|
سنة ونصف وأنا أنتظر خطبة تتم بشكل رسمي. (المستجدات في الرد 43)
السلام عليكم ورحمة الله وبركاته انا فتاة تقدم لي شخص قبل حوالي سنة ونص وتمت الموافقة ولكن الى الان لم تتم الخطوبة بشكل رسمي يعني حتى النظرة الشرعية لم تتم بعد فقط فلان يبي فلانة وهي موافقة الى الان لم يتقدم بشكل رسمي انا تعبت من كثر الانتظار سنة ونص وانا انتظر خطبة تتم بشكل رسمي والله استحي من سؤال الناس لي انت مخطوبة والا لا سؤالي هل انتظر والا انهي هالخطبة الغير مكتملة لاني مليت من انتظار شي مجهول افيدوني جزاكم الله خير عمري يمشي وانا منتظرة
|
وعليكم السلام ورحمة الله وبركاته
طيب يااختي الموضوع هذا بيد أهلك مو بيدك ....وين أهلك؟ وكم عمرك علشان تقولي العمر بيمشي؟ لأن فيه كثير كده خلاص يحجزوا فلان لفلانة وإذا وافقوا يروحوا يكملوا بناء مستقبلهم وبعد مايكون نفسه يرجع يسوي خطوبة رسمية . اسألي أهلك عن الموضوع. |
والله يا اختي انا معك مافي اكره من الانتظار ..خصوصا وضعك زي المعلقه لا هي بالارض ولا هي بالسما...
بس انتي كيف شايفه اهله..؟؟!! يعني بيجوا عندكم...هل تم فتح الموضوع بأي شكل من الاشكال بعد ان تمت الموافقه... كيف طبيعة الخطبه عندكم في مجتمعك..؟؟ يعني مثلا احنا بين الاهل...نتم مخطوبات سنه او ثلاث (خصوصا اذا كانت لسى بتدرس وما كملت)بدون إي إثبات او ورق..مجرد ما يجوا ويطلبوا وتتم الموافقه تظل البنت محجوزه...الى ان تتم دراستها..؟؟ السؤال لكِ الان؟؟؟ إنت مخلصه تعليمك..يعني احتمال يكونوا منتظرين تخلصي ويتقدموا رسميا.. موفقه إن شااء الله...والله يفرجها عليكِ.. |
انا مخلصة تعليمي الجامعي لي سنتين وبالنسبة لاهلي الموضوع من جهتهم منتهي لانه مافي خطوبة بشكل رسمي اما اهله فهم في مدينة ثانية وانا مليت من انتظار المجهول يعني ياتتم هالخطبة يا تنتهي لاني بصراحة تعبت وفكرت انا انهيها وارتاح بس مترددة كل يوم اقول الي بعده لاني مخطوبة رسمي ولا اني مرتاحة من التفكير بكل وضوح صدقتي احس وضعي زي المعلقة ارشدوني مالي غيركم وشكرا لك الي ردوا
|
طيب حبيبتي لا سمح الله ممكن صرفوا نظر .. لازم أهلك يسألوا عشان ما تتعطلين بسببهم ! |
حبيبتي الله يلوم اللي يلومك
من جد الانتظار صعب وكلام الناس يقهر انا خمسه شهور بس مخطوبه وطفشت وتعبت من الانتظار عاد كيف انتي الله يقرب لك البعيد كلمي اخوك تحسيه معاك متفهم وقوليله وش صار كلمهم ليش ما جو يبون ولالا ولا عشان لا يوقفون نصيبك لازم ابوك او اي احد يتكلم امك لامه مثلا ويقول وش صار ما تلاحظون طولتوا البنت يمكن يجي نصيبها وماندري وش نقول للناس مخطوبه ولا لا انتم ماسكينها ولا لا انتي مابيدك شي خلي اهلك يتكلمون وبالتوفيق يالغاليه |
