|
بموت رعب لا يكون رجع للشك! (حُلت المشكلة و لله الحمد)
السلام عليكم ورحمة الله وبركاته
خاطري اصيح .. خاطري اروح امسكه واخنقه .. نفسي افتح مخه اشوف كيف متركب نفسي امسك البلا اللي فيه ويخليه يفكر فيني كذا واشيله يمكن بعضكم مايعرفني لكن لي مشاكل ازليه مع زوجي وكلها بسبب الشك اللي وصل للتخوين في العرض وبسبب افكاره وصلنا للطلاق مره وحده ... و محاولة الطلاق مره ثانيه وعلى اساس انه نهائي وظليت سنه ونص عند اهلي على هالاساس لكن سبحان الله رجعنا من لما رجعنا لي سنتين وشوي خلال هالسنتين لمحت فيه ملامح شك بسيطه جدا كنت احيانا اطنشها واقول الحمد لله على نعمة العقل ومرات كنت المح له اني فهمت و اطمنه انه مافيه شي يستدعي الشك ومرات هو كان يتراجع ويستحي على نفسه وهذي ياكثرها لكن امس .. الظهر تفاجأت فيه يجي من دوامه لأن عنده شغله في مدرسة ولدي بيروح يعملها .. وانا كنت نايمه .. المهم قبل لا انام قعدت شويه اطقطق ع النت .. وزهقت لأن النت تحت .. والشغاله جت تكنس على راسي فما اعجبني الجو ... قمت اخذت جوالي وسماعة الكمبيوتر لأن سماعة الجوال بعيده عني ومتكاسله اجيبها ... وطلعت غرفتي وقفلت على نفسي الباب علشان لا اسمع المكنسه وعلشان كمان البسه لا تدخل علي و تقعد تلعب على راسي وانا نايمه وتخرب علي نومتي وامعانا مني في عدم سماع صوت المكنسه حطيت السماعات على اذني وانسدحت وشغلت الاستوديو في الجوال وقعدت اتسلى عليه .. نعست ونمت صحيت على صوت الدق ع الباب قلت مين ما رد علي ... قلت عشان لو الشغاله والا اخوي يبوني ارد عليهم وانا في فراشي ما اقوم واضيع الدفا ..وتخرب النومه قلت مين مره ثانيه قال انا انا طلع زوجي فزيت فتحت له.. قال وش عندك نايمه هنا و مقفله الباب؟ :(( يعني ايه غلط والا حرام والا لازم اعطيك خبر؟ طبعا هو متعود برضو اني ما انام في غرفتي واقفل على نفسي الباب في الصباح .. العاده في الصباح اذا حبيت انام ..انام تحت في المجلس علشان اكون قريبه من التلفون ومن الباب لا يجي ولدي وانا ما ادري عنه) اول مادخل .. لمح الجوال والسماعه مشبوكه فيه قال وش هذا؟ انا على طول دخلت مكاني مره ثانيه انام ولا رديت عليه لأنه واضح انها السماعه والجوال .... قال وش هذا الاسود الكبير؟( واضح انها سماعه .. بديت اشك انه يعتقد انها جهاز غريب وغالبا تجسس) التفت عليه محل ما يأشر ضحكت انا قلت سماعة الكمبيوتر قال ليش شكلها كذا؟ ( يعني كيف المفروض شكلها؟)وليش مشبوكه في الجوال؟ قلت وش فيها ؟ غير ملابسه وهو يتأفف .. انا حسيته مو طبيعي ... التفت عليه .. الا رجع مره ثانيه يقلب الجوال والسماعه ويصغر عيونه يقول اش هذا؟ ايش هذا؟ ( ياربي والله السماعه والجوال ) اشفيها كذا مشبوكه وليش شابكتها؟ قلت اشفيها يعني؟ ( انا هنا بديت اشك انه فاهم اني مشبكه ع الكمبيوتر من الجوال .. واني جالسه اكلم اي رجل بس تعوذت من الشيطان .. بتقولون السماعه مالها خص في الكمبيوتر .. اقول لكم هو مخه مركب كذا ) طنشني وعطاني ظهره قال حركه مريبه ( هنا انا تأكدت فعلا انه شاكك في مكالمه و تجسس كمبيوتر) انا ماتحملت ارسلت له رساله ع الجوال حقه ( مريب يعني لغويا مثير للشك... ايش الغريب في سماعة كمبيوتر مشبوكه في جوال ؟ يا جيمس بوند والا رجعنا لخرابيط اول؟ عموما ثاني مره انتقي الفاظك .. واذا شاكك في شي تحقق منه بنفسك بس لا عاد اسمع اسطوانات مشروخه ) ولا رد علي ابدااااااااااااااااااااااااااااااااااااااااااااااا اااااااا الى هذي اللحظه ولا عاد حطيت عيني بعينه ولا اكلت معاه ولا جلست ولا سولفت ولا شي هو في جهه وانا في جهه .. ومحد في البيت حاسس بشي بيني وبينه ابدا جا اخر الليل امس قال قومي نامي .. والا حابه تسهرين؟ قلت بأسهر اكمل شغل الجامعه روح الله يستر عليك وانا صادقه جالسه اذاكر حاول يفتح كم سالفه وانا عيني في الشاشه والمحاضرات وارد عليه بكلمه والا ثنتين قال لي قومي نامي احسن لك .. وظل واقف شوي ولا رديت عليه وطنشته وكملت شغلي انحرج وطلع ينام بعده بساعتين تقريبا انا طلعت .. طبعا هو قصده تعالي اراضيك .. بيضحك علي بكلمتين .. وبعدين ياخذ غرضه .. يفكرني خبله والا عبيطه والا بأسامح عادي جدا .. كان كذا ايام اول وانا ما استوعبت الا بعدين حز في خاطري انه يطلبني شي وانا ارده بس انا اكره اسلوب الجرايم في النهار والعشق اخر الليل وبدون اي اسف حقيقي او نقاش الصبح لما رنت الساعه المنبهه شافني جنبه فحاول يتقرب .. قمت انا فزيت قلت يووووووووووه تأخرت على الولد ومدرسته وانا قصدي اوخر عنه لا يقربني وبدون ما احرجه زياده لأنه قصده وانا اعرفه .. انه يضيع الحق .. وخلاص انسي السالفه جا العصر ومعاه اكل .. قال تعالي كلي معاي قلت عليك بالعافيه وانا ما اطالع فيه ابدا وهذا هو نايم زعلان وانا زعلانه عليه بموت شوق عليه .. ومن امس ماطاحت عيني عليه لأني زعلانه عليه واشتقت له ابي اجلس معاه واسولف معاه واقرب منه بس لما اتذكر كلمته ........... اكش وابعد واعصب وازعل بعضكم الحين بيتسائل كذا تساؤل ليش هو مستنكر من السماعه حقت الكمبيوتر في الجوال وانا بقول لكم لأنه جته فتره متهمني اني زرعت اجهزة تجسس في كل متعلقاته وخصوصا الكمبيوتر .. حتى في اطارات الابواب !!!!!!!!!!!!!!!!!!!!!!!!!!!!!!!!!!!! يفكرني اتجسس عليه ياحسره على ايه ؟ وسبق اتهمني اني حطيت جهاز تجسس ونسيته ع الكومدينه .. يوم قلت له وين هالجهاز ليه مامسكته لماشفته ؟ قال ماجا في بالي بس خلاص انا شفته تدرون وش شاف؟ ساعه مكسوره من الساعات التحف ..كنت حاطتها ع الكومدينه وانكسرت علي فأفتكرها جهاز تجسس... انا متأكده انه ما استوعب شكل السماعه بالأول وحسبها من هالاجهزه اللي كان متهمني فيها ......... ياحسرة قلبي بتقولون ممكن انا فاهمه غلط ؟ لا فاهمته صح سنين وانا معاه خلاص خابزته وعاجنته بتقولون يمكن رسالتي خلته يصد ومايحب يتأسف وانا بقول لكم لا .. انا لما اكون فاهمه غلط من يوم ما رجعنا .. يجي يفهمني الصح ويتأسف اني زعلت منه بالغلط وانه مايقصد وانه قصده كذا كذا كذا وانه مظلوم ومسكين وانا اللي استعجلت وووو لكن هالمره زي ماتقولون هرب .. ولا رد علي .. ولما يجي يحب يصالحني اخر الليل هذا اكبر اثبات لي انه فعلا غلطان مليون بالميه بس متفشل مو عارف كيف يواجهني خصوصا اذا المسأله متعلقه بالشك انا الحين من جد انكتمت لي فتره ماعاد تزاعلت معاه زعل جامد كذا ولا عاد اتحمل انا هالحركات منه .. واعصابي ماهي زي اول بسرعه اتنرفز واتضايق تجاهل .. خلاص استفذه من ايام اول تغاضي تسامح كله راح ... وممكن يرجع في اي شي الا الشك .. معليش ادوشتكم و طولت عليكم بس ابي اتكلم وارتاح ... اهلي ما اقدر اشتكي لهم ولا قصدي اصلا اعلمهم بيقولون ياليتك مارجعتي وهو مابي اكسر صورته قدامهم لأني خلاص قلت لهم والله تغير وانا صادقه ما اقدر اسامحه صراحه ................ ولا هو جا يتسامح مع اني متأكده اني بأنهار اذا جا لأني بديت اتذكر الايام السودا اياها يووووووووووووووووووووووه متنكده حسبي الله ونعم الوكيل وبس |
يا حبيبتي اهدي وهوني علي نفسك
الرجل بيحاول يتغير لكن الطبع غلاب والشك ده مرض وانتي بتقولي انه اتغير فعلا معلش اصبري وكلميه معاتبيه علشان بالك يروق وما تكبري الموضوع وهو حس بغلطه سمحيه لكن الفتي نظره للغلطة واطلبي انه ما يكررها لكن لي سؤال ايه بيجعله يشك فيكي وبعدين ده كلام كبير واجهزة تجسس هو متاثر بالافلام الاجنبي ولا ايه هههههههههههههههه |
ام روزينه
مدري وش عليه اتجسس الله يسامحه بس اما اني انا اروح ابادر بالتسامح صعبه يمكن يقول ايه فعلا غلطانه وجت تتسامح لا يجي هو الله يعين اصبر |
اهلين اختي
شوفي انتي عطيته درس بردة فعلك وزعلك من الموضوع احيانا الشخص الشكاك ما يبي له الا كذا عشان ينردع ويتمالك نفسه أسأل الله ان يهديه ويطمن قلبه |
خلاص .. شوفي اذا جا يراضيج على طريقته الخاصه.. اقبلي لانه بمثابة اعتذار رسمي!!!
