|
ما رأيكم في الرجل طويل اللسان !!
ابغى اطرح مشكله هاااامه واتمنى اجد حل مناسب ؟؟؟؟
لو كان الرجل دائما طويل اللسان مع زوجته مع انه طيب وافعاله طيبه بس لسانه جدا طويل كيف تقدر تغيير من اسلوبه الحاد اذا كان مضايقها جدا :25: شو رايكم انتو في حل وشو راي الاخصائيين بالمنتدى ؟؟؟؟؟ |
والله يختي انا سمعت جمله
الألسنه مغاريف القلوب ما ادري كيف طيب ولسانه طويل؟ الا اذا قصدك انه يتصرف بصبيانيه ... يعني يسب كأنه بزر عمره خمس سنين فممكن انه فعلا مايقصد شي ولكنها تربيته عموما اللي زي كذا يجي بالطناش . خليه الين يخلص الاسطوانه حقته ولا تتأثرين بالسب اللي يقوله اما لو هو يقولها ومقتنع فلا بد من وضع حد طبعا مايصلح تتلاسنين معاه لأنه هذا بيزيد الطين بله بس تصيرين جافيه معاه كلمه ورد غطاها ونشفان في التعامل .. واي سؤال عن السبب قولي والله الين تتعلم تحترمني انا كذا لو اتعامل معك كذا بتكرهني انا اطالب بالإحترام زي ما انا احترمك خصوصا اذا قدام العيال يصير هالملاسن والله مصيبه وحده من جاراتي كذا زوجها وقدام العيال فترفع صوتها شوي عليه وتقول له تأسف عالكلمه اللي قلتها فينحرج ويتأسف وتقوم على طول وتخليه مايكملون نقاشهم ... مره ورا مره صار من جد يتفشل قدام بناته وصار ع الاقل مو قدامهم يسبها وهي صارت مره جافيه معاه وهو يعصب يقول تحمليني ما اقصد طيب علم نفسك تنقي الفاظك ... لا عاد تسب .. اذا عصبت اصلا لا تجي تتناقش اهدا اول بعدين كلمني متعبين اللي كذا بالمره الحل الأفضل اشوفه مع الطناش ... انه تتفقون ما تتكلمون وقت الزعل ابدا واذا جا يتناقش انتي قومي وخليه وقولي له علشان مصلحتنا نأجل النقاش علشان لا نندم على شي بعدين ومنها تقليل الاحترام |
معليش ماعندي حل نهائي لكن اتوقع الطناش
لاترد عليه ابدا يمكن لحاله جات فتره على زوجي يتلفظ علي يفكر انه رح يستفزني فرح ارد عليه واعمل مشكله والله يقول كل كلام الاطفال مابدي اذكر الشتايم انا ولا هنا احيانا اقوله على فكره السب يلف ويرجع لصاحبه انت مابتسبني بتسب حالك فتره والله الحين ولابسمع منه لا وازيدك مره كنت معصبه من ابني بزياده فقمت صرخت عليه انه خلص اسكت رح رمى الكبايه كسرها فمن العصبية شتمته الا وزوجي يقولي يشهق يقول ايش في انت شتمتيه والله عيب ماتعديها قلت في نفسي الله يرحم ايام زمان المهم بطل هالعادة وقف عنها عاد مابعرف اذا ممكن الطناش يفيد مع زوجك الله يوفقك ويسخرلك زوجك تحياتي |
هلابك اختي اذا صار يتكلم ناظري فيه وانتي ساكته وببتسامه اليييين يخلص الموووال وطولة السان واذا سكت قولي مشكور والله يعطيك العافيه على الكلام الى مثل العسل على قلبي ياحبيبي وكذا بيستحي من كلامه وبتعرفين في ملامح وجهه واستخدمي الطنااش طنشييي حطي في اذن طين والثانيه عجين :) اذا بينتي له انك تتضايقين من كلامه وتردين عليه بعصبيه -- بيزيد واذا بغى يرفع ضغطك شغل الموال بتاعوه الين يطفشك 00 ودمتي بخير |
صاحب الطبع لا يتغير
|
الزوج اللي لسانه طويل و سليط و زفر يقهر .. الحل يا اختي انك تتجنبي كل ما يثير غضبه .. ووقت ما يكون معصب لا تردي عليه بعد ما يروق اجلسي و صارحيه انك تعرفي انه يحبك و قلبه طيبه لكن كلامه يجرحك وانك بصعوبه تنسي الاساءه حتى لو ما بان في تصرفاتك لكن قبلك يكون شايل عليه وانت ما تحبي تشيلي في قلبك عليه .. بعد ذلك اذا صار موقف و قال لك كلام ما يعجبك قولي له الله يسامحك و امشي .. المسأله محتاجه لوقت على ما يبدأ يسيطر على اعصابه .. وقد يفيد او قد لا يفيد ويظل على طبعه همسه : حاولي انك تتأقلمي خاصه اذا كان زوجك طيب و يحبك .. |
صديقيني أختي أميرات أنا لا أحب إحباط الأخت لكن صعب جدا جدا تغيير طباع الناس. على كل هي لازم تحاول تغييره عله يتغير.