. . عزيزــتي ~ اســآل الله العلي القديـر أن يريــح بـآلك ~ واييسر لــك أمورج كلهـآ ~ الي فهمتـه من كلآمـك ،ـ . انتي مخلصــة الدرآسـه الجامعيـة ،/ درآستــك ليست عـآئق يمنـع اتمـآم الخطبـة ~ أهلـك وأهله ،ـ تم الكلآم من بينهـم وصـآرت الخطبـه شبه رسميـة ولكنهـم سكتـوا عنهـآ وبالتـآلي صـآر في ريبـه وشك ،ـ . وهنـآ ينقصنـآ أن نعـرف اكثر قبل أن نــرد عليـك ~ موقفـه هو نفســه ~ عمـره ~ هل هو موظـف ؟ بمعنـى امكـآنيته للـزوآج كيف ؟! موقف أهلك ،ـ سنـة ونـص أكيد تحدد لــك رأيهم في المـوضوع ~ . معرفتنـآ للوضـع كـآمل بيقدرنـآ على الرد بالردود الكـآفيه إن شـآء الله ~ دمـت بود عزيزتـي ~ . . |
انتظر المزيد من الردود جزاكم الله خير انصحوني هل استمر في انتظار المجهول ام انهي الموضوع للعلم هو موظف ولايوجد اي عذر لهم في التاخير
|
شوفي اختي نصيحتي لك اذا جاك واحد ثاني كفؤ اقبلي به و أبلغي من خطبوك سابقاً بالرفض ... يعني خليك على حالك الحين خاصه انه ماصار فيه رؤيه شرعيه اذا تمموا الموضوع كان بها ما تمموا وبقوا ساكتين لك الحق بقبول أي شخص آخر يتقدم. الله يوفقك لا تضيقين صدرك الموضوع بسيط ان شاء الله. |
كان نفسي ابدا سنة جديدة وموضوعي منتهي يا باكمال الخطبة او انهاءها ماادري ليه المماطلة والتعطيل حرام عليهم هذامو اسلوب والله احيان افكر بالانتقام بس مو من طبعي تعبت والله تعبت مالي احد اشاوره بعد الله الا انتم سنة ونص والله كثيرة على خطبة ماتمت نفسيتي تعبت وسؤال الناس زاد تعبها ريحوني دلوني انصحوني نخيتكم يا رجال ويا بنات الرجال مالي غيركم
|
اقتباس:
. . عزيزتــي ~ كرهـت الانتظـآر ،ـ لا يستطيـع أحد أن يلـومنك في مشـآعرك هذه ،ـ فهـي من وآقـع مريــر تعيشينه ~ . الآن بعد مـآ تبينت لك الصـورة كـآملة ~ مـآذآ تريدين ؟! هل هو إنسـآن به من المميزآت والصفـآت الحسنـة ما يجعلك تتمسكين به؟؟.,,! . قومـي وتوضــئي وضوءا حسنـآ ~وأقبلي إلى ربك بــ ( قلب ٍ) ضعيــف مستسلــم لله وحده ،ـ وصلي ركعتيـن ،ـ ثم انطقــي الشهادتين بيقيــن تـآم ~ . واستخيرـــي ،ـ ثم استخيــري في هذآ الشخـص ،ـ ~ وادعـي بـأن يفــرج همك هذآ وأن تتيسـر أمورك ~ ثم أهمـي بالأمـر ،ـ وتحدثـي مـع أقرب أخوآنك أو الوالد ~ واشرحـي وضعك له ~ أخبريـه بمـآ يجول في خـآطرك ~ وأفهميـهم بأنه من حقـك بأن تعرفي موقعك من الإعراب ~ . أسـأل الله العلي القدير أن يفرج همك ،ـ ويصلح لك شـأنك ،ـ وييسر لك مـآ فيه الخير الكثير ~ دمت بود ~ ( في انتظـآر المستجدآت ) ~ . . |
