|
طليقي طلب يكلمني مارايكم؟
عندي استفسار وحابه اخذ رايكم فيه تم الطلاق طيب بديتي العدة وانتي ماشيه بالعده وخلاص عندك شبه تاكيد انو امورك انتي وياه مالها امل بالرجعه وكمان خلاص ارسلك اغراضك كلها وتمت تصفيت الحسابات وبعد شهر يرسلك رساله يقول!!!! اهلن لماتفضين اعطيني مست كول وقتها ايش ردت الفعل ايش راح تسوين م: مابعد استلمت صك طلاق ولا جواز سفري مع العلم انو قالي لما ترجعون من سفرتكم بعد اجازت العيد اعطيني خبر ارسلك الجواز..انا ليش هنا ادرجت هالملاحظه لاني عارفه البعض حيقول اهاااااا يبيك!! يبي يرجعك!! هناحرد واقول: لا ابد مااظن هالتواصل عشان كذا يمكن مجرد يبي يعرف كيف يرسلي جوازي كون اهلي مو راضين يتعاملون معاه ولا حتى يردون عليه لو اتصل عموما" انا قفـــلت جوالي والتزمت الصمت لا رديت ولا حرد بس برضوا رايكم ابيه |
اذا كان الطلاق بالثلاث
معناته انك "أجنبية عنه" يحرم تواصله معك أما ان كان طلاقك رجعي فمن الناحية الشرعية يجوز له ذلك ومن الناحية النفسية اقولك خليك مثل ما انت لا تردي عليه لان لو كنت مكانك بيكون هذا موقفي |
اقتباس:
ياهلا وغلا بالغاليه لا الطلاق رجعي لانها طلقتين وانا اعرف انو يحق له التواصل لكن لحد الحين ماردت ووجدت راحتي النفسيه في كذا(لاسباب حذكرها بعدين) لكن انا طرحت هالاستفسار عشان اخذ كل الاراء واحطها بالاعتبار وتسلمين على هالراي |
هو متردد وما يريد أن العلاقة تنقطع بعد ما ينتهي الموضوع
رأيي ألا تردي عليه إلا لما يكون الأمر ضروري جداً ومو كل وقت يتصل أو يطلب منك الكلام ، مع العلم أنه طلاق رجعي ، يعني هذه الفترة لما تكوني رسمية معه راح يحس بندمه وخطأه حتى و لو لم تكن لك رغبة في الرجوع له |
والله ماأعرف تختلف ردة الفعل على حسب العلاقه الي بينكم والطريقه الي اتطلقتو فيها يعني إذا اتطلقتو عن تراضي ومافي مشاكل بينكم انا مثلا لو كنت بموقفك برد عليه بس بمسج " اهلا اتفضل في شي مهم " بس بعد فتره من المسج الي ارسلي اياه يعني مو بنفس الوقت أما إذا صارت مشاكل كثيره بينا مابرد عليه وإذا على جواز السفر يقدر يدبر طريقه يوصلو فيها |
[gdwl]خليكي جاده معه بالتعامل ولاتنسي الاتصال باخصائيين اجتماعيين لهم تجاربهم وتوصياتهم وسريتهم التامه ومن ناحية الطلاق عليك بالافتاء
ولك خالص الدعاء وماتدرين وين الخيره وفكري الف مره اذا فيه اطفال بس لاتدفني نفسك فكري بالايجابيات والسلبيات ودمتي بأحسن حال ليلة مطر[/gdwl]30-12_1430 |
أختي
لو لازال له طلقة فله الحق أن يعيدك فتواصلي معه وهذا حلال حلال حلال ولك ان تكلميه وتخرجي معه بل وان تجامعيه ويعتبر هذا رجعة شرعية بل أن العلماء نهوا أن تخرج المطلقة بطلاق رجعي من بيتها ويحل (بل لها) ان تتزين وتظهر أمام طليقها وهما في نفس البيت وله الحق أن يراجعها فأتصلي بزوجك توكلي على الله فعسى أن يكون فيه باب صلاح لكما اعانكم الله وجمع شملكم على الخير ووفقكم ويسر الحب والتعاون والسعادة بينكما وكل المسلمين |
اقتباس:
اميل لرايك كثير لو يبي رجعه او ما الى ذالك كان ممكن يرسل ممكن نتكلم مو اذا فضيتي اعطيني مست كول بس حسيت انو يبي يكلمني بخصوص كيف يوصل جواز سفري لي اللي هو اخر شي بقالي عنده اشوف ماله داعي الاتصال قطعت شوط كبير وماابي ارجع للوراء يلقا له طريقه ثانيه غيري بابي انقفل |
[QUOTE=أحلامي بسيطة;2304371]
