طليقي وزوجتة سبب اكتئابي
 

السلام عليكم ورحمة الله


كيفكم جميعا سأدخل في الموضوع مباشره لاني مصدعه ومعدتي من

امس فيها تقلصات من القهر امس سهرت مع بنتي الى تقريبا الصباح

ورحت مع اختي لمشوار واصطحبت بنتي معنا لانها صغيره ماقدر اتركه

لحالها بالبيت وهي مابعد أكملت سن الثالثه من عمرها ورجعنا البيت ع

الظهر وغيرت ملابس بنتي وتغدينا ع العصر وصرنا دايخين ونمت انا وبنتي

تونا غفينا الا والباب يطرررق اخوي الصغير أهل بنتك عند الباب يبون يأخذونها

قلت له البنت نايمه اعتذر لهم مره ثانيه يجونها وهذي اول مره اسويها

لانهم مايسألون عنها الا مره كل 3شهور حتى والد بنتي مايسأل الا ب3شهور مره

وقبلها ب 10 ايام كنت طالبه مصروف بنتي من والدها برسالها وطنش

ماوده يرسل عنده التزامات اهم رحت كالعاده وبعت لي خاتم ذهب

وشريت لبنتي أغراضها الي ناقصتها الشاهد ابو بنتي ارسل لي رساله

المساء (نطق ابو الهول) بعد ماكان مطنش رجع يرسل ليه تردون ولدي


من عند بابكم جاي يسأل عن اخته !


ارسلت له رساله البنت كانت نايمه وانا ما اكذب وانت عارف وبعدين البنت

ماهي متعوده عليكم تجونها كل 3 شهور مره ينقطع قلب بنتي من الصياح

لا تكلف ع نفسك وع عيالك بالجيه دامها كل 3 شهور مابي اخسر نفسية

البنت من الحزن اللي بعيونها لاجات تروح لهم وربي الجيران يسمعون صياحها

المهم عاتبت الابو انه يتأخر ع مصروف البنت ومن ها القبيل وانه يبطي

عنها بشوفه وقلت له 100مره سو جزء مستقطع من راتبك ينزل ع حسابي

مصروف البنت اقصد ورفض المهم يا اخوان وهنا النقطه المهمه واللي رفعة

ضغطي

قال لي يوم رديتي اخو البنت من بابكم سببتي لي اشكاليه كبيره

في بيتي هم يبون يقربون من البنت وانتم تردونهم واللي مرسل

الولد لكم زوجتي قالت روحو جبوها ماهو انا .........انصدمت

ردي له ..........قلت انا بنتي ماتجي بيت ابوها امر من زوجتك بنتي تجي

بيت ابوها رغبة منك انت وبناء ع طلبك مو لا سمحت زوجتك ارسلت عيالك

وبعدين لو أدري ان بنتي تجيكم بناء ع طلب زوجتك امنع بنتي تجيكم

لو اطلب بنتك او ولدك يجوني كان رفضت بأي حق زوجتك تطلب بنتي


طبعا هي قالت له انهم رفضوا يعطونا البنت قلت له اذا ها الموضوع التافه بيسبب لك

اشكاليه عند حرمتك الله ايعينك ع ممبتلاك البنت فعلا كانت نايمه

وزوجتك مالها دخل في بنتي ارسلها ما ارسلها مو هي اللي تتحكم في

بنتي لا يصير لزوجتك سلطه ع بنتي قال لي انا كنت اضن انك راح تساعديني

ان البنت تجي عندنا وانا احاول ارغب عيالي في بنتك وابيك تساعديني

قلت له تصرفاتك هي الي تحدد علاقتك في بنتي انا هنا مالي دور لا اخليها

تحبك ولا تكرهك انت وتصرفاتك معها اما انك تترك البنت 3 او 4 شهور وبعدين


تطالبني انا اخلي بنتي تحبك وتحب زوجتك هذي مو من اولوياتي الزبده


الابو معاند ولا رسل مصروف البنت ها الشهر كيف اتصرف معه تعبت

كلمت امه وكلمت اخوه ولا فيه فايده ولا عندي احد يوديني محاكم ويجيبني

دلوني لارضت زوجته رضا ع بنتي

يقصد لا امرت زوجتي العيال يجيبون بنتك ع طولي وافقي وطلعيها لهم


عشان عيالي وزوجتي مايكرهون البنت ولا تصير جيتها ماهي مرغوب فيها

كيف اتصرف مع ها الرجل وش الحل


......................

