|
توست بالصلصة البيضاء (تم تعديل الصور)
السلام عليكم ورحمة الله وبركاته والله وزمااان عن قسم الطبخ :d اليوم يبت لكم وصفة حلووة وطبقتها قبل ما ادرجها اهنيه وطلعت فعلا لذيذذذذة توست بالصلصة البيضاء: المقادير: -كيس توست(سليس) -صدر دجاجة مسلوق ومقطع ملفوف نوعين(بنفسجي+ابيض) ]انا استخدمت ابيض بس[ بصلة متوسطة مفرومة جزرة بهارات حسب الرغبة مقادير الصلصة البيضاء: علبة قشطة ملعقتين مايونيز 4 ملاعق جبنة سائلة جبنة شيدر للوجه (اختياري)[استخدمت المراعي] http://www.3sl3.com/up/upfiles/GhW07257.jpg [انا دبلت المقادير .. يعني كل شي سويته كمية مضاعفة قشطة عدد 2 والمايونيز 4 ملاعق والجبنة السائل 8 ملاعق] الطريقة: نحمر البصل حتى يصبح لونه ذهبي نضيف عليه الدجاج والبهارات ونقلب فيه الى ان يتحمر قليلا بعدها نضيف الملفوف البنفسجي ونقلبهم ثم نضيف الملفوف الابيض والجزر المبشور ونقلبهم حتى تختلط جميع المقادير مع بعض ونلاحظ استوائها الحين استوت الحشوة وهذي صورة الحشوة : http://www.3sl3.com/up/upfiles/H9r07257.jpg فنجي للصلصة البيضاء نخلطهم مع بعض جميعهم القشطة (القيمر) والمايونيز والجبن السائل الا الجبن الشيدر لانه للوجه وذي صورة الصوص http://www.3sl3.com/up/upfiles/YhH07256.jpg http://www.3sl3.com/up/upfiles/H9r07257.jpg الحين ناخد التوست ونقصص اطرافه نجيب صينية (البايركس) ونمسح شوي قاعته من الصوص http://www.3sl3.com/up/upfiles/76z07258.jpg ونصف التوست فيه http://www.3sl3.com/up/upfiles/tqW07258.jpg وثم نمسح التوست بشوية صوص ونحط كامل الحشوة عليه http://www.3sl3.com/up/upfiles/PlH07258.jpg وثم نرجع نصف فوق الحشوة التوست مرة ثانية ونحط عليه الباقي من كمية الصوص نغمره ونرش عليه الجبن الشيدر http://www.3sl3.com/up/upfiles/EtR07258.jpg وندخلها الفرن مدة نصف او ثلث ساعة او الى ان يتحمر http://www.3sl3.com/up/upfiles/xhx07258.jpg وبعدين يمي يمي الذ توست بالصلصة البيضاء راح تاكلون:22: جذيه: http://www.3sl3.com/up/upfiles/Gh607260.jpg وبس سلامتكم اختكم : بسمات الروح |
تسلمى على الوصفه بس للاسف كنت اتمنى اشوف الصور راح ارجع تانى احاول
|
عاشت ايدك بداااااااااااااااااااعه
|
الرجاء فتح موضوع في قسم مراسلة الإدارة
|
أنا أول ماقرأت العنوان وقبل ماادخل قلت بصوتي من الفرحة بطلتك
ياااااااهوووووو وابتسمت يابسمات لوجودك:d ري يسعدك يارب ولو ان الصور ماظهرت بس حاسة كاني شايفتها من الفرحة وتسلم ايدينك وبإنتظار الحلى:25:<<<<<تعقدها |
يا سلاااام عليك يا بسوومه
ابداااع وربي فكرة رهيبة وانا عندي توست بالثلاجة اليوم سبحان الله افكر كنت احشيه دجاج واقليه بالبقسماط بس طريقتك احلى بكثير بجربها باذن الله :) تسلم الايادي |
روووعه ومع هالمكونات اكيد بيكون طعمها ارووووع
تسلم الايادي |
اقتباس:
هلا وغلا ببنوتة الورد ^.^ الله يسلمهم ويعافيهم قلب اي ارجعي شوفيهم راح تعدلهم حبيبة قلبي قوالب رفعتهم على موقع ثاني :22: انتظر رأيج فيها ياقمر ^.^ شرفتي حبابتي |
اقتباس:
:d احلى مرور يالوردة :22: تعيش ايامج غلاتي حياج الله علياء وتشرفيني دايما وماننحرم هالطلة الحلوة :28: |
:22:
اقتباس:
:d:d:d هلا وسهلا ومرحبا وغلا بالورد كله وظله وريحته والمشموم بعد :d يابعدهم يا ام جموونة واحلى يااااهو :23: يابعدهم حبابتي الله يسعد قلبج دووم ويبعد عنج الكدر والكرب يالله ياكريم يالبى قلبك والله دايما ترفعين معنوياتي لا خلا ولا عدم منج ان شاء الله تظهر الصور انا رفعتهم على موقع ثاني وراح تضبطهم لي قوالب بعد جبدي والله يسلمهم ويخليهم ويسعدهم ولا يشقيهم http://www.66n.com/forums/images/icons/tongue3.gif ههههههههههه تصدقين انه اهو معاه حلا نسويه من بقايا التوست الاطراف وسويته ليلة الجمعة كان عندنا ضيوف سعودين ويالله يدي كل على قلبي لانه ضيوف غرب واول مرة ينزلون عندنا البيت بس تعرفين طلع مية مية:17: وسهـــــــــل حده حده من جذيه عرفت اسويه هههه ان شاء الله راح احط طريقته لمن اسويه مرة ثانية بس لا توهقيني مرة ثانية http://www.66n.com/forums/images/icons/mama.gif الحلى هذا رعب بالنسبة لي :29: احلى مرور من الغوالي الله يخليهم لي وينور دروبهم بالخيرات ^.^ |
اقتباس:
اهلا وسهلا ومليون مرحبا وغلا بالي لفانا ياهلا به ارحبووا يابكوورة :22: يسلمهم ويخليهم وينور بالخير دروبهم ولياليهم ^.^ صج فنن ولذيذة وخفيفة بعد لانه الصوص مو صوص بشاميل حليب وطحين يلا جربيها وعطينا رايج يالودرة احلى حضور ومرور ماننحرم منه بكوورة منتداج حلو :22: والي يكتبون فيه بعد كتاباتهم حلوة |
اقتباس:
ياتوته انته ياحلى توته هلا ومرحبا فيج مليوون الاروع وجودج يالودرة ^.^ اما طعمها انما اييييييييييه تحففففة :22: يسلمهم ربي ويخليهم ويسعدهم ولا يشقيهم شرفتي يالغلا ماننحرم هالطلة ^.^ |
عليكم السلام والرحمه،،
أحب الوصفات اللي بالتوست لأنه خفيف وغالباً تكون الوصفات الخاصه فيه سهله،، تسلم لنا الديات بسمات وبإنتظار الحلى:28: ،، موفقه . |
تسلم يدك يا أخلى بسومه ..
من جد خيال ..الله يعطيك العافية على هيك وصفة :) |
دحين فتحت الصور لمن قرات تم تعديل دخلت بصراحه من جد رائعه كانت صاحبتى تسوي اكله مشابهة بس بدون الملفوف وطعمها روووعه
|
تسلم يدك شكلها روعة بجربها ان شاء الله
|
مرررره روعه بحاااول اسويهاااا
وانزل التطبيق يسلمو يالغلاااا^_^ |
اقتباس:
ياااااهووووو على الرد اللي يبرد القلب ربي يسعدك يارب فرحتيني بدعواتك اللي تسر الخاطر وعلشان لأاحول الموضوع لشات وانشات منه حبيت اسألك: أكيد الحلى اللي سويتيه من بقايا التوست هو عيش السرايا أو بعضهم يسمونها الكنافة الكذابة ...صح؟ |
ما شاء الله تسلم الايادي يارب ويعطيكي الف عافيه
|
الله يفرج همك والله ماني عارفه وش اسوي اكل لزوجي الله يسعدك ياشيخه سيييييييييييييييييييييييده ع المطبخ
|
اقتباس:
هلا وسهلا اختي شرفتي حبابة ^.^ اي واييد خفيفه ولصوص بعد كان خفيف الله يسلمهم ويخليهم ويسعدهم ولا يشقيهم :) هههههههه الحلى هذا العقدة الابدية لي تسلم لي الطلة الحلوة يالوردة |
اقتباس:
الله يسلمهم ياقمر انته وتسلم يدينج انتي بعد لا خلا مولا عدم منج الله يعافيهم ويخليهم وينور بالخير لياليهم :22: شرفتي تسلم لي الطلة |
اقتباس:
اهلين بنوووتتنا ياحلو كلامج بس ^.^ اي حلووة وااايد شرفتي على طلتج الحلوة يالوردة مانحرمها ^.^ |
اقتباس:
جربيها وعلى ضمانتي وعطينا رايج :22: تسلم لي الطلة الحلوة يالوردة ^.^ |
اقتباس:
الاروع تواجدج ياقمر في الموضوع لا خلا ولا عدم منكم حبيباتي جربيها وعطينا رايك :22: وان شاء االله نشوفها بابتكارات احلى واكشخ http://www.66n.com/forums/images/icons/icon52.gif اللهم يسلمهم ويخليهم وينرو بالخير دروبهم ولياليهم شرفتيني يانورين ^.^ |
اقتباس:
اهلا وغلا بلحبيبة ام جمانة عاد انا تسأليني عن الحلا حرام عليج :23: انا اقل الاقلين في ذلك http://www.66n.com/forums/images/icons/icon59.gif بس اهو ان شنو الي كتبت الطريقة تقول حبت تستغل الاطراف ههههه وانا قمت وراها استغليت الاطراف يعني مع الخيل ياشقرا http://www.66n.com/forums/images/icons/icon52.gif فقطعته مربعات وحطته اهي في صينية وحمرته في الفرن شوي يعني صار مقرمش وصبت عليه بس حليب مركز ورشته بشوية مكسرات هههههههه عاد انا سويت روحي مبدعة http://www.66n.com/forums/images/icons/icon52.gif >>>حاسبي على الابداع عاد يابسمات خخ رحت حطيت في الخلاط قيمر 2 و3 دريم ويب وحليب شوي بودرة وحليب مركز شوي .. امممم http://www.66n.com/forums/images/icons/rolleyes.gif بعد مادري شنو نسيت ههههه لانه ابوي الي شغل الخلاط عليهم نسيت كاني شفته زادهم ماي شوووية اوحليب سائل مع اني اقول له لا تزيدهم شي وهو يخش الخلاط ويصب مادري شنو :29: بعدين طلعت التوست المحمر وصبيت عليه الخليط ورشيته بفستق مجروش بس مو مجروش وااايد يعني خليت قوام الخليط يصير غليظ لانه مافي وقت لازم اقدمه بسرعه ااييي صح بعد ماطلعت من الثلاجة قبل ما اوديه صبيت عليه السكر المحروق البني مع حليب مركز بعد وبس خلصت الحتوتة :23: |
اقتباس:
الله بسلمهم ويسلهم غواليهم شرفتي مدام آلاء ^.^ الله يعافيج يارب ويخليج ويحفظ لج جنينج ويقر عينج بسلامته يارب ^.^ ماننحرم هالطلة الحلوة :22: |
اقتباس:
:o :o وش ذا الكلام لياااا؟؟؟ متأكدا؟؟؟ انا نورين:11: الله يسعدك يااارب ويوفقك احرجتيني بصراااحه:d مشكوره على الكلام الحلو مثلك معرفك صاار روعه بعد التعديل ماشاء الله عليك يالغاليه فناااانه يسعدك ربي |
اقتباس:
اللهم امييين اميننن ويفرج هم المهمومين والمغمومين ويشفي صدور المكروبين يلا تمام ياتج الطبخة سهله سويها لابو العيال :22: وان شاء الله تعجبه الله يسعدج ويقر عينج في ويقر عينه فيج ويصلح لكم شانكم كله يارب شرفتي يالوردة ماننحرم هالطلات الحلوة ^.^ |
بسمات روحي أنت ماقرأتي كلامي اللي جنب هذه الصورة:14:
توقعتك ذكية وبتشوفينه وبعدين وش ذا الحلى الإبداع يابسمات والله تصدقين انك أحسن مني لاني أنا بس أنقل ماأعرف أبدع واغراني الحلى ولو انه دسم مررررة بس كانه أم علي يارب اجعل البسمة ماتفارق بسمات (جمع مؤنث سالم) <<<<متأثرة كانت تدرس ولدها قواعد عنده اختبار |
اقتباس:
ايووه هذا الكلام لاحلى نوورين بعد http://www.66n.com/forums/images/icons/tongue3.gif تستاهلين غناتي :22: يابعدهم ^.^ الله يخلي ام جمانة اهي الي حاربت عليه الين غيرته ههههه http://www.66n.com/forums/images/icons/icon12.gif تسلمي لي يالغلا على الاطراء ربي يخليج ويسعدج ولا يشقيج ويسعدج ويسعد هالقلب الحنين ^.^ وينولج رغائبج ومنالج يارب في خير ويسر وعافية V V V V وان شاء الله بيسامحج بس لا تعيديها مرة ثانية http://www.66n.com/forums/images/icons/icon6.gif |
اقتباس:
هههههههههه الله يسعدهم ويصلحهم وينجحهم يارب اما عن شسمه شسمونه :d لالا راح بالج بعيد صرات اخاف منهم http://www.66n.com/forums/images/icons/rolleyes.gif بس ترقبي شهر ربيع :24: مادري يمكن http://www.66n.com/forums/images/icons/icon53.gif |
السلام عليكم
المرجو من الجميع الإلتزام بمسار الموضوع في امان الله |
ما شاء الله اكله حلوه وسهله
طيب عادي استغني عن المايونيز ماحبه :) وتسلمين على الطبخه ياعسل :22: |
اقتباس:
حااااضر خلاص يانورين ماأقدر أخبرك الحكومة وصلت:17: |
دنيا الوفا
هلا وسهلا غلاتي الاحلى تواجدج عندي بصفحتي وعلى راسي والله شرفتيني ^.^ اي يصير ياقمر الله يسلمهم ويسعدهم وينور بالخير دروبهم ولياليهم :) ماننحرم طلتك ^.^ ام جمانة ههههههههه الحكومة ها :d حاضرين يا انديان خلاص مافي جات :25: |
مرحباااااا بسوووووومة ,
شلونج شخبارج شمسوووية ؟؟ وحشتيني قد البحر قد السمااا :o وينج عني بس =( بعدين ليش جذي تسوين فيني صار خاطري بالتوست اهئ اهئ آنا اسوي مثل هذا الطبق ولكن بإختلافات بسيطة واحط باشميل بدل الصوص الي حطيتيه إن شاء الله لمن اقوم بالسلامة وارد لبيتي اطبقها على طريقتك ... مع كان ودي اطير لبيتكم واتعشى وياج ^.^ تسلم يدج يالوردة , |
جزاكى الله خيرا
وتسلم الأيادى |
اقتباس:
:17: أهليييييييين يالغالية وردتي http://www.66n.com/forums/images/icons/tongue3.gif يابعدهم والله انتي بعد لج وحشة وفقدتج بالمنتدى بس صدممممممممممممممني الي بتوقيعج وحزنت وايد http://www.66n.com/forums/images/icons/icon9.gif ولكن طرت على بالي هالاية سبحان الله : " فأردنا أن يبدلهما ربهما خيرا منه زكاة وأقرب رحما " كله خيرة ان شاء الله ويذخره لج رب العالمين يوم الحساب .. لا تحزني انتي الي تجيبهم :22: مو اهم الي يجيبونك والله يقومج يالسلامة ويرد عليج صحتك وعافيتج وتنورين مرة ثانية بيتج وتسوين هالطبق وتنزلينه وتفرحيني بتطبيقج ... والله لو اعرف بيتج انا الي يبته لج برسم الخدمة واقعد اتعشى وياج ههههههه قطة ويه ماعندي بريك بعد وجه بليته :d ... احنا نبي الغالية بس ترتاح حتى تستعيد صحتها وبعد كم شهر تسوي لنا نونو ثاني :15: حتى اصير خالة بسرعة يلا شدي حيلج :22: شرفتيني حبابتي وماننحرم من هالطلات الغالية على القلب |
اقتباس:
كل الخير بدربك ان شاء الله ^.^ شرفتي حبوبة وربي يسلمج ويخليج وينور بالخير دروبج ولياليج سعيدة بتواصلك يا اختي :22: |
| الساعة الآن 02:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©