والله ماأعرف تختلف ردة الفعل على حسب العلاقه الي بينكم والطريقه الي اتطلقتو فيها يعني إذا اتطلقتو عن تراضي ومافي مشاكل بينكم انا مثلا لو كنت بموقفك برد عليه بس بمسج " اهلا اتفضل في شي مهم " بس بعد فتره من المسج الي ارسلي اياه يعني مو بنفس الوقت أما إذا صارت مشاكل كثيره بينا مابرد عليه وإذا على جواز السفر يقدر يدبر طريقه يوصلو فيها [/QUOTE اغلب اللي متواجدين معاي عارفين قصتي من بدايتها لنهايتها وكونك جيتي باخر المطاف لك حق علي افهمك ولو جزء من قصتي بحياتنا كان في مشاكل وماتخلى الحياه منها ولكن طريقة طلاقي كانت خليني اقول تمت بسياسة التدرج في الامر وبالاخير بعد صمت شهرين تم نقاش بيني وبينه وانتهت الامور على كذا وفضلت ان اخرج من هالزواج بصوره حلوه ولو ان هالطلاق كان قراره واجد ظلم كبير لي وله بهالقرار لكن مقدر ومكتوب خرجت من هالزواج بكل ذوق رقي وطيبه فترة قبل الطلاق باسبوع كان يتصل وارد عليه بادب كان الالم والحزن اللي وجدته بصوته دافع لي اني احاول معاه يتراجع لاني اعرف مدى حبه لي ولكن حصل اللي حصل وطلق وتم بعد الطلاق اتصال عشان موضوع اغراضي وصلت اغراضي وفهمني اني مازلت زوجته وانو مكالمتي لك بعد الطلاق مافيها حرام قلت افضل نوقف عند هالحد خلاص قرارك واحترمته وابي افتح مجال لمستقبل جديد |
هلا حبيبتي ندى
برايي كلميه واسمعي منه لكي لاتندمي وقت لاينفع الندم عطيه مسيد كول وبانتظارك ربي يوفقك ,,,, عفوا تم تعديل العنوان |
اقتباس:
ياهلا فيك تم الاتصال باخصائي اجتماعي واخذت الاستشاره تم الافتاء ووقعت طلقتين موضوعي منتهي خلاص مرينا بكل هالاجراءت عموما" شكرا" على تواجدك ودعاك |
اقتباس:
ياهلا فيكShark تسلم ومشكور كثير على تواجدك اقراء ردي لتساولات اللي سبقوك وراح تفهم الموضوع |
ندوش
استفتي قلبك وش انتي مرتاحه له ؟ تردين؟ ردي ماتردين ؟ لا تردين بس ممكن اسأل سؤال من زماااااااااااااااااااااااااااااان نفسي اسأله لك كنت متوقعه منه انه بيطلب في مكالمه ثنتين .. بس ماحبيت اعلق .. الحين افرضي رديتي عليه او ارسلتي رساله فقط وطلب منك الرجعه ... ترجعين؟ انا لو منك ارسل له رساله .. اقول له حياك الله .. اي شي تبيه بالرسايل وعندك الايميل .. اعتذر عن المكالمات .. |
اقتباس:
اسالي عيوني |
اقتباس:
انا مع نفس رائي مشكلتي نحنا نشاورك لكن بالنهاية الحياة حياتك انتي وانتي وانتي وانتي فقط قلبك وش يقوووووووووووول لك ؟ فكري بقلبك قبل عقلك الان . وقلبك يدلك للصح واستخيري ربك . ونفس السؤاااااااااااااااال الي طرحتة مشكلتي :25: الحين افرضي رديتي عليه او ارسلتي رساله فقط وطلب منك الرجعه ... ترجعين؟ الحين افرضي رديتي عليه او ارسلتي رساله فقط وطلب منك الرجعه ... ترجعين؟ الحين افرضي رديتي عليه او ارسلتي رساله فقط وطلب منك الرجعه ... ترجعين؟ الحين افرضي رديتي عليه او ارسلتي رساله فقط وطلب منك الرجعه ... ترجعين؟ :25: استخيري ...بعده شاوري قلبك والله يدلك للخير . |
انا لو منك ارسل له رساله .. اقول له حياك الله .. اي شي تبيه بالرسايل وعندك الايميل .. اعتذر عن المكالمات ..[/QUOTE]
انا معها لو منك ارد عليه برساله ................... اذا عنده شي يرسل رساله ع الجوال او ع الايميل مادري ايش باقي يبغى منك بعد كل الي سواه:mad: |
ياقليبي ياندو /