استودعكم الله

اختي الكريمة


ارسلي له رسالة مع ابوك او اخوك انه اذا بيجي ياخذ البنت ولا يشوفها يبلغك قبل بيوم على الاقل علشان تجهزينها بالموعد المطلوب.

لا تحرمي البنت من ابوها مهما كان .. حتى لو صاحت شوي لكن لازم تتقرب من اخوانها واخواتها وهذا ماله شغل بعلاقتك بطليقك أو بظلمه لك وبعدم التزامه بالنفقة.

خليها تتقرب منه .. بكره هي تكبر وتطلب حقوقها من مصروف وملبس وغيره منه بشكل مباشر.

يا أختي دام الرجال ما يدفع مصروف وكلمتيه اكثر من مرة لازم تروحين محكمة وترفعين قضية نفقة ! لا تسكتين عن حقك لانه طالما انت ساكته هو رح يتمادى ويستهون امرك وامر بنته.

الله يعين قلبك ويفرج همك

اختي الفاضله بكر الشايب والله ما امنعهم منهم ابد بس لانها كانت نايمه وكانت مواصله والدي متوفي الله يرحمه


والأخوان لاهين ولا احد يسأل الله المستعان هو بس ها الشهر تأخرت النفقه ولاني مالي مدخل لبنتي غير اللي من والدها

احس انها صعب جدا تتأخر علما بإن وضعه المادي ممتاز بس ليه التأخير والتمادي ماعرف

المشكله يا أخوات الابو ما يسأل الا مره كل 3 شهور ولا عمري رديته لا جاء يأخذها الا ها المره يعني الواحد ما يجيه عذر


رجـــــــــــــــــــــــــــاء يا بنات انا ما منعت البنت من أبوها ابد ولا هو تفكيري ولا مبدأي بس البنت مواصله ونامت وبعدين


اللي بيشوف البنت زوجته مو هو يقول زوجتي بتصير ماتحب البنت وبتصير جيت بنتك ماهي مرغوبه عندنا تخيلوا ها الكلام

جزاك الجنه اخوي كساب ع الدعاء واسأل الله العظيم ان يرزقك الذريه الصالحه عاجلا غير اجل يارب

انتي مو غلطانه ابدا والحمد لله انه طاح بلسانه انها زوجته

خليه يوصل لها المعلومه

ومصروفها لا تسكتين عليه ابد


اطلبيه ودايما في كل طلب اكتبي له افتح لها حساب وفكنا من التأجيلات خاف ربك بنتك هذي في رقبتك مصروفها وذهبي بدا يخلص من وين لي بعدين مع مماطلاتك هذي؟


ومن ناحية البنت انهاتكون مقبوله او لا .. قولي له مردها تكبر وتعرف اللي يحبها واللي لا
مردها تعرف ابوها اذا هو قايم بواجبها او لا

اختي الكريمة

بعد اللي قاله متخيلة بلتزم بمصروف البنت من نفسه ؟؟ اذا ترتيب زيارات البنت وانه يقرب منها رابطه بزوجته (ويا كثره هالصنف من الرجال) !!

لا تطولي الموضوع اكثر ، لازمك المحكمة وحكم نفقة يتنفذ ، اليوم بتصرفي من ذهبك بكرة من وين تصرفي ؟؟ .. وبخصوص الزيارات ، حطي برنامج ولا يكون بمزاجه ومزاج مرته ، يعني المواعيد محددة ومعروفة سلفا.

