|
زوجي لا يريدني ان أرقد معه في نفس الغرفة
السلام عليكم ورحمة الله وبركاته على طول بادش في الموضوع انه توني والده صار لي 13 يوم في النفاس.. مشكلتي ان زوجي اذا رديت بيتي ما يبيني ارقد وياه في نفس الغرفه يبيني اخذ ولدي واروح الغرفه الثانيه وانه مب متقبله هالفكره كلش.. من قبل لا اولد قايلي هالشي وقلت له انه مابي..ويوم شرينه سرير متعمد ركبه في الغرفه الثانيه لان ما يطوف من الباب..عشان ماقدر اوديه غرفتنه.. انه مب متقبله هالفكره وبعد مابي اكون بروحي ويا ولدي سعات من التعب ما احس بعمري الياهل يصيح وانه ما اسمعه..في بيت اهلي امي وياي وتقعدني لكن اذا بروحي شباسوي على الاقل اذا انه ما سمعته زوجي بيسمعه.. شلون اتصرف وياه ياريت تساعدوني.. |
شوفي يا اختي من وجهة نظري اذا انتي غير موظفة وزوجك موظف للظروف احكام يمكن زوجك نومه خفيف واذا صحى من النوم ما يقدر يرجع بسهوله للنوم ويمكن عمله صعب ويحتاج تركيز وكذا بيروح كل يوم تعبان ومرهق وبيتخربط شغله..
هالكلام طبعا يعتمد اذا انتي غير موظفة.. تقدرين تنامين بالنهار وتاخذين اكثر من قيلولة عشان بالليل تنتبهين لصوته وتصحين لا ترهقين نفسك طول النهار وخففي شغل البيت في الفتره الاولى واكيد زوجك بيكون مقدر.. ولا تخافين ترا الطفل بعد النفاس يعني بيكون عمره حول شهر ونص مو زي الفتره الاولى يعني يبدا ينتظم نومه شوي وان شاء الله يقل بكائه خلي زوجك يساعدك عليه في النهار عوديه تاخذين قيلولة في النهار او المساء اذا رجع من عمله ويبقى البيبي عنده عشان انتي ترتاحين وتستعيدين نشاطك بالليل وهو يتعود على مسؤولية الطفل بالذات اذا ماكان عندك خادمة او مربية.. لكن ان كنتي موظفه فلي كلام ثاني.. |
هل زوجك ملتزم ومحافظ على الصلوات
وهل التلفاز لديه داخل الغرفة أو تخافين انه قد يكون على عمل محرم كعلاقة بالهاتف أو الشات او الأفلام هل كما قالوا الأعضاء لديه عمل مبكر وهو خفيف النوم حللي الموضوع والأسهل تكلمي معه لماذا قولي له أما أن تقنعني أو أقنعك |
شوفي ما فيها شي ، لا تعقدي الموضوع ، الغرفة التانية مو بعيدة ، روحي اول الليل نيمي الولد ورضعيه ، وارجعي نامي عند زوجك ، وفي جهاز بتوصليه بسرير البيبي بخليكي تسمعيه لو تنفس ، يعني مجرد ما بكى بالليل بتصحي وكانه جنبك .. كنت بفضل لو اقتنع يكون سرير البيبي عندكم بغرفتكم حتى لو اول 6 اشهر ، بس برضه مو مشكلة ... هيك معظم الرجال الا من رحم ربي .