أنا اتوقع انه يبغى يسمع صوتك واتوقع عاوده الحنين والقضيه صدقيني مو قضية جواز سفر لأنه يقدر يرسله ويدبر له كذا طريقه من رأيي ياندوا وبيكون رأي مختلف وقاسي شوي لاتتصلين ابدا حذاري من الأتصال لأن طليقك يحتاج لفركة أذن وخليه يأخذ درس وصدقيني اذا كان شاريك بيطرق الباب عشان يرجعك مهما كان موقف اخوانك منه وبإمكانه يجيب ناس ثقه وكبار في السن للصلح وعندها بيحترمونه اخوانك في حضورهم احتمال انه يقيس ردة فعلك وبيشوف اذا باقي تحنين للرجوع له & أسأل الله ن ييسر أمورك ويصلح حالك ويجبر كسرك ويكتب لك الخير حيث كان & |
عموما" انا قفـــلت جوالي
والتزمت الصمت لا رديت ولا حرد يا هلا ويا مرحبا بأحلى ندى ...... أنا مع الأخ عبدالعزيز ... لأنه قاعد يلعب بأعصابك ...ومتردد... خليه يفكر ... ويفكر ....ويفكر .... لين يوصل لحل ... بخصوص الجواز ...حجة علشان يكلمك ... خليك قوية وخلية يعرف قدرك ... اتمنى انك ما تكلمينة .... الرجال يحبون المرأة ذات شخصية قوية ....ان شاء الله ماراح تندمي... الله يكتبلك كل الخير ... [gdwl]وين حبيباتي ...ما عدت أنا و حديث الوقت ... لهم وحشة ....[/gdwl] |
اقتباس:
اولا" انا مااعرف ايش سبب المكالمه بس توقعت انو عشان جوازي لانوا نساه معاه تدرين ايش فكرتي الحين لما طلق بقرارت نفسه ماكان مصدق الامر وقالي بنفسه حبيت هالمره التزم الصمت وماارد ليش اعطيه الاحساس باني راضيه بقراره ليش اعطيه الفرصه انو يحس انو قراره ماكان غلط ليش اعطييه الامان انك ماخسرتني حكون دايم موجوده لك لا ومليون لا خليه يحس باني مو من حقه خلاص الرابط انتهى وندى راحت |
رساله صغيره مسج اخبريه فيها انو اذا اراد شي يرسل ايميل
وانتي تشوفي اذا كان يستحق الرد ام لا |
اااااااااااه مااحلى الالتقاء بمن نحب اللهم اجمعنا بمن نحب في هذه الدنيا
اخت ندى اذا كنتي لازلتي تحبينه اولازلتي ترغبين بالعودة اليه فقومي بالرد على اتصاله واسمعي ماذا يريد منكي فكلنا خطائين وخير الخطائين التوابون والكمال لله سبحانه وتعالى يااخت ندى فنحن اغلب الاخوة والاخوات في هذا المنتدى تجرعوا مرارة الطلاق والفراق ومااحلى ان تعود المياه لمجاريها ومااحلى ان تعود الذكريات القديمة بحلوها ومرها ومن كلام كثير من الناس الذي قاموا بتطليق زوجاتهم وعودة بعضهم لبعض تكون العلاقة اقوى مما كانت عليه سابقا وهذه حكمة من الله سبحانه وتعالى على عدم جواز خروج الزوجة من بيت زوجها بعد الطلاق لعل الله يؤلف بين قلوبهم ويتراجعا من جديد ونظرية استنتجتها من الحياة التي نعيشها ان اول زواج بالنسبة للزوج او للزوجة تبقى في الذاكرة محفوره حتى وان مرت عليها السنوات الطوال لانها اول فرحة يفرح فيها الزوج والزوجة ويعتبر من الحب الصادق لانه يكون الزوج يحب زوجته وتعتبر اول انسانة تدخل قلبه وبالمثل للزوجة فاانتي يااخت ندى افضل حالا من غيرك فطليقك لازال على اتصال معك حتى بعد الطلاق وهذا يدل على انه لازال يريدك ويريد اعادتك اعزمي العودة يااخت ندى لزوجك واذا عزمت فتوكل على الله 0 ولايغرك اختي الكريمة كلام الناس الذين يقولون لاتعودين لزوجك فهم مغرضون ولايتمنون الخير لاحد0 سااحكي لكي قصة عن هذا الجانب وتدل على شجاعة بعض الزوجات وهو انه في يوم من الايام تزوجت وعاشت عيشة هنيئة مع زوجها ولكنهم تاخروا في مسالة الانجاب فقامت والدة زوجته