|
هل انتم مع او ضد فكرة هذه العباءه ؟
السلام عليكم ورحمة الله
كيفكم يا احلى اعضاء في احلى منتدى :22: فيه حركه لاحظتها صايره منتشره جدا في حفلات الزواج الا وهي العبايه المزينه يشهد الله اني الى الان ما شفت العبايات المبالغ فيها زي اللي يجون الحريم يلبسونها في الامارات وكلها من اولها لآخرها الوان ولمعات وكريستلات واقمشه وتخصير ووووووووو ... لا مجرد كريستال ملون في اطراف الكم والشيله كمان او العبايات اللي تجي اكمامها قماش ملون من تحت وشيفون اسود من فوق .. يعني واضح ان العبايه غاليه ومتعوب عليها.. ومش مبالغ فيها لكن اللي اعرفه ان الحريم مخصصينها للزواجات ... لأني سألت كذا وحده ما استحيت قلت لها عادي تلبسين هالعبايه عند زوجك وعندك؟ مو حرام؟ فتقول لي والله بس للزواجات .. واذا بروح حفله ماني حابه اتعب نفسي في اللبس لها .. بمعنى انها من لما تدخل من عند الباب .. ويشوفونها الحريم تكون كاشخه .. ومن السياره ع الصاله ومن الصاله ع السياره ... يعني مافيه مجال انها تمشي قدام رجال هذا شي اكيد.. السياره توقف قدام باب الصاله وتطلع الحرمه ... كذا الصالات عندنا صايره .. والسيارات السعوديه معروفه اغلب العوايل مظللين السياره .. يعني برضو في الشوارع ما تبان.. وكمان لما تخلص الحفله وتقعد الوحده تنتظر زوجها ... تنتظر بالعبايه وهي كاشخه برضو.. فهمتهم المبدأ صراحه صرت اميل لهذي الحركه ... نفسي اشتري عبايه كذا .. قلت لزوجي عنها ... وتحققت منه قلت له انت رجل وكم مره نروح حفلات.. قد لاحظت حرمه عبايتها مزينه ؟ قال الحق لا .. لأن من الباب ع السياره ما يبان شي ابد فقلت له نفسي اشتري عبايه كذا .. قال والله اذا انا اللي بوديك واجيبك عادي عندي لكن اذا قصدك تلبسينها قدام احد والا طلعات عاديه والا مع اهلك فإنسي الموضوع.. و ياليت تنسينها بعد يكون احسن لكن عموما ماعندي مانع .. شرايكم تأيدون والا ترفضون مع العلم اني اعرف الاحاديث والآيات وووووو ومرات اقول لنفسي من ترك شيئا لله يامشكلتي اصدق بس ارجع اطالع ... والله حتى الحريم الكبار والمدرسات والملتزمات صاروا يسوونها ها تأيدون والا لا؟ انا لللحين ماتجرأت وشريتها وكل ما جيت اتهور واعملها اخااااااااااااااااااااااااااااااااااااااااف ... مع اني عارفه مابيشوفها علي الا حريم في حريم في حريم وزوجي فقط لا غير ومستحيل البسها سوق والا مستشفى ابدا ابدا ابدا .. هذي ملغيه من القاموس عندي ها ... وش تقولون؟ |
انا عندي واحدة من اللي تقولين عنهم :)
وفعلا مخليتها للمناسبات اذا في جلسات حريم لانه اصلا زوجي ما يرضى افصخ العباية عند احد .. فأحسن حل اني البسها وهي كشخة اصلا .. والبس فوقها الخمار الشفاف فما تبين الزينه كثير ولما اوصل البيت اللي ابيه افصخ الخمار انا اؤيد :) |
كمان امس كنت في حفله في مخيم
قسم النساء منفصل تماما عن الرجال والعايله لما توصل يدخلهم ابوهم بالسياره في وسط المخيم يعني حتى في الشارع ماينزلون واكتشفت ان الكل لابس من هالعبايات المزينه الا انا تخيلوا يمكن خمسين حرمه مابين شابه وكبيره ومراهقه وام وعزباء كلهم ملونين الا انا اسود ساده قمت احس الوضع عادي .. طالما بين حريم في حريم .. |
هلا بكر
تسلمي لي ياقمر ع المشاركه |
بس انتي المفروض تكونين قدوة