على طول ياخدو الموضوع انه انت بس المسؤولة عن البيبي .. كيف بده يخلق علاقة مع البيبي اذا ما صحاه من نومه وهو يبكي وقام يشوفه ويحمله ويهدهده ، ساعات بشوف انه الرجال بتخلو عن خبرات كتير حلوة بدون ما يعرفوا :) |
اقتباس:
انه غيير موظفه..ومثل ما قلتي يمكن زوجي يكون رقاده خفيف بس مب وايد مرات يكون التلفزيون صوته عالي ما اشوفه يقعد... اذا مايبي ازعاج..الياهل لازم يصيح حتى لو كبر يعني لي متى بارقد في غرفه وهو في غرفه ثانيه..مب عيشه ..شكرا لج اختي |
اقتباس:
الحمدالله زوجي يصلي..اي نعم التلفزيون في غرفتنه..لا مب موضوع علاقه ام شات او افلام..زوجي من النوع الهادي ما يحب الازعاج.. |
كم شهر بس حبيبتي لين يستقر نوم ولدك ويصير يستغرق بالنوم طول الليل ساعتها حطي جهاز ونامي عند زوجك كل صديقاتي معودين اطفالهم ينامون لحالهم من الشهر الثالث او الرابع ويحطون الجهاز وينامون عند ازواجهم بس اول شهرين يمكن عشان المغص والنوم المقطع للطفل رح يكون صعب عليك تخلينه لكن مجرد ما يتعود على الحليب وما عاد يجيه مغص وغازات ويبدا ينام كويس وهذا غالبا في الشهر الرابع لازم تعودين نفسك تنومينه بغرفته وتروحين عند زوجك..
بصراحه ما الوم زوجك اذا هو موظف ودوامه طويل يبي ينام بهدوء وراحه وممكن تخلينه يساعدك بالطفل في وقت صحيانه ووجوده بالبيت بس بالليل يحتاج يشحن طاقته عشان العمل وانتي ماشاء الله غير موظفه ورايقه بالبيت وهذي نعمه تحسدها عليك الكثيرات.. |
اقتباس:
لا مستحييل اخلي ولدي ينام بروحه..اذا على السرير اقدر ابطله وارد اركبه...المشكله مب مشكله السرير المشكله ان زوجي ما يبينه نرقد وياه..مايبي الازعاج.. |
اقتباس:
بتفكري خيالي خصب وبتخيل ؟؟؟ لا ابدا ... هاد اللي صار معي انا شخصيا !! ... ولما برجع بفكر في تصرفاتي بشوف اني كنت غلطانة جزئيا. 1- التصاقكك الشديد بالطفل ونسيانك ان زوجك موجود ومحتاج يشعر انه لسة على راس القايمة عندك .. خطأ. 2- توقعك ان البيبي محتاجك 24 ساعة باليوم ، رح يحملك عبء وتوتر نفسي .. عودي طفلك ترضعيه وتغيري له وتلاعبيه ... ورتبي برنامجك تنامي على نومته وتصحي معاه ، يعني اول فترة لا تستغلي نومه بانك تقومي باعمال منزلية ، لأنك لسة والدة ومحتاجة راحة ولما تتعبي حالك وهو نايم ما رح يصير عندك طاقة لما يصحى. 3- حاولي تطلبي من الاب يساعدك في حمام البيبي ، او لعبه ، حتى يتعود عليه ، اول الولادة في بعض رجال بيحسو انفسهم غريبين عن البيبي وبيكون في زي حاجز لتقبل البيبي. خلال هادي الفترة ، الله بعينك نامي انت والبيبي في الغرفة التانية لحتى يتحسن وضع زوجك ويتعود على وجود بيبي في البيت، ويعرف ان الخلفة بترتب عليها تضحيات من الام والاب.... لكن بدون عصبية ولا اتهامات .. زوجك متل ما انت محتاجة قربه ومساندته الك في هالمرحلة ، هو كمان محتاجك .. خدي الموضوع بالهدوء والحوار والحنية. |
اختي لاتعقدي الموضوع خلي نظرتك بعيده شوي بعد شهرين ماعنده عذر خليك اذكى منه ومو مهم وقت النوم لاتمشين من عنده الا قد انحول من النعاس
