|
أحترت في التعامل مع زوجي وأريد رايكم
السلام عليكم ورجمة الله وبركاته
انا في اكبر حيرة مرت في حياتي هل انا متذمرة ومتكبرة على ما أنعم الله علي ام اني مظلمومة وحقي مسلوب ام غبية لا اتقن ادارة الامور ام ضعيفة لا استطيع ان اجابة قصتي وباختصار انا امرأة عمري22 تزوجت من 8 سنوات برجل يكبرني ب43 سنه كان صاحب والدي امي وابي حاولا اقناعي وانا فتاة 14 عام واقتنعت وفعلا تم الزواج وبعد سنتين بدات المشاكل بينه وبين اهلي قطعني عن ابي واخواتي 4 سنوات رزقت خلالها بطفلي عبر عملية طفل الانبوب ولله الحمد اصبح عمر طفلي سنة و9 اشهر ولم يراه ابي الا من 3 اشهر عندما قرر زوجي ان اصالحه طبعا كنت على صلة مع امي أما اخواتي الى هذه اللحظة لم اراهم مع العلم انها كانت مشكلة عادية وتحصل في كثير من العائلات ومن شهر تقريبا بدأ زوجي يتكلم في امور تشيب شعر الراس بأن ابي وامي يريدان ان يقتلوه من اجل الورثة وان امي تعمل له سحر وتضعه عندنا وانها تضع له الحبوب في الدرج كي تقتله وانهم يردان ان يجعلوه مجنون حتى يصبح ابي هو الوصي علي اشعر ان قلبي يتقطع وانا اكتب هذا الكلام ولكن هذا الواقع الذي اعيشه اما جوابي على هذه الاتهامات لم يكن الا السكوت كانت صاعقة بالنسبة لي ولم اعرف كيف اتصرف قلت له طيب انا بروح عند اهلي مشان ترتاح قال مو حل يلي بدو يقتلني وحاطط ببالو بيبعت اي شخص وبيقتلني قلت ليش نحن عايشين بالادغال والناس بتاكل بعضها قال ايه اهلك طماعين وبدوهن مصاري ويلي بفكر بالمصاري والمادة مستعد يقتل اي شخص مع انه والله اهلي ما بفكرو بهالطريقة ابدا بالعكس بس بدوهم راحتي المهم لما قلتلو انا رايحة عند اهلي وانت طلقني واتجوز وحدة تانية تريحك ما خلاني امشي وانا خايفة اطلع من البيت بدون رضاه ورب العالمين يغضب علي والملائكة تلعني سامحوني عالاطالة بس والله مافي مين فشلو قلبي ويعطيني نصيحة صادقة في شي تاني كمان ما في بيناتنا اي علاقة زوجية من اكتر من 3 سنوات واذا صار فهي علاقة غير مكتملة اكيد فهمتو علي وهو بقول انو السبب فيني لانو اخر مرة رحت فيها عند الطبيب قال انو فيني شوية التهابات وهو خايف اني اعديه مع اني اخدت الادوية وقلي الطبيب انه اغلب النساء بتنصاب بهي الالتهابات ومشان هالسبب انه مافي علاقة بيناتنا لجات لطفل الانبوب في شي كمان من حوالي 6 شهور قررت تابع دراستي حتى ملي وقتي ووهو وافق ورضي ولما شافني جدية بالموضوع وعم اسهر حتى ادرس منعني وقلي انا ما بدي دراسة ابدا التفتي لابنك وبيتك مع العلم ما كان في مني تقصير وسمعت كلامه وطبعا ما بخليني روح اي مكان عند اهلي طبعا وبدون جدل ممنوع عالسوق ممنوع عند رفيقتي ممنوع بقلو اذا مو مشاني مشان ابنك ما بيرد وهو اذا كان بالبيت مستحيل يكون معي وعم نحكي مع بعض متل اي زوج وزوجة لا على طول نايم واذا ما