وبعد ما تخلص مراسيم الاعتذار ... تكلمي معاه عن اللي صار..!!! بيكون وقتها مرتاح والاعصاب هاديه.. حتى بالنسبه لج انتي بتكونين ريلاكس اكثر!!! |
n_stu
الله يعطيكي العافيه عطيته درس بس خلاص انا زهقت من الدروس ومو ناقصينها اصلا الله يسمع منك ناااني طريقة اعتذاره الرسميه ماتخليني اقدر اعاتبه واخرب عليه الجو فاهمتني اكيد عشان كذا قلت انه يعرف بهذي الطريقه فعلا بيضيع الحق لأنه يعرف اني ما اعاتبه بعدها ابداااااااااااااااااااا قاهرني موووووووووووووت وربي صداع مستمر من يوم كلمته للحين |
ماشاء الله واضح انك صبوره... بس يا اختي انتي أبخص بزوجك مننا وماشاء الله فاهمته زين... خذيه على قد عقله وتقبلي طريقته في إرضائك هو الحين على باله تعالي تعشي معي والا نامي يعني خلاص آسف ذكرني بأبوي الله يطول بعمره ويعافيه .. وغالباً الأشخاص اللي زي كذا فيهم حنان داخلي فضيع ... انتي يا بنت الناس اقبلي طريقته هذي وتراضي معاه وانبسطي .. بعدها جيبي السماعه حقت الكمبيوتر واشبكيها عالجوال وسمعيه المقاطع واي شي خليه يتأكد انك ما كنتي تسوين شي غلط؟ واشرحي له ان هالشي يضايقك وانك لو عديتها مره ما راح تعدينها مره ثانيه؟ خليك واااااااضحه وواثقه بكل تصرفاتك عشان ما يشك خبريه بالتفصيل كل شي سويتيه ارمي كلام بين فتره وفتره عن احدى صديقاتك وشك زوجها وانك نصحتيها بأن زوجها اكيد فيه شي وانه راعي البلاوي هو اللي يشك بزوجته دايم و بنفس الوقت عطي زوجك ايحاء نفسي بأنه هو غير وانه واثق فيك صدقيني بعدها شوي شوي راح يثق فيك أكثر.. حاولي تبينين له انه موعيب لو كان غلطان يقول لك آسف وان هالكلمه تخليك تنسين غلطته لو قالها اذا كان فعلاً غلطان .. الله يوفقك اختي وييسر أمورك |
وعليكم السلام ورحمة الله لاحـول ولا قـوة إلا بالله الشك مـرض نفسي مثله مثل الوسواس القهـري .!!!!! أنصـحـك تطالعـي هـالروابـط ......... ......... ......... وأظـن إذا استطـعـت ان تحصلـي على استشارة نفسية لـه، أو هـو يحصل عليها فيكون أنسـب... وعليك بالدعـاء لـه بأن يـبـعـد عنه وسوسة الشيطـان عزوبي:22: بس:d رجل:30: |
مشكلتك من جد تدوخ كيف يشك فيك ويشك انك تتجسسين عليه !!!! حاولي انك تتجنبين كل الحركات الي تشككه صح صعبه بس حااااولي لتريحين نفسك من عوار الراس الله يعينك ويهدي زوجك ويعافيه من الي فيه 00 |
المريض يبي له معامله خاصه يالغاليه
زوجك مادام مريض بالشك يجب ان تقبليه كما هو وتتجنب الاحتكاك معه والتصريح بهذا الامر لانه كذا بيتطور الامر ويصير يصرح مباشره ومادام حاول يراضيك ارضي بواقعك وتعايشي معه ان رايتي منه شك اوريبه اقلبي السالفه وغيريها ولا تدققي كثير معاه صيري غبيه وكانك مو فاهمه شئ كل انسان فيه عيوب وهذا عيب زوجك والحمد لله فيه الكثير من الايجابيات وحبك وشوقك له يكفي,,, |
الطبع يغلب على التطبع
شكلو جوزك متاثر بحادثة صارت في حياته تتعلق بالخيانة والشك والثقة واااااااضح في ازمة داخلية والا يعني من الهوا بعمل هيك عموما شوفي انا عندي قناعة في اطباع ممكن تتلاشى تمااما مع الزمن ولكن في اطبع من نفس الشخصية مستحيل تروح لكن مع مجاهدة الشخص نفسه تخف حدتها كثيرا ولكن تبقا موجودة انا مثلا فية طبع المبالغة وكان يزعل جوزي كتير ابالغ في الزعل وحالتي حالة وافكاري كلها مبالغ فيها حاول يصلح الطبع هادا ويفهمني انو مش منيح مع الزمن خفت حدته فعلاااااااا لكن سبحان الله مااختفا يظهر في حياتي بعض الاحيان فانت بدك تقتنعي بالامر هادا وازا كان كل فترة وفترة بدو يطلع بموضة زي هيك بدك تتحملي خديها انو مو قصدو ومش بوعيو ومش بارادته صحيح هوة كبير وواعي بس اكيد غصب عنو بتغلب الشك عليه في بعض المواقف وانت شفتي سنتين ونص صار مواقف بسيطة وعدت عخير هادا اعتبريه زيها بس يعني غريب ليش بدو يفكر انو جهاز تجسس وانت لما يقلك هيك حطيه في حضنو احكيلو يلا شوف كيف تجسست افتح وشوف وخليه يتاكد بس شو القصة الي مخلياه حاسس حالو محط تجسس ومراقبة فعلا غريب الله يهديه بس انت تاقلمي انو هادا طبع والحمدلله انو تحسن كتير وانت منيح انك زعلتي هيك عشان مايتمادى في التصرفات هي يعني تضل عقد مواقف بسيطة اما نرجع للقصص الاولى لالالا يعني حيحس انك زعلتي كتير وبالغالب حتمر فترة طويلة ليرجع يكرر هيك امر |
