|
خوفي من بكرة .. ساعدوني ((تم الطلاق الرد 136 ))
http://www.66n.com/forums/showthread.php?t=194251
دموعي سبقتني قبل أن أخط حروفي أنا لم أعد أنا صار يتفنن في إهانتي -يحسسني بكل معنى الكلمه إني رديت عشان أخدمه و عياله اللي هم عيالي لكني مو حاسه السالفه وصلت أكبر من ممارسة العادة السريه و تقصير بحقوقي كزوجة - صار في الدخله و الطلعه يسبني بس لأنه يشوفني ولما أجي أتكلم معه أقول له إنت وش تبي بالضبط يقول لي ماأبيك ياناس يقول ما يبيني ليه ..؟؟؟؟؟ هو اللي خاين وهو اللي مقصر وهو اللي يظلم و فوقها بعد يقول ما يبيني قبل فتره حصلت سالفه بيني وبينه هو كان بره البيت و أنا أتصلت عليه ألومه في سالفه قبل لا يجي البيت راح أتصل على أبوي و خلى أبوي يطلع من البيت يقول له أبوي أدخل نتفاهم داخل عن الشارع قام يصارخ على أبوي و يقول عني كلام واطي بالشارع (أبوي ما يعرف يرد سلبي قدام نبح زوجي) زين اخوي جا وقفه و اعطاه كلمتين خلاه يمشي صار يعرف إني أخاف على أهلي منه كل كلمه و الثانيه يقول لي متى بتروحين بيت ابوك وكل كلمه و الثانيه يقول لي أخوك (اللي وقف بوجهه) بخليه بالسجن أنا خايفه لأنه من جد عنده ناس بالشرطه حقيرين زيه و ياما ظلم ناس و اتبلى على ناس و أصدقائه الضباط وقفو معه على باطل لسانه صار أوسخ من أول علاقته بأمه صارت أسوأ من أول الرجال من تركته كان سيئ جدا لكن لما رديت له طلع أكثر سوء أنا أفكر اترك عيالي عنده و أروح بيت أهلي يمكن بكذا يحس بقيمتي عالأقل عشان العيال طبعا انا هددته بهالكلام و هو ما عنده مانع أهم شي أتركه ولا أظل صابره المشكله إني لما أشوفه تنزل علي هموم الدنيا كلها و يرجع شريط الألم ينعاد _ظلمني ولا زال يظلمني _ يضربني بس أفتح فمي وأقول له وش اللي موت قلبك يرفسني كم مره حاولت أرمي حالي بحضنه -- يرميني __ أهنت نفسي و أهاني أكثر نزلت عند رجله أترجاه يطلقني و له أني على طول أروح بيت أبوي بس يطلقي روح __ و يعيشني بخوف و قلق ويحسسني إنه راح يوكل للطلاق __ بعدها ولا شي يا أخواني زوجي قلبه ماااات _ أنا على طول مشغله القرآن بالبيت و على طول أدعي له -- يقول إنه ما يطيقني و لا يقدر يواجهني _ طيب ليه رديتني _قالها عشان العيال و أنا ياناس و أنا __ كل من شافني غرف إن الهم راكبني ملامحي انمحت و عيوني ورمت طول يومي بكاء صار لنا أسبوعين ينام بغرفة و أنا بغرفة وهذا الشي كان من أول هو يرفضه حتى لو تخانقنا كان من أول إذا زعلني وحتى لو غلط علي يجي بعدها يقول لي قومي نامي يقول لي إنتي خليتني أعصب ألحين أبدا أرجع أقول قلبه صاير مرررره ميت يعني أنا قبل فترة من كثر البكي وقلت الأكل صرت أرجع دم قام يبسق بوجهي كله كوم و كلامه الجارح شي خيالي ما يخطر يقوله مسلم ليهودي يقول لي إنتي حماره غصبا عنك يقول روحي بيت أبوك خلي أبوك يطلقك مني و يرسم لك حياة جديده وهو يضحك هذا كله بس لو أنا أفتح فمي بمتى بيرجع قلبك - أو ليش إنت تسوي كذا صج صار ما ياكل من طباخي و لا يبيني أغسل هدومه بس أنا أغسلها لكن في نفس الوقت يبيني أغسل الصحون اللي يتركها بعد ما ياكل ما عندي مانع بس ما فرقت ما بتاكل من أكلي و لا تبني أخدمك غسل صحونك بعد و لا ترمي أوراق في كل مكان و لا ترمي ملابسك ....الخ هذا الكلام أنا قلته له قام __ يقول لي كيفي أنا حر إنتي خدامه بكيفي يا ناس أصبر عليه على الرغم إن أنا عصبيتي معظمها أكبتها وأحاول أطنشه بس ألم بداخلي ذابحني و مأثر على صحتي و شكلي __ أو أروح بيت أبوي و أترك عياله عنده يمكن ينصدم ويعقل (أهله ماراح يساعدوه في عياله أنا أخذت رايهم في المووضوع عنده 8 خوات ولا وحده فيهم قالت لي إنها مستعده تستقبل عيالي كل وحده قالت لي فيهم و أمه بعد قالت محد مسؤوول عن عيال أحد ) رايكم يا أهل الخير و اللي ما فهم شي يسألني أنا سمعت كلامكم و صبرت بس هو تمادى بالغلط وثقتي فيه معدومه ولا أمل إني أوثق فيه |
ياحبيبتي الارملة السوداء..