اجا نوم بياخد حب منوم لينام ما بيروح عالشغل الا كم يوم بالاسبوع وباليوم بس ساعتين وباقي اليوم كله كله اما نايم او بالفرشة نحن احوالنا المادية ميسورة ولله الحمد حتى اهلي الحمد لله احوالهم منيحة انا ومتل ما ذكرت الصفات السيئة ضميري بيفرض علي اذكر الاشياء المنيحة متل انو هو كريم على بيتو بس انا ما بيعطيني مصروف خاص واذا طلبت بيرفض سامحوني عالاطالة بس هي قصتي وبتمنى من اي احد قرا موضوعي يرد شو اعمل شو يلي بيرضي رب العالمين بعملو وبدون تردد وبصراحة انا ما بدي صالحي انا بدي صالح ابني وراحة ابني ابني هو اهم من كل الكون ويلي في مصلحتو انا مستعدة اعملو نسيت شيئ هو طلب مني قاطع امي وابي بس بالتدريج يعني استقبلوهم بوش ناشف وغير فنجان قهوة ومافي واكتر من ساعة يشوفوني مافي وعلى فكرة زوجي مالو حدا غير اخ وما بيحكي هو وياه واختين عاجزتين يعني امه وابوه ميتين يعني مافي حدا ينصحو على فكرة لا تضحكوا علي بخلط الفصحة مع العامية بس استرسلت بالموضوع على فكرة زوجي مو متزوج من قبل ب كان عندو علاقات كتير ومو تارك بلد الا زايرها طبعا كلو قبل ما يتزوجني |
يا مايا يا أختي .. اول شي ترا المنتدى حتى لو دخل الزوار وقرأو رح يحسب دخولهم يعني لا يدل عدد القراءات على تفاعلنا مع موضوعك
انا بصراحة مصدومه من "بيعة" ابوك لك لصاحبه ! يعني زوجك الآن عمره 65 سنه وانتي 22 ! بعمر جدك بالتمام والكمال.. طيب تحملتي كل هالسنوات وتعودتي على طبعه .. والآن هو في أرذل العمر وحالة ضعف وعلى حسب كلامك ماله حد بالدنيا إلا انتي وابنه .. ليش ما تطيعيه وتكملي معروفك بالصبر عليه ؟ |
وش تطيعه يا اختي الله هداك :29:
في قطيعة امها وابوها لا يا اختي كل شيء الا انك تقطعي اهلك والله يهون عليك ها العيشة |
أسأل الله أن يجعل لك من كل همِ فرجاً ومن كل ضيق مخرجاً
وأن يؤلف بين زوجك وأهلك.. فيا أختي بارك الله فيكي عليك بالدعاء.. الدعاء .. الدعاء.. أتهزأ بالدعاء وتزدريه وما تدري بما صنع الدعاء؟ سهام الليل لا تخطي ولكن لها أمد وللأمد انقضاء ما أجمل أن تنصبي قدميك مصلية لله في آخر الليل, ثم تهوي للسجود خاشعة ذليلة, ودمعتك تنساب على خديك, ثم تناجي ربك بصوت خافت ذليل.. فإن الرب أقرب ما يكون من العبد وهو ساجد. فأكثري من الدعاء وألحي في الطلب, فإن الله تعالى حيي كريم يستحي من عبده إذا رفع يديه أن يردهما صفراً خائبين. |
شكرا على ردودكم جميعا ما قصرتو
|
والله ياختي مش عارف ايش اقولك بجد تاثرت الله يكون بعونك
انتي بنت صغيره بعمر الزهور لسا ماشفتي من الدنيا شي الله يصلح بالك |
في شي تاني كمان ما في بيناتنا اي علاقة زوجية من اكتر من 3 سنوات واذا صار فهي علاقة غير مكتملة اكيد فهمتو علي وهو بقول انو السبب فيني لانو اخر مرة رحت فيها عند الطبيب قال انو فيني شوية التهابات وهو خايف اني اعديه مع اني اخدت الادوية وقلي الطبيب انه اغلب النساء بتنصاب بهي الالتهابات ومشان هالسبب انه مافي علاقة بيناتنا لجات لطفل الانبوب