بعدين قولي تصبح على الف خير يا اسد |
اقتباس:
بالعكس انه مب ناسيه زوجي..انه اللي ابيه ان اكون وياه مب بعيده عنه..صح ان باكون بعيده عنه بس في الليل وهو بيكون نايم مايدري عني بس احب احس بوجوده يمي..وبالنسبه حق الموضوع انه مب مسويه مشكله انه اتحاور وياه بهدوء...شكرا لج اختي وجزاك الله خير |
مرحبا اختي اولا مبارك الولد والحمد لله على السلامة
لاتقلقي بشان الولد مجرد ان يبكي فورا تسمعيه هذه حنية الام والغرفة بعيدة كتير يعني خلي البابين مفتوحين وفي حل استعملي الجهاز الخاص بالاطفال متل ما قالت ميامي انا بنتي بتنام بغرفة وانا بغرفة وبصحا على صوتها فورا والحمد لله زوجي نومه عميق |
اولا الحمدالله على السلامه:)
اختي الله يهديك مكبر الموضوع وااايد!!!!! انا من بعد جبت بنتي وانااام بغرفه لحاااالي شي عااادي لان ممكن يتضاااايق من صوت البيبي ويكون ورااه دوووام او ممكن يتضاايق منك لان كل بعد شويه تقومي ترضعي البيبي والسرير يطلع اصوات لما تقومي ولا تجلسي وانتي يبغااالك تاااخذي البيبي بحضنك لانك بفترة الاربعين والبيبي محتاااج لدفء وعشان كمان ترضعيه طبيعي صدقيني ازعاااج انتي وزوجك والبيبي بغرفه وحده على الاقل لييييييين ينأقلم البيبي مع الوضع لين 3او4 شهور ويصير نومه مرتب ومايصحى الا لي الرضااعه والحين تلاقيه كل شوي يبكي وصاااحي بالليل والنهااار نااااايم اصبري عليه يحق له الله يوفقك يااارب ويخليلك البيبي ايش اسمه؟:) |
اقتباس:
مراحب...الله يبارك فيج..الله يسلمج شكرا اختي على مرورج وجزاج الله خير |
اقتباس:
الله يسلمج اختي..يعني بس بداية الايام بكون في غرفه بروحي وبعدين يرد كل شي مثل ما كان؟ انه مابي اتم على طول في غرفه بروحي ما استحمل هالوضع وشكرا اختي على مرورج ويعطيج العافيه اميين ويوفقج سميته خليفه |
والله اختي انه اقول قعدي في غرفتك واذا هو مو عاجبه الوضع يروح الغرفة الثانيه
|
اقتباس:
|
اقتباس:
عاد انتي وشطارتج يا أم خليفة. ولأن ابنك الله يحفظه لا يزال صغيراً ولم يكمل شهره الأول فالأمور ستكون مخربطة جداً .. ولكن وضعه سيتحسن بعد عدة أسابيع إن شاء الله .. إلا أن عليكِ دوراً مهماً في تنظيم الأمور أو عدم تنظيمها. يعني حاولي أن تنظمي نوم ابنكِ ووجباته .. حددي له ساعة معينة للنوم مساءً ويجب أن تكون ساعة مبكرة (يعني العاشرة على الأكثر وبعد أن يكبر قليلاً ويقل عدد الوجبات اجعليه ينام في الثامنة أو التاسعة على الأكثر) .. عوديه على النوم في سريره حتى لا يتعبكِ ويستيقظ كل حين طلباً لحضنكِ .. لا تحمليه كثيراً بمناسبة وبدون مناسبة. ولاحظي .. الطفل في البداية لا يستطيع النوم أكثر من خمس ساعات متواصلة وسيوقظه الجوع .. ولكن بعد أسابيع قليلة سينام فترة أطول. نصيحة إضافية أطبقها مع أبنائي رغم اعتراض البعض عليها: لا تعطيه حليب أبداً خلال الليل .. حتى لا يعتاد على الاستيقاظ .. يعني مثلاً حددي موعد آخر وجبة في المساء وبعدها يفترض أن ينام .. فإن استيقظ خلال الليل أعطيه ينسون فقط (50 ـ 100مل) .. ثم أرجعيه إلى سريره دون ملاعبة حتى لا يصحح ويطير النوم من عينه. هذا التنظيم لن يريح زوجكِ فقط .. ولكنه سيريحكِ أنتِ وخليفة أيضاً. موفقة. |