ربي يعوض صبرك خير ان شاء الله،، واعلمي انه ابتلاء حبيبتي وربي يصبرك ويؤجرك في مصيبتك والله شوفي لو انا مكانك بتركه ولا اتأسف عليه واخلي عنده الاولاد خليه يتأدب ويتربى خاصة انه لا احد من اهله سوف يأخدهم عنده .. وكذلك عند ارجاعك ضعي شروط انه ممنوع الكلام البذيء وولا الاهانات ولازم الاحترام يكون سائد.. |
الشرهه مو عليه على الحريم اللي ببيت أهلك ما فيه رجال يوقفه عند حده روحي لبيت أهلك وأطلبي الطلاق اذا أنتي تبغينه وأشتكيه في المحكمة هو وكل من يوقف معه بالغلط من ضباط والا غيره الحريم ما طلعوا من بيت أهاليهم على يستعبدهم هالحقير وأمثاله أما إمساك بالمعروف أو تسريح باحسان ........ واذا ما تبين الطلاق فاصبري وأدعي ربك وأدخلي ناس بالموضوع لهم مكانه ومقدار عند هالحقير يصلحون أخلاقه ويعدلونها ......
|
حبيبتي من متا متزوجه؟؟؟بينكم عشره؟؟؟كم عندك اولاد وكم اعمارهم يعني صغار ؟؟
اختي العيشه مع هالزوج لاتطااااااق قمة الاهاااانه والاذلال ... زوجك من زمان كذا اسلوبه ولا تغير فجأه؟؟؟؟ صراحه اول مره اقرأ لك مشكله مو فاهمه بصراحه..... الله يصبرك ويعينك ويلهمك رشدك ... |
رحال 55 كلامك صحيح
بس هو من جد شايف حاله إنه محد أكبر منه و الله إذا على قول لك حريم ببيت أهلي و ما فيه رجال هذا الكلام اللي من جد هو فاهمه و مخليه يدوسني أكثر بس هذا طبع أبوي جدا مسالم مع الغير و أخواني أخاف عليهم منه و أنا كبيرة أخواني و كلهم مراهقين لسه تفكيرهم لا يعتمد عليه يعني حتى لو أستنجدت فيهم مره واحد من أخواني طقه برد قلبي فيه أخاف يرجع يطقه و يعوره ويروح أخوي فيها أنا محتاره أتطلق أو أظل تحت رحمته اللي ما منها أمل ساعدوني ولا أروح بيت أبوي و أخلي العيال عنده أخاف أدخل ناس (عمي _ ولا أخوه _ ولا حتى شيخ ) لأنه مستعد بحقارته و دنائته يسبهم و يرفع صوته عليهم و لسانه مره قذر ساعت اقول بوح اشتكيه بالشرطه بس أنا بنت عايله و أخاف على سمعتهم لا بكره يقولو بنت فلات اشتكت على زوجها بالشرطه .. |
أختي
تبغي تعيشي معاه ؟؟؟؟ ( اعتبريه ميت ، اعتبري إنه زوجك ميت ، إنه مجرد شخص يجيب الأكل و المصاريف ، أنسييييييييييييييييه ، لا تحرقي أعصابك عليه ، لا تناقشيه ، لا تعاتبيه ، طنشيه ، دام أبوك سلبي بالشكل هذا فهو الصراحة مستقل من قدرك و قدر أهلك ، و أخوانك الله يطول بأعمارهم و يخليهم لك لا تدخليهم بالمشاكل لإنه هذا شخص ما يخاف ربه ، أطفالك ربيهم ، راعي نفسياتهم ، زوجك اعتبريه مات ) هذا إنسان مستحيل تغير ، يا تعيشي كذا .. أو .. إذا تبغي تطلقي ( لا تقولي أأدبه ، هذا ما راح يحسب لك حساب من بعد ما طول لسانه على أبوك و سكت له ) خذي أطفالك و الله يكفيكم شره |
على فكرة
لاحظت إنك كثير تناقشيه و تجادليه ، يا شيخة هذا ما ينفع معه النقاش و النقاش يزيده اكثر |
ابسالك امانه وقولي الصراحه
هل بينكم شي قديما واهنتيه وتركك يوم جاءت ساعة الصفر انتقم اذا كان لا ((اقول الحمدالله انه ما يمد ايده عليك فاعتبر فيه رجاء واعتقد انه كان اول طيب لكن ياما ظروف نفسيه او ماليه او اشياء اخرى لا نعلمها)) المهم بما أنه ما يمد ايده عليك -التزمي الصمت -- ان سلم ردي السلام وان سكت اسكتي -ان طلب منكي شي نفذيه بأسرع وقت -لا تعانديه ابداً -لا يجس منك بنظرات غضب -قومي بشؤنه وشؤن ابناءه وبيته -انتبهي واحذري تطلبي الطلاق منه وان جاء منه لا حول ولا قوة الا بالله ((لو امرت عبداً ان يسجد لعبد لأمرت الزوجه ان تسجد لزوجها)) |
بناتي غيروني
صار لي متزوجه 6 سنوات + سنه خطوبه لي ولدين 4 سنوات و الثاني 9 شهور اسلوبه همجي من زمااان و صوته عالي بس كان مقدور عليه ألحين زادت حالته أضعاف ولأنه أبدا محد وقف بوجهه لا بالشارع و لا بالبيت هو أفتكر إن أسلوبه يخليه محد قده و إنه فرعون زمانه أنا حاطة الرابط فوق لأول مشاركة لي |