في شي كمان من حوالي 6 شهور قررت تابع دراستي حتى ملي وقتي ووهو وافق ورضي ولما شافني جدية بالموضوع وعم اسهر حتى ادرس منعني وقلي انا ما بدي دراسة ابدا التفتي لابنك وبيتك مع العلم ما كان في مني تقصير حبيبتي فهمت عليكي حرف حرف عمر زوجك من عمر زوجي حبي هذا اللي ياخذ اصغر منو هيك يصير فيه يجن ويجلس يفكر انو رح يموت وهي بعدها صبيه وعندها ورث ورح تتزوج من بعدي حبيبتي مهما قلتي له خلاص ما يقتنع انا زوجي طير كل شي المال طاار ولكن ما يقدر يطيرني اذا مثل ما تقولي حيات ابنك اهم شي عندك اقول لك اصبري لانك حتشوفي كتير بعد منه انه ارذل العمر حاولي قدر المستطاااااااع انو تاخدي كلامو بروح النكته طنشي اعملي اي شي اشغلي نفسك فيه وقصة الالتهابات حجه ليخفي بها عيوبه ويقول العيب منك انتي مريضه كلامو طبيعي جدااااااااااا وليس طبعا ما يقوله صحيح انه العكس تماااااااااااااما رح اتاااااااابع معك ولكن يمكن اليوم انشغل اعذريني ولكن انا معك خطوه خطوه اكتبي وفضفضي ونلاقي مليون حل ترا انا ام الحلول ربي ييسر ويفرج همك كوني متفائله وما تقولي انك سلبيه رااااجعه انتظريني ومني قبله على خد الولد ابنك الله يحفظه يارب |
ما ادري اش اقول
الله يفرج همك ويصلح حالك |
عمره الآن 51
وليس 65 |
اقتباس:
لا يا اخي عمره 65 اقرا جيدا المشكلة |
شكرا على ردودكم وهو بالفعل عمره 65 بس والله انا مو مدايقني هالفرق الكبير
يلي مدايقني حكيو عن امي وابي وانا بعرف انهم مظلومين انا ما بدي اتخذ اي قرار يكون بصالحي بس ضد ابني وابني عندي اهم من نفسي بس والله تعبت حابة ادرس حابة شوف شوفي برا بالدنيا انا وابني ما بنطلع من البيت الا نادرا كلشي ممنوع ادرس اطلع شوف اهلي رفقاتي والله تعبت اي شيئ بصير بالبيت ولو انكسرت كاسة بقول اهلك عاملين سحر وبنفس الوقت مو جاية من قلبي احمل حالي وامشي واتركو مع اختين عاجزتين مع انو في خدامة تخدمهوم بس اكيد انا غير وكل يوم كنت عم صلي استخارة بس ما عرفت شو ساوي بدي اراكم نصائحك لاني عنجد تعبت كتيييييييير |
اختي مايا
قرات موضوعك اكتر من مرة ... الله يصلح اهلك وزوجك ويصلحنا جميع !! ما عندي حل لموضوعك .. خليكي مع تيتا جرين ... هي متخصصة في المواضيع الصعبة جدا ، وعندها اقتراحات واساليب ما بتخطر على بال حد ، ربنا يقويها يا رب :) حبيت بس ابدى مساندتي لك والله يوفقك ويعينك على حملك . |
استغرب من اللي يقول اصبري وتحملي؟! سبحان الله من تكون اللي كاتبه المشكله بنت اغلب الردود تكون اصبري وتحملي وادعي؟؟!! ياخواني هذي مب حلول نهائيه لاي نوع من المشاكل.. هذي اشياء يجب القيام بها الى جانب البحث عن حل جوهري !..