في نقطة يمكن نسيت اوضحها وهي المستوى التعليمي والمادي بالنسبة للتعليمي هو مو جامعي وراتبه لايتجاوز 2000 ريال في الشهر وبالنسبة للمستوى المادي لعائلتهم اقل من مستوانا بكثير ورغم هذا الفرق بيننا وافقت لكن ماادري ليه الصمت الرهيب من ناحيتهم وللمعلومية انا لا اهتم باي من المستويين التعليمي والمادي بس حبيت اوضحها لكم لكي تكتمل الصورة امامكم عاتبوني انصحوني ارشدوني انا محتارة والله بين نارين ماادري انهي الموضوع والا انتظر وبالنسبة لاهلي سبق وقلت من ناحيتهم الموضوع منتهي لانه مافي شي رسمي انا مااحب اجرح اي احد بس العمر يمشي وهم لا حس ولا خبر
|
طيب اهلو يتصلو باهلك يكلموهم يسالو عنك
او تسألو عنهم انتي مخطوبه لسراب والله اعلم متى يعود انتي قولي انك تريدي ان تنهيها وتشوفي ردة الفعل عندهم اذا يبغوكي والله يسرعو بالموضوع الله يكتب لك الخير |
عزيزتي بالفعل شئ مزعج الانتظار خصوصا حالتك يعني معلقة وسنة ونصف ليست بالفترة القصيرة
اعتقد وبرايي الموضوع بايد اهلك هم اللي لازم يفاتحو اهل العريس بالموضوع يااما ان تتم الخطوبة او تنتهي لانه مو معقول الوضع اللي انتي بيه لااعتقد ان الموضوع مادي فكل مافي الموضوع ان تتم الخطوبة بشكل رسمي حتى يرتاح بالك لو كان زواج كان قلنا مصاريف زواج ويمكن وضعة مايسمح حاليا انتي كلمي الوالدة بالموضوع خليها تتصل عليهم يعني لازم الموضوع ينتهي الى متى اتمنى لكي التوفيق من كل قلبي |
انا كلمت امي وهي تقول مستحيل تدق هم الي المفروض يدقوا اما يتمموا او ينهوا والله معها حق كبيرة على اهلي يدقوا وبالنسبه لامي وابوي الموضوع انتهى بس انا محتاااااااارة الله يفرج همي وهم كل الي ردوا انتظر المزيد من الردود
|
يا اختي الرجال هو مستاهل كل ذا الانتظار...
انتي ذكرتي حالته الماديه ومستواه...بس ما ذكرتي شيء عن دينه..!..عن عمره..؟؟!!في احتمال قد يكون هو متخوف من اختلاف المستوى..وحابب ينسحب بس خجلان...!!<<قلت إحتمال.. وبعدين يا اختي انتي الي تحكمي...عجبك الرجال اصبري...وخلي عندك امل... ما عجبك..الله يعوضك بالي احسن منه...اذا فيه خطاب ..توكلي على الله.. |
بالنسبة لدينه واخلاقه انا ما وافقت الا بعدالسؤال عنها الكل اثنى عليه لكن الي محيرني وتاااعبني ليه الممطاله وانا قررت هالشهر اذا انتهى ومافي شي رح انسحب بسكات واتركلهم الساحة فاضية وساعتها مستحيل عاد نكون لبعض لو كان ملك منزل من السما مارح انتظره الا هالشهر وبس هذا قراري الاخير هل تايدوني؟؟؟؟؟؟؟؟؟؟؟؟؟؟؟؟؟؟؟؟؟؟
|