الله يكون بعونك بس جد وضع ما ينسكت عليه اذا بتدوسين على قلبك راح يتعدل واذا ركضتي وراه راح تضيعين روحي بيت اهلك وراح ينعدل وعليك بالصدقه والاستغفار لعل الله يفرجها عليك
|
روح الطير
هذا الكلام الكل يقوله لي بس أنا لي إحتياجاتي كأنثى بقول أصبر و أحتسب الأجر عند الله بس يجي الليل و يقلب المواجع مقدر أكون حجر و لا أقدر أكون من دون إحساس صعبه الحياة إني أقتله وهو موجود يدخل و يطلع و يضحك مع أصحابه (وهو الحمد لله مو مقصر على أولادي بشيء) بس بدأ يرفع صوته على ولدي في أمور جدا تافهه هذا الحل يا روح الطير هو اللي معروض قدامي من الناس اللي استشرتهم و كنت أحاول أمشي عليه لكني بديت أتعب و صحتي تنتكس |
اقتباس:
من اللي قال ما يمد يده الا يمد يده و رجوله بعد -- الصمت هذا اللي انا من صغري ما عرفته كانت شخصيتي غير امي و ابوي و اخواني محد كان بجرأتي و فرفشتي و طلتي الكل يقول لي إنتي تاخذين حقك و الكل كان معجب بشخصيتي أنا ما كنت أرضا إن أحد يغلط علي و أظل ساكته الكل يشهد إني غير عن أبوي و أمي لكنه يوم أخذني شوي شوي موتني و قتلني بالحيا ماأعانده و لا قصرت بشؤونه لكن والله إني أحسه يتعمد و بقوه إذالالي توي أنظف المكان يجيب الورق و ينتفه و لا ياكل الأكل من غير صحن يعني عادي يقطع البرتقاله على الأرضيه ويرمي القشر عالأرض نظرات الغضب هذي اللي ماأقدر ساعات وقليل جدا إذا حسها فيني أنا نزلت عند رجله أترجا فيه يرحمني و يرحم ضعفي وحاجتي له قام رفسني حزتها كنت جدا منهاره أنا ألحين أنا ألحين يبي لي علاج أخاف إنه يطلقني بعد ما ينتهي عمري أنا توي عمري 28 سنه ممكن يطلقني بعد 10 سنين ولا 20 سنه بعدها كيف راح أبدأ حياة أنا أبي نعويض عن الحرمان اللي عشته ودي في زوجي يتعدل و يصير رجال صح لكن وش بيدي محاولاتي تعبت مني شكرا |
الله يفرج همك ويسخر لك زوجك ويبعد عنكم المشاكل
المشاكل الأسريه مصيبتها مصيبه اذا كان فيها تدخلات من اهل الزوجين ما تكون التدخلات من اهل الزوجه الا بعد ما يطفح الكيل وتكون بنتهم عندهم ببيتهم يعني اما يتعدل الزوج والا بنتنا عندنا-- يعني يكون الموضوع حاسم ((اما يتدخلون اهل الزوجه وبنتهم عند زوجها هذي هي المصيبه -- تزيد المشاكل ما تنقصها لأنه يكون في باله انه مجرد كلام عابر ماله اهميه)) ((اذا ضاقت بك الدنيا وشفتي الوضع ما ينطاق ابداً خذي ابناءك الى اهلك ودخلي العاقلين من اهلك لحل وضعكم وان ما نفعى دخلي المحكمه فيها)) -------------------------------------------------------------------------- توقعي لشخصيتك: انك حاره وسريعة الزعل وشخصيتك قويه اكثر من اللازم -- وهو ضاق من هالاسلوب وانتقم -اذا كان كذلك فعدلي اسلوبك - الزوجه تكون شخصيتها قويه على ابناءها وخارج بيتها اما امام الزوجه فتكون حنونه به ((وصدقيني الجزاء من جنس العمل)) الله يصلح شأنكم --اعذريني اختي اذ ردي جاف |
سعدون الوافي
شخصيتي قويه كانت وهذا اللي خلاه يتقدم لي و يتزوجني قوة شخصيتي لكن أنا حساسه جدا جدا -- مشكله وهو لما يعصب يقط كلام زي السم _ في الخطوبه ملكني الدنيا و عيشني في أحلام و رسم لي الحياة خيال وسعادة لكني اكتشفت انه ضعيف الشخصية - صوته هو بس اللي يخليه قوي -- ما عنده مبدأ وعوده كثيره ولا تعد ولا تحصا و كلها كذب بكذب واجد حطمني عموما انا من زمان عدلت اسلوبي ما اقول 100% لكن قول 80% لكنه لاحول ولا قوة اصحابه كثير كثير يشجعوه على (الزعاطة _ و النفخه الفارغه ) كل من وقع في مصيبه لجأ له يعني مثلا لأنه يعرف ضباط يقدر يخلي صديقاا لضابط يتصل على أي شخص ويهدده من رقم الشرطة ... الخ |
أختي الفاضلة برأيك هل الإنفصال هو الحل؟ إن كانت راحتك و إستقرارك ومتأكدة أن أولادك راح يكونوا في أيدي أمينة فهل تنفصلي؟ أنت حاولتي كثير ، ولكن واضح على زوجك أن اللي في رأسه هو اللي يمشي ولذلك ما منك خطأ و إنما من زوجك الجاهل حاولي تبتعدي عند أهلك فترة حتى ترتاحي وبدون ما تتواصلي معه ، ولعل الله يهدي قلبه للخير ، و إلا الله يصرفه عنك ويعوضك بأحسن منه |