اختي ايش موقف اهلك من وضعك؟ هل سيستقبلونك لو تطلقتي؟؟ هل سيهتمون بابنك؟؟ ايش الشهاده اللي معاك وهل تقدرين تتوظفين وظيفه تعيشك ؟؟ كيف القانون عندكم في بلدكم هل تقدرين تاخذين حضانة الولد وتحصلين نفقته بسهوله؟؟ وفي النهايه هل عندك مشكله في ان زوجك لا يقربك من ثلاث سنين؟ يعني تقدرين تتحملين تكملين باقي العمر بهالشكل ولا عندك رغبه وكابحتها؟؟ جاوبي على اسألتي وانا اقولك وش رأيي.. |
اقتباس:
والله ميته ضحك حبيبتي صحيح عندي حلول للمواضيع المستعصيه ميااامي امس كتبت موضوع ثلاث مرات ويختفي قبل ان ادخله ما في نصيب كان مجنني حبيبتي اول شي انتي ضعي براسك انك تريدي رضا الله سبحانه وتعالى ومن ثم اصري على الدراسه ورج يرضخ للامر الواقع لا محال ومن ثم ما تااااخذي على كلامو والله مش كل كلمه يقولها يعني صح هو يريد احباطك ويغار منك والدليل بدل ما يعترف بضعفه الجنسي يقول انتي عندك التهابات ويخاف على نفسو قولي كلمتك ولتكن حاسمه معك وقت لزومها اوقفي وما تخافي رب العالمين معك ثم ليس هو فقط بين يديك وايضا اختان له في نفس المنزل الله يقويكي انتي وقت توقع على الارض الكبايه ووصوت عالي اصرخي بسم الله الرحمان الرحيم خليه يخاف ووقت يقول سحر قولي له سحر القلوب ما تخليه يتكلم على امك وابوكي ابداااااااا لا صالح ولا عاطل واصري على اخذ الولد مشواااار ولو مرتان باليوم يقول اليوم لا غدا سيقول نعم اكتبي وان شاء الله اكون معك خطوه خطوه ولكن هاليومان شويه مشغوله بالحفيده دحيل عينها سؤال انتي باي بلد لان كل بلد وله عوايده اللي الوحده ما تقدر تتخطااها الحمد لله رب العالمين انو كريم معك ما هم بهذا العمر يخافو ينقطع الاكل من الدنيه وما همهم الا شراء الاكل وبالشكر تدوم النعم اللهم لك الحمد والشكر |
اقتباس:
كرا على ردك وبالنسبة لموقف اهلي هنن خايفين علي وما بدهون يجبروني على شيئ ان بقيت معو او رحت لعندهم مطلقة هنن دائما بقولو وين بتلاقي راحتك نحنا جاهزين وخصوصا بابا ندمان اشد الندم لانو مفكر انو هو سبب هالشيئ كلو وهنن اكيد بيقبلوني اذا تطلقت وابني بموتو علي خصوصي ماما بتحبو اكتر مني وانا متاكدة من هاد الشيئ ما معي شهادة غير اعدادي واكيد ما بتوظفني وظيفة لايقة بس انا بدي وباذن الله تعالي ادس لاخد الشهادة الثانوية وبعدها فوت عالجامعة وادرس كمبيوتر ولغة انكليزية انا هيك حاطة ببالي بس زوجي لما شافني هامة عالدراسة انفعل كتير وقلي دراسة مافي ولو شو ماصار والقانون عنا بخلي الحضانة مع الام على ما اظن ليصير عمر الطفل 8 سنوات وبقدر حصل نفقتو بسهولة اما زوجي ما بقربلي من 3 سنوات فيمكن لو تنحل باقي المشاكل مارح اعتبرها مشكلة ومستعدة اصبر اكيد كل انسان عندو رغبة والا ما كان تزوج من الاصل مجبورة اني اكبحها لاني ناوية بقلبي حتى لو تطلقت ما اتزوج لربي ابني انا بانتظار رايك اعتبريني متل اختك |
اقتباس:
وهو مستحيل يخليني اطلع برا البيت ولو مر شهر كامل بقول الدنيا شتا وين بدك تروحي وعم تقليلي اخدو مرتين انا قبلانة مرة بالاسبوع بتعرفي لليوم بيكون ابني ما طلع برا البيت 3 اسابيع وانا اسبوعين والله احيانا بحكي مع حالي بحس رح طق مافي مين احكي معو انا كنت قول متلك قبل ما جيب ابني اليوم عم يقول لا بكرة بقول نعم بس طلع كلو بالعكس حتى هو تغير معي كتير بالاخير بقلك الله يخليلك اولادك وحفيدك وان شاء الله بتشوفيها عروس |
الله يصبر قلبك يا مايا....