اقتباس:
انا مع اختي فيافي نجد .. كلامها صحيح 100% والله يسعدكم ويبعد عنكم الهموم |
اقتباس:
كلامك روعه والله كل سطر اروع من الثاني من ناحية الثقه والله محسسته بها من اول الزواج.. اصلا ما اعرف اخون احد .. بس هو الله يسامحه مدري ليش كذا .. اما امسك الجوال واخليه يشوف .. هذي الحركه كنت اسويها اول ولا كان يطالع لأنه مقتنع تماما باللي يفكر فيه اعوذ بالله .. من جد انخنقت خلااااااااااااااااااااص من ناحية اكون واثقه في تصرفاتي انا واثقه .. يعني جيت وشبكت سماعه بجوال وش صار ياربي؟ وين اذنبت انا فيه؟ عشان بس هي حقت الكمبيوتر ؟ لا اله الا الله يعني اخر شي كنت اتوقعه ! اقتباس:
الله يصلحك حطيت روابط خارجيه الحين بتنحط عليك ملاحظه وانا السبب:d الله يجزاك خير بجد انور الموضوع بإضافتك اقتباس:
اصلا مافي تصرفاتي اي شي يوحي بالشك بس هو اللي في راسه حب ماطحن الله يسامحه اما ليش يفكرني اتجسس عليه؟ فيمكن لأنه الله يتجاوز عنا وعنه قد تجسس على اصحابه ايام كان في السيارات تلفونات .. يسوي طريقه معينه ويتسمع لمكالماتهم كانت موضه ذيك الايام والله فاكرتها كثير شباب من جماعتنا سووها واني يافلان سمعت مكالمتك وووو يمكن عقاب من الله يفكرني اتجسس عليه وانا اقرب الناس له لأنهبرضو تجسس على اقرب الناس له؟ والله ما ادري تسلمي لي اقتباس:
اهلين فوفو.... ممكن اقول فوفو <<<<<< ماانتي قلتيها خلاص :d:d:d:d كلامك صح بس بعد سبعه سنين معاناه وسنه ونص انقطاع برضو يرجع يسوي هالحركات ؟؟؟؟؟؟؟ يعني ما تعلم؟ ما استوعب الدروس الصعبه اللي مرينا فيها كلها؟ ليش يجي بلحظه ويتهور ويقولها؟ والله لو انه في شغله وقدام مديره ليحسب لكلامه الف حساب... علشان لا يسيء لصورته ويحصل اعلى المراتب.. ليش انا يرمي الكلام كذا بدون حساب والمفروض اسامح؟ ليش انا برضو ما يهتم لصورته قدامي و يعمل على انه يكون في اعلى مراتب القلب؟ ومن ناحية غبيه .. ياما تغابيت بهالسنتين اللي رجعنا فيها ... بس كذا يصرح فيها لا والله انوجعت مرررررررررررررررررررررررررررره تسلمي لي يالغلا |
اقتباس:
اقتباس:
واياك اختي لمني بشوق الله يهديه ويصلحه |
انا لو منج
الحل الوحيد اني اكون واثقة 100000000% من نفسي وطنااااااااااااااااااااااااااااااااااااااااااااااا اااااااااااااااااااااااااااااااااااااااااااااااش وانا مع راي اختي بعيدة هناك |
انتوا يا بنات المنتدى اتحسدتوا وللا ايه؟
عمالين تكروا ورا بعض مشاكل؟؟؟؟؟؟؟؟ ابتسمت لكلامك ابنى 14 سنه دخل على بتبتسمى ليه قلت له سالفتك:) ضحك وقال لى يمكن هو بيحب الخصوصيه ...........!!!!!!!!!! طاب هم متجوزين بقى لهم قد أيه؟ يمكن بيتلكك؟؟؟؟؟؟؟؟؟؟ طبعا ده عيل وكلامه يعنى ......مش فاهم اوى بس انا عندى سؤال وحيد ، الاول افتكرت جوزك بيشك انك والعياذ بالله بتخونيه ، لما قريت المشكله عرفت انه بيشك انك بتتجسسى عليه؟؟؟؟؟؟؟!!!!!!!!! جوزك ايه فى حياته يستاهل التجسس ؟؟؟؟؟؟!!!!!!!:25: يعنى شكه من نوع غريب........ بصراحه دلوقت ردك بالماسيج على موبايله كان قوى وعجبنى بصراحه:22: وخجلا منه من نفسه ما اعتذر ولا صحح الوضع بالعكس جاب اكل وبيتحركش فيكى عشان قال يعنى انتى مافهمتى قصده وهو مافهم الماسيج وعاوزك بالليل عاااااااااااااااااااااادى معظم الرجاله كده دى طريقتهم فى التعبير عن مشاعرهم حب اعتذار شوق امتنان وشكر........ده كلامهم .........السرير.........الراجل مخلوق بصرى لايجيد التعبير بالكلمات ولكن يعبر بالافعال فأولا هو كده عرف انه غلط وبيعتذر انتى رفضتى حلو اوى.......وفهم كويس قصدك وانك زعلانه بس لا تطولى راح تمسخ اوى .... مشكلتك دلوقت انك زهقتى من شكه ومن القصص دى ........ حلك حل واحد ......قولى له يا ابن الحلال انت تشك انى اراقبك يا اما انت عندك شى مخبيه خايف اعرفه وهنا هيتفزع واظن ده علاج ناجع يا حبيبتى ........... وياريت لو مخبى شىء اعرفه والا بجد انت هتحول شكك لحقيقه .... اصل على اساس يعنى بتشك .......... ودى مشكلتك انت بقى فى ان عندك اسرار مريبه:29: انت عارف ان الافكار بتتحول لافعال غصب عن الواحد ومن غير ما احس فعلا هتجسس عليك .........