يعني اي احد بيشوفك بيفهم انك تلبسينها في كل مكان و مثلا لو صار شئ بالطريق و اضطريتي تنزلين من السيارة بتكونين متبرجة! انا لا اؤيد... |
انا عندي من هذي العبايات بس للاعراس والمناسبات يعني امام النساء فقط .. وامام زوجي اذا طالعة معاه لرحلة ولا شي علشان اتزين بها ويشوفها علي...اما للدوام او طلعات مع خواتي عندي عبايات ساده مع تنوع في الموديل بدون الوان..برأيي اذا داخلين خاطرج وتبين تاخذين وحده اشتري عبايه ويوم عندج مناسبه او عرس خاص بالنساء خذيها معاج وإلبسيها يوم تدخلين.. ربي يسعدج ويوفقج اختك --- لمني بشوق |
hاحنا عندنا بالكويت ما نلبس العبايات وايد
بس عموما اذا كل الحريم يلبسونها انتي لا تشذين عنهم خلج مثلهم |
نقل لعالم المراءه
|
روح
انا من هالنوع لي عبيايتين وحدة للزواج والزيارات والثانية سوق مستشفى . واخواني ماعترضو لانها من السيارة للقاعة علي طول يعني مو بين رجال ابدا اؤيد :) |
حلوه العبايات المطرزه والمشكوكه في الزواجات او الحفلات المختصره
عادي البسها وازيد عليها بعض من الاكسسوارات بس بكون لابسه عليها عبايه ثانيه ساتره موب ملفته لنضر واحتياط من مصادفه الرجال وقت الدخول او الخروج برى القاعات بعض الاحيان مو زوجي الي يرجعني البيت فيه عمي وفيه اخوانه او اخوي وتقبلي مروري اؤيد في حاله لبس عليها عبايه ساااتره 000 |
بالعكس كتير حلوة ونفسي منهم
وازا ضامنة ماحد رجال يشوفك جيبي وحدة ليش لا بتصير تلمع مع اضاءة الصالة ياسلااااااام كشخة عقولتكو فكرة جميلة امتا للمناسبات والاعراس الي ماتخصك كتير يعني عرس معزومة عليه ورايحة مجاملة مو عرس اخوكي ولا اختك طبعا عرس ناس اغراب بحس هيك حلو عليهم بحسها العباية الي هيك اكشخ من الفستان السواريه بس طبعا خليها راقية وتطريز راقي زيك ياقمر:) |
اقتباس:
----------------------------- مادري و الله ؟ أنا ( ضد ) لإنه تخافي تلبسيها ، غيرك تقتدي بك و تكسبي سيئتها إن لبستها هي في أماكن تانية نفس الوقت ، أنا ( مع ) إني أخصص عباية للمناسبات ، لكن ما أشجع المخصر و كذا ؟؟؟ يعني اللي يفصل الجسم أنا ضده |
انا بقول رايي حنا عندنا مثل كذا الوحده تفصل عباة كتف ومخصره وحلوه وشك وتطريز بعد لو تبي
تحظر بها الزواجات لكن تلبس فوقها عباءه ثانيه على الراس عاديه ومحتشمه اما انها تطلع بها على السياره وعلى الزواج بصراحه بتكون ملفته للنظر لانها طبعي بتنزل الشارع بها ومو معقوله مايكون فيه رجال |
العبايات من هالنوع منتشره بكل مكان وحلووه.. يعني اذا عندج عرس بعيد او مالج خلق ترقصين هاذي العبايه حق الرزه وبس يعني تكونين متسمته بكرسيك..!!
انا اليسهم عادي... البسيهم حلوين ترا....!!! |
يسعد لي قلوبكم وحده وحده
نفره نفره بس كنت في حفله وتو راجعه والنوم سلطان غدا ارد عليكن واحد واحد ---- مضروب الاملاء والنحو على اخر الليل معليش :d بس رد صغنوووووووووووووووون احساس عمري برضو غلطت في اسمي وقالت روح الطير وانا قبل كم يوم غلطت في موضوع غاليتي بكر الشايب وكمان كتبت روح الطير الظاهر مسويه لنا عمل واحنا مو عارفين ياروح:23: عمل روعة الردود ورجاحة العقل وجمال الشخصيه والله ياحبي إلكن كولياتكون كولياتكون كولياتكون ----- |
اذا بين حريم وش المشكله ؟؟ ..