ليس لدي إلا الدعاء لك.... |
شكرا
|
الله يصبرك ، و الله إنك طيبة ماشاء الله و حبوبة
أختي ،، كلام الأخت جرين ، حلو .. و أظن بتفيدك أكثر مننا .. و الله يسعدك دنيا و آخرة و يخلي لك ولدك |
انا متابعه معك شوفي رح احط النقط فوق الحروف
ابنك لازم يخرج من البيت يصير معه اكتآب نفسي ويطلع معقد وانتي تريدي مصلحة ابنك اوولا واخيرا يعني عنا نقاط مشتركه انا وانتي تصدقي اولادي كانو يخافو من الليل اذا ذهبنا بالليل كانت البنت تبكي من الخوف (اصبحت ام الآن شايفه كم حاربت وصبرت ) انتي تقولي انهم مالهم غيرك يعني اذا عملتيها زعله كام يوم لعدة مطالب رح تربحي وترجعي معززه مكرمه الآن انتي صابره مثل ما فعلت وقت كانو صغار ولكن سيكبر ابنك وسيتكون له مطالب وايضا لازم يتعرف على الدنيه والمفروض تعلميه انو يختار ثيابه والالعاااااااب مثلا وقت تكوني بالسوق وتريدي شراء شي له لازم تخيريه اي اجمل هذه ام هذه ؟؟؟ ماذا تحب هذه ام هذه ؟؟؟ شوفي حبيبتي زوجي وزوجك عم يكبرو ويصير عندهم مليون مرض ونحن شغالين ممرضات واطباء ولا نبغي الا رضا الله سبحانه وتعالى ولكن اللي رح يفضل شغااااااااااااال فيهم لسانهم الطويل كل النهار لا وغلط وانتي مريضه بالقلوب القصه حاسين نفسهم شباب ونحن العواجيز ابني الله يحفظ لك ابنك قال لي :ما نحنا عم ناكل البهدله نفسها اذاعملنا اللي نريدو او لا هو نفسو المشكل لذلك خلينا نعمل اللي يبسطنا ومشكل ويعدي صدقا انا اعملها ولكن لا ابين لابني حتى ما يتمادا لا سمح الله بالغلط ويقول علقه وتعدي ودايما احذره ان رب العالمين شاهد على افعالنا لا نريد غضب رب العالمين كسر خاطري من يومان انا مع اخته في المشفى وهو سايح بالشارع ناطر رجعتي ليعود للبيت حبيبتي اليوم زوجك 65 وغدا رح يصير سبعين والعمر يصير اصعب ولازم انتي توقفي لحقوقك ولحقوق ابنك لازم احيانا تكون حدة كلامك فيها نبرة قوه وثقه بالنفس ونوع من التهديد المبطن حبيبتي ممنوع منعا بااااااااااااتااااااااااااا التخازل فاهماااااني طالما انك قررتي انو تكوني لابنك وتربيه وتشوفي نفسك تدرسي انتي تريدي ان تحمي نفسك وتعتمدي على نفسك امسكي العصا من النصف لك وعليكي ام تزعلي اذا تاخرت عليكي بالرد يمكن انشغل شويه اليوم انتظريني وانا انتظرك اكتبي اكتبي اكتبي عندك طاقه من العطاء لا نريدها ان تنفذ اكتبي لندعمك ناطرتك يا قمر |
أختي الفاضلة زواجك من رجل يكبرك بكل هذه السنوات هو خطأك الكبير لأنه سيبدأ في الشك وهو في هذه السن و الإحساس بالوحدة و ان كل الناس حوله ضده. اعانك الله
|
بس حبيت أضيف نقطة علشان ننتبه كلنا :
( ليس منا من خبب امرأة على زوجها ) هي راضية و الحمد لله ،، فليه نقول لها زواجك غلطة ووووووووووو إلخ ؟؟؟؟؟؟؟؟؟؟؟؟؟ |
اقتباس:
ارفع قبعتي احتراما :) يا جماعة التيتا موسوعة لا تقولولي !! :) |
اقتباس:
والله الواضح من موضوعها انها مو راضيه !! |
اختي بما ان اهلك عندهم استعداد يستقبلونك انا اقول توقفين وقفه جاده وحازمه مع زوجك صلي قبلها ركعتين وادعي بدعاء النبي موسى ( واحلل عقدة من لساني يفقه قولي ) ما حفظت الايه كامله لكني كنت اقرأها قبل اي نقاش حاد واحس براحه..