على الاقل الاتهام يبقى له اصل وابقى عارفه انى عملت عمله ونتخانق على حق مش على باطل:( خليك افضل زن فى القصه دى لحد ما اوعدك فعلا انى هنفذها لك عشان تلاقى حقيقه تشك على اساسها وانا كمان الاقى حقيقه يتشك فى على اساسها:18: يا اما ما عندك شىء وشك لمجرد الشك وده سمم حياتى بصراحه وطهقت وماعدت لاأصبر ولا اقدر اتحمل وعملت كل اللى يريحك وانت برضه مش مرتاح ناقص انام بالشارع واتكلم بميكروفون واعمل اجهزه شفافه عشان تعرف انى لا براقبك ولا هراقبك ........... ودى بصراحه بقى مشكلتك وانت تحلها انا تعبت صبر ولعلمك لو عاوزه اعرف شىء مش بالتجسس هعرفه لا انا هعرفه لوحدى كده من عند ربنا وانا قاعده ببيتى من غير ما اتكلف فلس واحد واجهزه وخرابيط اللى اعرفه انى اتجوزت راجل واثق من نفسه وصادق ومحترم.......... انت اتغيرت ليه ما اعرف والله....... انت ناوى تهد حياتنا تانى شكلك وصعبان عليك العيشه بهدؤ ارجوك فكر بكلامى وشوف المشكله فين وفى مين ؟ولو مطلوب منى شىء محدد عشان ترتاح انا ماعندى مانع لانى فعلا فاض بى وبس تسكتى وتقومى تقولى له احضر لك العشا........... وبعدها قولى لنا اللى حصل ده لو كلامى جه على هواكى ونفذتيه وربنا يهدى لك الحال يا مشكلتى |
http://cdn.content.sweetim.com/sim/c...s/0002041D.gif
توه قبل شويه لبس وطلع اكيد بيشوف له ناس يقعد معهم كان نفسي اقوم واضمه واسامحه بس والله ماقدرت مره محزني عليه وكاسر خاطري اني مقاطعته من امس وحزينه على نفسي انه في لحظه يستسلم للشك يارب صبرني |
اقتباس:
موهبه انا ماخليت شي ماسويته والله وعلى الثقه فعلا واثقه .. بس ليش يصرح فيها ليش يقول مريب ؟ ياعالم وش المريب في اللي سويته؟ حطي نفسك مكاني ويلمح لك انك مسويه شي ... بتمشينها له اكيد لأنه ماصرح بس هذا صررررررررررررح وعمل اشياء تأكد شكه ... هذا اللي مزعلني ليه يعني فجأه تنسى انا مين وتشك فيني؟ ايام اول كنت اعطيه الجوال واقول له شوف بنفسك كنت اعطيه السماعه واخليه يسمع كان هو مرات يسحبهم مني ويتأكد ماخليت شي لا بالطيب ولا بقلة الحيا .. هدينا فتره وهذا هو رجع لاحول ولا قوه الا بالله الله لا يحط احد في مكاني والله صعب حاجه مؤلمه تعيشين مع انسان تموتين فيه ومع ذلك ما يآمن لك |
ارسلي له رساله فيها اغراض وطلبات وكذا بيتصل عليك وشوفي كيف رده لك واذا اعتذر بطريقه ولا غيرها سامحيه واستقبليه احلى استقبال الشك بيدمرك ويدخل الشيطان بينكم الله يوفقك ويسعدك ان شاء الله |
مشكلتي أصدق
كفاية لحد هنا ، أنا حاسة بك بس كفاية ،، و لا تخليه يطلع و هو زعلان ، دقي عليه و كلميه كلمتين حلوين و لا تخلي للشيطان مدخل لا سمح الله دحين بيطلع برة ، و ما تدري إيش يشوف و مين يجلس يزن على راسه و هو زعلان كذا ،،، تعرفي الزمن هذا ، لازم تحمي زوجك و إذا على مرض الشك ، فلا تهتمي ، طنشي دامك عرفتي فين المشكلة ، فخلاص لا تكبريها هو مريض بمرض الشك ، و الشئ هذا خارج عن إرادته ،، المهم ،، تعلمي تطنشي ، خلاص يكفي اللي عملتيه لحد هنا :) |
اقتباس:
آآآآآآآآآآآآآآآآآآ يافتوشي والله شوي وابكي منه الله يسامحك يابو وليد الله يسامحك وبس تسلمي لي ياقلبي ع الطله وسلمي لي على ولدك وقولي له قبل لا تشك تعوذ بالله من الشيطان يابويا الله يرحم والديك .. كفايه شك بأه:( |
شوفي حبيبتي انتي كنتي صامده كثيييير يوم جت على شي تافه كبرتي السالفه؟ ترا السالفه بسيطه جداً بعدين يوم أقولك سمعيه مقطع بجوالك موب اليوم ولا بكرا لا بعد فتره في ساعة صفااء وهدوء تام. بنفس الوقت حبيبتي خليك قويه اذا ناقشتيه بالموضوع بيني له انه لو ما تعدل راح تكون ردة فعلك غير. وراضي زوجك حبيبتي ترا بين الزوجين ما فيه كرامه ما كرامه :) مشكلتي أصدق عارفه اني نشبت لك :) بس استحملي لاحظت ردك لفتوشي تقولين انه يقول كيف عرفتي؟ انتي تكلمين احد؟ يا بنت الحلال ليس الذكي بسيد في قومه انما سيد قومه المتغابي؟ خذيها قاعده سوي نفسك ما تدرين عن أي شي خليه هو يعلمك ( هالحركه امي موصيتنا فيها مع الناس فما بالك مع الزوج؟ ) طمنينا عليك حبيبتي ولا تعاندين :) |