بزيارتهم والدخول عليهم في شقتهم في يوم من الايام وقالت لابنتها خذي اغراضك ولاتجلسي عنده ولادقيقة وقالت الزوجة ولماذا ياامي ومالذي فعله زوجي فهو لم يقصر علي بشي قالت لم يفعل شي ولكن سوف اجبره على ان يطلقكي وازوجكي شخص تنجبين منه اطفال وجلست الزوجة تبكي وزوجها ينظر اليها ويقول لزوجته اذا خرجتي من المنزل مع والدتكي لاتعودي اليه مرة اخرى وقامت الزوجة وتوسلت والدتها بشكل محرن ان تبقيها عند زوجها لانها احبته من قلبها ورفضت الام طلبها وقالت الزوجة لامها بصمد امي قالت نعم قالت سوف اسالكي سؤال واحد واجيبيني عليه بصراحه هل ترغبين ان يطلقكي والدي قالت لاوالله والله لايجيب اليوم اللي يطلقني والدك فيه وسوف اقتل نفسي ان طلقني والدك ماذا تريدين ان يقولوا عن النساء في الحي طلقها زوجها لسبب فيها وقالت ابنتها طيب وكيف ترضين ياامي ان اتطلق من زوجي الوفي معي وانا راضية بقسمة الله لي فلم تعد والدته ان تستطيع الرد بكلمة واحدة وخرجت من منزل ابنتها وقالت هاذي حياتك وبكيفك فيها انظري لشجاعة هذه الزوجة التي تعرف تمام المعرفة انه لم يعد لوالدتها اي اوامر عليها وانما الامر والطاعة لله ثم لزوجها وانها على ذمة زوجها ولايمكن لها ان تعصيه وتخرج من منزله وهو غير راضي عليها لقد اعجبتني شجاعة هذه الزوجة ولاطاعة لمخلوق في معصية الخالق0 استخيري اخت ندى والله يتمم على خير 0 |
اقتباس:
يفكر بايش حبيبتي خلاص طلق وقربت اخلص العده مابقالي الا شهر واحد واطلع ومايدري بهالشي |
اقتباس:
تسلم اخوي على ردك بس مافهمت وماوضح شي من الرساله مجرد اعطيه مست كول لما افضى(كمان وقت رسالته كانت بالظهر) ارسلي هالرساله من الدوام وقت البريك حقه يعني ماابي ابني احلام من سراب وهو سراب اتوقع بس يبي يكلمني عشان موضوع الجواز حقي لا غير.. ليش اعطيه فرصه يتعهد صوتي الصمت احسن |
اقتباس:
ياهلا وغلا فيك عيوني بس افكر بايش ماقال شي ماوضح شي وانامارديت على رسالته لا برساله ولا باتصال يعني طنشته بعدين فيه اسلوب غير اسلوب رسالته لو يبي نصلح الامور مثلا" ممكن نتكلم مو اذا فضيتي اعطيني مست لا اسفه مافضيت ولا حفضى كنت فاضيه لك في بيتك والحين صرت مشغوله مع نفسي |
اقتباس:
طيب ليش اعطيه فرصه يعرف اني باقي فيه امل يتواصل معاي وين الفراق اللي يجي معاه الم وتعب وندم وهو يحس انو قادر يوصلني لا ماابي اعطيه هالامل ابيه يتعب ابيه يحس بالعجز ابيه يعرف ويستوعب الدرس حتى لو ماجمعتني فيه هالدنيا مجرد انو يفهم حجم الخساره يكفيني |
اقتباس:
يامرحبا حبيبتي سوالي لك شالفايده من هالقياس يطلق وبعدين يسوي قياسات لردود الفعل ماهي لعبه الشغله واذا يشوفها لعبه يروح يلعب بعيد واذا الشغله ترجيع انا ماانصحه تغيرت كل الاوضاع |
[QUOTE=فيافي نجد;2304843]هلا حبيبتي ندى
برايي كلميه واسمعي منه لكي لاتندمي وقت لاينفع الندم عطيه مسيد كول وبانتظارك ربي يوفقك ,,,, تسلمين عيوني مازلت استشير واشاور مع اني مايله كثير لحكايت التزام الصمت شي في نفسي رد اعتبار لذاتي انتصار لروحي والكثير الكثير |
اقتباس:
هلا فيك وغلا لاعذار واهيهالا تظنين انو ممكن هالمسج يفتح له باب انو خلاص انتي مو زوجتي بس رقمك عندي واقدر اكلمك متى مااشتقت |
طيب شرايك حل وسط