مبرووووك اللافي
يتربى بعزك وعز ابوه ان شاء الله ... وان شاء الله ماهو وحيدك ... أختي لا تنسي هناك طفل آخر يحتاجك هو زوجك .. خليك ماسك العصى من النص ... يعني فكري في زوجك وطفلك ... مهمة صعبة ..بس فترة وتعدي ان شاء الله ... خلي خليفة في غرفتة وخليك على تواصل معه من خلال الجهاز ... الطفل اذا كان راضع ونظيف يواصل النومه حوالي 3 الى 4 ساعات بعدها يصحى يبي رضعة او تبديل ويواصل النوم .... والطفل اذا شاف احد بجانبة يبكي علشان يقوم بحملة من السرير ....لكن اذا ما شاف احد جنبة يرجع يكمل نومة .... مع استمرار المحاولات تقريب الاب من الطفل ... في البداية قربي خليفة:15: من ابوة :30:واحرصي على نظافة خليفة واشباعة ....حتى لا يتملل منه ..ويتولع به .. ومع الايام راح اتشوفين ابو خليفة هو اللي راح يقوم ورضع خليفة قبلك ..ان شاء الله ... اللهم اكتب لها من الخير كله... |
بصراحة اختي معاك حق والسموحة ماعجبتني ردود البعض .. اهو ابو البيبي مثل ماانتي امه ولازم يشاركك ويستحمل معاك .. وبعدين فكرة الجهاز وكانه جنبك شنو فايدتها خل الياهل جنبك يحس بوالدينه احسن . من رايي كلمية واهو في مزاج رايق وانشالله بتوصلين معاه لي حل ولا تقتنعين بالنوم بروحج لان بيتعود بعدين .. اهو لازم يتاقلم انه في البيت تغيير وانه بيكون في اصوات وراح الهدوء اللي قبل .. والله ييسر اموركم والله يوفقكم انشالله |
خلاص إذا تكلمي معه
وأولا التربية مسؤولية الوالدين ويمكنك وضع الطفل في غرفة اخرى ووضع سماعات خاصة تباع في المحلات واستخدميها وتعالي له باللين وانك لاتستطيعين النوم بدون وجوده بجانبك وهذا الكلام |
ايوه صحيح
رضعي الولد وشبعيه تماما وبينام ساعتين ثلاث مو مشكله خلالها خليكي مع زوجك وقت مافعلا خلاص بينام واصل حده ممكن تقومين وتخلينه وترجعين لولدك بس خليه يساعدك فيه خلال اليوم كامل .. لازم يشارك معك لاترفعين يده مره واذا تأفف كثير من صياحه قولي له مافيه عيال على الصامت ابدا والحياه مشاركه والا ليش العيال مطالبين بالبر بوالديهم؟ الا من الصبر على الصياح والقلق والتعب عليهم قولي له مافيه عيال بالراحه ابد لكن اعتقيه وقت النوم وفعلا لاتجهدي نفسك خلال اليوم بالشغل عشان لا تنهدي وتنامي خذي كل شي بشويش علشان تقدرين تحسين بصوت الولد اذا صحي |
اقتباس:
الله يبارك فيك..اميين يارب المشكله ماقدر اخلي ولدي بروحه..هو ياهل توه صغيير ومحتاجني كل الوقت.بعض الاحيان الياهل يشرق وهو راقد يعني اذا كان بعيد ما باكون مرتاحه باقعد احاتيه ما يسوى علي اكون قريبه منه احسن |
اقتباس:
صح كلامج اختي المفروض هو عارف من قبل ان ياهل لازم بيصيح ولازم بيكون في البيت ازعاج مب مثل قبل..هو ابوه سوا نفس الشي مع امه خلاها ترقد في غرفه بروحها اذا امه تقبلت الوضع وعادي عندها انه مب قادره, والله كل يوم افكر شلون اتصرف وياه واقنعه..ومثل ماقلتي انه خايفه يتعود على بعدي الصراحه مب حلو انه في غرفه وهو بغرفه |