اقتباس:
للأسف تأخر الوقت الحين اعرفه ما بيجيب شي وبيفهمها اني اتحركش فيه امممممممممممممممم اذا ماتصالحنا الليله بأعملها بكره الله يعين ياقاهرني يابو وليد تسلمي يا دنيا الوفا اقتباس:
طلع ياروح الطير والله خرعتيني من جد اذا طلع وهو زعلان مدري وش بيشوف الله يعينك ياقلبي تحممممممممممممممممل خرابيط هالرجال من جد قاهرني موت مو مشكله بأحاول اتسامح منه ولو اني ما اظن بس بأحاااااول من قلب بأحاول .. بس ماني موفرته في العتاب بأطلع حرتي فيه يعطيكي العافيه قلبو |
مشكلتي اصدق مثل ماقالت روح الطير انتي شووفي اي شي مهم للولد يخصه بكره ضروري حتى لو كان موجوود انتي سوي هاذي الحركه وارسلي لاتقولين تاخر الوقت الشيطان هو الي يلعب عليك مشكلتي اصدق عرفت من ردودك انك قويه وغير متردده ليش في مشكلتك غير اسفه كل شوي ناطه لك تقبلي مروري :) |
اقتباس:
اولا انا جدا سعيده بإنضمام عضوه رائعه مثلك للمنتدى هذا واضح انك عااااااااااااقله ماشاء الله بالعكس ماكبرت السالفه والله .. رديت عليه بنفس قوة تعامله يعني توصل معاه يقلب الجوال والسماعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ صعبه تنحطين في موضع شك وريبه وتخوين .. خصوصا اذا انتي كنتي تعانين وسنوات طويله معاه فما تصدقين بلحظه لما تشوفينه استعدل... يمكن حاجه انتوا ماتعرفونها ... انا لأنه يخون فيني احس بالقرف منه والله غصب عني لأني عارفه هو وش يتخيل .. و يالصعوبة خيالاته .. جدا مقززه و سالفة الجوال عادي عندي اوريه مقاطع والا هو يتفرج فيه .. عادي جدا .. واذا على قوة النقاش معاه .. مارجعت له الا بعد ما احتد النقاش .. وشهوووووووور واحنا نتناقش ... خلاص ماعاد ابي اعيد وازيد بس الحين لو بنتصالح رح يكون عتبي جامد عليه ورح احرجه في الاسئله .. بس اوضح لك شغله لما يقول انتي وش عرفك .. انا ما اعرف شي ولا اتذاكى عليه .. اصلا وش دراني عنه في شغله ؟ لكن مثلا يكون قايل لي قبل بفتره انه مشتد النقاش مثلا بينه هو ورئيسه .. يجي اليوم مثلا سرحاااااااااااااااااااااان وبعدين يقول لي انا تهاوشت معاه .. اقول له انا والله حسيت على طول يقول ليش وش دراك؟ اصلا شوفي انا قلت حسيت هو يفهم اني اكيد دريت مو احساس بس.. انا اقوم استهبل عليه اقول له ايه ادري اصلا .. يقوم من جد خلاص روحه بتطلع وعيونه تحمر .. لا جد من قال لك؟ اقول له يابن الحلال داخل سرحان ومتضايق .. ماتكفي هذي ؟ عموما ماعاد امزح معاه هالمزح .. قللت منه مررررررررررررررررررره واذا مزحت معاه اكون عارفه انه رايق وماعليه شر وعمري ما مثلت دور المتذاكيه عليه لأن الرجل يحب ان زوجته تكون اقل منه في كل شي اسعدتيني جدا بمرورك وتعليقك وانشبي لي براحتك |
أختي دنيا الوفا
العاقلة الرزينة ، مسكينة .. تتزوج و مخها يطير من أفعال الرجال :D <- مجربة و لا تنسي الشيطان جالس بالمرصاد :) ----------------------------------------------- مشكلتي أصدق ،، ماني عارفة إيش أدلعك ؟؟؟؟ شكشكة ينفع ؟؟؟ :p شوفي .. مادري ليه تخيلت نفسي مكانك ، حسيت تصرفاتك نفس تصرفاتي :D بس الحمد لله ، زوجي ما يشك أبداً ،، عشان كذا ماني قادرة أحط نفسي مكانك .. لإني ما حسيت بذا الإحساس و يارب ما أحس فيه أبدا أبدا المهم .. سمعت أمس محاضرة للشيخ عايض القرني ،، ماني فاكرة اسمه .. يقول لك ، مرة واحد مصري قال له .. تعرف مين هما أسعد زوجين في العالم .. ؟؟؟؟ الجواب : هو الزوج لما يقول زوجتي مجنونة ،، و الزوجة لما تقول زوجي مجنون .. تلاقيهم أسعد زوجين بالعالم .. إيش ما عمل الزوج ،، الزوجة تجلس تطالع فيه و تقول بداخلها ( مجنون ) ،، خليه يتكلم .. و ما راح تدقق في كلامه .. و إيش ما عملت الزوجة ،، الزوج يجلس يطالع فيها و يقول بداخله ( مجنونة ) .. خليها تتكلم ، و ما راح يدقق في كلامها .. :) و بكذا يعيشوا أسعد زوجين .. صدقيني ، و الله أفضل طريقة مجربة .. حتى إنه يوم سمعتها ، جلست أضحك و زوجي جلس يضحك .. لإني ما ارتحت في حياتي ، غير يوم عملت طريقة تشبه اللي قال عنها الشيخ :p فهو يوم يشك ، أو يبربر ،، عادي ، ابتسمي بداخلك .. و قولي ( مجنون ) .. و راح تلاقي نفسك بعد كذا ، مرتاااااااااااااااااااااااااااحة .. هل نحن نحاسب المجنون على كلامه ؟؟؟ أكيد ( لأ ) .. هو نفس الشئ ،، ( أنا ما أقصد أنتقص من قدر زوجك لا سمح الله ) بس هذه طريقة عشان نعالج نفسنا :) جربيها مرة ، و بشريني ;) دحين قومي توضي ، و صلي ، و قولي اللهم استودعتك زوجي فاحفظه .. الرجال إذا خرج زعلان ، هناك شباب ما يصدقوا يلاقوها فرصة يعبوا راسهم .. و الرجال عقولهم صغيرة ، يصدقوا أي شئ .. ( مو كلهم ، عشان لا أحد يزعل :D ) |
اقتباس:
ممممممممممممممممممم يعني الحين انا قويه في المنتدى:d:d:d نطي براحتك فديتك نططي بعد مو بس نطي انا فعلا قويه .. ولأني قويه ماصرت مثل اول .. على طول اروح ابوس الايادي اطلب الرضا والدموع اربع اربع لا صرت اذا ماعجبني شي اقولها له ولا اخلي شي في قلبي بس يجي يخون فيني ويقلب الجوال والسماعه .. قلت اخليه ينلطع شويه خصوصا لنا سنتين واحنا لاصقين في بعض .. بس قلبي واجعني مره عليه مره مره مره .. و الحين توني اكتشف انه مزكم بعد .. توها بدت عليه وهو اذا زكم مسكين كل شويه يطلبني اسوي له شي والحين ساااااااااااكت خلاص اذا جا بأستسمح منه والله يعينه على السيل العرم من العتب .. |
اقتباس:
الله يقطع ابليسك ردك من اوله لأخره يضحك اضحك الله سنونك كل ابوها ان شاء الله:d دلعيني زي ماتحبين اصلا اعتقد اني ضربت الرقم القياسي للدلع مره مشمش ومره مشكوله ومره شكشكه :d الله يسعدكم يارب ويرفع معنوياتكم اما اسعد زوجين من جد رهييييييييييييييييييييييييييييب اه ياقلبي هو فعلا كثير مرات اسويها والله .. بس قهرني يوم يقلب الجوال ياربييييييييييييييييييييييييي خلاص بس يجي بأتسامح منه يالله ومنها بعد تنحسب لي مظلومه واستسمح منه يعني لي الحق ومتنازله بعد :d هين يابو وليد الليله ليلتك ياحبيبي:18: |
الحل
طااااااااااااااااااااااااااااااااااااااااااااااااا ااااااف طناااااااااااااااااااااااااااااااااااااااااااااااا اااااااااش راح يمل وراح يحس انه قاعد يركض ورا سراب يركض خليه يركض لين يتعب الله وياه اهو التعبان مو انتي |
اقتباس:
جيت مره ثالثه :) معك حق في كل كلامك ياحلوه 00 ويمدحون الزنجبيل في كل شي :) والله يوفقك ويسعدك ويديم عليكم الستر والمحبه |
شكشوكة يا حلوة :D
تحصل لي مواقف من زوجي عشان يستفزني ،، و انقهر .. تكون تقريبا نفس اللي بتحصل معاك أقصد ، إنه أشياء كنت أنقهر فيها منه ،، و تزاعلنا بسببها .. و غيرت تعاملي معاه من يومها ، و قلت خلاص بدأ يتغير ،، بس الاحظ إنه رجع مثل قبل .. إي الحل وقتها ؟ أفتكر نفسي قد إيش تعبت و حرقت في أعصابي زمان ، وو ما طلعت بنتيجة غير إني حرقت بأعصابي و دمي .. أقوم أقول بداخلي ( يا بنتي طنشييييييي ،، اعتبريه مجنون :D ) ^ أقصد إني أقول ، يالله خلي عقلك أكبر .. و تكون في راسي أفكار جنونية أبغى أعملها ،، بس أقول بداخلي ( ريلاكس ) ، ما في شئ يستاهل .. و الله في الأخير ،، يطلع الموضوع لصالحي .. لإنه يحاول يستفزني ،، فيتوقع إني أجرحه بكلمة .. لكن ( لإني بديت أفهمه ) ، فأقوم أحرجه بكلمة حلوة ما يكون متوقعها مني ( تخليه ينحرج و يتربط لسانه ) :D على عكس قبل .. كنت أزعل ، و أبكي ، و أخد و اعطي معاه ،، في الأخير ( ما ألقى أي نتيجة ) -------------------------------- الزبدة .. مو لازم تعتذري له ، مو لازم تعاتبيه ، قومي دحين ، تكشخي و تعطري ،، و إذا رجع ،، اعملي نفسك ( كأنك لسى زعلانة ) ،، حاولي تحتكي به ، بأي طريقة .. :) المهم ، خليه هو اللي يبدأ الصلح ;) لا تخليه يكمل بالكلام .. و لا تعاتبيه و لا تناقشيه .. ( يكفي إنك عارفة المشكلة منه ، مو منك فطنشي خلاص ) المهم ، قوليله أي كلمتين حلوين .. و امزحي معاه وو خلاص .. :) ترى يقولوا ( كثرة الدق ، تفك اللحام ) ;) |
هلا بسميتي .. واختي الكبرى ,,
لايكون زوجك مريض بالوسواس والشك ؟؟ مايندرى ؟؟ يمكن شيء غصب عنه ؟؟ وطبعاً علاجه بإذن الله في العيادات النفسية ,, ؟ |
اعانك الله ...