وانت اختي ما تفكري بنفسك وتحاولي تعملي حتى يكون لك مصدر دخل ولا تعتمدي على انسان في الدنيا ؟؟

هلا بك اختي الفاضله مشكلتي اصدق اشكرك كثير ع ردك الله يسعد قلبك

هلا بالغاليه ميمي شكرا قلبي ع الرد ماقصرتوا يا أخوات ويا أخوان

مثل ماقالو الأخوان والأخوات افضل شي ترتبي مواعيد زيارته لها وهو لازم يكون قريب منها اكثر مومعقول ثلاثة اشهر مايشوفها
لازم مرتين او ثلاث في الأسبوع مع المكلامات اليومية
والمصروف يعملها حساب وكل شهر يكون مصروفه جاهز
الله يكون في عونك ويوفقك

تسلمين اختي عائشه ع الرد

بصى حبيبتى

الحمد لله ان العلاقه بينك وبين طليقك لسه ما وصلت لحد انكم تقطعوا بعض
خليها فى الحدود دى ........يعنى كويس انك بتتكلمى معاه باحترام وهو كمان ، اما مسئله كنت بظن بتساعدينى ما اعتقدش انها مناسبه خاصة وانه هامل البنت
افضل شىء عشان البنت تتكلمى معاه بهدوؤ خالص
قولى له بنتى لازم تستقر نفسيا وانت لازم تيجى تشوفها كل جمعه وماعندى مانع تروح بيتك مع اخواتها طبعا ده حقها علينا احنا الاتنين.....
مالكيش دعوه بمراته خالص ولو جاب سيرتها اعملى نفسك طرشه بعد الشر عليكى طبعا .....
ولا صوتك ولا وشك يتغير ابدا
وقولى له وانا كمان احب اخواتها ييجوا يزوروها ببيتها.......
ده حق البنت
القصد كل ما تتكلمى تقولى حق البنت
ولو ماتقدر كل اسبوع قول يبقى كل اسبوعين او كل سنه حتى بس يبقى فيه نظام لاستقرار نفسيه البنت
وقبل ما تيجى بيوم تقول لنا عشان اوضب البنت

تانى حاجه لازم تلاقى لك حل على مصروف البنت ومالك دعوه باهله خالص ما تدخلى حد بحياه بنتك ، ابسط شىء لو لهم لازمه جدهم كان مد ايده وعطاكى اللى ابنه مقصر فيه تجاه حفيدته اعز من الولد ولد الولد
وكان هو يتصرف مع ابنه براحته
يعنى الكلام معاهم وجع دماغ عالفاضى
خلى مشاكلك وطلباتك بينك وبينه وبس ، ولا حتى اهلك يتدخلوا لسبب بعد سنين هتلاقى اللى يقول للبنت ابوكى وابوكى وابوكى واحنا ياما عملنا وسوينا ومالها لزوم
مصلحه البنت مقدمه على مصالحكم انتم الاتنين
مصروف البنت له نظام شهرى بمعاد محدد

لو ما رضى او اتلاوع فيه حذريه انه بتصرفه ده هيضطرك تتصرفى تصرف مش تمام.......
لو استمر روحى المحكمه وممكن اظن تتقدمى بشكوى للقاضى حتى من غير محامى، الله اعلم عندكم النظام ازاى
ربنا يهدى لك الحال

حبيبة قلبي الغاليه فوتشي كفيتي ووفيتي ربنا يحفظك من كل مكروه صحيح انا ماحب الاهل يدخلون لانها لاكبرت بيقولون لها احنا عملنا لكي وعملنا فعلا هذا اسلوب اخواني للاسف الشديد

شــــــــاكره مرورك تشرفت به والله ردك وافي وبصميم

هلا بك ليلة اختي ليلة مطر

والله العظيم صدقتي بها الراي مره سويتها فيه قلت لاخته واحد تقدم لي وانا موافقه مبدأين والله العظيم يومين الا وهو

مرسل لي رساله يسأل عن البنت وقال تراني ارسلت مصروف البنت شيكي حسابك من غير ما اطلب المصروف شفتي كيف

اختي فرج الله همك وسهل امرك

الصراحة ماقصروا الاخوات ماشاء الله وخاصة فتوشي

واحب اسأل ماحاول احد يصلح بينكم ويرجع لك وخاصة انك تتمنين الرجوع له وايضا لكي تعيش البنت في بئية مستقرة

هلا اختي سحابة صيف لا والله ماحد دخل بينا لصلح ولا حاولات انا اخاف يفشلني وانكسر زياده ماصدقت اللملم جروحي

هلا قلب القمر ماقصرتي ع الرد شرفتي بردك

اشكرك المهمومه ع الرد بارك الله فيك