متى هو ارسل الرساله؟ مثلا قبل امس ردي عليه بعد اسبوع ويومين ثلاثه بمعنى اخر الطعيه ازرعيه خليه ينتظر خليه يحاتي يفكر ينشغل باله ويعرف انه مش بمجرد طلب انتي تنفذين وانك فعلا مشغوله وتغيرت اهتماماتك بس مو تطنشين الرساله ولا تردين ليه اقول لك لا تطنشين؟ لانه سبحان الله جايز وممكن ومحد يدري وين النصيب ولا وش ممكن يصير ممكن سبحان الله الرجال استعدل .. وحابب يرجع ... ويبدا فيك انتي مو بأهلك .. حابب يتطمن من ناحيتك .. يمكن انتي اللي رح تطمنيه انه لسا مرحب فيه ماتدرين انا ما اقول تأملي وبعدين ما يطلع فيه شي انا اقول اذا فيه فرصه للرجوع ليه لا ؟ فكري في كلامي |
الأفضل انك لاتكلمينه نهائي
خليكي مثل ماانتي عليه ولاتتراجعي خليه يحس بالندم ويشعر بالغلط ويتعلم الدرس لفترة اطول بعد كذه اذا هو مازال مصر على الرساله وماشابه فقط ردي برساله سواء بجوال او ايميل يكون رد حزم وحكمه والللللللللخ وبعدما شعر بالغلط واللللللخ فإذا يريد الرجوع فليتفضل من الباب وحياه الله وليس مجرد اشتياق وماشابه .......!! وفقك الله لكل خير وثبتك الله على طاعته اللهم آميـــــــــــــن |
اقتباس:
ردك هنا والله العظيم لو كنتي قدامي لاضمك من كل قلبي حسيت فيكي وبقوتك . يمكن تحبية بس بننفس الوقت حسيت بجرحك منة وصح كلامك وماراح اقولك غير ربي يرسم البسمة والفرحة بدربك ان كان معاه او مع غيرة يارب ياندوش خليك قوية والله اني استمد من قوتك وصبرك وتفااااااااائلك اشياء كثير تفيدني بخصوص موضوع او ازمة مرت فيني وكل ماشوف لك رد اتقوى بيك اكثر واكثر دعواتي لك دوم بفرحة قلبك وضحكة عيونك من السعادة .. |
اذا انتي خلاص عزمتي على عدم العودة
لا تكلمينه الجواز مثل ما قالوا الاخوات بيجي بطريقة او اخرى انتي ماشية صح .. لا تتأثري بردات فعله المتذبذه |
شوفي ياقلبي انا راح اعطيكي خلاصه مااااقلي هيا بابا ووحده ام مزوجه اولادها كلهم
قالتلي يابنتي اذا كلمتي راح يقول عشان ماورها رجال عشان كدا كلمتني والله انا ماادري بس انا اعطيكي جزاء ماقلولي مو هما يقولو اكبر منك بسه ........... هدا الي فهمتو مااعرف والله بيني وبينك جزاء مقتنعه في وجزاء لا الله يوفقك ياعسل ويسعدك ويفرج همك ............ اللهم آمـــــــــــين |
هلا فيك يالغلا
ياحبيبتي أنا أقول خليك على ماأنتي عليه يعني لاتعطينه جواب خليه يحس أنك مو ندى الأولى خليه يحس بحجم غلطته وانه فقدك للأبد وانه مايقدر يوصلك حسسيه أنه صار أنسان غريب عنك وان مثله مثل أي رجال بالدنيا أتوقع لو تتقبلين كان بيضل متواصل معاك حتى لو بعد الطلاق !!!!!!!!! يبغاك لييييييييش يطلقك ؟!! واذا كان مو قد الزواج ليش بالأساس يتزوج ؟! خلاص كل شي تكلمتوا فيه وش باقي يبغى؟ باين يبغى يكلمك وبس مو لأي سبب يدور لأسباب عشان يكلمك مو شرط أنه يبغى يرجعك بس هو ماايبغى تواصلكم ينقطع أبد ! الله يعوضك ياحياتي على أيام الشقا ألي شفتيها معاه |
أرسلي له ، عندك شئ كلم أبوي
أو عندك شئ أرسله دحين و لا لا عاد تتصل مرة تانية سكوتك ما راح يوصل له شئ ، بيقول يمكن ما شافت الرسالة ، يمكن أحد قراه و مسحه بس ردك يبين له ، إنه مو هامك بشئ ،، حتى لو ما يبغى يرجعك ، بينقهر إنك ما عبرتيه |
اتركيه ولاتردي واذا ارسل
ارسلي له رسالة واطلب منه التواصل مع الاهل وبهذه الطريقة يدري انك لم تعدي تهتمي به بعد الفترة وسوف يعرف قوتك وعزتك بنفسك |
أختي .. إذا كنتِ تبين رأي رجل فأنا رجل ..