تحتاجين معاه وقفه حازمه قولي له اهلي مارح اقاطعهم ودراستي بكملها واذا رفض ناقشيه اذا لم يقتنع ظفي عفشك وشيلي ولدك وعلى بيت اهلك.. وعند اهلك تحكين لهم كل شي بالتفصيل كيف هو معقد نفسيا ومتهم اهلك انهم ساحرينه وبيقتلونه وو.. عشان تكسبينهم الى جانبك قولي انا مستعده ارجع له اذا عطاني حريتي وخلاني اكمل دراستي ولا ترجعين ابد ابد الا اذا جلس مع ابوك جلسة رجال ووافق على كل شروطك هذا اذا عندك رغبه تعيشين معاه واذا ماعندك الرغبة اطلبي الطلاق فاذا زوجك لم يعفك يحق لك الطلاق ارفعي عليه قضية.. استخيري حبيبتي ترا القرار اللي بتاخذينه بتتحملين نتيجته باقي عمر زوجك اذا ربي كتب لك طولة العمر.. لا تنسين انه كل ما مر الوقت بيكبر بالعمر ..بتكونين انتي بالثلاينات وهذا عز شبابك وهو بالسبعينات ستصبحين كالممرضه وسيتزيد مشاكله وغيرته وقد يبدأ بالنسيان والصراخ ويعود الى اتهماته الخ الخ وانتي صغيره قد تنجرفين في طريق خطأ لا قدر الله.. طبعا لكي الاجر العظيم اذا صبرتي عليه لكن اذا ما رح تتحملين فالافضل الانسحاب الان .. اختي استخيري ثم استخيري ثم استخيري وادعي الله في جوف الليل انه ينير طريقك ويسهل لك الصواب ويعينك على قرارك.. |
اقتباس:
حاولت كتير بس مافي فائدة يعني ممكن يخليني اطلع لحالي بس هو لاء خوفا عليه من البرد او الحسد وكانو مافي غير ابني ماشي بالشارع بتعرفي اني حبيتك كتير وحاسة انك ورغم عدم معرفتي فيكي عم تفهميني اكتر من اقرب الاقارب اليوم يا تيتا فايقة وصدري دايق بشكل ما بيتخيلو عقل وانا عم اتذكر كلام زوجي مبارح تخيلي قلتلو انا مستعدة ساوي يلي بدك يا ماشوف اهلي حاضر قاطعهم على اساس انا وانت ما دخلك انت ما طلبت مني شي لانو هو عم يقلي قاطعيهم مو انتي خايفة على زوجك جابهيهم قوليلهم الحقيقة انتو بدكم تقتلو زوجي وعم تجو لعندي تاكلو وتشربو وتعدو خليهم يعرفو انك بتدافعي عني قلبي عم يتقطع على ماما بحسها مسكينة بس بدها رضا وهو بقول عم تعملو سحر وبدها تقتلو وقلي كمان لا تاخدي شي منها ابدا لانها كل ما بتجي بتجيب لابي اما بيجامة او العاب اوتياب منعني اخذ اي شيئ المهم والله وافقتو على كل شي وقلتلو حاضر متل ما بدك بس الا رجاء صغير ولا تعتبرو طلب بطلب او تهديد لا سمح الله بدي كمل دراستي واذا بيوم قصرت عليك او على بيتي وابني حاسبني رفض قلي اول شي تركي هالموضوع هلاء قلتلو يعني بلش وما بتحكي شي قلي لاء قلتلو يعني رح تخليني او لاء قلي لا دراسة ما بدي مع العلم اني رح ادرس بالبيت وما رح اطلع اي مكان لادرس في متل معهد مثلا رفض والله رفض كل شي لاء قلتلو خليني اخذ ابني نص ساعة جيب كم غرض للبيت وارجع رفض ودار ضهرو وكانو محدا عم يحكي معو وقلي مو لازمنا شي هاد يلي صار معي وكل يوم نفس اليوم يلي قبلو الحمد لله مو اعتراض بس والله الروتين بيقتل ما بعرف بس بعرف اني تعبت نفسيتي تعبانة والله احيانا بطفي الاضوية كلها وبقول هي القبر وبحكي مع حالي الحمد لله الحمد لله انا ما بدي اعصي رب العالمين بكلامي وما بدي اعترض على حكمو بكفي عطاني نعمة حلمت فيها 6 سنين ورزقني ربي احلى واغلى شي هو ابني يلي مستعدة ضحي بحياتي كرمالو وكرمال هو يعيش امن ومستقر بدي رايك يا تيتا غرين وشكرا لكل مين واساني بدعوة او نصيحة |
اقتباس:
طلعت ودمعتي على خدي وعم قول حسبي الله ونعم الوكيل استخرت رب العالمين كتير لاخر يوم كان عندي صلات وشفت منام غريب ما عرفت فسرو انشاء الله خير كل يوم كنت قوم من النوم قلبي مقبوض ما اعرف السبب قلتيلي خلي يكون في جلسة بين زوجك وابوكي اصلا زوجي حاطط السبب كلو على اهلي وما بدو يشوف اهلي ابدا خايفة من يلي قلتي انه كل ما مر الوقت بدها تزيد الامور تعقيد انا مستعدة لاي شي والله بس يكون رب العالمين راضي عني وانا اذا صار ورحت عند اهلي ما رح اتحرك حركة باذن الله تعالى قبل ما احسبها هل بترضي الله ام لاء والله اعلم بنيتي مو موقفني عن اخذ القرا الا خوفي من الوقوع بالغلط لا قدر الله النفس امارة بالسوء مشان هيك عم حاول اقنع حالي انه ما في حدا بستاهل حبي وحناني واخلاصي الا ابني وبدي شيل فكرة الارتباط باي رجل بالعالم من بالي لاني رح اخسر اغلى شي بحياتي وهو اولى من اي انسان شكرا لنصاحك وانا بانتظارخ وعنجد رب اخ لك لم تلده امك |
تيتا غرين حيرتني كلمتك امسكي العصا من النصف لكي وعلكي ما فهمت شويعني يا ريت تفسريلي يعني ابقا وجابوهو او روح واتوكل على الله لا تقولي عني مخي سميك بس والله من كتر الهموم انشل تفكيري
|
أختي البحلة
أنا ما قلت إنها تسكت عن حقوقها ، بس نفس الوقت .. ما نقول لها ( اتركيه ) .. _________________ أختي .. نحن ما نبغاك تتطلقي ، بس نبغاك كمان ما تسكتي على نفسك .. يعني هو بحاجة لك ،، و لو قال لك الباب يفوت جمل ، قوليله طيب .. 1 - دراستك ، راح تنفعك إنت و طفلك .. ما تعرفي إيش يخبي المستقبل ؟؟؟؟ و إنت شهادتك إعدادية ، و العمر أمامك طوييييل إن شاء الله زميلتي حالتها المادية صعبة ، و السبب إنه أبوها تزوج أمها و نفس حكايتك إنت و زوجك و يوم توفى الوالد الله يرحمه ، أمها ضاعت و تشردت مع عيالها و أمها ما عندها شهادة و صغيرة و تزوجهاا زوجها و كان كبير في العمر .. فمافيها شئ تدرسي و تتعلمي برأيي ،، بس يمكن بيغار عليك زوجك ؟؟؟ 2 - اتهامه لأهلك ، ليه إنت تراعي أخواته و هو ما راعى أمك و أبوك ؟؟؟؟؟ احسه يبغى يدفنك في الحيا ..!!! 3 - عجبني فيك إنه كل شوي تقولي ( أهم شئ عندي رضى ربنا ) .. الله يرضى عليك إن شاء الله ،، و يرضيك يارب باللي يريح بالك 4 - شوفي إيش اللي لك و إيش اللي عليك ؟ و مثل ما قالت الأخت جرين ، أمسكي العصاية من النص |
زوجك يغار عليك جدا بما انك صغيرة و لا يريدك ان تواصلي دراستك خوفا من ان تتعرفي على أحد في المدرسة ويعجبك
ليش ما تولدي اخوة لولدك العزيز بنات و اولاد؟ و تعيشي معهم الله يصبرك و يهدي زوجك اجرك على الله |
اقتباس:
واما اني كل شوي بقول مابدي الا رضا رب العالمين صدقيني مو بس عالنت بكل لحظة بقلبي وربي شاهد علي اني مابدي اعمل شيئ يغضبو لانو متاكدة انه رح يعود علي بالضرر والندم ودايما بدعيه يسرلي الخير لو مهما كان انا ايقنت تمام اليقين انو اي طريق مهما كان حلو نهايتو وخيمة اذا كان رب العالمين مو راضي عنو مشكلتي اني ما بعرف يلي الي ويلي علي ضايعة ومشتتة بدي ارضي الكل بس ما عم اقدر نفسي ارضي ماما وبابا وزوجي والدنيا كلها بس مستحيل يعني ليش حدا على حساب حدا زوجي مصر انو اهلي بدوهم يقتلوه ومصر اكتر انو سبب طلبي اني روح لبيت اهلي انو اهلي بدهوم يعملولو شي وانا بدي احميه يا ربي ما كون انا فوتلو هالفكرةبس هيك عم يحكي |
أنا أخاف أقول شئ ، و يكون ( وزر ) علي لا سمح الله ..