تقدرين تاخذين عيالك وتروحين بيت اهلك وتخلعيه والا هو يطلقك؟
اذا ايه وش منتظره عارفه ليه اقول طلاق لأن زي هذا بيموتك بالحياه زي هذا ماينعاش معاه على ايش جالسه ؟ سمعت شيخ نسيت من هو يقول الرجل البذيء لا يعاش معه ولو انه كريم و سخي ناجح عمليا لا يعاش معه الرجل الذي يمد يده على اهله هذا لا يستحق زوجه واللي تعز نفسها تطلع من عنده ممكن تكتبين لنا فوايد جلستك معاه؟ بجد انتظر اجابه |
حياك أخ عبد العزيز لكن الإنفصال له مساوء كثيره و انت اخبر بمجتمعنا غير إن أبوي تقاعد و جلس بالبيت يعني -- كثر ما زوجي ما يخاف ربه و همجي كثر ماأبوي يدقق في تفاصيل أمورنا تلفون جوال طلعه لبس انترنت يحاسب حتى على دخلة الحمام و انتو الكرامة مو بعد جالس بالبيت و ما عنده شغل
و الله شر البلية ما يضحك -- أبوي هو اللي وصلني لأختيار زوج زي كذا مو وقت هالكلام من جد ابوي مصلي صايم و ما يخلي صلاة الليل لكن كل شي عنده حرام و ما يصير ما يحب لا انا ولا أخواني نختلط بأحد ولا نكون صداقات ولو عرف إن عندي صديقه يضرب بووز و يمكن يعطينا محاضره مهما كانت الصديقه قريبه ولا بعيده مدامه ما يعرفهم معناها انهم ناس مش كويسين ولو قلنا له تعرف عالناس تعال معنا تعرف عالخلق يرفض هذا ابوي قصة لحاله -- لسه عايش بالعصر الحجري قبل يومين كان يقول انه راح يقطع النت من بيتهم .... لأنه ما منه فايده على حسب كلامه .. و التلفون على طوول بس استقبال ..هههههههههههه ... و يمكن الأرقام مقفله عشان لحد يسوي اتصال ابوي ما يعجبه شي أبدا .. يمكن يدفع مليون عشان يخلنيني أدرس لكن مستعد يدفع مليونين عشان ماأتوظف .. المرأة عند أبوي للبيت و بس آه يا قلي .. عشان كذا كنت أرفض أي مخلوق يتقدم لي و فيه بس حركة وحده من أبوي.. لحد ما ربي بلاني ... حياتي فيلم .. طيب أخ عبد العزيز لو أنا رحت بيت ابوي واضح انه مره بينبسط لكني أنا افكر اترك الأولاد عنده وش رايك و غيره أنا من قبل اسبوع قلت له خلاص انا رايحه بيت ابوي و الأولاد خلهم عندك ماابي اي صلة فيك ما عارض ولا سوا شي لكن يوم جيت اطلع قمت ابكي وكان اخوي يستناني بس اقول له يطلع يشيل الأغراض قال لي خلاص أنا آسف و راح أتغير أنا ما صدقت وجلست (غبية) على الرغم اني جهزت أغراضي كلهاااا و لا بقيت على شي لي الا و شلته و خليت أغراضي اسبوع بالشنط وتوي قبل يوم رديتهم مكانهم يقول لي البارح انا من شفتك رديتي أغراضك مكانهم تشائمت وضاقت بي الدنيا ... زيادة في الإهانات .. ادري كلامي مو مترابط بس استيعابي هاليومين و كلامي مره ملخبط من قلة النوم و التفكير |
مشكلتي أصدق
سؤالك يجنن وش الفايده من جلستي معه ؟؟؟ بكون صريحه يمكن أحتاجه بس ألحين هو ما منه فايده لكن مو حبا فيه لأن قلبي وعيوني صارو يشوفوه قبيح جدا غير كذا أنا لو رحت بيت ابوي زي ما ذكرت فوق إن هناك سجن بكل معنا الكلمه و حصار و مراقبة تكرهك عمرك أنا لو أروح يوم بيت أبوي أطلع مررره متنكده والله لو تشوفيني و أنا رايحه بيت أبوي تقولي إني رايحه لعزا اللبس ألوان غامقة و طويل و ساتر من فوق لتحت طيب مو مشكله لكن و الله لو جلست أطالع التلفزيون تقوم الدنيا يتحرطم (يقول إنتي ما عندك شغل قابلي أولادك بدال هالخرابيط ) أسطوانات تنعاد و تزيد كل يوم غير كذا أنا ببيت زوجي أطلع أشوف صديقاتي أكلمهم بالتلفون عندي وقت فراغ ممكن أسترخي فيه بالذات إذا زوجي بالعمل أحس إني عايشه لنفسي لكن لو رحت بيت أبوي بمتنع عن كل شي ولو مثلا فكرت أشبك نت أو أكلم صديقه ولا أفكر أطلع صالون بيكون كله من ورا أبوي تحاشيا للتعليقات مدري كلامي غبي ولا أنا غبيه المشكله لما أوقف بوجه أبوي و أقول له إنت غلط وحرام عليك يزعل و يتعب ووووو يمرض أف عيشه تقصر العمر أبوي يحبني و يحب أولادي لكن حبه غريب و تحجره أغرب لكن أبوي ما ذلني و لا أهاني و لا حرمني من حنانه عالعكس أبوي دايما يسمعني كلام حلو و يصبح علي بدندنه و يمسيني و دايما يقول لي أنا أحبك يبا و أخاف عليك بس وش أسوي بتحجره ؟؟أنا بنت حتى أخواني الصبيان يعانو منه ما يخالف أنتظر آرائكم |