بس ياحبيبتي خليكي مثلي لما القى منه تصرررف سئ اغمض عيني واحاول استرجع الجانب الايجابي فيه.. واستغفر والحمدلله بسرعه ربي يمسح ع قلبي ... وبخصوص طريقة الاعتذار ... مثل زوجي بالضبط ... يمكن هذي طريقتهم عشان مايسمعون من بعدها عتااااب لانهم عارفين نفسهم الغلطانين |
اقتباس:
ومرات اذا رايقه اعطيه من الكلام الحلوو وينقلب الموضوع لضحك |
تسلمي أختي العيون :D
إنت اللي كذه :22::22: |
وه ياروح الطير:) والله ضحكني كلامك يسعد قلبك والله وصرتي دكتوره في الحياه الزوجيه ماشاء الله تبارك الرحمن :22:
وبالنسبه لك ياشكشوكه:) أنا عارفه أنك ذكيه وماتحتاجين:18: أستشارتنا بسم الله عليك يبان من ردودك ماشاء الله عليك خلاص صالحيه ياعسل أعطيتيه الي يستاهله وزياده أذا كان ماجاء أرسليله رساله حلوه على الجوال عشان يتحمس لرجعة البيت:14: واذا رجع اانتي أبخص مايحتاج أقول اوكيه:) ياشكشوكه المههم ماتتنامون الا وانتم سمن على عسل ننتظر البشاره:14: |
والله ماني عارفه وش اسوي فيكم
من جد اسرتوني بتعاطفكم وكلامكم الحلو ... الله يسعد لي اياكم كلكم حصلت مستجدات اقولها الحين والا رحتوا تنامون؟ |
كنت بقول لك رد مختلف عن بقية الأخوات
لكن بما أن حدثت مستجدات فالأفضل أسمعها أول وأنا حاسة انها بشاير حلووووووووووة بإذن الله بسرعة قولي أنا صاحية:18: |
مش شايفه الجمهور الي تحت
v v :17: |
ام جمانه علميني وش كنتي بتقولين استفيد منك لاحقا ..
اللي صار انه جا قبل ساعه وشوي تقريبا مسكين طل علي ( قسم بالله قلبي بينقطع عليه لأني ادري غصب عنه بس برضو عنده مخ ليه ما يتحكم بنفسه ؟) طل عطاني كم ريال عشان مصروف ولدي الصبح وانا في يدي كوب نسكافيه توه حااااااااااااااااار .. وفيني ابتسامه وفرحه انه جا .. بس ما ابغى ابين .. قمت خليت فمي لاصق بالكوب عشان لا يبين اني بأضحك .. وهو واقف على راسي يبي اي تفاعل مني .. وانا عمك اصمخ مصممه ما ابين له اني فرحانه انه جا .. وفمي قاعد ينحرق من حرارة القهوه ابيه يروح ----- حاااااااااالتي صعبه اخذتها بدون ما اطالع فيه قلت يعطيك العافيه وانا فمي في الكوب برضو ... و حاطه السماعات المشؤومه .. مع انها مفصوله بس كذا نحاسه شافني ماطليت بوجهه ف قام طرزان وجاب البسه ودخلها من تحت ثوبي وانا غافله ما ادري عنه قمت نطيت وصحت وهو ميت ضحك اخذ البسه مره ثانيه ورماها علي من جهة صدري وانا بموت رعب .. وبرضو ميت ضحك البسه تعذبت الله لا ياخذنا بذنبها صرت ما ادري ادافع عنها والا عني ولا ابغا اقرب منه وهو متقصد يقول تبغينها تحمينها مني ومنك ؟ عذبتها صح؟ تعالي خذيها وانا اضحك ما قدرت اكتم الضحكه قال تراها في ذمتك هالبسه تعالي خذيها قمت مسكتها بسرعه وشلتها من يده حرام قعد يضحك ويمزح ويقرا لي النكت من الجوال ولا كأن صار شي ... ولا جاااااااااااااااااااااااااااااااااب سيره للكلمه اللي قالها ولا شي طنشت الكلمه ولا جبت سيره جلس يتكلم في خططه المستقبليه .. يعني الا يدخلني في نقاشات واحط عيني بعينه فتكلمت معاه عادي جدا شوي شوي الا قام يسألني عن دراستي وهاه كيفك ولا تخلين شي يأثر عليك و انا معاك وووو----- قصده خليكي حتى انتي معاي --- آآآآآآآآآآآآآآآه منك يابو وليد شويه الا انسدح جنبي ع الكنبه مع انه مايطيق المكان اللي اذاكر فيه لأنه اضاءه صفرا وحط على ام بي سي تو مع انه يكره هالقناااااااااااااااااااااااااه موت بس يدري اني احب بعض افلامها شويه الا قام قال اخليك تذاكرين براحتك الحين توه رجع قال تصبحين على خير ولف وعطاني قبلة المساء على قولتهم قمت مسكت وجهه قلت لعلمك التحقيق جاري في الكلمه اللي قلتها ضحك ولف وجهه بسرعه واطلق ساقيه للريح ع الدرج وطلع فوق يعني الغلط راكبه ميه ميه ولا انا فاهمه غلط ولا شي بس يالله انكسر الجليد البشع اللي من امس وبكلامكم الله يسعدكم خليتوني اتقبل فعلا اني امتصه الله يسامحه الحين طلع ينام .. ماني مطوله وبألحقه |
| الساعة الآن 03:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©