لو طبقنا أحكام الإسلام في جميع أمورنا لتم حل كثير من المشكلات و الطلاق لو طبقت الأحكام فيه لتراجع الكثير عن الطلاق المهم .. أنت في العدة والمفترض على المعتدة أن تعتد في بيت زوجها .. بدون ما يقربها وتقترب منه وهذا خيرٌ لكِ وله أخت ندى ما أحلا الحياة إذا رجعت لطبيعتها .. فهو خيرٌ لكما ورجعتكم للبعض ستكون علاقتكم اقوى مما كنتم عليه في السابق لذلك من رأيي أنك تراسلينه و تكلمينه .. ويكون كلامك رسمي فقط لا أكثر .. قد تنفرج الأزمة ويتبدل الحال و الحمدلله أو يستمر حالكم مثل ما أنتم عليه وأنا متأكد إنك تعرفين إنك إذا ما استفدتي من المكالمة فلن تخسري شيئاً .. أختي ترى رأس مالها مكالمة لا أقل ولا أكثر.. و خير وسيلة لحل كثير من الأمور هو الحوار .. وتراه مازال زوجك حتى تنتهي العدة واجب عليك طاعته ومن حقه الطاعة في غير المعصية و من حقه عليك إنك تكلمينه .. إذا هو رغب فلا تمانعي واحتسبي الأجر .. كتبت رأيي كرجل لما قرأت اكثر الردود النسائية تقول لا تردين عليه وأظهري قوتك وكأنه لا يعنيك ولم تهتمي به .. ومن هالكلام خل نكون صريحين في هالأمور مهما فعلت المرأة فهي أضعف من الرجل .. وهي الخاسر الأكبر في الطلاق .. أختي تأكدي أن الرجل ما يفكر مثل المرأة .. |
اقتباس:
المرأه مثل الرجل تنظر للمطلق كما ينظر الرجل للمطلقه ( انا اتكلم عن نظرة المجتمع مو عن حقيقة المطلق والمطلقه وشخصياتهم) بإستفهامات ونفور وتساؤلات ليش مطلق؟ يمكن فيه وفيه ؟ مع كم فكره سودا تجي في بالها عنه .. هذا غير الجمله الختاميه اللي تقولها اغلب العوايل اللي يتقدم لبناتهم مطلق.. ( لو فيه خير مارماه الطير) .. هذي جمله سمعتها تقريبا من جميع العوايل اللي عندهم بنات تقدم لهم مطلقين.. بما فيهم اهلي.. حبيت بس اقول لك علشان لا تغتر بما سطرت اناملك لانه مو صحيح |
أخت ندى الطلاق ابغض الحلال عند الله
والدين لايحث على الطلاق بل يحثنا على اصلاح الامور والنبي صلى الله عليه وسلم اوصانا بنسائنا والطلاق لو وقع فهو خساره للرجل والمرأه لذلك زي ما ذكرت في البداية رأس مالها مكالمة .. واحتسبي الأجر .. |
اقتباس:
وكلامك صحيح مجملاً ومو جميل الوحده تحكم بس في محيطها .. زين الوحده تكون نظرته أشمل با اختصار مطلق مو مثل مطلقة ........................... |
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©