بس أنا بأقول الشئ اللي راح أعمله لو كنت مكانك .. أول شئ ، بما إنه كل شئ ( لصالحك إنت ) .. و بما إنك ما بتطلبي شئ ( مخالف للدين إن شاء الله ) .. إنت طلبتي فقط ( العلم + صلة أمك و أبوك ) .. لو مكانك ،، بأحاول أقنعه بالشيئين هذولا ،، ثم أعمل نفسي زعلانة .. و إذا قال لي الباب يفوت جمل ،، أقول له طيب ،، دامك إنت اللي بايعني .. فأنا رايحة عند أهلي .. ( هو طبعا ما راح يستغنى عنك ، لإنه هو الخسران في كل الأحوال ) .. و بعد كذا ،، راح يرضى إني أكمل تعليمي و إني أتواصل مع أمي و أبوي .. أصلا مين اللي زوجك له ؟ مو أبوك ؟؟؟؟ لو بيسحروه ، كانوا سحروه من زمااااااااااااااااااااااااااااااااااان .. بس خليه يشيل الوساوس هذه من راسه .. لا سمح الله ، لو مات .. و الموت حق .. فرضا بعد 10 سنوات أو 5 سنوات .. إنت إيش بيكون مصيرك ؟؟؟؟ و إيش بيكون مصير ولدك ؟؟؟؟ لا شهادة و لا تعليم ؟؟؟؟ الفلوس ما راح تدوم من غير شهادة ،، |
زي ما اتفقو جميع العضوات لا تتنازلين عن دراستك.. بعد عمر طويل بتندمين, وماتعرفين الدنيا وش مخبيه.. حتى لو وصل الامر الى الذهاب لبيت اهلك بدون علمه حتى يرضخ للامر الواقع.. مابي اخوفك بس العمر يجري والدنيا تخوف
|
اقتباس:
|
اقتباس:
|
ماطفح الكيل
لو انا كان من زماااااااااااان حطيت حد للمشكله انتي اهملتي لموضوع علاقتكم كثيييييير وسكتي لتجريحه لك ولاهلك !!!!!!!!!! الئ متئ علحالل هذا !!!!!!!!!! حطي حد ؤاجهيه اذا تهم اهلك وااجهيه بحقؤقك اتجاااهه قؤلي احترمتواحترمت لكن ماوجدت مقاااااابل بيجيء يؤم وتنفجري وتقؤلي علي وعلئ اعدااااااائي الاهم واجهيه وروحي لاهلك اذا ماوجدتي حل معه لمتئ علئ هالحال بعدين ترئ كل ماكبر ولدك مو بصااااااالحه يعيش ببيئه متوحده لاطلعه ومشاااكل بلبيت ارجوك ابحثي عن الحل بجمييييييع الطرق وعليك بلدعاااااااء ؤتفريج همه اتوقع زوجك يبيله يتعاااااالج من الؤسؤااااااس الي عنده . الله يفرج همك . |
اقتباس:
بس يلي اكلة همو وقت بدي ارجع راحت معي اسبوعين كمان بعرف انه زوجي بدو علاج ومعو وسواس من اهلي على فكرة هو طول اليوم بياخذ ادوية اكتئاب وحبوب مشان ينام وينسى همو كتير بزعل عليه لما ينام طول النهار وطةل الليل وبنفس الوقت بزعل على حالي وعلى ابني بتسأل معقول رب العالمين غضبان علي مشان هيك الهم ما عم يروح مني وبصراحة هو خوف اكتر من هم خوف من شو ما بعرف |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©