والله يختي غلقة ابوك وتحجره ولا جنون عظمة زوجك وظلمه
وارجع واكرر .. اذا تقدرين تاخذين عيالك وش منتظره؟ وين امك؟ |
أختي
أبوك اللي بيعمله طبيعي جدا ، أي واحد كبير في السن ، كذا بيعمل و خاصة الرجال إذا جلس في البيت يعني بإختصار ، أبوك يحب ينتقد كل شئ ، يبغى يتدخل في كل شئ ، إلخ و زوجك متسلط و فيه العيوب اللي قلتيها علشان كذا قلت لك ، تتخيليه ميت ، عيشي لنفسك و لأطفالك لا تعبريه ، لا تاخدي و تعطي معاه ، خلاص أنسيه ، ما كأنه موجود أبغاك توصلي لمرحلة مع نفسك ( إنه و لاشئ ) عشان صحتك ، عشان نفسيتك ، عشان أطفالك ؟؟؟؟؟؟ أعطيه حقوقه ، لكن اعتبريه ( جدار ) عشان راحة نفسك |
و نقطة بأضيفها ، أتوقع إنك بينتي لزوجك إنك يوم تروحي لأهلك كذا بتملي و تطفشي
و أتوقع - و الله أعلم - إنك قدام زوجك بينتي عيوب أبوك و أهلك ، و هذا اللي خلاه ما يعطيهم قيمة و مقدار زوجك تبغيه يتغير ؟ الجواب : ما راح يتغير أبدا ، و لا تصدقي وعوده و لاشئ الحل : غيري من نفسك ، يا ستي أشغلي حالك مع أطفالك ، خلي أطفالك هم اهتمامك الأول و الأخير ، زوجك انسيه ، لا تفكري فيه ، غيري نظام حياتك عشان ترتاحي |
والله يا أختي أشوف أنك مترددة بين نار زوجك وبئر والدك ، ولذلك كأنك تقولي أصبر مع زوجي على أني أجلس في بيت أبوي مقيدة الحرية ولذلك إصبري و ليكن إهتمامك بأطفالك أكثر ، ولاتهتمي بزوجك ، وصدقيني مع الوقت راح يجئ يجري وراك خليك رسمية ولا تكوني عاطفية وحساسة بزيادة ، لأنه واضح عليك رقة القلب أنت قيسي بالإيجابيات والسلبيات بين بقائك عند زوجك أو ذهابك لأهلك من ناحيتك ، ومن ناحية الأطفال و إستقرارهم وبعدها إبدأي بما يترجح عندك و نصيحتي لك أن تقدمي إستشارة خاصة هنا في المنتدى في قسم الإستشارات ليساعدوك وتسمعي رأيهم مع آراء الأعضاء هنا |
حبيبتي ماقد سمعتي بشي اسمه طلاااااق؟؟؟؟
تطلقي وانتهينااااا يعني ربي حلل الطلاق ليكون رااحه بين الطرفين!!!! مدري وشلون ساااكته على نفسك كذااا!!! نفسك عليك حق لمتى المذله؟ الله المستعان بس |
عزيزتي اعانك الله على ماابتلاك كنت سانصحك بالطلاق لكن يبدو ان هذا الراي لاتميلين اليه
سانصحك بامور طبقيها واخبرينا بالنتيجة اولا ايتها الغالية اصلحي مايبنك وبين الله حتى يصلح مابينك ويبن زوجك حافظي على الصلوات في اوقاتها قومي الليل ولو بركعتين اقراي البقرة فاخذها بركة وتركها حسرة تصدقي ولو بريال فقليل دائم خير من كثير منقطع صومي الاثنين والخميس الزمي الاستغفار اشغلي نفسك باولادك و قومي بواجباتك كاملة وكوني في احسن هيئة التزمي الصمت تماما ان اهانك انظري اليه نظرة قوية واعطيه ظهرك وامشي المكان الذي يجلس فيه قومي منه فورا حتى لايستفزك بكلامه لاتظهري له ضعفك ابدا كوني قوية عودي كما كنتي قوية ولكن بلا انفعال وطولة لسان لاتنهاري ابدا امامه لماذا ترتمي في حضنه ولا عند رجليه ماهذا الذل اسمحيلي ان لم تعزي نفسك وتقدريها لن يقدرك احدا اعلم واحس فيك وادرك معاناتك ولكن تحملي عندما تريدي ان تنهاري او احسست يضعف فانطرحي بين يدي الله عزوجل فهو الرحيم الرحمن هو من سينصرك فابكي بين يديه سبحانه ماخاب من ساله لاتضعي له هيلمان وتظني انه قادر على الحاق الضرر بك اوباخوتك فهذا الشيء يزيد من نرجسيته انت في بلد يحكمها قانون وليست الامور بالفوضى التي تتصورين لانك من خوفك على اخوتك اوصلتي له شعور بانه ذو سلطة ويستطيع ان يدمرك ويؤذي اهلك واخيرا عزيزتي استخيري في امر الطلاق ووازني بين الايجابيات والسلبيات وااعيد انشغلي في هذه الفترة بنفسك واعيدي ترميم ذاتك وعودي الى قوتك فزوجك تزوجك لقوة شخصيتك ولكنك ضعفتي فكرهك زوجك محتاج الى زوجة تقف في وجهه لا زوجة ترتمي عند اقدامه عودي قوية ارجوك اتمنى ان اسمع منك اخبارا طيبة |