اخت الكريمة اسأل الله ان يفرج همك ويكتب لك مافيه خير الدنيا والآخرة بصراحة وارجوا ما تاخذي بخاطرك العتب على أبوك وأخوانك!! ليش؟ لأنهم غفلوا عن متابعة وإنهاء الموضوع بجد اذا كنتم اعطيتم الموافقه المبدأية وكملتي سنه ونص وما تقدموا فهذا يعني أنهم مو جادين في موضوع الزواج لأن لو كان فيه جديه كان اقل شيء حددو موعد او تقدموا بشكل رسمي !! ابسط شيء الخاطب مستحيل مستحيل يتحمل ويصبر يجلس خاطب هالمده بالكلام بس وما شاف خطيبته والله لو كنت ولي امر وصار هالموقف لأنهيه وما اخليه ياخذ هالوقت كله مو اختي او بنتي اللي تبقى معلقه لو كان قوة ايمانه واصله السماء اختي الكريمة برأيي الشخصي اذا كان فيه اتصال من طرفهم برغبتهم وجديدتهم في اتمام الخطبه فلازم تحديد موعد وإذا ما كان فيه اتصال او ابدأ رغبة في اتمام الموضوع فكلها كلمتين لهم الله معاكم مالكم نصيب وبعدين انتي الحمد لله فتاة جامعيه متعلمه ومن عائلة طيبه بإذن الله ومافيك اي شيء تخافي انه يكون سبب عدم تقدم احد لخطبتك ونصيحه استخيري الله سبحانه اذا كان في صبرك والإنتضار خير يهئيه ويعجل بفرجه واذا كان فيه العكس يصرفه عنك ويصرفك عنه والله بخاطري كلام كثير لأني من الناس اللي ما أئيد وبقوه طول فترة الخطوبة حتى لو كانت بشكل رسمي وزود طول مدة عقد القران لأن طول المدة يصيب الخاطب والمخطوبه بشبئه احباط وبرود ومع الوقت تقل حلاوة الايام او الشهور البسيطة الي بين الخطبة والزواج دعواتي لك بالتوفيق وإن يجعل الله لك فرج يبهج قلبك ويريح بالك |
والله يا أختي أنتِ اللي تاعبة نفسك.
بصراحة لا أفهم سبب حيرتك!! وبصراحة أكثر واعذريني .. أضحكني تساؤلكِ : هل أنهي الموضوع أم أنتظر؟!!! ناس طلبوكِ .. ووافقتم .. واختفوا دون حس ولا خبر ..... ولم يتم أي شيء رسمي .. وحتى الرؤية الشرعية لم تحدث كما تقولين ..... فأين الخطبة التي تتحدثين عنها بالضبط؟؟ .. وأين الموضوع الذي تفكرين في إنهائه؟ أساساً لا يوجد موضوع. عزيزتي.. أمامكِ أمرين .. إما أنهم لا يزالون يريدونكِ .. أو أنهم صرفوا نظر. طيب .. إن كانوا يريدونكِ فلماذا لم يتصلوا طوال السنة ونصف إذاً؟؟ الاحتمالات التي يمكن أن نفكر فيها كثيرة ..... ولكن شخصياً أعتقد أن العذر الوحيد المقبول لعدم اتصالهم بكم طوال تلك الفترة هو أن يكون العريس قد مات .. بل حتى في هذه يفترض أن يتصل أهله ليخبرونكم بأن العريس أصبح فقيد!!!! وحتى لو صرفوا نظر فيفترض أن يبلغوكم بذلك. يا أختي هناك شيء اسمه أصول وأدب واحترام في التعامل مع الناس ..... وهذا ما لا أجده في الموقف الذي تحكينه. لذلك رأيي أن لا تسألوا ولا تتصلوا ولا تتعبوا أنفسكم .. وانسي الأمر كما نسيه أهلكِ. |
