشاء الله عليك
باين عليك منتيب بسيطه ولاهينة وشخصيتك قوية لاتخافي .. :24: سينتهي الموضوع بسلام إن شاء الله :22: بس زوجك حب يشخط فيك شويتين للتخويف والحزم :29: بس ماشاء الله لقا قدامه أسد .. :18: |
اقتباس:
|
اقتباس:
مشكوره يالغاليه!! |
اقتباس:
|
اقتباس:
|
اقتباس:
|
اقتباس:
|
الله يصلح الشان
عدي راح يرجع و يرضى كل الرجال كذا و موقفك سليم خلك عليه لكن الاواى اخذتي اذنه ما يجوز , المره الجاية خذني اذن مفتوح الوحده ممكن تنسى او يصير لها شيء مفاجيء |
اقتباس:
|
اقتباس:
تسلملي هالطله يا بكوره ( أم مجبل-مستقبلا)!!! الله يعينـــا على الاطباع الغريبه لبعض الرجال..!!! |
اقتباس:
|
اقتباس:
|
هلا نااااني كيفك شخبااارك؟؟
انا تعبااانه المهم!!!! الله يعينك يالغلاااا والله من جد حتى انا مستغربه يانورا!!! يعني كل صغيره وكبيره يعرف!!!! يعني اروح عند اهلي امر على السوبر اتصل عليه اقوله بروح السوبر؟؟؟ حاااجه غريبه!!! انا دااايم اروح واجي على الاسواااق وادخل هناا واخرج واشتري مقااضي وكل شي بس من البدااايه اقوله انا خااارجه صدقيني هو زعلان من شي تاااني مدري ايش هوا!! طلع حرته فيك الله يعينك ماصااار شي مشكله بسيطه يالغلاااااا بعد زعلانين من بعض؟؟ الله يديم الود بينكم |
اقتباس:
|
اقتباس:
شكرا اخوي الفاضل..!!! |
اقتباس:
شكرا عزيزتي .. ملك..!!! |
| الساعة الآن 11:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©