انا اؤيد :) |
انا اؤيد بس ماتكون مرة تبرق برق لا مافي احسن من الهداوة والبساطة
|
انا راح اؤؤيد اذا ارسلتي لي وحدة :)
لا عن جد ....مااشوف فيها شي اذا متاكدة الرجال ما يشوفونك خلاص.. اشتري وحدة |
انا شفت وحده تلبس عبايه مزينه وتلبس فوقها عبايه ساتره واذا دخلت الحفله تنزل العبايه الساتره وتجلس بالعبايه المزينه هل هذا قصدك ؟
ام تقصدين تلبسين عبايه مزينه واذا دخلتي تنزلينها وتجلسين بالفستان ؟ اذا هذا قصدك فماله داعي تلبسينها مدامك بتنزلينها |
اقتباس:
مره كنا طالعين نتمشى ولبست جاكيت رياضي في اكمامه خط ابيض بالطول وعريضه الخطوط.. واضطرينا ننزل في رجعتنا .للسوبرماركت. فقبل لا انزل قلبت الجاكيت ولبسته مقلوب .. لأن الخطوط مره ملفته .. ومع ذلك نزلت والجيوب مقلوبه لبرا وشكلها يضحك .. بس ماعلي من حد طالما اني مرضيه ربي وزوجي . شرفتني اضافتك وتنبيهك عزيزتي اقتباس:
واياك يا عسل ماقصرتي اقتباس:
حياك الله في الموضوع عزيزتي موهبه اقتباس:
اقتباس:
انا وروح واحد ماتفرق يا الغلا ..الف شكر على المداخله عزيزتي اقتباس:
انا لو مكانك اكتفي تماما بالعبايه الساتره .. الا اذا قصدك انك تكتفين بها كفستان فأنا معاك البس فوقها عبايه ثانيه |
اقتباس:
اخذ في نفسي مقلب بعدين يا ملك شادي والله انتي اللي طلتك زي القمر .. تسلمي حبيبه اقتباس:
اما بالنسبه للمخصر فتصدقين انا البس مخصر عادي بس فستان لكن ما اتجرأ مخصر عبايه حتى بين الحريم مو عارفه ليه؟ تسلمي لي ياقلبي على موروك وتشريفك اقتباس:
اذا قصدك تحضر بالعبايه من اول الزواج لآخره فأنا معك تلبس فوقها عبايه ثانيه اما اذا بس مجرد ماتدخل تفصخها فأنا اعترض .. وزي ماقلت لك فعلا فعلا فعلا مافيه اي مجال لأي رجل انه يشوف اي حرمه ... نعمه من الله ننحسد عليها في رأيي مشكوره على المرور يا ام احمد اقتباس:
مشكوره على المرور ... تفكيرك نفس تفكيري اقتباس:
اقتباس:
رد وافي وكافي ... يسلمو ع الافاده اقتباس:
انا قصدت اللي بس في طرف كمها الف شكر ع المرور اقتباس:
شكلي شاريه الله لا يعوق بشر الف شكر ع المرور اقتباس:
حياك الله يالغلا |
شوفي أنا للحين ما سويتها بس خواتي يلبسون
بس إذا جينا طالعين يطلعون العباية الساترة ويلبسونها فوقها فهمتي ! يعني العباية المزركشة كأنها فستان يلبسون فوقها عباية ثانية :) |
انا ماأييد العبايه المزركشه في المناسبات
لأنها مع الأيام بتصير عادي يعني بتتهاوني وتلبسيها عادي برا وجهة نظر |
يمكن عادي بس ماحبيت الفكره : )
|
دامك بين نساء فقط ليش لا بس يفضل لبس عباءة ساتره فوقها حتى ماتكوم مدخل للشيطان وتتعودي عليها
|
مممممممممممممممممممممممممممممم
تقريبا اقتنعت بأني اشتري هالعبايه وعبايتي العاديه موجوده .. متى ماحسيت ان فيه شي غلط طلعت العاديه ولبستها يعطيكوووون العافيه بناااااااااااااات |
بصراحة يالغالية
ودي تقارنينها بالعطر مثلا تقولين باتعطر في البيت ومن السيارة على المكان المراد تصوري لا قدر الله حصل لك حادث او عطل بالسيارة وش بكون وضعك ؟ أكيد ما تحبي احد يشوفك فيها ؟ الاحتياط واجب الله يسترنا وياك |