ياحبيتي خلااااااااااااص لاتنتظرين شهر ولاتتعبين نفسك ماعاد يبيلها
وش هالبرود الى فيه يخليه يخطب وحده سنه ونص ولافكر يشوفها؟؟ شي مايدخل العقل يعنى لو تمت الشوفه الشرعيه اقول معاك حق تقلقين بس ماصار شي عشان تعبين نفسك بالتفكير بانسان يمكن ماهو دارى عنك ادعي ربي انه يرزقك بالزوج الصالح واصرفي نظرك عن هالموضوع وشيليه من راسك وبيني وبينك حتى لوخطبك رسمي مواصفاته الى قلتيها موذاك الزود!!! |
كل الي ردوا علي ربي يسلمكم ويسعدكم
|
مو من عادتي ارد كثير على المواضيع
لكن حالك كذا مايعجبني .. ولو ان بعض التفاصيل غايبه لكن بقول كلامي بناءا على اللي جاء بموضوعك اول شي خلينا نكون واقعيين يا اخت انتي تقولين (كبيره على اهلي يسألوهم ) !! طيب .. انتي بنتهم .. كل شي يهون لمصلحتك .. اما تجلسين كذا ؟ ماينفع يكلموهم عشانك .. الشئ الثاني خبرك بمجتمعاتنا .. فالغالب يكون الاتفاق بين الرجال .. لذلك اسألي الوالد ممكن عنده الخبر اليقين.. على قولتهم هو اللي يجيب لك العلم الوكاد الشئ الثالث بالنسبه للي يقولون (وش هالبرود .. سنه ونص ومايبي يشوف خطيبته ) عن تجربتي الشخصيه .. وعن تجارب اللي حولي اقول مادام انه ماشافهها اصلا فشيئ طبيعي لو ماجاء يشوفها لكن صدقيني لو شافها ماعاد بيقدر يصبر خخخخخخ تلاقينه يحاول يتزوج بأسرع مايمكن ويستعجل في اتمام الامور ^^ هذا كلام من الواقع اللي حولي .. وكذلك انا واحد منهم ^_^ فيا اخت .. يقولون : النار ماتحرق الا رجل واطيها اكبر متضرر من هالتعليقه هو انتي .. لذلك لازم اهلك يتحركون ويحسمون الامر عشان مصلحة بنتهم رابعا : اذا تبغين رأيي في الموضوع وتوقعي .. فهم شارينك .. لكن السبب هو تكوينه لنفسه (حسب كلامك عن وضعه المادي) الله يوفقك ويفرج همك ويجمع بينكم على خير |
الف شكر عالرد شوق والم بالنسبة للوضع المادي انا من البداية عارفته ومقدرة هالشي ووالله العظيم عشان ما يحسون بالفرق المادي قدمت تنازلااااااااااااااااااااااااااااااااااااااات كثيرة عشان ماتكون الفلوس عقبة بينا وانا مقدرة الوضع وطالما وافقت اذن اوافق علىكل شي واقبل بالوضع المادي لو كانوا ناس يقدرون كان عالاقل تمموا الخطبة رسمي انا قبل سنة الي يسالني مخطوبة اجاوب بنعم والان الي يسالني مخطوبة اجاوب لا بناء على ان الخطبة انتهت من ناحية اهلي والله الم وحسرة وقهر بقلبي لكن ما اقول الا حسبي الله ونعم الوكيل
|
أختي الكريمة الواجب على أهلك هو إنه يتفاهوا مع أهل الرجال ويحددوا موعد الشوفة والملكة والزواج .. وكل الشروط اللي راح يتفقوا عليها ..