|
تكيفي مع الموضوع ...
و ابتعدي عما يثير عصبيته قدر استطاعتك ... ويمكنك كتابه قائمه بالايات و الاحاديث التي تحث الانسان على حفظ لسانه و عدم سب غيره .. و اهدائها بطريقه مؤدبه لزوجك . و الله الموفق .. |
اختى اعتقد ان كل رجل به ما يعيبه من الصفات و كذلك كل امراه
و انت لم تتحدثى عن مميزات زوجك و ساعتبر ان هذه من احد عيوبه تاكدى انه ان شاء الله مع التقدم فى العمر سوف تهدأ هذه العصبيه و نصيحتى لكى الا تحاولى اثاره غضبه و اذا وجدتيه عصبى ان تتجنبيه نهائى فى هذا الوقت و تقولى حاضر ثم تنتظرى هدوئه و بعدها تناقشيه بذكاء و من الوارد ان تقنعيه برايك ايضا عليكى بالدعاء ثم الدعاء ان يهديه الله و ربنا يهدي الحال ان شاء الله |
شيء جميل انكِ ذكرتي ميزة حسنة في زوجك قد يكون فيه العلاج ان شاء الله يجب عليكِ استغلال هذه الطيبه وحسن افعاله بتنبيهه بهذا العيب والمشكلة وان تختاري الاوقات المناسبة لذلك فمن الممكن ان تحلي مشكلة في زوجك من ميزة حسنة فيه والاهم ان تختاري الاوقات المناسبة لتلميح له بأن لديه عيب ويجب التخلص منه حتى لا يكون هناك شيء يضايقك فيه وتصفو الاجواء بإذن الله |
انا نفففففس الوضع
سب وشتم وتكسر وفججججأه ولو ماعملت الل يبغاه عنده استعددا يكسر كل شي براويز كاسات تحف اباجورات حتى التلفزيون لو ما هديت عليه كان كسر شاشته اجلس يوم ما اكلمه وتاني يوم ما اطبخ اخر شي جربته معاه رسلتله تبغى تسب وتشتم ! سب واشتم على كييييييييييفك ..... واجرك على الله المهم رجع ولا كأنه صار شي! انا بدي الرساله افهمه انه مو فارقه معايا اشوف يكررها ولا لا؟ وبعد كده طنااااااااااااااااااااااش لا غسيل ملابس لاطبخ ولا حتى اقرب منه عشان عرف انه انا ادميه اخدني من بيت محترم ولا حتى تطالعي فيه جربيها واتبع اسلوبه في الكلام يقوم هوا يحس انه انه هذه طريقة كلامه يقوم تفشل ابو 5 دقايق ويدورله مخرج؟! الله يكون في عوننا |
راح اجرب الطناش ونشوف يارب ينفع
انا تعبت جدا من طووووووووووووووول اللسان مهما كان الزوج طيب حبوب بس هذي مشكله لايمكن التمادي فيها |
صباااااااااااااح الخير ع الجميع اول شي كم صار لكم متزوجين ؟ وهل هذا الطبع فيه من يوم تزوجوا ولا طرا عليه بعد فترة ؟ ومتى غالبا يطول لسانه عليك .؟ وهل يحس بالخطاء والندم ولا عااااادي ولا تفرق معه ؟ ايش موقفه ؟ ثاني شي : خلي نية صافيه لله ولاجل تعشين مع زوجك كم امر الله وليش للانتقام لذا تك المجروحه والله سبحانه راح يساعدك وينوي لك اللي في بالك واستغفر ي كثير وادعي لاجل الله يفرج عنك انت حاولي اذا عصب عليك وبداء يغلط عليك في الكلااام قولي له: انا ماراح اكمل كلامي معك لانك تغلط علي ولا تحترمني وانا ارفض هذا الشي واذا غيرت اسلووبك معي راح نكمل موضوعنا ونوصل لقرار فيه واذا قال لك : كلمة ما عجبتك او قال : ايش فهمك ولا الحين اصبحتي تحسين وتزعلين من سبي لك او قال : اصبحتي تتفلسفين ردي عليه وبكل ثقه : رايك فيني لا يعنيني ! قولها بصوت كله ثقه وقوووه واحساااس عميق حتى تطلع من داخلك وترووح