الصبر يااختي فالمؤمن مبتلى سواء في نفسه او في زوجه او اي امر من امور الدنيا لكي يختبر الله سبحانه وتعالى قوة ايمانه وصبره عليكي بالدعاء وقيام الليل والصدقة واتمنى ان سمع منكي ردا مفرحا لمشكلتك 0
|
هذا انسان مريض وعنده عقدة نقص وفي ناس ظالمينه بس موقادر يفش حرته فيهم ومطلعها فيك
واعتقد هو من الناس الي كل مالصقتي فيه ابتعد الحل عيشي لاولادك واعتبري نفسك ارملة فعلا ولا تعتبري نفسك شغالة بس اعتبريه هو زائد على البيت واخدميه زي ماتخدمي أي واحد ماله قيمة وتنتظري اليوم الي فيه يموت او يتعدل...وانوي الأجر بس ابدا لاتفكري ترمي حالك عليه...انت اعلى من كذا بععععععععععدي عنه قد ماتقدري اعتقد بعدها بصير يلاحقك أما بشر أو بخير ، وبزيادة مضاعفة وبعدين يشوف مافي فايدة ويبدأ يغير استراتيجيات فش الخلق اهم شي انت بطلي زن عليه ورمي نفسك تحت رجله من جد مايستاهل ..مافيه خير لأمه بيكون لك؟؟؟؟ شوفي عيالك ونفسك قومي ارجعي انثى لنفسك ولاولادك واجعلي لك هدف تحققيه معهم ومع نفسك لاتقعدي فاضية لو قعدت فاضية بتقعدي طول الوقت تلومي حظك وعز نفسك تجدها ولو لقيتي نفسك واهتمامتك ..واعطيتي نفسك قدرها ..واتقربتي الى الله غصب عنه بيكبرك حتى لو بنفسه لانه بعيد عن الله ..وقد مايكابر الا مايحترم هذا الشي صفي نيتك ولاتخلي له فيها نصيب والله يفرج همك |
ما بعرف اختي اللي في مثل وضعك من وين بتجيب الصبر ؟؟ .. نفسي الرجال اللي بقولو المرأة ما لها تعليم ولا عمل يجو ويشوفو وضعك .. زوج ظالم وأهل سلبيين ... شو تعمل المخلوقة ؟؟
تسكت وتستحمل .. ربنا ما رضي بالظلم .. واللي ما بحارب الظلم بيكون اذنب بحق نفسه ودينه ومجتمعه !!! ليش دايما المطلوب من المرأة تكون سلبية ومتهاونة ؟؟؟ ، ليش بنتبنى كل الوسائل اللي بتمنع عن المرأة خيارات بحياتها وبنربطها بأثقال وبنرميها ببحر الدنيا ونقولها اسبحي ؟؟؟ ... يعني شو الخيارات اللي عند اختنا ؟؟ .. معيشة بذل وهوان عند الزوج يا اما عيشة ما في الها حق فيها الا الأكل والشرب والنوم عند اهلها!! انا اسفة اختي بعرف ما عطيتك حل ، بس والله مخنوقة وما قدرت ابلع ... ما في عندي الا ادعيلك ... ربنا يهدي سرك ويرحمك برحمته الواسعة التي لا تغادر صغيرة ولا كبيرة ويلهمك الصواب...وزوجك لا تتحديه ولا عبالك ، تجاهليه تصرفي انه رجل مجنون فاقد العقل معك في البيت وتجنبي تثيريه ، انت اعرف مني انه لما الرجل ينزل من عين الست ما عادت لا تشوفه ولا تعتبره عايش من اساسه. لا حول ولا قوة الا بالله العلي العظيم ... وربنا لايبارك بالظالمين! |
جزاكم الله ألف خير و الله ما قصرتو من جد آرائكم معظمها متشابهه
و اللي راح أعمله ألحين إني راح أعتبره جدار من جد من جد يبي لي أصبر وأطنش كلامه أدعو لي ربي يعيني و يصبرني و أدعو له الله يهديه أبرجع لكم بموضوع جديد إن شاء الله أقول لكم فيه إني مبسوطه قولو يارب أشكركم جميعا و الله يوفقكم و يساعدكم على تقديم الخير |
الله يكــــــون في عونك و يسر لك امورك .. آآآمــــــــين .. |
الصبر ثم الصبر
شوفي اختي بارك الله فيك ممكن فيه سبب وهو ممكن الرجال مدمن او عنده مرض نفسي او احد مشوه ضورتك عنده ..................بس شوفي قومي بجميع حقوقه بدون تقصير اوكيه ثم لاتكلمينه مو احقريه لا اذا طلب منك شي قولي انشالله او حاظر بس بدون ماتبينين انك حاقده عليه من تصرفاته وخليك طبيعية