معليش أختي ترا المشكلة مهي مشكلتك .. المشكلة مشكلة الكبار بينكم .. أنا صارت لي نفس ظروفك .. وكان الانتظار 3 سنوات .. كل ما أقول لهم نسوي الملكة يأجلوها بأعذار غير مقنعة .. المهم الحمد لله الغينا كل شي .. وخطبت وحده ثانية وكانت الفترة مابين الملكة والزواج فقط 25 يوم .. عوضت لي كل السنين اللي راحت .. |
طيب كيف الغي هالخطبة واوصلهم خبر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اهلي معتبرينها ملغييييييييييييييييية من زمااااااااااااان وانا والله تعبت ماادري انا مخطوبة والا لا فكرت الغيها بس ابي اراءكم كيف نوصلهم خبر والله نفسي اذوقهم من نفس الكاس وامرمطهم بس مو من طبعي
|
اقتباس:
اهلك معتبرينها ملغيه ياقلبي شكلوا مافي خطبه من الاساس خلاص انتهت انتي ماجاوبتي على اسئلة الاعضاء هل هم يرجعوا ويتصلوا ويبينوا انو في ارتباط والا لا لو لا يااختي انسي الموضوع من جد ياليت كل اللي يخطب من الشباب يردوا للبنت بالموافقه او الرفض موتجلس منتظره وهما صارفين النظر والا اي ظرف كان |
انا لا افهم ما مببرهم في الانتظار و عدم التقدم رسمي ؟
و لماذا لم تتصل بهم امك لتسالهم هل سيتمموا الخطبة ام لا ؟ و طالما انها مجرد خطبة فلما كان الانتظار سنة و نصف ؟ و لم انتظرتي انت سنة و نصف ؟ هل لانك تحبينه ؟ |
والله فيني ضيقة صدر يعلم بها ربي بس ادعولي ربي يعديها على خير انا قررت انهي ومحتارة في الطريقة وسبب انتظاري سنة ونص هو تقدير لحالتهم المادية بس هم ماقدروا انتظاري والله قدمت تنازلاااااااات كثيرة كله عشان مااحسسهم بفرق المستوى بس لين متى انتظر المجهول علما اني ماوافقت عليه بسرعه هو كان متمسك بي لابعد الحدود ومارضى بغيري بس الله يعوضنا خير كل الي ابيه تدعولي ربي يعوضني وتساعدوني بطريقة لايصال الخبر لهم اهلي رافضين تماما الاتصال بهم وانا مااقدر اضغط على اهلي ساعدوني مالي غيركم بعد الله
|
اقتباس:
يا عزيزتي لا توجد خطبة أصلاً حتى تلغيها. وأنتِ بنفسكِ تقولين إن أهلكِ معتبرين الخطبة ملغية من زمان ... وأنتِ يفترض أنكِ تمشين حسب ما يراه أهلكِ .. فلماذا كل هذا التفكير والانتظار؟!!!!!!!!!!! أهلك تعاملوا مع الأمر بطريقة واقعية وتحفظ كرامتهم وكرامتكِ بالفعل .. ولكنك أنتِ تتعاملين مع الموضوع من منطلق الكبرياء الجريحة (ولازم الرفض يكون من جهتي أنا مب من جهتهم هم)!!!!!!!! .. لذلك الموضوع كبر في نظركِ وأخذ كل هذا الحجم. بالله عليكِ لو تواصلتِ معهم ماذا ستقولين؟ (هاا بعدكم تبوني والا لا؟!!!!) أم.. (ترانا لغينا الخطبة اللي من سنة ونص) <<<< يوووووه انتي لسه فاكرة!!!!!!!!! يا أختي الموضوع منتهي هداكِ الله .. فأخرجيه من رأسكِ وتفكيركِ حتى ترتاحي. نعم هم أخطأوا دون شك .. وأسلوبهم عيب ولا يوجد به احترام .... ولكنهم لا يستحقون كل هذا التفكير والمعاناة التي تضعين نفسكِ فيها .., وأنتِ أكبر من أن تفكري في أن تنتقمي منهم وتمرمطيهم كما تقولين!!!! أدرك أنكِ موجوعة وتشعرين بالإهانة .. ولكن بصراحة فإن أي خطوة ستتخذينها للتواصل معهم ستكون على حساب كرامتكِ. |
اخت مهرة مشكورة يا الغالية والله كلامك عين العقل وكان له وقع في قلبي دعواتك لي ربي يعوضني
|
هوني عليكِ يا عزيزتي .. وركزي تفكيركِ وذهنكِ في أمور أخرى .. سواءً دراسة أو عمل أو أي نشاط نافع .. وإن شاء الله يعوضكِ ويزرقكِ بالأفضل.