يعتمد على الطفل
اذا صياح او هادئ يعني هو من النوع اللي يبكي طول الليل؟ عموما ما تقدري تحكمي عليه من الان اصبري الين تنتهي ال40 وشوفي وضع ابنك ايش رح يكون بالليل.. قصة السماعه ما استلطفتها والسبب انه كانه موجود معاكي بالغرفه يعني الصوت رح يسمعه ابوه واذا قمتي من السرير رح يحس عليكي فالاولى انك تجيبيه جمبك طالما الازعاج هو نفسه! من تجربة زوجة اخوي قعدت فتره تنام مع بنتها بغرفه ثانيه راحت امي مسكتها وقالتلها انتبهي على زوجك لا يتعود فراقك وفعلا تقول لما رجعت تنام معاه بنفس السرير صار ينزعج منها لانه تعود يكون لحاله .. طبعا اول الزواج يكون الزوج فرحان بزوجته ويبغاها جمبه لكن بعدين لما يتعود عليها انها بعيده بعد الولاده يصير يضايق منها لما تنام معاه على نفس السرير.. عموما لا تتسرعي الان بالحكم اذا طفلك من النوع اللي رح ينام 4 او 5 ساعات متواصله اذا خلاص تنامي مع زوجك في نفس الغرفه اذا من النوع الصياح وكل ساعه صياح للاسف رح تضطري يا انتي يا هو يطلع من الغرفه.. |
اقتباس:
ولدي مب صياح يقوم مره وحده في الليل الحمدالله..يعني لازم احاول اقنعه باي طريقه..والله هالموضوع وايد شاغل بالي.افكر من الحين قبل لا ارد بيتي..عالعموم مشكوره اختي |
اصلا يااختي
صح اول فترة صعب يكون بعيد البيبي لانو بصحا كتير وتعب بس بعد 5 او 6 شهور بستقر وبصير لازمو غرفة لحال لهيك ماتعقديها جيبي جهاز المراقبة بشاشة وكل شي وانت نامي وابنك بتصحي تشوفيه بس يبكي وازا عالرابط الابوي بين الاب والابن خليه وقت النهار يلعب معاه وهيك يوم اعملي حالك تعبانة او بس تكوني تعبانة خليه يتولى امورو وهيك وهوة اكيد بحبو يعني وحيحيبو بس في رجال اولها مابقدرو عصراخ البيبي اتحملي وخلييكي جمب جوزك بتعدي |
اختي ليش ماقعدتي فترة النفاس عند اهلج!! اريح لك وله!!!
بعد مايخلص النفاس ارجعي الغرفه!! |
من واجبك طاعة زوجك وعدم تعقيد الأمور
|
ماشاء الله ليه هو مو أبوه ؟؟:(
بعض الرجال عليهم حركات !!!:19: الله يعينك حبيبتي حاولي تقنعينه بطريقه لطيفه عشان مايعاندك!!:( يعني ماتقدرين تجبرينه كمان ؟!:( اتذكر زوجي يوم رجعت عنده بعد النفاس يقولها لي بطريقه مزح انه ماابغى ازعاج اطلعي انتي وياها ناموا برى قلتله أذا انا مضايقينك اطلع انت من الغرفه انجرحت من الكلمه بغيت ابكي :rolleyes: وقعد يضحك عليه ويقول كمان ليش ازعل!!!:( |
اقتباس:
انه في بيت اهلي..انه اقصد بعد النفاس |
اقتباس:
بعد شاسوي حكم القوي على الضعيف..اي والله عليهم حركات..يعني اللي اعرفهم ما قط سمعت وحده ريلها قالها روحي رقدي بروحج..من جذي وايد حازه في نفسي..يالله الله كريم.. |
اقتباس:
انه الحمدالله طايعته..وما عقدت الامور هو اللي معقدها.. |
| الساعة الآن 08:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©