تراء اي رجال يهاب الزوجة الثقيلة ممكن انه راح يسوي معك حركات استفزاز طنشي وشوفي اختي خليه دايم يشوفك وانتي ماسكه القران وقومي وصلي صلات قيام اليل وطلبي من الله انه يفرج لك همك والله ياختي راح تفرج معك وذا طول الموضوع وشفتي مافي فايده روحي لهلك وقولي له كلمتين ياولد الناس انا انسانه مومنه بالله واحبك بس انت ماتبيني وانا حبيتك بس انت اللي ماتبيني وعند رب العالمين نتخاصم وروحي صدقيني بعد فتره بيحاسب نفسه ويعرف انه قلطان بيقول ام عيالي تبيني بس ماتصرفت صح وحاولي ونتي عند اهلك لاتراسلينه ولاتكلمينه ابد حتاء اذا شي ضروري وبنسباء لخوك والشرطه محنا بغاباء وطلب من الله العزيز الحكيم انه يفرج همك ويكثر من امثالك ويرزقك الجنة امين |
ضعفك ثم ضعفك ثم ضعفك ما جعله يتمادى ويتمادى بصراحة ارتفع ضغطي ليش تتحملي كل هالاهانات وعشان ايش شو ناقصك واحكيلك لو ناقصك ايد واجر ما لازم تهون عليكي حالك زعلتيني منك وكوني امرأة قوية وذكية يا حبيبتي في زوجات عاشت الي عشتي واكتر وما عندها حدا تلجألو وتركت الجمل بما حمل وانتي ليش صابرة
رح يتغير رح يرجع متل اول رح يرجع يبوس راسك ويحكيلك سامحيني رح يحطك تاج على راسو اصحي اصحي يا حبيبتي عز نفسك تجدها عاملي حالك كملكة اسمعي حبيبتي صلي استخارة والي كاتبو رب العالمين رح يصير واكيد ربنا ما برضى بهاي الحال وانفذي بجلدك انت وولادك حرام يتربو بهيك نفسية لا تزعلي مني بس انا ارفض المأة الضعيفة كوني انثى وذكية |
اختي لو صبرتي الحين واهانك وقال روحي لاهلك ومن هالكلام او انه صابر عليك .. قومي بدون كلام وجهزي اغراضك وكل ملابسك وحطيهم بالشنطة قدامه وانتي ساكته ولاتردين عليه ولا بحرف واحد ولاتناقشينه مهما قال ..
اذا خلصتي رتبتي اغراضك .. دقي على اخوك خليه يجي ياخذك .. وخلي عيالك عنده ولاتبيني انك متعلقه فيهم سوي كانه عادي عندك ... صدقيني عشان مايمسكهم نقطة ضعف لك .. بعدين انزلي ولاتعبرينه بيموت من صمتك وقوتك ..! روحي بيتكم وقفلي جوالك وعلمي اهلك بكلل شيء... خليه يولي لاجاء الليل شوفي جوالك جاته رسايل ولا مكالمات وطمنينا .. بعدين قفليه علطووووووووووول احرقي دمه .. لازم يعرف قدره .. |
كيف تترك أطفالها عنده عشان تقهره ؟؟؟
ما يصير نستخدم الأطفال كسلاح ،، و الله ما يصير كذا ؟؟؟؟؟؟ : ( |
غصبا عني ... تركت البيت و الأولاد ... كنت مريضة و حالتي حالة وهو شايف حالتي ... لكنه مارحمني ..كل كلامه لي استحقار و اهانات و مذلة .. قلت له أنا تعبانه مو ناقصة ألحين تجريحك .... قام أخذني من راسي و بالجدار...
ويقول إنتي ما منك فايده خلي العيال وروحي بيت أبوك من جد سويتها أخذت بعضي و أغراضي كلها بساعه لميتهم .. وجاني اخوي أخذني ... صار له هالكلام 3 أيام ولدي الصغير عمره أقل من 9 شهور تركته مريض أنا قلبي رايح كله صوبه .. بعد يوم واحد من طلعتي أرسل لي مسج وسائط مسجل صوت البيبي يبكي .. صبرت حالي وقلت عادي يبكي وفي نفس اليوم اتصلت علي أخته تقول لي حرام عليك عيالك وبالذات الصغير ... قلت لها هذا اللي يبيه أخوك ... قالت لي أخوي ما يعرف يسوي معه شي .. طيب هو قال روحي بيت أبوك وفي مين يراعيهم .. إذا كنتي انتي بتراعيهم جزاك خير .. سألتها أخوك قال لك ليش أنا تركته قالت لي أن الكل سأله بس ما جاوب .. علمتها على بعض الأمور ووكانت مره مصدومه .. قلت لها إذا أخوك يبي يقول شي عنده أبوي بعدها ب10 دفايق اتصل على أبوي و قال إنه يبي يجيب الصغير قال له أبوي عادي إذا مو قادر عليهم جيب الإثنين مع بعض لكن إذا جبتهم لا عاد تورينا خلقتك مره ثانيه ... طبعا هالكلام أنا اللي منقلته أبوي عشان يقوله له قام غلط على أبوي مدري وش قال له بس لأول مره أسمع أبوي يقول لأحد يا حقير و قال له أبوي جيب رجال نتفاهم معه قفل الخط ..خلاص سألت أبوي وش قال لك خلاك تقول له يا حقير قال ما عليك لا تاخذي ببالك زوجك جاهل .............................. اليوم اللي بعده أتصلت أنا على اخت زوجي و سألتها عن العيال قالت انها مو معهم ما تقدر تجلس معهم 24 ساعه (على الرغم انها بنت و ما عندها شغل ) حسيت من كلامها انها حقدت على اخوها و قالت لي محد راح يساعده الا بالضروري مره عشان الصغير .. لحد يقول العيال مالهم ذنب لأنه العيال بعد كانو يشوفو امهم تنضرب و تنهان نسيت اقول انه زوجي ما عنده احد يحنرمه او يعمل له حساب لا اخوه ولا ابوه و لا عمه و لا خاله ولا احد ....) عشان كذا انا حطيت عيالي بهالموقف لأنه يحبهم ويمكن يعمل لهم حساب انا قلبي احسه ساعات فاضي فيني خوف من بكره وش بيكون .. اعطوني رايكم و بعدين بكمل معكم وش اللي صار |
