|
هل أعتمد على الخادمة في العناية بأطفالي ؟
بنات انا كلها خمسة ايام واولد قيصري وعندي ولد وينت ابي اسألكم هل اعتمد على الشغالة في تنظيفهم واكلهم خاصة البنت اخاف عليها من الاندنوسيات وانتوا عارفين بلاويهم هالالندنوسيات ابيكم تعطوني حل كيف اسوي بالنسبة لامي اكيد بتكون معي في المستشفى وام زوجي ماتقدر تمشي اصلا ولا ادري كيف الطريقة شورو لي بحل. |
ما عندك أخوات ؟ أو أخوات زوج ؟
لا تعتمدي على الشغالات أبدااااااااااااااااااااااااااااااااااااااااا صدقيني ، صح أنا أنصح إنه نعاملهم بالإحسان ، لكن مو معناها إنه نعتمد عليهم و نأتمنهم على أطفالنا إذا مرة اضطريتي ، فخلي كل شوي أحد ينقز عليها أخوك و زوجته ، زوجك أو أمك ، دقوا كل شوي ، حسسوها إنكم مهتمين بالإطفال و في أي وقت ممكن تجوا فجأة بس لا تعطوها راحتها و تهملهم |
الف شكر يالغلا روح الغلا انتي اللي جبرت خاطري بردك أسأل الله لك الحياة السعيدة في ظل من تحبين والباقي الله يسامحهم على التطنيش
|
لو عندك جاره امينه او اخوات او اي واحده قريبه منهم لازم احد يوقف جنبك والله يسهل امورك وتولدي بالسلامة
واحده صاحبتى كانت حاطة كاميرا في بيتها وقت دوامها لمن ترجع تشوف شغلتها ايش تسوي وياما شافتها تضرب ولدها حاولى تخلى زوجك يسويها |
الله يقومك بالسلامه وماشاء الله عليك عندك ثنين يعني ليش تاخذين امك معك خليها ترتاح في البيت وخلي عيالك عندها وانتي في المستشفى فيه الممرضات كلميهم يساعدونك اذا احتجتيهم او خلي زوجك ياخذ العيال والشغاله لبيت اهله مادام ام زوجك ثقيله وبتكون عينها عليهم |
خذيهم مع الشغالة وجلسيهم عند اختك واذا لم يكن لك اخت ام زوجك واذا لم تستطيع امك لا تجلس عندك في المستشفى تجلس عندهم انتي عندك الممرضات ووما تحتاجين ناديهم وكلها 5ايام وتخرجين من المستشفى ان شاء الله
سهل الله حملك ووضعه وحفظ الله ابناءك وسهل امرك |
مثل ما قالوا لك الأخوات
يا تودينهم عند اختك ولا عمتهم ولا مرت أخوك وحتى لو وحده منهم ما عندها شغاله تروح شغالتك معاهم ولو اضطريتي ان أمك ما تجي معاك كفاية زوجك وتصير أمك الله يحفظها معاهم لكن ما تصير الخادمة لحالها في البيت تستفرد بالصغار الله يقومك بالسلامة |
وديهم عند احد اقاربك طيب ؟؟
|
اختي اتمنى ماتكبري الموضوع اذا تعاملك طيب مع الشغاله تمام وانتي ملاحظه انها بنت حلال ليش الخوف استودعي الله ولا تشيلي هم وكلها ايام قليله وراجعه بيتك .
دمتي مطمئنه. |
الله يقومك بالسلامة يا رب
ودي اولادك مع شغالتهم لبيت اهلك على الاقل امك اذا رجعت بالليل تتطمن عليهم وتشرف عليهم مو معقول امك معك بالمستشفى 24 ساعة. |
انا مع انك تودي اولادك عند احد اقاربك وقت الولاده وجلوسك بالمستشفى ولماتخرجي ان شاءالله بالسلامه يكونوا قدام عينك
اصلا قلبك محيهنئ تخليهم لوحدهم مع الشغاله |
لايااختي لاتخليهم في البيت لحالهم يوم كامل او اكثر .... انا موضد انك تخلينهم فترة بسيطه او مشوار بسيط لكن مده طويله ولحالهم لا طبعا ...
اذا ام زوجك حرمه كبيرة خليهم بس تحت عينها والشغاله مسؤوله عن تنظيفهم واكلهم.... لكن ينامون مع الشغاله لحالهم في البيت مرة صعبه |
أنصحك مثل ما قالوا الأخوات
أرسليهم عند أي وحدة من قريباتك ، لو أم زوجك و الشغالة معاهم تخدمهم و تخدمها و يكونوا تحت عينها عالأقل |
الله يقومك بالسلامة ان شاء الله
ما اعتقد انك تحتاجي مرافقة معك بالمستشفى .. المستشفى والطاقم الطبي رح يهتموا فيكي .. ايش راح تسوي الوالدة الله يحفظها ؟؟؟ اولادك اهم يا قلبي انتي .. خلي الوالدة حولهم واستودعيهم ربي قبل كل شي . وهذي خمس ايام مو فترة سهلة وخلي زوجك يشقر عليكي من فترة لاخرى اذا احتجتي شغله اذا كنتي تبي الوالدة عشان مثلا استقبال الضيوف .. ممكن اي حد من خواتك او حريم اخوانك ينوب عنها .. انا مرت اخوي .. وهي ماشاء الله مدلله جدا عن والدتها ووالدها .. وقت ولادتها تركت اولادها عند امها .. واخي قعد يومين ينام بالليل عندها ولما حست ان الوضع طبيعي ماحد صار ينام عندها .. وطلعت بالسلامة ولله الحمد بدون اي مشاكل ... اختي لا تشيلي هم .. العملية القيصيرية ما عادت مثل اول .. ولله الحمد صارت سهله .. |
| الساعة الآن 08:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©