|
صبااح الخير ع الجميع
انا اشووف ان الموضوع مافي اي نوع من الجديه ناس تقدموا وبعدين راحوا لحالهم يعني باختصار مافي خطبه اصلا ذا الناس سالوك عن وضعك الاجتماعي لا تقولي مخطوبه لاجل يفكروا في خطبتك وما يعتبروك محجوزة لاحد من الناس ...؟! واكثري من الصلاة في جوف اليل والدعاء فهوسهم لايخيب والله قادر على انه يعوضك بالخير |
اقتباس:
انتي ذكرتي ان راااتبه 2000 وهذا قليل علئ ؤاحد بيتقدم للزواج يمكن تأخر لاجل ذالك.... ترئ اكثر الردود من الاخوات ماشاااافؤا هلكلالالام لانه بلصفحه 2 وبتلقين يمكن انا الي رديت عليك بهلشيء. ياحبيبتي وش فيها لو امك دقت وشاااافت لموضوعكم ؟؟؟؟ انا والله والله امي كلمت عمتي ام زوجي حاليا وقالت لها ياأم محمد اخبارك واخبار العياااال؟؟؟؟ شؤفي انا بقؤلك علكلالالالام بخصؤص محمد وفلالالانه الي هي انا.... ماأدري وش الموضوع من جهتكم ماأدري هل مافي نصيب ولا باقي علئ كلالالامكم يأم فلالالان..... تعرفي مانبي نقطع نصيب البنت ونربطها بكم وانتم صرفتم النظر.... فما أدري عنكم . انا عن حالتي كان انتظااااره لاجل دراااستي الثانوي... وتقدم لي خاطب اخر وقد انقطعت اخبار الخاطب الاؤل فدقت امي تسئل وردت عمتي لاؤالله اننا مانلقئ افضل منكم ولا افضل من بنتكم ووووو؟........... لكن تأخر الؤلد باقي يجمع للزواج وتعرفين شباب الايااام ورواتبهم. انا تعجبت من ردة فعل امك ليش تعتبرها شحااااذه يعني حبيبتي قؤلي لها بأسلؤبي اؤ خليها تقرء مقطع قصتي.... لاتقطعين رزقك وانتي مامعك دليل ..... انا قعدت 3 سنوات 2انتظاااار وكان علئ بالي انا وامي انهم خلالالالالاص مايبؤن ولا حصل اي شيء لانظره ولا غيرها وسنه حجز وسنه نظره وزواج . حبيبتي مافيها شيء ام تسئل وماتبي بنتها تنتظر لشخص غير متأكده انه لبنتها.... حبيبتي دام ام الولد كلمت امك فأمك هي الي تدق وتسئل وتكذب كذبه بيضاء بأن البنت جها خاطب......ووو..... الاهم لاتخلي الموضوع كذا مبهم ماتدري عن شيء. |
اقتباس:
حبيبتي والله كلالام هلاخت من ذهب ومقاااارب لكلالالامي والله هذا وقعنا النظره ماتجيء علئ طول ماتجيء الا والرجل مجهز اموره ثم تتم الملكه حبيبتي وش فيها امك لو كلمت ....!!!!!!! انتبهي لكلالالام هلاخت بلجزء الاخير.... وان شاء الله تقتنعي تقؤلين ماأنتظره الا شهر طيب انتظرتيه شهر وقطعتي نصيبك وهو كان يبيك والله حررررررااااااااااااااااااااااااااااااااااااااااام اختي صدقيني هو يرتب اموره انا ضليت سنوات لكن بعد مكاالمة امي الله يحفظها . |
نصيحه من اخت مجربه
نصيحه لاتقطعي نصيبك كذا !!! حررااااااااااام عليك تقطعينه بدون اي دليل انه مايبيك ... سنه ونص حبيبتي قليله لشخص رااااتبه 2000ريااااال انا ماأقؤلك انتظريه طول العمر لا استفسري عن الموضوع بنظري لاتدخلي ابؤك بلموضوع لان امه كلمت امك والواجب علئ امك تكلمها ارجوك يأختي ماعليك من كلالالام بعض الاخوات اقطعي اتركيه ماأدري ايش..... الرجال يكون نفسه وصدقني اذا سئلت امك راح يكون الرد لا هو يبيها ورااااح تدعين لي. |
الأخت العزيزة ..