انا عن نفسي عندي اكثر من عبايه لسهرات والمناسبات والملاهي (بذات الملاهي لانى ماافصخها) وكلها الوان على كيف كيفك وتطريز وشي يجنن :22:
بس قبل ادخل المكان افصخ عباتي الثانيه الساده وقبل ماطلع السياره البسها بكذا اظمن انه مافيه احد من الرجال راح يشوفها حتى لو الحارس الى عند باب القاعه :d انا معاك انك تشترينها بس على الاقل تاخذين خمار طووويل بحيث يغطي على الاقل النص واول ماتدخلين شيليه والله يستر علينا بالدنيا والاخره :) |
انا لا اؤيد الا اذا كان فوقها عبايه ثانيه
لانه يستحيل ما يكون فيه رجال عند الباب في العروس خاصة في وقت الخروج ونصيحة اذا بديتي بهذي العبايات شوي شوي تلبسيها برا وهذا عن تجربه اختي كانت كذا من دون ما تحس صار عندها العباية المطرزه عادي ولله الحمد رجعت لرشدها ولحقت نفسها تقبلي مروري |
جميع الاراء محل تقديري والله
الله يجزاكم جميعا كل خير وانا فعلا ماخلاني ارجع ادقق في الموضوع الا انكم قلتو اعمل حساب للأعطال مع ان زوجي اسم الله عليه موسوس بالسياره خلاص الاكيد ان شاء الله انها لو مزركشه فلازم فوقها العاديه |
اقتباس:
|
عادى انا ايد عندي عباية فصلتها بسعر غالى جدا خاصه للمناسبات من السيارة للبيت او الفرح مافيها شي
|
اقتباس:
احـــم ،×انـــآ من الامــــآرات وفي حيــــــآتي مالبست منهن ومابا البس’ بس مافي مـــآنع ان كانت مزينة فالاطرآف بشكل معقول للاهل والتجمعــــآت والافــــرآح ,,, دمــــــــــــتي بــــــود،؛ تقبلي مروري,, |
اقتباس:
كيف تتلبس عبايه فوق عبايه بلاش منها افضل |
هلا بنت مكه
يسعد قلبك ريم الاوطان فعلا حريم الامارات ياخذون راحتهم ع الاخر في اللبس في العبايات والسبب ان ماعندهم التشديد مثل اللي عندنا ... حبيبتي ماقصدي اغلط ابدا ابدا ابدا ع الاماراتيات انا علقت فقط ع اللبس و للمعلوميه اهل زوج اختي من الامارات يعني ولا في احلامي انتقدهم :d |
هــــع عجيبه انا يووم اخلي عمري معصبــــه هع ،، لا والله ماا زعلت لانه فعلا مثل ماا قلتي ... عالاخر واالاخر بعـــــد ،،
افا عليـــج صديفتي --> من متى !! || طوفي ,,,الاموور طيبه :) |
اقتباس:
. . والله يـآ مشكلتي أصــدق ~ إن الخيـر والشـر في كل بلآد موجود بتشديد ومن غيـر تشديد ~ الوآحد إذآ نفسـه مـآ جبرته وخوفـه من ربـه ،ـ رح يلبـس :( رح يلبـس ~!!!!! . وكلآم غـآليتي ريم الاوطـآن صح ،ـ عندنـآ في الإمـآرآت الصـآلح الي والله انه مـآ يطلع منهـآ غير عيونهـآ والي (( الله يستر عليهـن )) ~!! . بالنسبــة للعبـآيا ~ :25: أكيد أؤيد ~ بشــرط إنهـآ تكون كــ عبآيا احتيـآط أو مـآ توصلين المكـآن الي تبينـه ،ـ ( تلبسينهــآ ) ~ دمت ِ . |
انا عندي مخصصتها للجمعات الكبيرة
وأيدها وصراحة حتى لو اضطريت امشي فيها بأي مكان عادي لأنها واسعة بس فيها زينة بسيطة طبعا احرص على ان ما احد يشوفني فيها من غير محارمي علشان الفصوص والزينة لكن هي اساسا مو مخصرة على الجسم |
يُغلق للإكتفاء بالردود..
|
| الساعة الآن 08:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©