لداخله وتاثر فيه ,<<<جربيها ترى مفيده حتى لو ما نفعت من اول مرة راح تكون فيه نتيجه بعد ثلاث او اربع مراات وتالي صدي عنه وطنشيه تماما ولسانك يلهج بالاستغفاار وقوله الله يردك لي رد ا جميلاً وانصحك لا تهملي بيتك وواجباتك عشان لايشوفه حجه وما يجي يصالحك بالعكس سوي كل شي بس من سكااات وحسسيه انك زعلانه وردي ع كلامه بالقطااارة وخليك دايم متكشخه ونظيفه ومرتبه حتى تغريه وانت زعلانه عليه ومطنشيته هههههههه اذا ناداك باسم مايعجبك واولقب مو حلو ردي عليه برد يخليه يخجل من نفسه مثلا لو قال لك ياا.....ردي : هلا يا عمر وعيون .....وقلبها امر فديتك وفديك عيونك الحلووووة بس !بحب وصدق وحنان وخليه يبين ع عيونك وانت تطالعينه اجزم انه راااح يستحي من ردك وتالي يحسن اسلوبه معك ..:27: دايم قولي له واصل احترامك لي ! هذه بصراحه ما جربتها بس سمعت عنها من الاستاذ_ مريد الكلاب _ لانه يقول تجيب نتيجه وانت محتاجه لحل فجربي كل الحلول ولا تخلي شي يعتب عليك !:22: في لحظاااات الصفا بينكم وخلال الكلام قولي له ان في شي في خاطرك منه ...واسكت شوي وانك تحبيه بس هذا الشي جارحك وحاز في خاطرك وانت ما ودك تشيلين ع زوجك وحبيبك وقولي دايم ما تحسسني بالثقه وتهز ثقتي بنفسي ونزلي دمعتين حلوووين كذا وقولي له انت سندي بعد الله والجا لك لو احد غلط علي عشاان تكسره وتحمينه منه ,,,كبري راسه وحسسه انه وحش كاااسر يحميك وانت قطة اليفــــــــه :18: اشلون وانت تغلط علي ..... وسوي نفسك حزينه ودلووعه شوي خلي الدنيا عنده تلخبط مع شوية حركااااااااااااااااااات والباقي طبعا مشفر ـــــــــــــــــــــــــــــــــــ هذا يعوضك بعض الحنان اللي فقديته بسبب فقدك لاحترامه لك ودمتي متفائله وسعيده |
الماما تقول الي لسانه طويل يبي له قص :25:
آنا (لساني طويل) على قولة زوجي :d اعصابي بسرعة تحترق وتطلع نيران من عيني من كثر العصبية :25: وخلاص إذا بطلت حلجي للكلام ما اسكرهـ اظل اهدر واتكلم واصرخ !! وهو بصراحة الحقران بهذه الحالة يزيد الحالة !! ولكنك حاولي تهدأينه .. وتتغاضي عن الكثير من الكلام لأن الكلام كله ما يكون طالع من القلب يعني آنا اقول كلام ما اقصده وبدون تفكير ولا بقلبي شيء ,, بس لأني معصبة ابي انفجر واقول أي كلام :25: اهم شيء إنج تمسكين اعصابج , عشان لا تصيب البنزين شرارة ويصير انفجار كبير :30: يعني ردي عليه بكلام هادئ وحلو لما يهاوشج ويكلمج بكلام ما حبيتيه وكل ما عاملتيه بلطف وقت عصبيته , راح يحس بالخجل أكثر من نفسه وعصبيته وطيشه بالكلام .. وراح يهدأ بأسرع وقت بصراحة , العصبية وطول لسان مالها حل !! إلا إنج تتأقلمي مع الوضع لأن بعد ما يعصب راح يهدأ .. ويصير كل شيء اوكي.. لو الاقي حل للعصبية بس !! ما فادني شيء منها غير إن صادني الضغط على صغر سني !!! :29: |
اقتباس:
وقت الغضب لا تناقشيه لكن عاتبيه بكلمة مختصرة بوقت مناسب و الأهم صبرك على الموضوع العلاج يحتاج وقت كبير و طبعا الشفاء التام من الطبع هذا غير متوقع من شبّ على شيء شاب عليه ممكن يلغي من كلامه جملة محددة لكن يلغي كل الكلام صعب بالعكس ممكن يأثر عليكي و تصيري متله لما تغضبي تجي براسك كل الكلمات البذيئة لأنه اعتدتِ سماعها فإذا أنقذت نفسك من طول اللسان كويس و طبعا اطفالك لازم يعرفوا انه هالشي غلط حتى ما يكونوامتل أبوهم و الله يعينك اصبري لكن لا تيأسي من الحل |
اقتباس:
اقتباس:
غلاتي شوفي .. العصبية بحد ذاتها طبع صعب يلغى تماما لكن التعامل معها شي الواحد يقدر عليه انتي الان ما تقدرين تتحولين من وحدة اعصابها نار الى وحدة اعصابها بفريزر .. لكن تقدرين تتعلمين شلون تضبطين نفسك وكلامك وتصرفاتك وقت الزعل وهالشي طبعا يحتاج وقت طويل وصبر والاهم انك انتي من جواتك يكون عندك استعداد واهتمام بهالشي لان كثير ناس يدرون انهم عصبيين وان عصبيتهم تحرق مشاعر اهلهم .. بس مايحاولون يسوون شي .. لان بكل بساطة ما يهمهم الموضوع ولا تهمهم مشاعر غيرهم للحد الي يخليهم يتغيرون بالنسبة للشخص العصبي الدور الاساسي عليه انه يكون مستعد يعطي هالموضوع اهتمام .. والدور الثانوي على شريكه انه يساعده .. برود بعض الناس ناحية هالمشكلة شي يرفع الضغط |
يا غاليه جل من لا عيب فيه وعلا كل منا بعيبه وسبحانه جل في علاه من انفرد بالكمال وثقي انه لا يوجد مشكله ليس لها حل في هذه الحياه وزوجك ان كان لسانه بذيء او يكثر السباب والشتائم فانتي من تستطيعين تقويم هذا السلوك فيه بما يلي اولا تجنبي مواطن غضبه فمواطن الغضب تدفع البعض لردات فعل سلبيه جدا ومنها السب كما في زوجك وحتى ان كان غاضبا حاولي امتصاص هذا الغضب كي لا يفلت لسانه واعلم ان الامر قد يكون قاسيا عليك بعض الشي ولكن يا غاليه دوما الثمار الحلوه لا نجدها الا بعد طول صبر وجهاد فحاولي واصبري واحتسبي الاجر ن الله ثانيا كلما رأيتيه يسب او يلعن ذكريه بالله قوليله قول لا اله الا الله وصدقيني شتان ان يجتمع ذكر الله وذكر اي شي دونه في غم انسان فيذكر الله فتهدأ نفسه ويخجل ان يسب بعد قول الله ثالثا والأهم جلسات المصارحه في لحظات هدوءه وطيب نفسه تٌجني ثمرات عظيمه حاولي ان تذكريه بان الرسول صلى الله عليه وسلم لم يكن فاحشا ولا بذيئا وان خلق السباب والشتام من اخلاق الفاسدين ذكريه بالله وقوي النزعه الايمانيه في قلبه وان كان لديكم اطفال ذكريه بهم وكيف لن يسمعوا مثل هذا الكلام اختي الكريمه احمدي الله عز وجل ان مشكلة زوجك ليست بالعسيره وما اخذه بالاكتساب من سب ولعن يندثر باكتساب اخر بديل وافضل ولكن هنا ياتي دورك وهمتك في صلاح زوجك كزوجه مؤمنه اسال الله ان يعف لسان زوجك ويهديه للحق |
ردود كل الاخوات اسعدتني لكن مشكله اللسان الطويل والتسلط في الكلام تجرح جدا لو كان الشخص يستحملها 24 ساعه لا يحس بها الا من جربهاااااااااااااااااااااااااااااااااااااااااااااا اا
|
ممكن يكون لسانه طويل بس على نياته وقلبه ابيض وبلسانه يظهر مافي قلبه
وعلاجه التطنيش وعدم الرد عليه وعند محادثته اجعلي لسانك قصير فيستحي ولاتنسي الدعاء له ولك |
| الساعة الآن 09:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©