من خلال كلامك ما أقول إلا إصبري ، وواضح أن زوجك يظن أنه هو الكل في الكل ، ولذلك لا أظن أن طريقتك معه راح تفيد طالما أنه مو قد المسؤولية تجاهك وتجاه أهله وأهلك ، ولذلك ليكن طفلك الصغير بجوارك رحمة به لا من أجل زوج جاهل ، وما دام أنه كل مرة ما يعدل من حاله فأعتبري هذه المرة هي فترة راحة وتفكير لك وله ، وبعد أيام لو كان رجل راح يجئ عندكم ويبين كل شئ ويعتذر عما بدر منه البنات مو لعبة في أيدي من لايخاف الله ، وهن معززات مكرمات عند أهلهن وعند أزواج يستحقونهن والله المستعان |
كملي وش صار اختي؟؟
اتوقع زوجك بيتوهق مع الصغير تبديل حفاظات ورضاعات وحالته حاله وبنفس الوقت رح يتعلق بعياله اكثر ويحس بمسؤوليتك وقيمتك ... اصبري وولا تعطينه وجه بس اذا قال بجيبه اخذوه منه .. وطمنيني وش سويتي بعد |
والله قصتك بتحير ... بس الاولاد شو ذنبهم ؟؟؟ .. ما في حل مؤقت يكونو اولادك معك حتى ما توصلوا لنتيجة بخلافكم ؟؟
الله يهدي زوجك ويهديكي ويوفقكم .. الاولاد كاسرين خاطري !! |
ابصبر يا أخ عبد العزيز و جزاك الله ألف خير
maimai ووش ذنبي أناو الأولاد كذا كذا راح يتعبو ولو جو عندي أكيد انه كل يوم بيجي مشكله وسالفه عشان يشوفهم ولو قلت له يلنزم بجدول او وقت معين ماراح ياتزم ويسوي المشاكل الملاك يونا راح اكمل البارح اتصل علي عم الأولاد يبي يعرف اللي صاير قلت له باللي صاير بإختصار قال لي طيب ألحين أجيب لك الصغير قلت له لا تجيبه ابي أولادي إثنينهم مع بعض غير كذا ما عندي و إن جوني لا عاد يوقف عند باب بيت ابوي ... و فهمته طبعا إني أسوي كذا لأني ماابي اعرض ابوي و اخواني لمشاكل وافقني اخوه الكلام ورد اتصل علي الصبح اليوم قال لي انه وافق يجيب الأولاد اثنينهم بيجيبهم و يبي يشوفهم يوم ويوم لا قلت له خلني أفكر 3 أيام بالموضوع و يبلغ اخوه هالكلام المشكلة اني مستحيل اوافق انه يجي يوم ويوم لا يشوف الأولاد كذا معناها اني سهلت عليه اموره و اللي يبيه صار و ما فرقت معه طبعا العيال عند جدتهم اتصلت عليها و اطمنت عليهم الحمد لله الحمد لله اني مررره ارتحت يوم سمعت صوت الصغير يضحك و الكبير يلعب و مسوي اجواء خطيره ببيت جدته .. قالت لي أم زوجي انها تكلمت معه الصبح و قالت العيال مالهم غير أمهم قال لها انه بيتزوج علي ... قالت له ان العيال ما تربيهم غير امهم ومحد يربي عيال غيره هم عند جدتهم لأنه هو اليوم أول يوم دوام اله بعد اجازة استمرت 36 يوم ما يوم ارتحنا فيهم وبكره هو اجازته الأسبوعية يوم الجمعه بيرجد السبت الدوام و بيطر انه يحط الأولاد عند جدتهم (أمه وخواته ابدا ما تعجبهم تصرفاته في نفس الوقت ماراح يوقفو معاي ابدا ضده ) لكن أنا خايفه يوقفو معاه ضدي على الرغم اني فهمتهم وش اللي صاير و استنكرو جدا الوضع لكن مدري وش اللي بقلبهم دعائكم أحبائي وآرائكم والأهم نصائحكم |
موقفك طيب ولكنك بحاجة للصبر ، والأفضل يكون أطفالك عندك ، أما هو فمتى ما عدل من حاله يرجع لك ، لأن ما عليك قصور أبد في حقه ، و إنما هو المقصر |
الله يقويكي وتحصلي حقك من زوجك ويهديه لطريق الصواب ، اهم شي الاولاد معك ... لا تصدقي حد بيسد مكانك .. عنا مثل دارج بيقول ( حط ابنك بكمك ولا تعطيه لأمك) .. ما حد بيسد مكان الأم ، الله يقدرك على تربيتهم ويهدي زوجك ويرده لبيته واولاده.
|
| الساعة الآن 03:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©