هل الخطبة لديكم مكلفة ماديا إلي هذا الحد الذي يجعل خطيبك لا يقدر عليها ؟ و إذا كان متمسكا بك فلماذا تتخلي عنه ؟ اخبريه أنك ستفسخي الخطبه لأنه لا يريد أن يأتي بشكل رسمي حتي يستطيع أن يتصرف و يجد حلا . |
انتو من صدقكم؟!!!!!!!
يعني الرجل يتقدم ويطلب الفتاة .. وبعد الموافقة يختفي كل هذه الفترة الطويلة ... وفي النهاية يكون الأمر عادي وعليها التفهم وتقبل الوضع؟!!!!!!! وهي التي يفترض أن تسأل حتى لا تقطع نصيبها!!!!!!!!!! طيب ربما يكون هناك أمر لا أفهمه ... فأفهموني بارك الله فيكم. هذا الذي يريد أن يكوّن نفسه .. أليس من المفترض عندما يتقدم للبنت أن يوضح هذه النقطة قبل أن يختفي لتكوين نفسه بدلاً من تعليق بنت الناس هكذا؟!!!!! أم أن البنت وأهلها يفترض أن يفهموا الأمر من تلقاء أنفسهم .. وهو لا عتب عليه ولا ملامة؟!!!!!!!!! يا جماعة هل هذه هي الأصول؟ .. هل هذا هو الاحترام؟ سبحان الله! |
همس ربي يخليك ويسعدك بس والله اني ماكلفت عليهم بشي ووضحت لامي هالنقطة من البداية قلت لها وضعه المادي مايسمح نكثر طلبات وشروط مادية اهم شي التوفيق بس وين الي قدروا وين الي ردوا؟؟؟؟؟؟؟؟؟؟؟؟؟نفسي يجيني خبر صريح بنعم او لا انا تعبت من الانتظار وكرهته بكل ما تحمله معنى كره من معاني كرهته بس الله يكتب الي فيه الخير انا نفسي ارتاح في البداية كل الي حولي يتكلمو ا وكيف اذا ارتبطت فيه ووووووووووووو الخ والحين استحي افتح هالسيرة قدام اي احد حتى اختي اقرب الناس لي استحي اكلمها واسالها انا عن جد مخطوبة والا لا اي عقل يستوعب اني رح انتظره اكثر مع اني متاكده انه يبيني لانه تقدم مرتين في الاولى رفضت وفي الثانية وبعد محاولات وافقت طيب انا وافقت انت وين اختفيت؟؟؟؟؟؟؟؟؟؟؟؟؟عندك ظروف قول سواء مادية او اخرى يا ناس يا عالم كلامي صح ؟؟؟؟؟؟؟؟؟؟؟؟؟المفروض امه تتصل وتفتح الموضوع؟؟؟؟؟؟؟؟؟اقبل بجميع الارااااااء لاني ما فتحت لكم قلبي الا عن ثقة انتظر ردودكم وجزاكم الله خير
|
كرهي للانتظااااااار وليس للشخص حتى ما تنفهم بصورة اخرى
|
اقتباس:
تراه قاااااصد ينزل راااسك لانك مارضيتي فيه من البدااايه!!! احسه بزر اسمحيلي:( اللي يشوفك يقول مملك عليك وش انتظره وماانتظره!!!!! يادوب انها خطبه يعني لو جاه نصيبك بتااخذيه لان مافيه كلام رسمي بصراااحه اتعجب من كلامك!!! |
| الساعة الآن 07:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©